| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੬. ਸੁਰਾਪਾਨવਗ੍ਗੋ
6. Surāpānavaggo
੧. ਸੁਰਾਪਾਨਸਿਕ੍ਖਾਪਦવਣ੍ਣਨਾ
1. Surāpānasikkhāpadavaṇṇanā
੩੨੬. ਸੁਰਾਪਾਨવਗ੍ਗਸ੍ਸ ਪਠਮਸਿਕ੍ਖਾਪਦੇ – ਭਦ੍ਦવਤਿਕਾਤਿ ਏਕੋ ਗਾਮੋ, ਸੋ ਭਦ੍ਦਿਕਾਯ વਤਿਯਾ ਸਮਨ੍ਨਾਗਤਤ੍ਤਾ ਏਤਂ ਨਾਮ ਲਭਿ। ਪਥਾવਿਨੋਤਿ ਅਦ੍ਧਿਕਾ। ਤੇਜਸਾ ਤੇਜਨ੍ਤਿ ਅਤ੍ਤਨੋ ਤੇਜਸਾ ਆਨੁਭਾવੇਨ ਨਾਗਸ੍ਸ ਤੇਜਂ। ਕਾਪੋਤਿਕਾਤਿ ਕਪੋਤਪਾਦਸਮવਣ੍ਣਰਤ੍ਤੋਭਾਸਾ। ਪਸਨ੍ਨਾਤਿ ਸੁਰਾਮਣ੍ਡਸ੍ਸੇਤਂ ਅਧਿવਚਨਂ। ਅਨਨੁਚ੍ਛવਿਯਂ ਭਿਕ੍ਖવੇ ਸਾਗਤਸ੍ਸਾਤਿ ਪਞ੍ਚਾਭਿਞ੍ਞਸ੍ਸ ਸਤੋ ਮਜ੍ਜਪਾਨਂ ਨਾਮ ਨ ਅਨੁਚ੍ਛવਿਯਨ੍ਤਿ વੁਤ੍ਤਂ ਹੋਤਿ।
326. Surāpānavaggassa paṭhamasikkhāpade – bhaddavatikāti eko gāmo, so bhaddikāya vatiyā samannāgatattā etaṃ nāma labhi. Pathāvinoti addhikā. Tejasā tejanti attano tejasā ānubhāvena nāgassa tejaṃ. Kāpotikāti kapotapādasamavaṇṇarattobhāsā. Pasannāti surāmaṇḍassetaṃ adhivacanaṃ. Ananucchaviyaṃ bhikkhave sāgatassāti pañcābhiññassa sato majjapānaṃ nāma na anucchaviyanti vuttaṃ hoti.
੩੨੮. ਪੁਪ੍ਫਾਸવੋ ਨਾਮ ਮਧੁਕਪੁਪ੍ਫਾਦੀਨਂ ਰਸੇਨ ਕਤੋ। ਫਲਾਸવੋ ਨਾਮ ਮੁਦ੍ਦਿਕਫਲਾਦੀਨਿ ਮਦ੍ਦਿਤ੍વਾ ਤੇਸਂ ਰਸੇਨ ਕਤੋ। ਮਧ੍વਾਸવੋ ਨਾਮ ਮੁਦ੍ਦਿਕਾਨਂ ਜਾਤਿਰਸੇਨ ਕਤੋ; ਮਕ੍ਖਿਕਮਧੁਨਾਪਿ ਕਰਿਯਤੀਤਿ વਦਨ੍ਤਿ। ਗੁਲ਼ਾਸવੋ ਨਾਮ ਉਚ੍ਛੁਰਸਾਦੀਹਿ ਕਰਿਯਤਿ। ਸੁਰਾ ਨਾਮ ਪਿਟ੍ਠਕਿਣ੍ਣਪਕ੍ਖਿਤ੍ਤਾ; ਨਾਲ਼ਿਕੇਰਾਦੀਨਮ੍ਪਿ ਰਸੇਨ ਕਤਾ ਸੁਰਾਤ੍વੇવ ਸਙ੍ਖ੍ਯਂ ਗਚ੍ਛਤਿ, ਤਸ੍ਸਾਯੇવ ਕਿਣ੍ਣਪਕ੍ਖਿਤ੍ਤਾਯ ਮਣ੍ਡੇ ਗਹਿਤੇ ਮੇਰਯੋਤ੍વੇવ ਸਙ੍ਖ੍ਯਂ ਗਚ੍ਛਤੀਤਿ વਦਨ੍ਤਿ। ਅਨ੍ਤਮਸੋ ਕੁਸਗ੍ਗੇਨਪਿ ਪਿવਤੀਤਿ ਏਤਂ ਸੁਰਂ વਾ ਮੇਰਯਂ વਾ ਬੀਜਤੋ ਪਟ੍ਠਾਯ ਕੁਸਗ੍ਗੇਨ ਪਿવਤੋਪਿ ਪਾਚਿਤ੍ਤਿਯਨ੍ਤਿ ਅਤ੍ਥੋ। ਏਕੇਨ ਪਨ ਪਯੋਗੇਨ ਬਹੁਮ੍ਪਿ ਪਿવਨ੍ਤਸ੍ਸ ਏਕਾ ਆਪਤ੍ਤਿ। વਿਚ੍ਛਿਨ੍ਦਿਤ੍વਾ વਿਚ੍ਛਿਨ੍ਦਿਤ੍વਾ ਪਿવਤੋ ਪਯੋਗਗਣਨਾਯ ਆਪਤ੍ਤਿਯੋ।
328.Pupphāsavo nāma madhukapupphādīnaṃ rasena kato. Phalāsavo nāma muddikaphalādīni madditvā tesaṃ rasena kato. Madhvāsavo nāma muddikānaṃ jātirasena kato; makkhikamadhunāpi kariyatīti vadanti. Guḷāsavo nāma ucchurasādīhi kariyati. Surā nāma piṭṭhakiṇṇapakkhittā; nāḷikerādīnampi rasena katā surātveva saṅkhyaṃ gacchati, tassāyeva kiṇṇapakkhittāya maṇḍe gahite merayotveva saṅkhyaṃ gacchatīti vadanti. Antamaso kusaggenapi pivatīti etaṃ suraṃ vā merayaṃ vā bījato paṭṭhāya kusaggena pivatopi pācittiyanti attho. Ekena pana payogena bahumpi pivantassa ekā āpatti. Vicchinditvā vicchinditvā pivato payogagaṇanāya āpattiyo.
੩੨੯. ਅਮਜ੍ਜਞ੍ਚ ਹੋਤਿ ਮਜ੍ਜવਣ੍ਣਂ ਮਜ੍ਜਗਨ੍ਧਂ ਮਜ੍ਜਰਸਨ੍ਤਿ ਲੋਣਸੋવੀਰਕਂ વਾ ਸੁਤ੍ਤਂ વਾ ਹੋਤਿ। ਸੂਪਸਮ੍ਪਾਕੇਤਿ વਾਸਗਾਹਾਪਨਤ੍ਥਂ ਈਸਕਂ ਮਜ੍ਜਂ ਪਕ੍ਖਿਪਿਤ੍વਾ ਸੂਪਂ ਪਚਨ੍ਤਿ, ਤਸ੍ਮਿਂ ਅਨਾਪਤ੍ਤਿ। ਮਂਸਸਮ੍ਪਾਕੇਪਿ ਏਸੇવ ਨਯੋ। ਤੇਲਂ ਪਨ વਾਤਭੇਸਜ੍ਜਤ੍ਥਂ ਮਜ੍ਜੇਨ ਸਦ੍ਧਿਂ ਪਚਨ੍ਤਿ, ਤਸ੍ਮਿਮ੍ਪਿ ਅਨਤਿਕ੍ਖਿਤ੍ਤਮਜ੍ਜੇਯੇવ ਅਨਾਪਤ੍ਤਿ, ਯਂ ਪਨ ਅਤਿਕ੍ਖਿਤ੍ਤਮਜ੍ਜਂ ਹੋਤਿ, ਏਤ੍ਥ ਮਜ੍ਜਸ੍ਸ વਣ੍ਣਗਨ੍ਧਰਸਾ ਪਞ੍ਞਾਯਨ੍ਤਿ, ਤਸ੍ਮਿਂ ਆਪਤ੍ਤਿਯੇવ। ਅਮਜ੍ਜਂ ਅਰਿਟ੍ਠਨ੍ਤਿ ਯੋ ਅਰਿਟ੍ਠੋ ਮਜ੍ਜਂ ਨ ਹੋਤਿ, ਤਸ੍ਮਿਂ ਅਨਾਪਤ੍ਤਿ। ਆਮਲਕਾਦੀਨਂਯੇવ ਕਿਰ ਰਸੇਨ ਅਰਿਟ੍ਠਂ ਕਰੋਨ੍ਤਿ, ਸੋ ਮਜ੍ਜવਣ੍ਣਗਨ੍ਧਰਸੋਯੇવ ਹੋਤਿ, ਨ ਚ ਮਜ੍ਜਂ; ਤਂ ਸਨ੍ਧਾਯੇਤਂ વੁਤ੍ਤਂ। ਯੋ ਪਨ ਸਮ੍ਭਾਰਪਕ੍ਖਿਤ੍ਤੋ, ਸੋ ਮਜ੍ਜਂ ਹੋਤਿ, ਬੀਜਤੋ ਪਟ੍ਠਾਯ ਨ વਟ੍ਟਤਿ। ਸੇਸਮੇਤ੍ਥ ਉਤ੍ਤਾਨਮੇવ। ਏਲ਼ਕਲੋਮਸਮੁਟ੍ਠਾਨਂ – ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ ਅਕੁਸਲਚਿਤ੍ਤਂ, ਤਿવੇਦਨਨ੍ਤਿ। વਤ੍ਥੁਅਜਾਨਨਤਾਯ ਚੇਤ੍ਥ ਅਚਿਤ੍ਤਕਤਾ વੇਦਿਤਬ੍ਬਾ, ਅਕੁਸਲੇਨੇવ ਪਾਤਬ੍ਬਤਾਯ ਲੋਕવਜ੍ਜਤਾਤਿ।
329.Amajjañca hoti majjavaṇṇaṃ majjagandhaṃ majjarasanti loṇasovīrakaṃ vā suttaṃ vā hoti. Sūpasampāketi vāsagāhāpanatthaṃ īsakaṃ majjaṃ pakkhipitvā sūpaṃ pacanti, tasmiṃ anāpatti. Maṃsasampākepi eseva nayo. Telaṃ pana vātabhesajjatthaṃ majjena saddhiṃ pacanti, tasmimpi anatikkhittamajjeyeva anāpatti, yaṃ pana atikkhittamajjaṃ hoti, ettha majjassa vaṇṇagandharasā paññāyanti, tasmiṃ āpattiyeva. Amajjaṃ ariṭṭhanti yo ariṭṭho majjaṃ na hoti, tasmiṃ anāpatti. Āmalakādīnaṃyeva kira rasena ariṭṭhaṃ karonti, so majjavaṇṇagandharasoyeva hoti, na ca majjaṃ; taṃ sandhāyetaṃ vuttaṃ. Yo pana sambhārapakkhitto, so majjaṃ hoti, bījato paṭṭhāya na vaṭṭati. Sesamettha uttānameva. Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, lokavajjaṃ, kāyakammaṃ akusalacittaṃ, tivedananti. Vatthuajānanatāya cettha acittakatā veditabbā, akusaleneva pātabbatāya lokavajjatāti.
ਸੁਰਾਪਾਨਸਿਕ੍ਖਾਪਦਂ ਪਠਮਂ।
Surāpānasikkhāpadaṃ paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੬. ਸੁਰਾਪਾਨવਗ੍ਗੋ • 6. Surāpānavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਸੁਰਾਪਾਨਸਿਕ੍ਖਾਪਦવਣ੍ਣਨਾ • 1. Surāpānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਸੁਰਾਪਾਨਸਿਕ੍ਖਾਪਦવਣ੍ਣਨਾ • 1. Surāpānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਸੁਰਾਪਾਨਸਿਕ੍ਖਾਪਦવਣ੍ਣਨਾ • 1. Surāpānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਸੁਰਾਪਾਨਸਿਕ੍ਖਾਪਦ-ਅਤ੍ਥਯੋਜਨਾ • 1. Surāpānasikkhāpada-atthayojanā
