| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੬. ਸੁਰਾਪਾਨવਗ੍ਗੋ
6. Surāpānavaggo
੧. ਸੁਰਾਪਾਨਸਿਕ੍ਖਾਪਦવਣ੍ਣਨਾ
1. Surāpānasikkhāpadavaṇṇanā
੩੨੮. ਛਟ੍ਠવਗ੍ਗਸ੍ਸ ਪਠਮੇ ਪਾਲ਼ਿਯਂ ਕਿਣ੍ਣਪਕ੍ਖਿਤ੍ਤਾਤਿ ਪਿਟ੍ਠਪੂવਾਦਿਂ ਅਪਕ੍ਖਿਪਿਤ੍વਾ ਕਿਣ੍ਣਸਙ੍ਖਾਤਂ ਧਞ੍ਞਙ੍ਕੁਰਾਦਿਸੁਰਾਬੀਜਂ ਪਕ੍ਖਿਪਿਤ੍વਾ ਕਤਾ। ਸਮ੍ਭਾਰਸਂਯੁਤ੍ਤਾਤਿ ਸਾਸਪਾਦਿਅਨੇਕਸਮ੍ਭਾਰੇਹਿ ਸਞ੍ਞੁਤ੍ਤਾ।
328. Chaṭṭhavaggassa paṭhame pāḷiyaṃ kiṇṇapakkhittāti piṭṭhapūvādiṃ apakkhipitvā kiṇṇasaṅkhātaṃ dhaññaṅkurādisurābījaṃ pakkhipitvā katā. Sambhārasaṃyuttāti sāsapādianekasambhārehi saññuttā.
ਮਧੁਕਤਾਲਨਾਲ਼ਿਕੇਰਾਦਿਪੁਪ੍ਫਾਦਿਰਸੋ ਚਿਰਪਰਿવਾਸਿਤੋ ਪੁਪ੍ਫਾਸવੋ ਨਾਮ। ਤਥਾ ਪਨਸਾਦਿ ਫਲਾਸવੋ। ਮੁਦ੍ਦਿਕਰਸੋ ਮਧ੍વਾਸવੋ। ਉਚ੍ਛੁਰਸੋ ਗੁਲ਼ਾਸવੋ। ਤਿਫਲਤਿਕਟੁਕਾਦਿਨਾਨਾਸਮ੍ਭਾਰਾਨਂ ਰਸੋ ਚਿਰਪਰਿવਾਸਿਤੋ ਸਮ੍ਭਾਰਸਂਯੁਤ੍ਤੋ। ਬੀਜਤੋ ਪਟ੍ਠਾਯਾਤਿ ਯਥਾવੁਤ੍ਤਾਨਂ ਪਿਟ੍ਠਾਦੀਨਂ ਮਜ੍ਜਤ੍ਥਾਯ ਭਾਜਨੇ ਪਕ੍ਖਿਤ੍ਤਕਾਲਤੋ ਪਟ੍ਠਾਯ।
Madhukatālanāḷikerādipupphādiraso ciraparivāsito pupphāsavo nāma. Tathā panasādi phalāsavo. Muddikaraso madhvāsavo. Ucchuraso guḷāsavo. Tiphalatikaṭukādinānāsambhārānaṃ raso ciraparivāsito sambhārasaṃyutto. Bījato paṭṭhāyāti yathāvuttānaṃ piṭṭhādīnaṃ majjatthāya bhājane pakkhittakālato paṭṭhāya.
੩੨੯. ਲੋਣਸੋવੀਰਕਂ ਸੁਤ੍ਤਞ੍ਚ ਅਨੇਕੇਹਿ ਦਬ੍ਬਸਮ੍ਭਾਰੇਹਿ ਅਭਿਸਙ੍ਖਤੋ ਭੇਸਜ੍ਜવਿਸੇਸੋ। ਉਯ੍ਯੁਤ੍ਤਸਿਕ੍ਖਾਪਦਾਨਂ ਅਚਿਤ੍ਤਕਲੋਕવਜ੍ਜੇਸੁ ਲੋਕવਜ੍ਜਤਾ ਪੁਬ੍ਬੇ વੁਤ੍ਤਨਯਾવਾਤਿ ਤਤ੍ਥ ਕਿਞ੍ਚਿਪਿ ਅવਤ੍વਾ ਇਧ ਤੇਹਿ ਅਸਾਧਾਰਣવਤ੍ਥੁવਿਸੇਸਸਿਦ੍ਧਾਯ ਅਚਿਤ੍ਤਕਪਕ੍ਖੇਪਿ ਅਕੁਸਲਚਿਤ੍ਤਤਾਯ ਤਂ ਲੋਕવਜ੍ਜਤਾਦਿવਿਸੇਸਂ ਦਸ੍ਸੇਤੁਮੇવ ‘‘વਤ੍ਥੁਅਜਾਨਨਤਾਯ ਚੇਤ੍ਥਾ’’ਤਿਆਦਿਨਾ વੁਤ੍ਤਨ੍ਤਿ વੇਦਿਤਬ੍ਬਂ। ਯਂ ਪਨੇਤ੍ਥ વਤ੍ਤਬ੍ਬਂ, ਤਂ ਪਠਮਪਾਰਾਜਿਕવਣ੍ਣਨਾਯਂ વਿਤ੍ਥਾਰਤੋ ਸਾਰਤ੍ਥਦੀਪਨਿਯਂ વਿਰਦ੍ਧਟ੍ਠਾਨવਿਸੋਧਨવਸੇਨ વੁਤ੍ਤਨ੍ਤਿ ਤਤ੍ਥੇવ ਗਹੇਤਬ੍ਬਂ। ਮਜ੍ਜਭਾવੋ, ਤਸ੍ਸ ਪਾਨਞ੍ਚਾਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ।
329.Loṇasovīrakaṃ suttañca anekehi dabbasambhārehi abhisaṅkhato bhesajjaviseso. Uyyuttasikkhāpadānaṃ acittakalokavajjesu lokavajjatā pubbe vuttanayāvāti tattha kiñcipi avatvā idha tehi asādhāraṇavatthuvisesasiddhāya acittakapakkhepi akusalacittatāya taṃ lokavajjatādivisesaṃ dassetumeva ‘‘vatthuajānanatāya cetthā’’tiādinā vuttanti veditabbaṃ. Yaṃ panettha vattabbaṃ, taṃ paṭhamapārājikavaṇṇanāyaṃ vitthārato sāratthadīpaniyaṃ viraddhaṭṭhānavisodhanavasena vuttanti tattheva gahetabbaṃ. Majjabhāvo, tassa pānañcāti imānettha dve aṅgāni.
ਸੁਰਾਪਾਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Surāpānasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੬. ਸੁਰਾਪਾਨવਗ੍ਗੋ • 6. Surāpānavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੧. ਸੁਰਾਪਾਨਸਿਕ੍ਖਾਪਦવਣ੍ਣਨਾ • 1. Surāpānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਸੁਰਾਪਾਨਸਿਕ੍ਖਾਪਦવਣ੍ਣਨਾ • 1. Surāpānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਸੁਰਾਪਾਨਸਿਕ੍ਖਾਪਦવਣ੍ਣਨਾ • 1. Surāpānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਸੁਰਾਪਾਨਸਿਕ੍ਖਾਪਦ-ਅਤ੍ਥਯੋਜਨਾ • 1. Surāpānasikkhāpada-atthayojanā
