| Library / Tipiṭaka / তিপিটক • Tipiṭaka / মহাৰিভঙ্গ • Mahāvibhaṅga |
৬. সুরাপানৰগ্গো
6. Surāpānavaggo
১. সুরাপানসিক্খাপদং
1. Surāpānasikkhāpadaṃ
৩২৬. তেন সমযেন বুদ্ধো ভগৰা চেতিযেসু চারিকং চরমানো যেন ভদ্দৰতিকা তেন পাযাসি। অদ্দসংসু খো গোপালকা পসুপালকা কস্সকা পথাৰিনো ভগৰন্তং দূরতোৰ আগচ্ছন্তং। দিস্ৰান ভগৰন্তং এতদৰোচুং – ‘‘মা খো, ভন্তে, ভগৰা অম্বতিত্থং অগমাসি। অম্বতিত্থে, ভন্তে, জটিলস্স অস্সমে নাগো পটিৰসতি ইদ্ধিমা আসিৰিসো 1 ঘোরৰিসো। সো ভগৰন্তং মা ৰিহেঠেসী’’তি। এৰং ৰুত্তে ভগৰা তুণ্হী অহোসি। দুতিযম্পি খো…পে॰… ততিযম্পি খো গোপালকা পসুপালকা কস্সকা পথাৰিনো ভগৰন্তং এতদৰোচুং – ‘‘মা খো, ভন্তে, ভগৰা অম্বতিত্থং অগমাসি। অম্বতিত্থে, ভন্তে, জটিলস্স অস্সমে নাগো পটিৰসতি ইদ্ধিমা আসিৰিসো ঘোরৰিসো। সো ভগৰন্তং মা ৰিহেঠেসী’’তি। ততিযম্পি খো ভগৰা তুণ্হী অহোসি।
326. Tena samayena buddho bhagavā cetiyesu cārikaṃ caramāno yena bhaddavatikā tena pāyāsi. Addasaṃsu kho gopālakā pasupālakā kassakā pathāvino bhagavantaṃ dūratova āgacchantaṃ. Disvāna bhagavantaṃ etadavocuṃ – ‘‘mā kho, bhante, bhagavā ambatitthaṃ agamāsi. Ambatitthe, bhante, jaṭilassa assame nāgo paṭivasati iddhimā āsiviso 2 ghoraviso. So bhagavantaṃ mā viheṭhesī’’ti. Evaṃ vutte bhagavā tuṇhī ahosi. Dutiyampi kho…pe… tatiyampi kho gopālakā pasupālakā kassakā pathāvino bhagavantaṃ etadavocuṃ – ‘‘mā kho, bhante, bhagavā ambatitthaṃ agamāsi. Ambatitthe, bhante, jaṭilassa assame nāgo paṭivasati iddhimā āsiviso ghoraviso. So bhagavantaṃ mā viheṭhesī’’ti. Tatiyampi kho bhagavā tuṇhī ahosi.
অথ খো ভগৰা অনুপুব্বেন চারিকং চরমানো যেন ভদ্দৰতিকা তদৰসরি। তত্র সুদং ভগৰা ভদ্দৰতিকাযং ৰিহরতি । অথ খো আযস্মা সাগতো যেন অম্বতিত্থস্স 3 জটিলস্স অস্সমো তেনুপসঙ্কমি ; উপসঙ্কমিত্ৰা অগ্যাগারং পৰিসিত্ৰা তিণসন্থারকং পঞ্ঞপেত্ৰা নিসীদি পল্লঙ্কং আভুজিত্ৰা উজুং কাযং পণিধায পরিমুখং সতিং উপট্ঠপেত্ৰা। অদ্দসা খো সো নাগো আযস্মন্তং সাগতং পৰিট্ঠং । দিস্ৰান দুম্মনো 4 পধূপাযি 5। আযস্মাপি সাগতো পধূপাযি 6। অথ খো সো নাগো মক্খং অসহমানো পজ্জলি। আযস্মাপি সাগতো তেজোধাতুং সমাপজ্জিত্ৰা পজ্জলি। অথ খো আযস্মা সাগতো তস্স নাগস্স তেজসা তেজং পরিযাদিযিত্ৰা যেন ভদ্দৰতিকা তেনুপসঙ্কমি। অথ খো ভগৰা ভদ্দৰতিকাযং যথাভিরন্তং ৰিহরিত্ৰা যেন কোসম্বী তেন চারিকং পক্কামি। অস্সোসুং খো কোসম্বিকা উপাসকা – ‘‘অয্যো কির সাগতো অম্বতিত্থিকেন নাগেন সদ্ধিং সঙ্গামেসী’’তি।
Atha kho bhagavā anupubbena cārikaṃ caramāno yena bhaddavatikā tadavasari. Tatra sudaṃ bhagavā bhaddavatikāyaṃ viharati . Atha kho āyasmā sāgato yena ambatitthassa 7 jaṭilassa assamo tenupasaṅkami ; upasaṅkamitvā agyāgāraṃ pavisitvā tiṇasanthārakaṃ paññapetvā nisīdi pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. Addasā kho so nāgo āyasmantaṃ sāgataṃ paviṭṭhaṃ . Disvāna dummano 8 padhūpāyi 9. Āyasmāpi sāgato padhūpāyi 10. Atha kho so nāgo makkhaṃ asahamāno pajjali. Āyasmāpi sāgato tejodhātuṃ samāpajjitvā pajjali. Atha kho āyasmā sāgato tassa nāgassa tejasā tejaṃ pariyādiyitvā yena bhaddavatikā tenupasaṅkami. Atha kho bhagavā bhaddavatikāyaṃ yathābhirantaṃ viharitvā yena kosambī tena cārikaṃ pakkāmi. Assosuṃ kho kosambikā upāsakā – ‘‘ayyo kira sāgato ambatitthikena nāgena saddhiṃ saṅgāmesī’’ti.
অথ খো ভগৰা অনুপুব্বেন চারিকং চরমানো যেন কোসম্বী তদৰসরি। অথ খো কোসম্বিকা উপাসকা ভগৰতো পচ্চুগ্গমনং করিত্ৰা যেনাযস্মা সাগতো তেনুপসঙ্কমিংসু; উপসঙ্কমিত্ৰা আযস্মন্তং সাগতং অভিৰাদেত্ৰা একমন্তং অট্ঠংসু। একমন্তং ঠিতা খো কোসম্বিকা উপাসকা আযস্মন্তং সাগতং এতদৰোচুং – ‘‘কিং, ভন্তে, অয্যানং দুল্লভঞ্চ মনাপঞ্চ, কিং পটিযাদেমা’’তি? এৰং ৰুত্তে ছব্বগ্গিযা ভিক্খূ কোসম্বিকে উপাসকে এতদৰোচুং – ‘‘অত্থাৰুসো, কাপোতিকা নাম পসন্না ভিক্খূনং দুল্লভা চ মনাপা চ, তং পটিযাদেথা’’তি। অথ খো কোসম্বিকা উপাসকা ঘরে ঘরে কাপোতিকং পসন্নং পটিযাদেত্ৰা আযস্মন্তং সাগতং পিণ্ডায পৰিট্ঠং দিস্ৰান আযস্মন্তং সাগতং এতদৰোচুং – ‘‘পিৰতু, ভন্তে, অয্যো সাগতো কাপোতিকং পসন্নং, পিৰতু , ভন্তে, অয্যো সাগতো কাপোতিকং পসন্ন’’ন্তি। অথ খো আযস্মা সাগতো ঘরে ঘরে কাপোতিকং পসন্নং পিৰিত্ৰা নগরম্হা নিক্খমন্তো নগরদ্ৰারে পরিপতি।
Atha kho bhagavā anupubbena cārikaṃ caramāno yena kosambī tadavasari. Atha kho kosambikā upāsakā bhagavato paccuggamanaṃ karitvā yenāyasmā sāgato tenupasaṅkamiṃsu; upasaṅkamitvā āyasmantaṃ sāgataṃ abhivādetvā ekamantaṃ aṭṭhaṃsu. Ekamantaṃ ṭhitā kho kosambikā upāsakā āyasmantaṃ sāgataṃ etadavocuṃ – ‘‘kiṃ, bhante, ayyānaṃ dullabhañca manāpañca, kiṃ paṭiyādemā’’ti? Evaṃ vutte chabbaggiyā bhikkhū kosambike upāsake etadavocuṃ – ‘‘atthāvuso, kāpotikā nāma pasannā bhikkhūnaṃ dullabhā ca manāpā ca, taṃ paṭiyādethā’’ti. Atha kho kosambikā upāsakā ghare ghare kāpotikaṃ pasannaṃ paṭiyādetvā āyasmantaṃ sāgataṃ piṇḍāya paviṭṭhaṃ disvāna āyasmantaṃ sāgataṃ etadavocuṃ – ‘‘pivatu, bhante, ayyo sāgato kāpotikaṃ pasannaṃ, pivatu , bhante, ayyo sāgato kāpotikaṃ pasanna’’nti. Atha kho āyasmā sāgato ghare ghare kāpotikaṃ pasannaṃ pivitvā nagaramhā nikkhamanto nagaradvāre paripati.
অথ খো ভগৰা সম্বহুলেহি ভিক্খূহি সদ্ধিং নগরম্হা নিক্খমন্তো অদ্দস আযস্মন্তং সাগতং নগরদ্ৰারে পরিপতন্তং। দিস্ৰান ভিক্খূ আমন্তেসি – ‘‘গণ্হথ, ভিক্খৰে, সাগত’’ন্তি। ‘‘এৰং, ভন্তে’’তি খো তে ভিক্খূ ভগৰতো পটিস্সুণিত্ৰা আযস্মন্তং সাগতং আরামং নেত্ৰা যেন ভগৰা তেন সীসং কত্ৰা নিপাতেসুং। অথ খো আযস্মা সাগতো পরিৰত্তিত্ৰা যেন ভগৰা তেন পাদে করিত্ৰা সেয্যং কপ্পেসি । অথ খো ভগৰা ভিক্খূ আমন্তেসি – ‘‘ননু, ভিক্খৰে, পুব্বে সাগতো তথাগতে সগারৰো অহোসি সপ্পতিস্সো’’তি ? ‘‘এৰং, ভন্তে’’। ‘‘অপি নু খো, ভিক্খৰে, সাগতো এতরহি তথাগতে সগারৰো সপ্পতিস্সো’’তি? ‘‘নো হেতং, ভন্তে’’। ‘‘ননু, ভিক্খৰে, সাগতো অম্বতিত্থিকেন নাগেন 11 সদ্ধিং সঙ্গামেসী’’তি? ‘‘এৰং, ভন্তে’’। ‘‘অপি নু খো, ভিক্খৰে, সাগতো এতরহি পহোতি নাগেন সদ্ধিং সঙ্গামেতু’’ন্তি? ‘‘নো হেতং, ভন্তে’’। ‘‘অপি নু খো, ভিক্খৰে, তং পাতব্বং যং পিৰিত্ৰা ৰিসঞ্ঞী অস্সা’’তি? ‘‘নো হেতং, ভন্তে’’। ‘‘অননুচ্ছৰিকং, ভিক্খৰে, সাগতস্স অননুলোমিকং অপ্পতিরূপং অস্সামণকং অকপ্পিযং অকরণীযং। কথঞ্হি নাম, ভিক্খৰে, সাগতো মজ্জং পিৰিস্সতি! নেতং, ভিক্খৰে, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
Atha kho bhagavā sambahulehi bhikkhūhi saddhiṃ nagaramhā nikkhamanto addasa āyasmantaṃ sāgataṃ nagaradvāre paripatantaṃ. Disvāna bhikkhū āmantesi – ‘‘gaṇhatha, bhikkhave, sāgata’’nti. ‘‘Evaṃ, bhante’’ti kho te bhikkhū bhagavato paṭissuṇitvā āyasmantaṃ sāgataṃ ārāmaṃ netvā yena bhagavā tena sīsaṃ katvā nipātesuṃ. Atha kho āyasmā sāgato parivattitvā yena bhagavā tena pāde karitvā seyyaṃ kappesi . Atha kho bhagavā bhikkhū āmantesi – ‘‘nanu, bhikkhave, pubbe sāgato tathāgate sagāravo ahosi sappatisso’’ti ? ‘‘Evaṃ, bhante’’. ‘‘Api nu kho, bhikkhave, sāgato etarahi tathāgate sagāravo sappatisso’’ti? ‘‘No hetaṃ, bhante’’. ‘‘Nanu, bhikkhave, sāgato ambatitthikena nāgena 12 saddhiṃ saṅgāmesī’’ti? ‘‘Evaṃ, bhante’’. ‘‘Api nu kho, bhikkhave, sāgato etarahi pahoti nāgena saddhiṃ saṅgāmetu’’nti? ‘‘No hetaṃ, bhante’’. ‘‘Api nu kho, bhikkhave, taṃ pātabbaṃ yaṃ pivitvā visaññī assā’’ti? ‘‘No hetaṃ, bhante’’. ‘‘Ananucchavikaṃ, bhikkhave, sāgatassa ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma, bhikkhave, sāgato majjaṃ pivissati! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
৩২৭. ‘‘সুরামেরযপানে পাচিত্তিয’’ন্তি।
327.‘‘Surāmerayapāne pācittiya’’nti.
৩২৮. সুরা নাম পিট্ঠসুরা পূৰসুরা ওদনসুরা কিণ্ণপক্খিত্তা সম্ভারসংযুত্তা।
328.Surā nāma piṭṭhasurā pūvasurā odanasurā kiṇṇapakkhittā sambhārasaṃyuttā.
মেরযো নাম পুপ্ফাসৰো ফলাসৰো মধ্ৰাসৰো গুল়াসৰো সম্ভারসংযুত্তো।
Merayo nāma pupphāsavo phalāsavo madhvāsavo guḷāsavo sambhārasaṃyutto.
পিৰেয্যাতি অন্তমসো কুসগ্গেনপি পিৰতি, আপত্তি পাচিত্তিযস্স।
Piveyyāti antamaso kusaggenapi pivati, āpatti pācittiyassa.
মজ্জে মজ্জসঞ্ঞী পিৰতি, আপত্তি পাচিত্তিযস্স। মজ্জে ৰেমতিকো পিৰতি, আপত্তি পাচিত্তিযস্স। মজ্জে অমজ্জসঞ্ঞী পিৰতি, আপত্তি পাচিত্তিযস্স।
Majje majjasaññī pivati, āpatti pācittiyassa. Majje vematiko pivati, āpatti pācittiyassa. Majje amajjasaññī pivati, āpatti pācittiyassa.
অমজ্জে মজ্জসঞ্ঞী, আপত্তি দুক্কটস্স। অমজ্জে ৰেমতিকো, আপত্তি দুক্কটস্স। অমজ্জে অমজ্জসঞ্ঞী, অনাপত্তি।
Amajje majjasaññī, āpatti dukkaṭassa. Amajje vematiko, āpatti dukkaṭassa. Amajje amajjasaññī, anāpatti.
৩২৯. অনাপত্তি অমজ্জঞ্চ হোতি মজ্জৰণ্ণং মজ্জগন্ধং মজ্জরসং তং পিৰতি, সূপসম্পাকে, মংসসম্পাকে, তেলসম্পাকে, আমলকফাণিতে, অমজ্জং অরিট্ঠং পিৰতি, উম্মত্তকস্স, আদিকম্মিকস্সাতি।
329. Anāpatti amajjañca hoti majjavaṇṇaṃ majjagandhaṃ majjarasaṃ taṃ pivati, sūpasampāke, maṃsasampāke, telasampāke, āmalakaphāṇite, amajjaṃ ariṭṭhaṃ pivati, ummattakassa, ādikammikassāti.
সুরাপানসিক্খাপদং নিট্ঠিতং পঠমং।
Surāpānasikkhāpadaṃ niṭṭhitaṃ paṭhamaṃ.
২. অঙ্গুলিপতোদকসিক্খাপদং
2. Aṅgulipatodakasikkhāpadaṃ
৩৩০. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন ছব্বগ্গিযা ভিক্খূ সত্তরসৰগ্গিযং ভিক্খুং অঙ্গুলিপতোদকেন হাসেসুং। সো ভিক্খু উত্তন্তো অনস্সাসকো কালমকাসি। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম ছব্বগ্গিযা ভিক্খূ ভিক্খুং অঙ্গুলিপতোদকেন হাসেস্সন্তী’’তি…পে॰… সচ্চং কির তুম্হে, ভিক্খৰে, ভিক্খুং অঙ্গুলিপতোদকেন হাসেথাতি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম তুম্হে, মোঘপুরিসা, ভিক্খুং অঙ্গুলিপতোদকেন হাসেস্সথ! নেতং, মোঘপুরিসা, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
330. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū sattarasavaggiyaṃ bhikkhuṃ aṅgulipatodakena hāsesuṃ. So bhikkhu uttanto anassāsako kālamakāsi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū bhikkhuṃ aṅgulipatodakena hāsessantī’’ti…pe… saccaṃ kira tumhe, bhikkhave, bhikkhuṃ aṅgulipatodakena hāsethāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, bhikkhuṃ aṅgulipatodakena hāsessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
৩৩১. ‘‘অঙ্গুলিপতোদকে পাচিত্তিয’’ন্তি।
331.‘‘Aṅgulipatodake pācittiya’’nti.
৩৩২. অঙ্গুলিপতোদকো নাম 13 উপসম্পন্নো উপসম্পন্নং হসাধিপ্পাযো 14 কাযেন কাযং আমসতি, আপত্তি পাচিত্তিযস্স। উপসম্পন্নে উপসম্পন্নসঞ্ঞী অঙ্গুলিপতোদকেন হাসেতি, আপত্তি পাচিত্তিযস্স। উপসম্পন্নে ৰেমতিকো অঙ্গুলিপতোদকেন হাসেতি, আপত্তি পাচিত্তিযস্স । উপসম্পন্নে অনুপসম্পন্নসঞ্ঞী অঙ্গুলিপতোদকেন হাসেতি, আপত্তি পাচিত্তিযস্স।
332.Aṅgulipatodako nāma 15 upasampanno upasampannaṃ hasādhippāyo 16 kāyena kāyaṃ āmasati, āpatti pācittiyassa. Upasampanne upasampannasaññī aṅgulipatodakena hāseti, āpatti pācittiyassa. Upasampanne vematiko aṅgulipatodakena hāseti, āpatti pācittiyassa . Upasampanne anupasampannasaññī aṅgulipatodakena hāseti, āpatti pācittiyassa.
কাযেন কাযপটিবদ্ধং আমসতি, আপত্তি দুক্কটস্স। কাযপটিবদ্ধেন কাযং আমসতি, আপত্তি দুক্কটস্স। কাযপটিবদ্ধেন কাযপটিবদ্ধং আমসতি, আপত্তি দুক্কটস্স। নিস্সগ্গিযেন কাযং আমসতি, আপত্তি দুক্কটস্স। নিস্সগ্গিযেন কাযপটিবদ্ধং আমসতি, আপত্তি দুক্কটস্স। নিস্সগ্গিযেন নিস্সগ্গিযং আমসতি, আপত্তি দুক্কটস্স।
Kāyena kāyapaṭibaddhaṃ āmasati, āpatti dukkaṭassa. Kāyapaṭibaddhena kāyaṃ āmasati, āpatti dukkaṭassa. Kāyapaṭibaddhena kāyapaṭibaddhaṃ āmasati, āpatti dukkaṭassa. Nissaggiyena kāyaṃ āmasati, āpatti dukkaṭassa. Nissaggiyena kāyapaṭibaddhaṃ āmasati, āpatti dukkaṭassa. Nissaggiyena nissaggiyaṃ āmasati, āpatti dukkaṭassa.
৩৩৩. অনুপসম্পন্নং কাযেন কাযং আমসতি, আপত্তি দুক্কটস্স। কাযেন কাযপটিবদ্ধং আমসতি, আপত্তি দুক্কটস্স। কাযপটিবদ্ধেন কাযং আমসতি, আপত্তি দুক্কটস্স। কাযপটিবদ্ধেন কাযপটিবদ্ধং আমসতি, আপত্তি দুক্কটস্স। নিস্সগ্গিযেন কাযং আমসতি, আপত্তি দুক্কটস্স । নিস্সগ্গিযেন কাযপটিবদ্ধং আমসতি, আপত্তি দুক্কটস্স। নিস্সগ্গিযেন নিস্সগ্গিযং আমসতি, আপত্তি দুক্কটস্স। অনুপসম্পন্নে উপসম্পন্নসঞ্ঞী, আপত্তি দুক্কটস্স। অনুপসম্পন্নে ৰেমতিকো, আপত্তি দুক্কটস্স। অনুপসম্পন্নে অনুপসম্পন্নসঞ্ঞী, আপত্তি দুক্কটস্স।
333. Anupasampannaṃ kāyena kāyaṃ āmasati, āpatti dukkaṭassa. Kāyena kāyapaṭibaddhaṃ āmasati, āpatti dukkaṭassa. Kāyapaṭibaddhena kāyaṃ āmasati, āpatti dukkaṭassa. Kāyapaṭibaddhena kāyapaṭibaddhaṃ āmasati, āpatti dukkaṭassa. Nissaggiyena kāyaṃ āmasati, āpatti dukkaṭassa . Nissaggiyena kāyapaṭibaddhaṃ āmasati, āpatti dukkaṭassa. Nissaggiyena nissaggiyaṃ āmasati, āpatti dukkaṭassa. Anupasampanne upasampannasaññī, āpatti dukkaṭassa. Anupasampanne vematiko, āpatti dukkaṭassa. Anupasampanne anupasampannasaññī, āpatti dukkaṭassa.
৩৩৪. অনাপত্তি ন হসাধিপ্পাযো, সতি করণীযে আমসতি, উম্মত্তকস্স, আদিকম্মিকস্সাতি।
334. Anāpatti na hasādhippāyo, sati karaṇīye āmasati, ummattakassa, ādikammikassāti.
অঙ্গুলিপতোদকসিক্খাপদং নিট্ঠিতং দুতিযং।
Aṅgulipatodakasikkhāpadaṃ niṭṭhitaṃ dutiyaṃ.
৩. হসধম্মসিক্খাপদং
3. Hasadhammasikkhāpadaṃ
৩৩৫. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন সত্তরসৰগ্গিযা ভিক্খূ অচিরৰতিযা নদিযা উদকে কীল়ন্তি। তেন খো পন সমযেন রাজা পসেনদি কোসলো মল্লিকায দেৰিযা সদ্ধিং উপরিপাসাদৰরগতো হোতি। অদ্দসা খো রাজা পসেনদি কোসলো সত্তরসৰগ্গিযে ভিক্খূ অচিরৰতিযা নদিযা উদকে কীল়ন্তে। দিস্ৰান মল্লিকং দেৰিং এতদৰোচ – ‘‘এতে তে, মল্লিকে, অরহন্তো উদকে কীল়ন্তী’’তি। ‘‘নিস্সংসযং খো, মহারাজ, ভগৰতা সিক্খাপদং অপঞ্ঞত্তং। তে ৰা ভিক্খূ অপ্পকতঞ্ঞুনো’’তি। অথ খো রঞ্ঞো পসেনদিস্স কোসলস্স এতদহোসি – ‘‘কেন নু খো অহং উপাযেন ভগৰতো চ ন আরোচেয্যং, ভগৰা চ জানেয্য ইমে ভিক্খূ উদকে কীল়িতা’’তি? অথ খো রাজা পসেনদি কোসলো সত্তরসৰগ্গিযে ভিক্খূ পক্কোসাপেত্ৰা মহন্তং গুল়পিণ্ডং অদাসি – ‘‘ইমং, ভন্তে, গুল়পিণ্ডং ভগৰতো দেথা’’তি। সত্তরসৰগ্গিযা ভিক্খূ তং গুল়পিণ্ডং আদায যেন ভগৰা তেনুপসঙ্কমিংসু; উপসঙ্কমিত্ৰা ভগৰন্তং এতদৰোচুং – ‘‘ইমং, ভন্তে, গুল়পিণ্ডং রাজা পসেনদি কোসলো ভগৰতো দেতী’’তি। ‘‘কহং পন তুম্হে, ভিক্খৰে, রাজা অদ্দসা’’তি। ‘‘অচিরৰতিযা নদিযা, ভগৰা, উদকে কীল়ন্তে’’তি। ৰিগরহি বুদ্ধো ভগৰা…পে॰… কথঞ্হি নাম তুম্হে, মোঘপুরিসা, উদকে কীল়িস্সথ! নেতং , মোঘপুরিসা, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
335. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sattarasavaggiyā bhikkhū aciravatiyā nadiyā udake kīḷanti. Tena kho pana samayena rājā pasenadi kosalo mallikāya deviyā saddhiṃ uparipāsādavaragato hoti. Addasā kho rājā pasenadi kosalo sattarasavaggiye bhikkhū aciravatiyā nadiyā udake kīḷante. Disvāna mallikaṃ deviṃ etadavoca – ‘‘ete te, mallike, arahanto udake kīḷantī’’ti. ‘‘Nissaṃsayaṃ kho, mahārāja, bhagavatā sikkhāpadaṃ apaññattaṃ. Te vā bhikkhū appakataññuno’’ti. Atha kho rañño pasenadissa kosalassa etadahosi – ‘‘kena nu kho ahaṃ upāyena bhagavato ca na āroceyyaṃ, bhagavā ca jāneyya ime bhikkhū udake kīḷitā’’ti? Atha kho rājā pasenadi kosalo sattarasavaggiye bhikkhū pakkosāpetvā mahantaṃ guḷapiṇḍaṃ adāsi – ‘‘imaṃ, bhante, guḷapiṇḍaṃ bhagavato dethā’’ti. Sattarasavaggiyā bhikkhū taṃ guḷapiṇḍaṃ ādāya yena bhagavā tenupasaṅkamiṃsu; upasaṅkamitvā bhagavantaṃ etadavocuṃ – ‘‘imaṃ, bhante, guḷapiṇḍaṃ rājā pasenadi kosalo bhagavato detī’’ti. ‘‘Kahaṃ pana tumhe, bhikkhave, rājā addasā’’ti. ‘‘Aciravatiyā nadiyā, bhagavā, udake kīḷante’’ti. Vigarahi buddho bhagavā…pe… kathañhi nāma tumhe, moghapurisā, udake kīḷissatha! Netaṃ , moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
৩৩৭. উদকে হসধম্মো নাম উপরিগোপ্ফকে উদকে হসাধিপ্পাযো নিমুজ্জতি ৰা উম্মুজ্জতি ৰা পলৰতি ৰা, আপত্তি পাচিত্তিযস্স।
337.Udake hasadhammo nāma uparigopphake udake hasādhippāyo nimujjati vā ummujjati vā palavati vā, āpatti pācittiyassa.
৩৩৮. উদকে হসধম্মে হসধম্মসঞ্ঞী, আপত্তি পাচিত্তিযস্স। উদকে হসধম্মে ৰেমতিকো, আপত্তি পাচিত্তিযস্স। উদকে হসধম্মে অহসধম্মসঞ্ঞী, আপত্তি পাচিত্তিযস্স।
338. Udake hasadhamme hasadhammasaññī, āpatti pācittiyassa. Udake hasadhamme vematiko, āpatti pācittiyassa. Udake hasadhamme ahasadhammasaññī, āpatti pācittiyassa.
হেট্ঠাগোপ্ফকে উদকে কীল়তি, আপত্তি দুক্কটস্স। উদকে নাৰায কীল়তি, আপত্তি দুক্কটস্স। হত্থেন ৰা পাদেন ৰা কট্ঠেন ৰা কঠলায ৰা উদকং পহরতি, আপত্তি দুক্কটস্স। ভাজনগতং উদকং ৰা কঞ্জিকং ৰা খীরং ৰা তক্কং ৰা রজনং ৰা পস্সাৰং ৰা চিক্খল্লং ৰা কীল়তি, আপত্তি দুক্কটস্স।
Heṭṭhāgopphake udake kīḷati, āpatti dukkaṭassa. Udake nāvāya kīḷati, āpatti dukkaṭassa. Hatthena vā pādena vā kaṭṭhena vā kaṭhalāya vā udakaṃ paharati, āpatti dukkaṭassa. Bhājanagataṃ udakaṃ vā kañjikaṃ vā khīraṃ vā takkaṃ vā rajanaṃ vā passāvaṃ vā cikkhallaṃ vā kīḷati, āpatti dukkaṭassa.
উদকে অহসধম্মে হসধম্মসঞ্ঞী, আপত্তি দুক্কটস্স। উদকে অহসধম্মে ৰেমতিকো, আপত্তি দুক্কটস্স। উদকে অহসধম্মে অহসধম্মসঞ্ঞী, অনাপত্তি।
Udake ahasadhamme hasadhammasaññī, āpatti dukkaṭassa. Udake ahasadhamme vematiko, āpatti dukkaṭassa. Udake ahasadhamme ahasadhammasaññī, anāpatti.
৩৩৯. অনাপত্তি ন হসাধিপ্পাযো, সতি করণীযে উদকং ওতরিত্ৰা নিমুজ্জতি ৰা উম্মুজ্জতি ৰা পলৰতি ৰা, পারং গচ্ছন্তো নিমুজ্জতি ৰা উম্মুজ্জতি ৰা পলৰতি ৰা, আপদাসু, উম্মত্তকস্স, আদিকম্মিকস্সাতি।
339. Anāpatti na hasādhippāyo, sati karaṇīye udakaṃ otaritvā nimujjati vā ummujjati vā palavati vā, pāraṃ gacchanto nimujjati vā ummujjati vā palavati vā, āpadāsu, ummattakassa, ādikammikassāti.
হসধম্মসিক্খাপদং নিট্ঠিতং ততিযং।
Hasadhammasikkhāpadaṃ niṭṭhitaṃ tatiyaṃ.
৪. অনাদরিযসিক্খাপদং
4. Anādariyasikkhāpadaṃ
৩৪০. তেন সমযেন বুদ্ধো ভগৰা কোসম্বিযং ৰিহরতি ঘোসিতারামে। তেন খো পন সমযেন আযস্মা ছন্নো অনাচারং আচরতি। ভিক্খূ এৰমাহংসু – ‘‘মাৰুসো ছন্ন, এৰরূপং অকাসি। নেতং কপ্পতী’’তি। সো অনাদরিযং পটিচ্চ করোতিযেৰ। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম আযস্মা ছন্নো অনাদরিযং করিস্সতী’’তি…পে॰… সচ্চং কির ত্ৰং, ছন্ন, অনাদরিযং করোসীতি ? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম ত্ৰং, মোঘপুরিস, অনাদরিযং করিস্সসি! নেতং, মোঘপুরিস, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
340. Tena samayena buddho bhagavā kosambiyaṃ viharati ghositārāme. Tena kho pana samayena āyasmā channo anācāraṃ ācarati. Bhikkhū evamāhaṃsu – ‘‘māvuso channa, evarūpaṃ akāsi. Netaṃ kappatī’’ti. So anādariyaṃ paṭicca karotiyeva. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā channo anādariyaṃ karissatī’’ti…pe… saccaṃ kira tvaṃ, channa, anādariyaṃ karosīti ? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, anādariyaṃ karissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
৩৪১. ‘‘অনাদরিযে পাচিত্তিয’’ন্তি।
341.‘‘Anādariye pācittiya’’nti.
৩৪২. অনাদরিযং নাম দ্ৰে অনাদরিযানি – পুগ্গলানাদরিযঞ্চ ধম্মানাদরিযঞ্চ।
342.Anādariyaṃ nāma dve anādariyāni – puggalānādariyañca dhammānādariyañca.
পুগ্গলানাদরিযং নাম উপসম্পন্নেন পঞ্ঞত্তেন ৰুচ্চমানো – ‘‘অযং উক্খিত্তকো ৰা ৰম্ভিতো ৰা গরহিতো ৰা, ইমস্স ৰচনং অকতং ভৰিস্সতী’’তি অনাদরিযং করোতি, আপত্তি পাচিত্তিযস্স।
Puggalānādariyaṃ nāma upasampannena paññattena vuccamāno – ‘‘ayaṃ ukkhittako vā vambhito vā garahito vā, imassa vacanaṃ akataṃ bhavissatī’’ti anādariyaṃ karoti, āpatti pācittiyassa.
ধম্মানাদরিযং নাম উপসম্পন্নেন পঞ্ঞত্তেন ৰুচ্চমানো ‘‘কথাযং নস্সেয্য ৰা ৰিনস্সেয্য ৰা অন্তরধাযেয্য ৰা’’, তং ৰা ন সিক্খিতুকামো অনাদরিযং করোতি, আপত্তি পাচিত্তিযস্স।
Dhammānādariyaṃ nāma upasampannena paññattena vuccamāno ‘‘kathāyaṃ nasseyya vā vinasseyya vā antaradhāyeyya vā’’, taṃ vā na sikkhitukāmo anādariyaṃ karoti, āpatti pācittiyassa.
৩৪৩. উপসম্পন্নে উপসম্পন্নসঞ্ঞী অনাদরিযং করোতি, আপত্তি পাচিত্তিযস্স। উপসম্পন্নে ৰেমতিকো অনাদরিযং করোতি, আপত্তি পাচিত্তিযস্স। উপসম্পন্নে অনুপসম্পন্নসঞ্ঞী অনাদরিযং করোতি, আপত্তি পাচিত্তিযস্স।
343. Upasampanne upasampannasaññī anādariyaṃ karoti, āpatti pācittiyassa. Upasampanne vematiko anādariyaṃ karoti, āpatti pācittiyassa. Upasampanne anupasampannasaññī anādariyaṃ karoti, āpatti pācittiyassa.
অপঞ্ঞত্তেন ৰুচ্চমানো – ‘‘ইদং ন সল্লেখায ন ধুতত্থায ন পাসাদিকতায ন অপচযায ন ৰীরিযারম্ভায সংৰত্ততী’’তি অনাদরিযং করোতি, আপত্তি দুক্কটস্স। অনুপসম্পন্নেন পঞ্ঞত্তেন ৰা অপঞ্ঞত্তেন ৰা ৰুচ্চমানো – ‘‘ইদং ন সল্লেখায ন ধুতত্থায ন পাসাদিকতায ন অপচযায ন ৰীরিযারম্ভায সংৰত্ততী’’তি অনাদরিযং করোতি, আপত্তি দুক্কটস্স।
Apaññattena vuccamāno – ‘‘idaṃ na sallekhāya na dhutatthāya na pāsādikatāya na apacayāya na vīriyārambhāya saṃvattatī’’ti anādariyaṃ karoti, āpatti dukkaṭassa. Anupasampannena paññattena vā apaññattena vā vuccamāno – ‘‘idaṃ na sallekhāya na dhutatthāya na pāsādikatāya na apacayāya na vīriyārambhāya saṃvattatī’’ti anādariyaṃ karoti, āpatti dukkaṭassa.
অনুপসম্পন্নে উপসম্পন্নসঞ্ঞী আপত্তি দুক্কটস্স। অনুপসম্পন্নে ৰেমতিকো, আপত্তি দুক্কটস্স। অনুপসম্পন্নে অনুপসম্পন্নসঞ্ঞী, আপত্তি দুক্কটস্স।
Anupasampanne upasampannasaññī āpatti dukkaṭassa. Anupasampanne vematiko, āpatti dukkaṭassa. Anupasampanne anupasampannasaññī, āpatti dukkaṭassa.
৩৪৪. অনাপত্তি – ‘‘এৰং অম্হাকং আচরিযানং উগ্গহো পরিপুচ্ছা’’তি ভণতি, উম্মত্তকস্স, আদিকম্মিকস্সাতি।
344. Anāpatti – ‘‘evaṃ amhākaṃ ācariyānaṃ uggaho paripucchā’’ti bhaṇati, ummattakassa, ādikammikassāti.
অনাদরিযসিক্খাপদং নিট্ঠিতং চতুত্থং।
Anādariyasikkhāpadaṃ niṭṭhitaṃ catutthaṃ.
৫. ভিংসাপনসিক্খাপদং
5. Bhiṃsāpanasikkhāpadaṃ
৩৪৫. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন ছব্বগ্গিযা ভিক্খূ সত্তরসৰগ্গিযে ভিক্খূ ভিংসাপেন্তি। তে ভিংসাপীযমানা রোদন্তি। ভিক্খূ এৰমাহংসু – ‘‘কিস্স তুম্হে, আৰুসো, রোদথা’’তি? ‘‘ইমে, আৰুসো, ছব্বগ্গিযা ভিক্খূ অম্হে ভিংসাপেন্তী’’তি। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম ছব্বগ্গিযা ভিক্খূ ভিক্খুং ভিংসাপেস্সন্তী’’তি…পে॰… সচ্চং কির তুম্হে, ভিক্খৰে, ভিক্খুং ভিংসাপেথাতি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম তুম্হে, মোঘপুরিসা, ভিক্খুং ভিংসাপেস্সথ! নেতং, মোঘপুরিসা, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
345. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū sattarasavaggiye bhikkhū bhiṃsāpenti. Te bhiṃsāpīyamānā rodanti. Bhikkhū evamāhaṃsu – ‘‘kissa tumhe, āvuso, rodathā’’ti? ‘‘Ime, āvuso, chabbaggiyā bhikkhū amhe bhiṃsāpentī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū bhikkhuṃ bhiṃsāpessantī’’ti…pe… saccaṃ kira tumhe, bhikkhave, bhikkhuṃ bhiṃsāpethāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, bhikkhuṃ bhiṃsāpessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
৩৪৬. ‘‘যো পন ভিক্খু ভিক্খুং ভিংসাপেয্য, পাচিত্তিয’’ন্তি।
346.‘‘Yo pana bhikkhu bhikkhuṃ bhiṃsāpeyya, pācittiya’’nti.
৩৪৭. যো পনাতি যো যাদিসো…পে॰… ভিক্খূতি…পে॰… অযং ইমস্মিং অত্থে অধিপ্পেতো ভিক্খূতি।
347.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ভিক্খুন্তি অঞ্ঞং ভিক্খুং।
Bhikkhunti aññaṃ bhikkhuṃ.
ভিংসাপেয্যাতি উপসম্পন্নো উপসম্পন্নং ভিংসাপেতুকামো রূপং ৰা সদ্দং ৰা গন্ধং ৰা রসং ৰা ফোট্ঠব্বং ৰা উপসংহরতি। ভাযেয্য ৰা সো ন ৰা ভাযেয্য, আপত্তি পাচিত্তিযস্স। চোরকন্তারং ৰা ৰাল়কন্তারং ৰা পিসাচকন্তারং ৰা আচিক্খতি। ভাযেয্য ৰা সো ন ৰা ভাযেয্য, আপত্তি পাচিত্তিযস্স।
Bhiṃsāpeyyāti upasampanno upasampannaṃ bhiṃsāpetukāmo rūpaṃ vā saddaṃ vā gandhaṃ vā rasaṃ vā phoṭṭhabbaṃ vā upasaṃharati. Bhāyeyya vā so na vā bhāyeyya, āpatti pācittiyassa. Corakantāraṃ vā vāḷakantāraṃ vā pisācakantāraṃ vā ācikkhati. Bhāyeyya vā so na vā bhāyeyya, āpatti pācittiyassa.
৩৪৮. উপসম্পন্নে উপসম্পন্নসঞ্ঞী ভিংসাপেতি, আপত্তি পাচিত্তিযস্স। উপসম্পন্নে ৰেমতিকো ভিংসাপেতি, আপত্তি পাচিত্তিযস্স। ‘উপসম্পন্নে অনুপসম্পন্নসঞ্ঞী ভিংসাপেতি, আপত্তি পাচিত্তিযস্স।
348. Upasampanne upasampannasaññī bhiṃsāpeti, āpatti pācittiyassa. Upasampanne vematiko bhiṃsāpeti, āpatti pācittiyassa. ‘Upasampanne anupasampannasaññī bhiṃsāpeti, āpatti pācittiyassa.
অনুপসম্পন্নং ভিংসাপেতুকামো রূপং ৰা সদ্দং ৰা গন্ধং ৰা রসং ৰা ফোট্ঠব্বং ৰা উপসংহরতি। ভাযেয্য ৰা সো ন ৰা ভাযেয্য, আপত্তি দুক্কটস্স। চোরকন্তারং ৰা ৰাল়কন্তারং ৰা পিসাচকন্তারং ৰা আচিক্খতি। ভাযেয্য ৰা সো ন ৰা ভাযেয্য, আপত্তি দুক্কটস্স । অনুপসম্পন্নে উপসম্পন্নসঞ্ঞী, আপত্তি দুক্কটস্স। অনুপসম্পন্নে ৰেমতিকো, আপত্তি দুক্কটস্স। অনুপসম্পন্নে অনুপসম্পন্নসঞ্ঞী, আপত্তি দুক্কটস্স।
Anupasampannaṃ bhiṃsāpetukāmo rūpaṃ vā saddaṃ vā gandhaṃ vā rasaṃ vā phoṭṭhabbaṃ vā upasaṃharati. Bhāyeyya vā so na vā bhāyeyya, āpatti dukkaṭassa. Corakantāraṃ vā vāḷakantāraṃ vā pisācakantāraṃ vā ācikkhati. Bhāyeyya vā so na vā bhāyeyya, āpatti dukkaṭassa . Anupasampanne upasampannasaññī, āpatti dukkaṭassa. Anupasampanne vematiko, āpatti dukkaṭassa. Anupasampanne anupasampannasaññī, āpatti dukkaṭassa.
৩৪৯. অনাপত্তি ন ভিংসাপেতুকামো রূপং ৰা সদ্দং ৰা গন্ধং ৰা রসং ৰা ফোট্ঠব্বং ৰা উপসংহরতি, চোরকন্তারং ৰা ৰাল়কন্তারং ৰা পিসাচকন্তারং ৰা আচিক্খতি, উম্মত্তকস্স, আদিকম্মিকস্সাতি।
349. Anāpatti na bhiṃsāpetukāmo rūpaṃ vā saddaṃ vā gandhaṃ vā rasaṃ vā phoṭṭhabbaṃ vā upasaṃharati, corakantāraṃ vā vāḷakantāraṃ vā pisācakantāraṃ vā ācikkhati, ummattakassa, ādikammikassāti.
ভিংসাপনসিক্খাপদং নিট্ঠিতং পঞ্চমং।
Bhiṃsāpanasikkhāpadaṃ niṭṭhitaṃ pañcamaṃ.
৬. জোতিকসিক্খাপদং
6. Jotikasikkhāpadaṃ
৩৫০. তেন সমযেন বুদ্ধো ভগৰা ভগ্গেসু ৰিহরতি সুংসুমারগিরে 19 ভেসকল়াৰনে মিগদাযে। তেন খো পন সমযেন ভিক্খূ হেমন্তিকে কালে অঞ্ঞতরং মহন্তং সুসিরকট্ঠং জোতিং সমাদহিত্ৰা ৰিসিব্বেসুং। তস্মিঞ্চ সুসিরে কণ্হসপ্পো অগ্গিনা সন্তত্তো নিক্খমিত্ৰা ভিক্খূ পরিপাতেসি। ভিক্খূ তহং তহং উপধাৰিংসু। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম ভিক্খূ জোতিং সমাদহিত্ৰা ৰিসিব্বেস্সন্তী’’তি…পে॰… সচ্চং কির, ভিক্খৰে, ভিক্খূ জোতিং সমাদহিত্ৰা ৰিসিব্বেন্তীতি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম তে, ভিক্খৰে , মোঘপুরিসা জোতিং সমাদহিত্ৰা ৰিসিব্বেস্সন্তি! নেতং, ভিক্খৰে, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
350. Tena samayena buddho bhagavā bhaggesu viharati suṃsumāragire 20 bhesakaḷāvane migadāye. Tena kho pana samayena bhikkhū hemantike kāle aññataraṃ mahantaṃ susirakaṭṭhaṃ jotiṃ samādahitvā visibbesuṃ. Tasmiñca susire kaṇhasappo agginā santatto nikkhamitvā bhikkhū paripātesi. Bhikkhū tahaṃ tahaṃ upadhāviṃsu. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhū jotiṃ samādahitvā visibbessantī’’ti…pe… saccaṃ kira, bhikkhave, bhikkhū jotiṃ samādahitvā visibbentīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave , moghapurisā jotiṃ samādahitvā visibbessanti! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
‘‘যো পন ভিক্খু ৰিসিব্বনাপেক্খো জোতিং সমাদহেয্য ৰা সমাদহাপেয্য ৰা, পাচিত্তিয’’ন্তি।
‘‘Yo pana bhikkhu visibbanāpekkho jotiṃ samādaheyya vā samādahāpeyya vā, pācittiya’’nti.
এৰঞ্চিদং ভগৰতা ভিক্খূনং সিক্খাপদং পঞ্ঞত্তং হোতি।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
৩৫১. তেন খো পন সমযেন ভিক্খূ গিলানা হোন্তি। গিলানপুচ্ছকা ভিক্খূ গিলানে ভিক্খূ এতদৰোচুং – ‘‘কচ্চাৰুসো, খমনীযং, কচ্চি যাপনীয’’ন্তি? ‘‘পুব্বে মযং, আৰুসো, জোতিং সমাদহিত্ৰা ৰিসিব্বেম; তেন নো ফাসু হোতি। ইদানি পন ‘‘ভগৰতা পটিক্খিত্ত’’ন্তি কুক্কুচ্চাযন্তা ন ৰিসিব্বেম, তেন নো ন ফাসু হোতী’’তি। ভগৰতো এতমত্থং আরোচেসুং…পে॰… অনুজানামি, ভিক্খৰে, গিলানেন ভিক্খুনা জোতিং সমাদহিত্ৰা ৰা সমাদহাপেত্ৰা ৰা ৰিসিব্বেতুং। এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
351. Tena kho pana samayena bhikkhū gilānā honti. Gilānapucchakā bhikkhū gilāne bhikkhū etadavocuṃ – ‘‘kaccāvuso, khamanīyaṃ, kacci yāpanīya’’nti? ‘‘Pubbe mayaṃ, āvuso, jotiṃ samādahitvā visibbema; tena no phāsu hoti. Idāni pana ‘‘bhagavatā paṭikkhitta’’nti kukkuccāyantā na visibbema, tena no na phāsu hotī’’ti. Bhagavato etamatthaṃ ārocesuṃ…pe… anujānāmi, bhikkhave, gilānena bhikkhunā jotiṃ samādahitvā vā samādahāpetvā vā visibbetuṃ. Evañca pana, bhikkhave, imaṃ sikkhāpadaṃ uddiseyyātha –
‘‘যো পন ভিক্খু অগিলানো ৰিসিব্বনাপেক্খো জোতিং সমাদহেয্য ৰা সমাদহাপেয্য ৰা, পাচিত্তিয’’ন্তি।
‘‘Yo pana bhikkhu agilāno visibbanāpekkho jotiṃ samādaheyyavā samādahāpeyya vā, pācittiya’’nti.
এৰঞ্চিদং ভগৰতা ভিক্খূনং সিক্খাপদং পঞ্ঞত্তং হোতি।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
৩৫২. তেন খো পন সমযেন ভিক্খূ পদীপেপি জোতিকেপি জন্তাঘরেপি কুক্কুচ্চাযন্তি। ভগৰতো এতমত্থং আরোচেসুং…পে॰… অনুজানামি, ভিক্খৰে, তথারূপপ্পচ্চযা জোতিং সমাদহিতুং সমাদহাপেতুং। এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
352. Tena kho pana samayena bhikkhū padīpepi jotikepi jantāgharepi kukkuccāyanti. Bhagavato etamatthaṃ ārocesuṃ…pe… anujānāmi, bhikkhave, tathārūpappaccayā jotiṃ samādahituṃ samādahāpetuṃ. Evañca pana, bhikkhave, imaṃ sikkhāpadaṃ uddiseyyātha –
৩৫৩. ‘‘যো পন ভিক্খু অগিলানো ৰিসিব্বনাপেক্খো জোতিং সমাদহেয্য ৰা সমাদহাপেয্য ৰা, অঞ্ঞত্র তথারূপপ্পচ্চযা, পাচিত্তিয’’ন্তি।
353.‘‘Yo pana bhikkhu agilāno visibbanāpekkho jotiṃ samādaheyya vā samādahāpeyya vā, aññatra tathārūpappaccayā, pācittiya’’nti.
৩৫৪. যো পনাতি যো যাদিসো…পে॰… ভিক্খূতি…পে॰… অযং ইমস্মিং অত্থে অধিপ্পেতো ভিক্খূতি।
354.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
অগিলানো নাম যস্স ৰিনা অগ্গিনা ফাসু হোতি।
Agilāno nāma yassa vinā agginā phāsu hoti.
গিলানো নাম যস্স ৰিনা অগ্গিনা ন ফাসু হোতি।
Gilāno nāma yassa vinā agginā na phāsu hoti.
ৰিসিব্বনাপেক্খোতি তপ্পিতুকামো।
Visibbanāpekkhoti tappitukāmo.
জোতি নাম অগ্গি ৰুচ্চতি।
Joti nāma aggi vuccati.
সমাদহেয্যাতি সযং সমাদহতি, আপত্তি পাচিত্তিযস্স।
Samādaheyyāti sayaṃ samādahati, āpatti pācittiyassa.
সমাদহাপেয্যাতি অঞ্ঞং আণাপেতি, আপত্তি পাচিত্তিযস্স। সকিং আণত্তো বহুকম্পি সমাদহতি, আপত্তি পাচিত্তিযস্স।
Samādahāpeyyāti aññaṃ āṇāpeti, āpatti pācittiyassa. Sakiṃ āṇatto bahukampi samādahati, āpatti pācittiyassa.
অঞ্ঞত্র তথা রূপপ্পচ্চযাতি ঠপেত্ৰা তথারূপপ্পচ্চযং।
Aññatra tathā rūpappaccayāti ṭhapetvā tathārūpappaccayaṃ.
৩৫৫. অগিলানো অগিলানসঞ্ঞী ৰিসিব্বনাপেক্খো জোতিং সমাদহতি ৰা সমাদহাপেতি ৰা, অঞ্ঞত্র তথারূপপ্পচ্চযা, আপত্তি পাচিত্তিযস্স। অগিলানো ৰেমতিকো ৰিসিব্বনাপেক্খো জোতিং সমাদহতি ৰা সমাদহাপেতি ৰা, অঞ্ঞত্র তথারূপপ্পচ্চযা, আপত্তি পাচিত্তিযস্স। অগিলানো গিলানসঞ্ঞী ৰিসিব্বনাপেক্খো জোতিং সমাদহতি ৰা সমাদহাপেতি ৰা, অঞ্ঞত্র তথারূপপ্পচ্চযা, আপত্তি পাচিত্তিযস্স।
355. Agilāno agilānasaññī visibbanāpekkho jotiṃ samādahati vā samādahāpeti vā, aññatra tathārūpappaccayā, āpatti pācittiyassa. Agilāno vematiko visibbanāpekkho jotiṃ samādahati vā samādahāpeti vā, aññatra tathārūpappaccayā, āpatti pācittiyassa. Agilāno gilānasaññī visibbanāpekkho jotiṃ samādahati vā samādahāpeti vā, aññatra tathārūpappaccayā, āpatti pācittiyassa.
পটিলাতং উক্খিপতি, আপত্তি দুক্কটস্স। গিলানো অগিলানসঞ্ঞী, আপত্তি দুক্কটস্স। গিলানো ৰেমতিকো, আপত্তি দুক্কটস্স। গিলানো গিলানসঞ্ঞী, অনাপত্তি।
Paṭilātaṃ ukkhipati, āpatti dukkaṭassa. Gilāno agilānasaññī, āpatti dukkaṭassa. Gilāno vematiko, āpatti dukkaṭassa. Gilāno gilānasaññī, anāpatti.
৩৫৬. অনাপত্তি গিলানস্স, অঞ্ঞেন কতং ৰিসিব্বেতি, ৰীতচ্চিতঙ্গারং ৰিসিব্বেতি, পদীপে জোতিকে জন্তাঘরে তথারূপপ্পচ্চযা, আপদাসু, উম্মত্তকস্স, আদিকম্মিকস্সাতি।
356. Anāpatti gilānassa, aññena kataṃ visibbeti, vītaccitaṅgāraṃ visibbeti, padīpe jotike jantāghare tathārūpappaccayā, āpadāsu, ummattakassa, ādikammikassāti.
জোতিকসিক্খাপদং নিট্ঠিতং ছট্ঠং।
Jotikasikkhāpadaṃ niṭṭhitaṃ chaṭṭhaṃ.
৭. নহানসিক্খাপদং
7. Nahānasikkhāpadaṃ
৩৫৭. তেন সমযেন বুদ্ধো ভগৰা রাজগহে ৰিহরতি ৰেল়ুৰনে কলন্দকনিৰাপে। তেন খো পন সমযেন ভিক্খূ তপোদে নহাযন্তি। তেন খো পন সমযেন 21 রাজা মাগধো সেনিযো বিম্বিসারো ‘‘সীসং নহাযিস্সামী’’তি তপোদং গন্ত্ৰা – ‘‘যাৰায্যা নহাযন্তী’’তি একমন্তং পটিমানেসি। ভিক্খূ যাৰ সমন্ধকারা নহাযিংসু। অথ খো রাজা মাগধো সেনিযো বিম্বিসারো ৰিকালে সীসং নহাযিত্ৰা, নগরদ্ৰারে থকিতে বহিনগরে ৰসিত্ৰা, কালস্সেৰ অসম্ভিন্নেন ৰিলেপনেন যেন ভগৰা তেনুপসঙ্কমি; উপসঙ্কমিত্ৰা ভগৰন্তং অভিৰাদেত্ৰা একমন্তং নিসীদি। একমন্তং নিসিন্নং খো রাজানং মাগধং সেনিযং বিম্বিসারং ভগৰা এতদৰোচ – ‘‘কিস্স ত্ৰং, মহারাজ, কালস্সেৰ আগতো অসম্ভিন্নেন ৰিলেপনেনা’’তি? অথ খো রাজা মাগধো সেনিযো বিম্বিসারো ভগৰতো এতমত্থং আরোচেসি। অথ খো ভগৰা রাজানং মাগধং সেনিযং বিম্বিসারং ধম্মিযা কথায সন্দস্সেসি সমাদপেসি সমুত্তেজেসি সম্পহংসেসি। অথ খো রাজা মাগধো সেনিযো বিম্বিসারো ভগৰতা ধম্মিযা কথায সন্দস্সিতো সমাদপিতো সমুত্তেজিতো সম্পহংসিতো উট্ঠাযাসনা ভগৰন্তং অভিৰাদেত্ৰা পদক্খিণং কত্ৰা পক্কামি। অথ খো ভগৰা এতস্মিং নিদানে এতস্মিং পকরণে ভিক্খুসঙ্ঘং সন্নিপাতাপেত্ৰা ভিক্খূ পটিপুচ্ছি – ‘‘সচ্চং কির, ভিক্খৰে, ভিক্খূ রাজানম্পি পস্সিত্ৰা ন মত্তং জানিত্ৰা নহাযন্তী’’তি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম তে, ভিক্খৰে, মোঘপুরিসা রাজানম্পি পস্সিত্ৰা ন মত্তং জানিত্ৰা নহাযিস্সন্তি! নেতং, ভিক্খৰে, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
357. Tena samayena buddho bhagavā rājagahe viharati veḷuvane kalandakanivāpe. Tena kho pana samayena bhikkhū tapode nahāyanti. Tena kho pana samayena 22 rājā māgadho seniyo bimbisāro ‘‘sīsaṃ nahāyissāmī’’ti tapodaṃ gantvā – ‘‘yāvāyyā nahāyantī’’ti ekamantaṃ paṭimānesi. Bhikkhū yāva samandhakārā nahāyiṃsu. Atha kho rājā māgadho seniyo bimbisāro vikāle sīsaṃ nahāyitvā, nagaradvāre thakite bahinagare vasitvā, kālasseva asambhinnena vilepanena yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho rājānaṃ māgadhaṃ seniyaṃ bimbisāraṃ bhagavā etadavoca – ‘‘kissa tvaṃ, mahārāja, kālasseva āgato asambhinnena vilepanenā’’ti? Atha kho rājā māgadho seniyo bimbisāro bhagavato etamatthaṃ ārocesi. Atha kho bhagavā rājānaṃ māgadhaṃ seniyaṃ bimbisāraṃ dhammiyā kathāya sandassesi samādapesi samuttejesi sampahaṃsesi. Atha kho rājā māgadho seniyo bimbisāro bhagavatā dhammiyā kathāya sandassito samādapito samuttejito sampahaṃsito uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, bhikkhū rājānampi passitvā na mattaṃ jānitvā nahāyantī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā rājānampi passitvā na mattaṃ jānitvā nahāyissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
‘‘যো পন ভিক্খু ওরেনদ্ধমাসং নহাযেয্য, পাচিত্তিয’’ন্তি।
‘‘Yo pana bhikkhu orenaddhamāsaṃ nahāyeyya, pācittiya’’nti.
এৰঞ্চিদং ভগৰতা ভিক্খূনং সিক্খাপদং পঞ্ঞত্তং হোতি।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
৩৫৮. তেন খো পন সমযেন ভিক্খূ উণ্হসমযে পরিল়াহসমযে কুক্কুচ্চাযন্তা ন নহাযন্তি, সেদগতেন গত্তেন সযন্তি। চীৰরম্পি সেনাসনম্পি দুস্সতি। ভগৰতো এতমত্থং আরোচেসুং…পে॰… অনুজানামি, ভিক্খৰে, উণ্হসমযে পরিল়াহসমযে ওরেনদ্ধমাসং নহাযিতুং। এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
358. Tena kho pana samayena bhikkhū uṇhasamaye pariḷāhasamaye kukkuccāyantā na nahāyanti, sedagatena gattena sayanti. Cīvarampi senāsanampi dussati. Bhagavato etamatthaṃ ārocesuṃ…pe… anujānāmi, bhikkhave, uṇhasamaye pariḷāhasamaye orenaddhamāsaṃ nahāyituṃ. Evañca pana, bhikkhave, imaṃ sikkhāpadaṃ uddiseyyātha –
‘‘যো পন ভিক্খু ওরেনদ্ধমাসং নহাযেয্য, অঞ্ঞত্র সমযা, পাচিত্তিযং। তত্থাযং সমযো। দিযড্ঢো মাসো সেসো গিম্হানন্তি 23 ৰস্সানস্স পঠমো মাসো ইচ্চেতে অড্ঢতেয্যমাসা উণ্হসমযো পরিল়াহসমযো – অযং তত্থ সমযো’’তি।
‘‘Yopana bhikkhu orenaddhamāsaṃ nahāyeyya, aññatra samayā, pācittiyaṃ. Tatthāyaṃ samayo. Diyaḍḍho māso seso gimhānanti24vassānassa paṭhamo māso iccete aḍḍhateyyamāsā uṇhasamayo pariḷāhasamayo – ayaṃ tattha samayo’’ti.
এৰঞ্চিদং ভগৰতা ভিক্খূনং সিক্খাপদং পঞ্ঞত্তং হোতি।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
৩৫৯. তেন খো পন সমযেন ভিক্খূ গিলানা হোন্তি। গিলানপুচ্ছকা ভিক্খূ গিলানে ভিক্খূ এতদৰোচুং – ‘‘কচ্চাৰুসো, খমনীযং, কচ্চি যাপনীয’’ন্তি? ‘‘পুব্বে মযং, আৰুসো, ওরেনদ্ধমাসং নহাযাম, তেন নো ফাসু হোতি; ইদানি পন ‘‘ভগৰতা পটিক্খিত্ত’’ন্তি কুক্কুচ্চাযন্তা ন নহাযাম, তেন নো ন ফাসু হোতী’’তি। ভগৰতো এতমত্থং আরোচেসুং…পে॰… অনুজানামি, ভিক্খৰে, গিলানেন ভিক্খুনা ওরেনদ্ধমাসং নহাযিতুং। এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
359. Tena kho pana samayena bhikkhū gilānā honti. Gilānapucchakā bhikkhū gilāne bhikkhū etadavocuṃ – ‘‘kaccāvuso, khamanīyaṃ, kacci yāpanīya’’nti? ‘‘Pubbe mayaṃ, āvuso, orenaddhamāsaṃ nahāyāma, tena no phāsu hoti; idāni pana ‘‘bhagavatā paṭikkhitta’’nti kukkuccāyantā na nahāyāma, tena no na phāsu hotī’’ti. Bhagavato etamatthaṃ ārocesuṃ…pe… anujānāmi, bhikkhave, gilānena bhikkhunā orenaddhamāsaṃ nahāyituṃ. Evañca pana, bhikkhave, imaṃ sikkhāpadaṃ uddiseyyātha –
‘‘যো পন ভিক্খু ওরেনদ্ধমাসং নহাযেয্য, অঞ্ঞত্র সমযা, পাচিত্তিযং। তত্থাযং সমযো। দিযড্ঢো মাসো সেসো গিম্হানন্তি 25 ৰস্সানস্স পঠমো মাসো ইচ্চেতে অড্ঢতেয্যমাসা উণ্হসমযো, পরিল়াহসমযো, গিলানসমযো – অযং তত্থ সমযো’’তি।
‘‘Yo pana bhikkhu orenaddhamāsaṃ nahāyeyya, aññatra samayā, pācittiyaṃ. Tatthāyaṃ samayo. Diyaḍḍho māso seso gimhānanti26vassānassapaṭhamo māso iccete aḍḍhateyyamāsā uṇhasamayo, pariḷāhasamayo, gilānasamayo – ayaṃ tattha samayo’’ti.
এৰঞ্চিদং ভগৰতা ভিক্খূনং সিক্খাপদং পঞ্ঞত্তং হোতি।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
৩৬০. তেন খো পন সমযেন ভিক্খূ নৰকম্মং কত্ৰা কুক্কুচ্চাযন্তা ন নহাযন্তি। তে সেদগতেন গত্তেন সযন্তি। চীৰরম্পি সেনাসনম্পি দুস্সতি। ভগৰতো এতমত্থং আরোচেসুং…পে॰… অনুজানামি, ভিক্খৰে, কম্মসমযে ওরেনদ্ধমাসং নহাযিতুং। এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
360. Tena kho pana samayena bhikkhū navakammaṃ katvā kukkuccāyantā na nahāyanti. Te sedagatena gattena sayanti. Cīvarampi senāsanampi dussati. Bhagavato etamatthaṃ ārocesuṃ…pe… anujānāmi, bhikkhave, kammasamaye orenaddhamāsaṃ nahāyituṃ. Evañca pana, bhikkhave, imaṃ sikkhāpadaṃ uddiseyyātha –
‘‘যো পন ভিক্খু ওরেনদ্ধমাসং নহাযেয্য, অঞ্ঞত্র সমযা, পাচিত্তিযং। তত্থাযং সমযো। দিযড্ঢো মাসো সেসো গিম্হানন্তি ৰস্সানস্স পঠমো মাসো ইচ্চেতে অড্ঢতেয্যমাসা উণ্হসমযো, পরিল়াহসমযো, গিলানসমযো, কম্মসমযো – অযং তত্থ সমযো’’তি।
‘‘Yo pana bhikkhu orenaddhamāsaṃ nahāyeyya, aññatra samayā, pācittiyaṃ. Tatthāyaṃ samayo. Diyaḍḍho māso seso gimhānanti vassānassa paṭhamo māso iccete aḍḍhateyyamāsā uṇhasamayo, pariḷāhasamayo, gilānasamayo, kammasamayo – ayaṃ tattha samayo’’ti.
এৰঞ্চিদং ভগৰতা ভিক্খূনং সিক্খাপদং পঞ্ঞত্তং হোতি।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
৩৬১. তেন খো পন সমযেন ভিক্খূ অদ্ধানং গন্ত্ৰা কুক্কুচ্চাযন্তা ন নহাযন্তি। তে সেদগতেন গত্তেন সযন্তি। চীৰরম্পি সেনাসনম্পি দুস্সতি। ভগৰতো এতমত্থং আরোচেসুং…পে॰… অনুজানামি, ভিক্খৰে, অদ্ধানগমনসমযে ওরেনদ্ধমাসং নহাযিতুং। এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
361. Tena kho pana samayena bhikkhū addhānaṃ gantvā kukkuccāyantā na nahāyanti. Te sedagatena gattena sayanti. Cīvarampi senāsanampi dussati. Bhagavato etamatthaṃ ārocesuṃ…pe… anujānāmi, bhikkhave, addhānagamanasamaye orenaddhamāsaṃ nahāyituṃ. Evañca pana, bhikkhave, imaṃ sikkhāpadaṃ uddiseyyātha –
‘‘যো পন ভিক্খু ওরেনদ্ধমাসং নহাযেয্য, অঞ্ঞত্র সমযা, পাচিত্তিযং। তত্থাযং সমযো। দিযড্ঢো মাসো সেসো গিম্হানন্তি ৰস্সানস্স পঠমো মাসো ইচ্চেতে অড্ঢতেয্যমাসা উণ্হসমযো, পরিল়াহসমযো, গিলানসমযো, কম্মসমযো, অদ্ধানগমনসমযো – অযং তত্থ সমযো’’তি।
‘‘Yo pana bhikkhu orenaddhamāsaṃ nahāyeyya, aññatra samayā, pācittiyaṃ. Tatthāyaṃ samayo. Diyaḍḍho māso seso gimhānanti vassānassa paṭhamo māso iccete aḍḍhateyyamāsā uṇhasamayo, pariḷāhasamayo, gilānasamayo, kammasamayo, addhānagamanasamayo – ayaṃ tattha samayo’’ti.
এৰঞ্চিদং ভগৰতা ভিক্খূনং সিক্খাপদং পঞ্ঞত্তং হোতি।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
৩৬২. তেন খো পন সমযেন সম্বহুলা ভিক্খূ অজ্ঝোকাসে চীৰরকম্মং করোন্তা সরজেন ৰাতেন ওকিণ্ণা হোন্তি। দেৰো চ থোকং থোকং ফুসাযতি। ভিক্খূ কুক্কুচ্চাযন্তা ন নহাযন্তি, কিলিন্নেন গত্তেন সযন্তি। চীৰরম্পি সেনাসনম্পি দুস্সতি। ভগৰতো এতমত্থং আরোচেসুং…পে॰… অনুজানামি, ভিক্খৰে, ৰাতৰুট্ঠিসমযে ওরেনদ্ধমাসং নহাযিতুং। এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
362. Tena kho pana samayena sambahulā bhikkhū ajjhokāse cīvarakammaṃ karontā sarajena vātena okiṇṇā honti. Devo ca thokaṃ thokaṃ phusāyati. Bhikkhū kukkuccāyantā na nahāyanti, kilinnena gattena sayanti. Cīvarampi senāsanampi dussati. Bhagavato etamatthaṃ ārocesuṃ…pe… anujānāmi, bhikkhave, vātavuṭṭhisamaye orenaddhamāsaṃ nahāyituṃ. Evañca pana, bhikkhave, imaṃ sikkhāpadaṃ uddiseyyātha –
৩৬৩. ‘‘যো পন ভিক্খু ওরেনদ্ধমাসং নহাযেয্য, অঞ্ঞত্র সমযা, পাচিত্তিযং। তত্থাযং সমযো। দিযড্ঢো মাসো সেসো গিম্হানন্তি ৰস্সানস্স পঠমো মাসো ইচ্চেতে অড্ঢতেয্যমাসা উণ্হসমযো, পরিল়াহসমযো, গিলানসমযো, কম্মসমযো, অদ্ধানগমনসমযো, ৰাতৰুট্ঠিসমযো – অযং তত্থ সমযো’’তি।
363.‘‘Yo pana bhikkhu orenaddhamāsaṃ nahāyeyya, aññatra samayā, pācittiyaṃ. Tatthāyaṃ samayo. Diyaḍḍho māso seso gimhānanti vassānassa paṭhamo māso iccete aḍḍhateyyamāsā uṇhasamayo, pariḷāhasamayo, gilānasamayo, kammasamayo, addhānagamanasamayo, vātavuṭṭhisamayo– ayaṃ tattha samayo’’ti.
৩৬৪. যো পনাতি যো যাদিসো…পে॰… ভিক্খূতি…পে॰… অযং ইমস্মিং অত্থে অধিপ্পেতো ভিক্খূতি।
364.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ওরেনদ্ধমাসন্তি ঊনকদ্ধমাসং।
Orenaddhamāsanti ūnakaddhamāsaṃ.
নহাযেয্যাতি চুণ্ণেন ৰা মত্তিকায ৰা নহাযতি, পযোগে পযোগে দুক্কটং। নহানপরিযোসানে, আপত্তি পাচিত্তিযস্স।
Nahāyeyyāti cuṇṇena vā mattikāya vā nahāyati, payoge payoge dukkaṭaṃ. Nahānapariyosāne, āpatti pācittiyassa.
অঞ্ঞত্র সমযাতি ঠপেত্ৰা সমযং।
Aññatrasamayāti ṭhapetvā samayaṃ.
উণ্হসমযো নাম দিযড্ঢো মাসো সেসো গিম্হানং। পরিল়াহসমযো নাম ৰস্সানস্স পঠমো মাসো ‘‘ইচ্চেতে অড্ঢতেয্যমাসা উণ্হসমযো পরিল়াহসমযো’’তি নহাযিতব্বং।
Uṇhasamayo nāma diyaḍḍho māso seso gimhānaṃ. Pariḷāhasamayo nāma vassānassa paṭhamo māso ‘‘iccete aḍḍhateyyamāsā uṇhasamayo pariḷāhasamayo’’ti nahāyitabbaṃ.
গিলানসমযো নাম যস্স ৰিনা নহানেন ন ফাসু হোতি। গিলানসমযোতি নহাযিতব্বং।
Gilānasamayo nāma yassa vinā nahānena na phāsu hoti. Gilānasamayoti nahāyitabbaṃ.
কম্মসমযো নাম অন্তমসো পরিৰেণম্পি সম্মট্ঠং হোতি। ‘‘কম্মসমযো’’তি নহাযিতব্বং।
Kammasamayo nāma antamaso pariveṇampi sammaṭṭhaṃ hoti. ‘‘Kammasamayo’’ti nahāyitabbaṃ.
অদ্ধানগমনসমযো নাম ‘‘অদ্ধযোজনং গচ্ছিস্সামী’’তি নহাযিতব্বং, গচ্ছন্তেন নহাযিতব্বং, গতেন নহাযিতব্বং।
Addhānagamanasamayo nāma ‘‘addhayojanaṃ gacchissāmī’’ti nahāyitabbaṃ, gacchantena nahāyitabbaṃ, gatena nahāyitabbaṃ.
ৰাতৰুট্ঠিসমযো নাম ভিক্খূ সরজেন ৰাতেন ওকিণ্ণা হোন্তি, দ্ৰে ৰা তীণি ৰা উদকফুসিতানি কাযে পতিতানি হোন্তি। ‘‘ৰাতৰুট্ঠিসমযো’’তি নহাযিতব্বং।
Vātavuṭṭhisamayo nāma bhikkhū sarajena vātena okiṇṇā honti, dve vā tīṇi vā udakaphusitāni kāye patitāni honti. ‘‘Vātavuṭṭhisamayo’’ti nahāyitabbaṃ.
৩৬৫. ঊনকদ্ধমাসে ঊনকসঞ্ঞী, অঞ্ঞত্র সমযা, নহাযতি, আপত্তি পাচিত্তিযস্স। ঊনকদ্ধমাসে ৰেমতিকো, অঞ্ঞত্র সমযা, নহাযতি, আপত্তি পাচিত্তিযস্স। ঊনকদ্ধমাসে অতিরেকসঞ্ঞী, অঞ্ঞত্র সমযা, নহাযতি, আপত্তি পাচিত্তিযস্স।
365. Ūnakaddhamāse ūnakasaññī, aññatra samayā, nahāyati, āpatti pācittiyassa. Ūnakaddhamāse vematiko, aññatra samayā, nahāyati, āpatti pācittiyassa. Ūnakaddhamāse atirekasaññī, aññatra samayā, nahāyati, āpatti pācittiyassa.
অতিরেকদ্ধমাসে ঊনকসঞ্ঞী, আপত্তি দুক্কটস্স। অতিরেকদ্ধমাসে ৰেমতিকো , আপত্তি দুক্কটস্স। অতিরেকদ্ধমাসে অতিরেকসঞ্ঞী, অনাপত্তি।
Atirekaddhamāse ūnakasaññī, āpatti dukkaṭassa. Atirekaddhamāse vematiko , āpatti dukkaṭassa. Atirekaddhamāse atirekasaññī, anāpatti.
৩৬৬. অনাপত্তি সমযে, অদ্ধমাসং নহাযতি, অতিরেকদ্ধমাসং নহাযতি, পারং গচ্ছন্তো নহাযতি, সব্বপচ্চন্তিমেসু জনপদেসু, আপদাসু, উম্মত্তকস্স, আদিকম্মিকস্সাতি।
366. Anāpatti samaye, addhamāsaṃ nahāyati, atirekaddhamāsaṃ nahāyati, pāraṃ gacchanto nahāyati, sabbapaccantimesu janapadesu, āpadāsu, ummattakassa, ādikammikassāti.
নহানসিক্খাপদং নিট্ঠিতং সত্তমং।
Nahānasikkhāpadaṃ niṭṭhitaṃ sattamaṃ.
৮. দুব্বণ্ণকরণসিক্খাপদং
8. Dubbaṇṇakaraṇasikkhāpadaṃ
৩৬৭. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন সম্বহুলা ভিক্খূ চ পরিব্বাজকা চ সাকেতা সাৰত্থিং অদ্ধানমগ্গপ্পটিপন্না হোন্তি। অন্তরামগ্গে চোরা নিক্খমিত্ৰা তে অচ্ছিন্দিংসু। সাৰত্থিযা রাজভটা নিক্খমিত্ৰা তে চোরে সভণ্ডে গহেত্ৰা ভিক্খূনং সন্তিকে দূতং পাহেসুং – ‘‘আগচ্ছন্তু, ভদন্তা, সকং সকং চীৰরং সঞ্জানিত্ৰা গণ্হন্তূ’’তি। ভিক্খূ ন সঞ্জানন্তি। তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম ভদন্তা অত্তনো অত্তনো চীৰরং ন সঞ্জানিস্সন্তী’’তি! অস্সোসুং খো ভিক্খূ তেসং মনুস্সানং উজ্ঝাযন্তানং খিয্যন্তানং ৰিপাচেন্তানং। অথ খো তে ভিক্খূ ভগৰতো এতমত্থং আরোচেসুং। অথ খো ভগৰা এতস্মিং নিদানে এতস্মিং পকরণে ভিক্খুসঙ্ঘং সন্নিপাতাপেত্ৰা ভিক্খূনং তদনুচ্ছৰিকং তদনুলোমিকং ধম্মিং কথং কত্ৰা ভিক্খূ আমন্তেসি – ‘‘তেন হি, ভিক্খৰে, ভিক্খূনং সিক্খাপদং পঞ্ঞপেস্সামি দস অত্থৰসে পটিচ্চ – সঙ্ঘসুট্ঠুতায, সঙ্ঘফাসুতায…পে॰… সদ্ধম্মট্ঠিতিযা, ৰিনযানুগ্গহায। এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
367. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sambahulā bhikkhū ca paribbājakā ca sāketā sāvatthiṃ addhānamaggappaṭipannā honti. Antarāmagge corā nikkhamitvā te acchindiṃsu. Sāvatthiyā rājabhaṭā nikkhamitvā te core sabhaṇḍe gahetvā bhikkhūnaṃ santike dūtaṃ pāhesuṃ – ‘‘āgacchantu, bhadantā, sakaṃ sakaṃ cīvaraṃ sañjānitvā gaṇhantū’’ti. Bhikkhū na sañjānanti. Te ujjhāyanti khiyyanti vipācenti – ‘‘kathañhi nāma bhadantā attano attano cīvaraṃ na sañjānissantī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhūnaṃ tadanucchavikaṃ tadanulomikaṃ dhammiṃ kathaṃ katvā bhikkhū āmantesi – ‘‘tena hi, bhikkhave, bhikkhūnaṃ sikkhāpadaṃ paññapessāmi dasa atthavase paṭicca – saṅghasuṭṭhutāya, saṅghaphāsutāya…pe… saddhammaṭṭhitiyā, vinayānuggahāya. Evañca pana, bhikkhave, imaṃ sikkhāpadaṃ uddiseyyātha –
৩৬৮. ‘‘নৰং পন ভিক্খুনা চীৰরলাভেন তিণ্ণং দুব্বণ্ণকরণানং অঞ্ঞতরং দুব্বণ্ণকরণং আদাতব্বং – নীলং ৰা কদ্দমং ৰা কাল়সামং ৰা। অনাদা চে ভিক্খু তিণ্ণং দুব্বণ্ণকরণানং অঞ্ঞতরং দুব্বণ্ণকরণং নৰং চীৰরং পরিভুঞ্জেয্য, পাচিত্তিয’’ন্তি।
368.‘‘Navaṃ pana bhikkhunā cīvaralābhena tiṇṇaṃ dubbaṇṇakaraṇānaṃ aññataraṃ dubbaṇṇakaraṇaṃ ādātabbaṃ – nīlaṃ vā kaddamaṃ vā kāḷasāmaṃ vā. Anādāce bhikkhu tiṇṇaṃ dubbaṇṇakaraṇānaṃ aññataraṃ dubbaṇṇakaraṇaṃnavaṃ cīvaraṃ paribhuñjeyya, pācittiya’’nti.
৩৬৯. নৰং নাম অকতকপ্পং ৰুচ্চতি।
369.Navaṃ nāma akatakappaṃ vuccati.
চীৰরং নাম ছন্নং চীৰরানং অঞ্ঞতরং চীৰরং।
Cīvaraṃ nāma channaṃ cīvarānaṃ aññataraṃ cīvaraṃ.
তিণ্ণং দুব্বণ্ণকরণানং অঞ্ঞতরং দুব্বণ্ণকরণং আদাতব্বন্তি অন্তমসো কুসগ্গেনপি আদাতব্বং।
Tiṇṇaṃ dubbaṇṇakaraṇānaṃ aññataraṃ dubbaṇṇakaraṇaṃ ādātabbanti antamaso kusaggenapi ādātabbaṃ.
নীলং নাম দ্ৰে নীলানি – কংসনীলং, পলাসনীলং।
Nīlaṃ nāma dve nīlāni – kaṃsanīlaṃ, palāsanīlaṃ.
কদ্দমো নাম ওদকো ৰুচ্চতি।
Kaddamo nāma odako vuccati.
অনাদা চে ভিক্খু তিণ্ণং দুব্বণ্ণকরণানং অঞ্ঞতরং দুব্বণ্ণকরণন্তি অন্তমসো কুসগ্গেনপি অনাদিযিত্ৰা তিণ্ণং দুব্বণ্ণকরণানং অঞ্ঞতরং দুব্বণ্ণকরণং নৰং চীৰরং পরিভুঞ্জতি, আপত্তি পাচিত্তিযস্স।
Anādā ce bhikkhu tiṇṇaṃ dubbaṇṇakaraṇānaṃ aññataraṃ dubbaṇṇakaraṇanti antamaso kusaggenapi anādiyitvā tiṇṇaṃ dubbaṇṇakaraṇānaṃ aññataraṃ dubbaṇṇakaraṇaṃ navaṃ cīvaraṃ paribhuñjati, āpatti pācittiyassa.
৩৭০. অনাদিন্নে অনাদিন্নসঞ্ঞী পরিভুঞ্জতি, আপত্তি পাচিত্তিযস্স। অনাদিন্নে ৰেমতিকো পরিভুঞ্জতি, আপত্তি পাচিত্তিযস্স। অনাদিন্নে আদিন্নসঞ্ঞী পরিভুঞ্জতি, আপত্তি পাচিত্তিযস্স।
370. Anādinne anādinnasaññī paribhuñjati, āpatti pācittiyassa. Anādinne vematiko paribhuñjati, āpatti pācittiyassa. Anādinne ādinnasaññī paribhuñjati, āpatti pācittiyassa.
আদিন্নে অনাদিন্নসঞ্ঞী, আপত্তি দুক্কটস্স। আদিন্নে ৰেমতিকো, আপত্তি দুক্কটস্স। আদিন্নে আদিন্নসঞ্ঞী, অনাপত্তি।
Ādinne anādinnasaññī, āpatti dukkaṭassa. Ādinne vematiko, āpatti dukkaṭassa. Ādinne ādinnasaññī, anāpatti.
৩৭১. অনাপত্তিআদিযিত্ৰা পরিভুঞ্জতি, কপ্পো নট্ঠো হোতি, কপ্পকতোকাসো জিণ্ণো হোতি, কপ্পকতেন অকপ্পকতং সংসিব্বিতং হোতি, অগ্গল়ে অনুৰাতে পরিভণ্ডে, উম্মত্তকস্স, আদিকম্মিকস্সাতি।
371. Anāpattiādiyitvā paribhuñjati, kappo naṭṭho hoti, kappakatokāso jiṇṇo hoti, kappakatena akappakataṃ saṃsibbitaṃ hoti, aggaḷe anuvāte paribhaṇḍe, ummattakassa, ādikammikassāti.
দুব্বণ্ণকরণসিক্খাপদং নিট্ঠিতং অট্ঠমং।
Dubbaṇṇakaraṇasikkhāpadaṃ niṭṭhitaṃ aṭṭhamaṃ.
৯. ৰিকপ্পনসিক্খাপদং
9. Vikappanasikkhāpadaṃ
৩৭২. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন আযস্মা উপনন্দো সক্যপুত্তো ভাতুনো সদ্ধিৰিহারিকস্স ভিক্খুনো সামং চীৰরং ৰিকপ্পেত্ৰা অপ্পচ্চুদ্ধারণং 29 পরিভুঞ্জতি। অথ খো সো ভিক্খু ভিক্খূনং এতমত্থং আরোচেসি – ‘‘অযং, আৰুসো, আযস্মা উপনন্দো সক্যপুত্তো ময্হং চীৰরং সামং ৰিকপ্পেত্ৰা অপ্পচ্চুদ্ধারণং পরিভুঞ্জতী’’তি। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম আযস্মা উপনন্দো সক্যপুত্তো ভিক্খুস্স সামং চীৰরং ৰিকপ্পেত্ৰা অপ্পচ্চুদ্ধারণং পরিভুঞ্জিস্সতী’’তি…পে॰… সচ্চং কির ত্ৰং, উপনন্দ, ভিক্খুস্স সামং চীৰরং ৰিকপ্পেত্ৰা অপ্পচ্চুদ্ধারণং পরিভুঞ্জসীতি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম ত্ৰং, মোঘপুরিস, ভিক্খুস্স সামং চীৰরং ৰিকপ্পেত্ৰা অপ্পচ্চুদ্ধারণং পরিভুঞ্জিস্সসি! নেতং, মোঘপুরিস, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
372. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā upanando sakyaputto bhātuno saddhivihārikassa bhikkhuno sāmaṃ cīvaraṃ vikappetvā appaccuddhāraṇaṃ 30 paribhuñjati. Atha kho so bhikkhu bhikkhūnaṃ etamatthaṃ ārocesi – ‘‘ayaṃ, āvuso, āyasmā upanando sakyaputto mayhaṃ cīvaraṃ sāmaṃ vikappetvā appaccuddhāraṇaṃ paribhuñjatī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā upanando sakyaputto bhikkhussa sāmaṃ cīvaraṃ vikappetvā appaccuddhāraṇaṃ paribhuñjissatī’’ti…pe… saccaṃ kira tvaṃ, upananda, bhikkhussa sāmaṃ cīvaraṃ vikappetvā appaccuddhāraṇaṃ paribhuñjasīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, bhikkhussa sāmaṃ cīvaraṃ vikappetvā appaccuddhāraṇaṃ paribhuñjissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
৩৭৩. ‘‘যো পন ভিক্খু ভিক্খুস্স ৰা ভিক্খুনিযা ৰা সিক্খমানায ৰা সামণেরস্স ৰা সামণেরিযা ৰা সামং চীৰরং ৰিকপ্পেত্ৰা অপ্পচ্চুদ্ধারণং 31 পরিভুঞ্জেয্য, পাচিত্তিয’’ন্তি।
373.‘‘Yo pana bhikkhu bhikkhussa vā bhikkhuniyā vā sikkhamānāya vā sāmaṇerassa vā sāmaṇeriyā vā sāmaṃ cīvaraṃ vikappetvā appaccuddhāraṇaṃ32paribhuñjeyya, pācittiya’’nti.
৩৭৪. যো পনাতি যো যাদিসো…পে॰… ভিক্খূতি…পে॰… অযং ইমস্মিং অত্থে অধিপ্পেতো ভিক্খূতি।
374.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ভিক্খুস্সাতি অঞ্ঞস্স ভিক্খুস্স।
Bhikkhussāti aññassa bhikkhussa.
ভিক্খুনী নাম উভতোসঙ্ঘে উপসম্পন্না।
Bhikkhunī nāma ubhatosaṅghe upasampannā.
সিক্খমানা নাম দ্ৰে ৰস্সানি ছসু ধম্মেসু সিক্খিতসিক্খা।
Sikkhamānā nāma dve vassāni chasu dhammesu sikkhitasikkhā.
সামণেরো নাম দসসিক্খাপদিকো।
Sāmaṇero nāma dasasikkhāpadiko.
সামণেরী নাম দসসিক্খাপদিকা।
Sāmaṇerī nāma dasasikkhāpadikā.
সামন্তি সযং ৰিকপ্পেত্ৰা।
Sāmanti sayaṃ vikappetvā.
চীৰরং নাম ছন্নং চীৰরানং অঞ্ঞতরং চীৰরং ৰিকপ্পনুপগং পচ্ছিমং।
Cīvaraṃ nāma channaṃ cīvarānaṃ aññataraṃ cīvaraṃ vikappanupagaṃ pacchimaṃ.
ৰিকপ্পনা নাম দ্ৰে ৰিকপ্পনা – সম্মুখাৰিকপ্পনা চ পরম্মুখাৰিকপ্পনা চ।
Vikappanā nāma dve vikappanā – sammukhāvikappanā ca parammukhāvikappanā ca.
সম্মুখাৰিকপ্পনা নাম ‘‘ইমং চীৰরং তুয্হং ৰিকপ্পেমি ইত্থন্নামস্স ৰা’’তি।
Sammukhāvikappanā nāma ‘‘imaṃ cīvaraṃ tuyhaṃ vikappemi itthannāmassa vā’’ti.
পরম্মুখাৰিকপ্পনা নাম ‘‘ইমং চীৰরং ৰিকপ্পনত্থায তুয্হং দম্মী’’তি। তেন ৰত্তব্বো – ‘‘কো তে মিত্তো ৰা সন্দিট্ঠো ৰা’’তি? ‘‘ইত্থন্নামো চ ইত্থন্নামো চা’’তি। তেন ৰত্তব্বো – ‘‘অহং তেসং দম্মি, তেসং সন্তকং পরিভুঞ্জ ৰা ৰিস্সজ্জেহি ৰা যথাপচ্চযং ৰা করোহী’’তি।
Parammukhāvikappanā nāma ‘‘imaṃ cīvaraṃ vikappanatthāya tuyhaṃ dammī’’ti. Tena vattabbo – ‘‘ko te mitto vā sandiṭṭho vā’’ti? ‘‘Itthannāmo ca itthannāmo cā’’ti. Tena vattabbo – ‘‘ahaṃ tesaṃ dammi, tesaṃ santakaṃ paribhuñja vā vissajjehi vā yathāpaccayaṃ vā karohī’’ti.
অপ্পচ্চুদ্ধারণং নাম তস্স ৰা অদিন্নং, তস্স ৰা অৰিস্সসন্তো পরিভুঞ্জতি, আপত্তি পাচিত্তিযস্স।
Appaccuddhāraṇaṃ nāma tassa vā adinnaṃ, tassa vā avissasanto paribhuñjati, āpatti pācittiyassa.
৩৭৫. অপ্পচ্চুদ্ধারণে অপ্পচ্চুদ্ধারণসঞ্ঞী পরিভুঞ্জতি, আপত্তি পাচিত্তিযস্স। অপ্পচ্চুদ্ধারণে ৰেমতিকো পরিভুঞ্জতি, আপত্তি পাচিত্তিযস্স। অপ্পচ্চুদ্ধারণে অপ্পচ্চুদ্ধারণসঞ্ঞী পরিভুঞ্জতি, আপত্তি পাচিত্তিযস্স।
375. Appaccuddhāraṇe appaccuddhāraṇasaññī paribhuñjati, āpatti pācittiyassa. Appaccuddhāraṇe vematiko paribhuñjati, āpatti pācittiyassa. Appaccuddhāraṇe appaccuddhāraṇasaññī paribhuñjati, āpatti pācittiyassa.
অধিট্ঠেতি ৰা ৰিস্সজ্জেতি ৰা, আপত্তি দুক্কটস্স। পচ্চুদ্ধারণে অপ্পচ্চুদ্ধারণসঞ্ঞী, আপত্তি দুক্কটস্স । পচ্চুদ্ধারণে ৰেমতিকো, আপত্তি দুক্কটস্স। পচ্চুদ্ধারণে পচ্চুদ্ধারণসঞ্ঞী, অনাপত্তি।
Adhiṭṭheti vā vissajjeti vā, āpatti dukkaṭassa. Paccuddhāraṇe appaccuddhāraṇasaññī, āpatti dukkaṭassa . Paccuddhāraṇe vematiko, āpatti dukkaṭassa. Paccuddhāraṇe paccuddhāraṇasaññī, anāpatti.
৩৭৬. অনাপত্তি সো ৰা দেতি, তস্স ৰা ৰিস্সসন্তো পরিভুঞ্জতি, উম্মত্তকস্স, আদিকম্মিকস্সাতি।
376. Anāpatti so vā deti, tassa vā vissasanto paribhuñjati, ummattakassa, ādikammikassāti.
ৰিকপ্পনসিক্খাপদং নিট্ঠিতং নৰমং।
Vikappanasikkhāpadaṃ niṭṭhitaṃ navamaṃ.
১০. চীৰরঅপনিধানসিক্খাপদং
10. Cīvaraapanidhānasikkhāpadaṃ
৩৭৭. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন সত্তরসৰগ্গিযা ভিক্খূ অসন্নিহিতপরিক্খারা হোন্তি। ছব্বগ্গিযা ভিক্খূ সত্তরসৰগ্গিযানং ভিক্খূনং পত্তম্পি চীৰরম্পি অপনিধেন্তি। সত্তরসৰগ্গিযা ভিক্খূ ছব্বগ্গিযে ভিক্খূ এতদৰোচুং – ‘‘দেথাৰুসো, অম্হাকং পত্তম্পি চীৰরম্পী’’তি। ছব্বগ্গিযা ভিক্খূ হসন্তি, তে রোদন্তি। ভিক্খূ এৰমাহংসু – ‘‘কিস্স তুম্হে, আৰুসো, রোদথা’’তি? ‘‘ইমে, আৰুসো, ছব্বগ্গিযা ভিক্খূ অম্হাকং পত্তম্পি চীৰরম্পি অপনিধেন্তী’’তি। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম ছব্বগ্গিযা ভিক্খূ ভিক্খূনং পত্তম্পি চীৰরম্পি অপনিধেস্সন্তী’’তি…পে॰… সচ্চং কির তুম্হে, ভিক্খৰে, ভিক্খূনং পত্তম্পি চীৰরম্পি অপনিধেথাতি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম তুম্হে, মোঘপুরিসা, ভিক্খূনং পত্তম্পি চীৰরম্পি অপনিধেস্সথ! নেতং, মোঘপুরিসা, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
377. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sattarasavaggiyā bhikkhū asannihitaparikkhārā honti. Chabbaggiyā bhikkhū sattarasavaggiyānaṃ bhikkhūnaṃ pattampi cīvarampi apanidhenti. Sattarasavaggiyā bhikkhū chabbaggiye bhikkhū etadavocuṃ – ‘‘dethāvuso, amhākaṃ pattampi cīvarampī’’ti. Chabbaggiyā bhikkhū hasanti, te rodanti. Bhikkhū evamāhaṃsu – ‘‘kissa tumhe, āvuso, rodathā’’ti? ‘‘Ime, āvuso, chabbaggiyā bhikkhū amhākaṃ pattampi cīvarampi apanidhentī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū bhikkhūnaṃ pattampi cīvarampi apanidhessantī’’ti…pe… saccaṃ kira tumhe, bhikkhave, bhikkhūnaṃ pattampi cīvarampi apanidhethāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, bhikkhūnaṃ pattampi cīvarampi apanidhessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
৩৭৮. ‘‘যো পন ভিক্খু ভিক্খুস্স পত্তং ৰা চীৰরং ৰা নিসীদনং ৰা সূচিঘরং ৰা কাযবন্ধনং ৰা অপনিধেয্য ৰা অপনিধাপেয্য ৰা, অন্তমসো হসাপেক্খোপি, পাচিত্তিয’’ন্তি।
378.‘‘Yopana bhikkhu bhikkhussa pattaṃ vā cīvaraṃ vā nisīdanaṃ vā sūcigharaṃ vā kāyabandhanaṃ vā apanidheyya vā apanidhāpeyya vā, antamaso hasāpekkhopi, pācittiya’’nti.
৩৭৯. যো পনাতি যো যাদিসো…পে॰… ভিক্খূতি…পে॰… অযং ইমস্মিং অত্থে অধিপ্পেতো ভিক্খূতি।
379.Yopanāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ভিক্খুস্সাতি অঞ্ঞস্স ভিক্খুস্স।
Bhikkhussāti aññassa bhikkhussa.
পত্তো নাম দ্ৰে পত্তা – অযোপত্তো, মত্তিকাপত্তো।
Patto nāma dve pattā – ayopatto, mattikāpatto.
চীৰরং নাম ছন্নং চীৰরানং অঞ্ঞতরং চীৰরং, ৰিকপ্পনুপগং পচ্ছিমং।
Cīvaraṃ nāma channaṃ cīvarānaṃ aññataraṃ cīvaraṃ, vikappanupagaṃ pacchimaṃ.
নিসীদনং নাম সদসং ৰুচ্চতি।
Nisīdanaṃ nāma sadasaṃ vuccati.
সূচিঘরং নাম সসূচিকং ৰা অসূচিকং ৰা।
Sūcigharaṃ nāma sasūcikaṃ vā asūcikaṃ vā.
কাযবন্ধনং নাম দ্ৰে কাযবন্ধনানি – পট্টিকা, সূকরন্তকং।
Kāyabandhanaṃ nāma dve kāyabandhanāni – paṭṭikā, sūkarantakaṃ.
অপনিধেয্য ৰাতি সযং অপনিধেতি, আপত্তি পাচিত্তিযস্স।
Apanidheyya vāti sayaṃ apanidheti, āpatti pācittiyassa.
অপনিধাপেয্য ৰাতি অঞ্ঞং আণাপেসি, আপত্তি পাচিত্তিযস্স। অপনিধাপেয্য ৰা তি অয্যং আণাপেতি, আপত্তি পাচিত্তিযস্স। সকিং আণত্তো বহুকম্পি অপনিধেতি, আপত্তি পাচিত্তিযস্স।
Apanidhāpeyya vāti aññaṃ āṇāpesi, āpatti pācittiyassa. Apanidhāpeyya vā ti ayyaṃ āṇāpeti, āpatti pācittiyassa. Sakiṃ āṇatto bahukampi apanidheti, āpatti pācittiyassa.
অন্তমসো হসাপেক্খোপীতি কীল়াধিপ্পাযো।
Antamaso hasāpekkhopīti kīḷādhippāyo.
৩৮০. উপসম্পন্নে উপসম্পন্নসঞ্ঞী পত্তং ৰা চীৰরং ৰা নিসীদনং ৰা সূচিঘরং ৰা কাযবন্ধনং ৰা অপনিধেতি ৰা অপনিধাপেতি ৰা, অন্তমসো হসাপেক্খোপি, আপত্তি পাচিত্তিযস্স। উপসম্পন্নে ৰেমতিকো…পে॰… উপসম্পন্নে অনুপসম্পন্নসঞ্ঞী পত্তং ৰা চীৰরং ৰা নিসীদনং ৰা সূচিঘরং ৰা কাযবন্ধনং ৰা অপনিধেতি ৰা অপনিধাপেতি ৰা, অন্তমসো হসাপেক্খোপি, আপত্তি পাচিত্তিযস্স।
380. Upasampanne upasampannasaññī pattaṃ vā cīvaraṃ vā nisīdanaṃ vā sūcigharaṃ vā kāyabandhanaṃ vā apanidheti vā apanidhāpeti vā, antamaso hasāpekkhopi, āpatti pācittiyassa. Upasampanne vematiko…pe… upasampanne anupasampannasaññī pattaṃ vā cīvaraṃ vā nisīdanaṃ vā sūcigharaṃ vā kāyabandhanaṃ vā apanidheti vā apanidhāpeti vā, antamaso hasāpekkhopi, āpatti pācittiyassa.
অঞ্ঞং পরিক্খারং অপনিধেতি ৰা অপনিধাপেতি ৰা, অন্তমসো হসাপেক্খোপি, আপত্তি দুক্কটস্স। অনুপসম্পন্নস্স পত্তং ৰা চীৰরং ৰা অঞ্ঞং ৰা পরিক্খারং অপনিধেতি ৰা অপনিধাপেতি ৰা, অন্তমসো হসাপেক্খোপি, আপত্তি দুক্কটস্স। অনুপসম্পন্নে উপসম্পন্নসঞ্ঞী, আপত্তি দুক্কটস্স । অনুপসম্পন্নে ৰেমতিকো, আপত্তি দুক্কটস্স। অনুপসম্পন্নে অনুপসম্পন্নসঞ্ঞী, আপত্তি দুক্কটস্স।
Aññaṃ parikkhāraṃ apanidheti vā apanidhāpeti vā, antamaso hasāpekkhopi, āpatti dukkaṭassa. Anupasampannassa pattaṃ vā cīvaraṃ vā aññaṃ vā parikkhāraṃ apanidheti vā apanidhāpeti vā, antamaso hasāpekkhopi, āpatti dukkaṭassa. Anupasampanne upasampannasaññī, āpatti dukkaṭassa . Anupasampanne vematiko, āpatti dukkaṭassa. Anupasampanne anupasampannasaññī, āpatti dukkaṭassa.
৩৮১. অনাপত্তি নহসাধিপ্পাযো, দুন্নিক্খিত্তং পটিসামেতি, ‘‘ধম্মিং কথং কত্ৰা দস্সামী’’তি পটিসামেতি, উম্মত্তকস্স, আদিকম্মিকস্সাতি।
381. Anāpatti nahasādhippāyo, dunnikkhittaṃ paṭisāmeti, ‘‘dhammiṃ kathaṃ katvā dassāmī’’ti paṭisāmeti, ummattakassa, ādikammikassāti.
চীৰরঅপনিধানসিক্খাপদং নিট্ঠিতং দসমং।
Cīvaraapanidhānasikkhāpadaṃ niṭṭhitaṃ dasamaṃ.
সুরাপানৰগ্গো ছট্ঠো।
Surāpānavaggo chaṭṭho.
তস্সুদ্দানং –
Tassuddānaṃ –
জোতিনহানদুব্বণ্ণং, সামং অপনিধেন চাতি॥
Jotinahānadubbaṇṇaṃ, sāmaṃ apanidhena cāti.
Footnotes:
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā
১. সুরাপানসিক্খাপদৰণ্ণনা • 1. Surāpānasikkhāpadavaṇṇanā
২. অঙ্গুলিপতোদকসিক্খাপদৰণ্ণনা • 2. Aṅgulipatodakasikkhāpadavaṇṇanā
৩. হসধম্মসিক্খাপদৰণ্ণনা • 3. Hasadhammasikkhāpadavaṇṇanā
৪. অনাদরিযসিক্খাপদৰণ্ণনা • 4. Anādariyasikkhāpadavaṇṇanā
৫. ভিংসাপনসিক্খাপদৰণ্ণনা • 5. Bhiṃsāpanasikkhāpadavaṇṇanā
৬. জোতিসিক্খাপদৰণ্ণনা • 6. Jotisikkhāpadavaṇṇanā
৭. নহানসিক্খাপদৰণ্ণনা • 7. Nahānasikkhāpadavaṇṇanā
৮. দুব্বণ্ণকরণসিক্খাপদৰণ্ণনা • 8. Dubbaṇṇakaraṇasikkhāpadavaṇṇanā
৯. ৰিকপ্পনসিক্খাপদৰণ্ণনা • 9. Vikappanasikkhāpadavaṇṇanā
১০. চীৰরাপনিধানসিক্খাপদৰণ্ণনা • 10. Cīvarāpanidhānasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
১. সুরাপানসিক্খাপদৰণ্ণনা • 1. Surāpānasikkhāpadavaṇṇanā
২. অঙ্গুলিপতোদকসিক্খাপদৰণ্ণনা • 2. Aṅgulipatodakasikkhāpadavaṇṇanā
৩. হসধম্মসিক্খাপদৰণ্ণনা • 3. Hasadhammasikkhāpadavaṇṇanā
৪. অনাদরিযসিক্খাপদৰণ্ণনা • 4. Anādariyasikkhāpadavaṇṇanā
৫. ভিংসাপনসিক্খাপদৰণ্ণনা • 5. Bhiṃsāpanasikkhāpadavaṇṇanā
৬. জোতিসিক্খাপদৰণ্ণনা • 6. Jotisikkhāpadavaṇṇanā
৭. নহানসিক্খাপদৰণ্ণনা • 7. Nahānasikkhāpadavaṇṇanā
৮. দুব্বণ্ণকরণসিক্খাপদৰণ্ণনা • 8. Dubbaṇṇakaraṇasikkhāpadavaṇṇanā
৯. ৰিকপ্পনসিক্খাপদৰণ্ণনা • 9. Vikappanasikkhāpadavaṇṇanā
১০. চীৰরঅপনিধানসিক্খাপদৰণ্ণনা • 10. Cīvaraapanidhānasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā
১. সুরাপানসিক্খাপদৰণ্ণনা • 1. Surāpānasikkhāpadavaṇṇanā
২. অঙ্গুলিপতোদকসিক্খাপদৰণ্ণনা • 2. Aṅgulipatodakasikkhāpadavaṇṇanā
৩. হসধম্মসিক্খাপদৰণ্ণনা • 3. Hasadhammasikkhāpadavaṇṇanā
৪. অনাদরিযসিক্খাপদৰণ্ণনা • 4. Anādariyasikkhāpadavaṇṇanā
৫. ভিংসাপনসিক্খাপদৰণ্ণনা • 5. Bhiṃsāpanasikkhāpadavaṇṇanā
৬. জোতিসিক্খাপদৰণ্ণনা • 6. Jotisikkhāpadavaṇṇanā
৭. নহানসিক্খাপদৰণ্ণনা • 7. Nahānasikkhāpadavaṇṇanā
৮. দুব্বণ্ণকরণসিক্খাপদৰণ্ণনা • 8. Dubbaṇṇakaraṇasikkhāpadavaṇṇanā
৯. ৰিকপ্পনসিক্খাপদৰণ্ণনা • 9. Vikappanasikkhāpadavaṇṇanā
১০. চীৰরাপনিধানসিক্খাপদৰণ্ণনা • 10. Cīvarāpanidhānasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā
১. সুরাপানসিক্খাপদৰণ্ণনা • 1. Surāpānasikkhāpadavaṇṇanā
২. অঙ্গুলিপতোদকসিক্খাপদৰণ্ণনা • 2. Aṅgulipatodakasikkhāpadavaṇṇanā
৩. হসধম্মসিক্খাপদৰণ্ণনা • 3. Hasadhammasikkhāpadavaṇṇanā
৪. অনাদরিযসিক্খাপদৰণ্ণনা • 4. Anādariyasikkhāpadavaṇṇanā
৫. ভিংসাপনসিক্খাপদৰণ্ণনা • 5. Bhiṃsāpanasikkhāpadavaṇṇanā
৬. জোতিসিক্খাপদৰণ্ণনা • 6. Jotisikkhāpadavaṇṇanā
৭. নহানসিক্খাপদৰণ্ণনা • 7. Nahānasikkhāpadavaṇṇanā
৮. দুব্বণ্ণকরণসিক্খাপদৰণ্ণনা • 8. Dubbaṇṇakaraṇasikkhāpadavaṇṇanā
৯. ৰিকপ্পনসিক্খাপদৰণ্ণনা • 9. Vikappanasikkhāpadavaṇṇanā
১০. চীৰরঅপনিধানসিক্খাপদৰণ্ণনা • 10. Cīvaraapanidhānasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
১. সুরাপানসিক্খাপদ-অত্থযোজনা • 1. Surāpānasikkhāpada-atthayojanā
২. অঙ্গুলিপতোদকসিক্খাপদং • 2. Aṅgulipatodakasikkhāpadaṃ
৩. হসধম্মসিক্খাপদং • 3. Hasadhammasikkhāpadaṃ
৪. অনাদরিযসিক্খাপদং • 4. Anādariyasikkhāpadaṃ
৬. জোতিসিক্খাপদং • 6. Jotisikkhāpadaṃ
৭. নহানসিক্খাপদং • 7. Nahānasikkhāpadaṃ
৮. দুব্বণ্ণকরণসিক্খাপদং • 8. Dubbaṇṇakaraṇasikkhāpadaṃ
৯. ৰিকপ্পনসিক্খাপদং • 9. Vikappanasikkhāpadaṃ
১০. চীৰরাপনিধানসিক্খাপদং • 10. Cīvarāpanidhānasikkhāpadaṃ
