| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੬. ਸੁਰਾਪਾਨવਗ੍ਗੋ
6. Surāpānavaggo
੧. ਸੁਰਾਪਾਨਸਿਕ੍ਖਾਪਦਂ
1. Surāpānasikkhāpadaṃ
੩੨੬. ਤੇਨ ਸਮਯੇਨ ਬੁਦ੍ਧੋ ਭਗવਾ ਚੇਤਿਯੇਸੁ ਚਾਰਿਕਂ ਚਰਮਾਨੋ ਯੇਨ ਭਦ੍ਦવਤਿਕਾ ਤੇਨ ਪਾਯਾਸਿ। ਅਦ੍ਦਸਂਸੁ ਖੋ ਗੋਪਾਲਕਾ ਪਸੁਪਾਲਕਾ ਕਸ੍ਸਕਾ ਪਥਾવਿਨੋ ਭਗવਨ੍ਤਂ ਦੂਰਤੋવ ਆਗਚ੍ਛਨ੍ਤਂ। ਦਿਸ੍વਾਨ ਭਗવਨ੍ਤਂ ਏਤਦવੋਚੁਂ – ‘‘ਮਾ ਖੋ, ਭਨ੍ਤੇ, ਭਗવਾ ਅਮ੍ਬਤਿਤ੍ਥਂ ਅਗਮਾਸਿ। ਅਮ੍ਬਤਿਤ੍ਥੇ, ਭਨ੍ਤੇ, ਜਟਿਲਸ੍ਸ ਅਸ੍ਸਮੇ ਨਾਗੋ ਪਟਿવਸਤਿ ਇਦ੍ਧਿਮਾ ਆਸਿવਿਸੋ 1 ਘੋਰવਿਸੋ। ਸੋ ਭਗવਨ੍ਤਂ ਮਾ વਿਹੇਠੇਸੀ’’ਤਿ। ਏવਂ વੁਤ੍ਤੇ ਭਗવਾ ਤੁਣ੍ਹੀ ਅਹੋਸਿ। ਦੁਤਿਯਮ੍ਪਿ ਖੋ…ਪੇ॰… ਤਤਿਯਮ੍ਪਿ ਖੋ ਗੋਪਾਲਕਾ ਪਸੁਪਾਲਕਾ ਕਸ੍ਸਕਾ ਪਥਾવਿਨੋ ਭਗવਨ੍ਤਂ ਏਤਦવੋਚੁਂ – ‘‘ਮਾ ਖੋ, ਭਨ੍ਤੇ, ਭਗવਾ ਅਮ੍ਬਤਿਤ੍ਥਂ ਅਗਮਾਸਿ। ਅਮ੍ਬਤਿਤ੍ਥੇ, ਭਨ੍ਤੇ, ਜਟਿਲਸ੍ਸ ਅਸ੍ਸਮੇ ਨਾਗੋ ਪਟਿવਸਤਿ ਇਦ੍ਧਿਮਾ ਆਸਿવਿਸੋ ਘੋਰવਿਸੋ। ਸੋ ਭਗવਨ੍ਤਂ ਮਾ વਿਹੇਠੇਸੀ’’ਤਿ। ਤਤਿਯਮ੍ਪਿ ਖੋ ਭਗવਾ ਤੁਣ੍ਹੀ ਅਹੋਸਿ।
326. Tena samayena buddho bhagavā cetiyesu cārikaṃ caramāno yena bhaddavatikā tena pāyāsi. Addasaṃsu kho gopālakā pasupālakā kassakā pathāvino bhagavantaṃ dūratova āgacchantaṃ. Disvāna bhagavantaṃ etadavocuṃ – ‘‘mā kho, bhante, bhagavā ambatitthaṃ agamāsi. Ambatitthe, bhante, jaṭilassa assame nāgo paṭivasati iddhimā āsiviso 2 ghoraviso. So bhagavantaṃ mā viheṭhesī’’ti. Evaṃ vutte bhagavā tuṇhī ahosi. Dutiyampi kho…pe… tatiyampi kho gopālakā pasupālakā kassakā pathāvino bhagavantaṃ etadavocuṃ – ‘‘mā kho, bhante, bhagavā ambatitthaṃ agamāsi. Ambatitthe, bhante, jaṭilassa assame nāgo paṭivasati iddhimā āsiviso ghoraviso. So bhagavantaṃ mā viheṭhesī’’ti. Tatiyampi kho bhagavā tuṇhī ahosi.
ਅਥ ਖੋ ਭਗવਾ ਅਨੁਪੁਬ੍ਬੇਨ ਚਾਰਿਕਂ ਚਰਮਾਨੋ ਯੇਨ ਭਦ੍ਦવਤਿਕਾ ਤਦવਸਰਿ। ਤਤ੍ਰ ਸੁਦਂ ਭਗવਾ ਭਦ੍ਦવਤਿਕਾਯਂ વਿਹਰਤਿ । ਅਥ ਖੋ ਆਯਸ੍ਮਾ ਸਾਗਤੋ ਯੇਨ ਅਮ੍ਬਤਿਤ੍ਥਸ੍ਸ 3 ਜਟਿਲਸ੍ਸ ਅਸ੍ਸਮੋ ਤੇਨੁਪਸਙ੍ਕਮਿ ; ਉਪਸਙ੍ਕਮਿਤ੍વਾ ਅਗ੍ਯਾਗਾਰਂ ਪવਿਸਿਤ੍વਾ ਤਿਣਸਨ੍ਥਾਰਕਂ ਪਞ੍ਞਪੇਤ੍વਾ ਨਿਸੀਦਿ ਪਲ੍ਲਙ੍ਕਂ ਆਭੁਜਿਤ੍વਾ ਉਜੁਂ ਕਾਯਂ ਪਣਿਧਾਯ ਪਰਿਮੁਖਂ ਸਤਿਂ ਉਪਟ੍ਠਪੇਤ੍વਾ। ਅਦ੍ਦਸਾ ਖੋ ਸੋ ਨਾਗੋ ਆਯਸ੍ਮਨ੍ਤਂ ਸਾਗਤਂ ਪવਿਟ੍ਠਂ । ਦਿਸ੍વਾਨ ਦੁਮ੍ਮਨੋ 4 ਪਧੂਪਾਯਿ 5। ਆਯਸ੍ਮਾਪਿ ਸਾਗਤੋ ਪਧੂਪਾਯਿ 6। ਅਥ ਖੋ ਸੋ ਨਾਗੋ ਮਕ੍ਖਂ ਅਸਹਮਾਨੋ ਪਜ੍ਜਲਿ। ਆਯਸ੍ਮਾਪਿ ਸਾਗਤੋ ਤੇਜੋਧਾਤੁਂ ਸਮਾਪਜ੍ਜਿਤ੍વਾ ਪਜ੍ਜਲਿ। ਅਥ ਖੋ ਆਯਸ੍ਮਾ ਸਾਗਤੋ ਤਸ੍ਸ ਨਾਗਸ੍ਸ ਤੇਜਸਾ ਤੇਜਂ ਪਰਿਯਾਦਿਯਿਤ੍વਾ ਯੇਨ ਭਦ੍ਦવਤਿਕਾ ਤੇਨੁਪਸਙ੍ਕਮਿ। ਅਥ ਖੋ ਭਗવਾ ਭਦ੍ਦવਤਿਕਾਯਂ ਯਥਾਭਿਰਨ੍ਤਂ વਿਹਰਿਤ੍વਾ ਯੇਨ ਕੋਸਮ੍ਬੀ ਤੇਨ ਚਾਰਿਕਂ ਪਕ੍ਕਾਮਿ। ਅਸ੍ਸੋਸੁਂ ਖੋ ਕੋਸਮ੍ਬਿਕਾ ਉਪਾਸਕਾ – ‘‘ਅਯ੍ਯੋ ਕਿਰ ਸਾਗਤੋ ਅਮ੍ਬਤਿਤ੍ਥਿਕੇਨ ਨਾਗੇਨ ਸਦ੍ਧਿਂ ਸਙ੍ਗਾਮੇਸੀ’’ਤਿ।
Atha kho bhagavā anupubbena cārikaṃ caramāno yena bhaddavatikā tadavasari. Tatra sudaṃ bhagavā bhaddavatikāyaṃ viharati . Atha kho āyasmā sāgato yena ambatitthassa 7 jaṭilassa assamo tenupasaṅkami ; upasaṅkamitvā agyāgāraṃ pavisitvā tiṇasanthārakaṃ paññapetvā nisīdi pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. Addasā kho so nāgo āyasmantaṃ sāgataṃ paviṭṭhaṃ . Disvāna dummano 8 padhūpāyi 9. Āyasmāpi sāgato padhūpāyi 10. Atha kho so nāgo makkhaṃ asahamāno pajjali. Āyasmāpi sāgato tejodhātuṃ samāpajjitvā pajjali. Atha kho āyasmā sāgato tassa nāgassa tejasā tejaṃ pariyādiyitvā yena bhaddavatikā tenupasaṅkami. Atha kho bhagavā bhaddavatikāyaṃ yathābhirantaṃ viharitvā yena kosambī tena cārikaṃ pakkāmi. Assosuṃ kho kosambikā upāsakā – ‘‘ayyo kira sāgato ambatitthikena nāgena saddhiṃ saṅgāmesī’’ti.
ਅਥ ਖੋ ਭਗવਾ ਅਨੁਪੁਬ੍ਬੇਨ ਚਾਰਿਕਂ ਚਰਮਾਨੋ ਯੇਨ ਕੋਸਮ੍ਬੀ ਤਦવਸਰਿ। ਅਥ ਖੋ ਕੋਸਮ੍ਬਿਕਾ ਉਪਾਸਕਾ ਭਗવਤੋ ਪਚ੍ਚੁਗ੍ਗਮਨਂ ਕਰਿਤ੍વਾ ਯੇਨਾਯਸ੍ਮਾ ਸਾਗਤੋ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਸਾਗਤਂ ਅਭਿવਾਦੇਤ੍વਾ ਏਕਮਨ੍ਤਂ ਅਟ੍ਠਂਸੁ। ਏਕਮਨ੍ਤਂ ਠਿਤਾ ਖੋ ਕੋਸਮ੍ਬਿਕਾ ਉਪਾਸਕਾ ਆਯਸ੍ਮਨ੍ਤਂ ਸਾਗਤਂ ਏਤਦવੋਚੁਂ – ‘‘ਕਿਂ, ਭਨ੍ਤੇ, ਅਯ੍ਯਾਨਂ ਦੁਲ੍ਲਭਞ੍ਚ ਮਨਾਪਞ੍ਚ, ਕਿਂ ਪਟਿਯਾਦੇਮਾ’’ਤਿ? ਏવਂ વੁਤ੍ਤੇ ਛਬ੍ਬਗ੍ਗਿਯਾ ਭਿਕ੍ਖੂ ਕੋਸਮ੍ਬਿਕੇ ਉਪਾਸਕੇ ਏਤਦવੋਚੁਂ – ‘‘ਅਤ੍ਥਾવੁਸੋ, ਕਾਪੋਤਿਕਾ ਨਾਮ ਪਸਨ੍ਨਾ ਭਿਕ੍ਖੂਨਂ ਦੁਲ੍ਲਭਾ ਚ ਮਨਾਪਾ ਚ, ਤਂ ਪਟਿਯਾਦੇਥਾ’’ਤਿ। ਅਥ ਖੋ ਕੋਸਮ੍ਬਿਕਾ ਉਪਾਸਕਾ ਘਰੇ ਘਰੇ ਕਾਪੋਤਿਕਂ ਪਸਨ੍ਨਂ ਪਟਿਯਾਦੇਤ੍વਾ ਆਯਸ੍ਮਨ੍ਤਂ ਸਾਗਤਂ ਪਿਣ੍ਡਾਯ ਪવਿਟ੍ਠਂ ਦਿਸ੍વਾਨ ਆਯਸ੍ਮਨ੍ਤਂ ਸਾਗਤਂ ਏਤਦવੋਚੁਂ – ‘‘ਪਿવਤੁ, ਭਨ੍ਤੇ, ਅਯ੍ਯੋ ਸਾਗਤੋ ਕਾਪੋਤਿਕਂ ਪਸਨ੍ਨਂ, ਪਿવਤੁ , ਭਨ੍ਤੇ, ਅਯ੍ਯੋ ਸਾਗਤੋ ਕਾਪੋਤਿਕਂ ਪਸਨ੍ਨ’’ਨ੍ਤਿ। ਅਥ ਖੋ ਆਯਸ੍ਮਾ ਸਾਗਤੋ ਘਰੇ ਘਰੇ ਕਾਪੋਤਿਕਂ ਪਸਨ੍ਨਂ ਪਿવਿਤ੍વਾ ਨਗਰਮ੍ਹਾ ਨਿਕ੍ਖਮਨ੍ਤੋ ਨਗਰਦ੍વਾਰੇ ਪਰਿਪਤਿ।
Atha kho bhagavā anupubbena cārikaṃ caramāno yena kosambī tadavasari. Atha kho kosambikā upāsakā bhagavato paccuggamanaṃ karitvā yenāyasmā sāgato tenupasaṅkamiṃsu; upasaṅkamitvā āyasmantaṃ sāgataṃ abhivādetvā ekamantaṃ aṭṭhaṃsu. Ekamantaṃ ṭhitā kho kosambikā upāsakā āyasmantaṃ sāgataṃ etadavocuṃ – ‘‘kiṃ, bhante, ayyānaṃ dullabhañca manāpañca, kiṃ paṭiyādemā’’ti? Evaṃ vutte chabbaggiyā bhikkhū kosambike upāsake etadavocuṃ – ‘‘atthāvuso, kāpotikā nāma pasannā bhikkhūnaṃ dullabhā ca manāpā ca, taṃ paṭiyādethā’’ti. Atha kho kosambikā upāsakā ghare ghare kāpotikaṃ pasannaṃ paṭiyādetvā āyasmantaṃ sāgataṃ piṇḍāya paviṭṭhaṃ disvāna āyasmantaṃ sāgataṃ etadavocuṃ – ‘‘pivatu, bhante, ayyo sāgato kāpotikaṃ pasannaṃ, pivatu , bhante, ayyo sāgato kāpotikaṃ pasanna’’nti. Atha kho āyasmā sāgato ghare ghare kāpotikaṃ pasannaṃ pivitvā nagaramhā nikkhamanto nagaradvāre paripati.
ਅਥ ਖੋ ਭਗવਾ ਸਮ੍ਬਹੁਲੇਹਿ ਭਿਕ੍ਖੂਹਿ ਸਦ੍ਧਿਂ ਨਗਰਮ੍ਹਾ ਨਿਕ੍ਖਮਨ੍ਤੋ ਅਦ੍ਦਸ ਆਯਸ੍ਮਨ੍ਤਂ ਸਾਗਤਂ ਨਗਰਦ੍વਾਰੇ ਪਰਿਪਤਨ੍ਤਂ। ਦਿਸ੍વਾਨ ਭਿਕ੍ਖੂ ਆਮਨ੍ਤੇਸਿ – ‘‘ਗਣ੍ਹਥ, ਭਿਕ੍ਖવੇ, ਸਾਗਤ’’ਨ੍ਤਿ। ‘‘ਏવਂ, ਭਨ੍ਤੇ’’ਤਿ ਖੋ ਤੇ ਭਿਕ੍ਖੂ ਭਗવਤੋ ਪਟਿਸ੍ਸੁਣਿਤ੍વਾ ਆਯਸ੍ਮਨ੍ਤਂ ਸਾਗਤਂ ਆਰਾਮਂ ਨੇਤ੍વਾ ਯੇਨ ਭਗવਾ ਤੇਨ ਸੀਸਂ ਕਤ੍વਾ ਨਿਪਾਤੇਸੁਂ। ਅਥ ਖੋ ਆਯਸ੍ਮਾ ਸਾਗਤੋ ਪਰਿવਤ੍ਤਿਤ੍વਾ ਯੇਨ ਭਗવਾ ਤੇਨ ਪਾਦੇ ਕਰਿਤ੍વਾ ਸੇਯ੍ਯਂ ਕਪ੍ਪੇਸਿ । ਅਥ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਨਨੁ, ਭਿਕ੍ਖવੇ, ਪੁਬ੍ਬੇ ਸਾਗਤੋ ਤਥਾਗਤੇ ਸਗਾਰવੋ ਅਹੋਸਿ ਸਪ੍ਪਤਿਸ੍ਸੋ’’ਤਿ ? ‘‘ਏવਂ, ਭਨ੍ਤੇ’’। ‘‘ਅਪਿ ਨੁ ਖੋ, ਭਿਕ੍ਖવੇ, ਸਾਗਤੋ ਏਤਰਹਿ ਤਥਾਗਤੇ ਸਗਾਰવੋ ਸਪ੍ਪਤਿਸ੍ਸੋ’’ਤਿ? ‘‘ਨੋ ਹੇਤਂ, ਭਨ੍ਤੇ’’। ‘‘ਨਨੁ, ਭਿਕ੍ਖવੇ, ਸਾਗਤੋ ਅਮ੍ਬਤਿਤ੍ਥਿਕੇਨ ਨਾਗੇਨ 11 ਸਦ੍ਧਿਂ ਸਙ੍ਗਾਮੇਸੀ’’ਤਿ? ‘‘ਏવਂ, ਭਨ੍ਤੇ’’। ‘‘ਅਪਿ ਨੁ ਖੋ, ਭਿਕ੍ਖવੇ, ਸਾਗਤੋ ਏਤਰਹਿ ਪਹੋਤਿ ਨਾਗੇਨ ਸਦ੍ਧਿਂ ਸਙ੍ਗਾਮੇਤੁ’’ਨ੍ਤਿ? ‘‘ਨੋ ਹੇਤਂ, ਭਨ੍ਤੇ’’। ‘‘ਅਪਿ ਨੁ ਖੋ, ਭਿਕ੍ਖવੇ, ਤਂ ਪਾਤਬ੍ਬਂ ਯਂ ਪਿવਿਤ੍વਾ વਿਸਞ੍ਞੀ ਅਸ੍ਸਾ’’ਤਿ? ‘‘ਨੋ ਹੇਤਂ, ਭਨ੍ਤੇ’’। ‘‘ਅਨਨੁਚ੍ਛવਿਕਂ, ਭਿਕ੍ਖવੇ, ਸਾਗਤਸ੍ਸ ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ। ਕਥਞ੍ਹਿ ਨਾਮ, ਭਿਕ੍ਖવੇ, ਸਾਗਤੋ ਮਜ੍ਜਂ ਪਿવਿਸ੍ਸਤਿ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Atha kho bhagavā sambahulehi bhikkhūhi saddhiṃ nagaramhā nikkhamanto addasa āyasmantaṃ sāgataṃ nagaradvāre paripatantaṃ. Disvāna bhikkhū āmantesi – ‘‘gaṇhatha, bhikkhave, sāgata’’nti. ‘‘Evaṃ, bhante’’ti kho te bhikkhū bhagavato paṭissuṇitvā āyasmantaṃ sāgataṃ ārāmaṃ netvā yena bhagavā tena sīsaṃ katvā nipātesuṃ. Atha kho āyasmā sāgato parivattitvā yena bhagavā tena pāde karitvā seyyaṃ kappesi . Atha kho bhagavā bhikkhū āmantesi – ‘‘nanu, bhikkhave, pubbe sāgato tathāgate sagāravo ahosi sappatisso’’ti ? ‘‘Evaṃ, bhante’’. ‘‘Api nu kho, bhikkhave, sāgato etarahi tathāgate sagāravo sappatisso’’ti? ‘‘No hetaṃ, bhante’’. ‘‘Nanu, bhikkhave, sāgato ambatitthikena nāgena 12 saddhiṃ saṅgāmesī’’ti? ‘‘Evaṃ, bhante’’. ‘‘Api nu kho, bhikkhave, sāgato etarahi pahoti nāgena saddhiṃ saṅgāmetu’’nti? ‘‘No hetaṃ, bhante’’. ‘‘Api nu kho, bhikkhave, taṃ pātabbaṃ yaṃ pivitvā visaññī assā’’ti? ‘‘No hetaṃ, bhante’’. ‘‘Ananucchavikaṃ, bhikkhave, sāgatassa ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma, bhikkhave, sāgato majjaṃ pivissati! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੩੨੭. ‘‘ਸੁਰਾਮੇਰਯਪਾਨੇ ਪਾਚਿਤ੍ਤਿਯ’’ਨ੍ਤਿ।
327.‘‘Surāmerayapāne pācittiya’’nti.
੩੨੮. ਸੁਰਾ ਨਾਮ ਪਿਟ੍ਠਸੁਰਾ ਪੂવਸੁਰਾ ਓਦਨਸੁਰਾ ਕਿਣ੍ਣਪਕ੍ਖਿਤ੍ਤਾ ਸਮ੍ਭਾਰਸਂਯੁਤ੍ਤਾ।
328.Surā nāma piṭṭhasurā pūvasurā odanasurā kiṇṇapakkhittā sambhārasaṃyuttā.
ਮੇਰਯੋ ਨਾਮ ਪੁਪ੍ਫਾਸવੋ ਫਲਾਸવੋ ਮਧ੍વਾਸવੋ ਗੁਲ਼ਾਸવੋ ਸਮ੍ਭਾਰਸਂਯੁਤ੍ਤੋ।
Merayo nāma pupphāsavo phalāsavo madhvāsavo guḷāsavo sambhārasaṃyutto.
ਪਿવੇਯ੍ਯਾਤਿ ਅਨ੍ਤਮਸੋ ਕੁਸਗ੍ਗੇਨਪਿ ਪਿવਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Piveyyāti antamaso kusaggenapi pivati, āpatti pācittiyassa.
ਮਜ੍ਜੇ ਮਜ੍ਜਸਞ੍ਞੀ ਪਿવਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਮਜ੍ਜੇ વੇਮਤਿਕੋ ਪਿવਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਮਜ੍ਜੇ ਅਮਜ੍ਜਸਞ੍ਞੀ ਪਿવਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Majje majjasaññī pivati, āpatti pācittiyassa. Majje vematiko pivati, āpatti pācittiyassa. Majje amajjasaññī pivati, āpatti pācittiyassa.
ਅਮਜ੍ਜੇ ਮਜ੍ਜਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਅਮਜ੍ਜੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਅਮਜ੍ਜੇ ਅਮਜ੍ਜਸਞ੍ਞੀ, ਅਨਾਪਤ੍ਤਿ।
Amajje majjasaññī, āpatti dukkaṭassa. Amajje vematiko, āpatti dukkaṭassa. Amajje amajjasaññī, anāpatti.
੩੨੯. ਅਨਾਪਤ੍ਤਿ ਅਮਜ੍ਜਞ੍ਚ ਹੋਤਿ ਮਜ੍ਜવਣ੍ਣਂ ਮਜ੍ਜਗਨ੍ਧਂ ਮਜ੍ਜਰਸਂ ਤਂ ਪਿવਤਿ, ਸੂਪਸਮ੍ਪਾਕੇ, ਮਂਸਸਮ੍ਪਾਕੇ, ਤੇਲਸਮ੍ਪਾਕੇ, ਆਮਲਕਫਾਣਿਤੇ, ਅਮਜ੍ਜਂ ਅਰਿਟ੍ਠਂ ਪਿવਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
329. Anāpatti amajjañca hoti majjavaṇṇaṃ majjagandhaṃ majjarasaṃ taṃ pivati, sūpasampāke, maṃsasampāke, telasampāke, āmalakaphāṇite, amajjaṃ ariṭṭhaṃ pivati, ummattakassa, ādikammikassāti.
ਸੁਰਾਪਾਨਸਿਕ੍ਖਾਪਦਂ ਨਿਟ੍ਠਿਤਂ ਪਠਮਂ।
Surāpānasikkhāpadaṃ niṭṭhitaṃ paṭhamaṃ.
੨. ਅਙ੍ਗੁਲਿਪਤੋਦਕਸਿਕ੍ਖਾਪਦਂ
2. Aṅgulipatodakasikkhāpadaṃ
੩੩੦. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਸਤ੍ਤਰਸવਗ੍ਗਿਯਂ ਭਿਕ੍ਖੁਂ ਅਙ੍ਗੁਲਿਪਤੋਦਕੇਨ ਹਾਸੇਸੁਂ। ਸੋ ਭਿਕ੍ਖੁ ਉਤ੍ਤਨ੍ਤੋ ਅਨਸ੍ਸਾਸਕੋ ਕਾਲਮਕਾਸਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਭਿਕ੍ਖੁਂ ਅਙ੍ਗੁਲਿਪਤੋਦਕੇਨ ਹਾਸੇਸ੍ਸਨ੍ਤੀ’’ਤਿ…ਪੇ॰… ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖવੇ, ਭਿਕ੍ਖੁਂ ਅਙ੍ਗੁਲਿਪਤੋਦਕੇਨ ਹਾਸੇਥਾਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਭਿਕ੍ਖੁਂ ਅਙ੍ਗੁਲਿਪਤੋਦਕੇਨ ਹਾਸੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
330. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū sattarasavaggiyaṃ bhikkhuṃ aṅgulipatodakena hāsesuṃ. So bhikkhu uttanto anassāsako kālamakāsi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū bhikkhuṃ aṅgulipatodakena hāsessantī’’ti…pe… saccaṃ kira tumhe, bhikkhave, bhikkhuṃ aṅgulipatodakena hāsethāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, bhikkhuṃ aṅgulipatodakena hāsessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੩੩੧. ‘‘ਅਙ੍ਗੁਲਿਪਤੋਦਕੇ ਪਾਚਿਤ੍ਤਿਯ’’ਨ੍ਤਿ।
331.‘‘Aṅgulipatodake pācittiya’’nti.
੩੩੨. ਅਙ੍ਗੁਲਿਪਤੋਦਕੋ ਨਾਮ 13 ਉਪਸਮ੍ਪਨ੍ਨੋ ਉਪਸਮ੍ਪਨ੍ਨਂ ਹਸਾਧਿਪ੍ਪਾਯੋ 14 ਕਾਯੇਨ ਕਾਯਂ ਆਮਸਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਉਪਸਮ੍ਪਨ੍ਨੇ ਉਪਸਮ੍ਪਨ੍ਨਸਞ੍ਞੀ ਅਙ੍ਗੁਲਿਪਤੋਦਕੇਨ ਹਾਸੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਉਪਸਮ੍ਪਨ੍ਨੇ વੇਮਤਿਕੋ ਅਙ੍ਗੁਲਿਪਤੋਦਕੇਨ ਹਾਸੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ । ਉਪਸਮ੍ਪਨ੍ਨੇ ਅਨੁਪਸਮ੍ਪਨ੍ਨਸਞ੍ਞੀ ਅਙ੍ਗੁਲਿਪਤੋਦਕੇਨ ਹਾਸੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
332.Aṅgulipatodako nāma 15 upasampanno upasampannaṃ hasādhippāyo 16 kāyena kāyaṃ āmasati, āpatti pācittiyassa. Upasampanne upasampannasaññī aṅgulipatodakena hāseti, āpatti pācittiyassa. Upasampanne vematiko aṅgulipatodakena hāseti, āpatti pācittiyassa . Upasampanne anupasampannasaññī aṅgulipatodakena hāseti, āpatti pācittiyassa.
ਕਾਯੇਨ ਕਾਯਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਕਾਯਪਟਿਬਦ੍ਧੇਨ ਕਾਯਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਨਿਸ੍ਸਗ੍ਗਿਯੇਨ ਕਾਯਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਨਿਸ੍ਸਗ੍ਗਿਯੇਨ ਕਾਯਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ।
Kāyena kāyapaṭibaddhaṃ āmasati, āpatti dukkaṭassa. Kāyapaṭibaddhena kāyaṃ āmasati, āpatti dukkaṭassa. Kāyapaṭibaddhena kāyapaṭibaddhaṃ āmasati, āpatti dukkaṭassa. Nissaggiyena kāyaṃ āmasati, āpatti dukkaṭassa. Nissaggiyena kāyapaṭibaddhaṃ āmasati, āpatti dukkaṭassa. Nissaggiyena nissaggiyaṃ āmasati, āpatti dukkaṭassa.
੩੩੩. ਅਨੁਪਸਮ੍ਪਨ੍ਨਂ ਕਾਯੇਨ ਕਾਯਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਕਾਯੇਨ ਕਾਯਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਕਾਯਪਟਿਬਦ੍ਧੇਨ ਕਾਯਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਨਿਸ੍ਸਗ੍ਗਿਯੇਨ ਕਾਯਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ । ਨਿਸ੍ਸਗ੍ਗਿਯੇਨ ਕਾਯਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨੇ ਉਪਸਮ੍ਪਨ੍ਨਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨੇ ਅਨੁਪਸਮ੍ਪਨ੍ਨਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ।
333. Anupasampannaṃ kāyena kāyaṃ āmasati, āpatti dukkaṭassa. Kāyena kāyapaṭibaddhaṃ āmasati, āpatti dukkaṭassa. Kāyapaṭibaddhena kāyaṃ āmasati, āpatti dukkaṭassa. Kāyapaṭibaddhena kāyapaṭibaddhaṃ āmasati, āpatti dukkaṭassa. Nissaggiyena kāyaṃ āmasati, āpatti dukkaṭassa . Nissaggiyena kāyapaṭibaddhaṃ āmasati, āpatti dukkaṭassa. Nissaggiyena nissaggiyaṃ āmasati, āpatti dukkaṭassa. Anupasampanne upasampannasaññī, āpatti dukkaṭassa. Anupasampanne vematiko, āpatti dukkaṭassa. Anupasampanne anupasampannasaññī, āpatti dukkaṭassa.
੩੩੪. ਅਨਾਪਤ੍ਤਿ ਨ ਹਸਾਧਿਪ੍ਪਾਯੋ, ਸਤਿ ਕਰਣੀਯੇ ਆਮਸਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
334. Anāpatti na hasādhippāyo, sati karaṇīye āmasati, ummattakassa, ādikammikassāti.
ਅਙ੍ਗੁਲਿਪਤੋਦਕਸਿਕ੍ਖਾਪਦਂ ਨਿਟ੍ਠਿਤਂ ਦੁਤਿਯਂ।
Aṅgulipatodakasikkhāpadaṃ niṭṭhitaṃ dutiyaṃ.
੩. ਹਸਧਮ੍ਮਸਿਕ੍ਖਾਪਦਂ
3. Hasadhammasikkhāpadaṃ
੩੩੫. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਸਤ੍ਤਰਸવਗ੍ਗਿਯਾ ਭਿਕ੍ਖੂ ਅਚਿਰવਤਿਯਾ ਨਦਿਯਾ ਉਦਕੇ ਕੀਲ਼ਨ੍ਤਿ। ਤੇਨ ਖੋ ਪਨ ਸਮਯੇਨ ਰਾਜਾ ਪਸੇਨਦਿ ਕੋਸਲੋ ਮਲ੍ਲਿਕਾਯ ਦੇવਿਯਾ ਸਦ੍ਧਿਂ ਉਪਰਿਪਾਸਾਦવਰਗਤੋ ਹੋਤਿ। ਅਦ੍ਦਸਾ ਖੋ ਰਾਜਾ ਪਸੇਨਦਿ ਕੋਸਲੋ ਸਤ੍ਤਰਸવਗ੍ਗਿਯੇ ਭਿਕ੍ਖੂ ਅਚਿਰવਤਿਯਾ ਨਦਿਯਾ ਉਦਕੇ ਕੀਲ਼ਨ੍ਤੇ। ਦਿਸ੍વਾਨ ਮਲ੍ਲਿਕਂ ਦੇવਿਂ ਏਤਦવੋਚ – ‘‘ਏਤੇ ਤੇ, ਮਲ੍ਲਿਕੇ, ਅਰਹਨ੍ਤੋ ਉਦਕੇ ਕੀਲ਼ਨ੍ਤੀ’’ਤਿ। ‘‘ਨਿਸ੍ਸਂਸਯਂ ਖੋ, ਮਹਾਰਾਜ, ਭਗવਤਾ ਸਿਕ੍ਖਾਪਦਂ ਅਪਞ੍ਞਤ੍ਤਂ। ਤੇ વਾ ਭਿਕ੍ਖੂ ਅਪ੍ਪਕਤਞ੍ਞੁਨੋ’’ਤਿ। ਅਥ ਖੋ ਰਞ੍ਞੋ ਪਸੇਨਦਿਸ੍ਸ ਕੋਸਲਸ੍ਸ ਏਤਦਹੋਸਿ – ‘‘ਕੇਨ ਨੁ ਖੋ ਅਹਂ ਉਪਾਯੇਨ ਭਗવਤੋ ਚ ਨ ਆਰੋਚੇਯ੍ਯਂ, ਭਗવਾ ਚ ਜਾਨੇਯ੍ਯ ਇਮੇ ਭਿਕ੍ਖੂ ਉਦਕੇ ਕੀਲ਼ਿਤਾ’’ਤਿ? ਅਥ ਖੋ ਰਾਜਾ ਪਸੇਨਦਿ ਕੋਸਲੋ ਸਤ੍ਤਰਸવਗ੍ਗਿਯੇ ਭਿਕ੍ਖੂ ਪਕ੍ਕੋਸਾਪੇਤ੍વਾ ਮਹਨ੍ਤਂ ਗੁਲ਼ਪਿਣ੍ਡਂ ਅਦਾਸਿ – ‘‘ਇਮਂ, ਭਨ੍ਤੇ, ਗੁਲ਼ਪਿਣ੍ਡਂ ਭਗવਤੋ ਦੇਥਾ’’ਤਿ। ਸਤ੍ਤਰਸવਗ੍ਗਿਯਾ ਭਿਕ੍ਖੂ ਤਂ ਗੁਲ਼ਪਿਣ੍ਡਂ ਆਦਾਯ ਯੇਨ ਭਗવਾ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍વਾ ਭਗવਨ੍ਤਂ ਏਤਦવੋਚੁਂ – ‘‘ਇਮਂ, ਭਨ੍ਤੇ, ਗੁਲ਼ਪਿਣ੍ਡਂ ਰਾਜਾ ਪਸੇਨਦਿ ਕੋਸਲੋ ਭਗવਤੋ ਦੇਤੀ’’ਤਿ। ‘‘ਕਹਂ ਪਨ ਤੁਮ੍ਹੇ, ਭਿਕ੍ਖવੇ, ਰਾਜਾ ਅਦ੍ਦਸਾ’’ਤਿ। ‘‘ਅਚਿਰવਤਿਯਾ ਨਦਿਯਾ, ਭਗવਾ, ਉਦਕੇ ਕੀਲ਼ਨ੍ਤੇ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਉਦਕੇ ਕੀਲ਼ਿਸ੍ਸਥ! ਨੇਤਂ , ਮੋਘਪੁਰਿਸਾ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
335. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sattarasavaggiyā bhikkhū aciravatiyā nadiyā udake kīḷanti. Tena kho pana samayena rājā pasenadi kosalo mallikāya deviyā saddhiṃ uparipāsādavaragato hoti. Addasā kho rājā pasenadi kosalo sattarasavaggiye bhikkhū aciravatiyā nadiyā udake kīḷante. Disvāna mallikaṃ deviṃ etadavoca – ‘‘ete te, mallike, arahanto udake kīḷantī’’ti. ‘‘Nissaṃsayaṃ kho, mahārāja, bhagavatā sikkhāpadaṃ apaññattaṃ. Te vā bhikkhū appakataññuno’’ti. Atha kho rañño pasenadissa kosalassa etadahosi – ‘‘kena nu kho ahaṃ upāyena bhagavato ca na āroceyyaṃ, bhagavā ca jāneyya ime bhikkhū udake kīḷitā’’ti? Atha kho rājā pasenadi kosalo sattarasavaggiye bhikkhū pakkosāpetvā mahantaṃ guḷapiṇḍaṃ adāsi – ‘‘imaṃ, bhante, guḷapiṇḍaṃ bhagavato dethā’’ti. Sattarasavaggiyā bhikkhū taṃ guḷapiṇḍaṃ ādāya yena bhagavā tenupasaṅkamiṃsu; upasaṅkamitvā bhagavantaṃ etadavocuṃ – ‘‘imaṃ, bhante, guḷapiṇḍaṃ rājā pasenadi kosalo bhagavato detī’’ti. ‘‘Kahaṃ pana tumhe, bhikkhave, rājā addasā’’ti. ‘‘Aciravatiyā nadiyā, bhagavā, udake kīḷante’’ti. Vigarahi buddho bhagavā…pe… kathañhi nāma tumhe, moghapurisā, udake kīḷissatha! Netaṃ , moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੩੩੭. ਉਦਕੇ ਹਸਧਮ੍ਮੋ ਨਾਮ ਉਪਰਿਗੋਪ੍ਫਕੇ ਉਦਕੇ ਹਸਾਧਿਪ੍ਪਾਯੋ ਨਿਮੁਜ੍ਜਤਿ વਾ ਉਮ੍ਮੁਜ੍ਜਤਿ વਾ ਪਲવਤਿ વਾ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
337.Udake hasadhammo nāma uparigopphake udake hasādhippāyo nimujjati vā ummujjati vā palavati vā, āpatti pācittiyassa.
੩੩੮. ਉਦਕੇ ਹਸਧਮ੍ਮੇ ਹਸਧਮ੍ਮਸਞ੍ਞੀ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਉਦਕੇ ਹਸਧਮ੍ਮੇ વੇਮਤਿਕੋ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਉਦਕੇ ਹਸਧਮ੍ਮੇ ਅਹਸਧਮ੍ਮਸਞ੍ਞੀ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
338. Udake hasadhamme hasadhammasaññī, āpatti pācittiyassa. Udake hasadhamme vematiko, āpatti pācittiyassa. Udake hasadhamme ahasadhammasaññī, āpatti pācittiyassa.
ਹੇਟ੍ਠਾਗੋਪ੍ਫਕੇ ਉਦਕੇ ਕੀਲ਼ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਉਦਕੇ ਨਾવਾਯ ਕੀਲ਼ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਹਤ੍ਥੇਨ વਾ ਪਾਦੇਨ વਾ ਕਟ੍ਠੇਨ વਾ ਕਠਲਾਯ વਾ ਉਦਕਂ ਪਹਰਤਿ, ਆਪਤ੍ਤਿ ਦੁਕ੍ਕਟਸ੍ਸ। ਭਾਜਨਗਤਂ ਉਦਕਂ વਾ ਕਞ੍ਜਿਕਂ વਾ ਖੀਰਂ વਾ ਤਕ੍ਕਂ વਾ ਰਜਨਂ વਾ ਪਸ੍ਸਾવਂ વਾ ਚਿਕ੍ਖਲ੍ਲਂ વਾ ਕੀਲ਼ਤਿ, ਆਪਤ੍ਤਿ ਦੁਕ੍ਕਟਸ੍ਸ।
Heṭṭhāgopphake udake kīḷati, āpatti dukkaṭassa. Udake nāvāya kīḷati, āpatti dukkaṭassa. Hatthena vā pādena vā kaṭṭhena vā kaṭhalāya vā udakaṃ paharati, āpatti dukkaṭassa. Bhājanagataṃ udakaṃ vā kañjikaṃ vā khīraṃ vā takkaṃ vā rajanaṃ vā passāvaṃ vā cikkhallaṃ vā kīḷati, āpatti dukkaṭassa.
ਉਦਕੇ ਅਹਸਧਮ੍ਮੇ ਹਸਧਮ੍ਮਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਉਦਕੇ ਅਹਸਧਮ੍ਮੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਉਦਕੇ ਅਹਸਧਮ੍ਮੇ ਅਹਸਧਮ੍ਮਸਞ੍ਞੀ, ਅਨਾਪਤ੍ਤਿ।
Udake ahasadhamme hasadhammasaññī, āpatti dukkaṭassa. Udake ahasadhamme vematiko, āpatti dukkaṭassa. Udake ahasadhamme ahasadhammasaññī, anāpatti.
੩੩੯. ਅਨਾਪਤ੍ਤਿ ਨ ਹਸਾਧਿਪ੍ਪਾਯੋ, ਸਤਿ ਕਰਣੀਯੇ ਉਦਕਂ ਓਤਰਿਤ੍વਾ ਨਿਮੁਜ੍ਜਤਿ વਾ ਉਮ੍ਮੁਜ੍ਜਤਿ વਾ ਪਲવਤਿ વਾ, ਪਾਰਂ ਗਚ੍ਛਨ੍ਤੋ ਨਿਮੁਜ੍ਜਤਿ વਾ ਉਮ੍ਮੁਜ੍ਜਤਿ વਾ ਪਲવਤਿ વਾ, ਆਪਦਾਸੁ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
339. Anāpatti na hasādhippāyo, sati karaṇīye udakaṃ otaritvā nimujjati vā ummujjati vā palavati vā, pāraṃ gacchanto nimujjati vā ummujjati vā palavati vā, āpadāsu, ummattakassa, ādikammikassāti.
ਹਸਧਮ੍ਮਸਿਕ੍ਖਾਪਦਂ ਨਿਟ੍ਠਿਤਂ ਤਤਿਯਂ।
Hasadhammasikkhāpadaṃ niṭṭhitaṃ tatiyaṃ.
੪. ਅਨਾਦਰਿਯਸਿਕ੍ਖਾਪਦਂ
4. Anādariyasikkhāpadaṃ
੩੪੦. ਤੇਨ ਸਮਯੇਨ ਬੁਦ੍ਧੋ ਭਗવਾ ਕੋਸਮ੍ਬਿਯਂ વਿਹਰਤਿ ਘੋਸਿਤਾਰਾਮੇ। ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਛਨ੍ਨੋ ਅਨਾਚਾਰਂ ਆਚਰਤਿ। ਭਿਕ੍ਖੂ ਏવਮਾਹਂਸੁ – ‘‘ਮਾવੁਸੋ ਛਨ੍ਨ, ਏવਰੂਪਂ ਅਕਾਸਿ। ਨੇਤਂ ਕਪ੍ਪਤੀ’’ਤਿ। ਸੋ ਅਨਾਦਰਿਯਂ ਪਟਿਚ੍ਚ ਕਰੋਤਿਯੇવ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਛਨ੍ਨੋ ਅਨਾਦਰਿਯਂ ਕਰਿਸ੍ਸਤੀ’’ਤਿ…ਪੇ॰… ਸਚ੍ਚਂ ਕਿਰ ਤ੍વਂ, ਛਨ੍ਨ, ਅਨਾਦਰਿਯਂ ਕਰੋਸੀਤਿ ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤ੍વਂ, ਮੋਘਪੁਰਿਸ, ਅਨਾਦਰਿਯਂ ਕਰਿਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
340. Tena samayena buddho bhagavā kosambiyaṃ viharati ghositārāme. Tena kho pana samayena āyasmā channo anācāraṃ ācarati. Bhikkhū evamāhaṃsu – ‘‘māvuso channa, evarūpaṃ akāsi. Netaṃ kappatī’’ti. So anādariyaṃ paṭicca karotiyeva. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā channo anādariyaṃ karissatī’’ti…pe… saccaṃ kira tvaṃ, channa, anādariyaṃ karosīti ? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, anādariyaṃ karissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੩੪੧. ‘‘ਅਨਾਦਰਿਯੇ ਪਾਚਿਤ੍ਤਿਯ’’ਨ੍ਤਿ।
341.‘‘Anādariye pācittiya’’nti.
੩੪੨. ਅਨਾਦਰਿਯਂ ਨਾਮ ਦ੍વੇ ਅਨਾਦਰਿਯਾਨਿ – ਪੁਗ੍ਗਲਾਨਾਦਰਿਯਞ੍ਚ ਧਮ੍ਮਾਨਾਦਰਿਯਞ੍ਚ।
342.Anādariyaṃ nāma dve anādariyāni – puggalānādariyañca dhammānādariyañca.
ਪੁਗ੍ਗਲਾਨਾਦਰਿਯਂ ਨਾਮ ਉਪਸਮ੍ਪਨ੍ਨੇਨ ਪਞ੍ਞਤ੍ਤੇਨ વੁਚ੍ਚਮਾਨੋ – ‘‘ਅਯਂ ਉਕ੍ਖਿਤ੍ਤਕੋ વਾ વਮ੍ਭਿਤੋ વਾ ਗਰਹਿਤੋ વਾ, ਇਮਸ੍ਸ વਚਨਂ ਅਕਤਂ ਭવਿਸ੍ਸਤੀ’’ਤਿ ਅਨਾਦਰਿਯਂ ਕਰੋਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Puggalānādariyaṃ nāma upasampannena paññattena vuccamāno – ‘‘ayaṃ ukkhittako vā vambhito vā garahito vā, imassa vacanaṃ akataṃ bhavissatī’’ti anādariyaṃ karoti, āpatti pācittiyassa.
ਧਮ੍ਮਾਨਾਦਰਿਯਂ ਨਾਮ ਉਪਸਮ੍ਪਨ੍ਨੇਨ ਪਞ੍ਞਤ੍ਤੇਨ વੁਚ੍ਚਮਾਨੋ ‘‘ਕਥਾਯਂ ਨਸ੍ਸੇਯ੍ਯ વਾ વਿਨਸ੍ਸੇਯ੍ਯ વਾ ਅਨ੍ਤਰਧਾਯੇਯ੍ਯ વਾ’’, ਤਂ વਾ ਨ ਸਿਕ੍ਖਿਤੁਕਾਮੋ ਅਨਾਦਰਿਯਂ ਕਰੋਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Dhammānādariyaṃ nāma upasampannena paññattena vuccamāno ‘‘kathāyaṃ nasseyya vā vinasseyya vā antaradhāyeyya vā’’, taṃ vā na sikkhitukāmo anādariyaṃ karoti, āpatti pācittiyassa.
੩੪੩. ਉਪਸਮ੍ਪਨ੍ਨੇ ਉਪਸਮ੍ਪਨ੍ਨਸਞ੍ਞੀ ਅਨਾਦਰਿਯਂ ਕਰੋਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਉਪਸਮ੍ਪਨ੍ਨੇ વੇਮਤਿਕੋ ਅਨਾਦਰਿਯਂ ਕਰੋਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਉਪਸਮ੍ਪਨ੍ਨੇ ਅਨੁਪਸਮ੍ਪਨ੍ਨਸਞ੍ਞੀ ਅਨਾਦਰਿਯਂ ਕਰੋਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
343. Upasampanne upasampannasaññī anādariyaṃ karoti, āpatti pācittiyassa. Upasampanne vematiko anādariyaṃ karoti, āpatti pācittiyassa. Upasampanne anupasampannasaññī anādariyaṃ karoti, āpatti pācittiyassa.
ਅਪਞ੍ਞਤ੍ਤੇਨ વੁਚ੍ਚਮਾਨੋ – ‘‘ਇਦਂ ਨ ਸਲ੍ਲੇਖਾਯ ਨ ਧੁਤਤ੍ਥਾਯ ਨ ਪਾਸਾਦਿਕਤਾਯ ਨ ਅਪਚਯਾਯ ਨ વੀਰਿਯਾਰਮ੍ਭਾਯ ਸਂવਤ੍ਤਤੀ’’ਤਿ ਅਨਾਦਰਿਯਂ ਕਰੋਤਿ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨੇਨ ਪਞ੍ਞਤ੍ਤੇਨ વਾ ਅਪਞ੍ਞਤ੍ਤੇਨ વਾ વੁਚ੍ਚਮਾਨੋ – ‘‘ਇਦਂ ਨ ਸਲ੍ਲੇਖਾਯ ਨ ਧੁਤਤ੍ਥਾਯ ਨ ਪਾਸਾਦਿਕਤਾਯ ਨ ਅਪਚਯਾਯ ਨ વੀਰਿਯਾਰਮ੍ਭਾਯ ਸਂવਤ੍ਤਤੀ’’ਤਿ ਅਨਾਦਰਿਯਂ ਕਰੋਤਿ, ਆਪਤ੍ਤਿ ਦੁਕ੍ਕਟਸ੍ਸ।
Apaññattena vuccamāno – ‘‘idaṃ na sallekhāya na dhutatthāya na pāsādikatāya na apacayāya na vīriyārambhāya saṃvattatī’’ti anādariyaṃ karoti, āpatti dukkaṭassa. Anupasampannena paññattena vā apaññattena vā vuccamāno – ‘‘idaṃ na sallekhāya na dhutatthāya na pāsādikatāya na apacayāya na vīriyārambhāya saṃvattatī’’ti anādariyaṃ karoti, āpatti dukkaṭassa.
ਅਨੁਪਸਮ੍ਪਨ੍ਨੇ ਉਪਸਮ੍ਪਨ੍ਨਸਞ੍ਞੀ ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨੇ ਅਨੁਪਸਮ੍ਪਨ੍ਨਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ।
Anupasampanne upasampannasaññī āpatti dukkaṭassa. Anupasampanne vematiko, āpatti dukkaṭassa. Anupasampanne anupasampannasaññī, āpatti dukkaṭassa.
੩੪੪. ਅਨਾਪਤ੍ਤਿ – ‘‘ਏવਂ ਅਮ੍ਹਾਕਂ ਆਚਰਿਯਾਨਂ ਉਗ੍ਗਹੋ ਪਰਿਪੁਚ੍ਛਾ’’ਤਿ ਭਣਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
344. Anāpatti – ‘‘evaṃ amhākaṃ ācariyānaṃ uggaho paripucchā’’ti bhaṇati, ummattakassa, ādikammikassāti.
ਅਨਾਦਰਿਯਸਿਕ੍ਖਾਪਦਂ ਨਿਟ੍ਠਿਤਂ ਚਤੁਤ੍ਥਂ।
Anādariyasikkhāpadaṃ niṭṭhitaṃ catutthaṃ.
੫. ਭਿਂਸਾਪਨਸਿਕ੍ਖਾਪਦਂ
5. Bhiṃsāpanasikkhāpadaṃ
੩੪੫. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਸਤ੍ਤਰਸવਗ੍ਗਿਯੇ ਭਿਕ੍ਖੂ ਭਿਂਸਾਪੇਨ੍ਤਿ। ਤੇ ਭਿਂਸਾਪੀਯਮਾਨਾ ਰੋਦਨ੍ਤਿ। ਭਿਕ੍ਖੂ ਏવਮਾਹਂਸੁ – ‘‘ਕਿਸ੍ਸ ਤੁਮ੍ਹੇ, ਆવੁਸੋ, ਰੋਦਥਾ’’ਤਿ? ‘‘ਇਮੇ, ਆવੁਸੋ, ਛਬ੍ਬਗ੍ਗਿਯਾ ਭਿਕ੍ਖੂ ਅਮ੍ਹੇ ਭਿਂਸਾਪੇਨ੍ਤੀ’’ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਭਿਕ੍ਖੁਂ ਭਿਂਸਾਪੇਸ੍ਸਨ੍ਤੀ’’ਤਿ…ਪੇ॰… ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖવੇ, ਭਿਕ੍ਖੁਂ ਭਿਂਸਾਪੇਥਾਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਭਿਕ੍ਖੁਂ ਭਿਂਸਾਪੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
345. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū sattarasavaggiye bhikkhū bhiṃsāpenti. Te bhiṃsāpīyamānā rodanti. Bhikkhū evamāhaṃsu – ‘‘kissa tumhe, āvuso, rodathā’’ti? ‘‘Ime, āvuso, chabbaggiyā bhikkhū amhe bhiṃsāpentī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū bhikkhuṃ bhiṃsāpessantī’’ti…pe… saccaṃ kira tumhe, bhikkhave, bhikkhuṃ bhiṃsāpethāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, bhikkhuṃ bhiṃsāpessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੩੪੬. ‘‘ਯੋ ਪਨ ਭਿਕ੍ਖੁ ਭਿਕ੍ਖੁਂ ਭਿਂਸਾਪੇਯ੍ਯ, ਪਾਚਿਤ੍ਤਿਯ’’ਨ੍ਤਿ।
346.‘‘Yo pana bhikkhu bhikkhuṃ bhiṃsāpeyya, pācittiya’’nti.
੩੪੭. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
347.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਭਿਕ੍ਖੁਨ੍ਤਿ ਅਞ੍ਞਂ ਭਿਕ੍ਖੁਂ।
Bhikkhunti aññaṃ bhikkhuṃ.
ਭਿਂਸਾਪੇਯ੍ਯਾਤਿ ਉਪਸਮ੍ਪਨ੍ਨੋ ਉਪਸਮ੍ਪਨ੍ਨਂ ਭਿਂਸਾਪੇਤੁਕਾਮੋ ਰੂਪਂ વਾ ਸਦ੍ਦਂ વਾ ਗਨ੍ਧਂ વਾ ਰਸਂ વਾ ਫੋਟ੍ਠਬ੍ਬਂ વਾ ਉਪਸਂਹਰਤਿ। ਭਾਯੇਯ੍ਯ વਾ ਸੋ ਨ વਾ ਭਾਯੇਯ੍ਯ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਚੋਰਕਨ੍ਤਾਰਂ વਾ વਾਲ਼ਕਨ੍ਤਾਰਂ વਾ ਪਿਸਾਚਕਨ੍ਤਾਰਂ વਾ ਆਚਿਕ੍ਖਤਿ। ਭਾਯੇਯ੍ਯ વਾ ਸੋ ਨ વਾ ਭਾਯੇਯ੍ਯ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Bhiṃsāpeyyāti upasampanno upasampannaṃ bhiṃsāpetukāmo rūpaṃ vā saddaṃ vā gandhaṃ vā rasaṃ vā phoṭṭhabbaṃ vā upasaṃharati. Bhāyeyya vā so na vā bhāyeyya, āpatti pācittiyassa. Corakantāraṃ vā vāḷakantāraṃ vā pisācakantāraṃ vā ācikkhati. Bhāyeyya vā so na vā bhāyeyya, āpatti pācittiyassa.
੩੪੮. ਉਪਸਮ੍ਪਨ੍ਨੇ ਉਪਸਮ੍ਪਨ੍ਨਸਞ੍ਞੀ ਭਿਂਸਾਪੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਉਪਸਮ੍ਪਨ੍ਨੇ વੇਮਤਿਕੋ ਭਿਂਸਾਪੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ‘ਉਪਸਮ੍ਪਨ੍ਨੇ ਅਨੁਪਸਮ੍ਪਨ੍ਨਸਞ੍ਞੀ ਭਿਂਸਾਪੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
348. Upasampanne upasampannasaññī bhiṃsāpeti, āpatti pācittiyassa. Upasampanne vematiko bhiṃsāpeti, āpatti pācittiyassa. ‘Upasampanne anupasampannasaññī bhiṃsāpeti, āpatti pācittiyassa.
ਅਨੁਪਸਮ੍ਪਨ੍ਨਂ ਭਿਂਸਾਪੇਤੁਕਾਮੋ ਰੂਪਂ વਾ ਸਦ੍ਦਂ વਾ ਗਨ੍ਧਂ વਾ ਰਸਂ વਾ ਫੋਟ੍ਠਬ੍ਬਂ વਾ ਉਪਸਂਹਰਤਿ। ਭਾਯੇਯ੍ਯ વਾ ਸੋ ਨ વਾ ਭਾਯੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਚੋਰਕਨ੍ਤਾਰਂ વਾ વਾਲ਼ਕਨ੍ਤਾਰਂ વਾ ਪਿਸਾਚਕਨ੍ਤਾਰਂ વਾ ਆਚਿਕ੍ਖਤਿ। ਭਾਯੇਯ੍ਯ વਾ ਸੋ ਨ વਾ ਭਾਯੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ । ਅਨੁਪਸਮ੍ਪਨ੍ਨੇ ਉਪਸਮ੍ਪਨ੍ਨਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨੇ ਅਨੁਪਸਮ੍ਪਨ੍ਨਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ।
Anupasampannaṃ bhiṃsāpetukāmo rūpaṃ vā saddaṃ vā gandhaṃ vā rasaṃ vā phoṭṭhabbaṃ vā upasaṃharati. Bhāyeyya vā so na vā bhāyeyya, āpatti dukkaṭassa. Corakantāraṃ vā vāḷakantāraṃ vā pisācakantāraṃ vā ācikkhati. Bhāyeyya vā so na vā bhāyeyya, āpatti dukkaṭassa . Anupasampanne upasampannasaññī, āpatti dukkaṭassa. Anupasampanne vematiko, āpatti dukkaṭassa. Anupasampanne anupasampannasaññī, āpatti dukkaṭassa.
੩੪੯. ਅਨਾਪਤ੍ਤਿ ਨ ਭਿਂਸਾਪੇਤੁਕਾਮੋ ਰੂਪਂ વਾ ਸਦ੍ਦਂ વਾ ਗਨ੍ਧਂ વਾ ਰਸਂ વਾ ਫੋਟ੍ਠਬ੍ਬਂ વਾ ਉਪਸਂਹਰਤਿ, ਚੋਰਕਨ੍ਤਾਰਂ વਾ વਾਲ਼ਕਨ੍ਤਾਰਂ વਾ ਪਿਸਾਚਕਨ੍ਤਾਰਂ વਾ ਆਚਿਕ੍ਖਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
349. Anāpatti na bhiṃsāpetukāmo rūpaṃ vā saddaṃ vā gandhaṃ vā rasaṃ vā phoṭṭhabbaṃ vā upasaṃharati, corakantāraṃ vā vāḷakantāraṃ vā pisācakantāraṃ vā ācikkhati, ummattakassa, ādikammikassāti.
ਭਿਂਸਾਪਨਸਿਕ੍ਖਾਪਦਂ ਨਿਟ੍ਠਿਤਂ ਪਞ੍ਚਮਂ।
Bhiṃsāpanasikkhāpadaṃ niṭṭhitaṃ pañcamaṃ.
੬. ਜੋਤਿਕਸਿਕ੍ਖਾਪਦਂ
6. Jotikasikkhāpadaṃ
੩੫੦. ਤੇਨ ਸਮਯੇਨ ਬੁਦ੍ਧੋ ਭਗવਾ ਭਗ੍ਗੇਸੁ વਿਹਰਤਿ ਸੁਂਸੁਮਾਰਗਿਰੇ 19 ਭੇਸਕਲ਼ਾવਨੇ ਮਿਗਦਾਯੇ। ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਹੇਮਨ੍ਤਿਕੇ ਕਾਲੇ ਅਞ੍ਞਤਰਂ ਮਹਨ੍ਤਂ ਸੁਸਿਰਕਟ੍ਠਂ ਜੋਤਿਂ ਸਮਾਦਹਿਤ੍વਾ વਿਸਿਬ੍ਬੇਸੁਂ। ਤਸ੍ਮਿਞ੍ਚ ਸੁਸਿਰੇ ਕਣ੍ਹਸਪ੍ਪੋ ਅਗ੍ਗਿਨਾ ਸਨ੍ਤਤ੍ਤੋ ਨਿਕ੍ਖਮਿਤ੍વਾ ਭਿਕ੍ਖੂ ਪਰਿਪਾਤੇਸਿ। ਭਿਕ੍ਖੂ ਤਹਂ ਤਹਂ ਉਪਧਾવਿਂਸੁ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੂ ਜੋਤਿਂ ਸਮਾਦਹਿਤ੍વਾ વਿਸਿਬ੍ਬੇਸ੍ਸਨ੍ਤੀ’’ਤਿ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ, ਭਿਕ੍ਖੂ ਜੋਤਿਂ ਸਮਾਦਹਿਤ੍વਾ વਿਸਿਬ੍ਬੇਨ੍ਤੀਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੇ, ਭਿਕ੍ਖવੇ , ਮੋਘਪੁਰਿਸਾ ਜੋਤਿਂ ਸਮਾਦਹਿਤ੍વਾ વਿਸਿਬ੍ਬੇਸ੍ਸਨ੍ਤਿ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
350. Tena samayena buddho bhagavā bhaggesu viharati suṃsumāragire 20 bhesakaḷāvane migadāye. Tena kho pana samayena bhikkhū hemantike kāle aññataraṃ mahantaṃ susirakaṭṭhaṃ jotiṃ samādahitvā visibbesuṃ. Tasmiñca susire kaṇhasappo agginā santatto nikkhamitvā bhikkhū paripātesi. Bhikkhū tahaṃ tahaṃ upadhāviṃsu. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhū jotiṃ samādahitvā visibbessantī’’ti…pe… saccaṃ kira, bhikkhave, bhikkhū jotiṃ samādahitvā visibbentīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave , moghapurisā jotiṃ samādahitvā visibbessanti! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
‘‘ਯੋ ਪਨ ਭਿਕ੍ਖੁ વਿਸਿਬ੍ਬਨਾਪੇਕ੍ਖੋ ਜੋਤਿਂ ਸਮਾਦਹੇਯ੍ਯ વਾ ਸਮਾਦਹਾਪੇਯ੍ਯ વਾ, ਪਾਚਿਤ੍ਤਿਯ’’ਨ੍ਤਿ।
‘‘Yo pana bhikkhu visibbanāpekkho jotiṃ samādaheyya vā samādahāpeyya vā, pācittiya’’nti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੩੫੧. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਗਿਲਾਨਾ ਹੋਨ੍ਤਿ। ਗਿਲਾਨਪੁਚ੍ਛਕਾ ਭਿਕ੍ਖੂ ਗਿਲਾਨੇ ਭਿਕ੍ਖੂ ਏਤਦવੋਚੁਂ – ‘‘ਕਚ੍ਚਾવੁਸੋ, ਖਮਨੀਯਂ, ਕਚ੍ਚਿ ਯਾਪਨੀਯ’’ਨ੍ਤਿ? ‘‘ਪੁਬ੍ਬੇ ਮਯਂ, ਆવੁਸੋ, ਜੋਤਿਂ ਸਮਾਦਹਿਤ੍વਾ વਿਸਿਬ੍ਬੇਮ; ਤੇਨ ਨੋ ਫਾਸੁ ਹੋਤਿ। ਇਦਾਨਿ ਪਨ ‘‘ਭਗવਤਾ ਪਟਿਕ੍ਖਿਤ੍ਤ’’ਨ੍ਤਿ ਕੁਕ੍ਕੁਚ੍ਚਾਯਨ੍ਤਾ ਨ વਿਸਿਬ੍ਬੇਮ, ਤੇਨ ਨੋ ਨ ਫਾਸੁ ਹੋਤੀ’’ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਅਨੁਜਾਨਾਮਿ, ਭਿਕ੍ਖવੇ, ਗਿਲਾਨੇਨ ਭਿਕ੍ਖੁਨਾ ਜੋਤਿਂ ਸਮਾਦਹਿਤ੍વਾ વਾ ਸਮਾਦਹਾਪੇਤ੍વਾ વਾ વਿਸਿਬ੍ਬੇਤੁਂ। ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
351. Tena kho pana samayena bhikkhū gilānā honti. Gilānapucchakā bhikkhū gilāne bhikkhū etadavocuṃ – ‘‘kaccāvuso, khamanīyaṃ, kacci yāpanīya’’nti? ‘‘Pubbe mayaṃ, āvuso, jotiṃ samādahitvā visibbema; tena no phāsu hoti. Idāni pana ‘‘bhagavatā paṭikkhitta’’nti kukkuccāyantā na visibbema, tena no na phāsu hotī’’ti. Bhagavato etamatthaṃ ārocesuṃ…pe… anujānāmi, bhikkhave, gilānena bhikkhunā jotiṃ samādahitvā vā samādahāpetvā vā visibbetuṃ. Evañca pana, bhikkhave, imaṃ sikkhāpadaṃ uddiseyyātha –
‘‘ਯੋ ਪਨ ਭਿਕ੍ਖੁ ਅਗਿਲਾਨੋ વਿਸਿਬ੍ਬਨਾਪੇਕ੍ਖੋ ਜੋਤਿਂ ਸਮਾਦਹੇਯ੍ਯ વਾ ਸਮਾਦਹਾਪੇਯ੍ਯ વਾ, ਪਾਚਿਤ੍ਤਿਯ’’ਨ੍ਤਿ।
‘‘Yo pana bhikkhu agilāno visibbanāpekkho jotiṃ samādaheyyavā samādahāpeyya vā, pācittiya’’nti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੩੫੨. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਪਦੀਪੇਪਿ ਜੋਤਿਕੇਪਿ ਜਨ੍ਤਾਘਰੇਪਿ ਕੁਕ੍ਕੁਚ੍ਚਾਯਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਅਨੁਜਾਨਾਮਿ, ਭਿਕ੍ਖવੇ, ਤਥਾਰੂਪਪ੍ਪਚ੍ਚਯਾ ਜੋਤਿਂ ਸਮਾਦਹਿਤੁਂ ਸਮਾਦਹਾਪੇਤੁਂ। ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
352. Tena kho pana samayena bhikkhū padīpepi jotikepi jantāgharepi kukkuccāyanti. Bhagavato etamatthaṃ ārocesuṃ…pe… anujānāmi, bhikkhave, tathārūpappaccayā jotiṃ samādahituṃ samādahāpetuṃ. Evañca pana, bhikkhave, imaṃ sikkhāpadaṃ uddiseyyātha –
੩੫੩. ‘‘ਯੋ ਪਨ ਭਿਕ੍ਖੁ ਅਗਿਲਾਨੋ વਿਸਿਬ੍ਬਨਾਪੇਕ੍ਖੋ ਜੋਤਿਂ ਸਮਾਦਹੇਯ੍ਯ વਾ ਸਮਾਦਹਾਪੇਯ੍ਯ વਾ, ਅਞ੍ਞਤ੍ਰ ਤਥਾਰੂਪਪ੍ਪਚ੍ਚਯਾ, ਪਾਚਿਤ੍ਤਿਯ’’ਨ੍ਤਿ।
353.‘‘Yo pana bhikkhu agilāno visibbanāpekkho jotiṃ samādaheyya vā samādahāpeyya vā, aññatra tathārūpappaccayā, pācittiya’’nti.
੩੫੪. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
354.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਅਗਿਲਾਨੋ ਨਾਮ ਯਸ੍ਸ વਿਨਾ ਅਗ੍ਗਿਨਾ ਫਾਸੁ ਹੋਤਿ।
Agilāno nāma yassa vinā agginā phāsu hoti.
ਗਿਲਾਨੋ ਨਾਮ ਯਸ੍ਸ વਿਨਾ ਅਗ੍ਗਿਨਾ ਨ ਫਾਸੁ ਹੋਤਿ।
Gilāno nāma yassa vinā agginā na phāsu hoti.
વਿਸਿਬ੍ਬਨਾਪੇਕ੍ਖੋਤਿ ਤਪ੍ਪਿਤੁਕਾਮੋ।
Visibbanāpekkhoti tappitukāmo.
ਜੋਤਿ ਨਾਮ ਅਗ੍ਗਿ વੁਚ੍ਚਤਿ।
Joti nāma aggi vuccati.
ਸਮਾਦਹੇਯ੍ਯਾਤਿ ਸਯਂ ਸਮਾਦਹਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Samādaheyyāti sayaṃ samādahati, āpatti pācittiyassa.
ਸਮਾਦਹਾਪੇਯ੍ਯਾਤਿ ਅਞ੍ਞਂ ਆਣਾਪੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਸਕਿਂ ਆਣਤ੍ਤੋ ਬਹੁਕਮ੍ਪਿ ਸਮਾਦਹਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Samādahāpeyyāti aññaṃ āṇāpeti, āpatti pācittiyassa. Sakiṃ āṇatto bahukampi samādahati, āpatti pācittiyassa.
ਅਞ੍ਞਤ੍ਰ ਤਥਾ ਰੂਪਪ੍ਪਚ੍ਚਯਾਤਿ ਠਪੇਤ੍વਾ ਤਥਾਰੂਪਪ੍ਪਚ੍ਚਯਂ।
Aññatra tathā rūpappaccayāti ṭhapetvā tathārūpappaccayaṃ.
੩੫੫. ਅਗਿਲਾਨੋ ਅਗਿਲਾਨਸਞ੍ਞੀ વਿਸਿਬ੍ਬਨਾਪੇਕ੍ਖੋ ਜੋਤਿਂ ਸਮਾਦਹਤਿ વਾ ਸਮਾਦਹਾਪੇਤਿ વਾ, ਅਞ੍ਞਤ੍ਰ ਤਥਾਰੂਪਪ੍ਪਚ੍ਚਯਾ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਅਗਿਲਾਨੋ વੇਮਤਿਕੋ વਿਸਿਬ੍ਬਨਾਪੇਕ੍ਖੋ ਜੋਤਿਂ ਸਮਾਦਹਤਿ વਾ ਸਮਾਦਹਾਪੇਤਿ વਾ, ਅਞ੍ਞਤ੍ਰ ਤਥਾਰੂਪਪ੍ਪਚ੍ਚਯਾ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਅਗਿਲਾਨੋ ਗਿਲਾਨਸਞ੍ਞੀ વਿਸਿਬ੍ਬਨਾਪੇਕ੍ਖੋ ਜੋਤਿਂ ਸਮਾਦਹਤਿ વਾ ਸਮਾਦਹਾਪੇਤਿ વਾ, ਅਞ੍ਞਤ੍ਰ ਤਥਾਰੂਪਪ੍ਪਚ੍ਚਯਾ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
355. Agilāno agilānasaññī visibbanāpekkho jotiṃ samādahati vā samādahāpeti vā, aññatra tathārūpappaccayā, āpatti pācittiyassa. Agilāno vematiko visibbanāpekkho jotiṃ samādahati vā samādahāpeti vā, aññatra tathārūpappaccayā, āpatti pācittiyassa. Agilāno gilānasaññī visibbanāpekkho jotiṃ samādahati vā samādahāpeti vā, aññatra tathārūpappaccayā, āpatti pācittiyassa.
ਪਟਿਲਾਤਂ ਉਕ੍ਖਿਪਤਿ, ਆਪਤ੍ਤਿ ਦੁਕ੍ਕਟਸ੍ਸ। ਗਿਲਾਨੋ ਅਗਿਲਾਨਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਗਿਲਾਨੋ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਗਿਲਾਨੋ ਗਿਲਾਨਸਞ੍ਞੀ, ਅਨਾਪਤ੍ਤਿ।
Paṭilātaṃ ukkhipati, āpatti dukkaṭassa. Gilāno agilānasaññī, āpatti dukkaṭassa. Gilāno vematiko, āpatti dukkaṭassa. Gilāno gilānasaññī, anāpatti.
੩੫੬. ਅਨਾਪਤ੍ਤਿ ਗਿਲਾਨਸ੍ਸ, ਅਞ੍ਞੇਨ ਕਤਂ વਿਸਿਬ੍ਬੇਤਿ, વੀਤਚ੍ਚਿਤਙ੍ਗਾਰਂ વਿਸਿਬ੍ਬੇਤਿ, ਪਦੀਪੇ ਜੋਤਿਕੇ ਜਨ੍ਤਾਘਰੇ ਤਥਾਰੂਪਪ੍ਪਚ੍ਚਯਾ, ਆਪਦਾਸੁ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
356. Anāpatti gilānassa, aññena kataṃ visibbeti, vītaccitaṅgāraṃ visibbeti, padīpe jotike jantāghare tathārūpappaccayā, āpadāsu, ummattakassa, ādikammikassāti.
ਜੋਤਿਕਸਿਕ੍ਖਾਪਦਂ ਨਿਟ੍ਠਿਤਂ ਛਟ੍ਠਂ।
Jotikasikkhāpadaṃ niṭṭhitaṃ chaṭṭhaṃ.
੭. ਨਹਾਨਸਿਕ੍ਖਾਪਦਂ
7. Nahānasikkhāpadaṃ
੩੫੭. ਤੇਨ ਸਮਯੇਨ ਬੁਦ੍ਧੋ ਭਗવਾ ਰਾਜਗਹੇ વਿਹਰਤਿ વੇਲ਼ੁવਨੇ ਕਲਨ੍ਦਕਨਿવਾਪੇ। ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਤਪੋਦੇ ਨਹਾਯਨ੍ਤਿ। ਤੇਨ ਖੋ ਪਨ ਸਮਯੇਨ 21 ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ‘‘ਸੀਸਂ ਨਹਾਯਿਸ੍ਸਾਮੀ’’ਤਿ ਤਪੋਦਂ ਗਨ੍ਤ੍વਾ – ‘‘ਯਾવਾਯ੍ਯਾ ਨਹਾਯਨ੍ਤੀ’’ਤਿ ਏਕਮਨ੍ਤਂ ਪਟਿਮਾਨੇਸਿ। ਭਿਕ੍ਖੂ ਯਾવ ਸਮਨ੍ਧਕਾਰਾ ਨਹਾਯਿਂਸੁ। ਅਥ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ વਿਕਾਲੇ ਸੀਸਂ ਨਹਾਯਿਤ੍વਾ, ਨਗਰਦ੍વਾਰੇ ਥਕਿਤੇ ਬਹਿਨਗਰੇ વਸਿਤ੍વਾ, ਕਾਲਸ੍ਸੇવ ਅਸਮ੍ਭਿਨ੍ਨੇਨ વਿਲੇਪਨੇਨ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਰਾਜਾਨਂ ਮਾਗਧਂ ਸੇਨਿਯਂ ਬਿਮ੍ਬਿਸਾਰਂ ਭਗવਾ ਏਤਦવੋਚ – ‘‘ਕਿਸ੍ਸ ਤ੍વਂ, ਮਹਾਰਾਜ, ਕਾਲਸ੍ਸੇવ ਆਗਤੋ ਅਸਮ੍ਭਿਨ੍ਨੇਨ વਿਲੇਪਨੇਨਾ’’ਤਿ? ਅਥ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਭਗવਤੋ ਏਤਮਤ੍ਥਂ ਆਰੋਚੇਸਿ। ਅਥ ਖੋ ਭਗવਾ ਰਾਜਾਨਂ ਮਾਗਧਂ ਸੇਨਿਯਂ ਬਿਮ੍ਬਿਸਾਰਂ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਸਿ ਸਮਾਦਪੇਸਿ ਸਮੁਤ੍ਤੇਜੇਸਿ ਸਮ੍ਪਹਂਸੇਸਿ। ਅਥ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਭਗવਤਾ ਧਮ੍ਮਿਯਾ ਕਥਾਯ ਸਨ੍ਦਸ੍ਸਿਤੋ ਸਮਾਦਪਿਤੋ ਸਮੁਤ੍ਤੇਜਿਤੋ ਸਮ੍ਪਹਂਸਿਤੋ ਉਟ੍ਠਾਯਾਸਨਾ ਭਗવਨ੍ਤਂ ਅਭਿવਾਦੇਤ੍વਾ ਪਦਕ੍ਖਿਣਂ ਕਤ੍વਾ ਪਕ੍ਕਾਮਿ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍વਾ ਭਿਕ੍ਖੂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ, ਭਿਕ੍ਖવੇ, ਭਿਕ੍ਖੂ ਰਾਜਾਨਮ੍ਪਿ ਪਸ੍ਸਿਤ੍વਾ ਨ ਮਤ੍ਤਂ ਜਾਨਿਤ੍વਾ ਨਹਾਯਨ੍ਤੀ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੇ, ਭਿਕ੍ਖવੇ, ਮੋਘਪੁਰਿਸਾ ਰਾਜਾਨਮ੍ਪਿ ਪਸ੍ਸਿਤ੍વਾ ਨ ਮਤ੍ਤਂ ਜਾਨਿਤ੍વਾ ਨਹਾਯਿਸ੍ਸਨ੍ਤਿ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
357. Tena samayena buddho bhagavā rājagahe viharati veḷuvane kalandakanivāpe. Tena kho pana samayena bhikkhū tapode nahāyanti. Tena kho pana samayena 22 rājā māgadho seniyo bimbisāro ‘‘sīsaṃ nahāyissāmī’’ti tapodaṃ gantvā – ‘‘yāvāyyā nahāyantī’’ti ekamantaṃ paṭimānesi. Bhikkhū yāva samandhakārā nahāyiṃsu. Atha kho rājā māgadho seniyo bimbisāro vikāle sīsaṃ nahāyitvā, nagaradvāre thakite bahinagare vasitvā, kālasseva asambhinnena vilepanena yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho rājānaṃ māgadhaṃ seniyaṃ bimbisāraṃ bhagavā etadavoca – ‘‘kissa tvaṃ, mahārāja, kālasseva āgato asambhinnena vilepanenā’’ti? Atha kho rājā māgadho seniyo bimbisāro bhagavato etamatthaṃ ārocesi. Atha kho bhagavā rājānaṃ māgadhaṃ seniyaṃ bimbisāraṃ dhammiyā kathāya sandassesi samādapesi samuttejesi sampahaṃsesi. Atha kho rājā māgadho seniyo bimbisāro bhagavatā dhammiyā kathāya sandassito samādapito samuttejito sampahaṃsito uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, bhikkhū rājānampi passitvā na mattaṃ jānitvā nahāyantī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā rājānampi passitvā na mattaṃ jānitvā nahāyissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
‘‘ਯੋ ਪਨ ਭਿਕ੍ਖੁ ਓਰੇਨਦ੍ਧਮਾਸਂ ਨਹਾਯੇਯ੍ਯ, ਪਾਚਿਤ੍ਤਿਯ’’ਨ੍ਤਿ।
‘‘Yo pana bhikkhu orenaddhamāsaṃ nahāyeyya, pācittiya’’nti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੩੫੮. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਉਣ੍ਹਸਮਯੇ ਪਰਿਲ਼ਾਹਸਮਯੇ ਕੁਕ੍ਕੁਚ੍ਚਾਯਨ੍ਤਾ ਨ ਨਹਾਯਨ੍ਤਿ, ਸੇਦਗਤੇਨ ਗਤ੍ਤੇਨ ਸਯਨ੍ਤਿ। ਚੀવਰਮ੍ਪਿ ਸੇਨਾਸਨਮ੍ਪਿ ਦੁਸ੍ਸਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਅਨੁਜਾਨਾਮਿ, ਭਿਕ੍ਖવੇ, ਉਣ੍ਹਸਮਯੇ ਪਰਿਲ਼ਾਹਸਮਯੇ ਓਰੇਨਦ੍ਧਮਾਸਂ ਨਹਾਯਿਤੁਂ। ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
358. Tena kho pana samayena bhikkhū uṇhasamaye pariḷāhasamaye kukkuccāyantā na nahāyanti, sedagatena gattena sayanti. Cīvarampi senāsanampi dussati. Bhagavato etamatthaṃ ārocesuṃ…pe… anujānāmi, bhikkhave, uṇhasamaye pariḷāhasamaye orenaddhamāsaṃ nahāyituṃ. Evañca pana, bhikkhave, imaṃ sikkhāpadaṃ uddiseyyātha –
‘‘ਯੋ ਪਨ ਭਿਕ੍ਖੁ ਓਰੇਨਦ੍ਧਮਾਸਂ ਨਹਾਯੇਯ੍ਯ, ਅਞ੍ਞਤ੍ਰ ਸਮਯਾ, ਪਾਚਿਤ੍ਤਿਯਂ। ਤਤ੍ਥਾਯਂ ਸਮਯੋ। ਦਿਯਡ੍ਢੋ ਮਾਸੋ ਸੇਸੋ ਗਿਮ੍ਹਾਨਨ੍ਤਿ 23 વਸ੍ਸਾਨਸ੍ਸ ਪਠਮੋ ਮਾਸੋ ਇਚ੍ਚੇਤੇ ਅਡ੍ਢਤੇਯ੍ਯਮਾਸਾ ਉਣ੍ਹਸਮਯੋ ਪਰਿਲ਼ਾਹਸਮਯੋ – ਅਯਂ ਤਤ੍ਥ ਸਮਯੋ’’ਤਿ।
‘‘Yopana bhikkhu orenaddhamāsaṃ nahāyeyya, aññatra samayā, pācittiyaṃ. Tatthāyaṃ samayo. Diyaḍḍho māso seso gimhānanti24vassānassa paṭhamo māso iccete aḍḍhateyyamāsā uṇhasamayo pariḷāhasamayo – ayaṃ tattha samayo’’ti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੩੫੯. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਗਿਲਾਨਾ ਹੋਨ੍ਤਿ। ਗਿਲਾਨਪੁਚ੍ਛਕਾ ਭਿਕ੍ਖੂ ਗਿਲਾਨੇ ਭਿਕ੍ਖੂ ਏਤਦવੋਚੁਂ – ‘‘ਕਚ੍ਚਾવੁਸੋ, ਖਮਨੀਯਂ, ਕਚ੍ਚਿ ਯਾਪਨੀਯ’’ਨ੍ਤਿ? ‘‘ਪੁਬ੍ਬੇ ਮਯਂ, ਆવੁਸੋ, ਓਰੇਨਦ੍ਧਮਾਸਂ ਨਹਾਯਾਮ, ਤੇਨ ਨੋ ਫਾਸੁ ਹੋਤਿ; ਇਦਾਨਿ ਪਨ ‘‘ਭਗવਤਾ ਪਟਿਕ੍ਖਿਤ੍ਤ’’ਨ੍ਤਿ ਕੁਕ੍ਕੁਚ੍ਚਾਯਨ੍ਤਾ ਨ ਨਹਾਯਾਮ, ਤੇਨ ਨੋ ਨ ਫਾਸੁ ਹੋਤੀ’’ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਅਨੁਜਾਨਾਮਿ, ਭਿਕ੍ਖવੇ, ਗਿਲਾਨੇਨ ਭਿਕ੍ਖੁਨਾ ਓਰੇਨਦ੍ਧਮਾਸਂ ਨਹਾਯਿਤੁਂ। ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
359. Tena kho pana samayena bhikkhū gilānā honti. Gilānapucchakā bhikkhū gilāne bhikkhū etadavocuṃ – ‘‘kaccāvuso, khamanīyaṃ, kacci yāpanīya’’nti? ‘‘Pubbe mayaṃ, āvuso, orenaddhamāsaṃ nahāyāma, tena no phāsu hoti; idāni pana ‘‘bhagavatā paṭikkhitta’’nti kukkuccāyantā na nahāyāma, tena no na phāsu hotī’’ti. Bhagavato etamatthaṃ ārocesuṃ…pe… anujānāmi, bhikkhave, gilānena bhikkhunā orenaddhamāsaṃ nahāyituṃ. Evañca pana, bhikkhave, imaṃ sikkhāpadaṃ uddiseyyātha –
‘‘ਯੋ ਪਨ ਭਿਕ੍ਖੁ ਓਰੇਨਦ੍ਧਮਾਸਂ ਨਹਾਯੇਯ੍ਯ, ਅਞ੍ਞਤ੍ਰ ਸਮਯਾ, ਪਾਚਿਤ੍ਤਿਯਂ। ਤਤ੍ਥਾਯਂ ਸਮਯੋ। ਦਿਯਡ੍ਢੋ ਮਾਸੋ ਸੇਸੋ ਗਿਮ੍ਹਾਨਨ੍ਤਿ 25 વਸ੍ਸਾਨਸ੍ਸ ਪਠਮੋ ਮਾਸੋ ਇਚ੍ਚੇਤੇ ਅਡ੍ਢਤੇਯ੍ਯਮਾਸਾ ਉਣ੍ਹਸਮਯੋ, ਪਰਿਲ਼ਾਹਸਮਯੋ, ਗਿਲਾਨਸਮਯੋ – ਅਯਂ ਤਤ੍ਥ ਸਮਯੋ’’ਤਿ।
‘‘Yo pana bhikkhu orenaddhamāsaṃ nahāyeyya, aññatra samayā, pācittiyaṃ. Tatthāyaṃ samayo. Diyaḍḍho māso seso gimhānanti26vassānassapaṭhamo māso iccete aḍḍhateyyamāsā uṇhasamayo, pariḷāhasamayo, gilānasamayo – ayaṃ tattha samayo’’ti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੩੬੦. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਨવਕਮ੍ਮਂ ਕਤ੍વਾ ਕੁਕ੍ਕੁਚ੍ਚਾਯਨ੍ਤਾ ਨ ਨਹਾਯਨ੍ਤਿ। ਤੇ ਸੇਦਗਤੇਨ ਗਤ੍ਤੇਨ ਸਯਨ੍ਤਿ। ਚੀવਰਮ੍ਪਿ ਸੇਨਾਸਨਮ੍ਪਿ ਦੁਸ੍ਸਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਅਨੁਜਾਨਾਮਿ, ਭਿਕ੍ਖવੇ, ਕਮ੍ਮਸਮਯੇ ਓਰੇਨਦ੍ਧਮਾਸਂ ਨਹਾਯਿਤੁਂ। ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
360. Tena kho pana samayena bhikkhū navakammaṃ katvā kukkuccāyantā na nahāyanti. Te sedagatena gattena sayanti. Cīvarampi senāsanampi dussati. Bhagavato etamatthaṃ ārocesuṃ…pe… anujānāmi, bhikkhave, kammasamaye orenaddhamāsaṃ nahāyituṃ. Evañca pana, bhikkhave, imaṃ sikkhāpadaṃ uddiseyyātha –
‘‘ਯੋ ਪਨ ਭਿਕ੍ਖੁ ਓਰੇਨਦ੍ਧਮਾਸਂ ਨਹਾਯੇਯ੍ਯ, ਅਞ੍ਞਤ੍ਰ ਸਮਯਾ, ਪਾਚਿਤ੍ਤਿਯਂ। ਤਤ੍ਥਾਯਂ ਸਮਯੋ। ਦਿਯਡ੍ਢੋ ਮਾਸੋ ਸੇਸੋ ਗਿਮ੍ਹਾਨਨ੍ਤਿ વਸ੍ਸਾਨਸ੍ਸ ਪਠਮੋ ਮਾਸੋ ਇਚ੍ਚੇਤੇ ਅਡ੍ਢਤੇਯ੍ਯਮਾਸਾ ਉਣ੍ਹਸਮਯੋ, ਪਰਿਲ਼ਾਹਸਮਯੋ, ਗਿਲਾਨਸਮਯੋ, ਕਮ੍ਮਸਮਯੋ – ਅਯਂ ਤਤ੍ਥ ਸਮਯੋ’’ਤਿ।
‘‘Yo pana bhikkhu orenaddhamāsaṃ nahāyeyya, aññatra samayā, pācittiyaṃ. Tatthāyaṃ samayo. Diyaḍḍho māso seso gimhānanti vassānassa paṭhamo māso iccete aḍḍhateyyamāsā uṇhasamayo, pariḷāhasamayo, gilānasamayo, kammasamayo – ayaṃ tattha samayo’’ti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੩੬੧. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਅਦ੍ਧਾਨਂ ਗਨ੍ਤ੍વਾ ਕੁਕ੍ਕੁਚ੍ਚਾਯਨ੍ਤਾ ਨ ਨਹਾਯਨ੍ਤਿ। ਤੇ ਸੇਦਗਤੇਨ ਗਤ੍ਤੇਨ ਸਯਨ੍ਤਿ। ਚੀવਰਮ੍ਪਿ ਸੇਨਾਸਨਮ੍ਪਿ ਦੁਸ੍ਸਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਅਨੁਜਾਨਾਮਿ, ਭਿਕ੍ਖવੇ, ਅਦ੍ਧਾਨਗਮਨਸਮਯੇ ਓਰੇਨਦ੍ਧਮਾਸਂ ਨਹਾਯਿਤੁਂ। ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
361. Tena kho pana samayena bhikkhū addhānaṃ gantvā kukkuccāyantā na nahāyanti. Te sedagatena gattena sayanti. Cīvarampi senāsanampi dussati. Bhagavato etamatthaṃ ārocesuṃ…pe… anujānāmi, bhikkhave, addhānagamanasamaye orenaddhamāsaṃ nahāyituṃ. Evañca pana, bhikkhave, imaṃ sikkhāpadaṃ uddiseyyātha –
‘‘ਯੋ ਪਨ ਭਿਕ੍ਖੁ ਓਰੇਨਦ੍ਧਮਾਸਂ ਨਹਾਯੇਯ੍ਯ, ਅਞ੍ਞਤ੍ਰ ਸਮਯਾ, ਪਾਚਿਤ੍ਤਿਯਂ। ਤਤ੍ਥਾਯਂ ਸਮਯੋ। ਦਿਯਡ੍ਢੋ ਮਾਸੋ ਸੇਸੋ ਗਿਮ੍ਹਾਨਨ੍ਤਿ વਸ੍ਸਾਨਸ੍ਸ ਪਠਮੋ ਮਾਸੋ ਇਚ੍ਚੇਤੇ ਅਡ੍ਢਤੇਯ੍ਯਮਾਸਾ ਉਣ੍ਹਸਮਯੋ, ਪਰਿਲ਼ਾਹਸਮਯੋ, ਗਿਲਾਨਸਮਯੋ, ਕਮ੍ਮਸਮਯੋ, ਅਦ੍ਧਾਨਗਮਨਸਮਯੋ – ਅਯਂ ਤਤ੍ਥ ਸਮਯੋ’’ਤਿ।
‘‘Yo pana bhikkhu orenaddhamāsaṃ nahāyeyya, aññatra samayā, pācittiyaṃ. Tatthāyaṃ samayo. Diyaḍḍho māso seso gimhānanti vassānassa paṭhamo māso iccete aḍḍhateyyamāsā uṇhasamayo, pariḷāhasamayo, gilānasamayo, kammasamayo, addhānagamanasamayo – ayaṃ tattha samayo’’ti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੩੬੨. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਅਜ੍ਝੋਕਾਸੇ ਚੀવਰਕਮ੍ਮਂ ਕਰੋਨ੍ਤਾ ਸਰਜੇਨ વਾਤੇਨ ਓਕਿਣ੍ਣਾ ਹੋਨ੍ਤਿ। ਦੇવੋ ਚ ਥੋਕਂ ਥੋਕਂ ਫੁਸਾਯਤਿ। ਭਿਕ੍ਖੂ ਕੁਕ੍ਕੁਚ੍ਚਾਯਨ੍ਤਾ ਨ ਨਹਾਯਨ੍ਤਿ, ਕਿਲਿਨ੍ਨੇਨ ਗਤ੍ਤੇਨ ਸਯਨ੍ਤਿ। ਚੀવਰਮ੍ਪਿ ਸੇਨਾਸਨਮ੍ਪਿ ਦੁਸ੍ਸਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਅਨੁਜਾਨਾਮਿ, ਭਿਕ੍ਖવੇ, વਾਤવੁਟ੍ਠਿਸਮਯੇ ਓਰੇਨਦ੍ਧਮਾਸਂ ਨਹਾਯਿਤੁਂ। ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
362. Tena kho pana samayena sambahulā bhikkhū ajjhokāse cīvarakammaṃ karontā sarajena vātena okiṇṇā honti. Devo ca thokaṃ thokaṃ phusāyati. Bhikkhū kukkuccāyantā na nahāyanti, kilinnena gattena sayanti. Cīvarampi senāsanampi dussati. Bhagavato etamatthaṃ ārocesuṃ…pe… anujānāmi, bhikkhave, vātavuṭṭhisamaye orenaddhamāsaṃ nahāyituṃ. Evañca pana, bhikkhave, imaṃ sikkhāpadaṃ uddiseyyātha –
੩੬੩. ‘‘ਯੋ ਪਨ ਭਿਕ੍ਖੁ ਓਰੇਨਦ੍ਧਮਾਸਂ ਨਹਾਯੇਯ੍ਯ, ਅਞ੍ਞਤ੍ਰ ਸਮਯਾ, ਪਾਚਿਤ੍ਤਿਯਂ। ਤਤ੍ਥਾਯਂ ਸਮਯੋ। ਦਿਯਡ੍ਢੋ ਮਾਸੋ ਸੇਸੋ ਗਿਮ੍ਹਾਨਨ੍ਤਿ વਸ੍ਸਾਨਸ੍ਸ ਪਠਮੋ ਮਾਸੋ ਇਚ੍ਚੇਤੇ ਅਡ੍ਢਤੇਯ੍ਯਮਾਸਾ ਉਣ੍ਹਸਮਯੋ, ਪਰਿਲ਼ਾਹਸਮਯੋ, ਗਿਲਾਨਸਮਯੋ, ਕਮ੍ਮਸਮਯੋ, ਅਦ੍ਧਾਨਗਮਨਸਮਯੋ, વਾਤવੁਟ੍ਠਿਸਮਯੋ – ਅਯਂ ਤਤ੍ਥ ਸਮਯੋ’’ਤਿ।
363.‘‘Yo pana bhikkhu orenaddhamāsaṃ nahāyeyya, aññatra samayā, pācittiyaṃ. Tatthāyaṃ samayo. Diyaḍḍho māso seso gimhānanti vassānassa paṭhamo māso iccete aḍḍhateyyamāsā uṇhasamayo, pariḷāhasamayo, gilānasamayo, kammasamayo, addhānagamanasamayo, vātavuṭṭhisamayo– ayaṃ tattha samayo’’ti.
੩੬੪. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
364.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਓਰੇਨਦ੍ਧਮਾਸਨ੍ਤਿ ਊਨਕਦ੍ਧਮਾਸਂ।
Orenaddhamāsanti ūnakaddhamāsaṃ.
ਨਹਾਯੇਯ੍ਯਾਤਿ ਚੁਣ੍ਣੇਨ વਾ ਮਤ੍ਤਿਕਾਯ વਾ ਨਹਾਯਤਿ, ਪਯੋਗੇ ਪਯੋਗੇ ਦੁਕ੍ਕਟਂ। ਨਹਾਨਪਰਿਯੋਸਾਨੇ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Nahāyeyyāti cuṇṇena vā mattikāya vā nahāyati, payoge payoge dukkaṭaṃ. Nahānapariyosāne, āpatti pācittiyassa.
ਅਞ੍ਞਤ੍ਰ ਸਮਯਾਤਿ ਠਪੇਤ੍વਾ ਸਮਯਂ।
Aññatrasamayāti ṭhapetvā samayaṃ.
ਉਣ੍ਹਸਮਯੋ ਨਾਮ ਦਿਯਡ੍ਢੋ ਮਾਸੋ ਸੇਸੋ ਗਿਮ੍ਹਾਨਂ। ਪਰਿਲ਼ਾਹਸਮਯੋ ਨਾਮ વਸ੍ਸਾਨਸ੍ਸ ਪਠਮੋ ਮਾਸੋ ‘‘ਇਚ੍ਚੇਤੇ ਅਡ੍ਢਤੇਯ੍ਯਮਾਸਾ ਉਣ੍ਹਸਮਯੋ ਪਰਿਲ਼ਾਹਸਮਯੋ’’ਤਿ ਨਹਾਯਿਤਬ੍ਬਂ।
Uṇhasamayo nāma diyaḍḍho māso seso gimhānaṃ. Pariḷāhasamayo nāma vassānassa paṭhamo māso ‘‘iccete aḍḍhateyyamāsā uṇhasamayo pariḷāhasamayo’’ti nahāyitabbaṃ.
ਗਿਲਾਨਸਮਯੋ ਨਾਮ ਯਸ੍ਸ વਿਨਾ ਨਹਾਨੇਨ ਨ ਫਾਸੁ ਹੋਤਿ। ਗਿਲਾਨਸਮਯੋਤਿ ਨਹਾਯਿਤਬ੍ਬਂ।
Gilānasamayo nāma yassa vinā nahānena na phāsu hoti. Gilānasamayoti nahāyitabbaṃ.
ਕਮ੍ਮਸਮਯੋ ਨਾਮ ਅਨ੍ਤਮਸੋ ਪਰਿવੇਣਮ੍ਪਿ ਸਮ੍ਮਟ੍ਠਂ ਹੋਤਿ। ‘‘ਕਮ੍ਮਸਮਯੋ’’ਤਿ ਨਹਾਯਿਤਬ੍ਬਂ।
Kammasamayo nāma antamaso pariveṇampi sammaṭṭhaṃ hoti. ‘‘Kammasamayo’’ti nahāyitabbaṃ.
ਅਦ੍ਧਾਨਗਮਨਸਮਯੋ ਨਾਮ ‘‘ਅਦ੍ਧਯੋਜਨਂ ਗਚ੍ਛਿਸ੍ਸਾਮੀ’’ਤਿ ਨਹਾਯਿਤਬ੍ਬਂ, ਗਚ੍ਛਨ੍ਤੇਨ ਨਹਾਯਿਤਬ੍ਬਂ, ਗਤੇਨ ਨਹਾਯਿਤਬ੍ਬਂ।
Addhānagamanasamayo nāma ‘‘addhayojanaṃ gacchissāmī’’ti nahāyitabbaṃ, gacchantena nahāyitabbaṃ, gatena nahāyitabbaṃ.
વਾਤવੁਟ੍ਠਿਸਮਯੋ ਨਾਮ ਭਿਕ੍ਖੂ ਸਰਜੇਨ વਾਤੇਨ ਓਕਿਣ੍ਣਾ ਹੋਨ੍ਤਿ, ਦ੍વੇ વਾ ਤੀਣਿ વਾ ਉਦਕਫੁਸਿਤਾਨਿ ਕਾਯੇ ਪਤਿਤਾਨਿ ਹੋਨ੍ਤਿ। ‘‘વਾਤવੁਟ੍ਠਿਸਮਯੋ’’ਤਿ ਨਹਾਯਿਤਬ੍ਬਂ।
Vātavuṭṭhisamayo nāma bhikkhū sarajena vātena okiṇṇā honti, dve vā tīṇi vā udakaphusitāni kāye patitāni honti. ‘‘Vātavuṭṭhisamayo’’ti nahāyitabbaṃ.
੩੬੫. ਊਨਕਦ੍ਧਮਾਸੇ ਊਨਕਸਞ੍ਞੀ, ਅਞ੍ਞਤ੍ਰ ਸਮਯਾ, ਨਹਾਯਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਊਨਕਦ੍ਧਮਾਸੇ વੇਮਤਿਕੋ, ਅਞ੍ਞਤ੍ਰ ਸਮਯਾ, ਨਹਾਯਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਊਨਕਦ੍ਧਮਾਸੇ ਅਤਿਰੇਕਸਞ੍ਞੀ, ਅਞ੍ਞਤ੍ਰ ਸਮਯਾ, ਨਹਾਯਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
365. Ūnakaddhamāse ūnakasaññī, aññatra samayā, nahāyati, āpatti pācittiyassa. Ūnakaddhamāse vematiko, aññatra samayā, nahāyati, āpatti pācittiyassa. Ūnakaddhamāse atirekasaññī, aññatra samayā, nahāyati, āpatti pācittiyassa.
ਅਤਿਰੇਕਦ੍ਧਮਾਸੇ ਊਨਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਅਤਿਰੇਕਦ੍ਧਮਾਸੇ વੇਮਤਿਕੋ , ਆਪਤ੍ਤਿ ਦੁਕ੍ਕਟਸ੍ਸ। ਅਤਿਰੇਕਦ੍ਧਮਾਸੇ ਅਤਿਰੇਕਸਞ੍ਞੀ, ਅਨਾਪਤ੍ਤਿ।
Atirekaddhamāse ūnakasaññī, āpatti dukkaṭassa. Atirekaddhamāse vematiko , āpatti dukkaṭassa. Atirekaddhamāse atirekasaññī, anāpatti.
੩੬੬. ਅਨਾਪਤ੍ਤਿ ਸਮਯੇ, ਅਦ੍ਧਮਾਸਂ ਨਹਾਯਤਿ, ਅਤਿਰੇਕਦ੍ਧਮਾਸਂ ਨਹਾਯਤਿ, ਪਾਰਂ ਗਚ੍ਛਨ੍ਤੋ ਨਹਾਯਤਿ, ਸਬ੍ਬਪਚ੍ਚਨ੍ਤਿਮੇਸੁ ਜਨਪਦੇਸੁ, ਆਪਦਾਸੁ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
366. Anāpatti samaye, addhamāsaṃ nahāyati, atirekaddhamāsaṃ nahāyati, pāraṃ gacchanto nahāyati, sabbapaccantimesu janapadesu, āpadāsu, ummattakassa, ādikammikassāti.
ਨਹਾਨਸਿਕ੍ਖਾਪਦਂ ਨਿਟ੍ਠਿਤਂ ਸਤ੍ਤਮਂ।
Nahānasikkhāpadaṃ niṭṭhitaṃ sattamaṃ.
੮. ਦੁਬ੍ਬਣ੍ਣਕਰਣਸਿਕ੍ਖਾਪਦਂ
8. Dubbaṇṇakaraṇasikkhāpadaṃ
੩੬੭. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਚ ਪਰਿਬ੍ਬਾਜਕਾ ਚ ਸਾਕੇਤਾ ਸਾવਤ੍ਥਿਂ ਅਦ੍ਧਾਨਮਗ੍ਗਪ੍ਪਟਿਪਨ੍ਨਾ ਹੋਨ੍ਤਿ। ਅਨ੍ਤਰਾਮਗ੍ਗੇ ਚੋਰਾ ਨਿਕ੍ਖਮਿਤ੍વਾ ਤੇ ਅਚ੍ਛਿਨ੍ਦਿਂਸੁ। ਸਾવਤ੍ਥਿਯਾ ਰਾਜਭਟਾ ਨਿਕ੍ਖਮਿਤ੍વਾ ਤੇ ਚੋਰੇ ਸਭਣ੍ਡੇ ਗਹੇਤ੍વਾ ਭਿਕ੍ਖੂਨਂ ਸਨ੍ਤਿਕੇ ਦੂਤਂ ਪਾਹੇਸੁਂ – ‘‘ਆਗਚ੍ਛਨ੍ਤੁ, ਭਦਨ੍ਤਾ, ਸਕਂ ਸਕਂ ਚੀવਰਂ ਸਞ੍ਜਾਨਿਤ੍વਾ ਗਣ੍ਹਨ੍ਤੂ’’ਤਿ। ਭਿਕ੍ਖੂ ਨ ਸਞ੍ਜਾਨਨ੍ਤਿ। ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਦਨ੍ਤਾ ਅਤ੍ਤਨੋ ਅਤ੍ਤਨੋ ਚੀવਰਂ ਨ ਸਞ੍ਜਾਨਿਸ੍ਸਨ੍ਤੀ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ વਿਪਾਚੇਨ੍ਤਾਨਂ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍વਾ ਭਿਕ੍ਖੂਨਂ ਤਦਨੁਚ੍ਛવਿਕਂ ਤਦਨੁਲੋਮਿਕਂ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਤੇਨ ਹਿ, ਭਿਕ੍ਖવੇ, ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਪੇਸ੍ਸਾਮਿ ਦਸ ਅਤ੍ਥવਸੇ ਪਟਿਚ੍ਚ – ਸਙ੍ਘਸੁਟ੍ਠੁਤਾਯ, ਸਙ੍ਘਫਾਸੁਤਾਯ…ਪੇ॰… ਸਦ੍ਧਮ੍ਮਟ੍ਠਿਤਿਯਾ, વਿਨਯਾਨੁਗ੍ਗਹਾਯ। ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
367. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sambahulā bhikkhū ca paribbājakā ca sāketā sāvatthiṃ addhānamaggappaṭipannā honti. Antarāmagge corā nikkhamitvā te acchindiṃsu. Sāvatthiyā rājabhaṭā nikkhamitvā te core sabhaṇḍe gahetvā bhikkhūnaṃ santike dūtaṃ pāhesuṃ – ‘‘āgacchantu, bhadantā, sakaṃ sakaṃ cīvaraṃ sañjānitvā gaṇhantū’’ti. Bhikkhū na sañjānanti. Te ujjhāyanti khiyyanti vipācenti – ‘‘kathañhi nāma bhadantā attano attano cīvaraṃ na sañjānissantī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhūnaṃ tadanucchavikaṃ tadanulomikaṃ dhammiṃ kathaṃ katvā bhikkhū āmantesi – ‘‘tena hi, bhikkhave, bhikkhūnaṃ sikkhāpadaṃ paññapessāmi dasa atthavase paṭicca – saṅghasuṭṭhutāya, saṅghaphāsutāya…pe… saddhammaṭṭhitiyā, vinayānuggahāya. Evañca pana, bhikkhave, imaṃ sikkhāpadaṃ uddiseyyātha –
੩੬੮. ‘‘ਨવਂ ਪਨ ਭਿਕ੍ਖੁਨਾ ਚੀવਰਲਾਭੇਨ ਤਿਣ੍ਣਂ ਦੁਬ੍ਬਣ੍ਣਕਰਣਾਨਂ ਅਞ੍ਞਤਰਂ ਦੁਬ੍ਬਣ੍ਣਕਰਣਂ ਆਦਾਤਬ੍ਬਂ – ਨੀਲਂ વਾ ਕਦ੍ਦਮਂ વਾ ਕਾਲ਼ਸਾਮਂ વਾ। ਅਨਾਦਾ ਚੇ ਭਿਕ੍ਖੁ ਤਿਣ੍ਣਂ ਦੁਬ੍ਬਣ੍ਣਕਰਣਾਨਂ ਅਞ੍ਞਤਰਂ ਦੁਬ੍ਬਣ੍ਣਕਰਣਂ ਨવਂ ਚੀવਰਂ ਪਰਿਭੁਞ੍ਜੇਯ੍ਯ, ਪਾਚਿਤ੍ਤਿਯ’’ਨ੍ਤਿ।
368.‘‘Navaṃ pana bhikkhunā cīvaralābhena tiṇṇaṃ dubbaṇṇakaraṇānaṃ aññataraṃ dubbaṇṇakaraṇaṃ ādātabbaṃ – nīlaṃ vā kaddamaṃ vā kāḷasāmaṃ vā. Anādāce bhikkhu tiṇṇaṃ dubbaṇṇakaraṇānaṃ aññataraṃ dubbaṇṇakaraṇaṃnavaṃ cīvaraṃ paribhuñjeyya, pācittiya’’nti.
੩੬੯. ਨવਂ ਨਾਮ ਅਕਤਕਪ੍ਪਂ વੁਚ੍ਚਤਿ।
369.Navaṃ nāma akatakappaṃ vuccati.
ਚੀવਰਂ ਨਾਮ ਛਨ੍ਨਂ ਚੀવਰਾਨਂ ਅਞ੍ਞਤਰਂ ਚੀવਰਂ।
Cīvaraṃ nāma channaṃ cīvarānaṃ aññataraṃ cīvaraṃ.
ਤਿਣ੍ਣਂ ਦੁਬ੍ਬਣ੍ਣਕਰਣਾਨਂ ਅਞ੍ਞਤਰਂ ਦੁਬ੍ਬਣ੍ਣਕਰਣਂ ਆਦਾਤਬ੍ਬਨ੍ਤਿ ਅਨ੍ਤਮਸੋ ਕੁਸਗ੍ਗੇਨਪਿ ਆਦਾਤਬ੍ਬਂ।
Tiṇṇaṃ dubbaṇṇakaraṇānaṃ aññataraṃ dubbaṇṇakaraṇaṃ ādātabbanti antamaso kusaggenapi ādātabbaṃ.
ਨੀਲਂ ਨਾਮ ਦ੍વੇ ਨੀਲਾਨਿ – ਕਂਸਨੀਲਂ, ਪਲਾਸਨੀਲਂ।
Nīlaṃ nāma dve nīlāni – kaṃsanīlaṃ, palāsanīlaṃ.
ਕਦ੍ਦਮੋ ਨਾਮ ਓਦਕੋ વੁਚ੍ਚਤਿ।
Kaddamo nāma odako vuccati.
ਅਨਾਦਾ ਚੇ ਭਿਕ੍ਖੁ ਤਿਣ੍ਣਂ ਦੁਬ੍ਬਣ੍ਣਕਰਣਾਨਂ ਅਞ੍ਞਤਰਂ ਦੁਬ੍ਬਣ੍ਣਕਰਣਨ੍ਤਿ ਅਨ੍ਤਮਸੋ ਕੁਸਗ੍ਗੇਨਪਿ ਅਨਾਦਿਯਿਤ੍વਾ ਤਿਣ੍ਣਂ ਦੁਬ੍ਬਣ੍ਣਕਰਣਾਨਂ ਅਞ੍ਞਤਰਂ ਦੁਬ੍ਬਣ੍ਣਕਰਣਂ ਨવਂ ਚੀવਰਂ ਪਰਿਭੁਞ੍ਜਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Anādā ce bhikkhu tiṇṇaṃ dubbaṇṇakaraṇānaṃ aññataraṃ dubbaṇṇakaraṇanti antamaso kusaggenapi anādiyitvā tiṇṇaṃ dubbaṇṇakaraṇānaṃ aññataraṃ dubbaṇṇakaraṇaṃ navaṃ cīvaraṃ paribhuñjati, āpatti pācittiyassa.
੩੭੦. ਅਨਾਦਿਨ੍ਨੇ ਅਨਾਦਿਨ੍ਨਸਞ੍ਞੀ ਪਰਿਭੁਞ੍ਜਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਅਨਾਦਿਨ੍ਨੇ વੇਮਤਿਕੋ ਪਰਿਭੁਞ੍ਜਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਅਨਾਦਿਨ੍ਨੇ ਆਦਿਨ੍ਨਸਞ੍ਞੀ ਪਰਿਭੁਞ੍ਜਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
370. Anādinne anādinnasaññī paribhuñjati, āpatti pācittiyassa. Anādinne vematiko paribhuñjati, āpatti pācittiyassa. Anādinne ādinnasaññī paribhuñjati, āpatti pācittiyassa.
ਆਦਿਨ੍ਨੇ ਅਨਾਦਿਨ੍ਨਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਆਦਿਨ੍ਨੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਆਦਿਨ੍ਨੇ ਆਦਿਨ੍ਨਸਞ੍ਞੀ, ਅਨਾਪਤ੍ਤਿ।
Ādinne anādinnasaññī, āpatti dukkaṭassa. Ādinne vematiko, āpatti dukkaṭassa. Ādinne ādinnasaññī, anāpatti.
੩੭੧. ਅਨਾਪਤ੍ਤਿਆਦਿਯਿਤ੍વਾ ਪਰਿਭੁਞ੍ਜਤਿ, ਕਪ੍ਪੋ ਨਟ੍ਠੋ ਹੋਤਿ, ਕਪ੍ਪਕਤੋਕਾਸੋ ਜਿਣ੍ਣੋ ਹੋਤਿ, ਕਪ੍ਪਕਤੇਨ ਅਕਪ੍ਪਕਤਂ ਸਂਸਿਬ੍ਬਿਤਂ ਹੋਤਿ, ਅਗ੍ਗਲ਼ੇ ਅਨੁવਾਤੇ ਪਰਿਭਣ੍ਡੇ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
371. Anāpattiādiyitvā paribhuñjati, kappo naṭṭho hoti, kappakatokāso jiṇṇo hoti, kappakatena akappakataṃ saṃsibbitaṃ hoti, aggaḷe anuvāte paribhaṇḍe, ummattakassa, ādikammikassāti.
ਦੁਬ੍ਬਣ੍ਣਕਰਣਸਿਕ੍ਖਾਪਦਂ ਨਿਟ੍ਠਿਤਂ ਅਟ੍ਠਮਂ।
Dubbaṇṇakaraṇasikkhāpadaṃ niṭṭhitaṃ aṭṭhamaṃ.
੯. વਿਕਪ੍ਪਨਸਿਕ੍ਖਾਪਦਂ
9. Vikappanasikkhāpadaṃ
੩੭੨. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਭਾਤੁਨੋ ਸਦ੍ਧਿવਿਹਾਰਿਕਸ੍ਸ ਭਿਕ੍ਖੁਨੋ ਸਾਮਂ ਚੀવਰਂ વਿਕਪ੍ਪੇਤ੍વਾ ਅਪ੍ਪਚ੍ਚੁਦ੍ਧਾਰਣਂ 29 ਪਰਿਭੁਞ੍ਜਤਿ। ਅਥ ਖੋ ਸੋ ਭਿਕ੍ਖੁ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸਿ – ‘‘ਅਯਂ, ਆવੁਸੋ, ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਮਯ੍ਹਂ ਚੀવਰਂ ਸਾਮਂ વਿਕਪ੍ਪੇਤ੍વਾ ਅਪ੍ਪਚ੍ਚੁਦ੍ਧਾਰਣਂ ਪਰਿਭੁਞ੍ਜਤੀ’’ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਭਿਕ੍ਖੁਸ੍ਸ ਸਾਮਂ ਚੀવਰਂ વਿਕਪ੍ਪੇਤ੍વਾ ਅਪ੍ਪਚ੍ਚੁਦ੍ਧਾਰਣਂ ਪਰਿਭੁਞ੍ਜਿਸ੍ਸਤੀ’’ਤਿ…ਪੇ॰… ਸਚ੍ਚਂ ਕਿਰ ਤ੍વਂ, ਉਪਨਨ੍ਦ, ਭਿਕ੍ਖੁਸ੍ਸ ਸਾਮਂ ਚੀવਰਂ વਿਕਪ੍ਪੇਤ੍વਾ ਅਪ੍ਪਚ੍ਚੁਦ੍ਧਾਰਣਂ ਪਰਿਭੁਞ੍ਜਸੀਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤ੍વਂ, ਮੋਘਪੁਰਿਸ, ਭਿਕ੍ਖੁਸ੍ਸ ਸਾਮਂ ਚੀવਰਂ વਿਕਪ੍ਪੇਤ੍વਾ ਅਪ੍ਪਚ੍ਚੁਦ੍ਧਾਰਣਂ ਪਰਿਭੁਞ੍ਜਿਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
372. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā upanando sakyaputto bhātuno saddhivihārikassa bhikkhuno sāmaṃ cīvaraṃ vikappetvā appaccuddhāraṇaṃ 30 paribhuñjati. Atha kho so bhikkhu bhikkhūnaṃ etamatthaṃ ārocesi – ‘‘ayaṃ, āvuso, āyasmā upanando sakyaputto mayhaṃ cīvaraṃ sāmaṃ vikappetvā appaccuddhāraṇaṃ paribhuñjatī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā upanando sakyaputto bhikkhussa sāmaṃ cīvaraṃ vikappetvā appaccuddhāraṇaṃ paribhuñjissatī’’ti…pe… saccaṃ kira tvaṃ, upananda, bhikkhussa sāmaṃ cīvaraṃ vikappetvā appaccuddhāraṇaṃ paribhuñjasīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, bhikkhussa sāmaṃ cīvaraṃ vikappetvā appaccuddhāraṇaṃ paribhuñjissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੩੭੩. ‘‘ਯੋ ਪਨ ਭਿਕ੍ਖੁ ਭਿਕ੍ਖੁਸ੍ਸ વਾ ਭਿਕ੍ਖੁਨਿਯਾ વਾ ਸਿਕ੍ਖਮਾਨਾਯ વਾ ਸਾਮਣੇਰਸ੍ਸ વਾ ਸਾਮਣੇਰਿਯਾ વਾ ਸਾਮਂ ਚੀવਰਂ વਿਕਪ੍ਪੇਤ੍વਾ ਅਪ੍ਪਚ੍ਚੁਦ੍ਧਾਰਣਂ 31 ਪਰਿਭੁਞ੍ਜੇਯ੍ਯ, ਪਾਚਿਤ੍ਤਿਯ’’ਨ੍ਤਿ।
373.‘‘Yo pana bhikkhu bhikkhussa vā bhikkhuniyā vā sikkhamānāya vā sāmaṇerassa vā sāmaṇeriyā vā sāmaṃ cīvaraṃ vikappetvā appaccuddhāraṇaṃ32paribhuñjeyya, pācittiya’’nti.
੩੭੪. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
374.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਭਿਕ੍ਖੁਸ੍ਸਾਤਿ ਅਞ੍ਞਸ੍ਸ ਭਿਕ੍ਖੁਸ੍ਸ।
Bhikkhussāti aññassa bhikkhussa.
ਭਿਕ੍ਖੁਨੀ ਨਾਮ ਉਭਤੋਸਙ੍ਘੇ ਉਪਸਮ੍ਪਨ੍ਨਾ।
Bhikkhunī nāma ubhatosaṅghe upasampannā.
ਸਿਕ੍ਖਮਾਨਾ ਨਾਮ ਦ੍વੇ વਸ੍ਸਾਨਿ ਛਸੁ ਧਮ੍ਮੇਸੁ ਸਿਕ੍ਖਿਤਸਿਕ੍ਖਾ।
Sikkhamānā nāma dve vassāni chasu dhammesu sikkhitasikkhā.
ਸਾਮਣੇਰੋ ਨਾਮ ਦਸਸਿਕ੍ਖਾਪਦਿਕੋ।
Sāmaṇero nāma dasasikkhāpadiko.
ਸਾਮਣੇਰੀ ਨਾਮ ਦਸਸਿਕ੍ਖਾਪਦਿਕਾ।
Sāmaṇerī nāma dasasikkhāpadikā.
ਸਾਮਨ੍ਤਿ ਸਯਂ વਿਕਪ੍ਪੇਤ੍વਾ।
Sāmanti sayaṃ vikappetvā.
ਚੀવਰਂ ਨਾਮ ਛਨ੍ਨਂ ਚੀવਰਾਨਂ ਅਞ੍ਞਤਰਂ ਚੀવਰਂ વਿਕਪ੍ਪਨੁਪਗਂ ਪਚ੍ਛਿਮਂ।
Cīvaraṃ nāma channaṃ cīvarānaṃ aññataraṃ cīvaraṃ vikappanupagaṃ pacchimaṃ.
વਿਕਪ੍ਪਨਾ ਨਾਮ ਦ੍વੇ વਿਕਪ੍ਪਨਾ – ਸਮ੍ਮੁਖਾવਿਕਪ੍ਪਨਾ ਚ ਪਰਮ੍ਮੁਖਾવਿਕਪ੍ਪਨਾ ਚ।
Vikappanā nāma dve vikappanā – sammukhāvikappanā ca parammukhāvikappanā ca.
ਸਮ੍ਮੁਖਾવਿਕਪ੍ਪਨਾ ਨਾਮ ‘‘ਇਮਂ ਚੀવਰਂ ਤੁਯ੍ਹਂ વਿਕਪ੍ਪੇਮਿ ਇਤ੍ਥਨ੍ਨਾਮਸ੍ਸ વਾ’’ਤਿ।
Sammukhāvikappanā nāma ‘‘imaṃ cīvaraṃ tuyhaṃ vikappemi itthannāmassa vā’’ti.
ਪਰਮ੍ਮੁਖਾવਿਕਪ੍ਪਨਾ ਨਾਮ ‘‘ਇਮਂ ਚੀવਰਂ વਿਕਪ੍ਪਨਤ੍ਥਾਯ ਤੁਯ੍ਹਂ ਦਮ੍ਮੀ’’ਤਿ। ਤੇਨ વਤ੍ਤਬ੍ਬੋ – ‘‘ਕੋ ਤੇ ਮਿਤ੍ਤੋ વਾ ਸਨ੍ਦਿਟ੍ਠੋ વਾ’’ਤਿ? ‘‘ਇਤ੍ਥਨ੍ਨਾਮੋ ਚ ਇਤ੍ਥਨ੍ਨਾਮੋ ਚਾ’’ਤਿ। ਤੇਨ વਤ੍ਤਬ੍ਬੋ – ‘‘ਅਹਂ ਤੇਸਂ ਦਮ੍ਮਿ, ਤੇਸਂ ਸਨ੍ਤਕਂ ਪਰਿਭੁਞ੍ਜ વਾ વਿਸ੍ਸਜ੍ਜੇਹਿ વਾ ਯਥਾਪਚ੍ਚਯਂ વਾ ਕਰੋਹੀ’’ਤਿ।
Parammukhāvikappanā nāma ‘‘imaṃ cīvaraṃ vikappanatthāya tuyhaṃ dammī’’ti. Tena vattabbo – ‘‘ko te mitto vā sandiṭṭho vā’’ti? ‘‘Itthannāmo ca itthannāmo cā’’ti. Tena vattabbo – ‘‘ahaṃ tesaṃ dammi, tesaṃ santakaṃ paribhuñja vā vissajjehi vā yathāpaccayaṃ vā karohī’’ti.
ਅਪ੍ਪਚ੍ਚੁਦ੍ਧਾਰਣਂ ਨਾਮ ਤਸ੍ਸ વਾ ਅਦਿਨ੍ਨਂ, ਤਸ੍ਸ વਾ ਅવਿਸ੍ਸਸਨ੍ਤੋ ਪਰਿਭੁਞ੍ਜਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Appaccuddhāraṇaṃ nāma tassa vā adinnaṃ, tassa vā avissasanto paribhuñjati, āpatti pācittiyassa.
੩੭੫. ਅਪ੍ਪਚ੍ਚੁਦ੍ਧਾਰਣੇ ਅਪ੍ਪਚ੍ਚੁਦ੍ਧਾਰਣਸਞ੍ਞੀ ਪਰਿਭੁਞ੍ਜਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਅਪ੍ਪਚ੍ਚੁਦ੍ਧਾਰਣੇ વੇਮਤਿਕੋ ਪਰਿਭੁਞ੍ਜਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਅਪ੍ਪਚ੍ਚੁਦ੍ਧਾਰਣੇ ਅਪ੍ਪਚ੍ਚੁਦ੍ਧਾਰਣਸਞ੍ਞੀ ਪਰਿਭੁਞ੍ਜਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
375. Appaccuddhāraṇe appaccuddhāraṇasaññī paribhuñjati, āpatti pācittiyassa. Appaccuddhāraṇe vematiko paribhuñjati, āpatti pācittiyassa. Appaccuddhāraṇe appaccuddhāraṇasaññī paribhuñjati, āpatti pācittiyassa.
ਅਧਿਟ੍ਠੇਤਿ વਾ વਿਸ੍ਸਜ੍ਜੇਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਪਚ੍ਚੁਦ੍ਧਾਰਣੇ ਅਪ੍ਪਚ੍ਚੁਦ੍ਧਾਰਣਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ । ਪਚ੍ਚੁਦ੍ਧਾਰਣੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਪਚ੍ਚੁਦ੍ਧਾਰਣੇ ਪਚ੍ਚੁਦ੍ਧਾਰਣਸਞ੍ਞੀ, ਅਨਾਪਤ੍ਤਿ।
Adhiṭṭheti vā vissajjeti vā, āpatti dukkaṭassa. Paccuddhāraṇe appaccuddhāraṇasaññī, āpatti dukkaṭassa . Paccuddhāraṇe vematiko, āpatti dukkaṭassa. Paccuddhāraṇe paccuddhāraṇasaññī, anāpatti.
੩੭੬. ਅਨਾਪਤ੍ਤਿ ਸੋ વਾ ਦੇਤਿ, ਤਸ੍ਸ વਾ વਿਸ੍ਸਸਨ੍ਤੋ ਪਰਿਭੁਞ੍ਜਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
376. Anāpatti so vā deti, tassa vā vissasanto paribhuñjati, ummattakassa, ādikammikassāti.
વਿਕਪ੍ਪਨਸਿਕ੍ਖਾਪਦਂ ਨਿਟ੍ਠਿਤਂ ਨવਮਂ।
Vikappanasikkhāpadaṃ niṭṭhitaṃ navamaṃ.
੧੦. ਚੀવਰਅਪਨਿਧਾਨਸਿਕ੍ਖਾਪਦਂ
10. Cīvaraapanidhānasikkhāpadaṃ
੩੭੭. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਸਤ੍ਤਰਸવਗ੍ਗਿਯਾ ਭਿਕ੍ਖੂ ਅਸਨ੍ਨਿਹਿਤਪਰਿਕ੍ਖਾਰਾ ਹੋਨ੍ਤਿ। ਛਬ੍ਬਗ੍ਗਿਯਾ ਭਿਕ੍ਖੂ ਸਤ੍ਤਰਸવਗ੍ਗਿਯਾਨਂ ਭਿਕ੍ਖੂਨਂ ਪਤ੍ਤਮ੍ਪਿ ਚੀવਰਮ੍ਪਿ ਅਪਨਿਧੇਨ੍ਤਿ। ਸਤ੍ਤਰਸવਗ੍ਗਿਯਾ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਏਤਦવੋਚੁਂ – ‘‘ਦੇਥਾવੁਸੋ, ਅਮ੍ਹਾਕਂ ਪਤ੍ਤਮ੍ਪਿ ਚੀવਰਮ੍ਪੀ’’ਤਿ। ਛਬ੍ਬਗ੍ਗਿਯਾ ਭਿਕ੍ਖੂ ਹਸਨ੍ਤਿ, ਤੇ ਰੋਦਨ੍ਤਿ। ਭਿਕ੍ਖੂ ਏવਮਾਹਂਸੁ – ‘‘ਕਿਸ੍ਸ ਤੁਮ੍ਹੇ, ਆવੁਸੋ, ਰੋਦਥਾ’’ਤਿ? ‘‘ਇਮੇ, ਆવੁਸੋ, ਛਬ੍ਬਗ੍ਗਿਯਾ ਭਿਕ੍ਖੂ ਅਮ੍ਹਾਕਂ ਪਤ੍ਤਮ੍ਪਿ ਚੀવਰਮ੍ਪਿ ਅਪਨਿਧੇਨ੍ਤੀ’’ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਭਿਕ੍ਖੂਨਂ ਪਤ੍ਤਮ੍ਪਿ ਚੀવਰਮ੍ਪਿ ਅਪਨਿਧੇਸ੍ਸਨ੍ਤੀ’’ਤਿ…ਪੇ॰… ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖવੇ, ਭਿਕ੍ਖੂਨਂ ਪਤ੍ਤਮ੍ਪਿ ਚੀવਰਮ੍ਪਿ ਅਪਨਿਧੇਥਾਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਭਿਕ੍ਖੂਨਂ ਪਤ੍ਤਮ੍ਪਿ ਚੀવਰਮ੍ਪਿ ਅਪਨਿਧੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
377. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sattarasavaggiyā bhikkhū asannihitaparikkhārā honti. Chabbaggiyā bhikkhū sattarasavaggiyānaṃ bhikkhūnaṃ pattampi cīvarampi apanidhenti. Sattarasavaggiyā bhikkhū chabbaggiye bhikkhū etadavocuṃ – ‘‘dethāvuso, amhākaṃ pattampi cīvarampī’’ti. Chabbaggiyā bhikkhū hasanti, te rodanti. Bhikkhū evamāhaṃsu – ‘‘kissa tumhe, āvuso, rodathā’’ti? ‘‘Ime, āvuso, chabbaggiyā bhikkhū amhākaṃ pattampi cīvarampi apanidhentī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū bhikkhūnaṃ pattampi cīvarampi apanidhessantī’’ti…pe… saccaṃ kira tumhe, bhikkhave, bhikkhūnaṃ pattampi cīvarampi apanidhethāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, bhikkhūnaṃ pattampi cīvarampi apanidhessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੩੭੮. ‘‘ਯੋ ਪਨ ਭਿਕ੍ਖੁ ਭਿਕ੍ਖੁਸ੍ਸ ਪਤ੍ਤਂ વਾ ਚੀવਰਂ વਾ ਨਿਸੀਦਨਂ વਾ ਸੂਚਿਘਰਂ વਾ ਕਾਯਬਨ੍ਧਨਂ વਾ ਅਪਨਿਧੇਯ੍ਯ વਾ ਅਪਨਿਧਾਪੇਯ੍ਯ વਾ, ਅਨ੍ਤਮਸੋ ਹਸਾਪੇਕ੍ਖੋਪਿ, ਪਾਚਿਤ੍ਤਿਯ’’ਨ੍ਤਿ।
378.‘‘Yopana bhikkhu bhikkhussa pattaṃ vā cīvaraṃ vā nisīdanaṃ vā sūcigharaṃ vā kāyabandhanaṃ vā apanidheyya vā apanidhāpeyya vā, antamaso hasāpekkhopi, pācittiya’’nti.
੩੭੯. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
379.Yopanāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਭਿਕ੍ਖੁਸ੍ਸਾਤਿ ਅਞ੍ਞਸ੍ਸ ਭਿਕ੍ਖੁਸ੍ਸ।
Bhikkhussāti aññassa bhikkhussa.
ਪਤ੍ਤੋ ਨਾਮ ਦ੍વੇ ਪਤ੍ਤਾ – ਅਯੋਪਤ੍ਤੋ, ਮਤ੍ਤਿਕਾਪਤ੍ਤੋ।
Patto nāma dve pattā – ayopatto, mattikāpatto.
ਚੀવਰਂ ਨਾਮ ਛਨ੍ਨਂ ਚੀવਰਾਨਂ ਅਞ੍ਞਤਰਂ ਚੀવਰਂ, વਿਕਪ੍ਪਨੁਪਗਂ ਪਚ੍ਛਿਮਂ।
Cīvaraṃ nāma channaṃ cīvarānaṃ aññataraṃ cīvaraṃ, vikappanupagaṃ pacchimaṃ.
ਨਿਸੀਦਨਂ ਨਾਮ ਸਦਸਂ વੁਚ੍ਚਤਿ।
Nisīdanaṃ nāma sadasaṃ vuccati.
ਸੂਚਿਘਰਂ ਨਾਮ ਸਸੂਚਿਕਂ વਾ ਅਸੂਚਿਕਂ વਾ।
Sūcigharaṃ nāma sasūcikaṃ vā asūcikaṃ vā.
ਕਾਯਬਨ੍ਧਨਂ ਨਾਮ ਦ੍વੇ ਕਾਯਬਨ੍ਧਨਾਨਿ – ਪਟ੍ਟਿਕਾ, ਸੂਕਰਨ੍ਤਕਂ।
Kāyabandhanaṃ nāma dve kāyabandhanāni – paṭṭikā, sūkarantakaṃ.
ਅਪਨਿਧੇਯ੍ਯ વਾਤਿ ਸਯਂ ਅਪਨਿਧੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Apanidheyya vāti sayaṃ apanidheti, āpatti pācittiyassa.
ਅਪਨਿਧਾਪੇਯ੍ਯ વਾਤਿ ਅਞ੍ਞਂ ਆਣਾਪੇਸਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਅਪਨਿਧਾਪੇਯ੍ਯ વਾ ਤਿ ਅਯ੍ਯਂ ਆਣਾਪੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਸਕਿਂ ਆਣਤ੍ਤੋ ਬਹੁਕਮ੍ਪਿ ਅਪਨਿਧੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Apanidhāpeyya vāti aññaṃ āṇāpesi, āpatti pācittiyassa. Apanidhāpeyya vā ti ayyaṃ āṇāpeti, āpatti pācittiyassa. Sakiṃ āṇatto bahukampi apanidheti, āpatti pācittiyassa.
ਅਨ੍ਤਮਸੋ ਹਸਾਪੇਕ੍ਖੋਪੀਤਿ ਕੀਲ਼ਾਧਿਪ੍ਪਾਯੋ।
Antamaso hasāpekkhopīti kīḷādhippāyo.
੩੮੦. ਉਪਸਮ੍ਪਨ੍ਨੇ ਉਪਸਮ੍ਪਨ੍ਨਸਞ੍ਞੀ ਪਤ੍ਤਂ વਾ ਚੀવਰਂ વਾ ਨਿਸੀਦਨਂ વਾ ਸੂਚਿਘਰਂ વਾ ਕਾਯਬਨ੍ਧਨਂ વਾ ਅਪਨਿਧੇਤਿ વਾ ਅਪਨਿਧਾਪੇਤਿ વਾ, ਅਨ੍ਤਮਸੋ ਹਸਾਪੇਕ੍ਖੋਪਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਉਪਸਮ੍ਪਨ੍ਨੇ વੇਮਤਿਕੋ…ਪੇ॰… ਉਪਸਮ੍ਪਨ੍ਨੇ ਅਨੁਪਸਮ੍ਪਨ੍ਨਸਞ੍ਞੀ ਪਤ੍ਤਂ વਾ ਚੀવਰਂ વਾ ਨਿਸੀਦਨਂ વਾ ਸੂਚਿਘਰਂ વਾ ਕਾਯਬਨ੍ਧਨਂ વਾ ਅਪਨਿਧੇਤਿ વਾ ਅਪਨਿਧਾਪੇਤਿ વਾ, ਅਨ੍ਤਮਸੋ ਹਸਾਪੇਕ੍ਖੋਪਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
380. Upasampanne upasampannasaññī pattaṃ vā cīvaraṃ vā nisīdanaṃ vā sūcigharaṃ vā kāyabandhanaṃ vā apanidheti vā apanidhāpeti vā, antamaso hasāpekkhopi, āpatti pācittiyassa. Upasampanne vematiko…pe… upasampanne anupasampannasaññī pattaṃ vā cīvaraṃ vā nisīdanaṃ vā sūcigharaṃ vā kāyabandhanaṃ vā apanidheti vā apanidhāpeti vā, antamaso hasāpekkhopi, āpatti pācittiyassa.
ਅਞ੍ਞਂ ਪਰਿਕ੍ਖਾਰਂ ਅਪਨਿਧੇਤਿ વਾ ਅਪਨਿਧਾਪੇਤਿ વਾ, ਅਨ੍ਤਮਸੋ ਹਸਾਪੇਕ੍ਖੋਪਿ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨਸ੍ਸ ਪਤ੍ਤਂ વਾ ਚੀવਰਂ વਾ ਅਞ੍ਞਂ વਾ ਪਰਿਕ੍ਖਾਰਂ ਅਪਨਿਧੇਤਿ વਾ ਅਪਨਿਧਾਪੇਤਿ વਾ, ਅਨ੍ਤਮਸੋ ਹਸਾਪੇਕ੍ਖੋਪਿ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨੇ ਉਪਸਮ੍ਪਨ੍ਨਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ । ਅਨੁਪਸਮ੍ਪਨ੍ਨੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨੇ ਅਨੁਪਸਮ੍ਪਨ੍ਨਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ।
Aññaṃ parikkhāraṃ apanidheti vā apanidhāpeti vā, antamaso hasāpekkhopi, āpatti dukkaṭassa. Anupasampannassa pattaṃ vā cīvaraṃ vā aññaṃ vā parikkhāraṃ apanidheti vā apanidhāpeti vā, antamaso hasāpekkhopi, āpatti dukkaṭassa. Anupasampanne upasampannasaññī, āpatti dukkaṭassa . Anupasampanne vematiko, āpatti dukkaṭassa. Anupasampanne anupasampannasaññī, āpatti dukkaṭassa.
੩੮੧. ਅਨਾਪਤ੍ਤਿ ਨਹਸਾਧਿਪ੍ਪਾਯੋ, ਦੁਨ੍ਨਿਕ੍ਖਿਤ੍ਤਂ ਪਟਿਸਾਮੇਤਿ, ‘‘ਧਮ੍ਮਿਂ ਕਥਂ ਕਤ੍વਾ ਦਸ੍ਸਾਮੀ’’ਤਿ ਪਟਿਸਾਮੇਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
381. Anāpatti nahasādhippāyo, dunnikkhittaṃ paṭisāmeti, ‘‘dhammiṃ kathaṃ katvā dassāmī’’ti paṭisāmeti, ummattakassa, ādikammikassāti.
ਚੀવਰਅਪਨਿਧਾਨਸਿਕ੍ਖਾਪਦਂ ਨਿਟ੍ਠਿਤਂ ਦਸਮਂ।
Cīvaraapanidhānasikkhāpadaṃ niṭṭhitaṃ dasamaṃ.
ਸੁਰਾਪਾਨવਗ੍ਗੋ ਛਟ੍ਠੋ।
Surāpānavaggo chaṭṭho.
ਤਸ੍ਸੁਦ੍ਦਾਨਂ –
Tassuddānaṃ –
ਜੋਤਿਨਹਾਨਦੁਬ੍ਬਣ੍ਣਂ, ਸਾਮਂ ਅਪਨਿਧੇਨ ਚਾਤਿ॥
Jotinahānadubbaṇṇaṃ, sāmaṃ apanidhena cāti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā
੧. ਸੁਰਾਪਾਨਸਿਕ੍ਖਾਪਦવਣ੍ਣਨਾ • 1. Surāpānasikkhāpadavaṇṇanā
੨. ਅਙ੍ਗੁਲਿਪਤੋਦਕਸਿਕ੍ਖਾਪਦવਣ੍ਣਨਾ • 2. Aṅgulipatodakasikkhāpadavaṇṇanā
੩. ਹਸਧਮ੍ਮਸਿਕ੍ਖਾਪਦવਣ੍ਣਨਾ • 3. Hasadhammasikkhāpadavaṇṇanā
੪. ਅਨਾਦਰਿਯਸਿਕ੍ਖਾਪਦવਣ੍ਣਨਾ • 4. Anādariyasikkhāpadavaṇṇanā
੫. ਭਿਂਸਾਪਨਸਿਕ੍ਖਾਪਦવਣ੍ਣਨਾ • 5. Bhiṃsāpanasikkhāpadavaṇṇanā
੬. ਜੋਤਿਸਿਕ੍ਖਾਪਦવਣ੍ਣਨਾ • 6. Jotisikkhāpadavaṇṇanā
੭. ਨਹਾਨਸਿਕ੍ਖਾਪਦવਣ੍ਣਨਾ • 7. Nahānasikkhāpadavaṇṇanā
੮. ਦੁਬ੍ਬਣ੍ਣਕਰਣਸਿਕ੍ਖਾਪਦવਣ੍ਣਨਾ • 8. Dubbaṇṇakaraṇasikkhāpadavaṇṇanā
੯. વਿਕਪ੍ਪਨਸਿਕ੍ਖਾਪਦવਣ੍ਣਨਾ • 9. Vikappanasikkhāpadavaṇṇanā
੧੦. ਚੀવਰਾਪਨਿਧਾਨਸਿਕ੍ਖਾਪਦવਣ੍ਣਨਾ • 10. Cīvarāpanidhānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
੧. ਸੁਰਾਪਾਨਸਿਕ੍ਖਾਪਦવਣ੍ਣਨਾ • 1. Surāpānasikkhāpadavaṇṇanā
੨. ਅਙ੍ਗੁਲਿਪਤੋਦਕਸਿਕ੍ਖਾਪਦવਣ੍ਣਨਾ • 2. Aṅgulipatodakasikkhāpadavaṇṇanā
੩. ਹਸਧਮ੍ਮਸਿਕ੍ਖਾਪਦવਣ੍ਣਨਾ • 3. Hasadhammasikkhāpadavaṇṇanā
੪. ਅਨਾਦਰਿਯਸਿਕ੍ਖਾਪਦવਣ੍ਣਨਾ • 4. Anādariyasikkhāpadavaṇṇanā
੫. ਭਿਂਸਾਪਨਸਿਕ੍ਖਾਪਦવਣ੍ਣਨਾ • 5. Bhiṃsāpanasikkhāpadavaṇṇanā
੬. ਜੋਤਿਸਿਕ੍ਖਾਪਦવਣ੍ਣਨਾ • 6. Jotisikkhāpadavaṇṇanā
੭. ਨਹਾਨਸਿਕ੍ਖਾਪਦવਣ੍ਣਨਾ • 7. Nahānasikkhāpadavaṇṇanā
੮. ਦੁਬ੍ਬਣ੍ਣਕਰਣਸਿਕ੍ਖਾਪਦવਣ੍ਣਨਾ • 8. Dubbaṇṇakaraṇasikkhāpadavaṇṇanā
੯. વਿਕਪ੍ਪਨਸਿਕ੍ਖਾਪਦવਣ੍ਣਨਾ • 9. Vikappanasikkhāpadavaṇṇanā
੧੦. ਚੀવਰਅਪਨਿਧਾਨਸਿਕ੍ਖਾਪਦવਣ੍ਣਨਾ • 10. Cīvaraapanidhānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
੧. ਸੁਰਾਪਾਨਸਿਕ੍ਖਾਪਦવਣ੍ਣਨਾ • 1. Surāpānasikkhāpadavaṇṇanā
੨. ਅਙ੍ਗੁਲਿਪਤੋਦਕਸਿਕ੍ਖਾਪਦવਣ੍ਣਨਾ • 2. Aṅgulipatodakasikkhāpadavaṇṇanā
੩. ਹਸਧਮ੍ਮਸਿਕ੍ਖਾਪਦવਣ੍ਣਨਾ • 3. Hasadhammasikkhāpadavaṇṇanā
੪. ਅਨਾਦਰਿਯਸਿਕ੍ਖਾਪਦવਣ੍ਣਨਾ • 4. Anādariyasikkhāpadavaṇṇanā
੫. ਭਿਂਸਾਪਨਸਿਕ੍ਖਾਪਦવਣ੍ਣਨਾ • 5. Bhiṃsāpanasikkhāpadavaṇṇanā
੬. ਜੋਤਿਸਿਕ੍ਖਾਪਦવਣ੍ਣਨਾ • 6. Jotisikkhāpadavaṇṇanā
੭. ਨਹਾਨਸਿਕ੍ਖਾਪਦવਣ੍ਣਨਾ • 7. Nahānasikkhāpadavaṇṇanā
੮. ਦੁਬ੍ਬਣ੍ਣਕਰਣਸਿਕ੍ਖਾਪਦવਣ੍ਣਨਾ • 8. Dubbaṇṇakaraṇasikkhāpadavaṇṇanā
੯. વਿਕਪ੍ਪਨਸਿਕ੍ਖਾਪਦવਣ੍ਣਨਾ • 9. Vikappanasikkhāpadavaṇṇanā
੧੦. ਚੀવਰਾਪਨਿਧਾਨਸਿਕ੍ਖਾਪਦવਣ੍ਣਨਾ • 10. Cīvarāpanidhānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā
੧. ਸੁਰਾਪਾਨਸਿਕ੍ਖਾਪਦવਣ੍ਣਨਾ • 1. Surāpānasikkhāpadavaṇṇanā
੨. ਅਙ੍ਗੁਲਿਪਤੋਦਕਸਿਕ੍ਖਾਪਦવਣ੍ਣਨਾ • 2. Aṅgulipatodakasikkhāpadavaṇṇanā
੩. ਹਸਧਮ੍ਮਸਿਕ੍ਖਾਪਦવਣ੍ਣਨਾ • 3. Hasadhammasikkhāpadavaṇṇanā
੪. ਅਨਾਦਰਿਯਸਿਕ੍ਖਾਪਦવਣ੍ਣਨਾ • 4. Anādariyasikkhāpadavaṇṇanā
੫. ਭਿਂਸਾਪਨਸਿਕ੍ਖਾਪਦવਣ੍ਣਨਾ • 5. Bhiṃsāpanasikkhāpadavaṇṇanā
੬. ਜੋਤਿਸਿਕ੍ਖਾਪਦવਣ੍ਣਨਾ • 6. Jotisikkhāpadavaṇṇanā
੭. ਨਹਾਨਸਿਕ੍ਖਾਪਦવਣ੍ਣਨਾ • 7. Nahānasikkhāpadavaṇṇanā
੮. ਦੁਬ੍ਬਣ੍ਣਕਰਣਸਿਕ੍ਖਾਪਦવਣ੍ਣਨਾ • 8. Dubbaṇṇakaraṇasikkhāpadavaṇṇanā
੯. વਿਕਪ੍ਪਨਸਿਕ੍ਖਾਪਦવਣ੍ਣਨਾ • 9. Vikappanasikkhāpadavaṇṇanā
੧੦. ਚੀવਰਅਪਨਿਧਾਨਸਿਕ੍ਖਾਪਦવਣ੍ਣਨਾ • 10. Cīvaraapanidhānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi
੧. ਸੁਰਾਪਾਨਸਿਕ੍ਖਾਪਦ-ਅਤ੍ਥਯੋਜਨਾ • 1. Surāpānasikkhāpada-atthayojanā
੨. ਅਙ੍ਗੁਲਿਪਤੋਦਕਸਿਕ੍ਖਾਪਦਂ • 2. Aṅgulipatodakasikkhāpadaṃ
੩. ਹਸਧਮ੍ਮਸਿਕ੍ਖਾਪਦਂ • 3. Hasadhammasikkhāpadaṃ
੪. ਅਨਾਦਰਿਯਸਿਕ੍ਖਾਪਦਂ • 4. Anādariyasikkhāpadaṃ
੬. ਜੋਤਿਸਿਕ੍ਖਾਪਦਂ • 6. Jotisikkhāpadaṃ
੭. ਨਹਾਨਸਿਕ੍ਖਾਪਦਂ • 7. Nahānasikkhāpadaṃ
੮. ਦੁਬ੍ਬਣ੍ਣਕਰਣਸਿਕ੍ਖਾਪਦਂ • 8. Dubbaṇṇakaraṇasikkhāpadaṃ
੯. વਿਕਪ੍ਪਨਸਿਕ੍ਖਾਪਦਂ • 9. Vikappanasikkhāpadaṃ
੧੦. ਚੀવਰਾਪਨਿਧਾਨਸਿਕ੍ਖਾਪਦਂ • 10. Cīvarāpanidhānasikkhāpadaṃ
