| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੮. ਸੂਰਿਯਙ੍ਗਪਞ੍ਹੋ
8. Sūriyaṅgapañho
੮. ‘‘ਭਨ੍ਤੇ ਨਾਗਸੇਨ, ‘ਸੂਰਿਯਸ੍ਸ 1 ਸਤ੍ਤ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਸਤ੍ਤ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਸੂਰਿਯੋ ਸਬ੍ਬਂ ਉਦਕਂ ਪਰਿਸੋਸੇਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸਬ੍ਬਕਿਲੇਸਾ ਅਨવਸੇਸਂ ਪਰਿਸੋਸੇਤਬ੍ਬਾ। ਇਦਂ, ਮਹਾਰਾਜ, ਸੂਰਿਯਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
8. ‘‘Bhante nāgasena, ‘sūriyassa 2 satta aṅgāni gahetabbānī’ti yaṃ vadesi, katamāni tāni satta aṅgāni gahetabbānī’’ti? ‘‘Yathā, mahārāja, sūriyo sabbaṃ udakaṃ parisoseti, evameva kho, mahārāja, yoginā yogāvacarena sabbakilesā anavasesaṃ parisosetabbā. Idaṃ, mahārāja, sūriyassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸੂਰਿਯੋ ਤਮਨ੍ਧਕਾਰਂ વਿਧਮਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸਬ੍ਬਂ ਰਾਗਤਮਂ ਦੋਸਤਮਂ ਮੋਹਤਮਂ ਮਾਨਤਮਂ ਦਿਟ੍ਠਿਤਮਂ ਕਿਲੇਸਤਮਂ ਸਬ੍ਬਂ ਦੁਚ੍ਚਰਿਤਤਮਂ વਿਧਮਯਿਤਬ੍ਬਂ। ਇਦਂ, ਮਹਾਰਾਜ, ਸੂਰਿਯਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, sūriyo tamandhakāraṃ vidhamati, evameva kho, mahārāja, yoginā yogāvacarena sabbaṃ rāgatamaṃ dosatamaṃ mohatamaṃ mānatamaṃ diṭṭhitamaṃ kilesatamaṃ sabbaṃ duccaritatamaṃ vidhamayitabbaṃ. Idaṃ, mahārāja, sūriyassa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸੂਰਿਯੋ ਅਭਿਕ੍ਖਣਂ ਚਰਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਅਭਿਕ੍ਖਣਂ ਯੋਨਿਸੋ ਮਨਸਿਕਾਰੋ ਕਾਤਬ੍ਬੋ। ਇਦਂ, ਮਹਾਰਾਜ, ਸੂਰਿਯਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, sūriyo abhikkhaṇaṃ carati, evameva kho, mahārāja, yoginā yogāvacarena abhikkhaṇaṃ yoniso manasikāro kātabbo. Idaṃ, mahārāja, sūriyassa tatiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸੂਰਿਯੋ ਰਂਸਿਮਾਲੀ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਆਰਮ੍ਮਣਮਾਲਿਨਾ ਭવਿਤਬ੍ਬਂ। ਇਦਂ, ਮਹਾਰਾਜ, ਸੂਰਿਯਸ੍ਸ ਚਤੁਤ੍ਥਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, sūriyo raṃsimālī, evameva kho, mahārāja, yoginā yogāvacarena ārammaṇamālinā bhavitabbaṃ. Idaṃ, mahārāja, sūriyassa catutthaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸੂਰਿਯੋ ਮਹਾਜਨਕਾਯਂ ਸਨ੍ਤਾਪੇਨ੍ਤੋ ਚਰਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਆਚਾਰਸੀਲਗੁਣવਤ੍ਤਪ੍ਪਟਿਪਤ੍ਤਿਯਾ ਝਾਨવਿਮੋਕ੍ਖਸਮਾਧਿਸਮਾਪਤ੍ਤਿਇਨ੍ਦ੍ਰਿਯਬਲਬੋਜ੍ਝਙ੍ਗਸਤਿਪਟ੍ਠਾਨਸਮ੍ਮਪ੍ਪਧਾਨਇਦ੍ਧਿਪਾਦੇਹਿ ਸਦੇવਕੋ ਲੋਕੋ ਸਨ੍ਤਾਪਯਿਤਬ੍ਬੋ। ਇਦਂ, ਮਹਾਰਾਜ, ਸੂਰਿਯਸ੍ਸ ਪਞ੍ਚਮਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, sūriyo mahājanakāyaṃ santāpento carati, evameva kho, mahārāja, yoginā yogāvacarena ācārasīlaguṇavattappaṭipattiyā jhānavimokkhasamādhisamāpattiindriyabalabojjhaṅgasatipaṭṭhānasammappadhānaiddhipādehi sadevako loko santāpayitabbo. Idaṃ, mahārāja, sūriyassa pañcamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸੂਰਿਯੋ ਰਾਹੁਭਯਾ ਭੀਤੋ ਚਰਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਦੁਚ੍ਚਰਿਤਦੁਗ੍ਗਤਿવਿਸਮਕਨ੍ਤਾਰવਿਪਾਕવਿਨਿਪਾਤਕਿਲੇਸਜਾਲਜਟਿਤੇ ਦਿਟ੍ਠਿਸਙ੍ਘਾਟਪਟਿਮੁਕ੍ਕੇ ਕੁਪਥਪਕ੍ਖਨ੍ਦੇ ਕੁਮ੍ਮਗ੍ਗਪਟਿਪਨ੍ਨੇ 3 ਸਤ੍ਤੇ ਦਿਸ੍વਾ ਮਹਤਾ ਸਂવੇਗਭਯੇਨ ਮਾਨਸਂ ਸਂવੇਜੇਤਬ੍ਬਂ। ਇਦਂ, ਮਹਾਰਾਜ, ਸੂਰਿਯਸ੍ਸ ਛਟ੍ਠਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, sūriyo rāhubhayā bhīto carati, evameva kho, mahārāja, yoginā yogāvacarena duccaritaduggativisamakantāravipākavinipātakilesajālajaṭite diṭṭhisaṅghāṭapaṭimukke kupathapakkhande kummaggapaṭipanne 4 satte disvā mahatā saṃvegabhayena mānasaṃ saṃvejetabbaṃ. Idaṃ, mahārāja, sūriyassa chaṭṭhaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸੂਰਿਯੋ ਕਲ੍ਯਾਣਪਾਪਕੇ ਦਸ੍ਸੇਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਇਨ੍ਦ੍ਰਿਯਬਲਬੋਜ੍ਝਙ੍ਗਸਤਿਪਟ੍ਠਾਨਸਮ੍ਮਪ੍ਪਧਾਨਇਦ੍ਧਿਪਾਦਲੋਕਿਯਲੋਕੁਤ੍ਤਰਧਮ੍ਮਾ ਦਸ੍ਸੇਤਬ੍ਬਾ। ਇਦਂ, ਮਹਾਰਾਜ, ਸੂਰਿਯਸ੍ਸ ਸਤ੍ਤਮਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ વਙ੍ਗੀਸੇਨ –
‘‘Puna caparaṃ, mahārāja, sūriyo kalyāṇapāpake dasseti, evameva kho, mahārāja, yoginā yogāvacarena indriyabalabojjhaṅgasatipaṭṭhānasammappadhānaiddhipādalokiyalokuttaradhammā dassetabbā. Idaṃ, mahārāja, sūriyassa sattamaṃ aṅgaṃ gahetabbaṃ. Bhāsitampetaṃ, mahārāja, therena vaṅgīsena –
‘‘‘ਯਥਾਪਿ ਸੂਰਿਯੋ ਉਦਯਨ੍ਤੋ, ਰੂਪਂ ਦਸ੍ਸੇਤਿ ਪਾਣਿਨਂ।
‘‘‘Yathāpi sūriyo udayanto, rūpaṃ dasseti pāṇinaṃ;
ਸੁਚਿਞ੍ਚ ਅਸੁਚਿਞ੍ਚਾਪਿ, ਕਲ੍ਯਾਣਞ੍ਚਾਪਿ ਪਾਪਕਂ॥
Suciñca asuciñcāpi, kalyāṇañcāpi pāpakaṃ.
‘‘‘ਤਥਾ ਭਿਕ੍ਖੁ ਧਮ੍ਮਧਰੋ, ਅવਿਜ੍ਜਾਪਿਹਿਤਂ ਜਨਂ।
‘‘‘Tathā bhikkhu dhammadharo, avijjāpihitaṃ janaṃ;
ਪਥਂ ਦਸ੍ਸੇਤਿ વਿવਿਧਂ, ਆਦਿਚ੍ਚੋવੁਦਯਂ ਯਥਾ’’’ਤਿ॥
Pathaṃ dasseti vividhaṃ, ādiccovudayaṃ yathā’’’ti.
ਸੂਰਿਯਙ੍ਗਪਞ੍ਹੋ ਅਟ੍ਠਮੋ।
Sūriyaṅgapañho aṭṭhamo.
Footnotes:
