| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
६. सूरियपेय्यालवग्गवण्णना
6. Sūriyapeyyālavaggavaṇṇanā
४९-६२. सूरियपेय्याले अरुणुग्गं विय कल्याणमित्तत्ता, कल्याणमित्तताय ठत्वा निब्बत्तितो सविपस्सनअरियमग्गो सूरियपातुभावो वियाति एवं सब्बत्थ अत्थो वेदितब्बो। सीलसम्पदाति चतुपारिसुद्धिसीलं। छन्दसम्पदाति कुसलकत्तुकम्यताछन्दो। अत्तसम्पदाति सम्पन्नचित्तता। दिट्ठिसम्पदाति ञाणसम्पत्ति। अप्पमादसम्पदाति कारापकअप्पमादसम्पत्ति। योनिसोमनसिकारसम्पदाति उपायमनसिकारसम्पत्ति। पुन कल्याणमित्ततातिआदीनि सम्मादिट्ठिआदीनं अञ्ञेनपि आकारेन भावदस्सनत्थं वुत्तानि। सब्बानेव चेतानि सुत्तानि पाटियेक्कं पुग्गलज्झासयवसेन वुत्तानीति।
49-62. Sūriyapeyyāle aruṇuggaṃ viya kalyāṇamittattā, kalyāṇamittatāya ṭhatvā nibbattito savipassanaariyamaggo sūriyapātubhāvo viyāti evaṃ sabbattha attho veditabbo. Sīlasampadāti catupārisuddhisīlaṃ. Chandasampadāti kusalakattukamyatāchando. Attasampadāti sampannacittatā. Diṭṭhisampadāti ñāṇasampatti. Appamādasampadāti kārāpakaappamādasampatti. Yonisomanasikārasampadāti upāyamanasikārasampatti. Puna kalyāṇamittatātiādīni sammādiṭṭhiādīnaṃ aññenapi ākārena bhāvadassanatthaṃ vuttāni. Sabbāneva cetāni suttāni pāṭiyekkaṃ puggalajjhāsayavasena vuttānīti.
सूरियपेय्यालवग्गो।
Sūriyapeyyālavaggo.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya
१. कल्याणमित्तसुत्तं • 1. Kalyāṇamittasuttaṃ
२-६. सीलसम्पदादिसुत्तपञ्चकं • 2-6. Sīlasampadādisuttapañcakaṃ
७. योनिसोमनसिकारसम्पदासुत्तं • 7. Yonisomanasikārasampadāsuttaṃ
१. कल्याणमित्तसुत्तं • 1. Kalyāṇamittasuttaṃ
२-६. सीलसम्पदादिसुत्तपञ्चकं • 2-6. Sīlasampadādisuttapañcakaṃ
७. योनिसोमनसिकारसम्पदासुत्तं • 7. Yonisomanasikārasampadāsuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ६. सूरियपेय्यालवग्गवण्णना • 6. Sūriyapeyyālavaggavaṇṇanā
