| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༦. སཱུརིཡཔེཡྻཱལཝགྒཝཎྞནཱ
6. Sūriyapeyyālavaggavaṇṇanā
༤༩-༦༢. སཱུརིཡཔེཡྻཱལེ ཨརུཎུགྒཾ ཝིཡ ཀལྱཱཎམིཏྟཏྟཱ, ཀལྱཱཎམིཏྟཏཱཡ ཋཏྭཱ ནིབྦཏྟིཏོ སཝིཔསྶནཨརིཡམགྒོ སཱུརིཡཔཱཏུབྷཱཝོ ཝིཡཱཏི ཨེཝཾ སབྦཏྠ ཨཏྠོ ཝེདིཏབྦོ། སཱིལསམྤདཱཏི ཙཏུཔཱརིསུདྡྷིསཱིལཾ། ཚནྡསམྤདཱཏི ཀུསལཀཏྟུཀམྱཏཱཚནྡོ། ཨཏྟསམྤདཱཏི སམྤནྣཙིཏྟཏཱ། དིཊྛིསམྤདཱཏི ཉཱཎསམྤཏྟི། ཨཔྤམཱདསམྤདཱཏི ཀཱརཱཔཀཨཔྤམཱདསམྤཏྟི། ཡོནིསོམནསིཀཱརསམྤདཱཏི ཨུཔཱཡམནསིཀཱརསམྤཏྟི། པུན ཀལྱཱཎམིཏྟཏཱཏིཨཱདཱིནི སམྨཱདིཊྛིཨཱདཱིནཾ ཨཉྙེནཔི ཨཱཀཱརེན བྷཱཝདསྶནཏྠཾ ཝུཏྟཱནི། སབྦཱནེཝ ཙེཏཱནི སུཏྟཱནི པཱཊིཡེཀྐཾ པུགྒལཛ྄ཛྷཱསཡཝསེན ཝུཏྟཱནཱིཏི།
49-62. Sūriyapeyyāle aruṇuggaṃ viya kalyāṇamittattā, kalyāṇamittatāya ṭhatvā nibbattito savipassanaariyamaggo sūriyapātubhāvo viyāti evaṃ sabbattha attho veditabbo. Sīlasampadāti catupārisuddhisīlaṃ. Chandasampadāti kusalakattukamyatāchando. Attasampadāti sampannacittatā. Diṭṭhisampadāti ñāṇasampatti. Appamādasampadāti kārāpakaappamādasampatti. Yonisomanasikārasampadāti upāyamanasikārasampatti. Puna kalyāṇamittatātiādīni sammādiṭṭhiādīnaṃ aññenapi ākārena bhāvadassanatthaṃ vuttāni. Sabbāneva cetāni suttāni pāṭiyekkaṃ puggalajjhāsayavasena vuttānīti.
སཱུརིཡཔེཡྻཱལཝགྒོ།
Sūriyapeyyālavaggo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya
༡. ཀལྱཱཎམིཏྟསུཏྟཾ • 1. Kalyāṇamittasuttaṃ
༢-༦. སཱིལསམྤདཱདིསུཏྟཔཉྩཀཾ • 2-6. Sīlasampadādisuttapañcakaṃ
༧. ཡོནིསོམནསིཀཱརསམྤདཱསུཏྟཾ • 7. Yonisomanasikārasampadāsuttaṃ
༡. ཀལྱཱཎམིཏྟསུཏྟཾ • 1. Kalyāṇamittasuttaṃ
༢-༦. སཱིལསམྤདཱདིསུཏྟཔཉྩཀཾ • 2-6. Sīlasampadādisuttapañcakaṃ
༧. ཡོནིསོམནསིཀཱརསམྤདཱསུཏྟཾ • 7. Yonisomanasikārasampadāsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༦. སཱུརིཡཔེཡྻཱལཝགྒཝཎྞནཱ • 6. Sūriyapeyyālavaggavaṇṇanā
