| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. суурияасуд̇д̇аван̣н̣анаа
10. Sūriyasuttavaṇṇanā
91. д̣̇асамз суурияод̇и суурияавимаанаваасий д̣̇звабуд̇д̇о. анд̇хагаарзд̇и жагкувин̃н̃аан̣уббад̇д̇инивааран̣зна анд̇хабхаавагаран̣з. вирожад̇ийд̇и взрожано. ман̣д̣алийд̇и ман̣д̣аласан̣таано. маа, рааху, г̇илий жараманд̇алигкзд̇и анд̇алигкз жарам̣ суурияам̣, рааху, маа г̇илийд̇и вад̣̇ад̇и. гим̣ банзса д̇ам̣ г̇илад̇ийд̇и ? аама, г̇илад̇и. раахусса хи ад̇д̇абхааво махаа, ужжад̇д̇анзна адтаяож̇анасад̇аад̇хигаани жад̇д̇аари яож̇анасахассаани, б̣ааханд̇арамасса д̣̇ваад̣̇асаяож̇анасад̇аани, б̣ахалад̇д̇зна ча яож̇анасад̇аани, сийсам̣ нава яож̇анасад̇ам̣, налаадам̣ д̇ияож̇анасад̇ам̣, бхамуганд̇арам̣ бан̣н̣аасаяож̇анам̣, мукам̣ д̣̇вияож̇анасад̇ам̣, гхаанам̣ д̇ияож̇анасад̇ам̣, мукаад̇хаанам̣ д̇ияож̇анасад̇аг̇амбхийрам̣ хад̇т̇ад̇алабаад̣̇ад̇алаани бут̇улад̇о д̣̇вияож̇анасад̇аани . ан̇г̇улибаб̣б̣аани бан̣н̣ааса яож̇анаани. со жанд̣̇имасуурияз вирожамаанз д̣̇исваа иссаабагад̇о д̇зсам̣ г̇аманавийт̇им̣ од̇арид̇ваа мукам̣ виварид̇ваа д̇идтад̇и. жанд̣̇авимаанам̣ суурияавимаанам̣ ваа д̇ияож̇анасад̇игз махаанарагз багкид̇д̇ам̣ вияа ход̇и. вимаанз ад̇хивад̇т̇аа д̣̇звад̇аа маран̣абхаяад̇аж̇ж̇ид̇аа згаббахаарзнзва вираванд̇и. со бана вимаанам̣ гад̣̇аажи хад̇т̇зна чаад̣̇зд̇и, гад̣̇аажи ханугасса хздтаа багкибад̇и, гад̣̇аажи ж̇ивхааяа баримаж̇ж̇ад̇и, гад̣̇аажи аваг̇ан̣д̣агаарагам̣ бхун̃ж̇анд̇о вияа габоланд̇арз табзд̇и. взг̇ам̣ бана ваарзд̇ум̣ на саггод̇и. сажз ваарзссаамийд̇и г̇ан̣д̣агам̣ гад̇ваа д̇идтзяяа, мад̇т̇агам̣ д̇асса бхинд̣̇ид̇ваа нигкамзяяа, аагад̣дхид̇ваа ваа нам̣ онамзяяа. д̇асмаа вимаанзна сахзва г̇ажчад̇и. баж̇ам̣ маманд̇и жанд̣̇имасуурияаа гира д̣̇взби д̣̇звабуд̇д̇аа махаасамаяасуд̇д̇агат̇анад̣̇ивасз сод̇аабад̇д̇ипалам̣ бад̇д̇аа. д̇зна бхаг̇аваа ‘‘баж̇ам̣ мама’’нд̇и ааха, буд̇д̇о мама зсод̇и ад̇т̇о. д̣̇асамам̣.
91. Dasame sūriyoti sūriyavimānavāsī devaputto. Andhakāreti cakkhuviññāṇuppattinivāraṇena andhabhāvakaraṇe. Virocatīti verocano. Maṇḍalīti maṇḍalasaṇṭhāno. Mā, rāhu, gilī caramantalikkheti antalikkhe caraṃ sūriyaṃ, rāhu, mā gilīti vadati. Kiṃ panesa taṃ gilatīti ? Āma, gilati. Rāhussa hi attabhāvo mahā, uccattanena aṭṭhayojanasatādhikāni cattāri yojanasahassāni, bāhantaramassa dvādasayojanasatāni, bahalattena cha yojanasatāni, sīsaṃ nava yojanasataṃ, nalāṭaṃ tiyojanasataṃ, bhamukantaraṃ paṇṇāsayojanaṃ, mukhaṃ dviyojanasataṃ, ghānaṃ tiyojanasataṃ, mukhādhānaṃ tiyojanasatagambhīraṃ hatthatalapādatalāni puthulato dviyojanasatāni . Aṅgulipabbāni paṇṇāsa yojanāni. So candimasūriye virocamāne disvā issāpakato tesaṃ gamanavīthiṃ otaritvā mukhaṃ vivaritvā tiṭṭhati. Candavimānaṃ sūriyavimānaṃ vā tiyojanasatike mahānarake pakkhittaṃ viya hoti. Vimāne adhivatthā devatā maraṇabhayatajjitā ekappahāreneva viravanti. So pana vimānaṃ kadāci hatthena chādeti, kadāci hanukassa heṭṭhā pakkhipati, kadāci jivhāya parimajjati, kadāci avagaṇḍakārakaṃ bhuñjanto viya kapolantare ṭhapeti. Vegaṃ pana vāretuṃ na sakkoti. Sace vāressāmīti gaṇḍakaṃ katvā tiṭṭheyya, matthakaṃ tassa bhinditvā nikkhameyya, ākaḍḍhitvā vā naṃ onameyya. Tasmā vimānena saheva gacchati. Pajaṃ mamanti candimasūriyā kira dvepi devaputtā mahāsamayasuttakathanadivase sotāpattiphalaṃ pattā. Tena bhagavā ‘‘pajaṃ mama’’nti āha, putto mama esoti attho. Dasamaṃ.
батамо ваг̇г̇о.
Paṭhamo vaggo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. суурияасуд̇д̇ам̣ • 10. Sūriyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. суурияасуд̇д̇аван̣н̣анаа • 10. Sūriyasuttavaṇṇanā
