| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. суурияасуд̇д̇аван̣н̣анаа
10. Sūriyasuttavaṇṇanā
91. анд̇хабхаавагаран̣зд̇и логасса анд̇хагаран̣зд̇иби абарз. д̇знааха ‘‘д̇амасий’’д̇и. вирожад̇ийд̇и виж̇ж̇од̇ад̇и. гаамам̣ д̣̇звабуд̇д̇авасзна батамам̣ д̣̇звад̇аа уд̣̇д̇хадаа, раахуно бана баяог̇о д̇асса вимаанзд̇и ааха ‘‘ман̣д̣алийд̇и ман̣д̣аласан̣таано’’д̇и. вад̣̇ад̇и д̇ад̣̇аа мукзна г̇ахид̇ад̇д̇аа. мукзна г̇ахан̣ан̃жзд̇т̇а ‘‘г̇илий’’д̇и ад̇хиббзд̇ам̣, на жа аж̇жхохаран̣анд̇и ааха ‘‘г̇илийд̇и вад̣̇ад̇ий’’д̇и. ид̣̇аани д̇асса мукзна г̇ахан̣асамад̇т̇ад̇ам̣ д̣̇ассзд̇ум̣ ‘‘раахусса хий’’д̇иаад̣̇и вуд̇д̇ам̣. сод̇иаад̣̇и д̇асса жанд̣̇имасуурияаанам̣ г̇ахан̣агааран̣ад̣̇ассанам̣. ад̇хивад̇т̇аа д̣̇звад̇аад̇и жанд̣̇имасуурияаанам̣ барижаарагад̣̇звад̇аа. взг̇анд̇и ж̇авам̣. со хи гзнажи абхимукам̣ ад̇ид̣̇уннивааро гамманияаамасид̣̇д̇хо. мад̇т̇аганд̇и ган̣тасса убаримад̣̇зсам̣. гзжи ‘‘сийсамад̇т̇агамзваа’’д̇и вад̣̇анд̇и. нигкамзяяа взг̇асса д̇игкасийгхат̇аамабхаавад̇о. аагад̣дхид̇ваад̇и ад̇д̇ано г̇аманад̣̇исаабхимукам̣ аагад̣дхид̇ваа. нанд̇и раахум̣. уд̣̇д̇хам̣ уллан̇гхзд̇угаамамби онамзяяа. бад̣̇ад̣̇ваязнаби со махаасарийро махааб̣ало, жанд̣̇имасуурияаанам̣ бана г̇аманавзг̇о д̇зна саб̣б̣ат̇ааби д̣̇унниваарияоваад̇и д̣̇ассзд̇и. вимаанзнаад̇и жанд̣̇аг̇г̇ахз жанд̣̇авимаанзна, суурияаг̇г̇ахз суурияавимаанзна убхиннамби вимаанзна сахзва. амааваасияан̃хи д̣̇вз вимаанаани яож̇анамад̇д̇анд̇арид̇аани худ̇ваа сахзва бавад̇д̇анд̇и. яад̣̇и д̣̇взби д̣̇звабуд̇д̇аа сод̇аабад̇д̇ипалам̣ бад̇д̇аа, ат̇а гасмаа суурияасуд̇д̇з зва ‘‘баж̇ам̣ мама’’нд̇и вуд̇д̇ам̣, на жанд̣̇асуд̇д̇зд̇и? ‘‘со жа гира на жирассзва д̇ад̇о жавид̇ваа ан̃н̃ад̇т̇а ниб̣б̣ад̇д̇о, ан̃н̃аа зва жа д̣̇звад̇аа д̇ад̇т̇а васи, яасмим̣ жанд̣̇аг̇г̇ахз бхаг̇аваа д̇ам̣ г̇аат̇ам̣ абхааси, на д̇ат̇аа суурияо, абарабхааг̇з бана д̇ад̇т̇аби гаалзна гаалам̣ раахуг̇г̇ахо ход̇ий’’д̇и вад̣̇анд̇и.
91.Andhabhāvakaraṇeti lokassa andhakaraṇetipi apare. Tenāha ‘‘tamasī’’ti. Virocatīti vijjotati. Kāmaṃ devaputtavasena paṭhamaṃ devatā uddhaṭā, rāhuno pana payogo tassa vimāneti āha ‘‘maṇḍalīti maṇḍalasaṇṭhāno’’ti. Vadati tadā mukhena gahitattā. Mukhena gahaṇañcettha ‘‘gilī’’ti adhippetaṃ, na ca ajjhoharaṇanti āha ‘‘gilīti vadatī’’ti. Idāni tassa mukhena gahaṇasamatthataṃ dassetuṃ ‘‘rāhussa hī’’tiādi vuttaṃ. Sotiādi tassa candimasūriyānaṃ gahaṇakāraṇadassanaṃ. Adhivatthā devatāti candimasūriyānaṃ paricārakadevatā. Veganti javaṃ. So hi kenaci abhimukhaṃ atidunnivāro kammaniyāmasiddho. Matthakanti kaṇṭhassa uparimadesaṃ. Keci ‘‘sīsamatthakamevā’’ti vadanti. Nikkhameyya vegassa tikkhasīghathāmabhāvato. Ākaḍḍhitvāti attano gamanadisābhimukhaṃ ākaḍḍhitvā. Nanti rāhuṃ. Uddhaṃ ullaṅghetukāmampi onameyya. Padadvayenapi so mahāsarīro mahābalo, candimasūriyānaṃ pana gamanavego tena sabbathāpi dunnivāriyovāti dasseti. Vimānenāti candaggahe candavimānena, sūriyaggahe sūriyavimānena ubhinnampi vimānena saheva. Amāvāsiyañhi dve vimānāni yojanamattantaritāni hutvā saheva pavattanti. Yadi dvepi devaputtā sotāpattiphalaṃ pattā, atha kasmā sūriyasutte eva ‘‘pajaṃ mama’’nti vuttaṃ, na candasutteti? ‘‘So ca kira na cirasseva tato cavitvā aññattha nibbatto, aññā eva ca devatā tattha vasi, yasmiṃ candaggahe bhagavā taṃ gāthaṃ abhāsi, na tathā sūriyo, aparabhāge pana tatthapi kālena kālaṃ rāhuggaho hotī’’ti vadanti.
суурияасуд̇д̇аван̣н̣анаа нидтид̇аа.
Sūriyasuttavaṇṇanā niṭṭhitā.
батамаваг̇г̇аван̣н̣анаа нидтид̇аа.
Paṭhamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. суурияасуд̇д̇ам̣ • 10. Sūriyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. суурияасуд̇д̇аван̣н̣анаа • 10. Sūriyasuttavaṇṇanā
