| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
9. суурияад̇абанабан̃хо
9. Sūriyatapanapañho
9. ‘‘бханд̇з нааг̇асзна, аяам̣ суурияо саб̣б̣агаалам̣ гатинам̣ д̇абад̇и, уд̣̇ааху гин̃жигаалам̣ манд̣̇ам̣ д̇абад̇ий’’д̇и? ‘‘саб̣б̣агаалам̣, махаарааж̇а, суурияо гатинам̣ д̇абад̇и , на гин̃жигаалам̣ манд̣̇ам̣ д̇абад̇ий’’д̇и. ‘‘яад̣̇и, бханд̇з нааг̇асзна, суурияо саб̣б̣агаалам̣ гатинам̣ д̇абад̇и, гисса бана аббзгад̣̇аа суурияо гатинам̣ д̇абад̇и, аббзгад̣̇аа манд̣̇ам̣ д̇абад̇ий’’д̇и? ‘‘жад̇д̇ааромз, махаарааж̇а, суурияасса рог̇аа, язсам̣ ан̃н̃ад̇арзна рог̇зна бадибийл̣ид̇о суурияо манд̣̇ам̣ д̇абад̇и. гад̇амз жад̇д̇ааро? аб̣бхам̣, махаарааж̇а, суурияасса рог̇о, д̇зна рог̇зна бадибийл̣ид̇о суурияо манд̣̇ам̣ д̇абад̇и. махигаа, махаарааж̇а, суурияасса рог̇о, д̇зна рог̇зна бадибийл̣ид̇о суурияо манд̣̇ам̣ д̇абад̇и. мзгхо, махаарааж̇а, суурияасса рог̇о, д̇зна рог̇зна бадибийл̣ид̇о суурияо манд̣̇ам̣ д̇абад̇и. рааху, махаарааж̇а, суурияасса рог̇о, д̇зна рог̇зна бадибийл̣ид̇о суурияо манд̣̇ам̣ д̇абад̇и. имз ко, махаарааж̇а, жад̇д̇ааро суурияасса рог̇аа, язсам̣ ан̃н̃ад̇арзна рог̇зна бадибийл̣ид̇о суурияо манд̣̇ам̣ д̇абад̇ий’’д̇и. ‘‘ажчарияам̣, бханд̇з нааг̇асзна, аб̣бхуд̇ам̣, бханд̇з нааг̇асзна, суурияассаби д̇аава д̇зж̇осамбаннасса рог̇о уббаж̇ж̇иссад̇и, гиман̇г̇ам̣ бана ан̃н̃зсам̣ сад̇д̇аанам̣, над̇т̇и, бханд̇з, зсаа вибхад̇д̇и ан̃н̃асса ан̃н̃ад̇ра д̇аваад̣̇исзна б̣уд̣̇д̇химад̇аа’’д̇и.
9. ‘‘Bhante nāgasena, ayaṃ sūriyo sabbakālaṃ kaṭhinaṃ tapati, udāhu kiñcikālaṃ mandaṃ tapatī’’ti? ‘‘Sabbakālaṃ, mahārāja, sūriyo kaṭhinaṃ tapati , na kiñcikālaṃ mandaṃ tapatī’’ti. ‘‘Yadi, bhante nāgasena, sūriyo sabbakālaṃ kaṭhinaṃ tapati, kissa pana appekadā sūriyo kaṭhinaṃ tapati, appekadā mandaṃ tapatī’’ti? ‘‘Cattārome, mahārāja, sūriyassa rogā, yesaṃ aññatarena rogena paṭipīḷito sūriyo mandaṃ tapati. Katame cattāro? Abbhaṃ, mahārāja, sūriyassa rogo, tena rogena paṭipīḷito sūriyo mandaṃ tapati. Mahikā, mahārāja, sūriyassa rogo, tena rogena paṭipīḷito sūriyo mandaṃ tapati. Megho, mahārāja, sūriyassa rogo, tena rogena paṭipīḷito sūriyo mandaṃ tapati. Rāhu, mahārāja, sūriyassa rogo, tena rogena paṭipīḷito sūriyo mandaṃ tapati. Ime kho, mahārāja, cattāro sūriyassa rogā, yesaṃ aññatarena rogena paṭipīḷito sūriyo mandaṃ tapatī’’ti. ‘‘Acchariyaṃ, bhante nāgasena, abbhutaṃ, bhante nāgasena, sūriyassapi tāva tejosampannassa rogo uppajjissati, kimaṅgaṃ pana aññesaṃ sattānaṃ, natthi, bhante, esā vibhatti aññassa aññatra tavādisena buddhimatā’’ti.
суурияад̇абанабан̃хо навамо.
Sūriyatapanapañho navamo.
