| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
6. ஸுருஸுருவக்³க³-அத்த²யோஜனா
6. Surusuruvagga-atthayojanā
627. ‘‘ஸுருஸுரூ’’தி ஏவங் ஸத்³த³ந்தி ‘‘ஸுருஸுரூ’’தி ஏவங் அனுகரணரவங். த³வனங் கீளனந்தி இமினா வசனத்தே²ன பரிஹாஸோ த³வோ நாமாதி ஆஹ ‘‘த³வோதி பரிஹாஸவசன’’ந்தி. தந்தி ஸோ த³வோ. லிங்க³விபல்லாஸோ ஹேஸ. ந காதப்³ப³ங் ந காதப்³போ³தி ஸம்ப³ந்தோ⁴. ஸிலகபு³த்³தோ⁴தி ஸிலாய கதோ, ஸிலேன நியுத்தோ வா பு³த்³தோ⁴. அபடிபு³த்³தோ⁴தி அபடிவித்³தோ⁴ பு³த்³தோ⁴, பரிஹாஸவசனமேதங். கோ³த⁴ம்மோதி கு³ன்னங் த⁴ம்மோ. அஜத⁴ம்மோதி அஜானங் த⁴ம்மோ. மிக³ஸங்கோ⁴தி மிகா³னங் ஸங்கோ⁴. பஸுஸங்கோ⁴தி பஸூனங் ஸங்கோ⁴.
627.‘‘Surusurū’’ti evaṃ saddanti ‘‘surusurū’’ti evaṃ anukaraṇaravaṃ. Davanaṃ kīḷananti iminā vacanatthena parihāso davo nāmāti āha ‘‘davoti parihāsavacana’’nti. Tanti so davo. Liṅgavipallāso hesa. Na kātabbaṃ na kātabboti sambandho. Silakabuddhoti silāya kato, silena niyutto vā buddho. Apaṭibuddhoti apaṭividdho buddho, parihāsavacanametaṃ. Godhammoti gunnaṃ dhammo. Ajadhammoti ajānaṃ dhammo. Migasaṅghoti migānaṃ saṅgho. Pasusaṅghoti pasūnaṃ saṅgho.
628. ‘‘பு⁴ஞ்ஜந்தேனா’’தி பத³ங் ‘‘நில்லேஹிது’’ந்தி பதே³ பா⁴வகத்தா.
628. ‘‘Bhuñjantenā’’ti padaṃ ‘‘nillehitu’’nti pade bhāvakattā.
631. ஏவங்னாமகேதி ‘‘கோகனுத³’’ந்தி ஏவங் நாமங் அஸ்ஸ பாஸாத³ஸ்ஸாதி ஏவங்னாமகோ, பாஸாதோ³, தஸ்மிங். ‘‘பது³மஸண்டா²னோ’’தி இமினா பாஸாத³ஸ்ஸ ஸதி³ஸூபசாரேன ‘‘கோகனுதோ³’’தி நாமலப⁴னங் த³ஸ்ஸேதி. தேனாதி பது³மஸண்டா²னத்தா. அஸ்ஸாதி பாஸாத³ஸ்ஸ. புக்³க³லிகம்பீதி பரபுக்³க³லஸந்தகங் க³ஹேதப்³ப³ங் ‘‘அத்தனோ ஸந்தகம்பீ’’தி அத்தபுக்³க³லஸந்தகஸ்ஸ விஸுங் க³ய்ஹமானத்தா. ஸங்க²ம்பீதி பானீயஸங்க²ம்பி. ஸராவம்பீதி பானீயஸராவம்பி. தா²லகம்பீதி பானீயதா²லகம்பி.
631.Evaṃnāmaketi ‘‘kokanuda’’nti evaṃ nāmaṃ assa pāsādassāti evaṃnāmako, pāsādo, tasmiṃ. ‘‘Padumasaṇṭhāno’’ti iminā pāsādassa sadisūpacārena ‘‘kokanudo’’ti nāmalabhanaṃ dasseti. Tenāti padumasaṇṭhānattā. Assāti pāsādassa. Puggalikampīti parapuggalasantakaṃ gahetabbaṃ ‘‘attano santakampī’’ti attapuggalasantakassa visuṃ gayhamānattā. Saṅkhampīti pānīyasaṅkhampi. Sarāvampīti pānīyasarāvampi. Thālakampīti pānīyathālakampi.
632. ‘‘உத்³த⁴ரித்வா’’தி ஸாமஞ்ஞதோ வுத்தவசனஸ்ஸ கம்மாபாதா³னானி த³ஸ்ஸேதுங் வுத்தங் ‘‘ஸித்தா²னி உத³கதோ’’தி. பி⁴ந்தி³த்வாதி சுண்ணவிசுண்ணானி கத்வா. ப³ஹீதி அந்தரக⁴ரதோ ப³ஹி.
632. ‘‘Uddharitvā’’ti sāmaññato vuttavacanassa kammāpādānāni dassetuṃ vuttaṃ ‘‘sitthāni udakato’’ti. Bhinditvāti cuṇṇavicuṇṇāni katvā. Bahīti antaragharato bahi.
634. ஸேதச்ச²த்தந்தி எத்த² ஸேதஸத்³தோ³ பண்ட³ரபரியாயோதி ஆஹ ‘‘பண்ட³ரச்ச²த்த’’ந்தி. வத்த²பலிகு³ண்டி²தந்தி வத்தே²ஹி ஸமந்ததோ வேடி²தங். ஸேதங் ச²த்தங் ஸேதச்ச²த்தங். கிளஞ்ஜேஹி கதங் ச²த்தங் கிளஞ்ஜச்ச²த்தங். பண்ணேஹி கதங் ச²த்தங் பண்ணச்ச²த்தங். மண்ட³லேன ப³த்³த⁴ங் மண்ட³லப³த்³த⁴ங். ஸலாகாஹி ப³த்³த⁴ங் ஸலாகப³த்³த⁴ங். தானீதி தீணி ச²த்தானி. ஹீதி ஸச்சங். யம்பி ஏகபண்ணச்ச²த்தந்தி யோஜனா. ஏதேஸூதி தீஸு ச²த்தேஸு. அஸ்ஸாதி யஸ்ஸ கஸ்ஸசி க³ஹட்ட²ஸ்ஸ வா பப்³ப³ஜிதஸ்ஸ வா. ஸோதி யோ கோசி க³ஹட்டோ² வா பப்³ப³ஜிதோ வா. ச²த்தபாது³காய வாதி ச²த்தத³ண்ட³னிக்கே²பனாய பாது³காய வா. எத்தா²தி இமஸ்மிங் ஸிக்கா²பதே³.
634.Setacchattanti ettha setasaddo paṇḍarapariyāyoti āha ‘‘paṇḍaracchatta’’nti. Vatthapaliguṇṭhitanti vatthehi samantato veṭhitaṃ. Setaṃ chattaṃ setacchattaṃ. Kiḷañjehi kataṃ chattaṃ kiḷañjacchattaṃ. Paṇṇehi kataṃ chattaṃ paṇṇacchattaṃ. Maṇḍalena baddhaṃ maṇḍalabaddhaṃ. Salākāhi baddhaṃ salākabaddhaṃ. Tānīti tīṇi chattāni. Hīti saccaṃ. Yampi ekapaṇṇacchattanti yojanā. Etesūti tīsu chattesu. Assāti yassa kassaci gahaṭṭhassa vā pabbajitassa vā. Soti yo koci gahaṭṭho vā pabbajito vā. Chattapādukāya vāti chattadaṇḍanikkhepanāya pādukāya vā. Etthāti imasmiṃ sikkhāpade.
635. மஜ்ஜி²மஸ்ஸாதி பமாணமஜ்ஜி²மஸ்ஸ. ‘‘சதுஹத்த²ப்பமாணோ’’திஇமினா சதுஹத்த²தோ ஊனாதிரேகோ த³ண்டோ³ ந த³ண்டோ³ நாமாதி த³ஸ்ஸேதி. த³ண்டோ³ பாணிம்ஹி அஸ்ஸாதி வசனத்த²ங் அதிதி³ஸந்தோ ஆஹ ‘‘வுத்தனயேனேவா’’தி.
635.Majjhimassāti pamāṇamajjhimassa. ‘‘Catuhatthappamāṇo’’tiiminā catuhatthato ūnātireko daṇḍo na daṇḍo nāmāti dasseti. Daṇḍo pāṇimhi assāti vacanatthaṃ atidisanto āha ‘‘vuttanayenevā’’ti.
636. ‘‘ஸத்த²பாணிம்ஹீ’’தி எத்த² அஸி ஏவ அதி⁴ப்பேதோதி ஆஹ ‘‘அஸி’’ந்தி. அஸிந்தி க²க்³க³ங்.
636.‘‘Satthapāṇimhī’’ti ettha asi eva adhippetoti āha ‘‘asi’’nti. Asinti khaggaṃ.
637. ‘‘ஆவுத⁴ங் நாம சாபோ கோத³ண்டோ³’’தி பாளியங் வுத்தவசனங் உபலக்க²ணமேவாதி த³ஸ்ஸெந்தோ ஆஹ ‘‘ஆவுத⁴பாணிஸ்ஸாதி எத்தா²’’திஆதி³. ஸப்³பா³பி த⁴னுவிகதி ஆவுத⁴ந்தி வேதி³தப்³பா³தி யோஜனா. யதா² அஸிங் ஸன்னஹித்வா டி²தோ ஸத்த²பாணீதி ஸங்க்²யங் ந க³ச்ச²தி, ஏவங் த⁴னுங் கண்டே² படிமுக்கோ ஆவுத⁴பாணீதி ஆஹ ‘‘ஸசே பனா’’திஆதி³, இமினா ஆவுதோ⁴ பாணினா க³ஹிதோயேவ ஆவுத⁴பாணி நாமாதி த³ஸ்ஸேதீதி. ச²ட்டோ² வக்³கோ³.
637. ‘‘Āvudhaṃ nāma cāpo kodaṇḍo’’ti pāḷiyaṃ vuttavacanaṃ upalakkhaṇamevāti dassento āha ‘‘āvudhapāṇissāti etthā’’tiādi. Sabbāpi dhanuvikati āvudhanti veditabbāti yojanā. Yathā asiṃ sannahitvā ṭhito satthapāṇīti saṅkhyaṃ na gacchati, evaṃ dhanuṃ kaṇṭhe paṭimukko āvudhapāṇīti āha ‘‘sace panā’’tiādi, iminā āvudho pāṇinā gahitoyeva āvudhapāṇi nāmāti dassetīti. Chaṭṭho vaggo.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 6. ஸுருஸுருவக்³கோ³ • 6. Surusuruvaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 6. ஸுருஸுருவக்³க³வண்ணனா • 6. Surusuruvaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 6. ஸுருஸுருவக்³க³வண்ணனா • 6. Surusuruvaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 6. ஸுருஸுருவக்³க³வண்ணனா • 6. Surusuruvaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. ஸுருஸுருவக்³க³வண்ணனா • 6. Surusuruvaggavaṇṇanā
