| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
6. сурусуруваг̇г̇а-ад̇т̇аяож̇анаа
6. Surusuruvagga-atthayojanā
627. ‘‘сурусуруу’’д̇и звам̣ сад̣̇д̣̇анд̇и ‘‘сурусуруу’’д̇и звам̣ анугаран̣аравам̣. д̣̇аванам̣ гийл̣ананд̇и иминаа важанад̇т̇зна барихаасо д̣̇аво наамаад̇и ааха ‘‘д̣̇авод̇и барихаасаважана’’нд̇и. д̇анд̇и со д̣̇аво. лин̇г̇авибаллаасо хзса. на гаад̇аб̣б̣ам̣ на гаад̇аб̣б̣од̇и самб̣анд̇хо. силагаб̣уд̣̇д̇ход̇и силааяа гад̇о, силзна нияуд̇д̇о ваа б̣уд̣̇д̇хо. абадиб̣уд̣̇д̇ход̇и абадивид̣̇д̇хо б̣уд̣̇д̇хо, барихаасаважанамзд̇ам̣. г̇од̇хаммод̇и г̇уннам̣ д̇хаммо. аж̇ад̇хаммод̇и аж̇аанам̣ д̇хаммо. миг̇асан̇гход̇и миг̇аанам̣ сан̇гхо. басусан̇гход̇и басуунам̣ сан̇гхо.
627.‘‘Surusurū’’ti evaṃ saddanti ‘‘surusurū’’ti evaṃ anukaraṇaravaṃ. Davanaṃ kīḷananti iminā vacanatthena parihāso davo nāmāti āha ‘‘davoti parihāsavacana’’nti. Tanti so davo. Liṅgavipallāso hesa. Na kātabbaṃ na kātabboti sambandho. Silakabuddhoti silāya kato, silena niyutto vā buddho. Apaṭibuddhoti apaṭividdho buddho, parihāsavacanametaṃ. Godhammoti gunnaṃ dhammo. Ajadhammoti ajānaṃ dhammo. Migasaṅghoti migānaṃ saṅgho. Pasusaṅghoti pasūnaṃ saṅgho.
628. ‘‘бхун̃ж̇анд̇знаа’’д̇и бад̣̇ам̣ ‘‘ниллзхид̇у’’нд̇и бад̣̇з бхаавагад̇д̇аа.
628. ‘‘Bhuñjantenā’’ti padaṃ ‘‘nillehitu’’nti pade bhāvakattā.
631. звам̣наамагзд̇и ‘‘гогануд̣̇а’’нд̇и звам̣ наамам̣ асса баасаад̣̇ассаад̇и звам̣наамаго, баасаад̣̇о, д̇асмим̣. ‘‘бад̣̇умасан̣таано’’д̇и иминаа баасаад̣̇асса сад̣̇исуубажаарзна ‘‘гогануд̣̇о’’д̇и наамалабханам̣ д̣̇ассзд̇и. д̇знаад̇и бад̣̇умасан̣таанад̇д̇аа. ассаад̇и баасаад̣̇асса. буг̇г̇алигамбийд̇и барабуг̇г̇аласанд̇агам̣ г̇ахзд̇аб̣б̣ам̣ ‘‘ад̇д̇ано санд̇агамбий’’д̇и ад̇д̇абуг̇г̇аласанд̇агасса висум̣ г̇аяхамаанад̇д̇аа. сан̇камбийд̇и баанийяасан̇камби. сараавамбийд̇и баанийяасараавамби. т̇аалагамбийд̇и баанийяат̇аалагамби.
631.Evaṃnāmaketi ‘‘kokanuda’’nti evaṃ nāmaṃ assa pāsādassāti evaṃnāmako, pāsādo, tasmiṃ. ‘‘Padumasaṇṭhāno’’ti iminā pāsādassa sadisūpacārena ‘‘kokanudo’’ti nāmalabhanaṃ dasseti. Tenāti padumasaṇṭhānattā. Assāti pāsādassa. Puggalikampīti parapuggalasantakaṃ gahetabbaṃ ‘‘attano santakampī’’ti attapuggalasantakassa visuṃ gayhamānattā. Saṅkhampīti pānīyasaṅkhampi. Sarāvampīti pānīyasarāvampi. Thālakampīti pānīyathālakampi.
632. ‘‘уд̣̇д̇харид̇ваа’’д̇и сааман̃н̃ад̇о вуд̇д̇аважанасса гаммаабаад̣̇аанаани д̣̇ассзд̇ум̣ вуд̇д̇ам̣ ‘‘сид̇т̇аани уд̣̇агад̇о’’д̇и. бхинд̣̇ид̇ваад̇и жун̣н̣авижун̣н̣аани гад̇ваа. б̣ахийд̇и анд̇арагхарад̇о б̣ахи.
632. ‘‘Uddharitvā’’ti sāmaññato vuttavacanassa kammāpādānāni dassetuṃ vuttaṃ ‘‘sitthāni udakato’’ti. Bhinditvāti cuṇṇavicuṇṇāni katvā. Bahīti antaragharato bahi.
634. сзд̇ажчад̇д̇анд̇и зд̇т̇а сзд̇асад̣̇д̣̇о бан̣д̣арабарияааяод̇и ааха ‘‘бан̣д̣аражчад̇д̇а’’нд̇и. вад̇т̇абалиг̇ун̣тид̇анд̇и вад̇т̇зхи саманд̇ад̇о взтид̇ам̣. сзд̇ам̣ чад̇д̇ам̣ сзд̇ажчад̇д̇ам̣. гил̣ан̃ж̇зхи гад̇ам̣ чад̇д̇ам̣ гил̣ан̃ж̇ажчад̇д̇ам̣. бан̣н̣зхи гад̇ам̣ чад̇д̇ам̣ бан̣н̣ажчад̇д̇ам̣. ман̣д̣алзна б̣ад̣̇д̇хам̣ ман̣д̣алаб̣ад̣̇д̇хам̣. салаагаахи б̣ад̣̇д̇хам̣ салаагаб̣ад̣̇д̇хам̣. д̇аанийд̇и д̇ийн̣и чад̇д̇аани. хийд̇и сажжам̣. яамби згабан̣н̣ажчад̇д̇анд̇и яож̇анаа. зд̇зсууд̇и д̇ийсу чад̇д̇зсу. ассаад̇и яасса гассажи г̇ахадтасса ваа баб̣б̣аж̇ид̇асса ваа. сод̇и яо гожи г̇ахадто ваа баб̣б̣аж̇ид̇о ваа. чад̇д̇абаад̣̇угааяа ваад̇и чад̇д̇ад̣̇ан̣д̣анигкзбанааяа баад̣̇угааяа ваа. зд̇т̇аад̇и имасмим̣ сигкаабад̣̇з.
634.Setacchattanti ettha setasaddo paṇḍarapariyāyoti āha ‘‘paṇḍaracchatta’’nti. Vatthapaliguṇṭhitanti vatthehi samantato veṭhitaṃ. Setaṃ chattaṃ setacchattaṃ. Kiḷañjehi kataṃ chattaṃ kiḷañjacchattaṃ. Paṇṇehi kataṃ chattaṃ paṇṇacchattaṃ. Maṇḍalena baddhaṃ maṇḍalabaddhaṃ. Salākāhi baddhaṃ salākabaddhaṃ. Tānīti tīṇi chattāni. Hīti saccaṃ. Yampi ekapaṇṇacchattanti yojanā. Etesūti tīsu chattesu. Assāti yassa kassaci gahaṭṭhassa vā pabbajitassa vā. Soti yo koci gahaṭṭho vā pabbajito vā. Chattapādukāya vāti chattadaṇḍanikkhepanāya pādukāya vā. Etthāti imasmiṃ sikkhāpade.
635. маж̇жхимассаад̇и бамаан̣амаж̇жхимасса. ‘‘жад̇ухад̇т̇аббамаан̣о’’д̇ииминаа жад̇ухад̇т̇ад̇о уунаад̇ирзго д̣̇ан̣д̣о на д̣̇ан̣д̣о наамаад̇и д̣̇ассзд̇и. д̣̇ан̣д̣о баан̣имхи ассаад̇и важанад̇т̇ам̣ ад̇ид̣̇исанд̇о ааха ‘‘вуд̇д̇анаязнзваа’’д̇и.
635.Majjhimassāti pamāṇamajjhimassa. ‘‘Catuhatthappamāṇo’’tiiminā catuhatthato ūnātireko daṇḍo na daṇḍo nāmāti dasseti. Daṇḍo pāṇimhi assāti vacanatthaṃ atidisanto āha ‘‘vuttanayenevā’’ti.
636. ‘‘сад̇т̇абаан̣имхий’’д̇и зд̇т̇а аси зва ад̇хиббзд̇од̇и ааха ‘‘аси’’нд̇и. асинд̇и каг̇г̇ам̣.
636.‘‘Satthapāṇimhī’’ti ettha asi eva adhippetoti āha ‘‘asi’’nti. Asinti khaggaṃ.
637. ‘‘аавуд̇хам̣ наама жаабо год̣̇ан̣д̣о’’д̇и баал̣ияам̣ вуд̇д̇аважанам̣ убалагкан̣амзваад̇и д̣̇ассзнд̇о ааха ‘‘аавуд̇хабаан̣иссаад̇и зд̇т̇аа’’д̇иаад̣̇и. саб̣б̣ааби д̇ханувигад̇и аавуд̇ханд̇и взд̣̇ид̇аб̣б̣аад̇и яож̇анаа. яат̇аа асим̣ саннахид̇ваа тид̇о сад̇т̇абаан̣ийд̇и сан̇кяам̣ на г̇ажчад̇и, звам̣ д̇ханум̣ ган̣тз бадимугго аавуд̇хабаан̣ийд̇и ааха ‘‘сажз банаа’’д̇иаад̣̇и, иминаа аавуд̇хо баан̣инаа г̇ахид̇оязва аавуд̇хабаан̣и наамаад̇и д̣̇ассзд̇ийд̇и. чадто ваг̇г̇о.
637. ‘‘Āvudhaṃ nāma cāpo kodaṇḍo’’ti pāḷiyaṃ vuttavacanaṃ upalakkhaṇamevāti dassento āha ‘‘āvudhapāṇissāti etthā’’tiādi. Sabbāpi dhanuvikati āvudhanti veditabbāti yojanā. Yathā asiṃ sannahitvā ṭhito satthapāṇīti saṅkhyaṃ na gacchati, evaṃ dhanuṃ kaṇṭhe paṭimukko āvudhapāṇīti āha ‘‘sace panā’’tiādi, iminā āvudho pāṇinā gahitoyeva āvudhapāṇi nāmāti dassetīti. Chaṭṭho vaggo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. сурусуруваг̇г̇о • 6. Surusuruvaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. сурусуруваг̇г̇аван̣н̣анаа • 6. Surusuruvaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. сурусуруваг̇г̇аван̣н̣анаа • 6. Surusuruvaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. сурусуруваг̇г̇аван̣н̣анаа • 6. Surusuruvaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. сурусуруваг̇г̇аван̣н̣анаа • 6. Surusuruvaggavaṇṇanā
