| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
6. ஸுருஸுருவக்³க³வண்ணனா
6. Surusuruvaggavaṇṇanā
627. பாளியங் ஸீதீகதோதி ஸீதபீளிதோ. ஸிலகபு³த்³தோ⁴தி பரிஹாஸவசனமேதங். ஸிலகஞ்ஹி கிஞ்சி தி³ஸ்வா ‘‘பு³த்³தோ⁴ அய’’ந்தி வோஹரந்தி.
627. Pāḷiyaṃ sītīkatoti sītapīḷito. Silakabuddhoti parihāsavacanametaṃ. Silakañhi kiñci disvā ‘‘buddho aya’’nti voharanti.
628. ‘‘அங்கு³லியோ முகே² பவேஸெத்வா பு⁴ஞ்ஜிதுங் வட்டதீ’’தி இமினா ஸப்³ப³ங் ஹத்த²ங் அந்தோமுகே² பக்கி²பனஸிக்கா²பத³ஸ்ஸபி பவிட்ட²ங்கு³லினில்லேஹனேன இமஸ்ஸபி ஸிக்கா²பத³ஸ்ஸ அனாபத்திங் த³ஸ்ஸேதி. ஏஸேவ நயோதி க⁴னயாகு³ஆதீ³ஸு பத்தங் ஹத்தே²ன, ஒட்ட²ஞ்ச ஜிவ்ஹாய நில்லேஹிதுங் வட்டதீதி அதிதி³ஸதி. தஸ்மாதி யஸ்மா க⁴னயாகு³ஆதி³விரஹிதங் நில்லேஹிதுங் ந வட்டதி.
628.‘‘Aṅguliyo mukhe pavesetvā bhuñjituṃ vaṭṭatī’’ti iminā sabbaṃ hatthaṃ antomukhe pakkhipanasikkhāpadassapi paviṭṭhaṅgulinillehanena imassapi sikkhāpadassa anāpattiṃ dasseti. Eseva nayoti ghanayāguādīsu pattaṃ hatthena, oṭṭhañca jivhāya nillehituṃ vaṭṭatīti atidisati. Tasmāti yasmā ghanayāguādivirahitaṃ nillehituṃ na vaṭṭati.
634. விலீவச்ச²த்தந்தி வேணுபேஸிகாஹி கதங். மண்ட³லப³த்³தா⁴னீதி தீ³க⁴ஸலாகாஸு திரியங் வலயாகாரேன ஸலாகங் ட²பெத்வா ஸுத்தேஹி ப³த்³தா⁴னி தீ³க⁴ஞ்ச திரியஞ்ச உஜுகமேவ ஸலாகாயோ ட²பெத்வா த³ள்ஹப³த்³தா⁴னி சேவ திரியங் ட²பெத்வா தீ³க⁴த³ண்ட³கேஹேவ ஸங்கோசாரஹங் கத்வா ஸுத்தேஹேவ திரியங் ப³த்³தா⁴னி. தத்த²ஜாதகத³ண்ட³கேன கதந்தி ஸஹ த³ண்ட³கேன சி²ன்னதாலபண்ணாதீ³ஹி கதங். ச²த்தபாது³காயாதி யஸ்மிங் ச²த்தத³ண்ட³கோடிங் பவேஸெத்வா ச²த்தங் உஜுகங் ட²பெத்வா ஹெட்டா² சா²யாய நிஸீத³ந்தி, திட்ட²ந்தி வா, தாதி³ஸே ச²த்தாதா⁴ரே.
634.Vilīvacchattanti veṇupesikāhi kataṃ. Maṇḍalabaddhānīti dīghasalākāsu tiriyaṃ valayākārena salākaṃ ṭhapetvā suttehi baddhāni dīghañca tiriyañca ujukameva salākāyo ṭhapetvā daḷhabaddhāni ceva tiriyaṃ ṭhapetvā dīghadaṇḍakeheva saṅkocārahaṃ katvā sutteheva tiriyaṃ baddhāni. Tatthajātakadaṇḍakena katanti saha daṇḍakena chinnatālapaṇṇādīhi kataṃ. Chattapādukāyāti yasmiṃ chattadaṇḍakoṭiṃ pavesetvā chattaṃ ujukaṃ ṭhapetvā heṭṭhā chāyāya nisīdanti, tiṭṭhanti vā, tādise chattādhāre.
637. சாபோதி மஜ்ஜே² வங்ககாஜத³ண்ட³ஸதி³ஸா த⁴னுவிகதி. கோத³ண்டோ³தி வித்³த⁴த³ண்டா³ த⁴னுவிகதி.
637.Cāpoti majjhe vaṅkakājadaṇḍasadisā dhanuvikati. Kodaṇḍoti viddhadaṇḍā dhanuvikati.
ஸுருஸுருவக்³க³வண்ணனா நிட்டி²தா.
Surusuruvaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 6. ஸுருஸுருவக்³கோ³ • 6. Surusuruvaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 6. ஸுருஸுருவக்³க³வண்ணனா • 6. Surusuruvaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 6. ஸுருஸுருவக்³க³வண்ணனா • 6. Surusuruvaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 6. ஸுருஸுருவக்³க³வண்ணனா • 6. Surusuruvaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 6. ஸுருஸுருவக்³க³-அத்த²யோஜனா • 6. Surusuruvagga-atthayojanā
