| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
৬. সুরুসুরুৰগ্গৰণ্ণনা
6. Surusuruvaggavaṇṇanā
৬২৭. পাল়িযং সীতীকতোতি সীতপীল়িতো। সিলকবুদ্ধোতি পরিহাসৰচনমেতং। সিলকঞ্হি কিঞ্চি দিস্ৰা ‘‘বুদ্ধো অয’’ন্তি ৰোহরন্তি।
627. Pāḷiyaṃ sītīkatoti sītapīḷito. Silakabuddhoti parihāsavacanametaṃ. Silakañhi kiñci disvā ‘‘buddho aya’’nti voharanti.
৬২৮. ‘‘অঙ্গুলিযো মুখে পৰেসেত্ৰা ভুঞ্জিতুং ৰট্টতী’’তি ইমিনা সব্বং হত্থং অন্তোমুখে পক্খিপনসিক্খাপদস্সপি পৰিট্ঠঙ্গুলিনিল্লেহনেন ইমস্সপি সিক্খাপদস্স অনাপত্তিং দস্সেতি। এসেৰ নযোতি ঘনযাগুআদীসু পত্তং হত্থেন, ওট্ঠঞ্চ জিৰ্হায নিল্লেহিতুং ৰট্টতীতি অতিদিসতি। তস্মাতি যস্মা ঘনযাগুআদিৰিরহিতং নিল্লেহিতুং ন ৰট্টতি।
628.‘‘Aṅguliyo mukhe pavesetvā bhuñjituṃ vaṭṭatī’’ti iminā sabbaṃ hatthaṃ antomukhe pakkhipanasikkhāpadassapi paviṭṭhaṅgulinillehanena imassapi sikkhāpadassa anāpattiṃ dasseti. Eseva nayoti ghanayāguādīsu pattaṃ hatthena, oṭṭhañca jivhāya nillehituṃ vaṭṭatīti atidisati. Tasmāti yasmā ghanayāguādivirahitaṃ nillehituṃ na vaṭṭati.
৬৩৪. ৰিলীৰচ্ছত্তন্তি ৰেণুপেসিকাহি কতং। মণ্ডলবদ্ধানীতি দীঘসলাকাসু তিরিযং ৰলযাকারেন সলাকং ঠপেত্ৰা সুত্তেহি বদ্ধানি দীঘঞ্চ তিরিযঞ্চ উজুকমেৰ সলাকাযো ঠপেত্ৰা দল়্হবদ্ধানি চেৰ তিরিযং ঠপেত্ৰা দীঘদণ্ডকেহেৰ সঙ্কোচারহং কত্ৰা সুত্তেহেৰ তিরিযং বদ্ধানি। তত্থজাতকদণ্ডকেন কতন্তি সহ দণ্ডকেন ছিন্নতালপণ্ণাদীহি কতং। ছত্তপাদুকাযাতি যস্মিং ছত্তদণ্ডকোটিং পৰেসেত্ৰা ছত্তং উজুকং ঠপেত্ৰা হেট্ঠা ছাযায নিসীদন্তি, তিট্ঠন্তি ৰা, তাদিসে ছত্তাধারে।
634.Vilīvacchattanti veṇupesikāhi kataṃ. Maṇḍalabaddhānīti dīghasalākāsu tiriyaṃ valayākārena salākaṃ ṭhapetvā suttehi baddhāni dīghañca tiriyañca ujukameva salākāyo ṭhapetvā daḷhabaddhāni ceva tiriyaṃ ṭhapetvā dīghadaṇḍakeheva saṅkocārahaṃ katvā sutteheva tiriyaṃ baddhāni. Tatthajātakadaṇḍakena katanti saha daṇḍakena chinnatālapaṇṇādīhi kataṃ. Chattapādukāyāti yasmiṃ chattadaṇḍakoṭiṃ pavesetvā chattaṃ ujukaṃ ṭhapetvā heṭṭhā chāyāya nisīdanti, tiṭṭhanti vā, tādise chattādhāre.
৬৩৭. চাপোতি মজ্ঝে ৰঙ্ককাজদণ্ডসদিসা ধনুৰিকতি। কোদণ্ডোতি ৰিদ্ধদণ্ডা ধনুৰিকতি।
637.Cāpoti majjhe vaṅkakājadaṇḍasadisā dhanuvikati. Kodaṇḍoti viddhadaṇḍā dhanuvikati.
সুরুসুরুৰগ্গৰণ্ণনা নিট্ঠিতা।
Surusuruvaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৬. সুরুসুরুৰগ্গো • 6. Surusuruvaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৬. সুরুসুরুৰগ্গৰণ্ণনা • 6. Surusuruvaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৬. সুরুসুরুৰগ্গৰণ্ণনা • 6. Surusuruvaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৬. সুরুসুরুৰগ্গৰণ্ণনা • 6. Surusuruvaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৬. সুরুসুরুৰগ্গ-অত্থযোজনা • 6. Surusuruvagga-atthayojanā
