| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
6. сурусуруваг̇г̇аван̣н̣анаа
6. Surusuruvaggavaṇṇanā
627. баал̣ияам̣ сийд̇ийгад̇од̇и сийд̇абийл̣ид̇о. силагаб̣уд̣̇д̇ход̇и барихаасаважанамзд̇ам̣. силаган̃хи гин̃жи д̣̇исваа ‘‘б̣уд̣̇д̇хо аяа’’нд̇и вохаранд̇и.
627. Pāḷiyaṃ sītīkatoti sītapīḷito. Silakabuddhoti parihāsavacanametaṃ. Silakañhi kiñci disvā ‘‘buddho aya’’nti voharanti.
628. ‘‘ан̇г̇улияо мукз бавзсзд̇ваа бхун̃ж̇ид̇ум̣ ваддад̇ий’’д̇и иминаа саб̣б̣ам̣ хад̇т̇ам̣ анд̇омукз багкибанасигкаабад̣̇ассаби бавидтан̇г̇улиниллзханзна имассаби сигкаабад̣̇асса анаабад̇д̇им̣ д̣̇ассзд̇и. зсзва наяод̇и гханаяааг̇уаад̣̇ийсу бад̇д̇ам̣ хад̇т̇зна, одтан̃жа ж̇ивхааяа ниллзхид̇ум̣ ваддад̇ийд̇и ад̇ид̣̇исад̇и. д̇асмаад̇и яасмаа гханаяааг̇уаад̣̇ивирахид̇ам̣ ниллзхид̇ум̣ на ваддад̇и.
628.‘‘Aṅguliyo mukhe pavesetvā bhuñjituṃ vaṭṭatī’’ti iminā sabbaṃ hatthaṃ antomukhe pakkhipanasikkhāpadassapi paviṭṭhaṅgulinillehanena imassapi sikkhāpadassa anāpattiṃ dasseti. Eseva nayoti ghanayāguādīsu pattaṃ hatthena, oṭṭhañca jivhāya nillehituṃ vaṭṭatīti atidisati. Tasmāti yasmā ghanayāguādivirahitaṃ nillehituṃ na vaṭṭati.
634. вилийважчад̇д̇анд̇и взн̣убзсигаахи гад̇ам̣. ман̣д̣алаб̣ад̣̇д̇хаанийд̇и д̣̇ийгхасалаагаасу д̇ирияам̣ валаяаагаарзна салаагам̣ табзд̇ваа суд̇д̇зхи б̣ад̣̇д̇хаани д̣̇ийгхан̃жа д̇ирияан̃жа уж̇угамзва салаагааяо табзд̇ваа д̣̇ал̣хаб̣ад̣̇д̇хаани жзва д̇ирияам̣ табзд̇ваа д̣̇ийгхад̣̇ан̣д̣агзхзва сан̇гожаарахам̣ гад̇ваа суд̇д̇зхзва д̇ирияам̣ б̣ад̣̇д̇хаани. д̇ад̇т̇аж̇аад̇агад̣̇ан̣д̣агзна гад̇анд̇и саха д̣̇ан̣д̣агзна чиннад̇аалабан̣н̣аад̣̇ийхи гад̇ам̣. чад̇д̇абаад̣̇угааяаад̇и яасмим̣ чад̇д̇ад̣̇ан̣д̣агодим̣ бавзсзд̇ваа чад̇д̇ам̣ уж̇угам̣ табзд̇ваа хздтаа чааяааяа нисийд̣̇анд̇и, д̇идтанд̇и ваа, д̇аад̣̇исз чад̇д̇аад̇хаарз.
634.Vilīvacchattanti veṇupesikāhi kataṃ. Maṇḍalabaddhānīti dīghasalākāsu tiriyaṃ valayākārena salākaṃ ṭhapetvā suttehi baddhāni dīghañca tiriyañca ujukameva salākāyo ṭhapetvā daḷhabaddhāni ceva tiriyaṃ ṭhapetvā dīghadaṇḍakeheva saṅkocārahaṃ katvā sutteheva tiriyaṃ baddhāni. Tatthajātakadaṇḍakena katanti saha daṇḍakena chinnatālapaṇṇādīhi kataṃ. Chattapādukāyāti yasmiṃ chattadaṇḍakoṭiṃ pavesetvā chattaṃ ujukaṃ ṭhapetvā heṭṭhā chāyāya nisīdanti, tiṭṭhanti vā, tādise chattādhāre.
637. жаабод̇и маж̇жхз ван̇гагааж̇ад̣̇ан̣д̣асад̣̇исаа д̇ханувигад̇и. год̣̇ан̣д̣од̇и вид̣̇д̇хад̣̇ан̣д̣аа д̇ханувигад̇и.
637.Cāpoti majjhe vaṅkakājadaṇḍasadisā dhanuvikati. Kodaṇḍoti viddhadaṇḍā dhanuvikati.
сурусуруваг̇г̇аван̣н̣анаа нидтид̇аа.
Surusuruvaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. сурусуруваг̇г̇о • 6. Surusuruvaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. сурусуруваг̇г̇аван̣н̣анаа • 6. Surusuruvaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. сурусуруваг̇г̇аван̣н̣анаа • 6. Surusuruvaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. сурусуруваг̇г̇аван̣н̣анаа • 6. Surusuruvaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. сурусуруваг̇г̇а-ад̇т̇аяож̇анаа • 6. Surusuruvagga-atthayojanā
