| Library / Tipiṭaka / తిపిటక • Tipiṭaka / సారత్థదీపనీ-టీకా • Sāratthadīpanī-ṭīkā |
౬. సురుసురువగ్గవణ్ణనా
6. Surusuruvaggavaṇṇanā
౬౨౭. ఛట్ఠవగ్గే సీతీకతోతి సీతట్టో, సీతపీళితోతి వుత్తం హోతి. సిలకబుద్ధోతి పరిహాసవచనమేతం. సిలకఞ్హి కఞ్చి దిస్వా ‘‘బుద్ధో అయ’’న్తి వోహరన్తి.
627. Chaṭṭhavagge sītīkatoti sītaṭṭo, sītapīḷitoti vuttaṃ hoti. Silakabuddhoti parihāsavacanametaṃ. Silakañhi kañci disvā ‘‘buddho aya’’nti voharanti.
౬౩౪. విలీవచ్ఛత్తన్తి వేణువిలీవేహి కతం ఛత్తం. తత్థజాతకదణ్డకేన కతన్తి తాలపణ్ణం సహ దణ్డకేన ఛిన్దిత్వా తమేవ ఛత్తదణ్డం కరోన్తి గోపాలకాదయో వియ, తం సన్ధాయేతం వుత్తం. ఛత్తపాదుకాయ వా ఠితం హోతీతి ఏత్థ ఛత్తపాదుకా వుచ్చతి ఛత్తాధారో. యస్మిం ఛత్తం అపతమానం కత్వా ఠపేన్తి, తాదిసికాయ ఛత్తపాదుకాయ ఠితం ఛత్తం ‘‘ఛత్త’’న్తి అజ్ఝాహరితబ్బం. ‘‘ఛత్తం ఛత్తపాదుకాయ ఠిత’’న్తిపి పఠన్తి, తత్థాపి అయమేవత్థో.
634.Vilīvacchattanti veṇuvilīvehi kataṃ chattaṃ. Tatthajātakadaṇḍakena katanti tālapaṇṇaṃ saha daṇḍakena chinditvā tameva chattadaṇḍaṃ karonti gopālakādayo viya, taṃ sandhāyetaṃ vuttaṃ. Chattapādukāya vā ṭhitaṃ hotīti ettha chattapādukā vuccati chattādhāro. Yasmiṃ chattaṃ apatamānaṃ katvā ṭhapenti, tādisikāya chattapādukāya ṭhitaṃ chattaṃ ‘‘chatta’’nti ajjhāharitabbaṃ. ‘‘Chattaṃ chattapādukāya ṭhita’’ntipi paṭhanti, tatthāpi ayamevattho.
౬౩౭. చాపోతి మజ్ఝే వఙ్కా కాచదణ్డసదిసా ధనువికతి. కోదణ్డోతి వట్టలదణ్డా ధనువికతి. పటిముక్కన్తి పవేసితం లగ్గితం.
637.Cāpoti majjhe vaṅkā kācadaṇḍasadisā dhanuvikati. Kodaṇḍoti vaṭṭaladaṇḍā dhanuvikati. Paṭimukkanti pavesitaṃ laggitaṃ.
సురుసురువగ్గవణ్ణనా నిట్ఠితా.
Surusuruvaggavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావిభఙ్గ • Mahāvibhaṅga / ౬. సురుసురువగ్గో • 6. Surusuruvaggo
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావిభఙ్గ-అట్ఠకథా • Mahāvibhaṅga-aṭṭhakathā / ౬. సురుసురువగ్గవణ్ణనా • 6. Surusuruvaggavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ౬. సురుసురువగ్గవణ్ణనా • 6. Surusuruvaggavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౬. సురుసురువగ్గవణ్ణనా • 6. Surusuruvaggavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౬. సురుసురువగ్గ-అత్థయోజనా • 6. Surusuruvagga-atthayojanā
