| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
๖. สุรุสุรุวคฺควณฺณนา
6. Surusuruvaggavaṇṇanā
๖๒๗. ‘‘สุรุสุรุ’’นฺติ จ ‘‘สุโรสุโร’’ติ จ ปาโฐฯ สีตีกโตติ สีตโงฺกฯ ‘‘สิลกพุโทฺธติ อริยานํ ปริหาสวจนเมเวต’’นฺติ ลิขิตํฯ
627. ‘‘Surusuru’’nti ca ‘‘surosuro’’ti ca pāṭho. Sītīkatoti sītaṅko. ‘‘Silakabuddhoti ariyānaṃ parihāsavacanameveta’’nti likhitaṃ.
๖๓๑. ปฎิกฺกูลวเสนาติ เอตฺถ ยทิ ปฎิกฺกูลวเสน ปฎิกฺขิตฺตํ, ‘‘เสยฺยถาปิ กามโภคิโน’’ติ น วตฺตพฺพํฯ น หิ เต ปฎิกฺกูลํ กโรนฺตีติ เจ? น, อิสฺสริยลิงฺควเสน คหณสมฺภวโตฯ เต หิ อนาทรา โหนฺติฯ ปตฺตโธวนนฺติ ปตฺตโธวโนทกํ โภชนปฎิสํยุตฺตํฯ
631.Paṭikkūlavasenāti ettha yadi paṭikkūlavasena paṭikkhittaṃ, ‘‘seyyathāpi kāmabhogino’’ti na vattabbaṃ. Na hi te paṭikkūlaṃ karontīti ce? Na, issariyaliṅgavasena gahaṇasambhavato. Te hi anādarā honti. Pattadhovananti pattadhovanodakaṃ bhojanapaṭisaṃyuttaṃ.
๖๓๔. ‘‘ฉตฺตปาทุกาย’’นฺติ จ ‘‘ฉตฺตปาเท’’ติ จ ปาโฐฯ
634. ‘‘Chattapādukāya’’nti ca ‘‘chattapāde’’ti ca pāṭho.
๖๓๗. จาโปติ สตฺตขาทนวโธฯ ‘‘เสสา สพฺพา ธนุวิกติ โกทเณฺฑ ปวิฎฺฐา’’ติ จ ลิขิตํ, ปฎิมุกฺกนฺติ ปเวสิตํ, ลคฺคิตํ โหตีติ อโตฺถฯ
637.Cāpoti sattakhādanavadho. ‘‘Sesā sabbā dhanuvikati kodaṇḍe paviṭṭhā’’ti ca likhitaṃ, paṭimukkanti pavesitaṃ, laggitaṃ hotīti attho.
สุรุสุรุวคฺควณฺณนา นิฎฺฐิตาฯ
Surusuruvaggavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๖. สุรุสุรุวโคฺค • 6. Surusuruvaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๖. สุรุสุรุวคฺควณฺณนา • 6. Surusuruvaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๖. สุรุสุรุวคฺควณฺณนา • 6. Surusuruvaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๖. สุรุสุรุวคฺควณฺณนา • 6. Surusuruvaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๖. สุรุสุรุวคฺค-อตฺถโยชนา • 6. Surusuruvagga-atthayojanā
