| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
๖. สุรุสุรุวคฺควณฺณนา
6. Surusuruvaggavaṇṇanā
๖๒๗. ปาฬิยํ สีตีกโตติ สีตปีฬิโตฯ สิลกพุโทฺธติ ปริหาสวจนเมตํฯ สิลกญฺหิ กิญฺจิ ทิสฺวา ‘‘พุโทฺธ อย’’นฺติ โวหรนฺติฯ
627. Pāḷiyaṃ sītīkatoti sītapīḷito. Silakabuddhoti parihāsavacanametaṃ. Silakañhi kiñci disvā ‘‘buddho aya’’nti voharanti.
๖๒๘. ‘‘องฺคุลิโย มุเข ปเวเสตฺวา ภุญฺชิตุํ วฎฺฎตี’’ติ อิมินา สพฺพํ หตฺถํ อโนฺตมุเข ปกฺขิปนสิกฺขาปทสฺสปิ ปวิฎฺฐงฺคุลินิเลฺลหเนน อิมสฺสปิ สิกฺขาปทสฺส อนาปตฺติํ ทเสฺสติฯ เอเสว นโยติ ฆนยาคุอาทีสุ ปตฺตํ หเตฺถน, โอฎฺฐญฺจ ชิวฺหาย นิเลฺลหิตุํ วฎฺฎตีติ อติทิสติฯ ตสฺมาติ ยสฺมา ฆนยาคุอาทิวิรหิตํ นิเลฺลหิตุํ น วฎฺฎติฯ
628.‘‘Aṅguliyo mukhe pavesetvā bhuñjituṃ vaṭṭatī’’ti iminā sabbaṃ hatthaṃ antomukhe pakkhipanasikkhāpadassapi paviṭṭhaṅgulinillehanena imassapi sikkhāpadassa anāpattiṃ dasseti. Eseva nayoti ghanayāguādīsu pattaṃ hatthena, oṭṭhañca jivhāya nillehituṃ vaṭṭatīti atidisati. Tasmāti yasmā ghanayāguādivirahitaṃ nillehituṃ na vaṭṭati.
๖๓๔. วิลีวจฺฉตฺตนฺติ เวณุเปสิกาหิ กตํฯ มณฺฑลพทฺธานีติ ทีฆสลากาสุ ติริยํ วลยากาเรน สลากํ ฐเปตฺวา สุเตฺตหิ พทฺธานิ ทีฆญฺจ ติริยญฺจ อุชุกเมว สลากาโย ฐเปตฺวา ทฬฺหพทฺธานิ เจว ติริยํ ฐเปตฺวา ทีฆทณฺฑเกเหว สโงฺกจารหํ กตฺวา สุเตฺตเหว ติริยํ พทฺธานิฯ ตตฺถชาตกทณฺฑเกน กตนฺติ สห ทณฺฑเกน ฉินฺนตาลปณฺณาทีหิ กตํฯ ฉตฺตปาทุกายาติ ยสฺมิํ ฉตฺตทณฺฑโกฎิํ ปเวเสตฺวา ฉตฺตํ อุชุกํ ฐเปตฺวา เหฎฺฐา ฉายาย นิสีทนฺติ, ติฎฺฐนฺติ วา, ตาทิเส ฉตฺตาธาเรฯ
634.Vilīvacchattanti veṇupesikāhi kataṃ. Maṇḍalabaddhānīti dīghasalākāsu tiriyaṃ valayākārena salākaṃ ṭhapetvā suttehi baddhāni dīghañca tiriyañca ujukameva salākāyo ṭhapetvā daḷhabaddhāni ceva tiriyaṃ ṭhapetvā dīghadaṇḍakeheva saṅkocārahaṃ katvā sutteheva tiriyaṃ baddhāni. Tatthajātakadaṇḍakena katanti saha daṇḍakena chinnatālapaṇṇādīhi kataṃ. Chattapādukāyāti yasmiṃ chattadaṇḍakoṭiṃ pavesetvā chattaṃ ujukaṃ ṭhapetvā heṭṭhā chāyāya nisīdanti, tiṭṭhanti vā, tādise chattādhāre.
๖๓๗. จาโปติ มเชฺฌ วงฺกกาชทณฺฑสทิสา ธนุวิกติฯ โกทโณฺฑติ วิทฺธทณฺฑา ธนุวิกติฯ
637.Cāpoti majjhe vaṅkakājadaṇḍasadisā dhanuvikati. Kodaṇḍoti viddhadaṇḍā dhanuvikati.
สุรุสุรุวคฺควณฺณนา นิฎฺฐิตาฯ
Surusuruvaggavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๖. สุรุสุรุวโคฺค • 6. Surusuruvaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๖. สุรุสุรุวคฺควณฺณนา • 6. Surusuruvaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๖. สุรุสุรุวคฺควณฺณนา • 6. Surusuruvaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๖. สุรุสุรุวคฺควณฺณนา • 6. Surusuruvaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๖. สุรุสุรุวคฺค-อตฺถโยชนา • 6. Surusuruvagga-atthayojanā
