| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
၆. သုရုသုရုဝဂ္ဂဝဏ္ဏနာ
6. Surusuruvaggavaṇṇanā
၆၂၇. ဆဋ္ဌဝဂ္ဂေ သီတီကတောတိ သီတဋ္ဋော, သီတပီဠိတောတိ ဝုတ္တံ ဟောတိ။ သိလကဗုဒ္ဓောတိ ပရိဟာသဝစနမေတံ။ သိလကဉ္ဟိ ကဉ္စိ ဒိသ္ဝာ ‘‘ဗုဒ္ဓော အယ’’န္တိ ဝောဟရန္တိ။
627. Chaṭṭhavagge sītīkatoti sītaṭṭo, sītapīḷitoti vuttaṃ hoti. Silakabuddhoti parihāsavacanametaṃ. Silakañhi kañci disvā ‘‘buddho aya’’nti voharanti.
၆၃၄. ဝိလီဝစ္ဆတ္တန္တိ ဝေဏုဝိလီဝေဟိ ကတံ ဆတ္တံ။ တတ္ထဇာတကဒဏ္ဍကေန ကတန္တိ တာလပဏ္ဏံ သဟ ဒဏ္ဍကေန ဆိန္ဒိတ္ဝာ တမေဝ ဆတ္တဒဏ္ဍံ ကရောန္တိ ဂောပာလကာဒယော ဝိယ, တံ သန္ဓာယေတံ ဝုတ္တံ။ ဆတ္တပာဒုကာယ ဝာ ဌိတံ ဟောတီတိ ဧတ္ထ ဆတ္တပာဒုကာ ဝုစ္စတိ ဆတ္တာဓာရော။ ယသ္မိံ ဆတ္တံ အပတမာနံ ကတ္ဝာ ဌပေန္တိ, တာဒိသိကာယ ဆတ္တပာဒုကာယ ဌိတံ ဆတ္တံ ‘‘ဆတ္တ’’န္တိ အဇ္ဈာဟရိတဗ္ဗံ။ ‘‘ဆတ္တံ ဆတ္တပာဒုကာယ ဌိတ’’န္တိပိ ပဌန္တိ, တတ္ထာပိ အယမေဝတ္ထော။
634.Vilīvacchattanti veṇuvilīvehi kataṃ chattaṃ. Tatthajātakadaṇḍakena katanti tālapaṇṇaṃ saha daṇḍakena chinditvā tameva chattadaṇḍaṃ karonti gopālakādayo viya, taṃ sandhāyetaṃ vuttaṃ. Chattapādukāya vā ṭhitaṃ hotīti ettha chattapādukā vuccati chattādhāro. Yasmiṃ chattaṃ apatamānaṃ katvā ṭhapenti, tādisikāya chattapādukāya ṭhitaṃ chattaṃ ‘‘chatta’’nti ajjhāharitabbaṃ. ‘‘Chattaṃ chattapādukāya ṭhita’’ntipi paṭhanti, tatthāpi ayamevattho.
၆၃၇. စာပောတိ မဇ္ဈေ ဝင္ကာ ကာစဒဏ္ဍသဒိသာ ဓနုဝိကတိ။ ကောဒဏ္ဍောတိ ဝဋ္ဋလဒဏ္ဍာ ဓနုဝိကတိ။ ပဋိမုက္ကန္တိ ပဝေသိတံ လဂ္ဂိတံ။
637.Cāpoti majjhe vaṅkā kācadaṇḍasadisā dhanuvikati. Kodaṇḍoti vaṭṭaladaṇḍā dhanuvikati. Paṭimukkanti pavesitaṃ laggitaṃ.
သုရုသုရုဝဂ္ဂဝဏ္ဏနာ နိဋ္ဌိတာ။
Surusuruvaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၆. သုရုသုရုဝဂ္ဂော • 6. Surusuruvaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၆. သုရုသုရုဝဂ္ဂဝဏ္ဏနာ • 6. Surusuruvaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၆. သုရုသုရုဝဂ္ဂဝဏ္ဏနာ • 6. Surusuruvaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၆. သုရုသုရုဝဂ္ဂဝဏ္ဏနာ • 6. Surusuruvaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၆. သုရုသုရုဝဂ္ဂ-အတ္ထယောဇနာ • 6. Surusuruvagga-atthayojanā
