| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
၆. သုရုသုရုဝဂ္ဂဝဏ္ဏနာ
6. Surusuruvaggavaṇṇanā
၆၂၇. ပာဠိယံ သီတီကတောတိ သီတပီဠိတော။ သိလကဗုဒ္ဓောတိ ပရိဟာသဝစနမေတံ။ သိလကဉ္ဟိ ကိဉ္စိ ဒိသ္ဝာ ‘‘ဗုဒ္ဓော အယ’’န္တိ ဝောဟရန္တိ။
627. Pāḷiyaṃ sītīkatoti sītapīḷito. Silakabuddhoti parihāsavacanametaṃ. Silakañhi kiñci disvā ‘‘buddho aya’’nti voharanti.
၆၂၈. ‘‘အင္ဂုလိယော မုခေ ပဝေသေတ္ဝာ ဘုဉ္ဇိတုံ ဝဋ္ဋတီ’’တိ ဣမိနာ သဗ္ဗံ ဟတ္ထံ အန္တောမုခေ ပက္ခိပနသိက္ခာပဒသ္သပိ ပဝိဋ္ဌင္ဂုလိနိလ္လေဟနေန ဣမသ္သပိ သိက္ခာပဒသ္သ အနာပတ္တိံ ဒသ္သေတိ။ ဧသေဝ နယောတိ ဃနယာဂုအာဒီသု ပတ္တံ ဟတ္ထေန, ဩဋ္ဌဉ္စ ဇိဝ္ဟာယ နိလ္လေဟိတုံ ဝဋ္ဋတီတိ အတိဒိသတိ။ တသ္မာတိ ယသ္မာ ဃနယာဂုအာဒိဝိရဟိတံ နိလ္လေဟိတုံ န ဝဋ္ဋတိ။
628.‘‘Aṅguliyo mukhe pavesetvā bhuñjituṃ vaṭṭatī’’ti iminā sabbaṃ hatthaṃ antomukhe pakkhipanasikkhāpadassapi paviṭṭhaṅgulinillehanena imassapi sikkhāpadassa anāpattiṃ dasseti. Eseva nayoti ghanayāguādīsu pattaṃ hatthena, oṭṭhañca jivhāya nillehituṃ vaṭṭatīti atidisati. Tasmāti yasmā ghanayāguādivirahitaṃ nillehituṃ na vaṭṭati.
၆၃၄. ဝိလီဝစ္ဆတ္တန္တိ ဝေဏုပေသိကာဟိ ကတံ။ မဏ္ဍလဗဒ္ဓာနီတိ ဒီဃသလာကာသု တိရိယံ ဝလယာကာရေန သလာကံ ဌပေတ္ဝာ သုတ္တေဟိ ဗဒ္ဓာနိ ဒီဃဉ္စ တိရိယဉ္စ ဥဇုကမေဝ သလာကာယော ဌပေတ္ဝာ ဒဠ္ဟဗဒ္ဓာနိ စေဝ တိရိယံ ဌပေတ္ဝာ ဒီဃဒဏ္ဍကေဟေဝ သင္ကောစာရဟံ ကတ္ဝာ သုတ္တေဟေဝ တိရိယံ ဗဒ္ဓာနိ။ တတ္ထဇာတကဒဏ္ဍကေန ကတန္တိ သဟ ဒဏ္ဍကေန ဆိန္နတာလပဏ္ဏာဒီဟိ ကတံ။ ဆတ္တပာဒုကာယာတိ ယသ္မိံ ဆတ္တဒဏ္ဍကောဋိံ ပဝေသေတ္ဝာ ဆတ္တံ ဥဇုကံ ဌပေတ္ဝာ ဟေဋ္ဌာ ဆာယာယ နိသီဒန္တိ, တိဋ္ဌန္တိ ဝာ, တာဒိသေ ဆတ္တာဓာရေ။
634.Vilīvacchattanti veṇupesikāhi kataṃ. Maṇḍalabaddhānīti dīghasalākāsu tiriyaṃ valayākārena salākaṃ ṭhapetvā suttehi baddhāni dīghañca tiriyañca ujukameva salākāyo ṭhapetvā daḷhabaddhāni ceva tiriyaṃ ṭhapetvā dīghadaṇḍakeheva saṅkocārahaṃ katvā sutteheva tiriyaṃ baddhāni. Tatthajātakadaṇḍakena katanti saha daṇḍakena chinnatālapaṇṇādīhi kataṃ. Chattapādukāyāti yasmiṃ chattadaṇḍakoṭiṃ pavesetvā chattaṃ ujukaṃ ṭhapetvā heṭṭhā chāyāya nisīdanti, tiṭṭhanti vā, tādise chattādhāre.
၆၃၇. စာပောတိ မဇ္ဈေ ဝင္ကကာဇဒဏ္ဍသဒိသာ ဓနုဝိကတိ။ ကောဒဏ္ဍောတိ ဝိဒ္ဓဒဏ္ဍာ ဓနုဝိကတိ။
637.Cāpoti majjhe vaṅkakājadaṇḍasadisā dhanuvikati. Kodaṇḍoti viddhadaṇḍā dhanuvikati.
သုရုသုရုဝဂ္ဂဝဏ္ဏနာ နိဋ္ဌိတာ။
Surusuruvaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၆. သုရုသုရုဝဂ္ဂော • 6. Surusuruvaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၆. သုရုသုရုဝဂ္ဂဝဏ္ဏနာ • 6. Surusuruvaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၆. သုရုသုရုဝဂ္ဂဝဏ္ဏနာ • 6. Surusuruvaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၆. သုရုသုရုဝဂ္ဂဝဏ္ဏနာ • 6. Surusuruvaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၆. သုရုသုရုဝဂ္ဂ-အတ္ထယောဇနာ • 6. Surusuruvagga-atthayojanā
