| Library / Tipiṭaka / ತಿಪಿಟಕ • Tipiṭaka / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā |
೬. ಸುರುಸುರುವಗ್ಗವಣ್ಣನಾ
6. Surusuruvaggavaṇṇanā
೬೨೭. ಛಟ್ಠವಗ್ಗೇ ಸೀತೀಕತೋತಿ ಸೀತಟ್ಟೋ, ಸೀತಪೀಳಿತೋತಿ ವುತ್ತಂ ಹೋತಿ। ಸಿಲಕಬುದ್ಧೋತಿ ಪರಿಹಾಸವಚನಮೇತಂ। ಸಿಲಕಞ್ಹಿ ಕಞ್ಚಿ ದಿಸ್ವಾ ‘‘ಬುದ್ಧೋ ಅಯ’’ನ್ತಿ ವೋಹರನ್ತಿ।
627. Chaṭṭhavagge sītīkatoti sītaṭṭo, sītapīḷitoti vuttaṃ hoti. Silakabuddhoti parihāsavacanametaṃ. Silakañhi kañci disvā ‘‘buddho aya’’nti voharanti.
೬೩೪. ವಿಲೀವಚ್ಛತ್ತನ್ತಿ ವೇಣುವಿಲೀವೇಹಿ ಕತಂ ಛತ್ತಂ। ತತ್ಥಜಾತಕದಣ್ಡಕೇನ ಕತನ್ತಿ ತಾಲಪಣ್ಣಂ ಸಹ ದಣ್ಡಕೇನ ಛಿನ್ದಿತ್ವಾ ತಮೇವ ಛತ್ತದಣ್ಡಂ ಕರೋನ್ತಿ ಗೋಪಾಲಕಾದಯೋ ವಿಯ, ತಂ ಸನ್ಧಾಯೇತಂ ವುತ್ತಂ। ಛತ್ತಪಾದುಕಾಯ ವಾ ಠಿತಂ ಹೋತೀತಿ ಏತ್ಥ ಛತ್ತಪಾದುಕಾ ವುಚ್ಚತಿ ಛತ್ತಾಧಾರೋ। ಯಸ್ಮಿಂ ಛತ್ತಂ ಅಪತಮಾನಂ ಕತ್ವಾ ಠಪೇನ್ತಿ, ತಾದಿಸಿಕಾಯ ಛತ್ತಪಾದುಕಾಯ ಠಿತಂ ಛತ್ತಂ ‘‘ಛತ್ತ’’ನ್ತಿ ಅಜ್ಝಾಹರಿತಬ್ಬಂ। ‘‘ಛತ್ತಂ ಛತ್ತಪಾದುಕಾಯ ಠಿತ’’ನ್ತಿಪಿ ಪಠನ್ತಿ, ತತ್ಥಾಪಿ ಅಯಮೇವತ್ಥೋ।
634.Vilīvacchattanti veṇuvilīvehi kataṃ chattaṃ. Tatthajātakadaṇḍakena katanti tālapaṇṇaṃ saha daṇḍakena chinditvā tameva chattadaṇḍaṃ karonti gopālakādayo viya, taṃ sandhāyetaṃ vuttaṃ. Chattapādukāya vā ṭhitaṃ hotīti ettha chattapādukā vuccati chattādhāro. Yasmiṃ chattaṃ apatamānaṃ katvā ṭhapenti, tādisikāya chattapādukāya ṭhitaṃ chattaṃ ‘‘chatta’’nti ajjhāharitabbaṃ. ‘‘Chattaṃ chattapādukāya ṭhita’’ntipi paṭhanti, tatthāpi ayamevattho.
೬೩೭. ಚಾಪೋತಿ ಮಜ್ಝೇ ವಙ್ಕಾ ಕಾಚದಣ್ಡಸದಿಸಾ ಧನುವಿಕತಿ। ಕೋದಣ್ಡೋತಿ ವಟ್ಟಲದಣ್ಡಾ ಧನುವಿಕತಿ। ಪಟಿಮುಕ್ಕನ್ತಿ ಪವೇಸಿತಂ ಲಗ್ಗಿತಂ।
637.Cāpoti majjhe vaṅkā kācadaṇḍasadisā dhanuvikati. Kodaṇḍoti vaṭṭaladaṇḍā dhanuvikati. Paṭimukkanti pavesitaṃ laggitaṃ.
ಸುರುಸುರುವಗ್ಗವಣ್ಣನಾ ನಿಟ್ಠಿತಾ।
Surusuruvaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಿಭಙ್ಗ • Mahāvibhaṅga / ೬. ಸುರುಸುರುವಗ್ಗೋ • 6. Surusuruvaggo
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಿಭಙ್ಗ-ಅಟ್ಠಕಥಾ • Mahāvibhaṅga-aṭṭhakathā / ೬. ಸುರುಸುರುವಗ್ಗವಣ್ಣನಾ • 6. Surusuruvaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ೬. ಸುರುಸುರುವಗ್ಗವಣ್ಣನಾ • 6. Surusuruvaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ೬. ಸುರುಸುರುವಗ್ಗವಣ್ಣನಾ • 6. Surusuruvaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೬. ಸುರುಸುರುವಗ್ಗ-ಅತ್ಥಯೋಜನಾ • 6. Surusuruvagga-atthayojanā
