| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
6. සුරුසුරුවග්‌ගවණ්‌ණනා
6. Surusuruvaggavaṇṇanā
627. පාළියං සීතීකතොති සීතපීළිතො. සිලකබුද්‌ධොති පරිහාසවචනමෙතං. සිලකඤ්‌හි කිඤ්‌චි දිස්‌වා ‘‘බුද්‌ධො අය’’න්‌ති වොහරන්‌ති.
627. Pāḷiyaṃ sītīkatoti sītapīḷito. Silakabuddhoti parihāsavacanametaṃ. Silakañhi kiñci disvā ‘‘buddho aya’’nti voharanti.
628. ‘‘අඞ්‌ගුලියො මුඛෙ පවෙසෙත්‌වා භුඤ්‌ජිතුං වට්‌ටතී’’ති ඉමිනා සබ්‌බං හත්‌ථං අන්‌තොමුඛෙ පක්‌ඛිපනසික්‌ඛාපදස්‌සපි පවිට්‌ඨඞ්‌ගුලිනිල්‌ලෙහනෙන ඉමස්‌සපි සික්‌ඛාපදස්‌ස අනාපත්‌තිං දස්‌සෙති. එසෙව නයොති ඝනයාගුආදීසු පත්‌තං හත්‌ථෙන, ඔට්‌ඨඤ්‌ච ජිව්‌හාය නිල්‌ලෙහිතුං වට්‌ටතීති අතිදිසති. තස්‌මාති යස්‌මා ඝනයාගුආදිවිරහිතං නිල්‌ලෙහිතුං න වට්‌ටති.
628.‘‘Aṅguliyo mukhe pavesetvā bhuñjituṃ vaṭṭatī’’ti iminā sabbaṃ hatthaṃ antomukhe pakkhipanasikkhāpadassapi paviṭṭhaṅgulinillehanena imassapi sikkhāpadassa anāpattiṃ dasseti. Eseva nayoti ghanayāguādīsu pattaṃ hatthena, oṭṭhañca jivhāya nillehituṃ vaṭṭatīti atidisati. Tasmāti yasmā ghanayāguādivirahitaṃ nillehituṃ na vaṭṭati.
634. විලීවච්‌ඡත්‌තන්‌ති වෙණුපෙසිකාහි කතං. මණ්‌ඩලබද්‌ධානීති දීඝසලාකාසු තිරියං වලයාකාරෙන සලාකං ඨපෙත්‌වා සුත්‌තෙහි බද්‌ධානි දීඝඤ්‌ච තිරියඤ්‌ච උජුකමෙව සලාකායො ඨපෙත්‌වා දළ්‌හබද්‌ධානි චෙව තිරියං ඨපෙත්‌වා දීඝදණ්‌ඩකෙහෙව සඞ්‌කොචාරහං කත්‌වා සුත්‌තෙහෙව තිරියං බද්‌ධානි. තත්‌ථජාතකදණ්‌ඩකෙන කතන්‌ති සහ දණ්‌ඩකෙන ඡින්‌නතාලපණ්‌ණාදීහි කතං. ඡත්‌තපාදුකායාති යස්‌මිං ඡත්‌තදණ්‌ඩකොටිං පවෙසෙත්‌වා ඡත්‌තං උජුකං ඨපෙත්‌වා හෙට්‌ඨා ඡායාය නිසීදන්‌ති, තිට්‌ඨන්‌ති වා, තාදිසෙ ඡත්‌තාධාරෙ.
634.Vilīvacchattanti veṇupesikāhi kataṃ. Maṇḍalabaddhānīti dīghasalākāsu tiriyaṃ valayākārena salākaṃ ṭhapetvā suttehi baddhāni dīghañca tiriyañca ujukameva salākāyo ṭhapetvā daḷhabaddhāni ceva tiriyaṃ ṭhapetvā dīghadaṇḍakeheva saṅkocārahaṃ katvā sutteheva tiriyaṃ baddhāni. Tatthajātakadaṇḍakena katanti saha daṇḍakena chinnatālapaṇṇādīhi kataṃ. Chattapādukāyāti yasmiṃ chattadaṇḍakoṭiṃ pavesetvā chattaṃ ujukaṃ ṭhapetvā heṭṭhā chāyāya nisīdanti, tiṭṭhanti vā, tādise chattādhāre.
637. චාපොති මජ්‌ඣෙ වඞ්‌කකාජදණ්‌ඩසදිසා ධනුවිකති. කොදණ්‌ඩොති විද්‌ධදණ්‌ඩා ධනුවිකති.
637.Cāpoti majjhe vaṅkakājadaṇḍasadisā dhanuvikati. Kodaṇḍoti viddhadaṇḍā dhanuvikati.
සුරුසුරුවග්‌ගවණ්‌ණනා නිට්‌ඨිතා.
Surusuruvaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 6. සුරුසුරුවග්‌ගො • 6. Surusuruvaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 6. සුරුසුරුවග්‌ගවණ්‌ණනා • 6. Surusuruvaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 6. සුරුසුරුවග්‌ගවණ්‌ණනා • 6. Surusuruvaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 6. සුරුසුරුවග්‌ගවණ්‌ණනා • 6. Surusuruvaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 6. සුරුසුරුවග්‌ග-අත්‌ථයොජනා • 6. Surusuruvagga-atthayojanā
