| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
༦. སུརུསུརུཝགྒཝཎྞནཱ
6. Surusuruvaggavaṇṇanā
༦༢༧. ཚཊྛཝགྒེ སཱིཏཱིཀཏོཏི སཱིཏཊྚོ, སཱིཏཔཱིལི༹ཏོཏི ཝུཏྟཾ ཧོཏི། སིལཀབུདྡྷོཏི པརིཧཱསཝཙནམེཏཾ། སིལཀཉྷི ཀཉྩི དིསྭཱ ‘‘བུདྡྷོ ཨཡ’’ནྟི ཝོཧརནྟི།
627. Chaṭṭhavagge sītīkatoti sītaṭṭo, sītapīḷitoti vuttaṃ hoti. Silakabuddhoti parihāsavacanametaṃ. Silakañhi kañci disvā ‘‘buddho aya’’nti voharanti.
༦༣༤. ཝིལཱིཝཙྪཏྟནྟི ཝེཎུཝིལཱིཝེཧི ཀཏཾ ཚཏྟཾ། ཏཏྠཛཱཏཀདཎྜཀེན ཀཏནྟི ཏཱལཔཎྞཾ སཧ དཎྜཀེན ཚིནྡིཏྭཱ ཏམེཝ ཚཏྟདཎྜཾ ཀརོནྟི གོཔཱལཀཱདཡོ ཝིཡ, ཏཾ སནྡྷཱཡེཏཾ ཝུཏྟཾ། ཚཏྟཔཱདུཀཱཡ ཝཱ ཋིཏཾ ཧོཏཱིཏི ཨེཏྠ ཚཏྟཔཱདུཀཱ ཝུཙྩཏི ཚཏྟཱདྷཱརོ། ཡསྨིཾ ཚཏྟཾ ཨཔཏམཱནཾ ཀཏྭཱ ཋཔེནྟི, ཏཱདིསིཀཱཡ ཚཏྟཔཱདུཀཱཡ ཋིཏཾ ཚཏྟཾ ‘‘ཚཏྟ’’ནྟི ཨཛ྄ཛྷཱཧརིཏབྦཾ། ‘‘ཚཏྟཾ ཚཏྟཔཱདུཀཱཡ ཋིཏ’’ནྟིཔི པཋནྟི, ཏཏྠཱཔི ཨཡམེཝཏྠོ།
634.Vilīvacchattanti veṇuvilīvehi kataṃ chattaṃ. Tatthajātakadaṇḍakena katanti tālapaṇṇaṃ saha daṇḍakena chinditvā tameva chattadaṇḍaṃ karonti gopālakādayo viya, taṃ sandhāyetaṃ vuttaṃ. Chattapādukāya vā ṭhitaṃ hotīti ettha chattapādukā vuccati chattādhāro. Yasmiṃ chattaṃ apatamānaṃ katvā ṭhapenti, tādisikāya chattapādukāya ṭhitaṃ chattaṃ ‘‘chatta’’nti ajjhāharitabbaṃ. ‘‘Chattaṃ chattapādukāya ṭhita’’ntipi paṭhanti, tatthāpi ayamevattho.
༦༣༧. ཙཱཔོཏི མཛ྄ཛྷེ ཝངྐཱ ཀཱཙདཎྜསདིསཱ དྷནུཝིཀཏི། ཀོདཎྜོཏི ཝཊྚལདཎྜཱ དྷནུཝིཀཏི། པཊིམུཀྐནྟི པཝེསིཏཾ ལགྒིཏཾ།
637.Cāpoti majjhe vaṅkā kācadaṇḍasadisā dhanuvikati. Kodaṇḍoti vaṭṭaladaṇḍā dhanuvikati. Paṭimukkanti pavesitaṃ laggitaṃ.
སུརུསུརུཝགྒཝཎྞནཱ ནིཊྛིཏཱ།
Surusuruvaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༦. སུརུསུརུཝགྒོ • 6. Surusuruvaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༦. སུརུསུརུཝགྒཝཎྞནཱ • 6. Surusuruvaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༦. སུརུསུརུཝགྒཝཎྞནཱ • 6. Surusuruvaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༦. སུརུསུརུཝགྒཝཎྞནཱ • 6. Surusuruvaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༦. སུརུསུརུཝགྒ-ཨཏྠཡོཛནཱ • 6. Surusuruvagga-atthayojanā
