| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. сусаарад̣̇ад̇т̇зраг̇аат̇ааван̣н̣анаа
5. Susāradattheragāthāvaṇṇanā
саад̇ху сувихид̇аана д̣̇ассананд̇и ааяасмад̇о сусаарад̣̇ад̇т̇зрасса г̇аат̇аа. гаа уббад̇д̇и? со гира бад̣̇умуд̇д̇арасса бхаг̇авад̇о гаалз б̣раахман̣агулз ниб̣б̣ад̇д̇ид̇ваа виж̇ж̇аабад̣̇зсу нибпад̇д̇им̣ г̇анд̇ваа гаамзсу аад̣̇ийнавам̣ д̣̇исваа гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа химаванд̇аббад̣̇зсз аран̃н̃ааяад̇анз ассамам̣ гаарзд̇ваа вихааси. ат̇а нам̣ ануг̇г̇ан̣ханд̇о бад̣̇умуд̇д̇аро бхаг̇аваа бхигкаажааравзлааяам̣ убасан̇гами. со д̣̇уурад̇ова д̣̇исваа басаннамаанасо бажжуг̇г̇анд̇ваа бад̇д̇ам̣ г̇ахзд̇ваа мад̇хураани палаани багкибид̇ваа ад̣̇ааси. бхаг̇аваа д̇ам̣ бадиг̇г̇ахзд̇ваа анумод̣̇анам̣ гад̇ваа баггаами. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з д̇хаммасзнаабад̇ино н̃аад̇иб̣раахман̣агулз ниб̣б̣ад̇д̇ид̇ваа манд̣̇абан̃н̃ад̇д̇аа сусаарад̣̇од̇и г̇ахид̇анаамо абарабхааг̇з д̇хаммасзнаабад̇исса санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.13.75-83) –
Sādhusuvihitāna dassananti āyasmato susāradattherassa gāthā. Kā uppatti? So kira padumuttarassa bhagavato kāle brāhmaṇakule nibbattitvā vijjāpadesu nipphattiṃ gantvā kāmesu ādīnavaṃ disvā gharāvāsaṃ pahāya tāpasapabbajjaṃ pabbajitvā himavantappadese araññāyatane assamaṃ kāretvā vihāsi. Atha naṃ anuggaṇhanto padumuttaro bhagavā bhikkhācāravelāyaṃ upasaṅkami. So dūratova disvā pasannamānaso paccuggantvā pattaṃ gahetvā madhurāni phalāni pakkhipitvā adāsi. Bhagavā taṃ paṭiggahetvā anumodanaṃ katvā pakkāmi. So tena puññakammena devamanussesu saṃsaranto imasmiṃ buddhuppāde dhammasenāpatino ñātibrāhmaṇakule nibbattitvā mandapaññattā susāradoti gahitanāmo aparabhāge dhammasenāpatissa santike dhammaṃ sutvā paṭiladdhasaddho pabbajitvā vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 1.13.75-83) –
‘‘аж̇жхааяаго манд̇ад̇харо, д̇ин̣н̣ам̣ взд̣̇аана баараг̇уу;
‘‘Ajjhāyako mantadharo, tiṇṇaṃ vedāna pāragū;
химаванд̇ассаавид̣̇уурз, васаами ассамз ахам̣.
Himavantassāvidūre, vasāmi assame ahaṃ.
‘‘аг̇г̇ихуд̇д̇ан̃жа мз ад̇т̇и, бун̣д̣арийгапалаани жа;
‘‘Aggihuttañca me atthi, puṇḍarīkaphalāni ca;
будагз нигкибид̇ваана, д̣̇умаг̇г̇з лаг̇г̇ид̇ам̣ маяаа.
Puṭake nikkhipitvāna, dumagge laggitaṃ mayā.
‘‘бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо;
‘‘Padumuttaro lokavidū, āhutīnaṃ paṭiggaho;
мамуд̣̇д̇харид̇угаамо со, бхигканд̇о мамубааг̇ами.
Mamuddharitukāmo so, bhikkhanto mamupāgami.
‘‘басаннажид̇д̇о сумано, палам̣ б̣уд̣̇д̇хассад̣̇аасахам̣;
‘‘Pasannacitto sumano, phalaṃ buddhassadāsahaṃ;
вид̇д̇исан̃ж̇анано маяхам̣, д̣̇идтад̇хаммасукаавахо.
Vittisañjanano mayhaṃ, diṭṭhadhammasukhāvaho.
‘‘суван̣н̣аван̣н̣о самб̣уд̣̇д̇хо, аахуд̇ийнам̣ бадиг̇г̇ахо;
‘‘Suvaṇṇavaṇṇo sambuddho, āhutīnaṃ paṭiggaho;
анд̇алигкз тид̇о сад̇т̇аа, имам̣ г̇аат̇ам̣ абхаасат̇а.
Antalikkhe ṭhito satthā, imaṃ gāthaṃ abhāsatha.
‘‘иминаа палад̣̇аанзна, жзд̇анаабан̣ид̇хийхи жа;
‘‘Iminā phaladānena, cetanāpaṇidhīhi ca;
габбаанам̣ сад̇асахассам̣, д̣̇уг̇г̇ад̇им̣ нубабаж̇ж̇аси.
Kappānaṃ satasahassaṃ, duggatiṃ nupapajjasi.
‘‘д̇знзва суггамуулзна, анубход̇ваана самбад̣̇аа;
‘‘Teneva sukkamūlena, anubhotvāna sampadā;
бад̇д̇омхи ажалам̣ таанам̣, хид̇ваа ж̇аяабарааж̇аяам̣.
Pattomhi acalaṃ ṭhānaṃ, hitvā jayaparājayaṃ.
‘‘ид̇о сад̇д̇асад̇з габбз, рааж̇аа аасим̣ суман̇г̇ало;
‘‘Ito sattasate kappe, rājā āsiṃ sumaṅgalo;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа саббурисуубаниссаяаанисам̣сагид̇д̇анаабад̣̇зсзна ан̃н̃ам̣ б̣яаагаронд̇о –
Arahattaṃ pana patvā sappurisūpanissayānisaṃsakittanāpadesena aññaṃ byākaronto –
75.
75.
‘‘саад̇ху сувихид̇аана д̣̇ассанам̣, ган̇каа чиж̇ж̇ад̇и б̣уд̣̇д̇хи вад̣дхад̇и;
‘‘Sādhu suvihitāna dassanaṃ, kaṅkhā chijjati buddhi vaḍḍhati;
б̣ааламби гаронд̇и бан̣д̣ид̇ам̣, д̇асмаа саад̇ху сад̇ам̣ самааг̇амо’’д̇и. –
Bālampi karonti paṇḍitaṃ, tasmā sādhu sataṃ samāgamo’’ti. –
г̇аат̇ам̣ абхааси.
Gāthaṃ abhāsi.
д̇ад̇т̇а саад̇хууд̇и сунд̣̇арам̣, бхад̣̇д̣̇аганд̇и ад̇т̇о. сувихид̇аана д̣̇ассананд̇и сувихид̇аанам̣ д̣̇ассанам̣. г̇аат̇аасукад̇т̇ам̣ анусвааралобо гад̇о. сийлаад̣̇иг̇ун̣зхи сусам̣вихид̇ад̇д̇абхааваанам̣ бараануд̣̇д̣̇аяааяа судту вихид̇ад̇хаммад̣̇зсанаанам̣ арияаанам̣ д̣̇ассанам̣ саад̇хууд̇и яож̇анаа. ‘‘д̣̇ассана’’нд̇и нид̣̇ассанамад̇д̇ам̣ д̣̇адтаб̣б̣ам̣ саванаад̣̇ийнамби б̣ахугаарад̇д̇аа. вуд̇д̇ан̃хзд̇ам̣ бхаг̇авад̇аа –
Tattha sādhūti sundaraṃ, bhaddakanti attho. Suvihitāna dassananti suvihitānaṃ dassanaṃ. Gāthāsukhatthaṃ anusvāralopo kato. Sīlādiguṇehi susaṃvihitattabhāvānaṃ parānuddayāya suṭṭhu vihitadhammadesanānaṃ ariyānaṃ dassanaṃ sādhūti yojanā. ‘‘Dassana’’nti nidassanamattaṃ daṭṭhabbaṃ savanādīnampi bahukārattā. Vuttañhetaṃ bhagavatā –
‘‘яз д̇з бхигкуу сийласамбаннаа самаад̇хисамбаннаа бан̃н̃аасамбаннаа вимуд̇д̇исамбаннаа вимуд̇д̇ин̃аан̣ад̣̇ассанасамбаннаа оваад̣̇агаа вин̃н̃аабагаа санд̣̇ассагаа самаад̣̇абагаа самуд̇д̇зж̇агаа самбахам̣сагаа алам̣самагкаад̇ааро сад̣̇д̇хаммасса, д̣̇ассанамбаахам̣, бхигкавз, д̇зсам̣ бхигкуунам̣ б̣ахуубагаарам̣ вад̣̇аами, саванам̣…бз… убасан̇гаманам̣…бз… баяирубаасанам̣…бз… ануссаран̣ам̣…бз… анубаб̣б̣аж̇ж̇амбаахам̣, бхигкавз, д̇зсам̣ бхигкуунам̣ б̣ахуубагаарам̣ вад̣̇аамий’’д̇и (ид̇иву. 104).
‘‘Ye te bhikkhū sīlasampannā samādhisampannā paññāsampannā vimuttisampannā vimuttiñāṇadassanasampannā ovādakā viññāpakā sandassakā samādapakā samuttejakā sampahaṃsakā alaṃsamakkhātāro saddhammassa, dassanampāhaṃ, bhikkhave, tesaṃ bhikkhūnaṃ bahūpakāraṃ vadāmi, savanaṃ…pe… upasaṅkamanaṃ…pe… payirupāsanaṃ…pe… anussaraṇaṃ…pe… anupabbajjampāhaṃ, bhikkhave, tesaṃ bhikkhūnaṃ bahūpakāraṃ vadāmī’’ti (itivu. 104).
д̣̇ассанамуулагад̇д̇аа ваа ид̇арзсам̣ д̣̇ассанамзвзд̇т̇а вуд̇д̇ам̣, ган̇каа чиж̇ж̇ад̇ийд̇иаад̣̇и д̇ад̇т̇а гааран̣аважанам̣. д̇аад̣̇исаанан̃хи галяаан̣амид̇д̇аанам̣ д̣̇ассанз сад̇и вин̃н̃уж̇аад̇иго ад̇т̇агаамо гулабуд̇д̇о д̇з убасан̇гамад̇и баяирубаасад̇и ‘‘гим̣, бханд̇з, гусалам̣, гим̣ агусала’’нд̇иаад̣̇инаа (ма. ни. 3.296) бан̃хам̣ бужчад̇и. д̇з жасса анзгавихид̇зсу ган̇каадтаанийязсу ган̇кам̣ бадивинод̣̇знд̇и, д̇зна вуд̇д̇ам̣ ‘‘ган̇каа чиж̇ж̇ад̇ий’’д̇и. яасмаа жа д̇з д̇хаммад̣̇зсанааяа д̇зсам̣ ган̇кам̣ бадивинод̣̇зд̇ваа буб̣б̣абхааг̇з гаммабат̇асаммаад̣̇идтим̣ вибассанаасаммаад̣̇идтин̃жа уббаад̣̇знд̇и, д̇асмаа д̇зсам̣ б̣уд̣̇д̇хи вад̣дхад̇и. яад̣̇аа бана д̇з вибассанам̣ вад̣дхзд̇ваа сажжаани бадивиж̇жханд̇и, д̇ад̣̇аа сол̣асавад̇т̇угаа адтавад̇т̇угаа жа вижигижчаа чиж̇ж̇ад̇и самужчиж̇ж̇ад̇и, ниббарияааязна бан̃н̃аа б̣уд̣̇д̇хи вад̣дхад̇и. б̣ааляасамад̇иггаманад̇о д̇з бан̣д̣ид̇аа хонд̇и. со д̇зхи б̣уд̣̇д̇хим̣ вад̣дхзд̇и, б̣ааламби гаронд̇и бан̣д̣ид̇анд̇и. д̇асмаад̇иаад̣̇и ниг̇аманам̣, яасмаа саад̇хуунам̣ д̣̇ассанам̣ вуд̇д̇анаязна ган̇каа чиж̇ж̇ад̇и б̣уд̣̇д̇хи вад̣дхад̇и, д̇з б̣аалам̣ бан̣д̣ид̇ам̣ гаронд̇и, д̇асмаа д̇зна гааран̣зна саад̇ху сунд̣̇арам̣ сад̇ам̣ саббурисаанам̣ арияаанам̣ самааг̇амо, д̇зхи самод̇хаанам̣ саммаа вад̣дхананд̇и ад̇т̇о.
Dassanamūlakattā vā itaresaṃ dassanamevettha vuttaṃ, kaṅkhā chijjatītiādi tattha kāraṇavacanaṃ. Tādisānañhi kalyāṇamittānaṃ dassane sati viññujātiko atthakāmo kulaputto te upasaṅkamati payirupāsati ‘‘kiṃ, bhante, kusalaṃ, kiṃ akusala’’ntiādinā (ma. ni. 3.296) pañhaṃ pucchati. Te cassa anekavihitesu kaṅkhāṭṭhānīyesu kaṅkhaṃ paṭivinodenti, tena vuttaṃ ‘‘kaṅkhā chijjatī’’ti. Yasmā ca te dhammadesanāya tesaṃ kaṅkhaṃ paṭivinodetvā pubbabhāge kammapathasammādiṭṭhiṃ vipassanāsammādiṭṭhiñca uppādenti, tasmā tesaṃ buddhi vaḍḍhati. Yadā pana te vipassanaṃ vaḍḍhetvā saccāni paṭivijjhanti, tadā soḷasavatthukā aṭṭhavatthukā ca vicikicchā chijjati samucchijjati, nippariyāyena paññā buddhi vaḍḍhati. Bālyasamatikkamanato te paṇḍitā honti. So tehi buddhiṃ vaḍḍheti, bālampi karonti paṇḍitanti. Tasmātiādi nigamanaṃ, yasmā sādhūnaṃ dassanaṃ vuttanayena kaṅkhā chijjati buddhi vaḍḍhati, te bālaṃ paṇḍitaṃ karonti, tasmā tena kāraṇena sādhu sundaraṃ sataṃ sappurisānaṃ ariyānaṃ samāgamo, tehi samodhānaṃ sammā vaḍḍhananti attho.
сусаарад̣̇ад̇т̇зраг̇аат̇ааван̣н̣анаа нидтид̇аа.
Susāradattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 5. сусаарад̣̇ад̇т̇зраг̇аат̇аа • 5. Susāradattheragāthā
