| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๑๑. สุสีมชาตกํ (๗-๒-๖)
411. Susīmajātakaṃ (7-2-6)
๑๑๔.
114.
กาฬานิ เกสานิ ปุเร อเหสุํ, ชาตานิ สีสมฺหิ ยถาปเทเส;
Kāḷāni kesāni pure ahesuṃ, jātāni sīsamhi yathāpadese;
ตานชฺช เสตานิ สุสีม 1 ทิสฺวา, ธมฺมํ จร พฺรหฺมจริยสฺส กาโลฯ
Tānajja setāni susīma 2 disvā, dhammaṃ cara brahmacariyassa kālo.
๑๑๕.
115.
มเมว เทว ปลิตํ น ตุยฺหํ, มเมว สีสํ มม อุตฺตมงฺคํ;
Mameva deva palitaṃ na tuyhaṃ, mameva sīsaṃ mama uttamaṅgaṃ;
‘‘อตฺถํ กริสฺส’’นฺติ มุสา อภาณิํ 3, เอกาปราธํ ขม ราชเสฎฺฐฯ
‘‘Atthaṃ karissa’’nti musā abhāṇiṃ 4, ekāparādhaṃ khama rājaseṭṭha.
๑๑๖.
116.
ทหโร ตุวํ ทสฺสนิโยสิ ราช, ปฐมุคฺคโต โหสิ 5 ยถา กฬีโร;
Daharo tuvaṃ dassaniyosi rāja, paṭhamuggato hosi 6 yathā kaḷīro;
รชฺชญฺจ กาเรหิ มมญฺจ ปสฺส, มา กาลิกํ อนุธาวี ชนินฺทฯ
Rajjañca kārehi mamañca passa, mā kālikaṃ anudhāvī janinda.
๑๑๗.
117.
ปสฺสามิ โวหํ ทหริํ กุมาริํ, สามฎฺฐปสฺสํ สุตนุํ สุมชฺฌํ;
Passāmi vohaṃ dahariṃ kumāriṃ, sāmaṭṭhapassaṃ sutanuṃ sumajjhaṃ;
กาฬปฺปวาฬาว ปเวลฺลมานา, ปโลภยนฺตีว 7 นเรสุ คจฺฉติฯ
Kāḷappavāḷāva pavellamānā, palobhayantīva 8 naresu gacchati.
๑๑๘.
118.
ตเมน ปสฺสามิปเรน นาริํ, อาสีติกํ นาวุติกํ ว ชจฺจา;
Tamena passāmiparena nāriṃ, āsītikaṃ nāvutikaṃ va jaccā;
ทณฺฑํ คเหตฺวาน ปเวธมานํ, โคปานสีโภคฺคสมํ จรนฺติํฯ
Daṇḍaṃ gahetvāna pavedhamānaṃ, gopānasībhoggasamaṃ carantiṃ.
๑๑๙.
119.
โสหํ ตเมวานุวิจินฺตยโนฺต, เอโก สยามิ 9 สยนสฺส มเชฺฌ;
Sohaṃ tamevānuvicintayanto, eko sayāmi 10 sayanassa majjhe;
‘‘อหมฺปิ เอวํ’’ อิติ เปกฺขมาโน, น คเห รเม 11 พฺรหฺมจริยสฺส กาโลฯ
‘‘Ahampi evaṃ’’ iti pekkhamāno, na gahe rame 12 brahmacariyassa kālo.
๑๒๐.
120.
รชฺชุวาลมฺพนี เจสา, ยา เคเห วสโต รติ;
Rajjuvālambanī cesā, yā gehe vasato rati;
เอวมฺปิ เฉตฺวาน วชนฺติ ธีรา, อนเปกฺขิโน กามสุขํ ปหายาติฯ
Evampi chetvāna vajanti dhīrā, anapekkhino kāmasukhaṃ pahāyāti.
สุสีมชาตกํ ฉฎฺฐํฯ
Susīmajātakaṃ chaṭṭhaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๑๑] ๖. สุสีมชาตกวณฺณนา • [411] 6. Susīmajātakavaṇṇanā
