| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤១១. សុសីមជាតកំ (៧-២-៦)
411. Susīmajātakaṃ (7-2-6)
១១៤.
114.
កាឡានិ កេសានិ បុរេ អហេសុំ, ជាតានិ សីសម្ហិ យថាបទេសេ;
Kāḷāni kesāni pure ahesuṃ, jātāni sīsamhi yathāpadese;
តានជ្ជ សេតានិ សុសីម 1 ទិស្វា, ធម្មំ ចរ ព្រហ្មចរិយស្ស កាលោ។
Tānajja setāni susīma 2 disvā, dhammaṃ cara brahmacariyassa kālo.
១១៥.
115.
មមេវ ទេវ បលិតំ ន តុយ្ហំ, មមេវ សីសំ មម ឧត្តមង្គំ;
Mameva deva palitaṃ na tuyhaṃ, mameva sīsaṃ mama uttamaṅgaṃ;
‘‘អត្ថំ ករិស្ស’’ន្តិ មុសា អភាណិំ 3, ឯកាបរាធំ ខម រាជសេដ្ឋ។
‘‘Atthaṃ karissa’’nti musā abhāṇiṃ 4, ekāparādhaṃ khama rājaseṭṭha.
១១៦.
116.
ទហរោ តុវំ ទស្សនិយោសិ រាជ, បឋមុគ្គតោ ហោសិ 5 យថា កឡីរោ;
Daharo tuvaṃ dassaniyosi rāja, paṭhamuggato hosi 6 yathā kaḷīro;
រជ្ជញ្ច ការេហិ មមញ្ច បស្ស, មា កាលិកំ អនុធាវី ជនិន្ទ។
Rajjañca kārehi mamañca passa, mā kālikaṃ anudhāvī janinda.
១១៧.
117.
បស្សាមិ វោហំ ទហរិំ កុមារិំ, សាមដ្ឋបស្សំ សុតនុំ សុមជ្ឈំ;
Passāmi vohaṃ dahariṃ kumāriṃ, sāmaṭṭhapassaṃ sutanuṃ sumajjhaṃ;
កាឡប្បវាឡាវ បវេល្លមានា, បលោភយន្តីវ 7 នរេសុ គច្ឆតិ។
Kāḷappavāḷāva pavellamānā, palobhayantīva 8 naresu gacchati.
១១៨.
118.
តមេន បស្សាមិបរេន នារិំ, អាសីតិកំ នាវុតិកំ វ ជច្ចា;
Tamena passāmiparena nāriṃ, āsītikaṃ nāvutikaṃ va jaccā;
ទណ្ឌំ គហេត្វាន បវេធមានំ, គោបានសីភោគ្គសមំ ចរន្តិំ។
Daṇḍaṃ gahetvāna pavedhamānaṃ, gopānasībhoggasamaṃ carantiṃ.
១១៩.
119.
សោហំ តមេវានុវិចិន្តយន្តោ, ឯកោ សយាមិ 9 សយនស្ស មជ្ឈេ;
Sohaṃ tamevānuvicintayanto, eko sayāmi 10 sayanassa majjhe;
‘‘អហម្បិ ឯវំ’’ ឥតិ បេក្ខមានោ, ន គហេ រមេ 11 ព្រហ្មចរិយស្ស កាលោ។
‘‘Ahampi evaṃ’’ iti pekkhamāno, na gahe rame 12 brahmacariyassa kālo.
១២០.
120.
រជ្ជុវាលម្ពនី ចេសា, យា គេហេ វសតោ រតិ;
Rajjuvālambanī cesā, yā gehe vasato rati;
ឯវម្បិ ឆេត្វាន វជន្តិ ធីរា, អនបេក្ខិនោ កាមសុខំ បហាយាតិ។
Evampi chetvāna vajanti dhīrā, anapekkhino kāmasukhaṃ pahāyāti.
សុសីមជាតកំ ឆដ្ឋំ។
Susīmajātakaṃ chaṭṭhaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤១១] ៦. សុសីមជាតកវណ្ណនា • [411] 6. Susīmajātakavaṇṇanā
