| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
411. සුසීමජාතකං (7-2-6)
411. Susīmajātakaṃ (7-2-6)
114.
114.
කාළානි කෙසානි පුරෙ අහෙසුං, ජාතානි සීසම්‌හි යථාපදෙසෙ;
Kāḷāni kesāni pure ahesuṃ, jātāni sīsamhi yathāpadese;
තානජ්‌ජ සෙතානි සුසීම 1 දිස්‌වා, ධම්‌මං චර බ්‍රහ්‌මචරියස්‌ස කාලො.
Tānajja setāni susīma 2 disvā, dhammaṃ cara brahmacariyassa kālo.
115.
115.
මමෙව දෙව පලිතං න තුය්‌හං, මමෙව සීසං මම උත්‌තමඞ්‌ගං;
Mameva deva palitaṃ na tuyhaṃ, mameva sīsaṃ mama uttamaṅgaṃ;
‘‘අත්‌ථං කරිස්‌ස’’න්‌ති මුසා අභාණිං 3, එකාපරාධං ඛම රාජසෙට්‌ඨ.
‘‘Atthaṃ karissa’’nti musā abhāṇiṃ 4, ekāparādhaṃ khama rājaseṭṭha.
116.
116.
දහරො තුවං දස්‌සනියොසි රාජ, පඨමුග්‌ගතො හොසි 5 යථා කළීරො;
Daharo tuvaṃ dassaniyosi rāja, paṭhamuggato hosi 6 yathā kaḷīro;
රජ්‌ජඤ්‌ච කාරෙහි මමඤ්‌ච පස්‌ස, මා කාලිකං අනුධාවී ජනින්‌ද.
Rajjañca kārehi mamañca passa, mā kālikaṃ anudhāvī janinda.
117.
117.
පස්‌සාමි වොහං දහරිං කුමාරිං, සාමට්‌ඨපස්‌සං සුතනුං සුමජ්‌ඣං;
Passāmi vohaṃ dahariṃ kumāriṃ, sāmaṭṭhapassaṃ sutanuṃ sumajjhaṃ;
කාළප්‌පවාළාව පවෙල්‌ලමානා, පලොභයන්‌තීව 7 නරෙසු ගච්‌ඡති.
Kāḷappavāḷāva pavellamānā, palobhayantīva 8 naresu gacchati.
118.
118.
තමෙන පස්‌සාමිපරෙන නාරිං, ආසීතිකං නාවුතිකං ව ජච්‌චා;
Tamena passāmiparena nāriṃ, āsītikaṃ nāvutikaṃ va jaccā;
දණ්‌ඩං ගහෙත්‌වාන පවෙධමානං, ගොපානසීභොග්‌ගසමං චරන්‌තිං.
Daṇḍaṃ gahetvāna pavedhamānaṃ, gopānasībhoggasamaṃ carantiṃ.
119.
119.
සොහං තමෙවානුවිචින්‌තයන්‌තො, එකො සයාමි 9 සයනස්‌ස මජ්‌ඣෙ;
Sohaṃ tamevānuvicintayanto, eko sayāmi 10 sayanassa majjhe;
‘‘අහම්‌පි එවං’’ ඉති පෙක්‌ඛමානො, න ගහෙ රමෙ 11 බ්‍රහ්‌මචරියස්‌ස කාලො.
‘‘Ahampi evaṃ’’ iti pekkhamāno, na gahe rame 12 brahmacariyassa kālo.
120.
120.
රජ්‌ජුවාලම්‌බනී චෙසා, යා ගෙහෙ වසතො රති;
Rajjuvālambanī cesā, yā gehe vasato rati;
එවම්‌පි ඡෙත්‌වාන වජන්‌ති ධීරා, අනපෙක්‌ඛිනො කාමසුඛං පහායාති.
Evampi chetvāna vajanti dhīrā, anapekkhino kāmasukhaṃ pahāyāti.
සුසීමජාතකං ඡට්‌ඨං.
Susīmajātakaṃ chaṭṭhaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ජාතක-අට්‌ඨකථා • Jātaka-aṭṭhakathā / [411] 6. සුසීමජාතකවණ්‌ණනා • [411] 6. Susīmajātakavaṇṇanā
