| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[163] 3. сусиймаж̇аад̇агаван̣н̣анаа
[163] 3. Susīmajātakavaṇṇanā
гаал̣аа миг̇аа сзд̇ад̣̇анд̇аа д̇авиймзд̇и ид̣̇ам̣ сад̇т̇аа ж̇зд̇аванз вихаранд̇о чанд̣̇агад̣̇аанам̣ аараб̣бха гат̇зси. саавад̇т̇ияан̃хи гад̣̇аажи згамзва гулам̣ б̣уд̣̇д̇хаббамукасса бхигкусан̇гхасса д̣̇аанам̣ д̣̇зд̇и, гад̣̇аажи ан̃н̃ад̇ид̇т̇ияаанам̣ д̣̇зд̇и, гад̣̇аажи г̇ан̣аб̣анд̇ханзна б̣ахуу згад̇о худ̇ваа д̣̇знд̇и, гад̣̇аажи вийт̇исабхааг̇зна, гад̣̇аажи сагаланаг̇араваасино чанд̣̇агам̣ сам̣харид̇ваа д̣̇аанам̣ д̣̇знд̇и. имасмим̣ бана гаалз сагаланаг̇араваасино чанд̣̇агам̣ сам̣харид̇ваа саб̣б̣абаригкаарад̣̇аанам̣ саж̇ж̇зд̇ваа д̣̇вз годтаасаа худ̇ваа згажжз ‘‘имам̣ саб̣б̣абаригкаарад̣̇аанам̣ ан̃н̃ад̇ид̇т̇ияаанам̣ д̣̇ассаамаа’’д̇и аахам̣су, згажжз ‘‘б̣уд̣̇д̇хаббамукасса бхигкусан̇гхассаа’’д̇и. звам̣ бунаббунам̣ гат̇ааяа вад̇д̇амаанааяа ан̃н̃ад̇ид̇т̇ияасаавагзхи ан̃н̃ад̇ид̇т̇ияаанан̃н̃зва , б̣уд̣̇д̇хасаавагзхи ‘‘‘б̣уд̣̇д̇хаббамукасса бхигкусан̇гхассзваа’д̇и вуд̇д̇з самб̣ахулам̣ гарисаамаа’’д̇и самб̣ахулааяа гат̇ааяа ‘‘б̣уд̣̇д̇хаббамукасса бхигкусан̇гхасса д̣̇ассаамаа’’д̇и вад̣̇анд̇ааязва б̣ахугаа ж̇аад̇аа, д̇зсан̃н̃зва гат̇аа бад̇идтааси . ан̃н̃ад̇ид̇т̇ияасаавагаа б̣уд̣̇д̇хаанам̣ д̣̇аад̇аб̣б̣ад̣̇аанасса анд̇арааяам̣ гаад̇ум̣ наасагким̣су. нааг̇араа б̣уд̣̇д̇хаббамукам̣ бхигкусан̇гхам̣ ниманд̇зд̇ваа сад̇д̇аахам̣ махаад̣̇аанам̣ бавад̇д̇зд̇ваа сад̇д̇амз д̣̇ивасз саб̣б̣абаригкаарз ад̣̇ам̣су. сад̇т̇аа анумод̣̇анам̣ гад̇ваа махааж̇анам̣ маг̇г̇апалзхи баб̣од̇хзд̇ваа ж̇зд̇аванавихаарамзва г̇анд̇ваа бхигкусан̇гхзна вад̇д̇з д̣̇ассид̇з г̇анд̇хагудиббамукз тад̇ваа суг̇ад̇оваад̣̇ам̣ д̣̇ад̇ваа г̇анд̇хагудим̣ баависи.
Kāḷā migā setadantā tavīmeti idaṃ satthā jetavane viharanto chandakadānaṃ ārabbha kathesi. Sāvatthiyañhi kadāci ekameva kulaṃ buddhappamukhassa bhikkhusaṅghassa dānaṃ deti, kadāci aññatitthiyānaṃ deti, kadāci gaṇabandhanena bahū ekato hutvā denti, kadāci vīthisabhāgena, kadāci sakalanagaravāsino chandakaṃ saṃharitvā dānaṃ denti. Imasmiṃ pana kāle sakalanagaravāsino chandakaṃ saṃharitvā sabbaparikkhāradānaṃ sajjetvā dve koṭṭhāsā hutvā ekacce ‘‘imaṃ sabbaparikkhāradānaṃ aññatitthiyānaṃ dassāmā’’ti āhaṃsu, ekacce ‘‘buddhappamukhassa bhikkhusaṅghassā’’ti. Evaṃ punappunaṃ kathāya vattamānāya aññatitthiyasāvakehi aññatitthiyānaññeva , buddhasāvakehi ‘‘‘buddhappamukhassa bhikkhusaṅghassevā’ti vutte sambahulaṃ karisāmā’’ti sambahulāya kathāya ‘‘buddhappamukhassa bhikkhusaṅghassa dassāmā’’ti vadantāyeva bahukā jātā, tesaññeva kathā patiṭṭhāsi . Aññatitthiyasāvakā buddhānaṃ dātabbadānassa antarāyaṃ kātuṃ nāsakkhiṃsu. Nāgarā buddhappamukhaṃ bhikkhusaṅghaṃ nimantetvā sattāhaṃ mahādānaṃ pavattetvā sattame divase sabbaparikkhāre adaṃsu. Satthā anumodanaṃ katvā mahājanaṃ maggaphalehi pabodhetvā jetavanavihārameva gantvā bhikkhusaṅghena vatte dassite gandhakuṭippamukhe ṭhatvā sugatovādaṃ datvā gandhakuṭiṃ pāvisi.
сааяанхасамаяз бхигкуу д̇хаммасабхааяам̣ саннибад̇ид̇ваа гат̇ам̣ самудтаабзсум̣ – ‘‘аавусо, ан̃н̃ад̇ид̇т̇ияасаавагаа б̣уд̣̇д̇хаанам̣ д̣̇аад̇аб̣б̣ад̣̇аанасса анд̇арааяагаран̣ад̇т̇ааяа вааяаманд̇ааби анд̇арааяам̣ гаад̇ум̣ наасагким̣су, д̇ам̣ саб̣б̣абаригкаарад̣̇аанам̣ б̣уд̣̇д̇хаанам̣язва баад̣̇амуулам̣ ааг̇ад̇ам̣, ахо б̣уд̣̇д̇хаб̣алам̣ наама маханд̇а’’нд̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, зд̇з ан̃н̃ад̇ид̇т̇ияасаавагаа ид̣̇аанзва маяхам̣ д̣̇аад̇аб̣б̣ад̣̇аанасса анд̇арааяагаран̣ад̇т̇ааяа вааяаманд̇и, буб̣б̣зби вааяамим̣су, со бана баригкааро саб̣б̣агаалзби мамзва баад̣̇амуулам̣ ааг̇ажчад̇ий’’д̇и вад̇ваа ад̇ийд̇ам̣ аахари.
Sāyanhasamaye bhikkhū dhammasabhāyaṃ sannipatitvā kathaṃ samuṭṭhāpesuṃ – ‘‘āvuso, aññatitthiyasāvakā buddhānaṃ dātabbadānassa antarāyakaraṇatthāya vāyamantāpi antarāyaṃ kātuṃ nāsakkhiṃsu, taṃ sabbaparikkhāradānaṃ buddhānaṃyeva pādamūlaṃ āgataṃ, aho buddhabalaṃ nāma mahanta’’nti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, ete aññatitthiyasāvakā idāneva mayhaṃ dātabbadānassa antarāyakaraṇatthāya vāyamanti, pubbepi vāyamiṃsu, so pana parikkhāro sabbakālepi mameva pādamūlaṃ āgacchatī’’ti vatvā atītaṃ āhari.
ад̇ийд̇з б̣аараан̣асияам̣ сусиймо наама рааж̇аа ахоси. д̇ад̣̇аа б̣од̇хисад̇д̇о д̇асса бурохид̇асса б̣раахман̣ияаа гужчимхи бадисанд̇хим̣ г̇ан̣хи, д̇асса сол̣асавассигагаалз бид̇аа гааламагааси. со бана д̇харамаанагаалз ран̃н̃о хад̇т̇иман̇г̇алагаараго ахоси. хад̇т̇ийнам̣ ман̇г̇алагаран̣адтаанз аабхад̇аубагаран̣абхан̣д̣ан̃жа хад̇т̇аалан̇гааран̃жа саб̣б̣ам̣ соязва алад̇т̇а. звамасса згзгасмим̣ ман̇г̇алз годимад̇д̇ам̣ д̇ханам̣ уббаж̇ж̇ад̇и. ат̇а д̇асмим̣ гаалз хад̇т̇иман̇г̇алачан̣о самбаабун̣и. сзсаа б̣раахман̣аа рааж̇аанам̣ убасан̇гамид̇ваа ‘‘махаарааж̇а, хад̇т̇иман̇г̇алачан̣о самбад̇д̇о, ман̇г̇алам̣ гаад̇ум̣ ваддад̇и. бурохид̇аб̣раахман̣асса бана буд̇д̇о ад̇ид̣̇ахаро, нзва д̇аяо взд̣̇з ж̇аанаад̇и, на хад̇т̇исуд̇д̇ам̣, маяам̣ хад̇т̇иман̇г̇алам̣ гариссаамаа’’д̇и аахам̣су. рааж̇аа ‘‘саад̇хуу’’д̇и самбадижчи. б̣раахман̣аа бурохид̇абуд̇д̇асса хад̇т̇иман̇г̇алам̣ гаад̇ум̣ ад̣̇ад̇ваа ‘‘хад̇т̇иман̇г̇алам̣ гад̇ваа маяам̣ д̇ханам̣ г̇ан̣хиссаамаа’’д̇и хадтад̇удтаа вижаранд̇и. ат̇а ‘‘жад̇уд̇т̇з д̣̇ивасз хад̇т̇иман̇г̇алам̣ бхависсад̇ий’’д̇и б̣од̇хисад̇д̇асса маад̇аа д̇ам̣ бавад̇д̇им̣ суд̇ваа ‘‘хад̇т̇иман̇г̇алагаран̣ам̣ наама яаава сад̇д̇амаа гулабариваддаа амхаагам̣ вам̣со, вам̣со жа но осаггиссад̇и, д̇ханаа жа барихааяиссаамаа’’д̇и анусожамаанаа барод̣̇и.
Atīte bārāṇasiyaṃ susīmo nāma rājā ahosi. Tadā bodhisatto tassa purohitassa brāhmaṇiyā kucchimhi paṭisandhiṃ gaṇhi, tassa soḷasavassikakāle pitā kālamakāsi. So pana dharamānakāle rañño hatthimaṅgalakārako ahosi. Hatthīnaṃ maṅgalakaraṇaṭṭhāne ābhataupakaraṇabhaṇḍañca hatthālaṅkārañca sabbaṃ soyeva alattha. Evamassa ekekasmiṃ maṅgale koṭimattaṃ dhanaṃ uppajjati. Atha tasmiṃ kāle hatthimaṅgalachaṇo sampāpuṇi. Sesā brāhmaṇā rājānaṃ upasaṅkamitvā ‘‘mahārāja, hatthimaṅgalachaṇo sampatto, maṅgalaṃ kātuṃ vaṭṭati. Purohitabrāhmaṇassa pana putto atidaharo, neva tayo vede jānāti, na hatthisuttaṃ, mayaṃ hatthimaṅgalaṃ karissāmā’’ti āhaṃsu. Rājā ‘‘sādhū’’ti sampaṭicchi. Brāhmaṇā purohitaputtassa hatthimaṅgalaṃ kātuṃ adatvā ‘‘hatthimaṅgalaṃ katvā mayaṃ dhanaṃ gaṇhissāmā’’ti haṭṭhatuṭṭhā vicaranti. Atha ‘‘catutthe divase hatthimaṅgalaṃ bhavissatī’’ti bodhisattassa mātā taṃ pavattiṃ sutvā ‘‘hatthimaṅgalakaraṇaṃ nāma yāva sattamā kulaparivaṭṭā amhākaṃ vaṃso, vaṃso ca no osakkissati, dhanā ca parihāyissāmā’’ti anusocamānā parodi.
б̣од̇хисад̇д̇о ‘‘гасмаа, амма, род̣̇асий’’д̇и вад̇ваа д̇ам̣ гааран̣ам̣ суд̇ваа ‘‘нану, амма, ахам̣ ман̇г̇алам̣ гариссаамий’’д̇и ааха. ‘‘д̇аад̇а, д̇вам̣ нзва д̇аяо взд̣̇з ж̇аанааси, на хад̇т̇исуд̇д̇ам̣, гат̇ам̣ ман̇г̇алам̣ гариссасий’’д̇и. ‘‘амма, гад̣̇аа бана хад̇т̇иман̇г̇алам̣ гариссад̇ий’’д̇и? ‘‘ид̇о жад̇уд̇т̇з д̣̇ивасз, д̇аад̇аа’’д̇и. ‘‘амма, д̇аяо бана взд̣̇з баг̇ун̣з гад̇ваа хад̇т̇исуд̇д̇ам̣ ж̇аананагааажарияо гахам̣ васад̇ий’’д̇и? ‘‘д̇аад̇а, зваруубо д̣̇исаабаамогко аажарияо ид̇о вийсаяож̇анасад̇амад̇т̇агз г̇анд̇хаарарадтз д̇аггасилааяам̣ васад̇ий’’д̇и. ‘‘амма, амхаагам̣ вам̣сам̣ на наасзссаами, ахам̣ свз згад̣̇ивасзнзва д̇аггасилам̣ г̇анд̇ваа згарад̇д̇знзва д̇аяо взд̣̇з жа хад̇т̇исуд̇д̇ан̃жа уг̇г̇ан̣хид̇ваа бунад̣̇ивасз ааг̇анд̇ваа жад̇уд̇т̇з д̣̇ивасз хад̇т̇иман̇г̇алам̣ гариссаами, маа род̣̇ий’’д̇и маад̇арам̣ самассаасзд̇ваа бунад̣̇ивасз б̣од̇хисад̇д̇о баад̇ова бхун̃ж̇ид̇ваа згагова нигкамид̇ваа згад̣̇ивасзнзва д̇аггасилам̣ г̇анд̇ваа аажарияам̣ ванд̣̇ид̇ваа згаманд̇ам̣ нисийд̣̇и.
Bodhisatto ‘‘kasmā, amma, rodasī’’ti vatvā taṃ kāraṇaṃ sutvā ‘‘nanu, amma, ahaṃ maṅgalaṃ karissāmī’’ti āha. ‘‘Tāta, tvaṃ neva tayo vede jānāsi, na hatthisuttaṃ, kathaṃ maṅgalaṃ karissasī’’ti. ‘‘Amma, kadā pana hatthimaṅgalaṃ karissatī’’ti? ‘‘Ito catutthe divase, tātā’’ti. ‘‘Amma, tayo pana vede paguṇe katvā hatthisuttaṃ jānanakaācariyo kahaṃ vasatī’’ti? ‘‘Tāta, evarūpo disāpāmokkho ācariyo ito vīsayojanasatamatthake gandhāraraṭṭhe takkasilāyaṃ vasatī’’ti. ‘‘Amma, amhākaṃ vaṃsaṃ na nāsessāmi, ahaṃ sve ekadivaseneva takkasilaṃ gantvā ekaratteneva tayo vede ca hatthisuttañca uggaṇhitvā punadivase āgantvā catutthe divase hatthimaṅgalaṃ karissāmi, mā rodī’’ti mātaraṃ samassāsetvā punadivase bodhisatto pātova bhuñjitvā ekakova nikkhamitvā ekadivaseneva takkasilaṃ gantvā ācariyaṃ vanditvā ekamantaṃ nisīdi.
ат̇а нам̣ аажарияо ‘‘гуд̇о ааг̇ад̇оси, д̇аад̇аа’’д̇и бужчи. ‘‘б̣аараан̣асид̇о, аажарияаа’’д̇и. ‘‘гзнад̇т̇знаа’’д̇и? ‘‘д̇умхаагам̣ санд̇игз д̇аяо взд̣̇з жа хад̇т̇исуд̇д̇ан̃жа уг̇г̇ан̣ханад̇т̇ааяаа’’д̇и. ‘‘саад̇ху, д̇аад̇а, уг̇г̇ан̣хаа’’д̇и. б̣од̇хисад̇д̇о ‘‘аажарияа, маяхам̣ гаммам̣ ажжааяига’’нд̇и саб̣б̣ам̣ бавад̇д̇им̣ аарожзд̇ваа ‘‘ахам̣ згад̣̇ивасзнзва вийсаяож̇анасад̇ам̣ ааг̇ад̇о, аж̇ж̇звзгарад̇д̇им̣ маяхамзва огаасам̣ гарот̇а, ид̇о д̇ад̇ияад̣̇ивасз хад̇т̇иман̇г̇алам̣ бхависсад̇и, ахам̣ згзнзва уд̣̇д̣̇зсамаг̇г̇зна саб̣б̣ам̣ уг̇г̇ан̣хиссаамий’’д̇и вад̇ваа аажарияам̣ огаасам̣ гаарзд̇ваа аажарияасса бхуд̇д̇агаалз саяам̣ бхун̃ж̇ид̇ваа аажарияасса баад̣̇з д̇ховид̇ваа сахассад̇т̇авигам̣ бурад̇о табзд̇ваа ванд̣̇ид̇ваа згаманд̇ам̣ нисинно барияад̇д̇им̣ бадтабзд̇ваа арун̣з уг̇г̇ажчанд̇з д̇аяо взд̣̇з жа хад̇т̇исуд̇д̇ан̃жа нидтабзд̇ваа ‘‘ан̃н̃оби ад̇т̇и, аажарияаа’’д̇и бужчид̇ваа ‘‘над̇т̇и д̇аад̇а, саб̣б̣ам̣ нидтид̇а’’нд̇и вуд̇д̇з ‘‘аажарияа, имасмим̣ г̇ант̇з зд̇д̇агам̣ бад̣̇абажжаабхадтам̣, зд̇д̇агам̣ саж̇жхааяасаммохадтаанам̣, ид̇о бадтааяа д̇умхз анд̇зваасигз звам̣ ваажзяяаат̇аа’’д̇и аажарияасса сиббам̣ сод̇хзд̇ваа баад̇ова бхун̃ж̇ид̇ваа аажарияам̣ ванд̣̇ид̇ваа згад̣̇ивасзнзва б̣аараан̣асим̣ бажжааг̇анд̇ваа маад̇арам̣ ванд̣̇ид̇ваа ‘‘уг̇г̇ахид̇ам̣ д̇з, д̇аад̇а, сибба’’нд̇и вуд̇д̇з ‘‘аама, аммаа’’д̇и вад̇ваа маад̇арам̣ барид̇осзси.
Atha naṃ ācariyo ‘‘kuto āgatosi, tātā’’ti pucchi. ‘‘Bārāṇasito, ācariyā’’ti. ‘‘Kenatthenā’’ti? ‘‘Tumhākaṃ santike tayo vede ca hatthisuttañca uggaṇhanatthāyā’’ti. ‘‘Sādhu, tāta, uggaṇhā’’ti. Bodhisatto ‘‘ācariya, mayhaṃ kammaṃ accāyika’’nti sabbaṃ pavattiṃ ārocetvā ‘‘ahaṃ ekadivaseneva vīsayojanasataṃ āgato, ajjevekarattiṃ mayhameva okāsaṃ karotha, ito tatiyadivase hatthimaṅgalaṃ bhavissati, ahaṃ ekeneva uddesamaggena sabbaṃ uggaṇhissāmī’’ti vatvā ācariyaṃ okāsaṃ kāretvā ācariyassa bhuttakāle sayaṃ bhuñjitvā ācariyassa pāde dhovitvā sahassatthavikaṃ purato ṭhapetvā vanditvā ekamantaṃ nisinno pariyattiṃ paṭṭhapetvā aruṇe uggacchante tayo vede ca hatthisuttañca niṭṭhapetvā ‘‘aññopi atthi, ācariyā’’ti pucchitvā ‘‘natthi tāta, sabbaṃ niṭṭhita’’nti vutte ‘‘ācariya, imasmiṃ ganthe ettakaṃ padapaccābhaṭṭhaṃ, ettakaṃ sajjhāyasammohaṭṭhānaṃ, ito paṭṭhāya tumhe antevāsike evaṃ vāceyyāthā’’ti ācariyassa sippaṃ sodhetvā pātova bhuñjitvā ācariyaṃ vanditvā ekadivaseneva bārāṇasiṃ paccāgantvā mātaraṃ vanditvā ‘‘uggahitaṃ te, tāta, sippa’’nti vutte ‘‘āma, ammā’’ti vatvā mātaraṃ paritosesi.
бунад̣̇ивасз хад̇т̇иман̇г̇алачан̣о бадияаад̣̇ияид̇т̇а. сад̇амад̇д̇з хад̇т̇исон̣д̣аалан̇гаарз жа суван̣н̣ад̣̇д̇хаж̇з хзмаж̇ааласан̃чаннз гад̇ваа табзсум̣, рааж̇ан̇г̇ан̣ам̣ алан̇гарим̣су. б̣раахман̣аа ‘‘маяам̣ хад̇т̇иман̇г̇алам̣ гариссаама, маяам̣ гариссаамаа’’д̇и ман̣д̣ид̇абасаад̇хид̇аа адтам̣су. сусиймоби рааж̇аа саб̣б̣аалан̇гаарабадиман̣д̣ид̇о убагаран̣абхан̣д̣ам̣ г̇аахаабзд̇ваа ман̇г̇аладтаанам̣ аг̇амааси. б̣од̇хисад̇д̇оби гумаарабарихаарзна алан̇гад̇о ад̇д̇ано барисааяа бурагкад̇абариваарид̇о ран̃н̃о санд̇игам̣ г̇анд̇ваа ‘‘сажжам̣ гира, махаарааж̇а, д̇умхз амхаагам̣ вам̣сан̃жа ад̇д̇ано вам̣сан̃жа наасзд̇ваа ‘ан̃н̃зхи б̣раахман̣зхи хад̇т̇иман̇г̇алам̣ гаарзд̇ваа хад̇т̇аалан̇гааран̃жа убагаран̣аани жа д̇зсам̣ д̣̇ассаамаа’д̇и аважуд̇т̇аа’’д̇и вад̇ваа батамам̣ г̇аат̇амааха –
Punadivase hatthimaṅgalachaṇo paṭiyādiyittha. Satamatte hatthisoṇḍālaṅkāre ca suvaṇṇaddhaje hemajālasañchanne katvā ṭhapesuṃ, rājaṅgaṇaṃ alaṅkariṃsu. Brāhmaṇā ‘‘mayaṃ hatthimaṅgalaṃ karissāma, mayaṃ karissāmā’’ti maṇḍitapasādhitā aṭṭhaṃsu. Susīmopi rājā sabbālaṅkārapaṭimaṇḍito upakaraṇabhaṇḍaṃ gāhāpetvā maṅgalaṭṭhānaṃ agamāsi. Bodhisattopi kumāraparihārena alaṅkato attano parisāya purakkhataparivārito rañño santikaṃ gantvā ‘‘saccaṃ kira, mahārāja, tumhe amhākaṃ vaṃsañca attano vaṃsañca nāsetvā ‘aññehi brāhmaṇehi hatthimaṅgalaṃ kāretvā hatthālaṅkārañca upakaraṇāni ca tesaṃ dassāmā’ti avacutthā’’ti vatvā paṭhamaṃ gāthamāha –
25.
25.
‘‘гаал̣аа миг̇аа сзд̇ад̣̇анд̇аа д̇авиймз, баросад̇ам̣ хзмаж̇аалаабхичаннаа;
‘‘Kāḷā migā setadantā tavīme, parosataṃ hemajālābhichannā;
д̇з д̇з д̣̇ад̣̇аамийд̇и сусийма б̣рууси, ануссарам̣ бзд̇д̇ибид̇аамахаана’’нд̇и.
Te te dadāmīti susīma brūsi, anussaraṃ pettipitāmahāna’’nti.
д̇ад̇т̇а д̇з д̇з д̣̇ад̣̇аамийд̇и сусийма б̣руусийд̇и д̇з зд̇з д̇ава санд̇агз ‘‘гаал̣аа миг̇аа сзд̇ад̣̇анд̇аа’’д̇и звам̣ г̇ад̇з баросад̇ам̣ саб̣б̣аалан̇гаарабадиман̣д̣ид̇з хад̇т̇ий ан̃н̃зсам̣ б̣раахман̣аанам̣ д̣̇ад̣̇аамийд̇и сажжам̣ гира, бхо сусийма, звам̣ б̣руусийд̇и ад̇т̇о. ануссарам̣ бзд̇д̇ибид̇аамахаананд̇и амхааган̃жа ад̇д̇ано жа вам̣сз бид̇убид̇аамахаанам̣ аажин̣н̣ам̣ саранд̇оязва. ид̣̇ам̣ вуд̇д̇ам̣ ход̇и – махаарааж̇а, яаава сад̇д̇амагулабариваддаа д̇умхаагам̣ бзд̇д̇ибид̇аамахаанам̣ амхаагам̣ бзд̇д̇ибид̇аамахаа жа хад̇т̇иман̇г̇алам̣ гаронд̇и, со д̇вам̣ звам̣ ануссаранд̇оби амхааган̃жа ад̇д̇ано жа вам̣сам̣ наасзд̇ваа сажжам̣ гира звам̣ б̣руусийд̇и.
Tattha te te dadāmīti susīma brūsīti te ete tava santake ‘‘kāḷā migā setadantā’’ti evaṃ gate parosataṃ sabbālaṅkārapaṭimaṇḍite hatthī aññesaṃ brāhmaṇānaṃ dadāmīti saccaṃ kira, bho susīma, evaṃ brūsīti attho. Anussaraṃ pettipitāmahānanti amhākañca attano ca vaṃse pitupitāmahānaṃ āciṇṇaṃ sarantoyeva. Idaṃ vuttaṃ hoti – mahārāja, yāva sattamakulaparivaṭṭā tumhākaṃ pettipitāmahānaṃ amhākaṃ pettipitāmahā ca hatthimaṅgalaṃ karonti, so tvaṃ evaṃ anussarantopi amhākañca attano ca vaṃsaṃ nāsetvā saccaṃ kira evaṃ brūsīti.
сусиймо рааж̇аа б̣од̇хисад̇д̇асса важанам̣ суд̇ваа д̣̇уд̇ияам̣ г̇аат̇амааха –
Susīmo rājā bodhisattassa vacanaṃ sutvā dutiyaṃ gāthamāha –
26.
26.
‘‘гаал̣аа миг̇аа сзд̇ад̣̇анд̇аа мамиймз, баросад̇ам̣ хзмаж̇аалаабхичаннаа;
‘‘Kāḷā migā setadantā mamīme, parosataṃ hemajālābhichannā;
д̇з д̇з д̣̇ад̣̇аамийд̇и вад̣̇аами маан̣ава, ануссарам̣ бзд̇д̇ибид̇аамахаана’’нд̇и.
Te te dadāmīti vadāmi māṇava, anussaraṃ pettipitāmahāna’’nti.
д̇ад̇т̇а д̇з д̇з д̣̇ад̣̇аамийд̇и д̇з зд̇з хад̇т̇ий ан̃н̃зсам̣ б̣раахман̣аанам̣ д̣̇ад̣̇аамийд̇и сажжамзва маан̣ава вад̣̇аами, нзва хад̇т̇ий б̣раахман̣аанам̣ д̣̇ад̣̇аамийд̇и ад̇т̇о. ануссаранд̇и бзд̇д̇ибид̇аамахаанам̣ гирияам̣ ануссараамиязва, но наануссараами, амхаагам̣ бзд̇д̇ибид̇аамахаанам̣ хад̇т̇иман̇г̇алам̣ д̇умхаагам̣ бзд̇д̇ибид̇аамахаа гаронд̇ийд̇и бана ануссаранд̇оби звам̣ вад̣̇аамиязваад̇и ад̇хиббааязнзвамааха.
Tattha te te dadāmīti te ete hatthī aññesaṃ brāhmaṇānaṃ dadāmīti saccameva māṇava vadāmi, neva hatthī brāhmaṇānaṃ dadāmīti attho. Anussaranti pettipitāmahānaṃ kiriyaṃ anussarāmiyeva, no nānussarāmi, amhākaṃ pettipitāmahānaṃ hatthimaṅgalaṃ tumhākaṃ pettipitāmahā karontīti pana anussarantopi evaṃ vadāmiyevāti adhippāyenevamāha.
ат̇а нам̣ б̣од̇хисад̇д̇о зд̇ад̣̇авожа – ‘‘махаарааж̇а, амхааган̃жа ад̇д̇ано жа вам̣сам̣ ануссаранд̇оязва гасмаа мам̣ табзд̇ваа ан̃н̃зхи хад̇т̇иман̇г̇алам̣ гаараабзт̇аа’’д̇и. ‘‘д̇вам̣ гира, д̇аад̇а, д̇аяо взд̣̇з хад̇т̇исуд̇д̇ан̃жа на ж̇аанаасий’’д̇и маяхам̣ аарожзсум̣, д̇знаахам̣ ан̃н̃зхи б̣раахман̣зхи гаараабзмийд̇и. ‘‘д̇зна хи, махаарааж̇а, зд̇д̇агзсу б̣раахман̣зсу згаб̣раахман̣оби д̇ийсу взд̣̇зсу ваа хад̇т̇исуд̇д̇зсу ваа згад̣̇зсамби яад̣̇и маяаа сад̣̇д̇хим̣ гат̇зд̇ум̣ самад̇д̇о ад̇т̇и, удтахад̇у, д̇аяоби взд̣̇з хад̇т̇исуд̇д̇ан̃жа сад̣̇д̇хим̣ хад̇т̇иман̇г̇алагаран̣зна мам̣ табзд̇ваа ан̃н̃о сагалаж̇амб̣уд̣̇ийбзби ж̇аананд̇о наама над̇т̇ий’’д̇и сийханаад̣̇ам̣ над̣̇и. згаб̣раахман̣оби д̇асса бадисад̇д̇у худ̇ваа удтаад̇ум̣ наасагки. б̣од̇хисад̇д̇о ад̇д̇ано гулавам̣сам̣ бад̇идтаабзд̇ваа ман̇г̇алам̣ гад̇ваа б̣ахум̣ д̇ханам̣ аад̣̇ааяа ад̇д̇ано нивзсанам̣ аг̇амааси.
Atha naṃ bodhisatto etadavoca – ‘‘mahārāja, amhākañca attano ca vaṃsaṃ anussarantoyeva kasmā maṃ ṭhapetvā aññehi hatthimaṅgalaṃ kārāpethā’’ti. ‘‘Tvaṃ kira, tāta, tayo vede hatthisuttañca na jānāsī’’ti mayhaṃ ārocesuṃ, tenāhaṃ aññehi brāhmaṇehi kārāpemīti. ‘‘Tena hi, mahārāja, ettakesu brāhmaṇesu ekabrāhmaṇopi tīsu vedesu vā hatthisuttesu vā ekadesampi yadi mayā saddhiṃ kathetuṃ samatto atthi, uṭṭhahatu, tayopi vede hatthisuttañca saddhiṃ hatthimaṅgalakaraṇena maṃ ṭhapetvā añño sakalajambudīpepi jānanto nāma natthī’’ti sīhanādaṃ nadi. Ekabrāhmaṇopi tassa paṭisattu hutvā uṭṭhātuṃ nāsakkhi. Bodhisatto attano kulavaṃsaṃ patiṭṭhāpetvā maṅgalaṃ katvā bahuṃ dhanaṃ ādāya attano nivesanaṃ agamāsi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз гзжи сод̇аабаннаа ахзсум̣, гзжи сагад̣̇ааг̇аамино, гзжи анааг̇аамино, гзжи арахад̇д̇ам̣ баабун̣им̣су. ‘‘д̇ад̣̇аа маад̇аа махаамааяаа ахоси, бид̇аа суд̣̇д̇ход̣̇анамахаарааж̇аа, сусиймо рааж̇аа аананд̣̇о, д̣̇исаабаамогко аажарияо саарибуд̇д̇о, маан̣аво бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne keci sotāpannā ahesuṃ, keci sakadāgāmino, keci anāgāmino, keci arahattaṃ pāpuṇiṃsu. ‘‘Tadā mātā mahāmāyā ahosi, pitā suddhodanamahārājā, susīmo rājā ānando, disāpāmokkho ācariyo sāriputto, māṇavo pana ahameva ahosi’’nti.
сусиймаж̇аад̇агаван̣н̣анаа д̇ад̇ияаа.
Susīmajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 163. сусиймаж̇аад̇агам̣ • 163. Susīmajātakaṃ
