| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. сусиймасуд̇д̇ам̣
2. Susīmasuttaṃ
248. саавад̇т̇ияам̣. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
248. Sāvatthiyaṃ. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘бхууд̇абуб̣б̣ам̣, бхигкавз, асураа д̣̇звз абхияам̣су. ат̇а ко, бхигкавз, сагго д̣̇зваанаминд̣̇о сусиймам̣ 1 д̣̇звабуд̇д̇ам̣ ааманд̇зси – ‘зд̇з, д̇аад̇а сусийма, асураа д̣̇звз абхияанд̇и. г̇ажча, д̇аад̇а сусийма, асурз бажжуяяаахий’д̇и. ‘звам̣ бхад̣̇д̣̇анд̇аваа’д̇и ко, бхигкавз, сусиймо д̣̇звабуд̇д̇о саггасса д̣̇зваанаминд̣̇асса бадиссуд̇ваа бамаад̣̇ам̣ аабаад̣̇зси. д̣̇уд̇ияамби ко, бхигкавз, сагго д̣̇зваанаминд̣̇о сусиймам̣ д̣̇звабуд̇д̇ам̣ ааманд̇зси…бз… д̣̇уд̇ияамби бамаад̣̇ам̣ аабаад̣̇зси. д̇ад̇ияамби ко, бхигкавз, сагго д̣̇зваанаминд̣̇о сусиймам̣ д̣̇звабуд̇д̇ам̣ ааманд̇зси…бз… д̇ад̇ияамби бамаад̣̇ам̣ аабаад̣̇зси. ат̇а ко, бхигкавз, сагго д̣̇зваанаминд̣̇о сусиймам̣ д̣̇звабуд̇д̇ам̣ г̇аат̇ааяа аж̇жхабхааси –
‘‘Bhūtapubbaṃ, bhikkhave, asurā deve abhiyaṃsu. Atha kho, bhikkhave, sakko devānamindo susīmaṃ 2 devaputtaṃ āmantesi – ‘ete, tāta susīma, asurā deve abhiyanti. Gaccha, tāta susīma, asure paccuyyāhī’ti. ‘Evaṃ bhaddantavā’ti kho, bhikkhave, susīmo devaputto sakkassa devānamindassa paṭissutvā pamādaṃ āpādesi. Dutiyampi kho, bhikkhave, sakko devānamindo susīmaṃ devaputtaṃ āmantesi…pe… dutiyampi pamādaṃ āpādesi. Tatiyampi kho, bhikkhave, sakko devānamindo susīmaṃ devaputtaṃ āmantesi…pe… tatiyampi pamādaṃ āpādesi. Atha kho, bhikkhave, sakko devānamindo susīmaṃ devaputtaṃ gāthāya ajjhabhāsi –
‘‘анудтахам̣ авааяаамам̣, сукам̣ яад̇раад̇хиг̇ажчад̇и;
‘‘Anuṭṭhahaṃ avāyāmaṃ, sukhaṃ yatrādhigacchati;
сусийма д̇ад̇т̇а г̇ажчаахи, ман̃жа д̇ад̇т̇зва баабаяаа’’д̇и.
Susīma tattha gacchāhi, mañca tattheva pāpayā’’ti.
‘‘аласвасса анудтаад̇аа, на жа гижжаани гаараяз;
‘‘Alasvassa anuṭṭhātā, na ca kiccāni kāraye;
саб̣б̣агаамасамид̣̇д̇хасса, д̇ам̣ мз сагга варам̣ д̣̇исаа’’д̇и.
Sabbakāmasamiddhassa, taṃ me sakka varaṃ disā’’ti.
‘‘яад̇т̇ааласо анудтаад̇аа, ажжанд̇ам̣ сукамзд̇хад̇и;
‘‘Yatthālaso anuṭṭhātā, accantaṃ sukhamedhati;
сусийма д̇ад̇т̇а г̇ажчаахи, ман̃жа д̇ад̇т̇зва баабаяаа’’д̇и.
Susīma tattha gacchāhi, mañca tattheva pāpayā’’ti.
‘‘агаммунаа д̣̇звасздта, сагга винд̣̇зму яам̣ сукам̣;
‘‘Akammunā devaseṭṭha, sakka vindemu yaṃ sukhaṃ;
асогам̣ анубааяаасам̣, д̇ам̣ мз сагга варам̣ д̣̇исаа’’д̇и.
Asokaṃ anupāyāsaṃ, taṃ me sakka varaṃ disā’’ti.
‘‘сажз ад̇т̇и агаммзна, гожи гважи на ж̇ийвад̇и;
‘‘Sace atthi akammena, koci kvaci na jīvati;
ниб̣б̣аанасса хи со маг̇г̇о, сусийма д̇ад̇т̇а г̇ажчаахи;
Nibbānassa hi so maggo, susīma tattha gacchāhi;
ман̃жа д̇ад̇т̇зва баабаяаа’’д̇и.
Mañca tattheva pāpayā’’ti.
‘‘со хи наама, бхигкавз, сагго д̣̇зваанаминд̣̇о сагам̣ бун̃н̃апалам̣ убаж̇ийвамаано д̣̇зваанам̣ д̇аавад̇им̣саанам̣ иссарияаад̇хибажжам̣ раж̇ж̇ам̣ гаарзнд̇о удтаанавийрияасса ван̣н̣аваад̣̇ий бхависсад̇и. ид̇ха ко д̇ам̣, бхигкавз, собхзт̇а, яам̣ д̇умхз звам̣ сваагкаад̇з д̇хаммавинаяз баб̣б̣аж̇ид̇аа самаанаа удтахзяяаат̇а гхадзяяаат̇а вааяамзяяаат̇а аббад̇д̇асса бад̇д̇ияаа, анад̇хиг̇ад̇асса ад̇хиг̇амааяа, асажчигад̇асса сажчигирияааяаа’’д̇и.
‘‘So hi nāma, bhikkhave, sakko devānamindo sakaṃ puññaphalaṃ upajīvamāno devānaṃ tāvatiṃsānaṃ issariyādhipaccaṃ rajjaṃ kārento uṭṭhānavīriyassa vaṇṇavādī bhavissati. Idha kho taṃ, bhikkhave, sobhetha, yaṃ tumhe evaṃ svākkhāte dhammavinaye pabbajitā samānā uṭṭhaheyyātha ghaṭeyyātha vāyameyyātha appattassa pattiyā, anadhigatassa adhigamāya, asacchikatassa sacchikiriyāyā’’ti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. сусиймасуд̇д̇аван̣н̣анаа • 2. Susīmasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. сусиймасуд̇д̇аван̣н̣анаа • 2. Susīmasuttavaṇṇanā
