| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. сусимасуд̇д̇ам̣
10. Susimasuttaṃ
70. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна бхаг̇аваа саггад̇о ход̇и г̇аругад̇о маанид̇о бууж̇ид̇о абажид̇о лаабхий жийвара-бин̣д̣абаад̇а-сзнаасана-г̇илаанаббажжаяа-бхзсаж̇ж̇абаригкаараанам̣. бхигкусан̇гхоби саггад̇о ход̇и г̇аругад̇о маанид̇о бууж̇ид̇о абажид̇о лаабхий жийвара-бин̣д̣абаад̇а-сзнаасанаг̇илаанаббажжаяа-бхзсаж̇ж̇абаригкаараанам̣. ан̃н̃ад̇ид̇т̇ияаа бана бариб̣б̣ааж̇агаа асаггад̇аа хонд̇и аг̇аругад̇аа амаанид̇аа абууж̇ид̇аа анабажид̇аа, на лаабхино жийвара-бин̣д̣абаад̇а-сзнаасанаг̇илаанаббажжаяа-бхзсаж̇ж̇абаригкаараанам̣.
70. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena bhagavā sakkato hoti garukato mānito pūjito apacito lābhī cīvara-piṇḍapāta-senāsana-gilānappaccaya-bhesajjaparikkhārānaṃ. Bhikkhusaṅghopi sakkato hoti garukato mānito pūjito apacito lābhī cīvara-piṇḍapāta-senāsanagilānappaccaya-bhesajjaparikkhārānaṃ. Aññatitthiyā pana paribbājakā asakkatā honti agarukatā amānitā apūjitā anapacitā, na lābhino cīvara-piṇḍapāta-senāsanagilānappaccaya-bhesajjaparikkhārānaṃ.
д̇зна ко бана самаязна сусимо 1 бариб̣б̣ааж̇аго рааж̇аг̇ахз бадивасад̇и махад̇ияаа бариб̣б̣ааж̇агабарисааяа сад̣̇д̇хим̣. ат̇а ко сусимасса бариб̣б̣ааж̇агасса барисаа сусимам̣ бариб̣б̣ааж̇агам̣ зд̇ад̣̇авожум̣ – ‘‘зхи д̇вам̣, аавусо сусима, саман̣з г̇од̇амз б̣рахмажарияам̣ жара. д̇вам̣ д̇хаммам̣ барияаабун̣ид̇ваа амхз ваажзяяааси 2. д̇ам̣ маяам̣ д̇хаммам̣ барияаабун̣ид̇ваа г̇ихийнам̣ бхаасиссаама. звам̣ маяамби саггад̇аа бхависсаама г̇аругад̇аа маанид̇аа бууж̇ид̇аа абажид̇аа лаабхино жийвара-бин̣д̣абаад̇асзнаасана-г̇илаанаббажжаяа-бхзсаж̇ж̇абаригкаараана’’нд̇и. ‘‘звамаавусо’’д̇и ко сусимо бариб̣б̣ааж̇аго сагааяа барисааяа бадиссун̣ид̇ваа язнааяасмаа аананд̣̇о д̇знубасан̇гами; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко сусимо бариб̣б̣ааж̇аго ааяасманд̇ам̣ аананд̣̇ам̣ зд̇ад̣̇авожа – ‘‘ижчаамахам̣, аавусо аананд̣̇а, имасмим̣ д̇хаммавинаяз б̣рахмажарияам̣ жарид̇у’’нд̇и.
Tena kho pana samayena susimo 3 paribbājako rājagahe paṭivasati mahatiyā paribbājakaparisāya saddhiṃ. Atha kho susimassa paribbājakassa parisā susimaṃ paribbājakaṃ etadavocuṃ – ‘‘ehi tvaṃ, āvuso susima, samaṇe gotame brahmacariyaṃ cara. Tvaṃ dhammaṃ pariyāpuṇitvā amhe vāceyyāsi 4. Taṃ mayaṃ dhammaṃ pariyāpuṇitvā gihīnaṃ bhāsissāma. Evaṃ mayampi sakkatā bhavissāma garukatā mānitā pūjitā apacitā lābhino cīvara-piṇḍapātasenāsana-gilānappaccaya-bhesajjaparikkhārāna’’nti. ‘‘Evamāvuso’’ti kho susimo paribbājako sakāya parisāya paṭissuṇitvā yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho susimo paribbājako āyasmantaṃ ānandaṃ etadavoca – ‘‘icchāmahaṃ, āvuso ānanda, imasmiṃ dhammavinaye brahmacariyaṃ caritu’’nti.
ат̇а ко ааяасмаа аананд̣̇о сусимам̣ бариб̣б̣ааж̇агам̣ аад̣̇ааяа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘аяам̣, бханд̇з, сусимо бариб̣б̣ааж̇аго звамааха – ‘ижчаамахам̣, аавусо аананд̣̇а, имасмим̣ д̇хаммавинаяз б̣рахмажарияам̣ жарид̇у’’нд̇и. ‘‘д̇знахаананд̣̇а, сусимам̣ баб̣б̣ааж̇зт̇аа’’д̇и . алад̇т̇а ко сусимо бариб̣б̣ааж̇аго бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇ам̣.
Atha kho āyasmā ānando susimaṃ paribbājakaṃ ādāya yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘ayaṃ, bhante, susimo paribbājako evamāha – ‘icchāmahaṃ, āvuso ānanda, imasmiṃ dhammavinaye brahmacariyaṃ caritu’’nti. ‘‘Tenahānanda, susimaṃ pabbājethā’’ti . Alattha kho susimo paribbājako bhagavato santike pabbajjaṃ, alattha upasampadaṃ.
д̇зна ко бана самаязна самб̣ахулзхи бхигкуухи бхаг̇авад̇о санд̇игз ан̃н̃аа б̣яаагад̇аа ход̇и – ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаад̇и баж̇аанаамаа’’д̇и. ассоси ко ааяасмаа сусимо – ‘‘самб̣ахулзхи гира бхигкуухи бхаг̇авад̇о санд̇игз ан̃н̃аа б̣яаагад̇аа – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамаа’’д̇и. ат̇а ко ааяасмаа сусимо язна д̇з бхигкуу д̇знубасан̇гами; убасан̇гамид̇ваа д̇зхи бхигкуухи сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа сусимо д̇з бхигкуу зд̇ад̣̇авожа – ‘‘сажжам̣ гирааяасманд̇зхи бхаг̇авад̇о санд̇игз ан̃н̃аа б̣яаагад̇аа – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаамаа’’д̇и? ‘‘звамаавусо’’д̇и.
Tena kho pana samayena sambahulehi bhikkhūhi bhagavato santike aññā byākatā hoti – ‘‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyāti pajānāmā’’ti. Assosi kho āyasmā susimo – ‘‘sambahulehi kira bhikkhūhi bhagavato santike aññā byākatā – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmā’’ti. Atha kho āyasmā susimo yena te bhikkhū tenupasaṅkami; upasaṅkamitvā tehi bhikkhūhi saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā susimo te bhikkhū etadavoca – ‘‘saccaṃ kirāyasmantehi bhagavato santike aññā byākatā – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmā’’ti? ‘‘Evamāvuso’’ti.
‘‘аби бана 5 д̇умхз ааяасманд̇о звам̣ ж̇аананд̇аа звам̣ бассанд̇аа анзгавихид̇ам̣ ид̣̇д̇хивид̇хам̣ бажжанубхот̇а – згоби худ̇ваа б̣ахуд̇хаа хот̇а, б̣ахуд̇хааби худ̇ваа зго хот̇а; аавибхаавам̣, д̇иробхаавам̣, д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаанаа г̇ажчат̇а, сзяяат̇ааби аагаасз; бат̇авияааби уммуж̇ж̇анимуж̇ж̇ам̣ гарот̇а, сзяяат̇ааби уд̣̇агз; уд̣̇агзби абхиж̇ж̇амаанз г̇ажчат̇а, сзяяат̇ааби бат̇авияам̣; аагаасзби баллан̇гзна гамат̇а, сзяяат̇ааби багкий сагун̣о; имзби жанд̣̇имасуурияз звам̣махид̣̇д̇хигз звам̣махаанубхаавз баан̣инаа баримасат̇а баримаж̇ж̇ат̇а, яаава б̣рахмалогааби гааязна васам̣ вад̇д̇зт̇аа’’д̇и? ‘‘но хзд̇ам̣, аавусо’’.
‘‘Api pana 6 tumhe āyasmanto evaṃ jānantā evaṃ passantā anekavihitaṃ iddhividhaṃ paccanubhotha – ekopi hutvā bahudhā hotha, bahudhāpi hutvā eko hotha; āvibhāvaṃ, tirobhāvaṃ, tirokuṭṭaṃ tiropākāraṃ tiropabbataṃ asajjamānā gacchatha, seyyathāpi ākāse; pathaviyāpi ummujjanimujjaṃ karotha, seyyathāpi udake; udakepi abhijjamāne gacchatha, seyyathāpi pathaviyaṃ; ākāsepi pallaṅkena kamatha, seyyathāpi pakkhī sakuṇo; imepi candimasūriye evaṃmahiddhike evaṃmahānubhāve pāṇinā parimasatha parimajjatha, yāva brahmalokāpi kāyena vasaṃ vattethā’’ti? ‘‘No hetaṃ, āvuso’’.
‘‘аби бана д̇умхз ааяасманд̇о звам̣ ж̇аананд̇аа звам̣ бассанд̇аа д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣аат̇а д̣̇иб̣б̣з жа маанусз жа яз д̣̇уурз санд̇игз жаа’’д̇и? ‘‘но хзд̇ам̣, аавусо’’.
‘‘Api pana tumhe āyasmanto evaṃ jānantā evaṃ passantā dibbāya sotadhātuyā visuddhāya atikkantamānusikāya ubho sadde suṇātha dibbe ca mānuse ca ye dūre santike cā’’ti? ‘‘No hetaṃ, āvuso’’.
‘‘аби бана д̇умхз ааяасманд̇о звам̣ ж̇аананд̇аа звам̣ бассанд̇аа барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇аанаат̇а – сарааг̇ам̣ ваа жид̇д̇ам̣ сарааг̇ам̣ жид̇д̇анд̇и баж̇аанаат̇а; вийд̇арааг̇ам̣ ваа жид̇д̇ам̣ вийд̇арааг̇ам̣ жид̇д̇анд̇и баж̇аанаат̇а; сад̣̇осам̣ ваа жид̇д̇ам̣ сад̣̇осам̣ жид̇д̇анд̇и баж̇аанаат̇а; вийд̇ад̣̇осам̣ ваа жид̇д̇ам̣ вийд̇ад̣̇осам̣ жид̇д̇анд̇и баж̇аанаат̇а; самохам̣ ваа жид̇д̇ам̣ самохам̣ жид̇д̇анд̇и баж̇аанаат̇а; вийд̇амохам̣ ваа жид̇д̇ам̣ вийд̇амохам̣ жид̇д̇анд̇и баж̇аанаат̇а; сам̣кид̇д̇ам̣ ваа жид̇д̇ам̣ сам̣кид̇д̇ам̣ жид̇д̇анд̇и баж̇аанаат̇а; вигкид̇д̇ам̣ ваа жид̇д̇ам̣ вигкид̇д̇ам̣ жид̇д̇анд̇и баж̇аанаат̇а; махаг̇г̇ад̇ам̣ ваа жид̇д̇ам̣ махаг̇г̇ад̇ам̣ жид̇д̇анд̇и баж̇аанаат̇а; амахаг̇г̇ад̇ам̣ ваа жид̇д̇ам̣ амахаг̇г̇ад̇ам̣ жид̇д̇анд̇и баж̇аанаат̇а ; сауд̇д̇арам̣ ваа жид̇д̇ам̣ сауд̇д̇арам̣ жид̇д̇анд̇и баж̇аанаат̇а; ануд̇д̇арам̣ ваа жид̇д̇ам̣ ануд̇д̇арам̣ жид̇д̇анд̇и баж̇аанаат̇а; самаахид̇ам̣ ваа жид̇д̇ам̣ самаахид̇ам̣ жид̇д̇анд̇и баж̇аанаат̇а; асамаахид̇ам̣ ваа жид̇д̇ам̣ асамаахид̇ам̣ жид̇д̇анд̇и баж̇аанаат̇а; вимуд̇д̇ам̣ ваа жид̇д̇ам̣ вимуд̇д̇ам̣ жид̇д̇анд̇и баж̇аанаат̇а ; авимуд̇д̇ам̣ ваа жид̇д̇ам̣ авимуд̇д̇ам̣ жид̇д̇анд̇и баж̇аанаат̇аа’’д̇и? ‘‘но хзд̇ам̣, аавусо’’.
‘‘Api pana tumhe āyasmanto evaṃ jānantā evaṃ passantā parasattānaṃ parapuggalānaṃ cetasā ceto paricca pajānātha – sarāgaṃ vā cittaṃ sarāgaṃ cittanti pajānātha; vītarāgaṃ vā cittaṃ vītarāgaṃ cittanti pajānātha; sadosaṃ vā cittaṃ sadosaṃ cittanti pajānātha; vītadosaṃ vā cittaṃ vītadosaṃ cittanti pajānātha; samohaṃ vā cittaṃ samohaṃ cittanti pajānātha; vītamohaṃ vā cittaṃ vītamohaṃ cittanti pajānātha; saṃkhittaṃ vā cittaṃ saṃkhittaṃ cittanti pajānātha; vikkhittaṃ vā cittaṃ vikkhittaṃ cittanti pajānātha; mahaggataṃ vā cittaṃ mahaggataṃ cittanti pajānātha; amahaggataṃ vā cittaṃ amahaggataṃ cittanti pajānātha ; sauttaraṃ vā cittaṃ sauttaraṃ cittanti pajānātha; anuttaraṃ vā cittaṃ anuttaraṃ cittanti pajānātha; samāhitaṃ vā cittaṃ samāhitaṃ cittanti pajānātha; asamāhitaṃ vā cittaṃ asamāhitaṃ cittanti pajānātha; vimuttaṃ vā cittaṃ vimuttaṃ cittanti pajānātha ; avimuttaṃ vā cittaṃ avimuttaṃ cittanti pajānāthā’’ti? ‘‘No hetaṃ, āvuso’’.
‘‘аби бана д̇умхз ааяасманд̇о звам̣ ж̇аананд̇аа звам̣ бассанд̇аа анзгавихид̇ам̣ буб̣б̣зниваасам̣ ануссарат̇а, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аарийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇исад̇асахассамби, анзгзби сам̣ваддагаббз анзгзби виваддагаббз анзгзби сам̣ваддавиваддагаббз – ‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкабадисам̣взд̣̇ий звамааяубарияанд̇о, со д̇ад̇о жуд̇о амуд̇ра уд̣̇абаад̣̇им̣; д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкабадисам̣взд̣̇ий звамааяубарияанд̇о, со д̇ад̇о жуд̇о ид̇хуубабанно’д̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарат̇аа’’д̇и? ‘‘но хзд̇ам̣, аавусо’’.
‘‘Api pana tumhe āyasmanto evaṃ jānantā evaṃ passantā anekavihitaṃ pubbenivāsaṃ anussaratha, seyyathidaṃ – ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṃsampi jātiyo cattārīsampi jātiyo paññāsampi jātiyo jātisatampi jātisahassampi jātisatasahassampi, anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe – ‘amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhapaṭisaṃvedī evamāyupariyanto, so tato cuto amutra udapādiṃ; tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhapaṭisaṃvedī evamāyupariyanto, so tato cuto idhūpapanno’ti. Iti sākāraṃ sauddesaṃ anekavihitaṃ pubbenivāsaṃ anussarathā’’ti? ‘‘No hetaṃ, āvuso’’.
‘‘аби бана д̇умхз ааяасманд̇о звам̣ ж̇аананд̇аа звам̣ бассанд̇аа д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассат̇а жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з, суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаат̇а – ‘имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа важийд̣̇ужжарид̇зна саманнааг̇ад̇аа манод̣̇ужжарид̇зна саманнааг̇ад̇аа, арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа; имз ваа бана бхонд̇о сад̇д̇аа гааяасужарид̇зна саманнааг̇ад̇аа важийсужарид̇зна саманнааг̇ад̇аа маносужарид̇зна саманнааг̇ад̇аа, арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа’д̇и, ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассат̇а жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з, суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаат̇аа’’д̇и? ‘‘но хзд̇ам̣, аавусо’’.
‘‘Api pana tumhe āyasmanto evaṃ jānantā evaṃ passantā dibbena cakkhunā visuddhena atikkantamānusakena satte passatha cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānātha – ‘ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā, ariyānaṃ upavādakā micchādiṭṭhikā micchādiṭṭhikammasamādānā, te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā; ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā, ariyānaṃ anupavādakā sammādiṭṭhikā sammādiṭṭhikammasamādānā te kāyassa bhedā paraṃ maraṇā sugatiṃ saggaṃ lokaṃ upapannā’ti, iti dibbena cakkhunā visuddhena atikkantamānusakena satte passatha cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāthā’’ti? ‘‘No hetaṃ, āvuso’’.
‘‘аби бана д̇умхз ааяасманд̇о звам̣ ж̇аананд̇аа звам̣ бассанд̇аа яз д̇з санд̇аа вимогкаа ад̇иггамма руубз ааруббаа, д̇з гааязна пусид̇ваа вихарат̇аа’’д̇и? ‘‘но хзд̇ам̣, аавусо’’.
‘‘Api pana tumhe āyasmanto evaṃ jānantā evaṃ passantā ye te santā vimokkhā atikkamma rūpe āruppā, te kāyena phusitvā viharathā’’ti? ‘‘No hetaṃ, āvuso’’.
‘‘зд̇т̇а д̣̇аани ааяасманд̇о ид̣̇ан̃жа взяяаагаран̣ам̣ имзсан̃жа д̇хаммаанам̣ асамаабад̇д̇и; ид̣̇ам̣ но, аавусо, гат̇а’’нд̇и? ‘‘бан̃н̃аавимуд̇д̇аа ко маяам̣, аавусо сусимаа’’д̇и.
‘‘Ettha dāni āyasmanto idañca veyyākaraṇaṃ imesañca dhammānaṃ asamāpatti; idaṃ no, āvuso, katha’’nti? ‘‘Paññāvimuttā kho mayaṃ, āvuso susimā’’ti.
‘‘на кваахам̣ имасса ааяасманд̇аанам̣ сам̣кид̇д̇зна бхаасид̇асса вид̇т̇аарзна ад̇т̇ам̣ ааж̇аанаами. саад̇ху мз ааяасманд̇о д̇ат̇аа бхаасанд̇у яат̇аахам̣ имасса ааяасманд̇аанам̣ сам̣кид̇д̇зна бхаасид̇асса вид̇т̇аарзна ад̇т̇ам̣ ааж̇аанзяяа’’нд̇и. ‘‘ааж̇аанзяяааси ваа д̇вам̣, аавусо сусима, на ваа д̇вам̣ ааж̇аанзяяааси ат̇а ко бан̃н̃аавимуд̇д̇аа маяа’’нд̇и.
‘‘Na khvāhaṃ imassa āyasmantānaṃ saṃkhittena bhāsitassa vitthārena atthaṃ ājānāmi. Sādhu me āyasmanto tathā bhāsantu yathāhaṃ imassa āyasmantānaṃ saṃkhittena bhāsitassa vitthārena atthaṃ ājāneyya’’nti. ‘‘Ājāneyyāsi vā tvaṃ, āvuso susima, na vā tvaṃ ājāneyyāsi atha kho paññāvimuttā maya’’nti.
ат̇а ко ааяасмаа сусимо удтааяаасанаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа сусимо яаавад̇аго д̇зхи бхигкуухи сад̣̇д̇хим̣ ахоси гат̇аасаллаабо д̇ам̣ саб̣б̣ам̣ бхаг̇авад̇о аарожзси. ‘‘буб̣б̣з ко, сусима, д̇хаммадтид̇ин̃аан̣ам̣, бажчаа ниб̣б̣аанз н̃аан̣а’’нд̇и.
Atha kho āyasmā susimo uṭṭhāyāsanā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā susimo yāvatako tehi bhikkhūhi saddhiṃ ahosi kathāsallāpo taṃ sabbaṃ bhagavato ārocesi. ‘‘Pubbe kho, susima, dhammaṭṭhitiñāṇaṃ, pacchā nibbāne ñāṇa’’nti.
‘‘на кваахам̣, бханд̇з, имасса бхаг̇авад̇аа 7 сам̣кид̇д̇зна бхаасид̇асса вид̇т̇аарзна ад̇т̇ам̣ ааж̇аанаами. саад̇ху мз, бханд̇з, бхаг̇аваа д̇ат̇аа бхаасад̇у яат̇аахам̣ имасса бхаг̇авад̇аа сам̣кид̇д̇зна бхаасид̇асса вид̇т̇аарзна ад̇т̇ам̣ ааж̇аанзяяа’’нд̇и. ‘‘ааж̇аанзяяааси ваа д̇вам̣, сусима, на ваа д̇вам̣ ааж̇аанзяяааси, ат̇а ко д̇хаммадтид̇ин̃аан̣ам̣ буб̣б̣з, бажчаа ниб̣б̣аанз н̃аан̣ам̣’’.
‘‘Na khvāhaṃ, bhante, imassa bhagavatā 8 saṃkhittena bhāsitassa vitthārena atthaṃ ājānāmi. Sādhu me, bhante, bhagavā tathā bhāsatu yathāhaṃ imassa bhagavatā saṃkhittena bhāsitassa vitthārena atthaṃ ājāneyya’’nti. ‘‘Ājāneyyāsi vā tvaṃ, susima, na vā tvaṃ ājāneyyāsi, atha kho dhammaṭṭhitiñāṇaṃ pubbe, pacchā nibbāne ñāṇaṃ’’.
‘‘д̇ам̣ гим̣ ман̃н̃аси, сусима, руубам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘взд̣̇анаа нижжаа ваа анижжаа ваа’’д̇и? ‘‘анижжаа, бханд̇з’’ . ‘‘яам̣ банаанижжам̣, д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘сан̃н̃аа нижжаа ваа анижжаа ваа’’д̇и? ‘‘анижжаа, бханд̇з’’…бз… ‘‘сан̇каараа нижжаа ваа анижжаа ваа’’д̇и? ‘‘анижжаа, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘вин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣ , бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’.
‘‘Taṃ kiṃ maññasi, susima, rūpaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Vedanā niccā vā aniccā vā’’ti? ‘‘Aniccā, bhante’’ . ‘‘Yaṃ panāniccaṃ, dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Saññā niccā vā aniccā vā’’ti? ‘‘Aniccā, bhante’’…pe… ‘‘saṅkhārā niccā vā aniccā vā’’ti? ‘‘Aniccā, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Viññāṇaṃ niccaṃ vā aniccaṃ vā’’ti? ‘‘Aniccaṃ , bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’.
‘‘д̇асмаад̇иха, сусима, яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ руубам̣ нзд̇ам̣ мама нзсохамасми на мзсо ад̇д̇аад̇и; звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. яаа гаажи взд̣̇анаа ад̇ийд̇аанааг̇ад̇абажжуббаннаа аж̇жхад̇д̇ам̣ ваа б̣ахид̣̇д̇хаа ваа ол̣ааригаа ваа сукумаа ваа хийнаа ваа бан̣ийд̇аа ваа яаа д̣̇уурз санд̇игз ваа, саб̣б̣аа взд̣̇анаа нзд̇ам̣ мама нзсохамасми на мзсо ад̇д̇аад̇и; звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. яаа гаажи сан̃н̃аа…бз… яз гзжи сан̇каараа ад̇ийд̇аанааг̇ад̇абажжуббаннаа аж̇жхад̇д̇ам̣ ваа б̣ахид̣̇д̇хаа ваа ол̣ааригаа ваа сукумаа ваа хийнаа ваа бан̣ийд̇аа ваа яз д̣̇уурз санд̇игз ваа, саб̣б̣з сан̇каараа нзд̇ам̣ мама нзсохамасми на мзсо ад̇д̇аад̇и; звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ нзд̇ам̣ мама нзсохамасми на мзсо ад̇д̇аад̇и; звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣.
‘‘Tasmātiha, susima, yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ rūpaṃ netaṃ mama nesohamasmi na meso attāti; evametaṃ yathābhūtaṃ sammappaññāya daṭṭhabbaṃ. Yā kāci vedanā atītānāgatapaccuppannā ajjhattaṃ vā bahiddhā vā oḷārikā vā sukhumā vā hīnā vā paṇītā vā yā dūre santike vā, sabbā vedanā netaṃ mama nesohamasmi na meso attāti; evametaṃ yathābhūtaṃ sammappaññāya daṭṭhabbaṃ. Yā kāci saññā…pe… ye keci saṅkhārā atītānāgatapaccuppannā ajjhattaṃ vā bahiddhā vā oḷārikā vā sukhumā vā hīnā vā paṇītā vā ye dūre santike vā, sabbe saṅkhārā netaṃ mama nesohamasmi na meso attāti; evametaṃ yathābhūtaṃ sammappaññāya daṭṭhabbaṃ. Yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ viññāṇaṃ netaṃ mama nesohamasmi na meso attāti; evametaṃ yathābhūtaṃ sammappaññāya daṭṭhabbaṃ.
‘‘звам̣ бассам̣, сусима, суд̇аваа арияасааваго руубасмимби ниб̣б̣инд̣̇ад̇и, взд̣̇анааяаби ниб̣б̣инд̣̇ад̇и, сан̃н̃ааяаби ниб̣б̣инд̣̇ад̇и, сан̇каарзсуби ниб̣б̣инд̣̇ад̇и, вин̃н̃аан̣асмимби ниб̣б̣инд̣̇ад̇и. ниб̣б̣инд̣̇ам̣ вираж̇ж̇ад̇и, вирааг̇аа вимужжад̇и, вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и.
‘‘Evaṃ passaṃ, susima, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati. Nibbindaṃ virajjati, virāgā vimuccati, vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti.
‘‘‘ж̇аад̇ибажжаяаа ж̇араамаран̣а’нд̇и, сусима, бассасий’’д̇и? ‘‘звам̣, бханд̇з’’. ‘‘‘бхавабажжаяаа ж̇аад̇ий’д̇и, сусима, бассасий’’д̇и? ‘‘звам̣, бханд̇з’’. ‘‘‘убаад̣̇аанабажжаяаа бхаво’д̇и, сусима, бассасий’’д̇и? ‘‘звам̣, бханд̇з’’. ‘‘‘д̇ан̣хаабажжаяаа убаад̣̇аана’нд̇и, сусима, бассасий’’д̇и? ‘‘звам̣, бханд̇з’’. ‘‘взд̣̇анаабажжаяаа д̇ан̣хаад̇и… пассабажжаяаа взд̣̇анаад̇и… сал̣ааяад̇анабажжаяаа пассод̇и… наамаруубабажжаяаа сал̣ааяад̇ананд̇и… вин̃н̃аан̣абажжаяаа наамаруубанд̇и… сан̇каарабажжаяаа вин̃н̃аан̣анд̇и… авиж̇ж̇аабажжаяаа сан̇каараад̇и, сусима, бассасий’’д̇и? ‘‘звам̣, бханд̇з’’.
‘‘‘Jātipaccayā jarāmaraṇa’nti, susima, passasī’’ti? ‘‘Evaṃ, bhante’’. ‘‘‘Bhavapaccayā jātī’ti, susima, passasī’’ti? ‘‘Evaṃ, bhante’’. ‘‘‘Upādānapaccayā bhavo’ti, susima, passasī’’ti? ‘‘Evaṃ, bhante’’. ‘‘‘Taṇhāpaccayā upādāna’nti, susima, passasī’’ti? ‘‘Evaṃ, bhante’’. ‘‘Vedanāpaccayā taṇhāti… phassapaccayā vedanāti… saḷāyatanapaccayā phassoti… nāmarūpapaccayā saḷāyatananti… viññāṇapaccayā nāmarūpanti… saṅkhārapaccayā viññāṇanti… avijjāpaccayā saṅkhārāti, susima, passasī’’ti? ‘‘Evaṃ, bhante’’.
‘‘‘ж̇аад̇инирод̇хаа ж̇араамаран̣анирод̇хо’д̇и, сусима, бассасий’’д̇и? ‘‘звам̣, бханд̇з’’ . ‘‘‘бхаванирод̇хаа ж̇аад̇инирод̇хо’д̇и сусима, бассасий’’д̇и? ‘‘звам̣, бханд̇з’’. ‘‘убаад̣̇аананирод̇хаа бхаванирод̇ход̇и… д̇ан̣хаанирод̇хаа убаад̣̇аананирод̇ход̇и… взд̣̇анаанирод̇хаа д̇ан̣хаанирод̇ход̇и… пассанирод̇хаа взд̣̇анаанирод̇ход̇и… сал̣ааяад̇ананирод̇хаа пассанирод̇ход̇и… наамаруубанирод̇хаа сал̣ааяад̇ананирод̇ход̇и… вин̃н̃аан̣анирод̇хаа наамаруубанирод̇ход̇и… сан̇кааранирод̇хаа вин̃н̃аан̣анирод̇ход̇и… авиж̇ж̇аанирод̇хаа сан̇кааранирод̇ход̇и, сусима, бассасий’’д̇и? ‘‘звам̣, бханд̇з’’.
‘‘‘Jātinirodhā jarāmaraṇanirodho’ti, susima, passasī’’ti? ‘‘Evaṃ, bhante’’ . ‘‘‘Bhavanirodhā jātinirodho’ti susima, passasī’’ti? ‘‘Evaṃ, bhante’’. ‘‘Upādānanirodhā bhavanirodhoti… taṇhānirodhā upādānanirodhoti… vedanānirodhā taṇhānirodhoti… phassanirodhā vedanānirodhoti… saḷāyatananirodhā phassanirodhoti… nāmarūpanirodhā saḷāyatananirodhoti… viññāṇanirodhā nāmarūpanirodhoti… saṅkhāranirodhā viññāṇanirodhoti… avijjānirodhā saṅkhāranirodhoti, susima, passasī’’ti? ‘‘Evaṃ, bhante’’.
‘‘аби бана д̇вам̣, сусима, звам̣ ж̇аананд̇о звам̣ бассанд̇о анзгавихид̇ам̣ ид̣̇д̇хивид̇хам̣ бажжанубхоси – згоби худ̇ваа б̣ахуд̇хаа хоси, б̣ахуд̇хааби худ̇ваа зго хоси; аавибхаавам̣, д̇иробхаавам̣, д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчаси, сзяяат̇ааби аагаасз; бат̇авияааби уммуж̇ж̇анимуж̇ж̇ам̣ гароси, сзяяат̇ааби уд̣̇агз; уд̣̇агзби абхиж̇ж̇амаано г̇ажчаси, сзяяат̇ааби бат̇авияам̣; аагаасзби баллан̇гзна гамаси, сзяяат̇ааби багкий сагун̣о; имзби жанд̣̇имасуурияз звам̣махид̣̇д̇хигз звам̣махаанубхаавз баан̣инаа баримасаси баримаж̇ж̇аси, яаава б̣рахмалогааби гааязна васам̣ вад̇д̇зсий’’д̇и? ‘‘но хзд̇ам̣, бханд̇з’’.
‘‘Api pana tvaṃ, susima, evaṃ jānanto evaṃ passanto anekavihitaṃ iddhividhaṃ paccanubhosi – ekopi hutvā bahudhā hosi, bahudhāpi hutvā eko hosi; āvibhāvaṃ, tirobhāvaṃ, tirokuṭṭaṃ tiropākāraṃ tiropabbataṃ asajjamāno gacchasi, seyyathāpi ākāse; pathaviyāpi ummujjanimujjaṃ karosi, seyyathāpi udake; udakepi abhijjamāno gacchasi, seyyathāpi pathaviyaṃ; ākāsepi pallaṅkena kamasi, seyyathāpi pakkhī sakuṇo; imepi candimasūriye evaṃmahiddhike evaṃmahānubhāve pāṇinā parimasasi parimajjasi, yāva brahmalokāpi kāyena vasaṃ vattesī’’ti? ‘‘No hetaṃ, bhante’’.
‘‘аби бана д̇вам̣, сусима, звам̣ ж̇аананд̇о звам̣ бассанд̇о д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣аси д̣̇иб̣б̣з жа маанусз жа яз д̣̇уурз санд̇игз жаа’’д̇и? ‘‘но хзд̇ам̣, бханд̇з’’.
‘‘Api pana tvaṃ, susima, evaṃ jānanto evaṃ passanto dibbāya sotadhātuyā visuddhāya atikkantamānusikāya ubho sadde suṇasi dibbe ca mānuse ca ye dūre santike cā’’ti? ‘‘No hetaṃ, bhante’’.
‘‘аби бана д̇вам̣, сусима, звам̣ ж̇аананд̇о звам̣ бассанд̇о барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇аанааси – сарааг̇ам̣ ваа жид̇д̇ам̣ сарааг̇ам̣ жид̇д̇анд̇и баж̇аанааси…бз… вимуд̇д̇ам̣ ваа жид̇д̇ам̣ вимуд̇д̇ам̣ жид̇д̇анд̇и баж̇аанаасий’’д̇и? ‘‘но хзд̇ам̣, бханд̇з’’.
‘‘Api pana tvaṃ, susima, evaṃ jānanto evaṃ passanto parasattānaṃ parapuggalānaṃ cetasā ceto paricca pajānāsi – sarāgaṃ vā cittaṃ sarāgaṃ cittanti pajānāsi…pe… vimuttaṃ vā cittaṃ vimuttaṃ cittanti pajānāsī’’ti? ‘‘No hetaṃ, bhante’’.
‘‘аби бана д̇вам̣, сусима, звам̣ ж̇аананд̇о звам̣ бассанд̇о анзгавихид̇ам̣ буб̣б̣зниваасам̣ ануссараси, сзяяат̇ид̣̇ам̣ – згамби ж̇аад̇им̣…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарасий’’д̇и? ‘‘но хзд̇ам̣, бханд̇з’’.
‘‘Api pana tvaṃ, susima, evaṃ jānanto evaṃ passanto anekavihitaṃ pubbenivāsaṃ anussarasi, seyyathidaṃ – ekampi jātiṃ…pe… iti sākāraṃ sauddesaṃ anekavihitaṃ pubbenivāsaṃ anussarasī’’ti? ‘‘No hetaṃ, bhante’’.
‘‘аби бана д̇вам̣, сусима, звам̣ ж̇аананд̇о звам̣ бассанд̇о д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассаси жавамаанз…бз… яат̇аагаммуубаг̇з сад̇д̇з баж̇аанаасий’’д̇и? ‘‘но хзд̇ам̣, бханд̇з’’.
‘‘Api pana tvaṃ, susima, evaṃ jānanto evaṃ passanto dibbena cakkhunā visuddhena atikkantamānusakena satte passasi cavamāne…pe… yathākammūpage satte pajānāsī’’ti? ‘‘No hetaṃ, bhante’’.
‘‘аби бана д̇вам̣, сусима, звам̣ ж̇аананд̇о звам̣ бассанд̇о яз д̇з санд̇аа вимогкаа ад̇иггамма руубз, ааруббаа д̇з гааязна пусид̇ваа вихарасий’’д̇и? ‘‘но хзд̇ам̣, бханд̇з’’.
‘‘Api pana tvaṃ, susima, evaṃ jānanto evaṃ passanto ye te santā vimokkhā atikkamma rūpe, āruppā te kāyena phusitvā viharasī’’ti? ‘‘No hetaṃ, bhante’’.
‘‘зд̇т̇а д̣̇аани, сусима, ид̣̇ан̃жа взяяаагаран̣ам̣ имзсан̃жа д̇хаммаанам̣ асамаабад̇д̇и, ид̣̇ам̣ но, сусима, гат̇а’’нд̇и?
‘‘Ettha dāni, susima, idañca veyyākaraṇaṃ imesañca dhammānaṃ asamāpatti, idaṃ no, susima, katha’’nti?
ат̇а ко ааяасмаа сусимо бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожа – ‘‘ажжаяо мам̣, бханд̇з, ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яваахам̣ звам̣ сваагкаад̇з д̇хаммавинаяз д̇хаммад̇т̇знаго баб̣б̣аж̇ид̇о. д̇асса мз, бханд̇з, бхаг̇аваа ажжаяам̣ ажжаяад̇о бадиг̇г̇ан̣хаад̇у ааяад̇им̣ сам̣варааяаа’’д̇и.
Atha kho āyasmā susimo bhagavato pādesu sirasā nipatitvā bhagavantaṃ etadavoca – ‘‘accayo maṃ, bhante, accagamā yathābālaṃ yathāmūḷhaṃ yathāakusalaṃ, yvāhaṃ evaṃ svākkhāte dhammavinaye dhammatthenako pabbajito. Tassa me, bhante, bhagavā accayaṃ accayato paṭiggaṇhātu āyatiṃ saṃvarāyā’’ti.
‘‘д̇аг̇гха д̇вам̣, сусима, ажжаяо ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яо д̇вам̣ звам̣ сваагкаад̇з д̇хаммавинаяз д̇хаммад̇т̇знаго баб̣б̣аж̇ид̇о. сзяяат̇ааби , сусима, жорам̣ ааг̇ужаарим̣ г̇ахзд̇ваа ран̃н̃о д̣̇ассзяяум̣ – ‘аяам̣ д̇з, д̣̇зва, жоро ааг̇ужаарий, имасса яам̣ ижчаси д̇ам̣ д̣̇ан̣д̣ам̣ бан̣зхий’д̇и. д̇амзнам̣ рааж̇аа звам̣ вад̣̇зяяа – ‘г̇ажчат̇а, бхо, имам̣ бурисам̣ д̣̇ал̣хааяа раж̇ж̇уяаа бажчааб̣аахам̣ г̇аал̣хаб̣анд̇ханам̣ б̣анд̇хид̇ваа курамун̣д̣ам̣ гарид̇ваа карассарзна бан̣авзна рат̇ияааяа рат̇ияам̣ син̇гхаадагзна син̇гхаадагам̣ баринзд̇ваа д̣̇агкин̣зна д̣̇ваарзна нигкаамзд̇ваа д̣̇агкин̣ад̇о наг̇арасса сийсам̣ чинд̣̇ат̇аа’д̇и . д̇амзнам̣ ран̃н̃о бурисаа д̣̇ал̣хааяа раж̇ж̇уяаа бажчааб̣аахам̣ г̇аал̣хаб̣анд̇ханам̣ б̣анд̇хид̇ваа курамун̣д̣ам̣ гарид̇ваа карассарзна бан̣авзна рат̇ияааяа рат̇ияам̣ син̇гхаадагзна син̇гхаадагам̣ баринзд̇ваа д̣̇агкин̣зна д̣̇ваарзна нигкаамзд̇ваа д̣̇агкин̣ад̇о наг̇арасса сийсам̣ чинд̣̇зяяум̣. д̇ам̣ гим̣ ман̃н̃аси, сусима, аби ну со бурисо д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇иязт̇аа’’д̇и? ‘‘звам̣, бханд̇з’’.
‘‘Taggha tvaṃ, susima, accayo accagamā yathābālaṃ yathāmūḷhaṃ yathāakusalaṃ, yo tvaṃ evaṃ svākkhāte dhammavinaye dhammatthenako pabbajito. Seyyathāpi , susima, coraṃ āgucāriṃ gahetvā rañño dasseyyuṃ – ‘ayaṃ te, deva, coro āgucārī, imassa yaṃ icchasi taṃ daṇḍaṃ paṇehī’ti. Tamenaṃ rājā evaṃ vadeyya – ‘gacchatha, bho, imaṃ purisaṃ daḷhāya rajjuyā pacchābāhaṃ gāḷhabandhanaṃ bandhitvā khuramuṇḍaṃ karitvā kharassarena paṇavena rathiyāya rathiyaṃ siṅghāṭakena siṅghāṭakaṃ parinetvā dakkhiṇena dvārena nikkhāmetvā dakkhiṇato nagarassa sīsaṃ chindathā’ti . Tamenaṃ rañño purisā daḷhāya rajjuyā pacchābāhaṃ gāḷhabandhanaṃ bandhitvā khuramuṇḍaṃ karitvā kharassarena paṇavena rathiyāya rathiyaṃ siṅghāṭakena siṅghāṭakaṃ parinetvā dakkhiṇena dvārena nikkhāmetvā dakkhiṇato nagarassa sīsaṃ chindeyyuṃ. Taṃ kiṃ maññasi, susima, api nu so puriso tatonidānaṃ dukkhaṃ domanassaṃ paṭisaṃvediyethā’’ti? ‘‘Evaṃ, bhante’’.
‘‘яам̣ ко со, сусима, бурисо д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇иязт̇а 9. яаа звам̣ сваагкаад̇з д̇хаммавинаяз д̇хаммад̇т̇знагасса баб̣б̣аж̇ж̇аа, аяам̣ д̇ад̇о д̣̇угкавибаагад̇араа жа гадугавибаагад̇араа жа, аби жа винибаад̇ааяа сам̣вад̇д̇ад̇и. яад̇о жа ко д̇вам̣, сусима, ажжаяам̣ ажжаяад̇о д̣̇исваа яат̇аад̇хаммам̣ бадигароси д̇ам̣ д̇з маяам̣ бадиг̇г̇ан̣хаама. вуд̣̇д̇хи хзсаа, сусима, арияасса винаяз яо ажжаяам̣ ажжаяад̇о д̣̇исваа яат̇аад̇хаммам̣ бадигарод̇и, ааяад̇ин̃жа 10 сам̣варам̣ аабаж̇ж̇ад̇ий’’д̇и. д̣̇асамам̣.
‘‘Yaṃ kho so, susima, puriso tatonidānaṃ dukkhaṃ domanassaṃ paṭisaṃvediyetha 11. Yā evaṃ svākkhāte dhammavinaye dhammatthenakassa pabbajjā, ayaṃ tato dukkhavipākatarā ca kaṭukavipākatarā ca, api ca vinipātāya saṃvattati. Yato ca kho tvaṃ, susima, accayaṃ accayato disvā yathādhammaṃ paṭikarosi taṃ te mayaṃ paṭiggaṇhāma. Vuddhi hesā, susima, ariyassa vinaye yo accayaṃ accayato disvā yathādhammaṃ paṭikaroti, āyatiñca 12 saṃvaraṃ āpajjatī’’ti. Dasamaṃ.
махааваг̇г̇о сад̇д̇амо.
Mahāvaggo sattamo.
д̇ассуд̣̇д̣̇аанам̣ –
Tassuddānaṃ –
д̣̇вз ассуд̇авад̇аа вуд̇д̇аа, буд̇д̇амам̣сзна жаабарам̣;
Dve assutavatā vuttā, puttamaṃsena cāparaṃ;
ад̇т̇ирааг̇о жа наг̇арам̣, саммасам̣ нал̣агалаабияам̣;
Atthirāgo ca nagaraṃ, sammasaṃ naḷakalāpiyaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. сусимасуд̇д̇аван̣н̣анаа • 10. Susimasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. сусимасуд̇д̇аван̣н̣анаа • 10. Susimasuttavaṇṇanā
