| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੯. ਸੁਸਿਮਸੁਤ੍ਤਂ
9. Susimasuttaṃ
੧੧੦. ਸਾવਤ੍ਥਿਨਿਦਾਨਂ । ਅਥ ਖੋ ਆਯਸ੍ਮਾ ਆਨਨ੍ਦੋ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਆਯਸ੍ਮਨ੍ਤਂ ਆਨਨ੍ਦਂ ਭਗવਾ ਏਤਦવੋਚ – ‘‘ਤੁਯ੍ਹਮ੍ਪਿ ਨੋ, ਆਨਨ੍ਦ, ਸਾਰਿਪੁਤ੍ਤੋ ਰੁਚ੍ਚਤੀ’’ਤਿ?
110. Sāvatthinidānaṃ . Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ ānandaṃ bhagavā etadavoca – ‘‘tuyhampi no, ānanda, sāriputto ruccatī’’ti?
‘‘ਕਸ੍ਸ ਹਿ ਨਾਮ, ਭਨ੍ਤੇ, ਅਬਾਲਸ੍ਸ ਅਦੁਟ੍ਠਸ੍ਸ ਅਮੂਲ਼੍ਹਸ੍ਸ ਅવਿਪਲ੍ਲਤ੍ਥਚਿਤ੍ਤਸ੍ਸ ਆਯਸ੍ਮਾ ਸਾਰਿਪੁਤ੍ਤੋ ਨ ਰੁਚ੍ਚੇਯ੍ਯ? ਪਣ੍ਡਿਤੋ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ । ਮਹਾਪਞ੍ਞੋ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਪੁਥੁਪਞ੍ਞੋ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਹਾਸਪਞ੍ਞੋ 1, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਜવਨਪਞ੍ਞੋ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਤਿਕ੍ਖਪਞ੍ਞੋ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਨਿਬ੍ਬੇਧਿਕਪਞ੍ਞੋ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਅਪ੍ਪਿਚ੍ਛੋ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਸਨ੍ਤੁਟ੍ਠੋ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਪવਿવਿਤ੍ਤੋ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਅਸਂਸਟ੍ਠੋ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਆਰਦ੍ਧવੀਰਿਯੋ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। વਤ੍ਤਾ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। વਚਨਕ੍ਖਮੋ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਚੋਦਕੋ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਪਾਪਗਰਹੀ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਕਸ੍ਸ ਹਿ ਨਾਮ, ਭਨ੍ਤੇ, ਅਬਾਲਸ੍ਸ ਅਦੁਟ੍ਠਸ੍ਸ ਅਮੂਲ਼੍ਹਸ੍ਸ ਅવਿਪਲ੍ਲਤ੍ਥਚਿਤ੍ਤਸ੍ਸ ਆਯਸ੍ਮਾ ਸਾਰਿਪੁਤ੍ਤੋ ਨ ਰੁਚ੍ਚੇਯ੍ਯਾ’’ਤਿ?
‘‘Kassa hi nāma, bhante, abālassa aduṭṭhassa amūḷhassa avipallatthacittassa āyasmā sāriputto na rucceyya? Paṇḍito, bhante, āyasmā sāriputto . Mahāpañño, bhante, āyasmā sāriputto. Puthupañño, bhante, āyasmā sāriputto. Hāsapañño 2, bhante, āyasmā sāriputto. Javanapañño, bhante, āyasmā sāriputto. Tikkhapañño, bhante, āyasmā sāriputto. Nibbedhikapañño, bhante, āyasmā sāriputto. Appiccho, bhante, āyasmā sāriputto. Santuṭṭho, bhante, āyasmā sāriputto. Pavivitto, bhante, āyasmā sāriputto. Asaṃsaṭṭho, bhante, āyasmā sāriputto. Āraddhavīriyo, bhante, āyasmā sāriputto. Vattā, bhante, āyasmā sāriputto. Vacanakkhamo, bhante, āyasmā sāriputto. Codako, bhante, āyasmā sāriputto. Pāpagarahī, bhante, āyasmā sāriputto. Kassa hi nāma, bhante, abālassa aduṭṭhassa amūḷhassa avipallatthacittassa āyasmā sāriputto na rucceyyā’’ti?
‘‘ਏવਮੇਤਂ , ਆਨਨ੍ਦ, ਏવਮੇਤਂ, ਆਨਨ੍ਦ! ਕਸ੍ਸ ਹਿ ਨਾਮ, ਆਨਨ੍ਦ, ਅਬਾਲਸ੍ਸ ਅਦੁਟ੍ਠਸ੍ਸ ਅਮੂਲ਼੍ਹਸ੍ਸ ਅવਿਪਲ੍ਲਤ੍ਥਚਿਤ੍ਤਸ੍ਸ ਸਾਰਿਪੁਤ੍ਤੋ ਨ ਰੁਚ੍ਚੇਯ੍ਯ? ਪਣ੍ਡਿਤੋ, ਆਨਨ੍ਦ, ਸਾਰਿਪੁਤ੍ਤੋ। ਮਹਾਪਞ੍ਞੋ, ਆਨਨ੍ਦ, ਸਾਰਿਪੁਤ੍ਤੋ। ਪੁਥੁਪਞ੍ਞੋ, ਆਨਨ੍ਦ, ਸਾਰਿਪੁਤ੍ਤੋ। ਹਾਸਪਞ੍ਞੋ, ਆਨਨ੍ਦ, ਸਾਰਿਪੁਤ੍ਤੋ। ਜવਨਪਞ੍ਞੋ, ਆਨਨ੍ਦ, ਸਾਰਿਪੁਤ੍ਤੋ। ਤਿਕ੍ਖਪਞ੍ਞੋ, ਆਨਨ੍ਦ, ਸਾਰਿਪੁਤ੍ਤੋ। ਨਿਬ੍ਬੇਧਿਕਪਞ੍ਞੋ, ਆਨਨ੍ਦ, ਸਾਰਿਪੁਤ੍ਤੋ। ਅਪ੍ਪਿਚ੍ਛੋ, ਆਨਨ੍ਦ, ਸਾਰਿਪੁਤ੍ਤੋ। ਸਨ੍ਤੁਟ੍ਠੋ, ਆਨਨ੍ਦ, ਸਾਰਿਪੁਤ੍ਤੋ। ਪવਿવਿਤ੍ਤੋ, ਆਨਨ੍ਦ, ਸਾਰਿਪੁਤ੍ਤੋ। ਅਸਂਸਟ੍ਠੋ, ਆਨਨ੍ਦ, ਸਾਰਿਪੁਤ੍ਤੋ। ਆਰਦ੍ਧવੀਰਿਯੋ, ਆਨਨ੍ਦ, ਸਾਰਿਪੁਤ੍ਤੋ। વਤ੍ਤਾ, ਆਨਨ੍ਦ, ਸਾਰਿਪੁਤ੍ਤੋ। વਚਨਕ੍ਖਮੋ, ਆਨਨ੍ਦ, ਸਾਰਿਪੁਤ੍ਤੋ । ਚੋਦਕੋ, ਆਨਨ੍ਦ, ਸਾਰਿਪੁਤ੍ਤੋ। ਪਾਪਗਰਹੀ, ਆਨਨ੍ਦ, ਸਾਰਿਪੁਤ੍ਤੋ। ਕਸ੍ਸ ਹਿ ਨਾਮ, ਆਨਨ੍ਦ, ਅਬਾਲਸ੍ਸ ਅਦੁਟ੍ਠਸ੍ਸ ਅਮੂਲ਼੍ਹਸ੍ਸ ਅવਿਪਲ੍ਲਤ੍ਥਚਿਤ੍ਤਸ੍ਸ ਸਾਰਿਪੁਤ੍ਤੋ ਨ ਰੁਚ੍ਚੇਯ੍ਯਾ’’ਤਿ?
‘‘Evametaṃ , ānanda, evametaṃ, ānanda! Kassa hi nāma, ānanda, abālassa aduṭṭhassa amūḷhassa avipallatthacittassa sāriputto na rucceyya? Paṇḍito, ānanda, sāriputto. Mahāpañño, ānanda, sāriputto. Puthupañño, ānanda, sāriputto. Hāsapañño, ānanda, sāriputto. Javanapañño, ānanda, sāriputto. Tikkhapañño, ānanda, sāriputto. Nibbedhikapañño, ānanda, sāriputto. Appiccho, ānanda, sāriputto. Santuṭṭho, ānanda, sāriputto. Pavivitto, ānanda, sāriputto. Asaṃsaṭṭho, ānanda, sāriputto. Āraddhavīriyo, ānanda, sāriputto. Vattā, ānanda, sāriputto. Vacanakkhamo, ānanda, sāriputto . Codako, ānanda, sāriputto. Pāpagarahī, ānanda, sāriputto. Kassa hi nāma, ānanda, abālassa aduṭṭhassa amūḷhassa avipallatthacittassa sāriputto na rucceyyā’’ti?
ਅਥ ਖੋ ਸੁਸਿਮੋ 3 ਦੇવਪੁਤ੍ਤੋ ਆਯਸ੍ਮਤੋ ਸਾਰਿਪੁਤ੍ਤਸ੍ਸ વਣ੍ਣੇ ਭਞ੍ਞਮਾਨੇ ਮਹਤਿਯਾ ਦੇવਪੁਤ੍ਤਪਰਿਸਾਯ ਪਰਿવੁਤੋ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਅਟ੍ਠਾਸਿ। ਏਕਮਨ੍ਤਂ ਠਿਤੋ ਖੋ ਸੁਸਿਮੋ ਦੇવਪੁਤ੍ਤੋ ਭਗવਨ੍ਤਂ ਏਤਦવੋਚ –
Atha kho susimo 4 devaputto āyasmato sāriputtassa vaṇṇe bhaññamāne mahatiyā devaputtaparisāya parivuto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho susimo devaputto bhagavantaṃ etadavoca –
‘‘ਏવਮੇਤਂ , ਭਗવਾ, ਏવਮੇਤਂ, ਸੁਗਤ। ਕਸ੍ਸ ਹਿ ਨਾਮ, ਭਨ੍ਤੇ, ਅਬਾਲਸ੍ਸ ਅਦੁਟ੍ਠਸ੍ਸ ਅਮੂਲ਼੍ਹਸ੍ਸ ਅવਿਪਲ੍ਲਤ੍ਥਚਿਤ੍ਤਸ੍ਸ ਆਯਸ੍ਮਾ ਸਾਰਿਪੁਤ੍ਤੋ ਨ ਰੁਚ੍ਚੇਯ੍ਯ? ਪਣ੍ਡਿਤੋ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਮਹਾਪਞ੍ਞੋ, ਭਨ੍ਤੇ, ਪੁਥੁਪਞ੍ਞੋ, ਭਨ੍ਤੇ, ਹਾਸਪਞ੍ਞੋ, ਭਨ੍ਤੇ, ਜવਨਪਞ੍ਞੋ, ਭਨ੍ਤੇ, ਤਿਕ੍ਖਪਞ੍ਞੋ, ਭਨ੍ਤੇ, ਨਿਬ੍ਬੇਧਿਕਪਞ੍ਞੋ, ਭਨ੍ਤੇ, ਅਪ੍ਪਿਚ੍ਛੋ, ਭਨ੍ਤੇ, ਸਨ੍ਤੁਟ੍ਠੋ, ਭਨ੍ਤੇ, ਪવਿવਿਤ੍ਤੋ, ਭਨ੍ਤੇ, ਅਸਂਸਟ੍ਠੋ, ਭਨ੍ਤੇ, ਆਰਦ੍ਧવੀਰਿਯੋ, ਭਨ੍ਤੇ, વਤ੍ਤਾ, ਭਨ੍ਤੇ, વਚਨਕ੍ਖਮੋ, ਭਨ੍ਤੇ, ਚੋਦਕੋ, ਭਨ੍ਤੇ, ਪਾਪਗਰਹੀ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ। ਕਸ੍ਸ ਹਿ ਨਾਮ, ਭਨ੍ਤੇ, ਅਬਾਲਸ੍ਸ ਅਦੁਟ੍ਠਸ੍ਸ ਅਮੂਲ਼੍ਹਸ੍ਸ ਅવਿਪਲ੍ਲਤ੍ਥਚਿਤ੍ਤਸ੍ਸ ਆਯਸ੍ਮਾ ਸਾਰਿਪੁਤ੍ਤੋ ਨ ਰੁਚ੍ਚੇਯ੍ਯ?
‘‘Evametaṃ , bhagavā, evametaṃ, sugata. Kassa hi nāma, bhante, abālassa aduṭṭhassa amūḷhassa avipallatthacittassa āyasmā sāriputto na rucceyya? Paṇḍito, bhante, āyasmā sāriputto. Mahāpañño, bhante, puthupañño, bhante, hāsapañño, bhante, javanapañño, bhante, tikkhapañño, bhante, nibbedhikapañño, bhante, appiccho, bhante, santuṭṭho, bhante, pavivitto, bhante, asaṃsaṭṭho, bhante, āraddhavīriyo, bhante, vattā, bhante, vacanakkhamo, bhante, codako, bhante, pāpagarahī, bhante, āyasmā sāriputto. Kassa hi nāma, bhante, abālassa aduṭṭhassa amūḷhassa avipallatthacittassa āyasmā sāriputto na rucceyya?
‘‘ਅਹਮ੍ਪਿ ਹਿ, ਭਨ੍ਤੇ, ਯਞ੍ਞਦੇવ ਦੇવਪੁਤ੍ਤਪਰਿਸਂ ਉਪਸਙ੍ਕਮਿਂ, ਏਤਦੇવ ਬਹੁਲਂ ਸਦ੍ਦਂ ਸੁਣਾਮਿ – ‘ਪਣ੍ਡਿਤੋ ਆਯਸ੍ਮਾ ਸਾਰਿਪੁਤ੍ਤੋ; ਮਹਾਪਞ੍ਞੋ ਆਯਸ੍ਮਾ, ਪੁਥੁਪਞ੍ਞੋ ਆਯਸ੍ਮਾ, ਹਾਸਪਞ੍ਞੋ ਆਯਸ੍ਮਾ, ਜવਨਪਞ੍ਞੋ ਆਯਸ੍ਮਾ, ਤਿਕ੍ਖਪਞ੍ਞੋ ਆਯਸ੍ਮਾ, ਨਿਬ੍ਬੇਧਿਕਪਞ੍ਞੋ ਆਯਸ੍ਮਾ, ਅਪ੍ਪਿਚ੍ਛੋ ਆਯਸ੍ਮਾ, ਸਨ੍ਤੁਟ੍ਠੋ ਆਯਸ੍ਮਾ, ਪવਿવਿਤ੍ਤੋ ਆਯਸ੍ਮਾ, ਅਸਂਸਟ੍ਠੋ ਆਯਸ੍ਮਾ, ਆਰਦ੍ਧવੀਰਿਯੋ ਆਯਸ੍ਮਾ, વਤ੍ਤਾ ਆਯਸ੍ਮਾ, વਚਨਕ੍ਖਮੋ ਆਯਸ੍ਮਾ, ਚੋਦਕੋ ਆਯਸ੍ਮਾ, ਪਾਪਗਰਹੀ ਆਯਸ੍ਮਾ ਸਾਰਿਪੁਤ੍ਤੋ’ਤਿ । ਕਸ੍ਸ ਹਿ ਨਾਮ, ਭਨ੍ਤੇ, ਅਬਾਲਸ੍ਸ ਅਦੁਟ੍ਠਸ੍ਸ ਅਮੂਲ਼੍ਹਸ੍ਸ ਅવਿਪਲ੍ਲਤ੍ਥਚਿਤ੍ਤਸ੍ਸ ਆਯਸ੍ਮਾ ਸਾਰਿਪੁਤ੍ਤੋ ਨ ਰੁਚ੍ਚੇਯ੍ਯਾ’’ਤਿ?
‘‘Ahampi hi, bhante, yaññadeva devaputtaparisaṃ upasaṅkamiṃ, etadeva bahulaṃ saddaṃ suṇāmi – ‘paṇḍito āyasmā sāriputto; mahāpañño āyasmā, puthupañño āyasmā, hāsapañño āyasmā, javanapañño āyasmā, tikkhapañño āyasmā, nibbedhikapañño āyasmā, appiccho āyasmā, santuṭṭho āyasmā, pavivitto āyasmā, asaṃsaṭṭho āyasmā, āraddhavīriyo āyasmā, vattā āyasmā, vacanakkhamo āyasmā, codako āyasmā, pāpagarahī āyasmā sāriputto’ti . Kassa hi nāma, bhante, abālassa aduṭṭhassa amūḷhassa avipallatthacittassa āyasmā sāriputto na rucceyyā’’ti?
ਅਥ ਖੋ ਸੁਸਿਮਸ੍ਸ ਦੇવਪੁਤ੍ਤਸ੍ਸ ਦੇવਪੁਤ੍ਤਪਰਿਸਾ ਆਯਸ੍ਮਤੋ ਸਾਰਿਪੁਤ੍ਤਸ੍ਸ વਣ੍ਣੇ ਭਞ੍ਞਮਾਨੇ ਅਤ੍ਤਮਨਾ ਪਮੁਦਿਤਾ ਪੀਤਿਸੋਮਨਸ੍ਸਜਾਤਾ ਉਚ੍ਚਾવਚਾ વਣ੍ਣਨਿਭਾ ਉਪਦਂਸੇਤਿ।
Atha kho susimassa devaputtassa devaputtaparisā āyasmato sāriputtassa vaṇṇe bhaññamāne attamanā pamuditā pītisomanassajātā uccāvacā vaṇṇanibhā upadaṃseti.
‘‘ਸੇਯ੍ਯਥਾਪਿ ਨਾਮ ਮਣਿ વੇਲ਼ੁਰਿਯੋ ਸੁਭੋ ਜਾਤਿਮਾ ਅਟ੍ਠਂਸੋ ਸੁਪਰਿਕਮ੍ਮਕਤੋ ਪਣ੍ਡੁਕਮ੍ਬਲੇ ਨਿਕ੍ਖਿਤ੍ਤੋ ਭਾਸਤੇ ਚ ਤਪਤੇ ਚ વਿਰੋਚਤਿ ਚ; ਏવਮੇવਂ ਸੁਸਿਮਸ੍ਸ ਦੇવਪੁਤ੍ਤਸ੍ਸ ਦੇવਪੁਤ੍ਤਪਰਿਸਾ ਆਯਸ੍ਮਤੋ ਸਾਰਿਪੁਤ੍ਤਸ੍ਸ વਣ੍ਣੇ ਭਞ੍ਞਮਾਨੇ ਅਤ੍ਤਮਨਾ ਪਮੁਦਿਤਾ ਪੀਤਿਸੋਮਨਸ੍ਸਜਾਤਾ ਉਚ੍ਚਾવਚਾ વਣ੍ਣਨਿਭਾ ਉਪਦਂਸੇਤਿ।
‘‘Seyyathāpi nāma maṇi veḷuriyo subho jātimā aṭṭhaṃso suparikammakato paṇḍukambale nikkhitto bhāsate ca tapate ca virocati ca; evamevaṃ susimassa devaputtassa devaputtaparisā āyasmato sāriputtassa vaṇṇe bhaññamāne attamanā pamuditā pītisomanassajātā uccāvacā vaṇṇanibhā upadaṃseti.
‘‘ਸੇਯ੍ਯਥਾਪਿ ਨਾਮ ਨਿਕ੍ਖਂ ਜਮ੍ਬੋਨਦਂ ਦਕ੍ਖਕਮ੍ਮਾਰਪੁਤ੍ਤਉਕ੍ਕਾਮੁਖਸੁਕੁਸਲਸਮ੍ਪਹਟ੍ਠਂ ਪਣ੍ਡੁਕਮ੍ਬਲੇ ਨਿਕ੍ਖਿਤ੍ਤਂ ਭਾਸਤੇ ਚ ਤਪਤੇ ਚ વਿਰੋਚਤਿ ਚ; ਏવਮੇવਂ ਸੁਸਿਮਸ੍ਸ ਦੇવਪੁਤ੍ਤਸ੍ਸ ਦੇવਪੁਤ੍ਤਪਰਿਸਾ ਆਯਸ੍ਮਤੋ ਸਾਰਿਪੁਤ੍ਤਸ੍ਸ વਣ੍ਣੇ ਭਞ੍ਞਮਾਨੇ ਅਤ੍ਤਮਨਾ ਪਮੁਦਿਤਾ ਪੀਤਿਸੋਮਨਸ੍ਸਜਾਤਾ ਉਚ੍ਚਾવਚਾ વਣ੍ਣਨਿਭਾ ਉਪਦਂਸੇਤਿ।
‘‘Seyyathāpi nāma nikkhaṃ jambonadaṃ dakkhakammāraputtaukkāmukhasukusalasampahaṭṭhaṃ paṇḍukambale nikkhittaṃ bhāsate ca tapate ca virocati ca; evamevaṃ susimassa devaputtassa devaputtaparisā āyasmato sāriputtassa vaṇṇe bhaññamāne attamanā pamuditā pītisomanassajātā uccāvacā vaṇṇanibhā upadaṃseti.
‘‘ਸੇਯ੍ਯਥਾਪਿ ਨਾਮ ਸਰਦਸਮਯੇ વਿਦ੍ਧੇ વਿਗਤવਲਾਹਕੇ ਦੇવੇ ਰਤ੍ਤਿਯਾ ਪਚ੍ਚੂਸਸਮਯਂ ਓਸਧਿਤਾਰਕਾ ਭਾਸਤੇ ਚ ਤਪਤੇ ਚ વਿਰੋਚਤਿ ਚ; ਏવਮੇવਂ ਸੁਸਿਮਸ੍ਸ ਦੇવਪੁਤ੍ਤਸ੍ਸ ਦੇવਪੁਤ੍ਤਪਰਿਸਾ ਆਯਸ੍ਮਤੋ ਸਾਰਿਪੁਤ੍ਤਸ੍ਸ વਣ੍ਣੇ ਭਞ੍ਞਮਾਨੇ ਅਤ੍ਤਮਨਾ ਪਮੁਦਿਤਾ ਪੀਤਿਸੋਮਨਸ੍ਸਜਾਤਾ ਉਚ੍ਚਾવਚਾ વਣ੍ਣਨਿਭਾ ਉਪਦਂਸੇਤਿ।
‘‘Seyyathāpi nāma saradasamaye viddhe vigatavalāhake deve rattiyā paccūsasamayaṃ osadhitārakā bhāsate ca tapate ca virocati ca; evamevaṃ susimassa devaputtassa devaputtaparisā āyasmato sāriputtassa vaṇṇe bhaññamāne attamanā pamuditā pītisomanassajātā uccāvacā vaṇṇanibhā upadaṃseti.
‘‘ਸੇਯ੍ਯਥਾਪਿ ਨਾਮ ਸਰਦਸਮਯੇ વਿਦ੍ਧੇ વਿਗਤવਲਾਹਕੇ ਦੇવੇ ਆਦਿਚ੍ਚੋ ਨਭਂ ਅਬ੍ਭੁਸ੍ਸਕ੍ਕਮਾਨੋ 5 ਸਬ੍ਬਂ ਆਕਾਸਗਤਂ ਤਮਗਤਂ ਅਭਿવਿਹਚ੍ਚ ਭਾਸਤੇ ਚ ਤਪਤੇ ਚ વਿਰੋਚਤਿ ਚ; ਏવਮੇવਂ ਸੁਸਿਮਸ੍ਸ ਦੇવਪੁਤ੍ਤਸ੍ਸ ਦੇવਪੁਤ੍ਤਪਰਿਸਾ ਆਯਸ੍ਮਤੋ ਸਾਰਿਪੁਤ੍ਤਸ੍ਸ વਣ੍ਣੇ ਭਞ੍ਞਮਾਨੇ ਅਤ੍ਤਮਨਾ ਪਮੁਦਿਤਾ ਪੀਤਿਸੋਮਨਸ੍ਸਜਾਤਾ ਉਚ੍ਚਾવਚਾ વਣ੍ਣਨਿਭਾ ਉਪਦਂਸੇਤਿ।
‘‘Seyyathāpi nāma saradasamaye viddhe vigatavalāhake deve ādicco nabhaṃ abbhussakkamāno 6 sabbaṃ ākāsagataṃ tamagataṃ abhivihacca bhāsate ca tapate ca virocati ca; evamevaṃ susimassa devaputtassa devaputtaparisā āyasmato sāriputtassa vaṇṇe bhaññamāne attamanā pamuditā pītisomanassajātā uccāvacā vaṇṇanibhā upadaṃseti.
ਅਥ ਖੋ ਸੁਸਿਮੋ ਦੇવਪੁਤ੍ਤੋ ਆਯਸ੍ਮਨ੍ਤਂ ਸਾਰਿਪੁਤ੍ਤਂ ਆਰਬ੍ਭ ਭਗવਤੋ ਸਨ੍ਤਿਕੇ ਇਮਂ ਗਾਥਂ ਅਭਾਸਿ –
Atha kho susimo devaputto āyasmantaṃ sāriputtaṃ ārabbha bhagavato santike imaṃ gāthaṃ abhāsi –
‘‘ਪਣ੍ਡਿਤੋਤਿ ਸਮਞ੍ਞਾਤੋ, ਸਾਰਿਪੁਤ੍ਤੋ ਅਕੋਧਨੋ।
‘‘Paṇḍitoti samaññāto, sāriputto akodhano;
ਅਪ੍ਪਿਚ੍ਛੋ ਸੋਰਤੋ ਦਨ੍ਤੋ, ਸਤ੍ਥੁવਣ੍ਣਾਭਤੋ ਇਸੀ’’ਤਿ॥
Appiccho sorato danto, satthuvaṇṇābhato isī’’ti.
ਅਥ ਖੋ ਭਗવਾ ਆਯਸ੍ਮਨ੍ਤਂ ਸਾਰਿਪੁਤ੍ਤਂ ਆਰਬ੍ਭ ਸੁਸਿਮਂ ਦੇવਪੁਤ੍ਤਂ ਗਾਥਾਯ ਪਚ੍ਚਭਾਸਿ –
Atha kho bhagavā āyasmantaṃ sāriputtaṃ ārabbha susimaṃ devaputtaṃ gāthāya paccabhāsi –
‘‘ਪਣ੍ਡਿਤੋਤਿ ਸਮਞ੍ਞਾਤੋ, ਸਾਰਿਪੁਤ੍ਤੋ ਅਕੋਧਨੋ।
‘‘Paṇḍitoti samaññāto, sāriputto akodhano;
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਸੁਸਿਮਸੁਤ੍ਤવਣ੍ਣਨਾ • 9. Susimasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. ਸੁਸਿਮਸੁਤ੍ਤવਣ੍ਣਨਾ • 9. Susimasuttavaṇṇanā
