| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. сусимасуд̇д̇аван̣н̣анаа
9. Susimasuttavaṇṇanā
110. навамз д̇уяхамби но, аананд̣̇а, саарибуд̇д̇о ружжад̇ийд̇и сад̇т̇аа т̇зрасса ван̣н̣ам̣ гат̇зд̇угаамо, ван̣н̣о жа наамзса висабхааг̇абуг̇г̇аласса санд̇игз гат̇зд̇ум̣ на ваддад̇и. д̇асса санд̇игз гат̇ид̇о хи мад̇т̇агам̣ на баабун̣аад̇и. со хи ‘‘асуго наама бхигку сийлаваа’’д̇и вуд̇д̇з. ‘‘гим̣ д̇асса сийлам̣? г̇оруубасийло со. гим̣ д̇аяаа ан̃н̃о сийлаваа на д̣̇идтабуб̣б̣о’’д̇и ваа? ‘‘бан̃н̃аваа’’д̇и вуд̇д̇з, ‘‘гим̣ бан̃н̃о со? гим̣ д̇аяаа ан̃н̃о бан̃н̃аваа на д̣̇идтабуб̣б̣о’’д̇и? ваа, аад̣̇ийни вад̇ваа ван̣н̣агат̇ааяа анд̇арааяам̣ гарод̇и. аананд̣̇ад̇т̇зро бана саарибуд̇д̇ад̇т̇зрасса сабхааг̇о, бан̣ийд̇аани лабхид̇ваа т̇зрасса д̣̇зд̇и, ад̇д̇ано убадтаагад̣̇аарагз баб̣б̣ааж̇зд̇ваа т̇зрасса санд̇игз убаж̇жхам̣ г̇ан̣хаабзд̇и, убасамбаад̣̇зд̇и. саарибуд̇д̇ад̇т̇зроби аананд̣̇ад̇т̇зрасса д̇ат̇зва гарод̇и. гим̣ гааран̣аа? ан̃н̃аман̃н̃асса г̇ун̣зсу басийд̣̇ид̇ваа. аананд̣̇ад̇т̇зро хи – ‘‘амхаагам̣ ж̇здтабхаад̇иго згам̣ асан̇кязяяам̣ сад̇асахассан̃жа габбз баарамияо буурзд̇ваа сол̣асавид̇хам̣ бан̃н̃ам̣ бадивиж̇жхид̇ваа д̇хаммасзнаабад̇идтаанз тид̇о’’д̇и т̇зрасса г̇ун̣зсу басийд̣̇ид̇ваава т̇зрам̣ мамааяад̇и. саарибуд̇д̇ад̇т̇зроби – ‘‘саммаасамб̣уд̣̇д̇хасса маяаа гад̇д̇аб̣б̣ам̣ мукод̣̇агад̣̇аанаад̣̇игижжам̣ саб̣б̣ам̣ аананд̣̇о гарод̇и. аананд̣̇ам̣ ниссааяа ахам̣ ижчид̇ижчид̇ам̣ самаабад̇д̇им̣ самаабаж̇ж̇ид̇ум̣ лабхаамий’’д̇и ааяасмад̇о аананд̣̇асса г̇ун̣зсу басийд̣̇ид̇ваава д̇ам̣ мамааяад̇и. д̇асмаа бхаг̇аваа саарибуд̇д̇ад̇т̇зрасса ван̣н̣ам̣ гат̇зд̇угаамо аананд̣̇ад̇т̇зрасса санд̇игз гат̇зд̇ум̣ аарад̣̇д̇хо.
110. Navame tuyhampi no, ānanda, sāriputto ruccatīti satthā therassa vaṇṇaṃ kathetukāmo, vaṇṇo ca nāmesa visabhāgapuggalassa santike kathetuṃ na vaṭṭati. Tassa santike kathito hi matthakaṃ na pāpuṇāti. So hi ‘‘asuko nāma bhikkhu sīlavā’’ti vutte. ‘‘Kiṃ tassa sīlaṃ? Gorūpasīlo so. Kiṃ tayā añño sīlavā na diṭṭhapubbo’’ti vā? ‘‘Paññavā’’ti vutte, ‘‘kiṃ pañño so? Kiṃ tayā añño paññavā na diṭṭhapubbo’’ti? Vā, ādīni vatvā vaṇṇakathāya antarāyaṃ karoti. Ānandatthero pana sāriputtattherassa sabhāgo, paṇītāni labhitvā therassa deti, attano upaṭṭhākadārake pabbājetvā therassa santike upajjhaṃ gaṇhāpeti, upasampādeti. Sāriputtattheropi ānandattherassa tatheva karoti. Kiṃ kāraṇā? Aññamaññassa guṇesu pasīditvā. Ānandatthero hi – ‘‘amhākaṃ jeṭṭhabhātiko ekaṃ asaṅkhyeyyaṃ satasahassañca kappe pāramiyo pūretvā soḷasavidhaṃ paññaṃ paṭivijjhitvā dhammasenāpatiṭṭhāne ṭhito’’ti therassa guṇesu pasīditvāva theraṃ mamāyati. Sāriputtattheropi – ‘‘sammāsambuddhassa mayā kattabbaṃ mukhodakadānādikiccaṃ sabbaṃ ānando karoti. Ānandaṃ nissāya ahaṃ icchiticchitaṃ samāpattiṃ samāpajjituṃ labhāmī’’ti āyasmato ānandassa guṇesu pasīditvāva taṃ mamāyati. Tasmā bhagavā sāriputtattherassa vaṇṇaṃ kathetukāmo ānandattherassa santike kathetuṃ āraddho.
д̇ад̇т̇а д̇уяхамбийд̇и самбин̣д̣анад̇т̇о би-гааро. ид̣̇ам̣ вуд̇д̇ам̣ ход̇и – ‘‘аананд̣̇а, саарибуд̇д̇асса аажааро г̇ожаро вихааро абхиггамо бадиггамо аалогид̇авилогид̇ам̣ самин̃ж̇ид̇абасааран̣ам̣ маяхам̣ ружжад̇и, асийд̇имахаат̇зраанам̣ ружжад̇и, сад̣̇звагасса логасса ружжад̇и. д̇уяхамби ружжад̇ий’’д̇и?
Tattha tuyhampīti sampiṇḍanattho pi-kāro. Idaṃ vuttaṃ hoti – ‘‘ānanda, sāriputtassa ācāro gocaro vihāro abhikkamo paṭikkamo ālokitavilokitaṃ samiñjitapasāraṇaṃ mayhaṃ ruccati, asītimahātherānaṃ ruccati, sadevakassa lokassa ruccati. Tuyhampi ruccatī’’ti?
д̇ад̇о т̇зро саадаганд̇арз лад̣̇д̇хогаасо б̣алавамалло вияа д̇удтамаанасо худ̇ваа – ‘‘сад̇т̇аа маяхам̣ бияасахааяасса ван̣н̣ам̣ гат̇аабзд̇угаамо. лабхиссаами но аж̇ж̇а, д̣̇ийбад̇хаж̇абхууд̇ам̣ махааж̇амб̣ум̣ вид̇хунанд̇о вияа валаахаганд̇арад̇о жанд̣̇ам̣ нийхарид̇ваа д̣̇ассзнд̇о вияа саарибуд̇д̇ад̇т̇зрасса ван̣н̣ам̣ гат̇зд̇у’’нд̇и жинд̇зд̇ваа батамад̇арам̣ д̇аава жад̇уухи бад̣̇зхи буг̇г̇алабалаабз харанд̇о гасса хи наама, бханд̇з, аб̣аалассаад̇иаад̣̇имааха. б̣аало хи б̣аалад̇ааяа, д̣̇удто д̣̇осад̇ааяа, муул̣хо мохзна, вибаллад̇т̇ажид̇д̇о уммад̇д̇аго жид̇д̇авибаллаасзна ван̣н̣ам̣ ‘‘ван̣н̣о’’д̇и ваа аван̣н̣ам̣ ‘‘аван̣н̣з’’д̇и ваа, ‘‘аяам̣ б̣уд̣̇д̇хо, аяам̣ сааваго’’д̇и ваа на ж̇аанаад̇и. аб̣аалаад̣̇аяо бана ж̇аананд̇и, д̇асмаа аб̣аалассаад̇иаад̣̇имааха. на ружжзяяаад̇и б̣аалаад̣̇ийнам̣язва хи со на ружжзяяа, на ан̃н̃асса гассажи на ружжзяяа.
Tato thero sāṭakantare laddhokāso balavamallo viya tuṭṭhamānaso hutvā – ‘‘satthā mayhaṃ piyasahāyassa vaṇṇaṃ kathāpetukāmo. Labhissāmi no ajja, dīpadhajabhūtaṃ mahājambuṃ vidhunanto viya valāhakantarato candaṃ nīharitvā dassento viya sāriputtattherassa vaṇṇaṃ kathetu’’nti cintetvā paṭhamataraṃ tāva catūhi padehi puggalapalāpe haranto kassa hi nāma, bhante, abālassātiādimāha. Bālo hi bālatāya, duṭṭho dosatāya, mūḷho mohena, vipallatthacitto ummattako cittavipallāsena vaṇṇaṃ ‘‘vaṇṇo’’ti vā avaṇṇaṃ ‘‘avaṇṇe’’ti vā, ‘‘ayaṃ buddho, ayaṃ sāvako’’ti vā na jānāti. Abālādayo pana jānanti, tasmā abālassātiādimāha. Na rucceyyāti bālādīnaṃyeva hi so na rucceyya, na aññassa kassaci na rucceyya.
звам̣ буг̇г̇алабалаабз харид̇ваа ид̣̇аани сол̣асахи бад̣̇зхи яат̇аабхууд̇ам̣ ван̣н̣ам̣ гат̇знд̇о бан̣д̣ид̇о, бханд̇зд̇иаад̣̇имааха. д̇ад̇т̇а бан̣д̣ид̇од̇и бан̣д̣ижжзна саманнааг̇ад̇о, жад̇уусу госаллзсу тид̇ассзд̇ам̣ наамам̣. вуд̇д̇ан̃хзд̇ам̣ – ‘‘яад̇о ко, аананд̣̇а, бхигку д̇хаад̇угусало жа ход̇и ааяад̇анагусало жа бадижжасамуббаад̣̇агусало жа таанаадтаанагусало жа, зд̇д̇аавад̇аа ко, аананд̣̇а, ‘бан̣д̣ид̇о бхигкуу’д̇и алам̣ важанааяаа’’д̇и (ма. ни. 3.124). махаабан̃н̃од̇иаад̣̇ийсу махаабан̃н̃аад̣̇ийхи саманнааг̇ад̇од̇и ад̇т̇о. д̇ад̇рид̣̇ам̣ махаабан̃н̃аад̣̇ийнам̣ наанад̇д̇ам̣ (бади. ма. 3.4) – гад̇амаа махаабан̃н̃аа? маханд̇з сийлагканд̇хз бариг̇г̇ан̣хаад̇ийд̇и махаабан̃н̃аа, маханд̇з самаад̇хигканд̇хз, бан̃н̃аагканд̇хз, вимуд̇д̇игканд̇хз, вимуд̇д̇ин̃аан̣ад̣̇ассанагканд̇хз бариг̇г̇ан̣хаад̇ийд̇и махаабан̃н̃аа. маханд̇аани таанаадтаанаани, махаавихаарасамаабад̇д̇ияо, маханд̇аани арияасажжаани, маханд̇з сад̇ибадтаанз, саммаббад̇хаанз, ид̣̇д̇хибаад̣̇з, маханд̇аани инд̣̇рияаани, б̣алаани, б̣ож̇жхан̇г̇аани, маханд̇з арияамаг̇г̇з , маханд̇аани сааман̃н̃апалаани, махааабхин̃н̃ааяо, маханд̇ам̣ барамад̇т̇ам̣ ниб̣б̣аанам̣ бариг̇г̇ан̣хаад̇ийд̇и махаабан̃н̃аа.
Evaṃ puggalapalāpe haritvā idāni soḷasahi padehi yathābhūtaṃ vaṇṇaṃ kathento paṇḍito, bhantetiādimāha. Tattha paṇḍitoti paṇḍiccena samannāgato, catūsu kosallesu ṭhitassetaṃ nāmaṃ. Vuttañhetaṃ – ‘‘yato kho, ānanda, bhikkhu dhātukusalo ca hoti āyatanakusalo ca paṭiccasamuppādakusalo ca ṭhānāṭṭhānakusalo ca, ettāvatā kho, ānanda, ‘paṇḍito bhikkhū’ti alaṃ vacanāyā’’ti (ma. ni. 3.124). Mahāpaññotiādīsu mahāpaññādīhi samannāgatoti attho. Tatridaṃ mahāpaññādīnaṃ nānattaṃ (paṭi. ma. 3.4) – katamā mahāpaññā? Mahante sīlakkhandhe pariggaṇhātīti mahāpaññā, mahante samādhikkhandhe, paññākkhandhe, vimuttikkhandhe, vimuttiñāṇadassanakkhandhe pariggaṇhātīti mahāpaññā. Mahantāni ṭhānāṭṭhānāni, mahāvihārasamāpattiyo, mahantāni ariyasaccāni, mahante satipaṭṭhāne, sammappadhāne, iddhipāde, mahantāni indriyāni, balāni, bojjhaṅgāni, mahante ariyamagge , mahantāni sāmaññaphalāni, mahāabhiññāyo, mahantaṃ paramatthaṃ nibbānaṃ pariggaṇhātīti mahāpaññā.
саа бана т̇зрасса д̣̇звороханам̣ гад̇ваа сан̇гассанаг̇арад̣̇ваарз тид̇зна сад̇т̇аараа бут̇уж̇ж̇анабан̃жагз бан̃хз бужчид̇з д̇ам̣ виссаж̇ж̇знд̇асса баагадаа ж̇аад̇аа.
Sā pana therassa devorohanaṃ katvā saṅkassanagaradvāre ṭhitena satthārā puthujjanapañcake pañhe pucchite taṃ vissajjentassa pākaṭā jātā.
гад̇амаа бут̇убан̃н̃аа? бут̇у наанааканд̇хзсу, (н̃аан̣ам̣ бавад̇д̇ад̇ийд̇и бут̇убан̃н̃аа.) бут̇у наанаад̇хаад̇уусу, бут̇у наанааааяад̇анзсу, бут̇у наанаабадижжасамуббаад̣̇зсу, бут̇у наанаасун̃н̃ад̇аманубалаб̣бхзсу, бут̇у наанааад̇т̇зсу, д̇хаммзсу нируд̇д̇ийсу бадибхаанзсу, бут̇у наанаасийлагканд̇хзсу, бут̇у наанаасамаад̇хи-бан̃н̃аавимуд̇д̇и-вимуд̇д̇ин̃аан̣ад̣̇ассанагканд̇хзсу, бут̇у наанаатаанаадтаанзсу, бут̇у наанаавихаарасамаабад̇д̇ийсу, бут̇у наанааарияасажжзсу, бут̇у наанаасад̇ибадтаанзсу, саммаббад̇хаанзсу, ид̣̇д̇хибаад̣̇зсу, инд̣̇риязсу, б̣алзсу, б̣ож̇жхан̇г̇зсу, бут̇у наанааарияамаг̇г̇зсу, сааман̃н̃апалзсу, абхин̃н̃аасу, бут̇у наанааж̇анасаад̇хааран̣з д̇хаммз самад̇иггамма барамад̇т̇з ниб̣б̣аанз н̃аан̣ам̣ бавад̇д̇ад̇ийд̇и бут̇убан̃н̃аа.
Katamā puthupaññā? Puthu nānākhandhesu, (ñāṇaṃ pavattatīti puthupaññā.) Puthu nānādhātūsu, puthu nānāāyatanesu, puthu nānāpaṭiccasamuppādesu, puthu nānāsuññatamanupalabbhesu, puthu nānāatthesu, dhammesu niruttīsu paṭibhānesu, puthu nānāsīlakkhandhesu, puthu nānāsamādhi-paññāvimutti-vimuttiñāṇadassanakkhandhesu, puthu nānāṭhānāṭṭhānesu, puthu nānāvihārasamāpattīsu, puthu nānāariyasaccesu, puthu nānāsatipaṭṭhānesu, sammappadhānesu, iddhipādesu, indriyesu, balesu, bojjhaṅgesu, puthu nānāariyamaggesu, sāmaññaphalesu, abhiññāsu, puthu nānājanasādhāraṇe dhamme samatikkamma paramatthe nibbāne ñāṇaṃ pavattatīti puthupaññā.
гад̇амаа хаасабан̃н̃аа? ид̇хзгажжо хаасаб̣ахуло взд̣̇аб̣ахуло д̇удтиб̣ахуло баамож̇ж̇аб̣ахуло сийлам̣ барибуурзд̇и, инд̣̇рияасам̣варам̣ барибуурзд̇и, бхож̇анз мад̇д̇ан̃н̃уд̇ам̣, ж̇ааг̇арияаануяог̇ам̣, сийлагканд̇хам̣, самаад̇хигканд̇хам̣, бан̃н̃аагканд̇хам̣, вимуд̇д̇игканд̇хам̣, вимуд̇д̇ин̃аан̣ад̣̇ассанагканд̇хам̣ барибуурзд̇ийд̇и, хаасабан̃н̃аа. хаасаб̣ахуло баамож̇ж̇аб̣ахуло таанаадтаанам̣ бадивиж̇жхад̇ийд̇и хаасабан̃н̃аа. хаасаб̣ахуло вихаарасамаабад̇д̇ияо барибуурзд̇ийд̇и хаасабан̃н̃аа. хаасаб̣ахуло арияасажжаани бадивиж̇жхад̇и. сад̇ибадтаанз , саммаббад̇хаанз, ид̣̇д̇хибаад̣̇з, инд̣̇рияаани, б̣алаани , б̣ож̇жхан̇г̇аани, арияамаг̇г̇ам̣ бхаавзд̇ийд̇и хаасабан̃н̃аа. хаасаб̣ахуло сааман̃н̃апалаани сажчигарод̇и, абхин̃н̃ааяо бадивиж̇жхад̇ийд̇и хаасабан̃н̃аа, хаасаб̣ахуло взд̣̇ад̇удтибаамож̇ж̇аб̣ахуло барамад̇т̇ам̣ ниб̣б̣аанам̣ сажчигарод̇ийд̇и хаасабан̃н̃аа.
Katamā hāsapaññā? Idhekacco hāsabahulo vedabahulo tuṭṭhibahulo pāmojjabahulo sīlaṃ paripūreti, indriyasaṃvaraṃ paripūreti, bhojane mattaññutaṃ, jāgariyānuyogaṃ, sīlakkhandhaṃ, samādhikkhandhaṃ, paññākkhandhaṃ, vimuttikkhandhaṃ, vimuttiñāṇadassanakkhandhaṃ paripūretīti, hāsapaññā. Hāsabahulo pāmojjabahulo ṭhānāṭṭhānaṃ paṭivijjhatīti hāsapaññā. Hāsabahulo vihārasamāpattiyo paripūretīti hāsapaññā. Hāsabahulo ariyasaccāni paṭivijjhati. Satipaṭṭhāne , sammappadhāne, iddhipāde, indriyāni, balāni , bojjhaṅgāni, ariyamaggaṃ bhāvetīti hāsapaññā. Hāsabahulo sāmaññaphalāni sacchikaroti, abhiññāyo paṭivijjhatīti hāsapaññā, hāsabahulo vedatuṭṭhipāmojjabahulo paramatthaṃ nibbānaṃ sacchikarotīti hāsapaññā.
т̇зро жа сарад̣̇о наама д̇аабасо худ̇ваа аномад̣̇ассисса бхаг̇авад̇о баад̣̇амуулз аг̇г̇асаавагабад̇т̇анам̣ бадтабзси. д̇ам̣гаалад̇о бадтааяа хаасаб̣ахуло сийлабарибууран̣аад̣̇ийни агаасийд̇и хаасабан̃н̃о.
Thero ca sarado nāma tāpaso hutvā anomadassissa bhagavato pādamūle aggasāvakapatthanaṃ paṭṭhapesi. Taṃkālato paṭṭhāya hāsabahulo sīlaparipūraṇādīni akāsīti hāsapañño.
гад̇амаа ж̇аванабан̃н̃аа? яам̣гин̃жи руубам̣ ад̇ийд̇аанааг̇ад̇абажжуббаннам̣…бз… яам̣ д̣̇уурз санд̇игз ваа, саб̣б̣ам̣ руубам̣ анижжад̇о киббам̣ ж̇авад̇ийд̇и ж̇аванабан̃н̃аа. д̣̇угкад̇о киббам̣, анад̇д̇ад̇о киббам̣ ж̇авад̇ийд̇и ж̇аванабан̃н̃аа. яаа гаажи взд̣̇анаа…бз… яаа гаажи сан̃н̃аа… яз гзжи сан̇каараа… яам̣гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣…бз… саб̣б̣ам̣ вин̃н̃аан̣ам̣ анижжад̇о, д̣̇угкад̇о, анад̇д̇ад̇о киббам̣ ж̇авад̇ийд̇и ж̇аванабан̃н̃аа. жагку…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжад̇о, д̣̇угкад̇о, анад̇д̇ад̇о киббам̣ ж̇авад̇ийд̇и ж̇аванабан̃н̃аа. руубам̣ ад̇ийд̇аанааг̇ад̇абажжуббаннам̣ анижжам̣ каяадтзна, д̣̇угкам̣ бхаяадтзна, анад̇д̇аа асаарагадтзнаад̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа руубанирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа. взд̣̇анаа… сан̃н̃аа… сан̇каараа… вин̃н̃аан̣ам̣… жагку…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжам̣ каяадтзна…бз… вибхууд̇ам̣ гад̇ваа ж̇араамаран̣анирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа. руубам̣ ад̇ийд̇аанааг̇ад̇абажжуббаннам̣…бз… вин̃н̃аан̣ам̣. жагку…бз… ж̇араамаран̣ам̣ анижжам̣ сан̇кад̇ам̣ бадижжасамуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа ж̇араамаран̣анирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа.
Katamā javanapaññā? Yaṃkiñci rūpaṃ atītānāgatapaccuppannaṃ…pe… yaṃ dūre santike vā, sabbaṃ rūpaṃ aniccato khippaṃ javatīti javanapaññā. Dukkhato khippaṃ, anattato khippaṃ javatīti javanapaññā. Yā kāci vedanā…pe… yā kāci saññā… ye keci saṅkhārā… yaṃkiñci viññāṇaṃ atītānāgatapaccuppannaṃ…pe… sabbaṃ viññāṇaṃ aniccato, dukkhato, anattato khippaṃ javatīti javanapaññā. Cakkhu…pe… jarāmaraṇaṃ atītānāgatapaccuppannaṃ aniccato, dukkhato, anattato khippaṃ javatīti javanapaññā. Rūpaṃ atītānāgatapaccuppannaṃ aniccaṃ khayaṭṭhena, dukkhaṃ bhayaṭṭhena, anattā asārakaṭṭhenāti tulayitvā tīrayitvā vibhāvayitvā vibhūtaṃ katvā rūpanirodhe nibbāne khippaṃ javatīti javanapaññā. Vedanā… saññā… saṅkhārā… viññāṇaṃ… cakkhu…pe… jarāmaraṇaṃ atītānāgatapaccuppannaṃ aniccaṃ khayaṭṭhena…pe… vibhūtaṃ katvā jarāmaraṇanirodhe nibbāne khippaṃ javatīti javanapaññā. Rūpaṃ atītānāgatapaccuppannaṃ…pe… viññāṇaṃ. Cakkhu…pe… jarāmaraṇaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammanti tulayitvā tīrayitvā vibhāvayitvā vibhūtaṃ katvā jarāmaraṇanirodhe nibbāne khippaṃ javatīti javanapaññā.
гад̇амаа д̇игкабан̃н̃аа? киббам̣ гилзсз чинд̣̇ад̇ийд̇и д̇игкабан̃н̃аа. уббаннам̣ гаамавид̇аггам̣ наад̇хиваасзд̇и, уббаннам̣ б̣яаабаад̣̇авид̇аггам̣… уббаннам̣ вихим̣саавид̇аггам̣… уббаннуббаннз баабагз агусалз д̇хаммз… уббаннам̣ рааг̇ам̣… д̣̇осам̣… мохам̣… год̇хам̣… убанаахам̣… магкам̣… бал̣аасам̣… иссам̣… мажчарияам̣… мааяам̣… саатзяяам̣… т̇амбхам̣… саарамбхам̣… маанам̣… ад̇имаанам̣… мад̣̇ам̣… бамаад̣̇ам̣… саб̣б̣з гилзсз… саб̣б̣з д̣̇ужжарид̇з… саб̣б̣з абхисан̇каарз… саб̣б̣з бхаваг̇аамигаммз наад̇хиваасзд̇и баж̇ахад̇и винод̣̇зд̇и, б̣яанд̇ийгарод̇и, анабхаавам̣ г̇амзд̇ийд̇и д̇игкабан̃н̃аа. згасмим̣ аасанз жад̇д̇ааро жа арияамаг̇г̇аа, жад̇д̇аари жа сааман̃н̃апалаани, жад̇ассо жа бадисамбхид̣̇ааяо, ча жа абхин̃н̃ааяо ад̇хиг̇ад̇аа хонд̇и сажчигад̇аа пассид̇аа бан̃н̃ааяаад̇и д̇игкабан̃н̃аа.
Katamā tikkhapaññā? Khippaṃ kilese chindatīti tikkhapaññā. Uppannaṃ kāmavitakkaṃ nādhivāseti, uppannaṃ byāpādavitakkaṃ… uppannaṃ vihiṃsāvitakkaṃ… uppannuppanne pāpake akusale dhamme… uppannaṃ rāgaṃ… dosaṃ… mohaṃ… kodhaṃ… upanāhaṃ… makkhaṃ… paḷāsaṃ… issaṃ… macchariyaṃ… māyaṃ… sāṭheyyaṃ… thambhaṃ… sārambhaṃ… mānaṃ… atimānaṃ… madaṃ… pamādaṃ… sabbe kilese… sabbe duccarite… sabbe abhisaṅkhāre… sabbe bhavagāmikamme nādhivāseti pajahati vinodeti, byantīkaroti, anabhāvaṃ gametīti tikkhapaññā. Ekasmiṃ āsane cattāro ca ariyamaggā, cattāri ca sāmaññaphalāni, catasso ca paṭisambhidāyo, cha ca abhiññāyo adhigatā honti sacchikatā phassitā paññāyāti tikkhapaññā.
т̇зро жа бхааг̇инзяяасса д̣̇ийгханакабариб̣б̣ааж̇агасса взд̣̇анаабариг̇г̇ахасуд̇д̇з д̣̇зсияамаанз тид̇агова саб̣б̣агилзсз чинд̣̇ид̇ваа саавагабаарамин̃аан̣ам̣ бадивид̣̇д̇хагаалад̇о бадтааяа д̇игкабан̃н̃о наама ж̇аад̇о. д̇знааха – ‘‘д̇игкабан̃н̃о, бханд̇з, ааяасмаа саарибуд̇д̇о’’д̇и.
Thero ca bhāgineyyassa dīghanakhaparibbājakassa vedanāpariggahasutte desiyamāne ṭhitakova sabbakilese chinditvā sāvakapāramiñāṇaṃ paṭividdhakālato paṭṭhāya tikkhapañño nāma jāto. Tenāha – ‘‘tikkhapañño, bhante, āyasmā sāriputto’’ti.
гад̇амаа ниб̣б̣зд̇хигабан̃н̃аа? ид̇хзгажжо саб̣б̣асан̇каарзсу уб̣б̣зг̇аб̣ахуло ход̇и уд̇д̇аасаб̣ахуло угган̣танаб̣ахуло арад̇иб̣ахуло анабхирад̇иб̣ахуло б̣ахимуко на рамад̇и саб̣б̣асан̇каарзсу, аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ лобхагканд̇хам̣ ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабан̃н̃аа. аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ д̣̇осагканд̇хам̣… мохагканд̇хам̣… год̇хам̣… убанаахам̣…бз… саб̣б̣з бхаваг̇аамигаммз ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабан̃н̃аа.
Katamā nibbedhikapaññā? Idhekacco sabbasaṅkhāresu ubbegabahulo hoti uttāsabahulo ukkaṇṭhanabahulo aratibahulo anabhiratibahulo bahimukho na ramati sabbasaṅkhāresu, anibbiddhapubbaṃ appadālitapubbaṃ lobhakkhandhaṃ nibbijjhati padāletīti nibbedhikapaññā. Anibbiddhapubbaṃ appadālitapubbaṃ dosakkhandhaṃ… mohakkhandhaṃ… kodhaṃ… upanāhaṃ…pe… sabbe bhavagāmikamme nibbijjhati padāletīti nibbedhikapaññā.
аббижчод̇и санд̇аг̇ун̣аниг̇уханад̇аа, бажжаяабадиг̇г̇ахан̣з жа мад̇д̇ан̃н̃уд̇аа, зд̇ам̣ аббижчалагкан̣анд̇и иминаа лагкан̣зна саманнааг̇ад̇о. санд̇удтод̇и жад̇уусу бажжаязсу яат̇аалаабхасанд̇осо яат̇ааб̣аласанд̇осо яат̇аасааруббасанд̇осод̇и, имзхи д̇ийхи санд̇осзхи саманнааг̇ад̇о. бавивид̇д̇од̇и гааяавивзго жа вивзгадтагааяаанам̣ нзгкаммаабхирад̇аанам̣, жид̇д̇авивзго жа барисуд̣̇д̇хажид̇д̇аанам̣ барамавод̣̇аанаббад̇д̇аанам̣, убад̇хививзго жа нирубад̇хийнам̣ буг̇г̇алаанам̣ висан̇каараг̇ад̇аананд̇и, имзсам̣ д̇ин̣н̣ам̣ вивзгаанам̣ лаабхий. асам̣садтод̇и д̣̇ассанасам̣саг̇г̇о саванасам̣саг̇г̇о самуллабанасам̣саг̇г̇о барибхог̇асам̣саг̇г̇о гааяасам̣саг̇г̇од̇и, имзхи бан̃жахи сам̣саг̇г̇зхи вирахид̇о. аяан̃жа бан̃жавид̇хо сам̣саг̇г̇о рааж̇уухи рааж̇амахаамад̇д̇зхи д̇ид̇т̇иязхи д̇ид̇т̇ияасаавагзхи убаасагзхи убасигаахи бхигкуухи бхигкунийхийд̇и адтахи буг̇г̇алзхи сад̣̇д̇хим̣ ж̇ааяад̇и, со саб̣б̣оби т̇зрасса над̇т̇ийд̇и асам̣садто.
Appicchoti santaguṇaniguhanatā, paccayapaṭiggahaṇe ca mattaññutā, etaṃ appicchalakkhaṇanti iminā lakkhaṇena samannāgato. Santuṭṭhoti catūsu paccayesu yathālābhasantoso yathābalasantoso yathāsāruppasantosoti, imehi tīhi santosehi samannāgato. Pavivittoti kāyaviveko ca vivekaṭṭhakāyānaṃ nekkhammābhiratānaṃ, cittaviveko ca parisuddhacittānaṃ paramavodānappattānaṃ, upadhiviveko ca nirupadhīnaṃ puggalānaṃ visaṅkhāragatānanti, imesaṃ tiṇṇaṃ vivekānaṃ lābhī. Asaṃsaṭṭhoti dassanasaṃsaggo savanasaṃsaggo samullapanasaṃsaggo paribhogasaṃsaggo kāyasaṃsaggoti, imehi pañcahi saṃsaggehi virahito. Ayañca pañcavidho saṃsaggo rājūhi rājamahāmattehi titthiyehi titthiyasāvakehi upāsakehi upasikāhi bhikkhūhi bhikkhunīhīti aṭṭhahi puggalehi saddhiṃ jāyati, so sabbopi therassa natthīti asaṃsaṭṭho.
аарад̣̇д̇хавийрияод̇и баг̇г̇ахид̇авийрияо барибун̣н̣авийрияо. д̇ад̇т̇а аарад̣̇д̇хавийрияо бхигку г̇аманз уббаннагилзсасса таанам̣ баабун̣ид̇ум̣ на д̣̇зд̇и, таанз уббаннасса нисаж̇ж̇ам̣, нисаж̇ж̇ааяа уббаннасса сзяяам̣ баабун̣ид̇ум̣ на д̣̇зд̇и, д̇асмим̣ д̇асмим̣ ирияаабат̇з уббаннам̣ д̇ад̇т̇а д̇ад̇т̇зва ниг̇г̇ан̣хаад̇и. т̇зро бана жад̇ужад̇д̇аалийса вассаани ман̃жз бидтим̣ на басаарзд̇и. д̇ам̣ санд̇хааяа ‘‘аарад̣̇д̇хавийрияо’’д̇и ааха. вад̇д̇аад̇и од̇хунанавад̇д̇аа. бхигкуунам̣ аж̇жхаажаарам̣ д̣̇исваа ‘‘аж̇ж̇а гат̇зссаами, свз гат̇зссаамий’’д̇и гат̇аававад̇т̇аанам̣ на гарод̇и, д̇асмим̣ д̇асмим̣ язва таанз овад̣̇ад̇и анусаасад̇ийд̇и ад̇т̇о.
Āraddhavīriyoti paggahitavīriyo paripuṇṇavīriyo. Tattha āraddhavīriyo bhikkhu gamane uppannakilesassa ṭhānaṃ pāpuṇituṃ na deti, ṭhāne uppannassa nisajjaṃ, nisajjāya uppannassa seyyaṃ pāpuṇituṃ na deti, tasmiṃ tasmiṃ iriyāpathe uppannaṃ tattha tattheva niggaṇhāti. Thero pana catucattālīsa vassāni mañce piṭṭhiṃ na pasāreti. Taṃ sandhāya ‘‘āraddhavīriyo’’ti āha. Vattāti odhunanavattā. Bhikkhūnaṃ ajjhācāraṃ disvā ‘‘ajja kathessāmi, sve kathessāmī’’ti kathāvavatthānaṃ na karoti, tasmiṃ tasmiṃ yeva ṭhāne ovadati anusāsatīti attho.
важанагкамод̇и важанам̣ камад̇и. зго хи барасса оваад̣̇ам̣ д̣̇зд̇и, саяам̣ бана ан̃н̃зна овад̣̇ияамаано гуж̇жхад̇и. т̇зро бана барассаби оваад̣̇ам̣ д̣̇зд̇и, саяам̣ овад̣̇ияамааноби сирасаа самбадижчад̇и. згад̣̇ивасам̣ гира саарибуд̇д̇ад̇т̇зрам̣ сад̇д̇авассиго сааман̣зро – ‘‘бханд̇з, саарибуд̇д̇а, д̇умхаагам̣ ниваасанаган̣н̣о оламб̣ад̇ий’’д̇и ааха. т̇зро гин̃жи авад̇ваава згаманд̇ам̣ г̇анд̇ваа бариман̣д̣алам̣ ниваасзд̇ваа ааг̇амма ‘‘зд̇д̇агам̣ ваддад̇и аажарияаа’’д̇и ан̃ж̇алим̣ баг̇г̇аяха адтааси.
Vacanakkhamoti vacanaṃ khamati. Eko hi parassa ovādaṃ deti, sayaṃ pana aññena ovadiyamāno kujjhati. Thero pana parassapi ovādaṃ deti, sayaṃ ovadiyamānopi sirasā sampaṭicchati. Ekadivasaṃ kira sāriputtattheraṃ sattavassiko sāmaṇero – ‘‘bhante, sāriputta, tumhākaṃ nivāsanakaṇṇo olambatī’’ti āha. Thero kiñci avatvāva ekamantaṃ gantvā parimaṇḍalaṃ nivāsetvā āgamma ‘‘ettakaṃ vaṭṭati ācariyā’’ti añjaliṃ paggayha aṭṭhāsi.
‘‘д̇ад̣̇аху баб̣б̣аж̇ид̇о санд̇о, ж̇аад̇ияаа сад̇д̇авассиго;
‘‘Tadahu pabbajito santo, jātiyā sattavassiko;
соби мам̣ анусаасзяяа, самбадижчаами мад̇т̇агз’’д̇и. (ми. ба. 6.4.8) –
Sopi maṃ anusāseyya, sampaṭicchāmi matthake’’ti. (mi. pa. 6.4.8) –
ааха.
Āha.
жод̣̇агод̇и вад̇т̇усмим̣ од̇ин̣н̣з ваа анод̇ин̣н̣з ваа вийд̇иггамам̣ д̣̇исваа – ‘‘аавусо, бхигкунаа наама звам̣ ниваасзд̇аб̣б̣ам̣, звам̣ баарубид̇аб̣б̣ам̣, звам̣ г̇анд̇аб̣б̣ам̣, звам̣ таад̇аб̣б̣ам̣, звам̣ нисийд̣̇ид̇аб̣б̣ам̣, звам̣ каад̣̇ид̇аб̣б̣ам̣, звам̣ бхун̃ж̇ид̇аб̣б̣а’’нд̇и д̇анд̇ивасзна анусидтим̣ д̣̇зд̇и.
Codakoti vatthusmiṃ otiṇṇe vā anotiṇṇe vā vītikkamaṃ disvā – ‘‘āvuso, bhikkhunā nāma evaṃ nivāsetabbaṃ, evaṃ pārupitabbaṃ, evaṃ gantabbaṃ, evaṃ ṭhātabbaṃ, evaṃ nisīditabbaṃ, evaṃ khāditabbaṃ, evaṃ bhuñjitabba’’nti tantivasena anusiṭṭhiṃ deti.
баабаг̇арахийд̇и баабабуг̇г̇алз на бассз, на д̇зсам̣ важанам̣ сун̣з, д̇зхи сад̣̇д̇хим̣ згажаггаваал̣зби на васзяяам̣.
Pāpagarahīti pāpapuggale na passe, na tesaṃ vacanaṃ suṇe, tehi saddhiṃ ekacakkavāḷepi na vaseyyaṃ.
‘‘маа мз гад̣̇аажи баабижчо, гусийд̇о хийнавийрияо;
‘‘Mā me kadāci pāpiccho, kusīto hīnavīriyo;
аббассуд̇о анаад̣̇аро, самзд̇о аху гад̇т̇ажий’’д̇и. –
Appassuto anādaro, sameto ahu katthacī’’ti. –
звам̣ баабабуг̇г̇алзби г̇арахад̇и, ‘‘саман̣зна наама рааг̇авасигзна д̣̇осамохавасигзна на ход̇аб̣б̣ам̣, уббанно рааг̇о д̣̇осо мохо бахаад̇аб̣б̣о’’д̇и звам̣ баабад̇хаммзби г̇арахад̇ийд̇и д̣̇вийхи гааран̣зхи ‘‘баабаг̇арахий, бханд̇з, ааяасмаа саарибуд̇д̇о’’д̇и вад̣̇ад̇и.
Evaṃ pāpapuggalepi garahati, ‘‘samaṇena nāma rāgavasikena dosamohavasikena na hotabbaṃ, uppanno rāgo doso moho pahātabbo’’ti evaṃ pāpadhammepi garahatīti dvīhi kāraṇehi ‘‘pāpagarahī, bhante, āyasmā sāriputto’’ti vadati.
звам̣ ааяасмад̇аа аананд̣̇зна сол̣асахи бад̣̇зхи т̇зрасса яат̇аабхууд̇аван̣н̣аббагаасанз гад̇з – ‘‘гим̣ аананд̣̇о ад̇д̇ано бияасахааяасса ван̣н̣ам̣ гат̇зд̇ум̣ на лабхад̇и, гат̇зд̇у гим̣ бана д̇зна гат̇ид̇ам̣ д̇ат̇зва ход̇и, гим̣ со саб̣б̣ан̃н̃уу’’д̇и? гожи баабабуг̇г̇ало вад̇д̇ум̣ маа лабхад̇ууд̇и сад̇т̇аа д̇ам̣ ван̣н̣абхан̣анам̣ агуббам̣ саб̣б̣ан̃н̃убхаасид̇ам̣ гаронд̇о ж̇инамуд̣̇д̣̇игааяа лан̃чанд̇о звамзд̇анд̇иаад̣̇имааха.
Evaṃ āyasmatā ānandena soḷasahi padehi therassa yathābhūtavaṇṇappakāsane kate – ‘‘kiṃ ānando attano piyasahāyassa vaṇṇaṃ kathetuṃ na labhati, kathetu kiṃ pana tena kathitaṃ tatheva hoti, kiṃ so sabbaññū’’ti? Koci pāpapuggalo vattuṃ mā labhatūti satthā taṃ vaṇṇabhaṇanaṃ akuppaṃ sabbaññubhāsitaṃ karonto jinamuddikāya lañchanto evametantiādimāha.
звам̣ д̇ат̇ааг̇ад̇зна жа аананд̣̇ад̇т̇зрзна жа махаат̇зрасса ван̣н̣з гат̇ияамаанз бхумадтагаа д̣̇звад̇аа удтахид̇ваа зд̇зхзва сол̣асахи бад̣̇зхи ван̣н̣ам̣ гат̇аяим̣су. д̇ад̇о аагаасадтагад̣̇звад̇аа сийд̇авалаахагаа ун̣хавалаахагаа жаад̇умахаарааж̇игаад̇и яаава аганидтаб̣рахмалогаа д̣̇звад̇аа удтахид̇ваа зд̇зхзва сол̣асахи бад̣̇зхи ван̣н̣ам̣ гат̇аяим̣су. зд̇знубааязна згажаггаваал̣ам̣ аад̣̇им̣ гад̇ваа д̣̇асасу жаггаваал̣асахассзсу д̣̇звад̇аа удтахид̇ваа гат̇аяим̣су. ат̇ааяасмад̇о саарибуд̇д̇асса сад̣̇д̇хивихаариго сусиймо д̣̇звабуд̇д̇о жинд̇зси – ‘‘имаа д̣̇звад̇аа ад̇д̇ано ад̇д̇ано нагкад̇д̇агийл̣ам̣ бахааяа д̇ад̇т̇а д̇ад̇т̇а г̇анд̇ваа маяхам̣ убаж̇жхааяассзва ван̣н̣ам̣ гат̇знд̇и, г̇ажчаами д̇ат̇ааг̇ад̇асса санд̇игам̣, г̇анд̇ваа зд̇ад̣̇зва ван̣н̣абхан̣анам̣ д̣̇звад̇аабхаасид̇ам̣ гаромий’’д̇и, со д̇ат̇аа агааси. д̇ам̣ д̣̇ассзд̇ум̣ ат̇а ко сусиймод̇иаад̣̇и вуд̇д̇ам̣.
Evaṃ tathāgatena ca ānandattherena ca mahātherassa vaṇṇe kathiyamāne bhumaṭṭhakā devatā uṭṭhahitvā eteheva soḷasahi padehi vaṇṇaṃ kathayiṃsu. Tato ākāsaṭṭhakadevatā sītavalāhakā uṇhavalāhakā cātumahārājikāti yāva akaniṭṭhabrahmalokā devatā uṭṭhahitvā eteheva soḷasahi padehi vaṇṇaṃ kathayiṃsu. Etenupāyena ekacakkavāḷaṃ ādiṃ katvā dasasu cakkavāḷasahassesu devatā uṭṭhahitvā kathayiṃsu. Athāyasmato sāriputtassa saddhivihāriko susīmo devaputto cintesi – ‘‘imā devatā attano attano nakkhattakīḷaṃ pahāya tattha tattha gantvā mayhaṃ upajjhāyasseva vaṇṇaṃ kathenti, gacchāmi tathāgatassa santikaṃ, gantvā etadeva vaṇṇabhaṇanaṃ devatābhāsitaṃ karomī’’ti, so tathā akāsi. Taṃ dassetuṃ atha kho susīmotiādi vuttaṃ.
ужжааважаад̇и ан̃н̃зсу таанзсу бан̣ийд̇ам̣ ужжам̣ вужжад̇и, хийнам̣ аважам̣. ид̇ха бана ужжааважаад̇и наанаавид̇хаа ван̣н̣анибхаа. д̇ассаа гира д̣̇звабарисааяа нийладтаанам̣ ад̇инийлам̣, бийд̇агадтаанам̣ ад̇ибийд̇агам̣, лохид̇адтаанам̣ ад̇илохид̇ам̣, од̣̇аад̇адтаанам̣ ажжод̣̇аад̇анд̇и, жад̇уб̣б̣ид̇хаа ван̣н̣анибхаа баад̇убхави. д̇знзва сзяяат̇ааби наамаад̇и жад̇ассо убамаа ааг̇ад̇аа. д̇ад̇т̇а субход̇и сунд̣̇аро. ж̇аад̇имаад̇и ж̇аад̇исамбанно. субаригаммагад̇од̇и д̇хованаад̣̇ибаригаммзна судту баригаммагад̇о. бан̣д̣угамб̣алз нигкид̇д̇од̇и рад̇д̇агамб̣алз табид̇о. звамзванд̇и рад̇д̇агамб̣алз нигкид̇д̇аман̣и вияа саб̣б̣аа згаббахаарзнзва вирожид̇ум̣ аарад̣̇д̇хаа. нигканд̇и ад̇ирзгабан̃жасуван̣н̣зна гад̇абил̣анд̇ханам̣. д̇ан̃хи гхадданамаж̇ж̇анагкамам̣ ход̇и. ж̇амб̣онад̣̇анд̇и махааж̇амб̣усаакааяа бавад̇д̇анад̣̇ияам̣ ниб̣б̣ад̇д̇ам̣, махааж̇амб̣упаларасз ваа бат̇авияам̣ бавидтз суван̣н̣ан̇гураа удтаханд̇и, д̇зна суван̣н̣зна гад̇абил̣анд̇хананд̇иби ад̇т̇о. д̣̇агкагаммаарабуд̇д̇ауггаамукасугусаласамбахадтанд̇и сугусалзна гаммаарабуд̇д̇зна уггаамукз бажид̇ваа самбахадтам̣. д̇хаад̇увибхан̇г̇з (ма. ни. 3.357 аад̣̇аяо) агад̇абхан̣д̣ам̣ г̇ахид̇ам̣, ид̇ха бана гад̇абхан̣д̣ам̣.
Uccāvacāti aññesu ṭhānesu paṇītaṃ uccaṃ vuccati, hīnaṃ avacaṃ. Idha pana uccāvacāti nānāvidhā vaṇṇanibhā. Tassā kira devaparisāya nīlaṭṭhānaṃ atinīlaṃ, pītakaṭṭhānaṃ atipītakaṃ, lohitaṭṭhānaṃ atilohitaṃ, odātaṭṭhānaṃ accodātanti, catubbidhā vaṇṇanibhā pātubhavi. Teneva seyyathāpi nāmāti catasso upamā āgatā. Tattha subhoti sundaro. Jātimāti jātisampanno. Suparikammakatoti dhovanādiparikammena suṭṭhu parikammakato. Paṇḍukambale nikkhittoti rattakambale ṭhapito. Evamevanti rattakambale nikkhittamaṇi viya sabbā ekappahāreneva virocituṃ āraddhā. Nikkhanti atirekapañcasuvaṇṇena katapiḷandhanaṃ. Tañhi ghaṭṭanamajjanakkhamaṃ hoti. Jambonadanti mahājambusākhāya pavattanadiyaṃ nibbattaṃ, mahājambuphalarase vā pathaviyaṃ paviṭṭhe suvaṇṇaṅkurā uṭṭhahanti, tena suvaṇṇena katapiḷandhanantipi attho. Dakkhakammāraputtaukkāmukhasukusalasampahaṭṭhanti sukusalena kammāraputtena ukkāmukhe pacitvā sampahaṭṭhaṃ. Dhātuvibhaṅge (ma. ni. 3.357 ādayo) akatabhaṇḍaṃ gahitaṃ, idha pana katabhaṇḍaṃ.
вид̣̇д̇хзд̇и д̣̇уурийбхууд̇з. д̣̇звзд̇и аагаасз. набхам̣ аб̣бхуссаггамаанод̇и аагаасам̣ абхилан̇гханд̇о. иминаа д̇арун̣асуурияабхааво д̣̇ассид̇о. сорад̇од̇и соражжзна саманнааг̇ад̇о. д̣̇анд̇од̇и ниб̣б̣исзвано. сад̇т̇уван̣н̣аабхад̇од̇и сад̇т̇аараа аабхад̇аван̣н̣о. сад̇т̇аа хи адтабарисамаж̇жхз нисийд̣̇ид̇ваа ‘‘сзват̇а, бхигкавз, саарибуд̇д̇амог̇г̇аллаанз’’д̇иаад̣̇инаа (ма. ни. 3.371) наязна т̇зрасса ван̣н̣ам̣ аахарийд̇и т̇зро аабхад̇аван̣н̣о наама ход̇и. гаалам̣ ган̇кад̇ийд̇и бариниб̣б̣аанагаалам̣ бад̇т̇зд̇и. кийн̣аасаво хи нзва маран̣ам̣ абхинанд̣̇ад̇и, на ж̇ийвид̇ам̣ бад̇т̇зд̇и, д̣̇ивасасан̇кзбам̣ взд̇анам̣ г̇ахзд̇ваа тид̇абурисо вияа гаалам̣ бана бад̇т̇зд̇и, ологзнд̇о д̇идтад̇ийд̇и ад̇т̇о. д̇знзвааха –
Viddheti dūrībhūte. Deveti ākāse. Nabhaṃ abbhussakkamānoti ākāsaṃ abhilaṅghanto. Iminā taruṇasūriyabhāvo dassito. Soratoti soraccena samannāgato. Dantoti nibbisevano. Satthuvaṇṇābhatoti satthārā ābhatavaṇṇo. Satthā hi aṭṭhaparisamajjhe nisīditvā ‘‘sevatha, bhikkhave, sāriputtamoggallāne’’tiādinā (ma. ni. 3.371) nayena therassa vaṇṇaṃ āharīti thero ābhatavaṇṇo nāma hoti. Kālaṃ kaṅkhatīti parinibbānakālaṃ pattheti. Khīṇāsavo hi neva maraṇaṃ abhinandati, na jīvitaṃ pattheti, divasasaṅkhepaṃ vetanaṃ gahetvā ṭhitapuriso viya kālaṃ pana pattheti, olokento tiṭṭhatīti attho. Tenevāha –
‘‘наабхинанд̣̇аами маран̣ам̣, наабхинанд̣̇аами ж̇ийвид̇ам̣;
‘‘Nābhinandāmi maraṇaṃ, nābhinandāmi jīvitaṃ;
гаалан̃жа бадиган̇каами, ниб̣б̣исам̣ бхад̇аго яат̇аа’’д̇и. (т̇зраг̇аа. 1001-1002); навамам̣;
Kālañca paṭikaṅkhāmi, nibbisaṃ bhatako yathā’’ti. (theragā. 1001-1002); Navamaṃ;
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. сусимасуд̇д̇ам̣ • 9. Susimasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. сусимасуд̇д̇аван̣н̣анаа • 9. Susimasuttavaṇṇanā
