| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. сусимасуд̇д̇аван̣н̣анаа
10. Susimasuttavaṇṇanā
70. д̣̇асамз г̇аругад̇од̇и саб̣б̣зхи д̣̇звамануссзхи баасаан̣ажчад̇д̇ам̣ вияа жид̇д̇зна г̇аругад̇о. маанид̇од̇и манзна бияааяид̇о. бууж̇ид̇од̇и жад̇убажжаяабууж̇ааяа бууж̇ид̇о. абажид̇од̇и нийжавуд̇д̇игаран̣зна абажид̇о. сад̇т̇ааран̃хи д̣̇исваа мануссаа хад̇т̇игканд̇хаад̣̇ийхи од̇аранд̇и маг̇г̇ам̣ д̣̇знд̇и, ам̣сагуудад̇о саадагам̣ абанзнд̇и, аасанад̇о вудтаханд̇и ванд̣̇анд̇и. звам̣ со д̇зхи абажид̇о наама ход̇и. сусимод̇и звам̣наамаго взд̣̇ан̇г̇зсу гусало бан̣д̣ид̇абариб̣б̣ааж̇аго. зхи д̇ванд̇и д̇зсам̣ гира зд̇ад̣̇ахоси – ‘‘саман̣о г̇од̇амо на ж̇аад̇иг̇од̇д̇аад̣̇ийни ааг̇амма лаабхаг̇г̇аббад̇д̇о ж̇аад̇о, гависздто банзса уд̇д̇амагавид̇ааяа саавагаанам̣ г̇ант̇ам̣ б̣анд̇хид̇ваа д̣̇зд̇и, д̇ам̣ д̇з уг̇г̇ан̣хид̇ваа убадтаагаанам̣ убанисиннагат̇амби анумод̣̇анамби сарабхан̃н̃амбийд̇и звамаад̣̇ийни гат̇знд̇и, д̇з д̇зсам̣ басаннаа лаабхам̣ убасам̣харанд̇и. сажз маяам̣ яам̣ саман̣о г̇од̇амо ж̇аанаад̇и, д̇ад̇о т̇огам̣ ж̇аанзяяаама, ад̇д̇ано самаяам̣ д̇ад̇т̇а багкибид̇ваа маяамби убадтаагаанам̣ гат̇зяяаама, д̇ад̇о зд̇зхи лаабхид̇араа бхавзяяаама. го ну ко саман̣асса г̇од̇амасса санд̇игз баб̣б̣аж̇ид̇ваа киббамзва уг̇г̇ан̣хид̇ум̣ сагкиссад̇ий’’д̇и. д̇з звам̣ жинд̇зд̇ваа ‘‘сусимо бадиб̣ало’’д̇и д̣̇исваа д̇ам̣ убасан̇гамид̇ваа звамаахам̣су.
70. Dasame garukatoti sabbehi devamanussehi pāsāṇacchattaṃ viya cittena garukato. Mānitoti manena piyāyito. Pūjitoti catupaccayapūjāya pūjito. Apacitoti nīcavuttikaraṇena apacito. Satthārañhi disvā manussā hatthikkhandhādīhi otaranti maggaṃ denti, aṃsakūṭato sāṭakaṃ apanenti, āsanato vuṭṭhahanti vandanti. Evaṃ so tehi apacito nāma hoti. Susimoti evaṃnāmako vedaṅgesu kusalo paṇḍitaparibbājako. Ehi tvanti tesaṃ kira etadahosi – ‘‘samaṇo gotamo na jātigottādīni āgamma lābhaggappatto jāto, kaviseṭṭho panesa uttamakavitāya sāvakānaṃ ganthaṃ bandhitvā deti, taṃ te uggaṇhitvā upaṭṭhākānaṃ upanisinnakathampi anumodanampi sarabhaññampīti evamādīni kathenti, te tesaṃ pasannā lābhaṃ upasaṃharanti. Sace mayaṃ yaṃ samaṇo gotamo jānāti, tato thokaṃ jāneyyāma, attano samayaṃ tattha pakkhipitvā mayampi upaṭṭhākānaṃ katheyyāma, tato etehi lābhitarā bhaveyyāma. Ko nu kho samaṇassa gotamassa santike pabbajitvā khippameva uggaṇhituṃ sakkhissatī’’ti. Te evaṃ cintetvā ‘‘susimo paṭibalo’’ti disvā taṃ upasaṅkamitvā evamāhaṃsu.
язнааяасмаа аананд̣̇о д̇знубасан̇гамийд̇и гасмаа убасан̇гами? звам̣ гирасса ахоси, ‘‘гасса ну ко санд̇игам̣ г̇анд̇ваа ахам̣ имам̣ д̇хаммам̣ киббам̣ лад̣̇д̇хум̣ сагкиссаамий’’д̇и? д̇ад̇о жинд̇зси – ‘‘саман̣о г̇од̇амо г̇ару д̇зж̇уссад̣̇о нияамамануяуд̇д̇о, на саггаа агаалз убасан̇гамид̇ум̣, ан̃н̃зби б̣ахуу кад̇д̇ияаад̣̇аяо саман̣ам̣ г̇од̇амам̣ убасан̇гаманд̇и, д̇асмимби самаяз на саггаа убасан̇гамид̇ум̣. саавагзсубисса саарибуд̇д̇о махаабан̃н̃о вибассанаалагкан̣амхи зд̇ад̣̇аг̇г̇з табид̇о, махаамог̇г̇аллаано самаад̇хилагкан̣асмим̣ зд̇ад̣̇аг̇г̇з табид̇о, махаагассабо д̇худ̇ан̇г̇ад̇харзсу ануруд̣̇д̇хо д̣̇иб̣б̣ажагкугзсу, бун̣н̣о манд̇аан̣ибуд̇д̇о д̇хаммагат̇игзсу, убаалид̇т̇зро винаяад̇харзсу зд̇ад̣̇аг̇г̇з табид̇о, аяам̣ бана аананд̣̇о б̣ахуссуд̇о д̇ибидагад̇харо, сад̇т̇аабисса д̇ад̇т̇а д̇ад̇т̇а гат̇ид̇ам̣ д̇хаммам̣ аахарид̇ваа гат̇зд̇и, бан̃жасу таанзсу зд̇ад̣̇аг̇г̇з табид̇о, адтаннам̣ вараанам̣ лаабхий, жад̇уухи ажчарияаб̣бхуд̇ад̇хаммзхи саманнааг̇ад̇о, д̇асса самийбам̣ г̇ад̇о киббам̣ д̇хаммам̣ лад̣̇д̇хум̣ сагкиссаамий’’д̇и. д̇асмаа язнааяасмаа аананд̣̇о д̇знубасан̇гами.
Yenāyasmā ānando tenupasaṅkamīti kasmā upasaṅkami? Evaṃ kirassa ahosi, ‘‘kassa nu kho santikaṃ gantvā ahaṃ imaṃ dhammaṃ khippaṃ laddhuṃ sakkhissāmī’’ti? Tato cintesi – ‘‘samaṇo gotamo garu tejussado niyamamanuyutto, na sakkā akāle upasaṅkamituṃ, aññepi bahū khattiyādayo samaṇaṃ gotamaṃ upasaṅkamanti, tasmimpi samaye na sakkā upasaṅkamituṃ. Sāvakesupissa sāriputto mahāpañño vipassanālakkhaṇamhi etadagge ṭhapito, mahāmoggallāno samādhilakkhaṇasmiṃ etadagge ṭhapito, mahākassapo dhutaṅgadharesu anuruddho dibbacakkhukesu, puṇṇo mantāṇiputto dhammakathikesu, upālitthero vinayadharesu etadagge ṭhapito, ayaṃ pana ānando bahussuto tipiṭakadharo, satthāpissa tattha tattha kathitaṃ dhammaṃ āharitvā katheti, pañcasu ṭhānesu etadagge ṭhapito, aṭṭhannaṃ varānaṃ lābhī, catūhi acchariyabbhutadhammehi samannāgato, tassa samīpaṃ gato khippaṃ dhammaṃ laddhuṃ sakkhissāmī’’ti. Tasmā yenāyasmā ānando tenupasaṅkami.
язна бхаг̇аваа д̇знубасан̇гамийд̇и гасмаа саяам̣ абаб̣б̣ааж̇зд̇ваа убасан̇гами? звам̣ гирасса ахоси – ‘‘аяам̣ д̇ид̇т̇ияасамаяз баадиязгго ‘ахам̣ сад̇т̇аа’д̇и бадиж̇аананд̇о жарад̇и, баб̣б̣аж̇ид̇ваа саасанасса алаабхааяаби барисаггзяяа. на ко банассаахам̣ аж̇жхаасаяам̣ ааж̇аанаами, сад̇т̇аа ж̇ааниссад̇ий’’д̇и. д̇асмаа д̇ам̣ аад̣̇ааяа язна бхаг̇аваа д̇знубасан̇гами. д̇знахаананд̣̇а, сусимам̣ баб̣б̣ааж̇зт̇аад̇и сад̇т̇аа гира жинд̇зси – ‘‘аяам̣ бариб̣б̣ааж̇аго д̇ид̇т̇ияасамаяз ‘ахам̣ баадиязгго сад̇т̇аа’д̇и бадиж̇аанамаано жарад̇и, ‘ид̇ха маг̇г̇аб̣рахмажарияам̣ жарид̇ум̣ ижчаамий’д̇и гира вад̣̇ад̇и. гим̣ ну ко маяи басанно, уд̣̇ааху маяхам̣ саавагзсу, уд̣̇ааху маяхам̣ ваа мама саавагаанам̣ ваа д̇хаммагат̇ааяа басанно’’д̇и? ат̇асса згадтаанзби басаад̣̇аабхаавам̣ н̃ад̇ваа, ‘‘аяам̣ мама саасанз д̇хаммам̣ т̇знзссаамийд̇и баб̣б̣аж̇ад̇и. ид̇исса ааг̇аманам̣ абарисуд̣̇д̇хам̣; нибпад̇д̇и ну ко гийд̣̇исаа’’д̇и? ологзнд̇о ‘‘гин̃жааби ‘д̇хаммам̣ т̇знзссаамий’д̇и баб̣б̣аж̇ад̇и, гад̇ибаахзнзва бана гхадзд̇ваа арахад̇д̇ам̣ г̇ан̣хиссад̇ий’’д̇и н̃ад̇ваа ‘‘д̇знахаананд̣̇а, сусимам̣ баб̣б̣ааж̇зт̇аа’’д̇и ааха.
Yenabhagavā tenupasaṅkamīti kasmā sayaṃ apabbājetvā upasaṅkami? Evaṃ kirassa ahosi – ‘‘ayaṃ titthiyasamaye pāṭiyekko ‘ahaṃ satthā’ti paṭijānanto carati, pabbajitvā sāsanassa alābhāyapi parisakkeyya. Na kho panassāhaṃ ajjhāsayaṃ ājānāmi, satthā jānissatī’’ti. Tasmā taṃ ādāya yena bhagavā tenupasaṅkami. Tenahānanda, susimaṃ pabbājethāti satthā kira cintesi – ‘‘ayaṃ paribbājako titthiyasamaye ‘ahaṃ pāṭiyekko satthā’ti paṭijānamāno carati, ‘idha maggabrahmacariyaṃ carituṃ icchāmī’ti kira vadati. Kiṃ nu kho mayi pasanno, udāhu mayhaṃ sāvakesu, udāhu mayhaṃ vā mama sāvakānaṃ vā dhammakathāya pasanno’’ti? Athassa ekaṭṭhānepi pasādābhāvaṃ ñatvā, ‘‘ayaṃ mama sāsane dhammaṃ thenessāmīti pabbajati. Itissa āgamanaṃ aparisuddhaṃ; nipphatti nu kho kīdisā’’ti? Olokento ‘‘kiñcāpi ‘dhammaṃ thenessāmī’ti pabbajati, katipāheneva pana ghaṭetvā arahattaṃ gaṇhissatī’’ti ñatvā ‘‘tenahānanda, susimaṃ pabbājethā’’ti āha.
ан̃н̃аа б̣яаагад̇аа ход̇ийд̇и д̇з гира бхигкуу сад̇т̇у санд̇игз гаммадтаанам̣ г̇ахзд̇ваа д̇змаасам̣ вассам̣ васанд̇аа д̇асмим̣язва анд̇од̇змаасз гхадзнд̇аа вааяаманд̇аа арахад̇д̇ам̣ бадилабхим̣су. д̇з ‘‘бадилад̣̇д̇хаг̇ун̣ам̣ сад̇т̇у аарожзссаамаа’’д̇и баваарид̇абавааран̣аа сзнаасанам̣ сам̣саамзд̇ваа сад̇т̇у санд̇игам̣ ааг̇анд̇ваа ад̇д̇ано бадилад̣̇д̇хаг̇ун̣ам̣ аарожзсум̣. д̇ам̣ санд̇хааязд̇ам̣ вуд̇д̇ам̣. ан̃н̃аад̇и арахад̇д̇асса наамам̣. б̣яаагад̇аад̇и аарожид̇аа. ассосийд̇и со гира охид̇асод̇о худ̇ваа д̇зсам̣ д̇зсам̣ бхигкуунам̣ тид̇адтаанам̣ г̇ажчад̇и д̇ам̣ д̇ам̣ гат̇ам̣ сун̣ид̇угаамо. язна д̇з бхигкуу д̇знубасан̇гамийд̇и гасмаа убасан̇гами? д̇ам̣ гирасса бавад̇д̇им̣ суд̇ваа зд̇ад̣̇ахоси – ‘‘ан̃н̃аа наама имасмим̣ саасанз барамаббамаан̣ам̣ саарабхууд̇аа аажарияамудти ман̃н̃з бхависсад̇и, бужчид̇ваа нам̣ ж̇ааниссаамий’’д̇и. д̇асмаа убасан̇гами.
Aññā byākatā hotīti te kira bhikkhū satthu santike kammaṭṭhānaṃ gahetvā temāsaṃ vassaṃ vasantā tasmiṃyeva antotemāse ghaṭentā vāyamantā arahattaṃ paṭilabhiṃsu. Te ‘‘paṭiladdhaguṇaṃ satthu ārocessāmā’’ti pavāritapavāraṇā senāsanaṃ saṃsāmetvā satthu santikaṃ āgantvā attano paṭiladdhaguṇaṃ ārocesuṃ. Taṃ sandhāyetaṃ vuttaṃ. Aññāti arahattassa nāmaṃ. Byākatāti ārocitā. Assosīti so kira ohitasoto hutvā tesaṃ tesaṃ bhikkhūnaṃ ṭhitaṭṭhānaṃ gacchati taṃ taṃ kathaṃ suṇitukāmo. Yena te bhikkhū tenupasaṅkamīti kasmā upasaṅkami? Taṃ kirassa pavattiṃ sutvā etadahosi – ‘‘aññā nāma imasmiṃ sāsane paramappamāṇaṃ sārabhūtā ācariyamuṭṭhi maññe bhavissati, pucchitvā naṃ jānissāmī’’ti. Tasmā upasaṅkami.
анзгавихид̇анд̇и анзгавид̇хам̣. ид̣̇д̇хивид̇ханд̇и ид̣̇д̇хигодтаасам̣. аавибхаавам̣ д̇иробхааванд̇и аавибхаавам̣ г̇ахзд̇ваа д̇иробхаавам̣, д̇иробхаавам̣ г̇ахзд̇ваа аавибхаавам̣ гаад̇ум̣ саггот̇аад̇и бужчад̇и. д̇ирогудданд̇и барагуддам̣. ид̇арабад̣̇ад̣̇ваязби зсзва наяо. уммуж̇ж̇анимуж̇ж̇анд̇и уммуж̇ж̇анан̃жа нимуж̇ж̇анан̃жа. баллан̇гзнаад̇и баллан̇габ̣анд̇ханзна. гамат̇аад̇и нисийд̣̇ид̇ум̣ ваа г̇анд̇ум̣ ваа саггот̇аад̇и бужчад̇и? багкий сагун̣од̇и багкаяуд̇д̇о сагун̣о. аяамзд̇т̇а сан̇кзбо, вид̇т̇аарад̇о бана имасса ид̣̇д̇хивид̇хасса, ид̇о барзсам̣ д̣̇иб̣б̣асод̇аад̣̇ийнан̃жа ван̣н̣анаанаяо висуд̣̇д̇химаг̇г̇з вуд̇д̇анаязна взд̣̇ид̇аб̣б̣од̇и.
Anekavihitanti anekavidhaṃ. Iddhividhanti iddhikoṭṭhāsaṃ. Āvibhāvaṃ tirobhāvanti āvibhāvaṃ gahetvā tirobhāvaṃ, tirobhāvaṃ gahetvā āvibhāvaṃ kātuṃ sakkothāti pucchati. Tirokuṭṭanti parakuṭṭaṃ. Itarapadadvayepi eseva nayo. Ummujjanimujjanti ummujjanañca nimujjanañca. Pallaṅkenāti pallaṅkabandhanena. Kamathāti nisīdituṃ vā gantuṃ vā sakkothāti pucchati? Pakkhī sakuṇoti pakkhayutto sakuṇo. Ayamettha saṅkhepo, vitthārato pana imassa iddhividhassa, ito paresaṃ dibbasotādīnañca vaṇṇanānayo visuddhimagge vuttanayena veditabboti.
санд̇аа вимогкаад̇и ан̇г̇асанд̇ад̇ааяа жзва аарамман̣асанд̇ад̇ааяа жа санд̇аа ааруббавимогкаа. гааязна пусид̇ваад̇и наамагааязна пусид̇ваа бадилабхид̇ваа. бан̃н̃аавимуд̇д̇аа ко маяам̣, аавусод̇и, аавусо, маяам̣ ниж̇жхаанагаа сугкавибассагаа бан̃н̃аамад̇д̇знзва вимуд̇д̇аад̇и д̣̇ассзд̇и. ааж̇аанзяяааси ваа д̇вам̣, аавусо сусима, на ваа д̇вам̣ ааж̇аанзяяаасийд̇и гасмаа звамаахам̣су? звам̣ гира нзсам̣ ахоси – ‘‘маяам̣ имасса аж̇жхаасаяам̣ г̇ахзд̇ваа гат̇зд̇ум̣ на сагкиссаама, д̣̇асаб̣алам̣ бана бужчид̇ваа нигган̇ко бхависсад̇ий’’д̇и. д̇хаммадтид̇ин̃аан̣анд̇и вибассанаан̃аан̣ам̣, д̇ам̣ батамад̇арам̣ уббаж̇ж̇ад̇и. ниб̣б̣аанз н̃аан̣анд̇и вибассанааяа жин̣н̣анд̇з бавад̇д̇амаг̇г̇ан̃аан̣ам̣, д̇ам̣ бажчаа уббаж̇ж̇ад̇и. д̇асмаа бхаг̇аваа звамааха.
Santā vimokkhāti aṅgasantatāya ceva ārammaṇasantatāya ca santā āruppavimokkhā. Kāyena phusitvāti nāmakāyena phusitvā paṭilabhitvā. Paññāvimuttā kho mayaṃ, āvusoti, āvuso, mayaṃ nijjhānakā sukkhavipassakā paññāmatteneva vimuttāti dasseti. Ājāneyyāsi vā tvaṃ, āvuso susima, na vā tvaṃ ājāneyyāsīti kasmā evamāhaṃsu? Evaṃ kira nesaṃ ahosi – ‘‘mayaṃ imassa ajjhāsayaṃ gahetvā kathetuṃ na sakkhissāma, dasabalaṃ pana pucchitvā nikkaṅkho bhavissatī’’ti. Dhammaṭṭhitiñāṇanti vipassanāñāṇaṃ, taṃ paṭhamataraṃ uppajjati. Nibbāne ñāṇanti vipassanāya ciṇṇante pavattamaggañāṇaṃ, taṃ pacchā uppajjati. Tasmā bhagavā evamāha.
ааж̇аанзяяааси ваад̇иаад̣̇и гасмаа вуд̇д̇ам̣? винааби самаад̇хим̣ звам̣ н̃аан̣уббад̇д̇ид̣̇ассанад̇т̇ам̣. ид̣̇ан̃хи вуд̇д̇ам̣ ход̇и – сусима, маг̇г̇о ваа палам̣ ваа на самаад̇хиниссанд̣̇о, на самаад̇хиаанисам̣со, на самаад̇хисса нибпад̇д̇и, вибассанааяа банзсо ниссанд̣̇о, вибассанааяа аанисам̣со, вибассанааяа нибпад̇д̇и, д̇асмаа ж̇аанзяяааси ваа д̇вам̣, на ваа д̇вам̣ ж̇аанзяяааси, ат̇а ко д̇хаммадтид̇ин̃аан̣ам̣ буб̣б̣з, бажчаа ниб̣б̣аанз н̃аан̣анд̇и.
Ājāneyyāsi vātiādi kasmā vuttaṃ? Vināpi samādhiṃ evaṃ ñāṇuppattidassanatthaṃ. Idañhi vuttaṃ hoti – susima, maggo vā phalaṃ vā na samādhinissando, na samādhiānisaṃso, na samādhissa nipphatti, vipassanāya paneso nissando, vipassanāya ānisaṃso, vipassanāya nipphatti, tasmā jāneyyāsi vā tvaṃ, na vā tvaṃ jāneyyāsi, atha kho dhammaṭṭhitiñāṇaṃ pubbe, pacchā nibbāne ñāṇanti.
ид̣̇аанисса бадивзд̇хабхаб̣б̣ад̇ам̣ н̃ад̇ваа д̇збариваддам̣ д̇хаммад̣̇зсанам̣ д̣̇зсзнд̇о д̇ам̣ гим̣ ман̃н̃аси, сусима? руубам̣ нижжам̣ ваа анижжам̣ ваад̇иаад̣̇имааха? д̇з бариваддад̣̇зсанаавасаанз бана т̇зро арахад̇д̇ам̣ бад̇д̇о. ид̣̇аанисса ануяог̇ам̣ ааробзнд̇о ж̇аад̇ибажжаяаа ж̇араамаран̣анд̇и, сусима, бассасийд̇иаад̣̇имааха. аби бана д̇вам̣, сусимаад̇и ид̣̇ам̣ гасмаа аарабхи? ниж̇жхаанагаанам̣ сугкавибассагабхигкуунам̣ баагадагаран̣ад̇т̇ам̣. аяан̃хзд̇т̇а ад̇хиббааяо – на гзвалам̣ д̇вамзва ниж̇жхаанаго сугкавибассаго, зд̇зби бхигкуу зваруубааязваад̇и. сзсам̣ саб̣б̣ад̇т̇а баагадамзваад̇и. д̣̇асамам̣.
Idānissa paṭivedhabhabbataṃ ñatvā teparivaṭṭaṃ dhammadesanaṃ desento taṃ kiṃ maññasi, susima? Rūpaṃ niccaṃ vā aniccaṃ vātiādimāha? Te parivaṭṭadesanāvasāne pana thero arahattaṃ patto. Idānissa anuyogaṃ āropento jātipaccayā jarāmaraṇanti, susima, passasītiādimāha. Api pana tvaṃ, susimāti idaṃ kasmā ārabhi? Nijjhānakānaṃ sukkhavipassakabhikkhūnaṃ pākaṭakaraṇatthaṃ. Ayañhettha adhippāyo – na kevalaṃ tvameva nijjhānako sukkhavipassako, etepi bhikkhū evarūpāyevāti. Sesaṃ sabbattha pākaṭamevāti. Dasamaṃ.
махааваг̇г̇о сад̇д̇амо.
Mahāvaggo sattamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. сусимасуд̇д̇ам̣ • 10. Susimasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. сусимасуд̇д̇аван̣н̣анаа • 10. Susimasuttavaṇṇanā
