| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. сусимасуд̇д̇аван̣н̣анаа
9. Susimasuttavaṇṇanā
110. д̇уяхамби нод̇и д̇уяхамби ну, ну-сад̣̇д̣̇о бужчааяам̣, д̇асмаа ван̣н̣ам̣ гат̇зд̇угаамо бужчад̇ийд̇и ад̇хиббааяо. на ваддад̇ийд̇и на яуж̇ж̇ад̇и, гат̇ид̇од̇и гат̇зд̇ум̣ аарад̣̇д̇хо, д̇знааха ‘‘мад̇т̇агам̣ на баабун̣аад̇ий’’д̇и. д̇амзва мад̇т̇агаабаабун̣анам̣ д̣̇ассзд̇ум̣ ‘‘со хий’’д̇иаад̣̇и вуд̇д̇ам̣. сад̇исамбаж̇ан̃н̃ааяог̇ад̇о г̇оруубасийло, муул̣хо калид̇абан̃н̃о, г̇оруубасса вияа сийлам̣ зд̇ассаад̇и хи г̇оруубасийло. сабхааг̇о згаруубажид̇д̇ад̇ааяа. арияаанам̣ сабхааг̇ад̇аа наама г̇ун̣аванд̇авасзнаад̇и ааха ‘‘ан̃н̃аман̃н̃асса г̇ун̣зсу басийд̣̇ид̇ваа’’д̇и. сол̣асавид̇хам̣ бан̃н̃анд̇и махаабан̃н̃аад̣̇игаа ча, нава анубуб̣б̣авихаарасамаабад̇д̇ибан̃н̃аа, аасавагкаяабан̃н̃аад̇и имам̣ сол̣асавид̇хам̣ бан̃н̃ам̣. д̇зсадти саавагасаад̇хааран̣ан̃аан̣ааниби зд̇т̇зва сан̇г̇ахам̣ самосаран̣ам̣ г̇ажчанд̇и.
110.Tuyhampinoti tuyhampi nu, nu-saddo pucchāyaṃ, tasmā vaṇṇaṃ kathetukāmo pucchatīti adhippāyo. Na vaṭṭatīti na yujjati, kathitoti kathetuṃ āraddho, tenāha ‘‘matthakaṃ na pāpuṇātī’’ti. Tameva matthakāpāpuṇanaṃ dassetuṃ ‘‘so hī’’tiādi vuttaṃ. Satisampajaññāyogato gorūpasīlo, mūḷho khalitapañño, gorūpassa viya sīlaṃ etassāti hi gorūpasīlo. Sabhāgo ekarūpacittatāya. Ariyānaṃ sabhāgatā nāma guṇavantavasenāti āha ‘‘aññamaññassa guṇesu pasīditvā’’ti. Soḷasavidhaṃ paññanti mahāpaññādikā cha, nava anupubbavihārasamāpattipaññā, āsavakkhayapaññāti imaṃ soḷasavidhaṃ paññaṃ. Tesaṭṭhi sāvakasādhāraṇañāṇānipi ettheva saṅgahaṃ samosaraṇaṃ gacchanti.
аананд̣̇аад̇и т̇зрам̣ ааха. аажаарод̇и жаарид̇д̇асийламааха. г̇ожарод̇и г̇ожарасамбад̇д̇и. вихаарод̇и самаабад̇д̇ивихааро. абхиггамод̇иаад̣̇инаа ирияаабат̇авихаарам̣. д̇уяхамбийд̇и би-сад̣̇д̣̇зна бхаг̇авад̇аа ад̇д̇аанам̣ аад̣̇им̣ гад̇ваа д̇ад̣̇ан̃н̃зсам̣ вин̃н̃уунам̣ саб̣б̣зсам̣ т̇зрасса ружжанасабхааво д̣̇ийбид̇од̇и д̣̇ассзнд̇о ‘‘маяхам̣ ружжад̇ий’’д̇иаад̣̇имааха. д̇ад̇т̇а сад̇иби аананд̣̇ад̇т̇зрассаби асийд̇ияаа махаат̇зраанам̣ анд̇ог̇ад̇хабхаавз ‘‘асийд̇ияаа махаат̇зраанам̣ ружжад̇ий’’д̇и вад̇ваа ‘‘д̇уяхамби ружжад̇ий’’д̇и важанам̣ д̇зна д̇хаммасзнаабад̇ино ван̣н̣ам̣ гат̇аабзд̇угаамад̇ааяаад̇и д̣̇адтаб̣б̣ам̣.
Ānandāti theraṃ āha. Ācāroti cārittasīlamāha. Gocaroti gocarasampatti. Vihāroti samāpattivihāro. Abhikkamotiādinā iriyāpathavihāraṃ. Tuyhampīti pi-saddena bhagavatā attānaṃ ādiṃ katvā tadaññesaṃ viññūnaṃ sabbesaṃ therassa ruccanasabhāvo dīpitoti dassento ‘‘mayhaṃ ruccatī’’tiādimāha. Tattha satipi ānandattherassapi asītiyā mahātherānaṃ antogadhabhāve ‘‘asītiyā mahātherānaṃ ruccatī’’ti vatvā ‘‘tuyhampi ruccatī’’ti vacanaṃ tena dhammasenāpatino vaṇṇaṃ kathāpetukāmatāyāti daṭṭhabbaṃ.
саадаганд̇арзд̇и нивад̇т̇авад̇т̇анд̇арз. лад̣̇д̇хогаасод̇и ниб̣б̣уд̣̇д̇хам̣ гаронд̇о саадаганд̇арз лад̣̇д̇хам̣ г̇ахзд̇ум̣ лад̣̇д̇хаавасаро. лабхиссааминод̇и лабхиссаами вад̇а. д̣̇ийбад̇хаж̇абхууд̇анд̇и сад̇аяож̇анавид̇т̇ин̣н̣ам̣ ж̇амб̣уд̣̇ийбасса д̇хаж̇абхууд̇ам̣. буг̇г̇алабалаабзд̇и анд̇осаараабхаавад̇о балаабабхууд̇з буг̇г̇алз харанд̇о. б̣аалад̇ааяаад̇и ружиканд̇иаад̣̇иабхаавад̇ааяа. д̣̇осад̇ааяаад̇и д̣̇уссагабхаавзна. мохзнаад̇и махаамуул̣хад̇ааяа. гзжи бана ‘‘б̣аало б̣аалад̇ааяаад̇и муул̣хад̇ааяа багад̇иб̣аалабхаавзна на ж̇аанаад̇и. муул̣хо мохзнаад̇и саяам̣ аб̣аало самааноби яад̣̇аа мохзна барияудтид̇о ход̇и, д̇ад̣̇аа мохзна на ж̇аанаад̇и, аяам̣ бад̣̇ад̣̇ваяасса висзсо’’д̇и вад̣̇анд̇и. вибаллад̇т̇ажид̇д̇од̇и яагкуммаад̣̇зна бид̇д̇уммаад̣̇зна ваа вибарийд̇ажид̇д̇о.
Sāṭakantareti nivatthavatthantare. Laddhokāsoti nibbuddhaṃ karonto sāṭakantare laddhaṃ gahetuṃ laddhāvasaro. Labhissāminoti labhissāmi vata. Dīpadhajabhūtanti satayojanavitthiṇṇaṃ jambudīpassa dhajabhūtaṃ. Puggalapalāpeti antosārābhāvato palāpabhūte puggale haranto. Bālatāyāti rucikhantiādiabhāvatāya. Dosatāyāti dussakabhāvena. Mohenāti mahāmūḷhatāya. Keci pana ‘‘bālo bālatāyāti mūḷhatāya pakatibālabhāvena na jānāti. Mūḷho mohenāti sayaṃ abālo samānopi yadā mohena pariyuṭṭhito hoti, tadā mohena na jānāti, ayaṃ padadvayassa viseso’’ti vadanti. Vipallatthacittoti yakkhummādena pittummādena vā viparītacitto.
‘‘жад̇уусу госаллзсуу’’д̇и вуд̇д̇ам̣ жад̇уб̣б̣ид̇хам̣ госаллам̣ баал̣ияаа зва д̣̇ассзд̇ум̣ ‘‘вуд̇д̇ам̣ хзд̇а’’нд̇иаад̣̇и вуд̇д̇ам̣. д̇ад̇т̇а яо адтаараса д̇хаад̇уяо самуд̣̇аяад̇о ад̇т̇ан̇г̇амад̇о ассаад̣̇ад̇о аад̣̇ийнавад̇о ниссаран̣ад̇о жа яат̇аабхууд̇ам̣ баж̇аанаад̇и, аяам̣ д̇хаад̇угусало. вуд̇д̇анаязна ааяад̇анзсу гусало ааяад̇анагусало. авиж̇ж̇аад̣̇ийсу д̣̇ваад̣̇асабадижжасамуббаад̣̇ан̇г̇зсу гусало бадижжасамуббаад̣̇агусало. ‘‘ид̣̇ам̣ имасса паласса таанам̣ гааран̣ам̣, ид̣̇ам̣ адтаанам̣ агааран̣а’’нд̇и звам̣ таанан̃жа таанад̇о, адтаанан̃жа адтаанад̇о яат̇аабхууд̇ам̣ баж̇аанад̇о таанаадтаанагусало. яо бана имзсу д̇хаад̇уаад̣̇ийсу барин̃н̃аабхисамаяаад̣̇ивасзна ниссан̇г̇аг̇ад̇ияаа бан̣д̣аад̇и лад̣̇д̇ханаамзна н̃аан̣зна ид̇о г̇ад̇о бавад̇д̇о, аяам̣ бан̣д̣ид̇о наама.
‘‘Catūsukosallesū’’ti vuttaṃ catubbidhaṃ kosallaṃ pāḷiyā eva dassetuṃ ‘‘vuttaṃ heta’’ntiādi vuttaṃ. Tattha yo aṭṭhārasa dhātuyo samudayato atthaṅgamato assādato ādīnavato nissaraṇato ca yathābhūtaṃ pajānāti, ayaṃ dhātukusalo. Vuttanayena āyatanesu kusalo āyatanakusalo. Avijjādīsu dvādasapaṭiccasamuppādaṅgesu kusalo paṭiccasamuppādakusalo. ‘‘Idaṃ imassa phalassa ṭhānaṃ kāraṇaṃ, idaṃ aṭṭhānaṃ akāraṇa’’nti evaṃ ṭhānañca ṭhānato, aṭṭhānañca aṭṭhānato yathābhūtaṃ pajānato ṭhānāṭṭhānakusalo. Yo pana imesu dhātuādīsu pariññābhisamayādivasena nissaṅgagatiyā paṇḍāti laddhanāmena ñāṇena ito gato pavatto, ayaṃ paṇḍito nāma.
маханд̇аанам̣ ад̇т̇аанам̣ бариг̇г̇ан̣ханад̇о махад̇ий бан̃н̃аа зд̇ассаад̇и махаабан̃н̃о. сзсабад̣̇зсуби зсзва наяод̇и ааха ‘‘махаабан̃н̃аад̣̇ийхи саманнааг̇ад̇од̇и ад̇т̇о’’д̇и. наанад̇д̇анд̇и яаахи махаабан̃н̃аад̣̇ийхи саманнааг̇ад̇ад̇д̇аа т̇зро ‘‘махаабан̃н̃о’’д̇иаад̣̇инаа гид̇д̇ид̇о, д̇аасам̣ махаабан̃н̃аад̣̇ийнам̣ ид̣̇ам̣ наанад̇д̇ам̣ аяам̣ взмад̇д̇ад̇аа. яасса гассажи висзсад̇о аруубад̇хаммасса махад̇д̇ам̣ наама гижжасид̣̇д̇хияаа взд̣̇ид̇аб̣б̣анд̇и д̇ад̣̇асса гижжасид̣̇д̇хияаа д̣̇ассзнд̇о ‘‘маханд̇з сийлагканд̇хз бариг̇г̇ан̣хаад̇ий’’д̇иаад̣̇имааха. д̇ад̇т̇а хзд̇умаханд̇ад̇ааяа бажжаяамаханд̇ад̇ааяа ниссаяамаханд̇ад̇ааяа бабхзд̣̇амаханд̇ад̇ааяа гижжамаханд̇ад̇ааяа паламаханд̇ад̇ааяа аанисам̣самаханд̇ад̇ааяа жа сийлагканд̇хасса маханд̇абхааво взд̣̇ид̇аб̣б̣о. д̇ад̇т̇а хзд̇уу алобхаад̣̇аяо. бажжаяаа хирод̇д̇аббасад̣̇д̇хаасад̇ивийрияаад̣̇аяо. ниссаяаа саавагаб̣од̇хибажжзгаб̣од̇хисаммаасамб̣од̇хинияад̇ад̇аа, д̇ам̣саман̇г̇ино жа бурисависзсаа. бабхзд̣̇о жаарид̇д̇аад̣̇ивибхааг̇о. гижжам̣ д̇ад̣̇ан̇г̇аад̣̇ивасзна бадибагкасса вид̇хаманам̣. палам̣ саг̇г̇асамбад̣̇аа ниб̣б̣аанасамбад̣̇аа жа. аанисам̣со бияаманаабад̇аад̣̇и. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇з (висуд̣̇д̇хи. 1.8-9) ааган̇кзяяасуд̇д̇аад̣̇ийсу (ма. ни. 1.64 аад̣̇аяо) жа ааг̇ад̇анаязна взд̣̇ид̇аб̣б̣о. иминаа наязна самаад̇хигканд̇хаад̣̇ийнамби маханд̇ад̇аа яат̇аарахам̣ нид̣̇д̇хаарзд̇ваа взд̣̇ид̇аб̣б̣аа. таанаадтаанаад̣̇ийнам̣ бана маханд̇абхааво махаависаяад̇ааяа взд̣̇ид̇аб̣б̣о. д̇ад̇т̇а таанаадтаанаанам̣ махаависаяад̇аа б̣ахуд̇хаад̇угасуд̇д̇аад̣̇ийсу ааг̇ад̇анаязна, вихаарасамаабад̇д̇ийнам̣ самаад̇хигканд̇хз нид̣̇д̇хаарид̇анаязна взд̣̇ид̇аб̣б̣аа. арияасажжаанам̣ сагаласаасанасан̇г̇ан̣ханад̇о сажжавибхан̇г̇з (вибха. 189 аад̣̇аяо) д̇ам̣сам̣ван̣н̣анаасу (вибха. адта. 189 аад̣̇аяо) ааг̇ад̇анаязна; сад̇ибадтаанаад̣̇ийнам̣ сад̇ибадтаанавибхан̇г̇аад̣̇ийсу (вибха. 355 аад̣̇аяо) д̇ам̣сам̣ван̣н̣анаад̣̇ийсу (вибха. адта. 355 аад̣̇аяо) жа ааг̇ад̇анаязна; сааман̃н̃апалаанам̣ махад̇о хид̇асса махад̇о сукасса махад̇о ад̇т̇асса махад̇о яог̇агкзмасса нибпад̇д̇ибхаавад̇о санд̇абан̣ийд̇анибун̣аад̇аггааважарабан̣д̣ид̇авзд̣̇анийяабхаавад̇о жа; абхин̃н̃аанам̣ махаасамбхаарад̇о махаависаяад̇о махаагижжад̇о махаанубхаавад̇о махаанибпад̇д̇ид̇о жа; ниб̣б̣аанасса мад̣̇аниммад̣̇анаад̣̇имахад̇т̇асид̣̇д̇хид̇о маханд̇ад̇аа взд̣̇ид̇аб̣б̣аа. бариг̇г̇ан̣хаад̇ийд̇и сабхааваад̣̇ид̇о барижчиж̇ж̇а г̇ан̣хаад̇и ж̇аанаад̇и бадивиж̇жхад̇ийд̇и ад̇т̇о. саа банаад̇и махаабан̃н̃ад̇аа.
Mahantānaṃ atthānaṃ pariggaṇhanato mahatī paññā etassāti mahāpañño. Sesapadesupi eseva nayoti āha ‘‘mahāpaññādīhi samannāgatoti attho’’ti. Nānattanti yāhi mahāpaññādīhi samannāgatattā thero ‘‘mahāpañño’’tiādinā kittito, tāsaṃ mahāpaññādīnaṃ idaṃ nānattaṃ ayaṃ vemattatā. Yassa kassaci visesato arūpadhammassa mahattaṃ nāma kiccasiddhiyā veditabbanti tadassa kiccasiddhiyā dassento ‘‘mahante sīlakkhandhe pariggaṇhātī’’tiādimāha. Tattha hetumahantatāya paccayamahantatāya nissayamahantatāya pabhedamahantatāya kiccamahantatāya phalamahantatāya ānisaṃsamahantatāya ca sīlakkhandhassa mahantabhāvo veditabbo. Tattha hetū alobhādayo. Paccayā hirottappasaddhāsativīriyādayo. Nissayā sāvakabodhipaccekabodhisammāsambodhiniyatatā, taṃsamaṅgino ca purisavisesā. Pabhedo cārittādivibhāgo. Kiccaṃ tadaṅgādivasena paṭipakkhassa vidhamanaṃ. Phalaṃ saggasampadā nibbānasampadā ca. Ānisaṃso piyamanāpatādi. Ayamettha saṅkhepo, vitthāro pana visuddhimagge (visuddhi. 1.8-9) ākaṅkheyyasuttādīsu (ma. ni. 1.64 ādayo) ca āgatanayena veditabbo. Iminā nayena samādhikkhandhādīnampi mahantatā yathārahaṃ niddhāretvā veditabbā. Ṭhānāṭṭhānādīnaṃ pana mahantabhāvo mahāvisayatāya veditabbo. Tattha ṭhānāṭṭhānānaṃ mahāvisayatā bahudhātukasuttādīsu āgatanayena, vihārasamāpattīnaṃ samādhikkhandhe niddhāritanayena veditabbā. Ariyasaccānaṃ sakalasāsanasaṅgaṇhanato saccavibhaṅge (vibha. 189 ādayo) taṃsaṃvaṇṇanāsu (vibha. aṭṭha. 189 ādayo) āgatanayena; satipaṭṭhānādīnaṃ satipaṭṭhānavibhaṅgādīsu (vibha. 355 ādayo) taṃsaṃvaṇṇanādīsu (vibha. aṭṭha. 355 ādayo) ca āgatanayena; sāmaññaphalānaṃ mahato hitassa mahato sukhassa mahato atthassa mahato yogakkhemassa nipphattibhāvato santapaṇītanipuṇaatakkāvacarapaṇḍitavedanīyabhāvato ca; abhiññānaṃ mahāsambhārato mahāvisayato mahākiccato mahānubhāvato mahānipphattito ca; nibbānassa madanimmadanādimahatthasiddhito mahantatā veditabbā. Pariggaṇhātīti sabhāvādito paricchijja gaṇhāti jānāti paṭivijjhatīti attho. Sā panāti mahāpaññatā.
бут̇убан̃н̃аад̇и зд̇т̇а наанааканд̇хзсу н̃аан̣ам̣ бавад̇д̇ад̇ийд̇и аяам̣ руубагканд̇хо наама…бз… аяам̣ вин̃н̃аан̣агканд̇хо наамаад̇и звам̣ бан̃жаннам̣ канд̇хаанам̣ наанаагаран̣ам̣ бадижжа н̃аан̣ам̣ бавад̇д̇ад̇и. д̇зсу згавид̇хзна руубагканд̇хо, згаад̣̇асавид̇хзна руубагканд̇хо, згавид̇хзна взд̣̇анаагканд̇хо, б̣ахувид̇хзна взд̣̇анаагканд̇хо, згавид̇хзна сан̃н̃аагканд̇хо, сан̇каарагканд̇хо, вин̃н̃аан̣агканд̇ход̇и звам̣ згзгасса канд̇хасса згавид̇хаад̣̇ивасзна ад̇ийд̇аад̣̇ивасзнаби наанаагаран̣ам̣ бадижжа н̃аан̣ам̣ бавад̇д̇ад̇и. д̇ат̇аа ид̣̇ам̣ жагкааяад̇анам̣ наама…бз… ид̣̇ам̣ д̇хаммааяад̇анам̣ наамам̣. д̇ад̇т̇а д̣̇асааяад̇анаа гаамааважараа, д̣̇вз жад̇убхуумагаад̇и звам̣ ааяад̇анаанам̣ наанаагаран̣ам̣ бадижжа н̃аан̣ам̣ бавад̇д̇ад̇и. наанаад̇хаад̇уусууд̇и аяам̣ жагкуд̇хаад̇у наама…бз… аяам̣ мановин̃н̃аан̣ад̇хаад̇у наама. д̇ад̇т̇а сол̣аса д̇хаад̇уяо гаамааважараа, д̣̇вз жад̇убхуумагаад̇и звам̣ д̇хаад̇унаанаагаран̣ам̣ бадижжа н̃аан̣ам̣ бавад̇д̇ад̇и, д̇ам̣ убаад̣̇ин̣н̣ад̇хаад̇увасзна вуд̇д̇анд̇и взд̣̇ид̇аб̣б̣ам̣ бажжзгаб̣уд̣̇д̇хаанан̃хи д̣̇виннам̣ аг̇г̇асаавагаанан̃жа убаад̣̇ин̣н̣ад̇хаад̇уусу зва наанаагаран̣ам̣ бадижжа н̃аан̣ам̣ бавад̇д̇ад̇и. д̇ан̃жа ко згад̣̇зсамад̇д̇ад̇о, на ниббад̣̇зсад̇о, анубаад̣̇ин̣н̣агад̇хаад̇уунам̣ бана наанаагаран̣ам̣ на ж̇аананд̇и зва. ид̇арасаавагзсу вад̇д̇аб̣б̣амзва над̇т̇и, саб̣б̣ан̃н̃уб̣уд̣̇д̇хаанам̣язва бана имааяа наама д̇хаад̇уяаа уссаннад̇д̇аава имасса ругкасса канд̇хо сзд̇о ход̇и, имасса гаал̣о, имасса мадто, имасса б̣ахалад̇д̇ажо, имасса д̇ануд̇д̇ажо, имасса бад̇д̇ам̣ ван̣н̣асан̣таанаад̣̇ивасзна зваруубам̣; имасса бубпам̣ нийлам̣ бийд̇агам̣ лохид̇агам̣ од̣̇аад̇ам̣, суг̇анд̇хам̣ д̣̇уг̇г̇анд̇хам̣; палам̣ куд̣̇д̣̇агам̣ маханд̇ам̣ д̣̇ийгхам̣ ваддам̣ сусан̣таанам̣ мадтам̣ парусам̣ суг̇анд̇хам̣ мад̇хурам̣ д̇ид̇д̇агам̣ амб̣илам̣ гадугам̣ гасаавам̣; ган̣даго д̇икин̣о ад̇икин̣о уж̇уго гудило д̇амб̣о лохид̇о од̣̇аад̇о ход̇ийд̇и д̇хаад̇унаанад̇д̇ам̣ бадижжа н̃аан̣ам̣ бавад̇д̇ад̇и.
Puthupaññāti ettha nānākhandhesu ñāṇaṃ pavattatīti ayaṃ rūpakkhandho nāma…pe… ayaṃ viññāṇakkhandho nāmāti evaṃ pañcannaṃ khandhānaṃ nānākaraṇaṃ paṭicca ñāṇaṃ pavattati. Tesu ekavidhena rūpakkhandho, ekādasavidhena rūpakkhandho, ekavidhena vedanākkhandho, bahuvidhena vedanākkhandho, ekavidhena saññākkhandho, saṅkhārakkhandho, viññāṇakkhandhoti evaṃ ekekassa khandhassa ekavidhādivasena atītādivasenapi nānākaraṇaṃ paṭicca ñāṇaṃ pavattati. Tathā idaṃ cakkhāyatanaṃ nāma…pe… idaṃ dhammāyatanaṃ nāmaṃ. Tattha dasāyatanā kāmāvacarā, dve catubhūmakāti evaṃ āyatanānaṃ nānākaraṇaṃ paṭicca ñāṇaṃ pavattati. Nānādhātūsūti ayaṃ cakkhudhātu nāma…pe… ayaṃ manoviññāṇadhātu nāma. Tattha soḷasa dhātuyo kāmāvacarā, dve catubhūmakāti evaṃ dhātunānākaraṇaṃ paṭicca ñāṇaṃ pavattati, taṃ upādiṇṇadhātuvasena vuttanti veditabbaṃ paccekabuddhānañhi dvinnaṃ aggasāvakānañca upādiṇṇadhātūsu eva nānākaraṇaṃ paṭicca ñāṇaṃ pavattati. Tañca kho ekadesamattato, na nippadesato, anupādiṇṇakadhātūnaṃ pana nānākaraṇaṃ na jānanti eva. Itarasāvakesu vattabbameva natthi, sabbaññubuddhānaṃyeva pana imāya nāma dhātuyā ussannattāva imassa rukkhassa khandho seto hoti, imassa kāḷo, imassa maṭṭho, imassa bahalattaco, imassa tanuttaco, imassa pattaṃ vaṇṇasaṇṭhānādivasena evarūpaṃ; imassa pupphaṃ nīlaṃ pītakaṃ lohitakaṃ odātaṃ, sugandhaṃ duggandhaṃ; phalaṃ khuddakaṃ mahantaṃ dīghaṃ vaṭṭaṃ susaṇṭhānaṃ maṭṭhaṃ pharusaṃ sugandhaṃ madhuraṃ tittakaṃ ambilaṃ kaṭukaṃ kasāvaṃ; kaṇṭako tikhiṇo atikhiṇo ujuko kuṭilo tambo lohito odāto hotīti dhātunānattaṃ paṭicca ñāṇaṃ pavattati.
ад̇т̇зсууд̇и руубаад̣̇ийсу аарамман̣зсу. наанаабадижжасамуббаад̣̇зсууд̇и аж̇жхад̇д̇аб̣ахид̣̇д̇хаабхзд̣̇ад̇о жа сан̣таанабхзд̣̇ад̇о жа наанаббабхзд̣̇зсу бадижжасамуббаад̣̇ан̇г̇зсу. авиж̇ж̇аад̣̇иан̇г̇аанан̃хи бажжзгам̣ бадижжасамуббаад̣̇асан̃н̃ид̇аад̇и. д̇знааха сан̇каарабидагз ‘‘д̣̇ваад̣̇аса бажжаяаа д̣̇ваад̣̇аса бадижжасамуббаад̣̇аа’’д̇и. наанаасун̃н̃ад̇аманубалаб̣бхзсууд̇и наанаасабхаавзсу нижжасаараад̣̇ивирахад̇о сун̃н̃асабхаавзсу, д̇ад̇о зва ид̇т̇ибурисаад̇д̇аад̇д̇анияаад̣̇ивасзна анубалаб̣бхзсу сабхаавзсу. ма-гааро хзд̇т̇а бад̣̇асанд̇хигаро. наанааад̇т̇зсууд̇и ад̇т̇абадисамбхид̣̇аависаязсу бажжаяуббаннаад̣̇ибхзд̣̇зсу наанаавид̇хзсу ад̇т̇зсу. д̇хаммзсууд̇и д̇хаммабадисамбхид̣̇аависаязсу бажжаяаад̣̇инаанаад̇хаммзсу. нируд̇д̇ийсууд̇и д̇зсам̣язва ад̇т̇ад̇хаммаанам̣ нид̣̇д̇хааран̣аважанасан̇каад̇аасу нируд̇д̇ийсу. бадибхаанзсууд̇и ад̇т̇абадисамбхид̣̇аад̣̇ийсу висаяабхууд̇зсу ‘‘имаани ид̣̇амад̇т̇аж̇од̇агааний’’д̇и д̇ат̇аа д̇ат̇аа бадибхаанад̇о бад̇идтаанад̇о бадибхаанаанийд̇и лад̣̇д̇ханаамзсу н̃аан̣зсу. бут̇у наанаасийлагканд̇хзсууд̇иаад̣̇ийсу сийласса бут̇уд̇д̇ам̣ наанад̇д̇ан̃жа вуд̇д̇амзва. ид̇арзсам̣ бана вуд̇д̇анаяаанусаарзна сувин̃н̃зяяад̇д̇аа баагадамзва. яам̣ бана абхиннам̣ згамзва ниб̣б̣аанам̣, д̇ад̇т̇а убажааравасзна бут̇уд̇д̇ам̣ г̇ахзд̇аб̣б̣анд̇и ааха ‘‘бут̇у ж̇анасаад̇хааран̣з д̇хаммз самад̇иггаммаа’’д̇и. д̇знасса ид̇ха мад̣̇аниммад̣̇анаад̣̇ибарияааязна бут̇уд̇д̇ам̣ д̣̇ийбид̇ам̣ ход̇и.
Atthesūti rūpādīsu ārammaṇesu. Nānāpaṭiccasamuppādesūti ajjhattabahiddhābhedato ca saṇṭhānabhedato ca nānappabhedesu paṭiccasamuppādaṅgesu. Avijjādiaṅgānañhi paccekaṃ paṭiccasamuppādasaññitāti. Tenāha saṅkhārapiṭake ‘‘dvādasa paccayā dvādasa paṭiccasamuppādā’’ti. Nānāsuññatamanupalabbhesūti nānāsabhāvesu niccasārādivirahato suññasabhāvesu, tato eva itthipurisaattaattaniyādivasena anupalabbhesu sabhāvesu. Ma-kāro hettha padasandhikaro. Nānāatthesūti atthapaṭisambhidāvisayesu paccayuppannādibhedesu nānāvidhesu atthesu. Dhammesūti dhammapaṭisambhidāvisayesu paccayādinānādhammesu. Niruttīsūti tesaṃyeva atthadhammānaṃ niddhāraṇavacanasaṅkhātāsu niruttīsu. Paṭibhānesūti atthapaṭisambhidādīsu visayabhūtesu ‘‘imāni idamatthajotakānī’’ti tathā tathā paṭibhānato patiṭṭhānato paṭibhānānīti laddhanāmesu ñāṇesu. Puthu nānāsīlakkhandhesūtiādīsu sīlassa puthuttaṃ nānattañca vuttameva. Itaresaṃ pana vuttanayānusārena suviññeyyattā pākaṭameva. Yaṃ pana abhinnaṃ ekameva nibbānaṃ, tattha upacāravasena puthuttaṃ gahetabbanti āha ‘‘puthu janasādhāraṇe dhamme samatikkammā’’ti. Tenassa idha madanimmadanādipariyāyena puthuttaṃ dīpitaṃ hoti.
звам̣ висаяавасзна бан̃н̃ааяа махад̇д̇ам̣ бут̇уд̇д̇ан̃жа д̣̇ассзд̇ваа ид̣̇аани самбаяуд̇д̇ад̇хаммавасзна хаасабхаавам̣, бавад̇д̇иаагааравасзна ж̇аванабхаавам̣, гижжавасзна д̇игкаад̣̇ибхааван̃жа д̣̇ассзд̇ум̣ ‘‘гад̇амаа хаасабан̃н̃аа’’д̇иаад̣̇и вуд̇д̇ам̣. д̇ад̇т̇а хаасаб̣ахулод̇и бийд̇иб̣ахуло. сзсабад̣̇аани д̇асса взважанаани. сийлам̣ барибуурзд̇ийд̇и хадтабахадто уд̣̇аг̇г̇уд̣̇аг̇г̇о худ̇ваа бийд̇исахаг̇ад̇ааяа бан̃н̃ааяа баад̇имогкасийлам̣ табзд̇ваа хаасанийяад̇арассзва висум̣ г̇ахид̇ад̇д̇аа ид̇арам̣ д̇ивид̇хам̣ сийлам̣ барибуурзд̇и. бийд̇исоманассасахаг̇ад̇аа хи бан̃н̃аа абхирад̇ивасзна д̇ад̣̇аарамман̣з пуллид̇аа вигасид̇аа вияа вад̇д̇ад̇и, на убзгкаасахаг̇ад̇аа. сийлагканд̇хам̣ самаад̇хигканд̇ханд̇иаад̣̇ийсуби зсзва наяо. т̇зрод̇иаад̣̇инаа абхинийхаарасид̣̇д̇хаа т̇зрасса хаасабан̃н̃ад̇аад̇и д̣̇ассзд̇и.
Evaṃ visayavasena paññāya mahattaṃ puthuttañca dassetvā idāni sampayuttadhammavasena hāsabhāvaṃ, pavattiākāravasena javanabhāvaṃ, kiccavasena tikkhādibhāvañca dassetuṃ ‘‘katamā hāsapaññā’’tiādi vuttaṃ. Tattha hāsabahuloti pītibahulo. Sesapadāni tassa vevacanāni. Sīlaṃ paripūretīti haṭṭhapahaṭṭho udaggudaggo hutvā pītisahagatāya paññāya pātimokkhasīlaṃ ṭhapetvā hāsanīyatarasseva visuṃ gahitattā itaraṃ tividhaṃ sīlaṃ paripūreti. Pītisomanassasahagatā hi paññā abhirativasena tadārammaṇe phullitā vikasitā viya vattati, na upekkhāsahagatā. Sīlakkhandhaṃ samādhikkhandhantiādīsupi eseva nayo. Therotiādinā abhinīhārasiddhā therassa hāsapaññatāti dasseti.
саб̣б̣ам̣ руубам̣ анижжалагкан̣ад̇о киббам̣ ж̇авад̇ийд̇и руубагканд̇хам̣ анижжанд̇и сийгхавзг̇зна бавад̇д̇ияаа бадибагкад̣̇уурийбхаавзна буб̣б̣аабхисан̇каарасса саад̇исаяад̇д̇аа инд̣̇зна висадтаваж̇ирам̣ вияа лагкан̣ам̣ бадивиж̇жханд̇ий ад̣̇анд̇хааяанд̇ий руубагканд̇хз анижжалагкан̣ам̣ взг̇зна бадивиж̇жхад̇и, д̇асмаа саа ж̇аванабан̃н̃аа наамаад̇и ад̇т̇о. сзсабад̣̇зсуби зсзва наяо. звам̣ лагкан̣аарамман̣игавибассанаавасзна ж̇аванабан̃н̃ам̣ д̣̇ассзд̇ваа б̣алававибассанаавасзна д̣̇ассзд̇ум̣ ‘‘рууба’’нд̇иаад̣̇и вуд̇д̇ам̣. д̇ад̇т̇а каяадтзнаад̇и яад̇т̇а яад̇т̇а уббаж̇ж̇ад̇и, д̇ад̇т̇а д̇ад̇т̇зва кан̣знзва бхиж̇ж̇анад̇о каяасабхаавад̇о. бхаяадтзнаад̇и бхаяаанагад̇о. асаарагадтзнаад̇и ад̇д̇асааравирахад̇о нижжасаараад̣̇ивирахад̇о жа. д̇улаяид̇ваад̇и д̇улаабхууд̇ааяа вибассанааяа д̇улаяид̇ваа. д̇ийраяид̇ваад̇и д̇ааяа зва д̇ийран̣абхууд̇ааяа д̇ийрзд̇ваа. вибхааваяид̇ваад̇и яаат̇аавад̇о багаасзд̇ваа бан̃жагканд̇хам̣ вибхууд̇ам̣ гад̇ваа баагадам̣ гад̇ваа. руубанирод̇хзд̇и руубагканд̇хасса нирод̇хабхууд̇з ниб̣б̣аанз ниннабон̣абаб̣бхаарабхаавзна. ид̣̇аани сикааббад̇д̇авибассанаавасзна ж̇аванабан̃н̃ам̣ д̣̇ассзд̇ум̣ буна ‘‘рууба’’нд̇иаад̣̇и вуд̇д̇ам̣. ‘‘вудтаанаг̇ааминивибассанаавасзнаа’’д̇и гзжи.
Sabbaṃrūpaṃ aniccalakkhaṇato khippaṃ javatīti rūpakkhandhaṃ aniccanti sīghavegena pavattiyā paṭipakkhadūrībhāvena pubbābhisaṅkhārassa sātisayattā indena visaṭṭhavajiraṃ viya lakkhaṇaṃ paṭivijjhantī adandhāyantī rūpakkhandhe aniccalakkhaṇaṃ vegena paṭivijjhati, tasmā sā javanapaññā nāmāti attho. Sesapadesupi eseva nayo. Evaṃ lakkhaṇārammaṇikavipassanāvasena javanapaññaṃ dassetvā balavavipassanāvasena dassetuṃ ‘‘rūpa’’ntiādi vuttaṃ. Tattha khayaṭṭhenāti yattha yattha uppajjati, tattha tattheva khaṇeneva bhijjanato khayasabhāvato. Bhayaṭṭhenāti bhayānakato. Asārakaṭṭhenāti attasāravirahato niccasārādivirahato ca. Tulayitvāti tulābhūtāya vipassanāya tulayitvā. Tīrayitvāti tāya eva tīraṇabhūtāya tīretvā. Vibhāvayitvāti yāthāvato pakāsetvā pañcakkhandhaṃ vibhūtaṃ katvā pākaṭaṃ katvā. Rūpanirodheti rūpakkhandhassa nirodhabhūte nibbāne ninnapoṇapabbhārabhāvena. Idāni sikhāppattavipassanāvasena javanapaññaṃ dassetuṃ puna ‘‘rūpa’’ntiādi vuttaṃ. ‘‘Vuṭṭhānagāminivipassanāvasenā’’ti keci.
н̃аан̣ад̇игкабхааво наама сависзсам̣ бадибагкасамужчинд̣̇анз взд̣̇ид̇аб̣б̣од̇и ‘‘киббам̣ гилзсз чинд̣̇ад̇ийд̇и д̇игкабан̃н̃о’’д̇и вад̇ваа д̇з бана гилзсз вибхааг̇зна д̣̇ассзнд̇о ‘‘уббаннам̣ гаамавид̇агга’’нд̇иаад̣̇имааха. д̇игкабан̃н̃о киббаабхин̃н̃о ход̇и, бадибад̣̇аа жасса на жалад̇ийд̇и ааха ‘‘згасмим̣ аасанз жад̇д̇ааро жа арияамаг̇г̇аа ад̇хиг̇ад̇аа хонд̇ий’’д̇иаад̣̇и. т̇зро жаад̇иаад̣̇инаа д̇хаммасзнаабад̇ино д̇игкабан̃н̃ад̇аа сикааббад̇д̇аад̇и д̣̇ассзд̇и.
Ñāṇatikkhabhāvo nāma savisesaṃ paṭipakkhasamucchindane veditabboti ‘‘khippaṃ kilese chindatīti tikkhapañño’’ti vatvā te pana kilese vibhāgena dassento ‘‘uppannaṃ kāmavitakka’’ntiādimāha. Tikkhapañño khippābhiñño hoti, paṭipadā cassa na calatīti āha ‘‘ekasmiṃ āsane cattāro ca ariyamaggā adhigatā hontī’’tiādi. Thero cātiādinā dhammasenāpatino tikkhapaññatā sikhāppattāti dasseti.
‘‘саб̣б̣з сан̇каараа анижжаа д̣̇угкаа вибарин̣аамад̇хаммаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаа’’д̇и яаат̇аавад̇о д̣̇ассанзна сажжасамбадивзд̇хо иж̇жхад̇и, на ан̃н̃ат̇аад̇и гааран̣амукзна ниб̣б̣зд̇хигабан̃н̃ам̣ д̣̇ассзд̇ум̣ ‘‘саб̣б̣асан̇каарзсу уб̣б̣зг̇аб̣ахуло ход̇ий’’д̇иаад̣̇и вуд̇д̇ам̣. д̇ад̇т̇а уб̣б̣зг̇аб̣ахулод̇и вуд̇д̇анаязна саб̣б̣асан̇каарзсу абхин̣хаббавад̇д̇асам̣взг̇о. уд̇д̇аасаб̣ахулод̇и н̃аан̣уд̇д̇аасавасзна саб̣б̣асан̇каарзсу б̣ахусо уд̇расд̇амаанасо. д̇зна аад̣̇ийнаваанубассанамааха. угган̣танаб̣ахулод̇и иминаа бана ниб̣б̣ид̣̇аанубассанамааха, арад̇иб̣ахулод̇иаад̣̇инаа д̇ассаа зва абараабаруббад̇д̇им̣. б̣ахимуко саб̣б̣асан̇каарад̇о б̣ахибхууд̇ам̣ ниб̣б̣аанам̣ уд̣̇д̣̇исса бавад̇д̇ан̃аан̣амуко, д̇ат̇аа ваа бавад̇д̇ид̇авимогкамуко. ниб̣б̣иж̇жханам̣ ниб̣б̣зд̇хо, со зд̇иссаа ад̇т̇и, ниб̣б̣иж̇жхад̇ийд̇и ваа ниб̣б̣зд̇хаа, саа зва бан̃н̃аа ниб̣б̣зд̇хигаа. яам̣ банзд̇т̇а ад̇т̇ад̇о на вибхад̇д̇ам̣, д̇ам̣ хздтаа вуд̇д̇анаяад̇д̇аа сувин̃н̃зяяамзва.
‘‘Sabbe saṅkhārā aniccā dukkhā vipariṇāmadhammā saṅkhatā paṭiccasamuppannā khayadhammā vayadhammā virāgadhammā nirodhadhammā’’ti yāthāvato dassanena saccasampaṭivedho ijjhati, na aññathāti kāraṇamukhena nibbedhikapaññaṃ dassetuṃ ‘‘sabbasaṅkhāresu ubbegabahulo hotī’’tiādi vuttaṃ. Tattha ubbegabahuloti vuttanayena sabbasaṅkhāresu abhiṇhappavattasaṃvego. Uttāsabahuloti ñāṇuttāsavasena sabbasaṅkhāresu bahuso utrastamānaso. Tena ādīnavānupassanamāha. Ukkaṇṭhanabahuloti iminā pana nibbidānupassanamāha, aratibahulotiādinā tassā eva aparāparuppattiṃ. Bahimukho sabbasaṅkhārato bahibhūtaṃ nibbānaṃ uddissa pavattañāṇamukho, tathā vā pavattitavimokkhamukho. Nibbijjhanaṃ nibbedho, so etissā atthi, nibbijjhatīti vā nibbedhā, sā eva paññā nibbedhikā. Yaṃ panettha atthato na vibhattaṃ, taṃ heṭṭhā vuttanayattā suviññeyyameva.
аббижчод̇и санд̇аг̇ун̣аниг̇уханад̇аад̇и ад̇д̇ани виж̇ж̇амаанаанам̣ б̣аахусажжад̇худ̇ад̇хаммасийлаад̣̇иг̇ун̣аанан̃жзва бадивзд̇хаг̇ун̣асса жа ниг̇уханам̣, бадиг̇г̇ахан̣з жа мад̇д̇ан̃н̃уд̇аад̇и зд̇знзва бариязсанабарибхог̇амад̇д̇ан̃н̃уд̇ааби вуд̇д̇аа ход̇и. д̇ийхи санд̇осзхийд̇и жад̇уусу бажжаязсу бажжзгам̣ д̇ийхи санд̇осзхи , саб̣б̣з бана д̣̇ваад̣̇аса. бадисаллийнзна вивзгадтагааяаанам̣ на сан̇г̇ан̣игаараамаанам̣. нзгкаммаабхирад̇аананд̇и баб̣б̣аж̇ж̇ам̣ убаг̇ад̇аанам̣. барисуд̣̇д̇хажид̇д̇аанам̣ виг̇ад̇ажид̇д̇асам̣гилзсаанам̣. барамавод̣̇аанаббад̇д̇аанам̣ адтасамаабад̇д̇исамад̇хиг̇амзна ад̇ивияа вод̣̇аанам̣ висуд̣̇д̇хим̣ бад̇д̇аанам̣. гилзсубад̇хиаад̣̇ийнам̣ абхаавад̇о нирубад̇хийнам̣. паласамаабад̇д̇ивасзна саб̣б̣асан̇кааравиниссадад̇д̇аа висан̇каарам̣ ниб̣б̣аанам̣. убаг̇ад̇аанам̣, имзсам̣ д̇ин̣н̣ам̣ вивзгаанам̣ лаабхий бавивид̇д̇о ‘‘багаарзхи вивид̇д̇о’’д̇и гад̇ваа. самаасаж̇ж̇анам̣ барисинзхуббаад̣̇о сам̣саг̇г̇о, саванавасзна уббаж̇ж̇анагасам̣саг̇г̇о саванасам̣саг̇г̇о. зса наяо сзсзсуби. самуллабанам̣ аалаабасаллабанам̣. сам̣саг̇г̇авад̇т̇унаа иминаа д̇асса барибхог̇о барибхог̇асам̣саг̇г̇о.
Appicchoti santaguṇaniguhanatāti attani vijjamānānaṃ bāhusaccadhutadhammasīlādiguṇānañceva paṭivedhaguṇassa ca niguhanaṃ, paṭiggahaṇe ca mattaññutāti eteneva pariyesanaparibhogamattaññutāpi vuttā hoti. Tīhi santosehīti catūsu paccayesu paccekaṃ tīhi santosehi , sabbe pana dvādasa. Paṭisallīnena vivekaṭṭhakāyānaṃ na saṅgaṇikārāmānaṃ. Nekkhammābhiratānanti pabbajjaṃ upagatānaṃ. Parisuddhacittānaṃ vigatacittasaṃkilesānaṃ. Paramavodānappattānaṃ aṭṭhasamāpattisamadhigamena ativiya vodānaṃ visuddhiṃ pattānaṃ. Kilesupadhiādīnaṃ abhāvato nirupadhīnaṃ. Phalasamāpattivasena sabbasaṅkhāravinissaṭattā visaṅkhāraṃ nibbānaṃ. Upagatānaṃ, imesaṃ tiṇṇaṃ vivekānaṃ lābhī pavivitto ‘‘pakārehi vivitto’’ti katvā. Samāsajjanaṃ parisinehuppādo saṃsaggo, savanavasena uppajjanakasaṃsaggo savanasaṃsaggo. Esa nayo sesesupi. Samullapanaṃ ālāpasallapanaṃ. Saṃsaggavatthunā iminā tassa paribhogo paribhogasaṃsaggo.
аарад̣̇д̇хавийрияод̇и зд̇т̇а вийрияаарамбхо наама вийрияасса баг̇г̇ан̣ханам̣ барибун̣н̣агаран̣ам̣. д̇ам̣ бана саб̣б̣асо гилзсаанам̣ ниг̇г̇ан̣хананд̇и д̣̇ассзнд̇о ‘‘д̇ад̇т̇аа’’д̇иаад̣̇имааха. од̇хунанавад̇д̇аад̇и гилзсаанам̣ яасса гассажи сааваж̇ж̇асса од̇хунанавасзна вад̇д̇аа. д̇знааха ‘‘бхигкууна’’нд̇иаад̣̇и. од̇ин̣н̣ам̣ наама важ̇ж̇ам̣ аж̇жхаажарид̇анд̇и аарожид̇ам̣. анод̇ин̣н̣ам̣ анаарожид̇ам̣. д̇анд̇ивасзнаад̇и баал̣ид̇хаммавасзна, яуд̇д̇асад̣̇д̣̇асса васзнаад̇и ад̇т̇о. баабз лаамагз буг̇г̇алз д̇хаммз жа г̇арахад̇и ж̇иг̇ужчад̇ийд̇и баабаг̇арахий. д̇знааха ‘‘баабабуг̇г̇алз’’д̇иаад̣̇и. згад̣̇ассийд̇и згабхавад̣̇ассий, ид̇халогамад̇д̇ад̣̇ассий д̣̇идтад̇хаммигасукамад̇д̇аабзгкий. саманд̇аад̇и саманд̇ад̇о, барид̇о мз гад̇т̇ажи маа ахууд̇и яож̇анаа.
Āraddhavīriyoti ettha vīriyārambho nāma vīriyassa paggaṇhanaṃ paripuṇṇakaraṇaṃ. Taṃ pana sabbaso kilesānaṃ niggaṇhananti dassento ‘‘tatthā’’tiādimāha. Odhunanavattāti kilesānaṃ yassa kassaci sāvajjassa odhunanavasena vattā. Tenāha ‘‘bhikkhūna’’ntiādi. Otiṇṇaṃ nāma vajjaṃ ajjhācaritanti ārocitaṃ. Anotiṇṇaṃ anārocitaṃ. Tantivasenāti pāḷidhammavasena, yuttasaddassa vasenāti attho. Pāpe lāmake puggale dhamme ca garahati jigucchatīti pāpagarahī. Tenāha ‘‘pāpapuggale’’tiādi. Ekadassīti ekabhavadassī, idhalokamattadassī diṭṭhadhammikasukhamattāpekkhī. Samantāti samantato, parito me katthaci mā ahūti yojanā.
сол̣асахи бад̣̇зхийд̇и сол̣асахи годтаасзхи. агуббанд̇и гзнажи агобанийяам̣. аяам̣ д̇хаммасзнаабад̇ино г̇ун̣агат̇аа сад̇т̇у важанаанусаарзна д̣̇асасахассажаггаваал̣аб̣яаабиний ахоси, д̇ам̣ д̣̇ассзд̇ум̣ ‘‘зва’’нд̇иаад̣̇и вуд̇д̇ам̣. жад̇уб̣б̣ид̇хаа ван̣н̣анибхаа баад̇убхави ул̣аарабийд̇исоманассасамудтаанад̇д̇аа. судту обхаасад̇ийд̇и субхо. обхаасасамбад̇д̇ияаа ман̣ино бхад̣̇д̣̇агад̇аад̇и ааха ‘‘субход̇и сунд̣̇аро’’д̇и. ж̇аад̇имаа барисуд̣̇д̇хааагарасамудтид̇ад̇д̇аа. гурувинд̣̇аж̇аад̇иаад̣̇иж̇аад̇ивисзсоби ман̣и аагарабарисуд̣̇д̇хамуулаго зваад̇и ааха ‘‘ж̇аад̇исамбанно’’д̇и. д̇хованаад̣̇ибаригаммзнаад̇и жад̇уусу баасаан̣зсу д̇хованад̣̇осанийхаран̣ад̇аабанасан̣хагаран̣аад̣̇ибаригаммзна. рад̇д̇агамб̣аласса васзна сабхаававан̣н̣асид̣̇д̇хияаа взл̣урияаман̣и ад̇ивияа собхад̇ийд̇и ааха ‘‘бан̣д̣угамб̣алз нигкид̇д̇о’’д̇и. нигканд̇и бхан̣д̣амааха. д̇ан̃жа аббагзна суван̣н̣зна гад̇ам̣ бхан̣д̣ам̣ на собхад̇и собхаавибулзнаад̇и ааха ‘‘ад̇ирзгабан̃жасуван̣н̣зна гад̇абил̣анд̇хана’’нд̇и. суван̣н̣анд̇и бан̃жад̇харан̣асса саман̃н̃аа, д̇асмаа бан̃жавийсад̇исуван̣н̣асаарияаа вижид̇д̇ааабхаран̣ам̣ ид̇ха ‘‘нигка’’нд̇и ад̇хиббзд̇ам̣. д̇ан̃хи вибулам̣ на барид̇д̇агам̣. махааж̇амб̣усаакааяа бавад̇д̇анад̣̇ияанд̇и махааж̇амб̣усаакааяа хздтаа сан̃ж̇аад̇анад̣̇ияам̣. д̇ам̣ гира рад̇анам̣ рад̇д̇ам̣. сугусалзна…бз… самбахадтанд̇и судту гусалзна суван̣н̣агаарзна уггааяа д̇аабзд̇ваа саммаа бахадтам̣ маж̇ж̇анаад̣̇ивасзна сугад̇абаригаммам̣. д̇хаад̇увибхан̇г̇зд̇и д̇хаад̇увибхан̇г̇асуд̇д̇з. гад̇абхан̣д̣анд̇и аабхаран̣абхаавзна гад̇ам̣ бхан̣д̣ам̣.
Soḷasahi padehīti soḷasahi koṭṭhāsehi. Akuppanti kenaci akopanīyaṃ. Ayaṃ dhammasenāpatino guṇakathā satthu vacanānusārena dasasahassacakkavāḷabyāpinī ahosi, taṃ dassetuṃ ‘‘eva’’ntiādi vuttaṃ. Catubbidhā vaṇṇanibhā pātubhavi uḷārapītisomanassasamuṭṭhānattā. Suṭṭhu obhāsatīti subho. Obhāsasampattiyā maṇino bhaddakatāti āha ‘‘subhoti sundaro’’ti. Jātimā parisuddhaākarasamuṭṭhitattā. Kuruvindajātiādijātivisesopi maṇi ākaraparisuddhamūlako evāti āha ‘‘jātisampanno’’ti. Dhovanādiparikammenāti catūsu pāsāṇesu dhovanadosanīharaṇatāpanasaṇhakaraṇādiparikammena. Rattakambalassa vasena sabhāvavaṇṇasiddhiyā veḷuriyamaṇi ativiya sobhatīti āha ‘‘paṇḍukambale nikkhitto’’ti. Nikkhanti bhaṇḍamāha. Tañca appakena suvaṇṇena kataṃ bhaṇḍaṃ na sobhati sobhāvipulenāti āha ‘‘atirekapañcasuvaṇṇena katapiḷandhana’’nti. Suvaṇṇanti pañcadharaṇassa samaññā, tasmā pañcavīsatisuvaṇṇasāriyā vicittaābharaṇaṃ idha ‘‘nikkha’’nti adhippetaṃ. Tañhi vipulaṃ na parittakaṃ. Mahājambusākhāya pavattanadiyanti mahājambusākhāya heṭṭhā sañjātanadiyaṃ. Taṃ kira ratanaṃ rattaṃ. Sukusalena…pe… sampahaṭṭhanti suṭṭhu kusalena suvaṇṇakārena ukkāya tāpetvā sammā pahaṭṭhaṃ majjanādivasena sukataparikammaṃ. Dhātuvibhaṅgeti dhātuvibhaṅgasutte. Katabhaṇḍanti ābharaṇabhāvena kataṃ bhaṇḍaṃ.
наад̇иужжо наад̇инийжо д̇арун̣асуурияо наама. сад̇т̇аараа аабхад̇аван̣н̣о уб̣бхад̇аг̇ун̣од̇и ад̇т̇о. нзва маран̣ам̣ абхинанд̣̇ад̇ийд̇и ад̇д̇аноби маран̣ам̣ нзва абхинанд̣̇ад̇и ад̇д̇авинибаад̇асса сааваж̇ж̇абхаавад̇о. б̣од̇хисад̇д̇о бана барзсам̣ ад̇т̇ааяа ад̇д̇ано ад̇д̇абхаавам̣ барижжаж̇ад̇и гарун̣аавасзна, звам̣ восаж̇ж̇анам̣ барамад̇т̇абаарамийбаарибуурим̣ г̇ажчад̇ийд̇и саавагаа на д̇ат̇аа гаад̇ум̣ саггаа сигкаабад̣̇ад̇о. на ж̇ийвид̇ам̣ бад̇т̇зд̇и ж̇ийвид̇аасааяа самужчиннад̇д̇аа. д̣̇ивасасан̇кзбанд̇и аж̇ж̇а д̇вам̣ ид̣̇ам̣ наама гаммам̣ гарохи, ид̣̇ам̣ д̇з взд̇ананд̇и д̣̇ивасабхааг̇зна барижчиннам̣ взд̇анам̣. д̇аад̣̇исо хи бхад̇аго д̣̇ивасагкаяамзва уд̣̇игкад̇и, на гамманидтаанам̣. ниб̣б̣исам̣ бхад̇аго яат̇аад̇и взд̇анам̣ бхад̇им̣ ижчанд̇о гаалагкаяам̣ уд̣̇игканд̇о бхад̇агабурисо вияа.
Nātiucco nātinīco taruṇasūriyo nāma. Satthārā ābhatavaṇṇo ubbhataguṇoti attho. Neva maraṇaṃ abhinandatīti attanopi maraṇaṃ neva abhinandati attavinipātassa sāvajjabhāvato. Bodhisatto pana paresaṃ atthāya attano attabhāvaṃ pariccajati karuṇāvasena, evaṃ vosajjanaṃ paramatthapāramīpāripūriṃ gacchatīti sāvakā na tathā kātuṃ sakkā sikkhāpadato. Na jīvitaṃ pattheti jīvitāsāya samucchinnattā. Divasasaṅkhepanti ajja tvaṃ idaṃ nāma kammaṃ karohi, idaṃ te vetananti divasabhāgena paricchinnaṃ vetanaṃ. Tādiso hi bhatako divasakkhayameva udikkhati, na kammaniṭṭhānaṃ. Nibbisaṃ bhatako yathāti vetanaṃ bhatiṃ icchanto kālakkhayaṃ udikkhanto bhatakapuriso viya.
сусимасуд̇д̇аван̣н̣анаа нидтид̇аа.
Susimasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. сусимасуд̇д̇ам̣ • 9. Susimasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. сусимасуд̇д̇аван̣н̣анаа • 9. Susimasuttavaṇṇanā
