| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. сусимасуд̇д̇аван̣н̣анаа
10. Susimasuttavaṇṇanā
70. д̣̇асамз г̇аругад̇од̇и г̇арубхаавахзд̇уунам̣ уд̇д̇амаг̇ун̣аанам̣ мад̇т̇агаббад̇д̇ияаа анан̃н̃асаад̇хааран̣зна г̇аругаарзна г̇аругад̇о. маанид̇од̇и саммаабадибад̇д̇ияаа маанид̇о. д̇ааяа хи вин̃н̃уунам̣ манаабад̇аад̇и ааха ‘‘манзна бияааяид̇о’’д̇и. жад̇убажжаяабууж̇ааяа жа бууж̇ид̇од̇и ид̣̇ам̣ ад̇т̇аважанам̣. яад̣̇ад̇т̇ам̣ сам̣г̇ийд̇игаарзхи ‘‘д̇зна ко бана самаязна бхаг̇аваа саггад̇о ход̇ий’’д̇иаад̣̇инаа имасса суд̇д̇асса нид̣̇аанам̣ нигкид̇д̇ам̣, д̇асса ад̇т̇асса уллин̇г̇авасзна вуд̇д̇анд̇и д̣̇адтаб̣б̣ам̣. зса наяо сзсабад̣̇зсуби. ам̣сагуудад̇од̇и уд̇д̇араасан̇г̇зна убхо ам̣сагуудз бадижчаад̣̇зд̇ваа тид̇аа д̣̇агкин̣аам̣сагуудад̇о, убхаяад̇о ваа абанзнд̇и. барижид̇аг̇ант̇авасзна бан̣д̣ид̇абариб̣б̣ааж̇аго, яад̇о бажчаа висзсабхааг̇ий ж̇аад̇о. вижид̇д̇анаяааяа д̇хаммагат̇ааяа гат̇анад̇о ‘‘гависздто’’д̇и аахам̣су.
70. Dasame garukatoti garubhāvahetūnaṃ uttamaguṇānaṃ matthakappattiyā anaññasādhāraṇena garukārena garukato. Mānitoti sammāpaṭipattiyā mānito. Tāya hi viññūnaṃ manāpatāti āha ‘‘manena piyāyito’’ti. Catupaccayapūjāya ca pūjitoti idaṃ atthavacanaṃ. Yadatthaṃ saṃgītikārehi ‘‘tena kho pana samayena bhagavā sakkato hotī’’tiādinā imassa suttassa nidānaṃ nikkhittaṃ, tassa atthassa ulliṅgavasena vuttanti daṭṭhabbaṃ. Esa nayo sesapadesupi. Aṃsakūṭatoti uttarāsaṅgena ubho aṃsakūṭe paṭicchādetvā ṭhitā dakkhiṇaaṃsakūṭato, ubhayato vā apanenti. Paricitaganthavasena paṇḍitaparibbājako, yato pacchā visesabhāgī jāto. Vicittanayāya dhammakathāya kathanato ‘‘kaviseṭṭho’’ti āhaṃsu.
д̇зж̇уссад̣̇од̇и махаад̇зж̇о. бурзбхад̇д̇агижжаад̣̇ийнам̣ нияад̇абхаавзна нияамамануяуд̇д̇о. вибассанаалагкан̣амхийд̇и н̃аан̣ам̣ д̇ад̇т̇а гат̇ид̇ам̣. д̇хамманд̇и д̇ассам̣ д̇ассам̣ барисааяам̣ т̇зрасса асаммукаа д̣̇зсид̇ам̣ д̇хаммам̣. аахарид̇ваа гат̇зд̇и д̇ат̇аа варасса д̣̇иннад̇д̇аа.
Tejussadoti mahātejo. Purebhattakiccādīnaṃ niyatabhāvena niyamamanuyutto. Vipassanālakkhaṇamhīti ñāṇaṃ tattha kathitaṃ. Dhammanti tassaṃ tassaṃ parisāyaṃ therassa asammukhā desitaṃ dhammaṃ. Āharitvā katheti tathā varassa dinnattā.
гин̃жааби сусимо бууран̣аад̣̇аяо вияа сад̇т̇убадин̃н̃о на ход̇и, д̇ид̇т̇иязхи бана ‘‘аяам̣ б̣раахман̣абаб̣б̣аж̇ид̇о бан̃н̃аваа взд̣̇ан̇г̇агусало’’д̇и г̇ан̣аажарияадтаанз табид̇о, д̇ат̇аа жасса самбхаавид̇о. д̇зна вуд̇д̇ам̣ ‘‘ахам̣ сад̇т̇аад̇и бадиж̇аананд̇о’’д̇и, на сассад̇ад̣̇идтигад̇д̇аа. д̇ат̇аа хзса бхаг̇авад̇о саммукаа убаг̇анд̇ум̣ асагки.
Kiñcāpi susimo pūraṇādayo viya satthupaṭiñño na hoti, titthiyehi pana ‘‘ayaṃ brāhmaṇapabbajito paññavā vedaṅgakusalo’’ti gaṇācariyaṭṭhāne ṭhapito, tathā cassa sambhāvito. Tena vuttaṃ ‘‘ahaṃ satthāti paṭijānanto’’ti, na sassatadiṭṭhikattā. Tathā hesa bhagavato sammukhā upagantuṃ asakkhi.
ан̃н̃аад̇и арахад̇д̇асса наамам̣ ан̃н̃инд̣̇рияасса жин̣н̣анд̇з бавад̇д̇ад̇д̇аа. д̇ам̣ бавад̇д̇инд̇и яам̣ ан̃н̃аб̣яаагаран̣ам̣ вуд̇д̇ам̣, д̇ам̣ суд̇ваа. асса сусимасса, барамаббамаан̣анд̇и уд̇д̇амагоди. аажарияамудтийд̇и аажарияасса мудтигад̇ад̇хаммо.
Aññāti arahattassa nāmaṃ aññindriyassa ciṇṇante pavattattā. Taṃ pavattinti yaṃ aññabyākaraṇaṃ vuttaṃ, taṃ sutvā. Assa susimassa, paramappamāṇanti uttamakoṭi. Ācariyamuṭṭhīti ācariyassa muṭṭhikatadhammo.
ан̇г̇асанд̇ад̇ааяаад̇и нийваран̣аад̣̇ийнам̣ бажжанийгад̇хаммаанам̣ вид̣̇уурабхаавзна жхаанан̇г̇аанам̣ вуубасанд̇ад̇ааяа. ниб̣б̣уд̇асаб̣б̣ад̣̇арат̇абарил̣аахад̇ааяа хи д̇зсам̣ жхаанаанам̣ бан̣ийд̇ад̇арабхааво. аарамман̣асанд̇ад̇ааяаад̇и руубабад̇ибхааг̇авиг̇амзна сан̣хасукумаад̣̇ибхааваббад̇д̇асса аарамман̣асса санд̇абхаавзна. яад̣̇аг̇г̇зна хи д̇зсам̣ бхааванаад̇исаяасамбхаавид̇асан̣хасукумаббагаараани аарамман̣аани санд̇аани, д̇ад̣̇аг̇г̇зна жхаанан̇г̇аанам̣ санд̇ад̇аа взд̣̇ид̇аб̣б̣аа. аарамман̣асанд̇ад̇ааяа ваа д̇ад̣̇аарамман̣ад̇хаммаанам̣ санд̇ад̇аа логуд̇д̇арад̇хаммаарамман̣аахи бажжавзгкан̣аахи д̣̇ийбзд̇аб̣б̣аа. ааруббавимогкаад̇и аруубаж̇жхаанасан̃н̃аавимогкаа. бан̃н̃аамад̇д̇знзва вимуд̇д̇аа, на убхад̇обхааг̇авимуд̇д̇аа. д̇хаммаанам̣ тид̇ад̇аа д̇ам̣сабхаавад̇аа д̇хаммадтид̇и, анижжад̣̇угкаанад̇д̇ад̇аа, д̇ад̇т̇а н̃аан̣ам̣ д̇хаммадтид̇ин̃аан̣анд̇и ааха ‘‘вибассанаан̃аан̣а’’нд̇и. звамаахаад̇и ‘‘буб̣б̣з ко, сусима, д̇хаммадтид̇ин̃аан̣ам̣, бажчаа ниб̣б̣аанз н̃аан̣а’’нд̇и звамаад̣̇и.
Aṅgasantatāyāti nīvaraṇādīnaṃ paccanīkadhammānaṃ vidūrabhāvena jhānaṅgānaṃ vūpasantatāya. Nibbutasabbadarathapariḷāhatāya hi tesaṃ jhānānaṃ paṇītatarabhāvo. Ārammaṇasantatāyāti rūpapatibhāgavigamena saṇhasukhumādibhāvappattassa ārammaṇassa santabhāvena. Yadaggena hi tesaṃ bhāvanātisayasambhāvitasaṇhasukhumappakārāni ārammaṇāni santāni, tadaggena jhānaṅgānaṃ santatā veditabbā. Ārammaṇasantatāya vā tadārammaṇadhammānaṃ santatā lokuttaradhammārammaṇāhi paccavekkhaṇāhi dīpetabbā. Āruppavimokkhāti arūpajjhānasaññāvimokkhā. Paññāmatteneva vimuttā, na ubhatobhāgavimuttā. Dhammānaṃ ṭhitatā taṃsabhāvatā dhammaṭṭhiti, aniccadukkhānattatā, tattha ñāṇaṃ dhammaṭṭhitiñāṇanti āha ‘‘vipassanāñāṇa’’nti. Evamāhāti ‘‘pubbe kho, susima, dhammaṭṭhitiñāṇaṃ, pacchā nibbāne ñāṇa’’nti evamādi.
винааби самаад̇хинд̇и самат̇алагкан̣аббад̇д̇ам̣ буримасид̣̇д̇хам̣ винааби самаад̇хинд̇и вибассанааяаанигам̣ санд̇хааяа вуд̇д̇ам̣. званд̇и вуд̇д̇аагаарзна. на самаад̇хиниссанд̣̇о анубуб̣б̣авихаараа вияа. на самаад̇хиаанисам̣со логияаабхин̃н̃аа вияа. на самаад̇хисса нибпад̇д̇и саб̣б̣абхаваг̇г̇ам̣ вияа. вибассанааяа нибпад̇д̇и маг̇г̇о ваа палам̣ ваад̇и яож̇анаа.
Vināpisamādhinti samathalakkhaṇappattaṃ purimasiddhaṃ vināpi samādhinti vipassanāyānikaṃ sandhāya vuttaṃ. Evanti vuttākārena. Na samādhinissando anupubbavihārā viya. Na samādhiānisaṃso lokiyābhiññā viya. Na samādhissa nipphatti sabbabhavaggaṃ viya. Vipassanāya nipphatti maggo vā phalaṃ vāti yojanā.
руубаад̣̇ийсу жзд̇зсу д̇ин̣н̣ам̣ лагкан̣аанам̣ баривад̇д̇анавасзна д̣̇зсанаа д̇збариваддад̣̇зсанаа. ануяог̇ам̣ ааробзнд̇од̇и нану вуд̇д̇ам̣, сусима, ид̣̇аани арахад̇д̇аад̇хиг̇амзна саб̣б̣асо бажжаяаагаарам̣ бадивиж̇жхид̇ваа д̇ад̇т̇а виг̇ад̇асаммоход̇и ануяог̇ам̣ гаронд̇о. баагадагаран̣ад̇т̇анд̇и яат̇аа д̇вам̣, сусима, ниж̇жхаанаго сугкавибассаго жа худ̇ваа аасаваанам̣ каяасаммасанз суббад̇идтид̇о, звамзд̇зби бхигкуу, д̇асмаа ‘‘аби бана д̇умхз ааяасманд̇о’’д̇иаад̣̇инаа на д̇з д̇аяаа ануяун̃ж̇ид̇аб̣б̣аад̇и.
Rūpādīsu cetesu tiṇṇaṃ lakkhaṇānaṃ parivattanavasena desanā teparivaṭṭadesanā. Anuyogaṃ āropentoti nanu vuttaṃ, susima, idāni arahattādhigamena sabbaso paccayākāraṃ paṭivijjhitvā tattha vigatasammohoti anuyogaṃ karonto. Pākaṭakaraṇatthanti yathā tvaṃ, susima, nijjhānako sukkhavipassako ca hutvā āsavānaṃ khayasammasane suppatiṭṭhito, evametepi bhikkhū, tasmā ‘‘api pana tumhe āyasmanto’’tiādinā na te tayā anuyuñjitabbāti.
сусимасуд̇д̇аван̣н̣анаа нидтид̇аа.
Susimasuttavaṇṇanā niṭṭhitā.
махааваг̇г̇аван̣н̣анаа нидтид̇аа.
Mahāvaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. сусимасуд̇д̇ам̣ • 10. Susimasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. сусимасуд̇д̇аван̣н̣анаа • 10. Susimasuttavaṇṇanā
