| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[208] 8. сусумаараж̇аад̇агаван̣н̣анаа
[208] 8. Susumārajātakavaṇṇanā
алам̣ мзд̇зхи амб̣зхийд̇и ид̣̇ам̣ сад̇т̇аа ж̇зд̇аванз вихаранд̇о д̣̇звад̣̇ад̇д̇асса вад̇хааяа барисагганам̣ аараб̣бха гат̇зси. д̇ад̣̇аа хи сад̇т̇аа ‘‘д̣̇звад̣̇ад̇д̇о вад̇хааяа барисаггад̇ий’’д̇и суд̇ваа ‘‘на, бхигкавз, ид̣̇аанзва д̣̇звад̣̇ад̇д̇о маяхам̣ вад̇хааяа барисаггад̇и, буб̣б̣зби барисаггиязва, санд̇аасамад̇д̇амби бана гаад̇ум̣ на сагкий’’д̇и вад̇ваа ад̇ийд̇ам̣ аахари.
Alaṃmetehi ambehīti idaṃ satthā jetavane viharanto devadattassa vadhāya parisakkanaṃ ārabbha kathesi. Tadā hi satthā ‘‘devadatto vadhāya parisakkatī’’ti sutvā ‘‘na, bhikkhave, idāneva devadatto mayhaṃ vadhāya parisakkati, pubbepi parisakkiyeva, santāsamattampi pana kātuṃ na sakkhī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з химаванд̇абад̣̇зсз б̣од̇хисад̇д̇о габияонияам̣ ниб̣б̣ад̇д̇ид̇ваа нааг̇аб̣ало т̇аамасамбанно махаасарийро собхаг̇г̇аббад̇д̇о худ̇ваа г̇ан̇г̇аанивад̇д̇анз аран̃н̃ааяад̇анз ваасам̣ габбзси. д̇ад̣̇аа г̇ан̇г̇ааяа зго сусумааро васи. ат̇асса бхарияаа б̣од̇хисад̇д̇асса сарийрам̣ д̣̇исваа д̇асса хад̣̇аяамам̣сз д̣̇охал̣ам̣ уббаад̣̇зд̇ваа сусумаарам̣ ааха – ‘‘ахам̣ саами, зд̇асса габирааж̇асса хад̣̇аяамам̣сам̣ каад̣̇ид̇угаамаа’’д̇и. ‘‘бхад̣̇д̣̇з, маяам̣ ж̇алаг̇ожараа, зсо т̇алаг̇ожаро, гинд̇и нам̣ г̇ан̣хид̇ум̣ сагкиссаамаа’’д̇и. ‘‘язна гзнажи убааязна г̇ан̣ха, сажз на лабхиссаами, мариссаамий’’д̇и. ‘‘д̇зна хи маа сожи, ад̇т̇зго убааяо, каад̣̇аабзссаами д̇ам̣ д̇асса хад̣̇аяамам̣са’’нд̇и сусумаарим̣ самассаасзд̇ваа б̣од̇хисад̇д̇асса г̇ан̇г̇ааяа баанийяам̣ бивид̇ваа г̇ан̇г̇аад̇ийрз нисиннагаалз санд̇игам̣ г̇анд̇ваа звамааха – ‘‘ваанаринд̣̇а, имасмим̣ бад̣̇зсз гасааяапалаани каад̣̇анд̇о гим̣ д̇вам̣ нивидтадтаанзязва жараси, баараг̇ан̇г̇ааяа амб̣алаб̣уж̇аад̣̇ийнам̣ мад̇хурапалаанам̣ анд̇о над̇т̇и, гим̣ д̇з д̇ад̇т̇а г̇анд̇ваа палаапалам̣ каад̣̇ид̇ум̣ на ваддад̇ий’’д̇и? ‘‘гумбхийларааж̇а, г̇ан̇г̇аа маход̣̇агаа вид̇т̇ин̣н̣аа, гат̇ам̣ д̇ад̇т̇а г̇амиссаамий’’д̇и? ‘‘сажз ижчаси, ахам̣ д̇ам̣ мама бидтим̣ ааробзд̇ваа нзссаамий’’д̇и. со сад̣̇д̣̇ахид̇ваа ‘‘саад̇хуу’’д̇и самбадижчи. ‘‘д̇зна хи зхи бидтим̣ мз абхируухаа’’д̇и жа вуд̇д̇з д̇ам̣ абхирухи. сусумааро т̇огам̣ нзд̇ваа уд̣̇агз осийд̣̇аабзси.
Atīte bārāṇasiyaṃ brahmadatte rajjaṃ kārente himavantapadese bodhisatto kapiyoniyaṃ nibbattitvā nāgabalo thāmasampanno mahāsarīro sobhaggappatto hutvā gaṅgānivattane araññāyatane vāsaṃ kappesi. Tadā gaṅgāya eko susumāro vasi. Athassa bhariyā bodhisattassa sarīraṃ disvā tassa hadayamaṃse dohaḷaṃ uppādetvā susumāraṃ āha – ‘‘ahaṃ sāmi, etassa kapirājassa hadayamaṃsaṃ khāditukāmā’’ti. ‘‘Bhadde, mayaṃ jalagocarā, eso thalagocaro, kinti naṃ gaṇhituṃ sakkhissāmā’’ti. ‘‘Yena kenaci upāyena gaṇha, sace na labhissāmi, marissāmī’’ti. ‘‘Tena hi mā soci, attheko upāyo, khādāpessāmi taṃ tassa hadayamaṃsa’’nti susumāriṃ samassāsetvā bodhisattassa gaṅgāya pānīyaṃ pivitvā gaṅgātīre nisinnakāle santikaṃ gantvā evamāha – ‘‘vānarinda, imasmiṃ padese kasāyaphalāni khādanto kiṃ tvaṃ niviṭṭhaṭṭhāneyeva carasi, pāragaṅgāya ambalabujādīnaṃ madhuraphalānaṃ anto natthi, kiṃ te tattha gantvā phalāphalaṃ khādituṃ na vaṭṭatī’’ti? ‘‘Kumbhīlarāja, gaṅgā mahodakā vitthiṇṇā, kathaṃ tattha gamissāmī’’ti? ‘‘Sace icchasi, ahaṃ taṃ mama piṭṭhiṃ āropetvā nessāmī’’ti. So saddahitvā ‘‘sādhū’’ti sampaṭicchi. ‘‘Tena hi ehi piṭṭhiṃ me abhirūhā’’ti ca vutte taṃ abhiruhi. Susumāro thokaṃ netvā udake osīdāpesi.
б̣од̇хисад̇д̇о ‘‘самма, уд̣̇агз мам̣ осийд̣̇аабзси, гим̣ ну ко зд̇а’’нд̇и ааха. ‘‘наахам̣ д̇ам̣ д̇хаммасуд̇хаммад̇ааяа г̇ахзд̇ваа г̇ажчаами, бхарияааяа бана мз д̇ава хад̣̇аяамам̣сз д̣̇охал̣о уббанно, д̇амахам̣ д̇ава хад̣̇аяам̣ каад̣̇аабзд̇угаамо’’д̇и. ‘‘самма, гат̇знд̇зна д̇з сунд̣̇арам̣ гад̇ам̣. сажз хи амхаагам̣ уд̣̇арз хад̣̇аяам̣ бхавзяяа, саакаг̇г̇зсу жаранд̇аанам̣ жун̣н̣авижун̣н̣ам̣ бхавзяяаа’’д̇и. ‘‘гахам̣ бана д̇умхз табзт̇аа’’д̇и? б̣од̇хисад̇д̇о авид̣̇уурз згам̣ уд̣̇умб̣арам̣ баггапалабин̣д̣исан̃чаннам̣ д̣̇ассзнд̇о ‘‘бассзд̇аани амхаагам̣ хад̣̇аяаани зд̇асмим̣ уд̣̇умб̣арз оламб̣анд̇ий’’д̇и ааха. ‘‘сажз мз хад̣̇аяам̣ д̣̇ассаси, ахам̣ д̇ам̣ на маарзссаамий’’д̇и. ‘‘д̇зна хи мам̣ зд̇т̇а нзхи, ахам̣ д̇з ругкз оламб̣анд̇ам̣ д̣̇ассаамий’’д̇и. со д̇ам̣ аад̣̇ааяа д̇ад̇т̇а аг̇амааси. б̣од̇хисад̇д̇о д̇асса бидтид̇о уббад̇ид̇ваа уд̣̇умб̣араругкз нисийд̣̇ид̇ваа ‘‘самма, б̣аала сусумаара, ‘имзсам̣ сад̇д̇аанам̣ хад̣̇аяам̣ наама ругкаг̇г̇з ход̇ий’д̇и сан̃н̃ий ахоси, б̣аалоси, ахам̣ д̇ам̣ ван̃жзсим̣, д̇ава палаапалам̣ д̇авзва ход̇у, сарийрамзва бана д̇з маханд̇ам̣ бан̃н̃аа бана над̇т̇ий’’д̇и вад̇ваа имамад̇т̇ам̣ багаасзнд̇о имаа г̇аат̇аа авожа –
Bodhisatto ‘‘samma, udake maṃ osīdāpesi, kiṃ nu kho eta’’nti āha. ‘‘Nāhaṃ taṃ dhammasudhammatāya gahetvā gacchāmi, bhariyāya pana me tava hadayamaṃse dohaḷo uppanno, tamahaṃ tava hadayaṃ khādāpetukāmo’’ti. ‘‘Samma, kathentena te sundaraṃ kataṃ. Sace hi amhākaṃ udare hadayaṃ bhaveyya, sākhaggesu carantānaṃ cuṇṇavicuṇṇaṃ bhaveyyā’’ti. ‘‘Kahaṃ pana tumhe ṭhapethā’’ti? Bodhisatto avidūre ekaṃ udumbaraṃ pakkaphalapiṇḍisañchannaṃ dassento ‘‘passetāni amhākaṃ hadayāni etasmiṃ udumbare olambantī’’ti āha. ‘‘Sace me hadayaṃ dassasi, ahaṃ taṃ na māressāmī’’ti. ‘‘Tena hi maṃ ettha nehi, ahaṃ te rukkhe olambantaṃ dassāmī’’ti. So taṃ ādāya tattha agamāsi. Bodhisatto tassa piṭṭhito uppatitvā udumbararukkhe nisīditvā ‘‘samma, bāla susumāra, ‘imesaṃ sattānaṃ hadayaṃ nāma rukkhagge hotī’ti saññī ahosi, bālosi, ahaṃ taṃ vañcesiṃ, tava phalāphalaṃ taveva hotu, sarīrameva pana te mahantaṃ paññā pana natthī’’ti vatvā imamatthaṃ pakāsento imā gāthā avoca –
115.
115.
‘‘алам̣ мзд̇зхи амб̣зхи, ж̇амб̣уухи банасзхи жа;
‘‘Alaṃ metehi ambehi, jambūhi panasehi ca;
яаани баарам̣ самуд̣̇д̣̇асса, варам̣ маяхам̣ уд̣̇умб̣аро.
Yāni pāraṃ samuddassa, varaṃ mayhaṃ udumbaro.
116.
116.
‘‘махад̇ий вад̇а д̇з б̣онд̣̇и, на жа бан̃н̃аа д̇ад̣̇уубигаа;
‘‘Mahatī vata te bondi, na ca paññā tadūpikā;
сусумаара ван̃жид̇о мзси, г̇ажча д̣̇аани яат̇аасука’’нд̇и.
Susumāra vañcito mesi, gaccha dāni yathāsukha’’nti.
д̇ад̇т̇а алам̣ мзд̇зхийд̇и яаани д̇аяаа д̣̇ийбагз нид̣̇д̣̇идтаани, зд̇зхи маяхам̣ алам̣. варам̣ маяхам̣ уд̣̇умб̣арод̇и маяхам̣ аяамзва уд̣̇умб̣араругко варам̣. б̣онд̣̇ийд̇и сарийрам̣. д̇ад̣̇уубигаад̇и бан̃н̃аа бана д̇з д̇ад̣̇уубигаа д̇асса сарийрасса анужчавигаа над̇т̇и. г̇ажча д̣̇аани яат̇аасуканд̇и ид̣̇аани яат̇аасукам̣ г̇ажча, над̇т̇и д̇з хад̣̇аяамам̣саг̇ахан̣уубааяод̇и ад̇т̇о. сусумааро сахассам̣ барааж̇ид̇о вияа д̣̇угкий д̣̇уммано баж̇жхааяанд̇ова ад̇д̇ано ниваасадтаанамзва г̇ад̇о.
Tattha alaṃ metehīti yāni tayā dīpake niddiṭṭhāni, etehi mayhaṃ alaṃ. Varaṃ mayhaṃ udumbaroti mayhaṃ ayameva udumbararukkho varaṃ. Bondīti sarīraṃ. Tadūpikāti paññā pana te tadūpikā tassa sarīrassa anucchavikā natthi. Gaccha dāni yathāsukhanti idāni yathāsukhaṃ gaccha, natthi te hadayamaṃsagahaṇūpāyoti attho. Susumāro sahassaṃ parājito viya dukkhī dummano pajjhāyantova attano nivāsaṭṭhānameva gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа сусумааро д̣̇звад̣̇ад̇д̇о ахоси, сусумаарий жин̃жамаан̣авигаа, габирааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā susumāro devadatto ahosi, susumārī ciñcamāṇavikā, kapirājā pana ahameva ahosi’’nti.
сусумаараж̇аад̇агаван̣н̣анаа адтамаа.
Susumārajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 208. сусумаараж̇аад̇агам̣ • 208. Susumārajātakaṃ
