| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. суд̇ад̇харасуд̇д̇ам̣
6. Sutadharasuttaṃ
96. ‘‘бан̃жахи, бхигкавз, д̇хаммзхи саманнааг̇ад̇о бхигку аанаабаанассад̇им̣ аасзванд̇о нажирассзва агуббам̣ бадивиж̇жхад̇и. гад̇амзхи бан̃жахи? ид̇ха, бхигкавз, бхигку аббадто ход̇и аббагижжо субхаро сусанд̇осо ж̇ийвид̇абаригкаарзсу; аббаахааро ход̇и анод̣̇аригад̇д̇ам̣ ануяуд̇д̇о; аббамид̣̇д̇хо ход̇и ж̇ааг̇арияам̣ ануяуд̇д̇о; б̣ахуссуд̇о ход̇и суд̇ад̇харо суд̇асаннижаяо, яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇и, д̇ат̇ааруубаасса д̇хаммаа б̣ахуссуд̇аа хонд̇и д̇хаад̇аа важасаа барижид̇аа манасаанубзгкид̇аа д̣̇идтияаа суббадивид̣̇д̇хаа; яат̇аавимуд̇д̇ам̣ жид̇д̇ам̣ бажжавзгкад̇и. имзхи ко, бхигкавз, бан̃жахи д̇хаммзхи саманнааг̇ад̇о бхигку аанаабаанассад̇им̣ аасзванд̇о нажирассзва агуббам̣ бадивиж̇жхад̇ий’’д̇и. чадтам̣.
96. ‘‘Pañcahi, bhikkhave, dhammehi samannāgato bhikkhu ānāpānassatiṃ āsevanto nacirasseva akuppaṃ paṭivijjhati. Katamehi pañcahi? Idha, bhikkhave, bhikkhu appaṭṭho hoti appakicco subharo susantoso jīvitaparikkhāresu; appāhāro hoti anodarikattaṃ anuyutto; appamiddho hoti jāgariyaṃ anuyutto; bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ abhivadanti, tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā; yathāvimuttaṃ cittaṃ paccavekkhati. Imehi kho, bhikkhave, pañcahi dhammehi samannāgato bhikkhu ānāpānassatiṃ āsevanto nacirasseva akuppaṃ paṭivijjhatī’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. суд̇ад̇харасуд̇д̇аван̣н̣анаа • 6. Sutadharasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. батамасамбад̣̇аасуд̇д̇аад̣̇иван̣н̣анаа • 1-10. Paṭhamasampadāsuttādivaṇṇanā
