Library / Tipiṭaka / তিপিটক • Tipiṭaka / পটিসম্ভিদামগ্গপাল়ি • Paṭisambhidāmaggapāḷi

    ১. ঞাণকথা

    1. Ñāṇakathā

    ১. সুতমযঞাণনিদ্দেসো

    1. Sutamayañāṇaniddeso

    . কথং সোতাৰধানে পঞ্ঞা সুতমযে ঞাণং?

    1. Kathaṃ sotāvadhāne paññā sutamaye ñāṇaṃ?

    ‘‘ইমে ধম্মা অভিঞ্ঞেয্যা’’তি সোতাৰধানং, তংপজাননা পঞ্ঞা সুতমযে ঞাণং।

    ‘‘Ime dhammā abhiññeyyā’’ti sotāvadhānaṃ, taṃpajānanā paññā sutamaye ñāṇaṃ.

    ‘‘ইমে ধম্মা পরিঞ্ঞেয্যা’’তি সোতাৰধানং, তংপজাননা পঞ্ঞা সুতমযে ঞাণং।

    ‘‘Ime dhammā pariññeyyā’’ti sotāvadhānaṃ, taṃpajānanā paññā sutamaye ñāṇaṃ.

    ‘‘ইমে ধম্মা পহাতব্বা’’তি সোতাৰধানং, তংপজাননা পঞ্ঞা সুতমযে ঞাণং।

    ‘‘Ime dhammā pahātabbā’’ti sotāvadhānaṃ, taṃpajānanā paññā sutamaye ñāṇaṃ.

    ‘‘ইমে ধম্মা ভাৰেতব্বা’’তি সোতাৰধানং, তংপজাননা পঞ্ঞা সুতমযে ঞাণং।

    ‘‘Ime dhammā bhāvetabbā’’ti sotāvadhānaṃ, taṃpajānanā paññā sutamaye ñāṇaṃ.

    ‘‘ইমে ধম্মা সচ্ছিকাতব্বা’’তি সোতাৰধানং, তংপজাননা পঞ্ঞা সুতমযে ঞাণং।

    ‘‘Ime dhammā sacchikātabbā’’ti sotāvadhānaṃ, taṃpajānanā paññā sutamaye ñāṇaṃ.

    ‘‘ইমে ধম্মা হানভাগিযা’’তি সোতাৰধানং, তংপজাননা পঞ্ঞা সুতমযে ঞাণং।

    ‘‘Ime dhammā hānabhāgiyā’’ti sotāvadhānaṃ, taṃpajānanā paññā sutamaye ñāṇaṃ.

    ‘‘ইমে ধম্মা ঠিতিভাগিযা’’তি সোতাৰধানং, তংপজাননা পঞ্ঞা সুতমযে ঞাণং।

    ‘‘Ime dhammā ṭhitibhāgiyā’’ti sotāvadhānaṃ, taṃpajānanā paññā sutamaye ñāṇaṃ.

    ‘‘ইমে ধম্মা ৰিসেসভাগিযা’’তি সোতাৰধানং, তংপজাননা পঞ্ঞা সুতমযে ঞাণং।

    ‘‘Ime dhammā visesabhāgiyā’’ti sotāvadhānaṃ, taṃpajānanā paññā sutamaye ñāṇaṃ.

    ‘‘ইমে ধম্মা নিব্বেধভাগিযা’’তি সোতাৰধানং, তংপজাননা পঞ্ঞা সুতমযে ঞাণং।

    ‘‘Ime dhammā nibbedhabhāgiyā’’ti sotāvadhānaṃ, taṃpajānanā paññā sutamaye ñāṇaṃ.

    ‘‘সব্বে সঙ্খারা অনিচ্চা’’তি সোতাৰধানং, তংপজাননা পঞ্ঞা সুতমযে ঞাণং।

    ‘‘Sabbe saṅkhārā aniccā’’ti sotāvadhānaṃ, taṃpajānanā paññā sutamaye ñāṇaṃ.

    ‘‘সব্বে সঙ্খারা দুক্খা’’তি সোতাৰধানং, তংপজাননা পঞ্ঞা সুতমযে ঞাণং।

    ‘‘Sabbe saṅkhārā dukkhā’’ti sotāvadhānaṃ, taṃpajānanā paññā sutamaye ñāṇaṃ.

    ‘‘সব্বে ধম্মা অনত্তা’’তি সোতাৰধানং, তংপজাননা পঞ্ঞা সুতমযে ঞাণং।

    ‘‘Sabbe dhammā anattā’’ti sotāvadhānaṃ, taṃpajānanā paññā sutamaye ñāṇaṃ.

    ‘‘ইদং দুক্খং অরিযসচ্চ’’ন্তি সোতাৰধানং, তংপজাননা পঞ্ঞা সুতমযে ঞাণং।

    ‘‘Idaṃ dukkhaṃ ariyasacca’’nti sotāvadhānaṃ, taṃpajānanā paññā sutamaye ñāṇaṃ.

    ‘‘ইদং দুক্খসমুদযং 1 অরিযসচ্চ’’ন্তি সোতাৰধানং, তংপজাননা পঞ্ঞা সুতমযে ঞাণং।

    ‘‘Idaṃ dukkhasamudayaṃ 2 ariyasacca’’nti sotāvadhānaṃ, taṃpajānanā paññā sutamaye ñāṇaṃ.

    ‘‘ইদং দুক্খনিরোধং 3 অরিযসচ্চ’’ন্তি সোতাৰধানং, তংপজাননা পঞ্ঞা সুতমযে ঞাণং।

    ‘‘Idaṃ dukkhanirodhaṃ 4 ariyasacca’’nti sotāvadhānaṃ, taṃpajānanā paññā sutamaye ñāṇaṃ.

    ‘‘ইদং দুক্খনিরোধগামিনী পটিপদা অরিযসচ্চ’’ন্তি সোতাৰধানং, তংপজাননা পঞ্ঞা সুতমযে ঞাণং।

    ‘‘Idaṃ dukkhanirodhagāminī paṭipadā ariyasacca’’nti sotāvadhānaṃ, taṃpajānanā paññā sutamaye ñāṇaṃ.

    . কথং ‘‘ইমে ধম্মা অভিঞ্ঞেয্যা’’তি সোতাৰধানং, তংপজাননা পঞ্ঞা সুতমযে ঞাণং?

    2. Kathaṃ ‘‘ime dhammā abhiññeyyā’’ti sotāvadhānaṃ, taṃpajānanā paññā sutamaye ñāṇaṃ?

    একো ধম্মো অভিঞ্ঞেয্যো – সব্বে সত্তা আহারট্ঠিতিকা। দ্ৰে ধম্মা অভিঞ্ঞেয্যা – দ্ৰে ধাতুযো। তযো ধম্মা অভিঞ্ঞেয্যা – তিস্সো ধাতুযো। চত্তারো ধম্মা অভিঞ্ঞেয্যা – চত্তারি অরিযসচ্চানি। পঞ্চ ধম্মা অভিঞ্ঞেয্যা – পঞ্চ ৰিমুত্তাযতনানি। ছ ধম্মা অভিঞ্ঞেয্যা – ছ অনুত্তরিযানি। সত্ত ধম্মা অভিঞ্ঞেয্যা – সত্ত নিদ্দসৰত্থূনি। অট্ঠ ধম্মা অভিঞ্ঞেয্যা – অট্ঠ অভিভাযতনানি। নৰ ধম্মা অভিঞ্ঞেয্যা – নৰ অনুপুব্বৰিহারা। দস ধম্মা অভিঞ্ঞেয্যা – দস নিজ্জরৰত্থূনি।

    Eko dhammo abhiññeyyo – sabbe sattā āhāraṭṭhitikā. Dve dhammā abhiññeyyā – dve dhātuyo. Tayo dhammā abhiññeyyā – tisso dhātuyo. Cattāro dhammā abhiññeyyā – cattāri ariyasaccāni. Pañca dhammā abhiññeyyā – pañca vimuttāyatanāni. Cha dhammā abhiññeyyā – cha anuttariyāni. Satta dhammā abhiññeyyā – satta niddasavatthūni. Aṭṭha dhammā abhiññeyyā – aṭṭha abhibhāyatanāni. Nava dhammā abhiññeyyā – nava anupubbavihārā. Dasa dhammā abhiññeyyā – dasa nijjaravatthūni.

    . ‘‘সব্বং, ভিক্খৰে, অভিঞ্ঞেয্যং। কিঞ্চ, ভিক্খৰে, সব্বং অভিঞ্ঞেয্যং? চক্খু 5, ভিক্খৰে, অভিঞ্ঞেয্যং; রূপা অভিঞ্ঞেয্যা; চক্খুৰিঞ্ঞাণং অভিঞ্ঞেয্যং; চক্খুসম্ফস্সো অভিঞ্ঞেয্যো; যম্পিদং 6 চক্খুসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা, তম্পি অভিঞ্ঞেয্যং। সোতং অভিঞ্ঞেয্যং; সদ্দা অভিঞ্ঞেয্যা…পে॰… ঘানং অভিঞ্ঞেয্যং; গন্ধা অভিঞ্ঞেয্যা… জিৰ্হা অভিঞ্ঞেয্যা; রসা অভিঞ্ঞেয্যা… কাযো অভিঞ্ঞেয্যো; ফোট্ঠব্বা অভিঞ্ঞেয্যা… মনো অভিঞ্ঞেয্যো; ধম্মা অভিঞ্ঞেয্যা; মনোৰিঞ্ঞাণং অভিঞ্ঞেয্যং, মনোসম্ফস্সো অভিঞ্ঞেয্যো; যম্পিদং মনোসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা, তম্পি অভিঞ্ঞেয্যং।’’

    3. ‘‘Sabbaṃ, bhikkhave, abhiññeyyaṃ. Kiñca, bhikkhave, sabbaṃ abhiññeyyaṃ? Cakkhu 7, bhikkhave, abhiññeyyaṃ; rūpā abhiññeyyā; cakkhuviññāṇaṃ abhiññeyyaṃ; cakkhusamphasso abhiññeyyo; yampidaṃ 8 cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi abhiññeyyaṃ. Sotaṃ abhiññeyyaṃ; saddā abhiññeyyā…pe… ghānaṃ abhiññeyyaṃ; gandhā abhiññeyyā… jivhā abhiññeyyā; rasā abhiññeyyā… kāyo abhiññeyyo; phoṭṭhabbā abhiññeyyā… mano abhiññeyyo; dhammā abhiññeyyā; manoviññāṇaṃ abhiññeyyaṃ, manosamphasso abhiññeyyo; yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi abhiññeyyaṃ.’’

    রূপং অভিঞ্ঞেয্যং; ৰেদনা অভিঞ্ঞেয্যা; সঞ্ঞা অভিঞ্ঞেয্যা; সঙ্খারা অভিঞ্ঞেয্যা; ৰিঞ্ঞাণং অভিঞ্ঞেয্যং।

    Rūpaṃ abhiññeyyaṃ; vedanā abhiññeyyā; saññā abhiññeyyā; saṅkhārā abhiññeyyā; viññāṇaṃ abhiññeyyaṃ.

    চক্খু অভিঞ্ঞেয্যং; সোতং অভিঞ্ঞেয্যং; ঘানং অভিঞ্ঞেয্যং; জিৰ্হা অভিঞ্ঞেয্যা; কাযো অভিঞ্ঞেয্যো; মনো অভিঞ্ঞেয্যো। রূপা অভিঞ্ঞেয্যা; সদ্দা অভিঞ্ঞেয্যা; গন্ধা অভিঞ্ঞেয্যা; রসা অভিঞ্ঞেয্যা; ফোট্ঠব্বা অভিঞ্ঞেয্যা; ধম্মা অভিঞ্ঞেয্যা। চক্খুৰ্ত্ত্ঞ্ঞাণং অভিঞ্ঞেয্যং; সোতৰিঞ্ঞাণং অভিঞ্ঞেয্যং; ঘানৰিঞ্ঞাণং অভিঞ্ঞেয্যং; জিৰ্হাৰিঞ্ঞাণং অভিঞ্ঞেয্যং; কাযৰিঞ্ঞাণং অভিঞ্ঞেয্যং; মনোৰিঞ্ঞাণং অভিঞ্ঞেয্যং। চক্খুসম্ফস্সো অভিঞ্ঞেয্যো ; সোতসম্ফস্সো অভিঞ্ঞেয্যো; ঘানসম্ফস্সো অভিঞ্ঞেয্যো; জিৰ্হাসম্ফস্সো অভিঞ্ঞেয্যো; কাযসম্ফস্সো অভিঞ্ঞেয্যো; মনোসম্ফস্সো অভিঞ্ঞেয্যো; চক্খুসম্ফস্সজা ৰেদনা অভিঞ্ঞেয্যা; সোতসম্ফস্সজা ৰেদনা অভিঞ্ঞেয্যা; ঘানসম্ফস্সজা ৰেদনা অভিঞ্ঞেয্যা ; জিৰ্হাসম্ফস্সজা ৰেদনা অভিঞ্ঞেয্যা; কাযসম্ফস্সজা ৰেদনা অভিঞ্ঞেয্যা; মনোসম্ফস্সজা ৰেদনা অভিঞ্ঞেয্যা। রূপসঞ্ঞা অভিঞ্ঞেয্যা; সদ্দসঞ্ঞা অভিঞ্ঞেয্যা; গন্ধসঞ্ঞা অভিঞ্ঞেয্যা ; রসসঞ্ঞা অভিঞ্ঞেয্যা; ফোট্ঠব্বসঞ্ঞা অভিঞ্ঞেয্যা; ধম্মসঞ্ঞা অভিঞ্ঞেয্যা। রূপসঞ্চেতনা অভিঞ্ঞেয্যা; সদ্দসঞ্চেতনা অভিঞ্ঞেয্যা; গন্ধসঞ্চেতনা অভিঞ্ঞেয্যা; রসসঞ্চেতনা অভিঞ্ঞেয্যা; ফোট্ঠব্বসঞ্চেতনা অভিঞ্ঞেয্যা; ধম্মসঞ্চেতনা অভিঞ্ঞেয্যা। রূপতণ্হা অভিঞ্ঞেয্যা; সদ্দতণ্হা অভিঞ্ঞেয্যা; গন্ধতণ্হা অভিঞ্ঞেয্যা; রসতণ্হা অভিঞ্ঞেয্যা; ফোট্ঠব্বতণ্হা অভিঞ্ঞেয্যা; ধম্মতণ্হা অভিঞ্ঞেয্যা। রূপৰিতক্কো অভিঞ্ঞেয্যো; সদ্দৰিতক্কো অভিঞ্ঞেয্যো; গন্ধৰিতক্কো অভিঞ্ঞেয্যো; রসৰিতক্কো অভিঞ্ঞেয্যো; ফোট্ঠব্বৰিতক্কো অভিঞ্ঞেয্যো; ধম্মৰিতক্কো অভিঞ্ঞেয্যো। রূপৰিচারো অভিঞ্ঞেয্যো; সদ্দৰিচারো অভিঞ্ঞেয্যো ; গন্ধৰিচারো অভিঞ্ঞেয্যো; রসৰিচারো অভিঞ্ঞেয্যো; ফোট্ঠব্বৰিচারো অভিঞ্ঞেয্যো; ধম্মৰিচারো অভিঞ্ঞেয্যো।

    Cakkhu abhiññeyyaṃ; sotaṃ abhiññeyyaṃ; ghānaṃ abhiññeyyaṃ; jivhā abhiññeyyā; kāyo abhiññeyyo; mano abhiññeyyo. Rūpā abhiññeyyā; saddā abhiññeyyā; gandhā abhiññeyyā; rasā abhiññeyyā; phoṭṭhabbā abhiññeyyā; dhammā abhiññeyyā. Cakkhuvttññāṇaṃ abhiññeyyaṃ; sotaviññāṇaṃ abhiññeyyaṃ; ghānaviññāṇaṃ abhiññeyyaṃ; jivhāviññāṇaṃ abhiññeyyaṃ; kāyaviññāṇaṃ abhiññeyyaṃ; manoviññāṇaṃ abhiññeyyaṃ. Cakkhusamphasso abhiññeyyo ; sotasamphasso abhiññeyyo; ghānasamphasso abhiññeyyo; jivhāsamphasso abhiññeyyo; kāyasamphasso abhiññeyyo; manosamphasso abhiññeyyo; cakkhusamphassajā vedanā abhiññeyyā; sotasamphassajā vedanā abhiññeyyā; ghānasamphassajā vedanā abhiññeyyā ; jivhāsamphassajā vedanā abhiññeyyā; kāyasamphassajā vedanā abhiññeyyā; manosamphassajā vedanā abhiññeyyā. Rūpasaññā abhiññeyyā; saddasaññā abhiññeyyā; gandhasaññā abhiññeyyā ; rasasaññā abhiññeyyā; phoṭṭhabbasaññā abhiññeyyā; dhammasaññā abhiññeyyā. Rūpasañcetanā abhiññeyyā; saddasañcetanā abhiññeyyā; gandhasañcetanā abhiññeyyā; rasasañcetanā abhiññeyyā; phoṭṭhabbasañcetanā abhiññeyyā; dhammasañcetanā abhiññeyyā. Rūpataṇhā abhiññeyyā; saddataṇhā abhiññeyyā; gandhataṇhā abhiññeyyā; rasataṇhā abhiññeyyā; phoṭṭhabbataṇhā abhiññeyyā; dhammataṇhā abhiññeyyā. Rūpavitakko abhiññeyyo; saddavitakko abhiññeyyo; gandhavitakko abhiññeyyo; rasavitakko abhiññeyyo; phoṭṭhabbavitakko abhiññeyyo; dhammavitakko abhiññeyyo. Rūpavicāro abhiññeyyo; saddavicāro abhiññeyyo ; gandhavicāro abhiññeyyo; rasavicāro abhiññeyyo; phoṭṭhabbavicāro abhiññeyyo; dhammavicāro abhiññeyyo.

    . পথৰীধাতু অভিঞ্ঞেয্যা; আপোধাতু অভিঞ্ঞেয্যা; তেজোধাতু অভিঞ্ঞেয্যা; ৰাযোধাতু অভিঞ্ঞেয্যা; আকাসধাতু অভিঞ্ঞেয্যা; ৰিঞ্ঞাণধাতু অভিঞ্ঞেয্যা।

    4. Pathavīdhātu abhiññeyyā; āpodhātu abhiññeyyā; tejodhātu abhiññeyyā; vāyodhātu abhiññeyyā; ākāsadhātu abhiññeyyā; viññāṇadhātu abhiññeyyā.

    পথৰীকসিণং অভিঞ্ঞেয্যং; আপোকসিণং অভিঞ্ঞেয্যং; তেজোকসিণং অভিঞ্ঞেয্যং; ৰাযোকসিণং অভিঞ্ঞেয্যং; নীলকসিণং অভিঞ্ঞেয্যং; পীতকসিণং অভিঞ্ঞেয্যং; লোহিতকসিণং অভিঞ্ঞেয্যং; ওদাতকসিণং অভিঞ্ঞেয্যং; আকাসকসিণং অভিঞ্ঞেয্যং; ৰিঞ্ঞাণকসিণং অভিঞ্ঞেয্যং।

    Pathavīkasiṇaṃ abhiññeyyaṃ; āpokasiṇaṃ abhiññeyyaṃ; tejokasiṇaṃ abhiññeyyaṃ; vāyokasiṇaṃ abhiññeyyaṃ; nīlakasiṇaṃ abhiññeyyaṃ; pītakasiṇaṃ abhiññeyyaṃ; lohitakasiṇaṃ abhiññeyyaṃ; odātakasiṇaṃ abhiññeyyaṃ; ākāsakasiṇaṃ abhiññeyyaṃ; viññāṇakasiṇaṃ abhiññeyyaṃ.

    কেসা অভিঞ্ঞেয্যা; লোমা অভিঞ্ঞেয্যা; নখা অভিঞ্ঞেয্যা; দন্তা অভিঞ্ঞেয্যা; তচো অভিঞ্ঞেয্যো, মংসং অভিঞ্ঞেয্যং; ন্হারূ 9 অভিঞ্ঞেয্যা; অট্ঠী অভিঞ্ঞেয্যা; অট্ঠিমিঞ্জা অভিঞ্ঞেয্যা 10; ৰক্কং অভিঞ্ঞেয্যং; হদযং অভিঞ্ঞেয্যং; যকনং অভিঞ্ঞেয্যং; কিলোমকং অভিঞ্ঞেয্যং; পিহকং অভিঞ্ঞেয্যং; পপ্ফাসং অভিঞ্ঞেয্যং; অন্তং অভিঞ্ঞেয্যং অন্তগুণং অভিঞ্ঞেয্যং; উদরিযং অভিঞ্ঞেয্যং; করীসং অভিঞ্ঞেয্যং; পিত্তং অভিঞ্ঞেয্যং; সেম্হং অভিঞ্ঞেয্যং; পুব্বো অভিঞ্ঞেয্যো; লোহিতং অভিঞ্ঞেয্যং; সেদো অভিঞ্ঞেয্যো; মেদো অভিঞ্ঞেয্যো; অস্সু অভিঞ্ঞেয্যং; ৰসা অভিঞ্ঞেয্যা; খেল়ো অভিঞ্ঞেয্যো; সিঙ্ঘাণিকা অভিঞ্ঞেয্যা; লসিকা অভিঞ্ঞেয্যা; মুত্তং অভিঞ্ঞেয্যং; মত্থলুঙ্গং অভিঞ্ঞেয্যং।

    Kesā abhiññeyyā; lomā abhiññeyyā; nakhā abhiññeyyā; dantā abhiññeyyā; taco abhiññeyyo, maṃsaṃ abhiññeyyaṃ; nhārū 11 abhiññeyyā; aṭṭhī abhiññeyyā; aṭṭhimiñjā abhiññeyyā 12; vakkaṃ abhiññeyyaṃ; hadayaṃ abhiññeyyaṃ; yakanaṃ abhiññeyyaṃ; kilomakaṃ abhiññeyyaṃ; pihakaṃ abhiññeyyaṃ; papphāsaṃ abhiññeyyaṃ; antaṃ abhiññeyyaṃ antaguṇaṃ abhiññeyyaṃ; udariyaṃ abhiññeyyaṃ; karīsaṃ abhiññeyyaṃ; pittaṃ abhiññeyyaṃ; semhaṃ abhiññeyyaṃ; pubbo abhiññeyyo; lohitaṃ abhiññeyyaṃ; sedo abhiññeyyo; medo abhiññeyyo; assu abhiññeyyaṃ; vasā abhiññeyyā; kheḷo abhiññeyyo; siṅghāṇikā abhiññeyyā; lasikā abhiññeyyā; muttaṃ abhiññeyyaṃ; matthaluṅgaṃ abhiññeyyaṃ.

    চক্খাযতনং অভিঞ্ঞেয্যং; রূপাযতনং অভিঞ্ঞেয্যং। সোতাযতনং অভিঞ্ঞেয্যং; সদ্দাযতনং অভিঞ্ঞেয্যং । ঘানাযতনং অভিঞ্ঞেয্যং; গন্ধাযতনং অভিঞ্ঞেয্যং। জিৰ্হাযতনং অভিঞ্ঞেয্যং; রসাযতনং অভিঞ্ঞেয্যং। কাযাযতনং অভিঞ্ঞেয্যং; ফোট্ঠব্বাযতনং অভিঞ্ঞেয্যং। মনাযতনং অভিঞ্ঞেয্যং; ধম্মাযতনং অভিঞ্ঞেয্যং।

    Cakkhāyatanaṃ abhiññeyyaṃ; rūpāyatanaṃ abhiññeyyaṃ. Sotāyatanaṃ abhiññeyyaṃ; saddāyatanaṃ abhiññeyyaṃ . Ghānāyatanaṃ abhiññeyyaṃ; gandhāyatanaṃ abhiññeyyaṃ. Jivhāyatanaṃ abhiññeyyaṃ; rasāyatanaṃ abhiññeyyaṃ. Kāyāyatanaṃ abhiññeyyaṃ; phoṭṭhabbāyatanaṃ abhiññeyyaṃ. Manāyatanaṃ abhiññeyyaṃ; dhammāyatanaṃ abhiññeyyaṃ.

    চক্খুধাতু অভিঞ্ঞেয্যা; রূপধাতু অভিঞ্ঞেয্যা; চক্খুৰিঞ্ঞাণধাতু অভিঞ্ঞেয্যা। সোতধাতু অভিঞ্ঞেয্যা; সদ্দধাতু অভিঞ্ঞেয্যা; সোতৰিঞ্ঞাণধাতু অভিঞ্ঞেয্যা। ঘানধাতু অভিঞ্ঞেয্যা; গন্ধধাতু অভিঞ্ঞেয্যা; ঘানৰিঞ্ঞাণধাতু অভিঞ্ঞেয্যা। জিৰ্হাধাতু অভিঞ্ঞেয্যা ; রসধাতু অভিঞ্ঞেয্যা; জিৰ্হাৰিঞ্ঞাণধাতু অভিঞ্ঞেয্যা। কাযধাতু অভিঞ্ঞেয্যা; ফোট্ঠব্বধাতু অভিঞ্ঞেয্যা; কাযৰিঞ্ঞাণধাতু অভিঞ্ঞেয্যা। মনোধাতু অভিঞ্ঞেয্যা; ধম্মধাতু অভিঞ্ঞেয্যা; মনোৰিঞ্ঞাণধাতু অভিঞ্ঞেয্যা।

    Cakkhudhātu abhiññeyyā; rūpadhātu abhiññeyyā; cakkhuviññāṇadhātu abhiññeyyā. Sotadhātu abhiññeyyā; saddadhātu abhiññeyyā; sotaviññāṇadhātu abhiññeyyā. Ghānadhātu abhiññeyyā; gandhadhātu abhiññeyyā; ghānaviññāṇadhātu abhiññeyyā. Jivhādhātu abhiññeyyā ; rasadhātu abhiññeyyā; jivhāviññāṇadhātu abhiññeyyā. Kāyadhātu abhiññeyyā; phoṭṭhabbadhātu abhiññeyyā; kāyaviññāṇadhātu abhiññeyyā. Manodhātu abhiññeyyā; dhammadhātu abhiññeyyā; manoviññāṇadhātu abhiññeyyā.

    চক্খুন্দ্রিযং অভিঞ্ঞেয্যং; সোতিন্দ্রিযং অভিঞ্ঞেয্যং; ঘানিন্দ্রিযং অভিঞ্ঞেয্যং; জিৰ্হিন্দ্রিযং অভিঞ্ঞেয্যং; কাযিন্দ্রিযং অভিঞ্ঞেয্যং; মনিন্দ্রিযং অভিঞ্ঞেয্যং; জীৰিতিন্দ্রিযং অভিঞ্ঞেয্যং; ইত্থিন্দ্রিযং অভিঞ্ঞেয্যং; পুরিসিন্দ্রিযং অভিঞ্ঞেয্যং; সুখিন্দ্রিযং অভিঞ্ঞেয্যং; দুক্খিন্দ্রিযং অভিঞ্ঞেয্যং; সোমনস্সিন্দ্রিযং অভিঞ্ঞেয্যং; দোমনস্সিন্দ্রিযং অভিঞ্ঞেয্যং; উপেক্খিন্দ্রিযং অভিঞ্ঞেয্যং; সদ্ধিন্দ্রিযং অভিঞ্ঞেয্যং; ৰীরিযিন্দ্রিযং 13 অভিঞ্ঞেয্যং; সতিন্দ্রিযং অভিঞ্ঞেয্যং; সমাধিন্দ্রিযং অভিঞ্ঞেয্যং; পঞ্ঞিন্দ্রিযং অভিঞ্ঞেয্যং; অনঞ্ঞাতঞ্ঞস্সামীতিন্দ্রিযং অভিঞ্ঞেয্যং; অঞ্ঞিন্দ্রিযং অভিঞ্ঞেয্যং; অঞ্ঞাতাৰিন্দ্রিযং অভিঞ্ঞেয্যং।

    Cakkhundriyaṃ abhiññeyyaṃ; sotindriyaṃ abhiññeyyaṃ; ghānindriyaṃ abhiññeyyaṃ; jivhindriyaṃ abhiññeyyaṃ; kāyindriyaṃ abhiññeyyaṃ; manindriyaṃ abhiññeyyaṃ; jīvitindriyaṃ abhiññeyyaṃ; itthindriyaṃ abhiññeyyaṃ; purisindriyaṃ abhiññeyyaṃ; sukhindriyaṃ abhiññeyyaṃ; dukkhindriyaṃ abhiññeyyaṃ; somanassindriyaṃ abhiññeyyaṃ; domanassindriyaṃ abhiññeyyaṃ; upekkhindriyaṃ abhiññeyyaṃ; saddhindriyaṃ abhiññeyyaṃ; vīriyindriyaṃ 14 abhiññeyyaṃ; satindriyaṃ abhiññeyyaṃ; samādhindriyaṃ abhiññeyyaṃ; paññindriyaṃ abhiññeyyaṃ; anaññātaññassāmītindriyaṃ abhiññeyyaṃ; aññindriyaṃ abhiññeyyaṃ; aññātāvindriyaṃ abhiññeyyaṃ.

    . কামধাতু অভিঞ্ঞেয্যা; রূপধাতু অভিঞ্ঞেয্যা; অরূপধাতু অভিঞ্ঞেয্যা। কামভৰো অভিঞ্ঞেয্যো; রূপভৰো অভিঞ্ঞেয্যো ; অরূপভৰো অভিঞ্ঞেয্যো। সঞ্ঞাভৰো অভিঞ্ঞেয্যো; অসঞ্ঞাভৰো অভিঞ্ঞেয্যো; নেৰসঞ্ঞানাসঞ্ঞাভৰো অভিঞ্ঞেয্যো। একৰোকারভৰো অভিঞ্ঞেয্যো; চতুৰোকারভৰো অভিঞ্ঞেয্যো; পঞ্চৰোকারভৰো অভিঞ্ঞেয্যো।

    5. Kāmadhātu abhiññeyyā; rūpadhātu abhiññeyyā; arūpadhātu abhiññeyyā. Kāmabhavo abhiññeyyo; rūpabhavo abhiññeyyo ; arūpabhavo abhiññeyyo. Saññābhavo abhiññeyyo; asaññābhavo abhiññeyyo; nevasaññānāsaññābhavo abhiññeyyo. Ekavokārabhavo abhiññeyyo; catuvokārabhavo abhiññeyyo; pañcavokārabhavo abhiññeyyo.

    . পঠমং ঝানং 15 অভিঞ্ঞেয্যং; দুতিযং ঝানং অভিঞ্ঞেয্যং; ততিযং ঝানং অভিঞ্ঞেয্যং; চতুত্থং ঝানং অভিঞ্ঞেয্যং। মেত্তাচেতোৰিমুত্তি অভিঞ্ঞেয্যা; করুণাচেতোৰিমুত্তি অভিঞ্ঞেয্যা; মুদিতাচেতোৰিমুত্তি অভিঞ্ঞেয্যা; উপেক্খাচেতোৰিমুত্তি অভিঞ্ঞেয্যা। আকাসানঞ্চাযতনসমাপত্তি অভিঞ্ঞেয্যা; ৰিঞ্ঞাণঞ্চাযতনসমাপত্তি অভিঞ্ঞেয্যা; আকিঞ্চঞ্ঞাযতনসমাপত্তি অভিঞ্ঞেয্যা; নেৰসঞ্ঞানাসঞ্ঞাযতনসমাপত্তি অভিঞ্ঞেয্যা।

    6. Paṭhamaṃ jhānaṃ 16 abhiññeyyaṃ; dutiyaṃ jhānaṃ abhiññeyyaṃ; tatiyaṃ jhānaṃ abhiññeyyaṃ; catutthaṃ jhānaṃ abhiññeyyaṃ. Mettācetovimutti abhiññeyyā; karuṇācetovimutti abhiññeyyā; muditācetovimutti abhiññeyyā; upekkhācetovimutti abhiññeyyā. Ākāsānañcāyatanasamāpatti abhiññeyyā; viññāṇañcāyatanasamāpatti abhiññeyyā; ākiñcaññāyatanasamāpatti abhiññeyyā; nevasaññānāsaññāyatanasamāpatti abhiññeyyā.

    অৰিজ্জা অভিঞ্ঞেয্যা; সঙ্খারা অভিঞ্ঞেয্যা; ৰিঞ্ঞাণং অভিঞ্ঞেয্যং; নামরূপং অভিঞ্ঞেয্যং; সল়াযতনং অভিঞ্ঞেয্যং; ফস্সো অভিঞ্ঞেয্যো; ৰেদনা অভিঞ্ঞেয্যা; তণ্হা অভিঞ্ঞেয্যা; উপাদানং অভিঞ্ঞেয্যং; ভৰো অভিঞ্ঞেয্যো; জাতি অভিঞ্ঞেয্যা; জরামরণং অভিঞ্ঞেয্যং।

    Avijjā abhiññeyyā; saṅkhārā abhiññeyyā; viññāṇaṃ abhiññeyyaṃ; nāmarūpaṃ abhiññeyyaṃ; saḷāyatanaṃ abhiññeyyaṃ; phasso abhiññeyyo; vedanā abhiññeyyā; taṇhā abhiññeyyā; upādānaṃ abhiññeyyaṃ; bhavo abhiññeyyo; jāti abhiññeyyā; jarāmaraṇaṃ abhiññeyyaṃ.

    . দুক্খং অভিঞ্ঞেয্যং; দুক্খসমুদযো অভিঞ্ঞেয্যো; দুক্খনিরোধো অভিঞ্ঞেয্যো; দুক্খনিরোধগামিনী পটিপদা অভিঞ্ঞেয্যা। রূপং অভিঞ্ঞেয্যং; রূপসমুদযো অভিঞ্ঞেয্যো; রূপনিরোধো অভিঞ্ঞেয্যো; রূপনিরোধগামিনী পটিপদা অভিঞ্ঞেয্যা। ৰেদনা অভিঞ্ঞেয্যা…পে॰… সঞ্ঞা অভিঞ্ঞেয্যা…পে॰… সঙ্খারা অভিঞ্ঞেয্যা…পে॰… ৰিঞ্ঞাণং অভিঞ্ঞেয্যং। চক্খু অভিঞ্ঞেয্যং…পে॰… জরামরণং অভিঞ্ঞেয্যং; জরামরণসমুদযো অভিঞ্ঞেয্যো; জরামরণনিরোধো অভিঞ্ঞেয্যো; জরামরণনিরোধগামিনী পটিপদা অভিঞ্ঞেয্যা।

    7. Dukkhaṃ abhiññeyyaṃ; dukkhasamudayo abhiññeyyo; dukkhanirodho abhiññeyyo; dukkhanirodhagāminī paṭipadā abhiññeyyā. Rūpaṃ abhiññeyyaṃ; rūpasamudayo abhiññeyyo; rūpanirodho abhiññeyyo; rūpanirodhagāminī paṭipadā abhiññeyyā. Vedanā abhiññeyyā…pe… saññā abhiññeyyā…pe… saṅkhārā abhiññeyyā…pe… viññāṇaṃ abhiññeyyaṃ. Cakkhu abhiññeyyaṃ…pe… jarāmaraṇaṃ abhiññeyyaṃ; jarāmaraṇasamudayo abhiññeyyo; jarāmaraṇanirodho abhiññeyyo; jarāmaraṇanirodhagāminī paṭipadā abhiññeyyā.

    দুক্খস্স পরিঞ্ঞট্ঠো অভিঞ্ঞেয্যো; দুক্খসমুদযস্স পহানট্ঠো অভিঞ্ঞেয্যো; দুক্খনিরোধস্স সচ্ছিকিরিযট্ঠো অভিঞ্ঞেয্যো; দুক্খনিরোধগামিনিযা পটিপদায ভাৰনট্ঠো অভিঞ্ঞেয্যো। রূপস্স পরিঞ্ঞট্ঠো অভিঞ্ঞেয্যো; রূপসমুদযস্স পহানট্ঠো অভিঞ্ঞেয্যো; রূপনিরোধস্স সচ্ছিকিরিযট্ঠো অভিঞ্ঞেয্যো; রূপনিরোধগামিনিযা পটিপদায ভাৰনট্ঠো অভিঞ্ঞেয্যো। ৰেদনায…পে॰… সঞ্ঞায… সঙ্খারানং… ৰিঞ্ঞাণস্স… চক্খুস্স…পে॰… জরামরণস্স পরিঞ্ঞট্ঠো অভিঞ্ঞেয্যো; জরামরণসমুদযস্স পহানট্ঠো অভিঞ্ঞেয্যো; জরামরণনিরোধস্স সচ্ছিকিরিযট্ঠো অভিঞ্ঞেয্যো; জরামরণনিরোধগামিনিযা পটিপদায ভাৰনট্ঠো অভিঞ্ঞেয্যো।

    Dukkhassa pariññaṭṭho abhiññeyyo; dukkhasamudayassa pahānaṭṭho abhiññeyyo; dukkhanirodhassa sacchikiriyaṭṭho abhiññeyyo; dukkhanirodhagāminiyā paṭipadāya bhāvanaṭṭho abhiññeyyo. Rūpassa pariññaṭṭho abhiññeyyo; rūpasamudayassa pahānaṭṭho abhiññeyyo; rūpanirodhassa sacchikiriyaṭṭho abhiññeyyo; rūpanirodhagāminiyā paṭipadāya bhāvanaṭṭho abhiññeyyo. Vedanāya…pe… saññāya… saṅkhārānaṃ… viññāṇassa… cakkhussa…pe… jarāmaraṇassa pariññaṭṭho abhiññeyyo; jarāmaraṇasamudayassa pahānaṭṭho abhiññeyyo; jarāmaraṇanirodhassa sacchikiriyaṭṭho abhiññeyyo; jarāmaraṇanirodhagāminiyā paṭipadāya bhāvanaṭṭho abhiññeyyo.

    দুক্খস্স পরিঞ্ঞাপটিৰেধট্ঠো অভিঞ্ঞেয্যো; দুক্খসমুদযস্স পহানপটিৰেধট্ঠো অভিঞ্ঞেয্যো; দুক্খনিরোধস্স সচ্ছিকিরিযাপটিৰেধট্ঠো অভিঞ্ঞেয্যো; দুক্খনিরোধগামিনিযা পটিপদায ভাৰনাপটিৰেধট্ঠো অভিঞ্ঞেয্যো। রূপস্স পরিঞ্ঞাপটিৰেধট্ঠো অভিঞ্ঞেয্যো; রূপসমুদযস্স পহানপটিৰেধট্ঠো অভিঞ্ঞেয্যো; রূপনিরোধস্স সচ্ছিকিরিযাপটিৰেধট্ঠো অভিঞ্ঞেয্যো; রূপনিরোধগামিনিযা পটিপদায ভাৰনাপটিৰেধট্ঠো অভিঞ্ঞেয্যো। ৰেদনায…পে॰… সঞ্ঞায… সঙ্খারানং… ৰিঞ্ঞাণস্স… চক্খুস্স…পে॰… জরামরণস্স পরিঞ্ঞাপটিৰেধট্ঠো অভিঞ্ঞেয্যো; জরামরণসমুদযস্স পহানপটিৰেধট্ঠো অভিঞ্ঞেয্যো; জরামরণনিরোধস্স সচ্ছিকিরিযাপটিৰেধট্ঠো অভিঞ্ঞেয্যো; জরামরণনিরোধগামিনিযা পটিপদায ভাৰনাপটিৰেধট্ঠো অভিঞ্ঞেয্যো।

    Dukkhassa pariññāpaṭivedhaṭṭho abhiññeyyo; dukkhasamudayassa pahānapaṭivedhaṭṭho abhiññeyyo; dukkhanirodhassa sacchikiriyāpaṭivedhaṭṭho abhiññeyyo; dukkhanirodhagāminiyā paṭipadāya bhāvanāpaṭivedhaṭṭho abhiññeyyo. Rūpassa pariññāpaṭivedhaṭṭho abhiññeyyo; rūpasamudayassa pahānapaṭivedhaṭṭho abhiññeyyo; rūpanirodhassa sacchikiriyāpaṭivedhaṭṭho abhiññeyyo; rūpanirodhagāminiyā paṭipadāya bhāvanāpaṭivedhaṭṭho abhiññeyyo. Vedanāya…pe… saññāya… saṅkhārānaṃ… viññāṇassa… cakkhussa…pe… jarāmaraṇassa pariññāpaṭivedhaṭṭho abhiññeyyo; jarāmaraṇasamudayassa pahānapaṭivedhaṭṭho abhiññeyyo; jarāmaraṇanirodhassa sacchikiriyāpaṭivedhaṭṭho abhiññeyyo; jarāmaraṇanirodhagāminiyā paṭipadāya bhāvanāpaṭivedhaṭṭho abhiññeyyo.

    . দুক্খং অভিঞ্ঞেয্যং; দুক্খসমুদযো অভিঞ্ঞেয্যো; দুক্খনিরোধো অভিঞ্ঞেয্যো; দুক্খস্স সমুদযনিরোধো অভিঞ্ঞেয্যো; দুক্খস্স ছন্দরাগনিরোধো অভিঞ্ঞেয্যো; দুক্খস্স অস্সাদো অভিঞ্ঞেয্যো; দুক্খস্স আদীনৰো অভিঞ্ঞেয্যো; দুক্খস্স নিস্সরণং অভিঞ্ঞেয্যং। রূপং অভিঞ্ঞেয্যং; রূপসমুদযো অভিঞ্ঞেয্যো; রূপনিরোধো অভিঞ্ঞেয্যো; রূপস্স সমুদযনিরোধো অভিঞ্ঞেয্যো; রূপস্স ছন্দরাগনিরোধো অভিঞ্ঞেয্যো; রূপস্স অস্সাদো অভিঞ্ঞেয্যো; রূপস্স আদীনৰো অভিঞ্ঞেয্যো; রূপস্স নিস্সরণং অভিঞ্ঞেয্যং। ৰেদনা অভিঞ্ঞেয্যা…পে॰… সঞ্ঞা অভিঞ্ঞেয্যা… সঙ্খারা অভিঞ্ঞেয্যা… ৰিঞ্ঞাণং অভিঞ্ঞেয্যং… চক্খু অভিঞ্ঞেয্যং…পে॰… জরামরণং অভিঞ্ঞেয্যং; জরামরণসমুদযো অভিঞ্ঞেয্যো; জরামরণনিরোধো অভিঞ্ঞেয্যো; জরামরণস্স সমুদযনিরোধো অভিঞ্ঞেয্যো; জরামরণস্স ছন্দরাগনিরোধো অভিঞ্ঞেয্যো; জরামরণস্স অস্সাদো অভিঞ্ঞেয্যো; জরামরণস্স আদীনৰো অভিঞ্ঞেয্যো; জরামরণস্স নিস্সরণং অভিঞ্ঞেয্যং।

    8. Dukkhaṃ abhiññeyyaṃ; dukkhasamudayo abhiññeyyo; dukkhanirodho abhiññeyyo; dukkhassa samudayanirodho abhiññeyyo; dukkhassa chandarāganirodho abhiññeyyo; dukkhassa assādo abhiññeyyo; dukkhassa ādīnavo abhiññeyyo; dukkhassa nissaraṇaṃ abhiññeyyaṃ. Rūpaṃ abhiññeyyaṃ; rūpasamudayo abhiññeyyo; rūpanirodho abhiññeyyo; rūpassa samudayanirodho abhiññeyyo; rūpassa chandarāganirodho abhiññeyyo; rūpassa assādo abhiññeyyo; rūpassa ādīnavo abhiññeyyo; rūpassa nissaraṇaṃ abhiññeyyaṃ. Vedanā abhiññeyyā…pe… saññā abhiññeyyā… saṅkhārā abhiññeyyā… viññāṇaṃ abhiññeyyaṃ… cakkhu abhiññeyyaṃ…pe… jarāmaraṇaṃ abhiññeyyaṃ; jarāmaraṇasamudayo abhiññeyyo; jarāmaraṇanirodho abhiññeyyo; jarāmaraṇassa samudayanirodho abhiññeyyo; jarāmaraṇassa chandarāganirodho abhiññeyyo; jarāmaraṇassa assādo abhiññeyyo; jarāmaraṇassa ādīnavo abhiññeyyo; jarāmaraṇassa nissaraṇaṃ abhiññeyyaṃ.

    দুক্খং অভিঞ্ঞেয্যং; দুক্খসমুদযো অভিঞ্ঞেয্যো ; দুক্খনিরোধো অভিঞ্ঞেয্যো; দুক্খনিরোধগামিনী পটিপদা অভিঞ্ঞেয্যা; দুক্খস্স অস্সাদো অভিঞ্ঞেয্যো; দুক্খস্স আদীনৰো অভিঞ্ঞেয্যো; দুক্খস্স নিস্সরণং অভিঞ্ঞেয্যং। রূপং অভিঞ্ঞেয্যং; রূপসমুদযো অভিঞ্ঞেয্যো; রূপনিরোধো অভিঞ্ঞেয্যো; রূপনিরোধগামিনী পটিপদা অভিঞ্ঞেয্যা; রূপস্স অস্সাদো অভিঞ্ঞেয্যো; রূপস্স আদীনৰো অভিঞ্ঞেয্যো; রূপস্স নিস্সরণং অভিঞ্ঞেয্যং। ৰেদনা অভিঞ্ঞেয্যা…পে॰… সঞ্ঞা অভিঞ্ঞেয্যা… সঙ্খারা অভিঞ্ঞেয্যা… ৰিঞ্ঞাণং অভিঞ্ঞেয্যং… চক্খু অভিঞ্ঞেয্যং…পে॰… জরামরণং অভিঞ্ঞেয্যং; জরামরণসমুদযো অভিঞ্ঞেয্যো; জরামরণনিরোধো অভিঞ্ঞেয্যো; জরামরণনিরোধগামিনী পটিপদা অভিঞ্ঞেয্যা; জরামরণস্স অস্সাদো অভিঞ্ঞেয্যো; জরামরণস্স আদীনৰো অভিঞ্ঞেয্যো; জরামরণস্স নিস্সরণং অভিঞ্ঞেয্যং।

    Dukkhaṃ abhiññeyyaṃ; dukkhasamudayo abhiññeyyo ; dukkhanirodho abhiññeyyo; dukkhanirodhagāminī paṭipadā abhiññeyyā; dukkhassa assādo abhiññeyyo; dukkhassa ādīnavo abhiññeyyo; dukkhassa nissaraṇaṃ abhiññeyyaṃ. Rūpaṃ abhiññeyyaṃ; rūpasamudayo abhiññeyyo; rūpanirodho abhiññeyyo; rūpanirodhagāminī paṭipadā abhiññeyyā; rūpassa assādo abhiññeyyo; rūpassa ādīnavo abhiññeyyo; rūpassa nissaraṇaṃ abhiññeyyaṃ. Vedanā abhiññeyyā…pe… saññā abhiññeyyā… saṅkhārā abhiññeyyā… viññāṇaṃ abhiññeyyaṃ… cakkhu abhiññeyyaṃ…pe… jarāmaraṇaṃ abhiññeyyaṃ; jarāmaraṇasamudayo abhiññeyyo; jarāmaraṇanirodho abhiññeyyo; jarāmaraṇanirodhagāminī paṭipadā abhiññeyyā; jarāmaraṇassa assādo abhiññeyyo; jarāmaraṇassa ādīnavo abhiññeyyo; jarāmaraṇassa nissaraṇaṃ abhiññeyyaṃ.

    . অনিচ্চানুপস্সনা অভিঞ্ঞেয্যা; দুক্খানুপস্সনা অভিঞ্ঞেয্যা; অনত্তানুপস্সনা অভিঞ্ঞেয্যা; নিব্বিদানুপস্সনা অভিঞ্ঞেয্যা; ৰিরাগানুপস্সনা অভিঞ্ঞেয্যা; নিরোধানুপস্সনা অভিঞ্ঞেয্যা; পটিনিস্সগ্গানুপস্সনা অভিঞ্ঞেয্যা। রূপে অনিচ্চানুপস্সনা অভিঞ্ঞেয্যা; রূপে দুক্খানুপস্সনা অভিঞ্ঞেয্যা; রূপে অনত্তানুপস্সনা অভিঞ্ঞেয্যা; রূপে নিব্বিদানুপস্সনা অভিঞ্ঞেয্যা; রূপে ৰিরাগানুপস্সনা অভিঞ্ঞেয্যা; রূপে নিরোধানুপস্সনা অভিঞ্ঞেয্যা; রূপে পটিনিস্সগ্গানুপস্সনা অভিঞ্ঞেয্যা। ৰেদনায…পে॰… সঞ্ঞায… সঙ্খারেসু… ৰিঞ্ঞাণে… চক্খুস্মিং…পে॰… জরামরণে অনিচ্চানুপস্সনা অভিঞ্ঞেয্যা; জরামরণে দুক্খানুপস্সনা অভিঞ্ঞেয্যা; জরামরণে অনত্তানুপস্সনা অভিঞ্ঞেয্যা; জরামরণে নিব্বিদানুপস্সনা অভিঞ্ঞেয্যা; জরামরণে ৰিরাগানুপস্সনা অভিঞ্ঞেয্যা ; জরামরণে নিরোধানুপস্সনা অভিঞ্ঞেয্যা; জরামরণে পটিনিস্সগ্গানুপস্সনা অভিঞ্ঞেয্যা।

    9. Aniccānupassanā abhiññeyyā; dukkhānupassanā abhiññeyyā; anattānupassanā abhiññeyyā; nibbidānupassanā abhiññeyyā; virāgānupassanā abhiññeyyā; nirodhānupassanā abhiññeyyā; paṭinissaggānupassanā abhiññeyyā. Rūpe aniccānupassanā abhiññeyyā; rūpe dukkhānupassanā abhiññeyyā; rūpe anattānupassanā abhiññeyyā; rūpe nibbidānupassanā abhiññeyyā; rūpe virāgānupassanā abhiññeyyā; rūpe nirodhānupassanā abhiññeyyā; rūpe paṭinissaggānupassanā abhiññeyyā. Vedanāya…pe… saññāya… saṅkhāresu… viññāṇe… cakkhusmiṃ…pe… jarāmaraṇe aniccānupassanā abhiññeyyā; jarāmaraṇe dukkhānupassanā abhiññeyyā; jarāmaraṇe anattānupassanā abhiññeyyā; jarāmaraṇe nibbidānupassanā abhiññeyyā; jarāmaraṇe virāgānupassanā abhiññeyyā ; jarāmaraṇe nirodhānupassanā abhiññeyyā; jarāmaraṇe paṭinissaggānupassanā abhiññeyyā.

    ১০. উপ্পাদো অভিঞ্ঞেয্যো; পৰত্তং অভিঞ্ঞেয্যং; নিমিত্তং অভিঞ্ঞেয্যং; আযূহনা 17 অভিঞ্ঞেয্যা; পটিসন্ধি অভিঞ্ঞেয্যা; গতি অভিঞ্ঞেয্যা; নিব্বত্তি অভিঞ্ঞেয্যা; উপপত্তি অভিঞ্ঞেয্যা; জাতি অভিঞ্ঞেয্যা; জরা অভিঞ্ঞেয্যা; ব্যাধি অভিঞ্ঞেয্যো , মরণং অভিঞ্ঞেয্যং; সোকো অভিঞ্ঞেয্যো; পরিদেৰো অভিঞ্ঞেয্যো; উপাযাসো অভিঞ্ঞেয্যো।

    10. Uppādo abhiññeyyo; pavattaṃ abhiññeyyaṃ; nimittaṃ abhiññeyyaṃ; āyūhanā 18 abhiññeyyā; paṭisandhi abhiññeyyā; gati abhiññeyyā; nibbatti abhiññeyyā; upapatti abhiññeyyā; jāti abhiññeyyā; jarā abhiññeyyā; byādhi abhiññeyyo , maraṇaṃ abhiññeyyaṃ; soko abhiññeyyo; paridevo abhiññeyyo; upāyāso abhiññeyyo.

    অনুপ্পাদো অভিঞ্ঞেয্যো; অপ্পৰত্তং অভিঞ্ঞেয্যং; অনিমিত্তং অভিঞ্ঞেয্যং; অনাযূহনা 19 অভিঞ্ঞেয্যা; অপ্পটিসন্ধি অভিঞ্ঞেয্যা; অগতি অভিঞ্ঞেয্যা; অনিব্বত্তি অভিঞ্ঞেয্যা; অনুপপত্তি অভিঞ্ঞেয্যা; অজাতি অভিঞ্ঞেয্যা; অজরা অভিঞ্ঞেয্যা; অব্যাধি অভিঞ্ঞেয্যো; অমতং অভিঞ্ঞেয্যং; অসোকো অভিঞ্ঞেয্যো; অপরিদেৰো অভিঞ্ঞেয্যো; অনুপাযাসো অভিঞ্ঞেয্যো।

    Anuppādo abhiññeyyo; appavattaṃ abhiññeyyaṃ; animittaṃ abhiññeyyaṃ; anāyūhanā 20 abhiññeyyā; appaṭisandhi abhiññeyyā; agati abhiññeyyā; anibbatti abhiññeyyā; anupapatti abhiññeyyā; ajāti abhiññeyyā; ajarā abhiññeyyā; abyādhi abhiññeyyo; amataṃ abhiññeyyaṃ; asoko abhiññeyyo; aparidevo abhiññeyyo; anupāyāso abhiññeyyo.

    উপ্পাদো অভিঞ্ঞেয্যো; অনুপ্পাদো অভিঞ্ঞেয্যো; পৰত্তং অভিঞ্ঞেয্যং; অপ্পৰত্তং অভিঞ্ঞেয্যং। নিমিত্তং অভিঞ্ঞেয্যং; অনিমিত্তং অভিঞ্ঞেয্যং। আযূহনা অভিঞ্ঞেয্যা; অনাযূহনা অভিঞ্ঞেয্যা। পটিসন্ধি অভিঞ্ঞেয্যা; অপ্পটিসন্ধি অভিঞ্ঞেয্যা। গতি অভিঞ্ঞেয্যা; অগতি অভিঞ্ঞেয্যা। নিব্বত্তি অভিঞ্ঞেয্যা; অনিব্বত্তি অভিঞ্ঞেয্যা। উপপত্তি অভিঞ্ঞেয্যা; অনুপপত্তি অভিঞ্ঞেয্যা । জাতি অভিঞ্ঞেয্যা; অজাতি অভিঞ্ঞেয্যা। জরা অভিঞ্ঞেয্যা; অজরা অভিঞ্ঞেয্যা। ব্যাধি অভিঞ্ঞেয্যো; অব্যাধি অভিঞ্ঞেয্যো। মরণং অভিঞ্ঞেয্যং; অমতং অভিঞ্ঞেয্যং। সোকো অভিঞ্ঞেয্যো; অসোকো অভিঞ্ঞেয্যো। পরিদেৰো অভিঞ্ঞেয্যো; অপরিদেৰো অভিঞ্ঞেয্যো। উপাযাসো অভিঞ্ঞেয্যো; অনুপাযাসো অভিঞ্ঞেয্যো।

    Uppādo abhiññeyyo; anuppādo abhiññeyyo; pavattaṃ abhiññeyyaṃ; appavattaṃ abhiññeyyaṃ. Nimittaṃ abhiññeyyaṃ; animittaṃ abhiññeyyaṃ. Āyūhanā abhiññeyyā; anāyūhanā abhiññeyyā. Paṭisandhi abhiññeyyā; appaṭisandhi abhiññeyyā. Gati abhiññeyyā; agati abhiññeyyā. Nibbatti abhiññeyyā; anibbatti abhiññeyyā. Upapatti abhiññeyyā; anupapatti abhiññeyyā . Jāti abhiññeyyā; ajāti abhiññeyyā. Jarā abhiññeyyā; ajarā abhiññeyyā. Byādhi abhiññeyyo; abyādhi abhiññeyyo. Maraṇaṃ abhiññeyyaṃ; amataṃ abhiññeyyaṃ. Soko abhiññeyyo; asoko abhiññeyyo. Paridevo abhiññeyyo; aparidevo abhiññeyyo. Upāyāso abhiññeyyo; anupāyāso abhiññeyyo.

    উপ্পাদো দুক্খন্তি অভিঞ্ঞেয্যং। পৰত্তং দুক্খন্তি অভিঞ্ঞেয্যং। নিমিত্তং দুক্খন্তি অভিঞ্ঞেয্যং। আযূহনা দুক্খন্তি অভিঞ্ঞেয্যং। পটিসন্ধি দুক্খন্তি অভিঞ্ঞেয্যং। গতি দুক্খন্তি অভিঞ্ঞেয্যং। নিব্বত্তি দুক্খন্তি অভিঞ্ঞেয্যং। উপপত্তি দুক্খন্তি অভিঞ্ঞেয্যং। জাতি দুক্খন্তি অভিঞ্ঞেয্যং। জরা দুক্খন্তি অভিঞ্ঞেয্যং। ব্যাধি দুক্খন্তি অভিঞ্ঞেয্যং। মরণং দুক্খন্তি অভিঞ্ঞেয্যং। সোকো দুক্খন্তি অভিঞ্ঞেয্যং। পরিদেৰো দুক্খন্তি অভিঞ্ঞেয্যং। উপাযাসো দুক্খন্তি অভিঞ্ঞেয্যং।

    Uppādo dukkhanti abhiññeyyaṃ. Pavattaṃ dukkhanti abhiññeyyaṃ. Nimittaṃ dukkhanti abhiññeyyaṃ. Āyūhanā dukkhanti abhiññeyyaṃ. Paṭisandhi dukkhanti abhiññeyyaṃ. Gati dukkhanti abhiññeyyaṃ. Nibbatti dukkhanti abhiññeyyaṃ. Upapatti dukkhanti abhiññeyyaṃ. Jāti dukkhanti abhiññeyyaṃ. Jarā dukkhanti abhiññeyyaṃ. Byādhi dukkhanti abhiññeyyaṃ. Maraṇaṃ dukkhanti abhiññeyyaṃ. Soko dukkhanti abhiññeyyaṃ. Paridevo dukkhanti abhiññeyyaṃ. Upāyāso dukkhanti abhiññeyyaṃ.

    অনুপ্পাদো সুখন্তি অভিঞ্ঞেয্যং। অপ্পৰত্তং সুখন্তি অভিঞ্ঞেয্যং। অনিমিত্তং সুখন্তি অভিঞ্ঞেয্যং। অনাযূহনা সুখন্তি অভিঞ্ঞেয্যং। অপ্পটিসন্ধি সুখন্তি অভিঞ্ঞেয্যং। অগতি সুখন্তি অভিঞ্ঞেয্যং। অনিব্বত্তি সুখন্তি অভিঞ্ঞেয্যং। অনুপপত্তি সুখন্তি অভিঞ্ঞেয্যং। অজাতি সুখন্তি অভিঞ্ঞেয্যং। অজরা সুখন্তি অভিঞ্ঞেয্যং। অব্যাধি সুখন্তি অভিঞ্ঞেয্যং। অমতং সুখন্তি অভিঞ্ঞেয্যং। অসোকো সুখন্তি অভিঞ্ঞেয্যং। অপরিদেৰো সুখন্তি অভিঞ্ঞেয্যং। অনুপাযাসো সুখন্তি অভিঞ্ঞেয্যং।

    Anuppādo sukhanti abhiññeyyaṃ. Appavattaṃ sukhanti abhiññeyyaṃ. Animittaṃ sukhanti abhiññeyyaṃ. Anāyūhanā sukhanti abhiññeyyaṃ. Appaṭisandhi sukhanti abhiññeyyaṃ. Agati sukhanti abhiññeyyaṃ. Anibbatti sukhanti abhiññeyyaṃ. Anupapatti sukhanti abhiññeyyaṃ. Ajāti sukhanti abhiññeyyaṃ. Ajarā sukhanti abhiññeyyaṃ. Abyādhi sukhanti abhiññeyyaṃ. Amataṃ sukhanti abhiññeyyaṃ. Asoko sukhanti abhiññeyyaṃ. Aparidevo sukhanti abhiññeyyaṃ. Anupāyāso sukhanti abhiññeyyaṃ.

    উপ্পাদো দুক্খং, অনুপ্পাদো সুখন্তি অভিঞ্ঞেয্যং। পৰত্তং দুক্খং, অপ্পৰত্তং সুখন্তি অভিঞ্ঞেয্যং। নিমিত্তং দুক্খং, অনিমিত্তং সুখন্তি অভিঞ্ঞেয্যং। আযূহনা দুক্খং, অনাযূহনা সুখন্তি অভিঞ্ঞেয্যং। পটিসন্ধি দুক্খং, অপ্পটিসন্ধি সুখন্তি অভিঞ্ঞেয্যং। গতি দুক্খং, অগতি সুখন্তি অভিঞ্ঞেয্যং। নিব্বত্তি দুক্খং, অনিব্বত্তি সুখন্তি অভিঞ্ঞেয্যং। উপপত্তি দুক্খং, অনুপপত্তি সুখন্তি অভিঞ্ঞেয্যং। জাতি দুক্খং, অজাতি সুখন্তি অভিঞ্ঞেয্যং। জরা দুক্খং, অজরা সুখন্তি অভিঞ্ঞেয্যং। ব্যাধি দুক্খং, অব্যাধি সুখন্তি অভিঞ্ঞেয্যং। মরণং দুক্খং, অমতং সুখন্তি অভিঞ্ঞেয্যং। সোকো দুক্খং, অসোকো সুখন্তি অভিঞ্ঞেয্যং। পরিদেৰো দুক্খং, অপরিদেৰো সুখন্তি অভিঞ্ঞেয্যং। উপাযাসো দুক্খং, অনুপাযাসো সুখন্তি অভিঞ্ঞেয্যং।

    Uppādo dukkhaṃ, anuppādo sukhanti abhiññeyyaṃ. Pavattaṃ dukkhaṃ, appavattaṃ sukhanti abhiññeyyaṃ. Nimittaṃ dukkhaṃ, animittaṃ sukhanti abhiññeyyaṃ. Āyūhanā dukkhaṃ, anāyūhanā sukhanti abhiññeyyaṃ. Paṭisandhi dukkhaṃ, appaṭisandhi sukhanti abhiññeyyaṃ. Gati dukkhaṃ, agati sukhanti abhiññeyyaṃ. Nibbatti dukkhaṃ, anibbatti sukhanti abhiññeyyaṃ. Upapatti dukkhaṃ, anupapatti sukhanti abhiññeyyaṃ. Jāti dukkhaṃ, ajāti sukhanti abhiññeyyaṃ. Jarā dukkhaṃ, ajarā sukhanti abhiññeyyaṃ. Byādhi dukkhaṃ, abyādhi sukhanti abhiññeyyaṃ. Maraṇaṃ dukkhaṃ, amataṃ sukhanti abhiññeyyaṃ. Soko dukkhaṃ, asoko sukhanti abhiññeyyaṃ. Paridevo dukkhaṃ, aparidevo sukhanti abhiññeyyaṃ. Upāyāso dukkhaṃ, anupāyāso sukhanti abhiññeyyaṃ.

    উপ্পাদো ভযন্তি অভিঞ্ঞেয্যং। পৰত্তং ভযন্তি অভিঞ্ঞেয্যং। নিমিত্তং ভযন্তি অভিঞ্ঞেয্যং। আযূহনা ভযন্তি অভিঞ্ঞেয্যং। পটিসন্ধি ভযন্তি অভিঞ্ঞেয্যং। গতি ভযন্তি অভিঞ্ঞেয্যং। নিব্বত্তি ভযন্তি অভিঞ্ঞেয্যং। উপপত্তি ভযন্তি অভিঞ্ঞেয্যং। জাতি ভযন্তি অভিঞ্ঞেয্যং। জরা ভযন্তি অভিঞ্ঞেয্যং। ব্যাধি ভযন্তি অভিঞ্ঞেয্যং। মরণং ভযন্তি অভিঞ্ঞেয্যং। সোকো ভযন্তি অভিঞ্ঞেয্যং। পরিদেৰো ভযন্তি অভিঞ্ঞেয্যং। উপাযাসো ভযন্তি অভিঞ্ঞেয্যং।

    Uppādo bhayanti abhiññeyyaṃ. Pavattaṃ bhayanti abhiññeyyaṃ. Nimittaṃ bhayanti abhiññeyyaṃ. Āyūhanā bhayanti abhiññeyyaṃ. Paṭisandhi bhayanti abhiññeyyaṃ. Gati bhayanti abhiññeyyaṃ. Nibbatti bhayanti abhiññeyyaṃ. Upapatti bhayanti abhiññeyyaṃ. Jāti bhayanti abhiññeyyaṃ. Jarā bhayanti abhiññeyyaṃ. Byādhi bhayanti abhiññeyyaṃ. Maraṇaṃ bhayanti abhiññeyyaṃ. Soko bhayanti abhiññeyyaṃ. Paridevo bhayanti abhiññeyyaṃ. Upāyāso bhayanti abhiññeyyaṃ.

    অনুপ্পাদো খেমন্তি অভিঞ্ঞেয্যং। অপ্পৰত্তং খেমন্তি অভিঞ্ঞেয্যং। অনিমিত্তং খেমন্তি অভিঞ্ঞেয্যং। অনাযূহনা খেমন্তি অভিঞ্ঞেয্যং। অপ্পটিসন্ধি খেমন্তি অভিঞ্ঞেয্যং। অগতি খেমন্তি অভিঞ্ঞেয্যং। অনিব্বত্তি খেমন্তি অভিঞ্ঞেয্যং। অনুপপত্তি খেমন্তি অভিঞ্ঞেয্যং। অজাতি খেমন্তি অভিঞ্ঞেয্যং । অজরা খেমন্তি অভিঞ্ঞেয্যং। অব্যাধি খেমন্তি অভিঞ্ঞেয্যং। অমতং খেমন্তি অভিঞ্ঞেয্যং। অসোকো খেমন্তি অভিঞ্ঞেয্যং। অপরিদেৰো খেমন্তি অভিঞ্ঞেয্যং। অনুপাযাসো খেমন্তি অভিঞ্ঞেয্যং।

    Anuppādo khemanti abhiññeyyaṃ. Appavattaṃ khemanti abhiññeyyaṃ. Animittaṃ khemanti abhiññeyyaṃ. Anāyūhanā khemanti abhiññeyyaṃ. Appaṭisandhi khemanti abhiññeyyaṃ. Agati khemanti abhiññeyyaṃ. Anibbatti khemanti abhiññeyyaṃ. Anupapatti khemanti abhiññeyyaṃ. Ajāti khemanti abhiññeyyaṃ . Ajarā khemanti abhiññeyyaṃ. Abyādhi khemanti abhiññeyyaṃ. Amataṃ khemanti abhiññeyyaṃ. Asoko khemanti abhiññeyyaṃ. Aparidevo khemanti abhiññeyyaṃ. Anupāyāso khemanti abhiññeyyaṃ.

    উপ্পাদো ভযং, অনুপ্পাদো খেমন্তি অভিঞ্ঞেয্যং। পৰত্তং ভযং, অপ্পৰত্তং খেমন্তি অভিঞ্ঞেয্যং। নিমিত্তং ভযং, অনিমিত্তং খেমন্তি অভিঞ্ঞেয্যং। আযূহনা ভযং, অনাযূহনা খেমন্তি অভিঞ্ঞেয্যং। পটিসন্ধি ভযং, অপ্পটিসন্ধি খেমন্তি অভিঞ্ঞেয্যং। গতি ভযং, অগতি খেমন্তি অভিঞ্ঞেয্যং। নিব্বত্তি ভযং, অনিব্বত্তি খেমন্তি অভিঞ্ঞেয্যং। উপপত্তি ভযং, অনুপপত্তি খেমন্তি অভিঞ্ঞেয্যং। জাতি ভযং, অজাতি খেমন্তি অভিঞ্ঞেয্যং। জরা ভযং, অজরা খেমন্তি অভিঞ্ঞেয্যং। ব্যাধি ভযং, অব্যাধি খেমন্তি অভিঞ্ঞেয্যং। মরণং ভযং, অমতং খেমন্তি অভিঞ্ঞেয্যং। সোকো ভযং, অসোকো খেমন্তি অভিঞ্ঞেয্যং। পরিদেৰো ভযং, অপরিদেৰো খেমন্তি অভিঞ্ঞেয্যং। উপাযাসো ভযং, অনুপাযাসো খেমন্তি অভিঞ্ঞেয্যং।

    Uppādo bhayaṃ, anuppādo khemanti abhiññeyyaṃ. Pavattaṃ bhayaṃ, appavattaṃ khemanti abhiññeyyaṃ. Nimittaṃ bhayaṃ, animittaṃ khemanti abhiññeyyaṃ. Āyūhanā bhayaṃ, anāyūhanā khemanti abhiññeyyaṃ. Paṭisandhi bhayaṃ, appaṭisandhi khemanti abhiññeyyaṃ. Gati bhayaṃ, agati khemanti abhiññeyyaṃ. Nibbatti bhayaṃ, anibbatti khemanti abhiññeyyaṃ. Upapatti bhayaṃ, anupapatti khemanti abhiññeyyaṃ. Jāti bhayaṃ, ajāti khemanti abhiññeyyaṃ. Jarā bhayaṃ, ajarā khemanti abhiññeyyaṃ. Byādhi bhayaṃ, abyādhi khemanti abhiññeyyaṃ. Maraṇaṃ bhayaṃ, amataṃ khemanti abhiññeyyaṃ. Soko bhayaṃ, asoko khemanti abhiññeyyaṃ. Paridevo bhayaṃ, aparidevo khemanti abhiññeyyaṃ. Upāyāso bhayaṃ, anupāyāso khemanti abhiññeyyaṃ.

    উপ্পাদো সামিসন্তি অভিঞ্ঞেয্যং। পৰত্তং সামিসন্তি অভিঞ্ঞেয্যং । নিমিত্তং সামিসন্তি অভিঞ্ঞেয্যং। আযূহনা সামিসন্তি অভিঞ্ঞেয্যং। পটিসন্ধি সামিসন্তি অভিঞ্ঞেয্যং। গতি সামিসন্তি অভিঞ্ঞেয্যং। নিব্বত্তি সামিসন্তি অভিঞ্ঞেয্যং। উপপত্তি সামিসন্তি অভিঞ্ঞেয্যং। জাতি সামিসন্তি অভিঞ্ঞেয্যং। জরা সামিসন্তি অভিঞ্ঞেয্যং। ব্যাধি সামিসন্তি অভিঞ্ঞেয্যং। মরণং সামিসন্তি অভিঞ্ঞেয্যং। সোকো সামিসন্তি অভিঞ্ঞেয্যং। পরিদেৰো সামিসন্তি অভিঞ্ঞেয্যং। উপাযাসো সামিসন্তি অভিঞ্ঞেয্যং।

    Uppādo sāmisanti abhiññeyyaṃ. Pavattaṃ sāmisanti abhiññeyyaṃ . Nimittaṃ sāmisanti abhiññeyyaṃ. Āyūhanā sāmisanti abhiññeyyaṃ. Paṭisandhi sāmisanti abhiññeyyaṃ. Gati sāmisanti abhiññeyyaṃ. Nibbatti sāmisanti abhiññeyyaṃ. Upapatti sāmisanti abhiññeyyaṃ. Jāti sāmisanti abhiññeyyaṃ. Jarā sāmisanti abhiññeyyaṃ. Byādhi sāmisanti abhiññeyyaṃ. Maraṇaṃ sāmisanti abhiññeyyaṃ. Soko sāmisanti abhiññeyyaṃ. Paridevo sāmisanti abhiññeyyaṃ. Upāyāso sāmisanti abhiññeyyaṃ.

    অনুপ্পাদো নিরামিসন্তি অভিঞ্ঞেয্যং। অপ্পৰত্তং নিরামিসন্তি অভিঞ্ঞেয্যং। অনিমিত্তং নিরামিসন্তি অভিঞ্ঞেয্যং। অনাযূহনা নিরামিসন্তি অভিঞ্ঞেয্যং। অপ্পটিসন্ধি নিরামিসন্তি অভিঞ্ঞেয্যং। অগতি নিরামিসন্তি অভিঞ্ঞেয্যং। অনিব্বত্তি নিরামিসন্তি অভিঞ্ঞেয্যং। অনুপপত্তি নিরামিসন্তি অভিঞ্ঞেয্যং। অজাতি নিরামিসন্তি অভিঞ্ঞেয্যং। অজরা নিরামিসন্তি অভিঞ্ঞেয্যং। অব্যাধি নিরামিসন্তি অভিঞ্ঞেয্যং। অমতং নিরামিসন্তি অভিঞ্ঞেয্যং। অসোকো নিরামিসন্তি অভিঞ্ঞেয্যং। অপরিদেৰো নিরামিসন্তি অভিঞ্ঞেয্যং। অনুপাযাসো নিরামিসন্তি অভিঞ্ঞেয্যং।

    Anuppādo nirāmisanti abhiññeyyaṃ. Appavattaṃ nirāmisanti abhiññeyyaṃ. Animittaṃ nirāmisanti abhiññeyyaṃ. Anāyūhanā nirāmisanti abhiññeyyaṃ. Appaṭisandhi nirāmisanti abhiññeyyaṃ. Agati nirāmisanti abhiññeyyaṃ. Anibbatti nirāmisanti abhiññeyyaṃ. Anupapatti nirāmisanti abhiññeyyaṃ. Ajāti nirāmisanti abhiññeyyaṃ. Ajarā nirāmisanti abhiññeyyaṃ. Abyādhi nirāmisanti abhiññeyyaṃ. Amataṃ nirāmisanti abhiññeyyaṃ. Asoko nirāmisanti abhiññeyyaṃ. Aparidevo nirāmisanti abhiññeyyaṃ. Anupāyāso nirāmisanti abhiññeyyaṃ.

    উপ্পাদো সামিসং, অনুপ্পাদো নিরামিসন্তি অভিঞ্ঞেয্যং। পৰত্তং সামিসং, অপ্পৰত্তং নিরামিসন্তি অভিঞ্ঞেয্যং। নিমিত্তং সামিসং, অনিমিত্তং নিরামিসন্তি অভিঞ্ঞেয্যং। আযূহনা সামিসং, অনাযূহনা নিরামিসন্তি অভিঞ্ঞেয্যং। পটিসন্ধি সামিসং, অপ্পটিসন্ধি নিরামিসন্তি অভিঞ্ঞেয্যং । গতি সামিসং, অগতি নিরামিসন্তি অভিঞ্ঞেয্যং। নিব্বত্তি সামিসং, অনিব্বত্তি নিরামিসন্তি অভিঞ্ঞেয্যং। উপপত্তি সামিসং, অনুপপত্তি নিরামিসন্তি অভিঞ্ঞেয্যং। জাতি সামিসং, অজাতি নিরামিসন্তি অভিঞ্ঞেয্যং। জরা সামিসং, অজরা নিরামিসন্তি অভিঞ্ঞেয্যং। ব্যাধি সামিসং, অব্যাধি নিরামিসন্তি অভিঞ্ঞেয্যং। মরণং সামিসং, অমতং নিরামিসন্তি অভিঞ্ঞেয্যং। সোকো সামিসং, অসোকো নিরামিসন্তি অভিঞ্ঞেয্যং। পরিদেৰো সামিসং, অপরিদেৰো নিরামিসন্তি অভিঞ্ঞেয্যং। উপাযাসো সামিসং, অনুপাযাসো নিরামিসন্তি অভিঞ্ঞেয্যং।

    Uppādo sāmisaṃ, anuppādo nirāmisanti abhiññeyyaṃ. Pavattaṃ sāmisaṃ, appavattaṃ nirāmisanti abhiññeyyaṃ. Nimittaṃ sāmisaṃ, animittaṃ nirāmisanti abhiññeyyaṃ. Āyūhanā sāmisaṃ, anāyūhanā nirāmisanti abhiññeyyaṃ. Paṭisandhi sāmisaṃ, appaṭisandhi nirāmisanti abhiññeyyaṃ . Gati sāmisaṃ, agati nirāmisanti abhiññeyyaṃ. Nibbatti sāmisaṃ, anibbatti nirāmisanti abhiññeyyaṃ. Upapatti sāmisaṃ, anupapatti nirāmisanti abhiññeyyaṃ. Jāti sāmisaṃ, ajāti nirāmisanti abhiññeyyaṃ. Jarā sāmisaṃ, ajarā nirāmisanti abhiññeyyaṃ. Byādhi sāmisaṃ, abyādhi nirāmisanti abhiññeyyaṃ. Maraṇaṃ sāmisaṃ, amataṃ nirāmisanti abhiññeyyaṃ. Soko sāmisaṃ, asoko nirāmisanti abhiññeyyaṃ. Paridevo sāmisaṃ, aparidevo nirāmisanti abhiññeyyaṃ. Upāyāso sāmisaṃ, anupāyāso nirāmisanti abhiññeyyaṃ.

    উপ্পাদো সঙ্খারাতি অভিঞ্ঞেয্যং। পৰত্তং সঙ্খারাতি অভিঞ্ঞেয্যং। নিমিত্তং সঙ্খারাতি অভিঞ্ঞেয্যং। আযূহনা সঙ্খারাতি অভিঞ্ঞেয্যং। পটিসন্ধি সঙ্খারাতি অভিঞ্ঞেয্যং। গতি সঙ্খারাতি অভিঞ্ঞেয্যং। নিব্বত্তি সঙ্খারাতি অভিঞ্ঞেয্যং। উপপত্তি সঙ্খারাতি অভিঞ্ঞেয্যং। জাতি সঙ্খারাতি অভিঞ্ঞেয্যং। জরা সঙ্খারাতি অভিঞ্ঞেয্যং। ব্যাধি সঙ্খারাতি অভিঞ্ঞেয্যং। মরণং সঙ্খারাতি অভিঞ্ঞেয্যং। সোকো সঙ্খারাতি অভিঞ্ঞেয্যং। পরিদেৰো সঙ্খারাতি অভিঞ্ঞেয্যং। উপাযাসো সঙ্খারাতি অভিঞ্ঞেয্যং।

    Uppādo saṅkhārāti abhiññeyyaṃ. Pavattaṃ saṅkhārāti abhiññeyyaṃ. Nimittaṃ saṅkhārāti abhiññeyyaṃ. Āyūhanā saṅkhārāti abhiññeyyaṃ. Paṭisandhi saṅkhārāti abhiññeyyaṃ. Gati saṅkhārāti abhiññeyyaṃ. Nibbatti saṅkhārāti abhiññeyyaṃ. Upapatti saṅkhārāti abhiññeyyaṃ. Jāti saṅkhārāti abhiññeyyaṃ. Jarā saṅkhārāti abhiññeyyaṃ. Byādhi saṅkhārāti abhiññeyyaṃ. Maraṇaṃ saṅkhārāti abhiññeyyaṃ. Soko saṅkhārāti abhiññeyyaṃ. Paridevo saṅkhārāti abhiññeyyaṃ. Upāyāso saṅkhārāti abhiññeyyaṃ.

    অনুপ্পাদো নিব্বানন্তি অভিঞ্ঞেয্যং। অপ্পৰত্তং নিব্বানন্তি অভিঞ্ঞেয্যং। অনিমিত্তং নিব্বানন্তি অভিঞ্ঞেয্যং। অনাযূহনা নিব্বানন্তি অভিঞ্ঞেয্যং। অপ্পটিসন্ধি নিব্বানন্তি অভিঞ্ঞেয্যং। অগতি নিব্বানন্তি অভিঞ্ঞেয্যং। অনিব্বত্তি নিব্বানন্তি অভিঞ্ঞেয্যং। অনুপপত্তি নিব্বানন্তি অভিঞ্ঞেয্যং। অজাতি নিব্বানন্তি অভিঞ্ঞেয্যং। অজরং নিব্বানন্তি অভিঞ্ঞেয্যং। অব্যাধি নিব্বানন্তি অভিঞ্ঞেয্যং। অমতং নিব্বানন্তি অভিঞ্ঞেয্যং । অসোকো নিব্বানন্তি অভিঞ্ঞেয্যং। অপরিদেৰো নিব্বানন্তি অভিঞ্ঞেয্যং। অনুপাযাসো নিব্বানন্তি অভিঞ্ঞেয্যং।

    Anuppādo nibbānanti abhiññeyyaṃ. Appavattaṃ nibbānanti abhiññeyyaṃ. Animittaṃ nibbānanti abhiññeyyaṃ. Anāyūhanā nibbānanti abhiññeyyaṃ. Appaṭisandhi nibbānanti abhiññeyyaṃ. Agati nibbānanti abhiññeyyaṃ. Anibbatti nibbānanti abhiññeyyaṃ. Anupapatti nibbānanti abhiññeyyaṃ. Ajāti nibbānanti abhiññeyyaṃ. Ajaraṃ nibbānanti abhiññeyyaṃ. Abyādhi nibbānanti abhiññeyyaṃ. Amataṃ nibbānanti abhiññeyyaṃ . Asoko nibbānanti abhiññeyyaṃ. Aparidevo nibbānanti abhiññeyyaṃ. Anupāyāso nibbānanti abhiññeyyaṃ.

    উপ্পাদো সঙ্খারা, অনুপ্পাদো নিব্বানন্তি অভিঞ্ঞেয্যং। পৰত্তং সঙ্খারা, অপ্পৰত্তং নিব্বানন্তি অভিঞ্ঞেয্যং। নিমিত্তং সঙ্খারা, অনিমিত্তং নিব্বানন্তি অভিঞ্ঞেয্যং। আযূহনা সঙ্খারা, অনাযূহনা নিব্বানন্তি অভিঞ্ঞেয্যং। পটিসন্ধি সঙ্খারা, অপ্পটিসন্ধি নিব্বানন্তি অভিঞ্ঞেয্যং। গতি সঙ্খারা, অগতি নিব্বানন্তি অভিঞ্ঞেয্যং। নিব্বত্তি সঙ্খারা, অনিব্বত্তি নিব্বানন্তি অভিঞ্ঞেয্যং। উপপত্তি সঙ্খারা, অনুপপত্তি নিব্বানন্তি অভিঞ্ঞেয্যং। জাতি সঙ্খারা, অজাতি নিব্বানন্তি অভিঞ্ঞেয্যং। জরা সঙ্খারা, অজরা নিব্বানন্তি অভিঞ্ঞেয্যং। ব্যাধি সঙ্খারা, অব্যাধি নিব্বান’’ন্তি অভিঞ্ঞেয্যং। মরণং সঙ্খারা, অমতং নিব্বানন্তি অভিঞ্ঞেয্যং। সোকো সঙ্খারা, অসোকো নিব্বানন্তি অভিঞ্ঞেয্যং। পরিদেৰো সঙ্খারা, অপরিদেৰো নিব্বানন্তি অভিঞ্ঞেয্যং। উপাযাসো সঙ্খারা, অনুপাযাসো নিব্বানন্তি অভিঞ্ঞেয্যং।

    Uppādo saṅkhārā, anuppādo nibbānanti abhiññeyyaṃ. Pavattaṃ saṅkhārā, appavattaṃ nibbānanti abhiññeyyaṃ. Nimittaṃ saṅkhārā, animittaṃ nibbānanti abhiññeyyaṃ. Āyūhanā saṅkhārā, anāyūhanā nibbānanti abhiññeyyaṃ. Paṭisandhi saṅkhārā, appaṭisandhi nibbānanti abhiññeyyaṃ. Gati saṅkhārā, agati nibbānanti abhiññeyyaṃ. Nibbatti saṅkhārā, anibbatti nibbānanti abhiññeyyaṃ. Upapatti saṅkhārā, anupapatti nibbānanti abhiññeyyaṃ. Jāti saṅkhārā, ajāti nibbānanti abhiññeyyaṃ. Jarā saṅkhārā, ajarā nibbānanti abhiññeyyaṃ. Byādhi saṅkhārā, abyādhi nibbāna’’nti abhiññeyyaṃ. Maraṇaṃ saṅkhārā, amataṃ nibbānanti abhiññeyyaṃ. Soko saṅkhārā, asoko nibbānanti abhiññeyyaṃ. Paridevo saṅkhārā, aparidevo nibbānanti abhiññeyyaṃ. Upāyāso saṅkhārā, anupāyāso nibbānanti abhiññeyyaṃ.

    পঠমভাণৰারো।

    Paṭhamabhāṇavāro.

    ১১. পরিগ্গহট্ঠো অভিঞ্ঞেয্যো; পরিৰারট্ঠো অভিঞ্ঞেয্যো; পরিপূরট্ঠো 21 অভিঞ্ঞেয্যো; একগ্গট্ঠো অভিঞ্ঞেয্যো; অৰিক্খেপট্ঠো অভিঞ্ঞেয্যো ; পগ্গহট্ঠো অভিঞ্ঞেয্যো; অৰিসারট্ঠো অভিঞ্ঞেয্যো; অনাৰিলট্ঠো অভিঞ্ঞেয্যো; অনিঞ্জনট্ঠো অভিঞ্ঞেয্যো; একত্তুপট্ঠানৰসেন চিত্তস্স ঠিতট্ঠো অভিঞ্ঞেয্যো; আরম্মণট্ঠো অভিঞ্ঞেয্যো; গোচরট্ঠো অভিঞ্ঞেয্যো; পহানট্ঠো অভিঞ্ঞেয্যো; পরিচ্চাগট্ঠো অভিঞ্ঞেয্যো; ৰুট্ঠানট্ঠো অভিঞ্ঞেয্যো; ৰিৰট্টনট্ঠো 22 অভিঞ্ঞেয্যো; সন্তট্ঠো অভিঞ্ঞেয্যো; পণীতট্ঠো অভিঞ্ঞেয্যো; ৰিমুত্তট্ঠো অভিঞ্ঞেয্যো; অনাসৰট্ঠো অভিঞ্ঞেয্যো; তরণট্ঠো অভিঞ্ঞেয্যো; অনিমিত্তট্ঠো অভিঞ্ঞেয্যো; অপ্পণিহিতট্ঠো অভিঞ্ঞেয্যো; সুঞ্ঞতট্ঠো অভিঞ্ঞেয্যো; একরসট্ঠো অভিঞ্ঞেয্যো ; অনতিৰত্তনট্ঠো অভিঞ্ঞেয্যো; যুগনদ্ধট্ঠো 23 অভিঞ্ঞেয্যো; নিয্যানট্ঠো অভিঞ্ঞেয্যো; হেতুট্ঠো 24 অভিঞ্ঞেয্যো; দস্সনট্ঠো অভিঞ্ঞেয্যো; আধিপতেয্যট্ঠো অভিঞ্ঞেয্যো।

    11. Pariggahaṭṭho abhiññeyyo; parivāraṭṭho abhiññeyyo; paripūraṭṭho 25 abhiññeyyo; ekaggaṭṭho abhiññeyyo; avikkhepaṭṭho abhiññeyyo ; paggahaṭṭho abhiññeyyo; avisāraṭṭho abhiññeyyo; anāvilaṭṭho abhiññeyyo; aniñjanaṭṭho abhiññeyyo; ekattupaṭṭhānavasena cittassa ṭhitaṭṭho abhiññeyyo; ārammaṇaṭṭho abhiññeyyo; gocaraṭṭho abhiññeyyo; pahānaṭṭho abhiññeyyo; pariccāgaṭṭho abhiññeyyo; vuṭṭhānaṭṭho abhiññeyyo; vivaṭṭanaṭṭho 26 abhiññeyyo; santaṭṭho abhiññeyyo; paṇītaṭṭho abhiññeyyo; vimuttaṭṭho abhiññeyyo; anāsavaṭṭho abhiññeyyo; taraṇaṭṭho abhiññeyyo; animittaṭṭho abhiññeyyo; appaṇihitaṭṭho abhiññeyyo; suññataṭṭho abhiññeyyo; ekarasaṭṭho abhiññeyyo ; anativattanaṭṭho abhiññeyyo; yuganaddhaṭṭho 27 abhiññeyyo; niyyānaṭṭho abhiññeyyo; hetuṭṭho 28 abhiññeyyo; dassanaṭṭho abhiññeyyo; ādhipateyyaṭṭho abhiññeyyo.

    ১২. সমথস্স অৰিক্খেপট্ঠো অভিঞ্ঞেয্যো; ৰিপস্সনায অনুপস্সনট্ঠো অভিঞ্ঞেয্যো; সমথৰিপস্সনানং একরসট্ঠো অভিঞ্ঞেয্যো; যুগনদ্ধস্স অনতিৰত্তনট্ঠো অভিঞ্ঞেয্যো; সিক্খায সমাদানট্ঠো অভিঞ্ঞেয্যো; আরম্মণস্স গোচরট্ঠো অভিঞ্ঞেয্যো; লীনস্স চিত্তস্স পগ্গহট্ঠো অভিঞ্ঞেয্যো; উদ্ধতস্স চিত্তস্স নিগ্গহট্ঠো অভিঞ্ঞেয্যো; উভোৰিসুদ্ধানং অজ্ঝুপেক্খনট্ঠো অভিঞ্ঞেয্যো; ৰিসেসাধিগমট্ঠো অভিঞ্ঞেয্যো; উত্তরি পটিৰেধট্ঠো অভিঞ্ঞেয্যো; সচ্চাভিসমযট্ঠো অভিঞ্ঞেয্যো; নিরোধে পতিট্ঠাপকট্ঠো অভিঞ্ঞেয্যো ।

    12. Samathassa avikkhepaṭṭho abhiññeyyo; vipassanāya anupassanaṭṭho abhiññeyyo; samathavipassanānaṃ ekarasaṭṭho abhiññeyyo; yuganaddhassa anativattanaṭṭho abhiññeyyo; sikkhāya samādānaṭṭho abhiññeyyo; ārammaṇassa gocaraṭṭho abhiññeyyo; līnassa cittassa paggahaṭṭho abhiññeyyo; uddhatassa cittassa niggahaṭṭho abhiññeyyo; ubhovisuddhānaṃ ajjhupekkhanaṭṭho abhiññeyyo; visesādhigamaṭṭho abhiññeyyo; uttari paṭivedhaṭṭho abhiññeyyo; saccābhisamayaṭṭho abhiññeyyo; nirodhe patiṭṭhāpakaṭṭho abhiññeyyo .

    সদ্ধিন্দ্রিযস্স অধিমোক্খট্ঠো অভিঞ্ঞেয্যো; ৰীরিযিন্দ্রিযস্স পগ্গহট্ঠো অভিঞ্ঞেয্যো; সতিন্দ্রিযস্স উপট্ঠানট্ঠো অভিঞ্ঞেয্যো; সমাধিন্দ্রিযস্স অৰিক্খেপট্ঠো অভিঞ্ঞেয্যো; পঞ্ঞিন্দ্রিযস্স দস্সনট্ঠো অভিঞ্ঞেয্যো।

    Saddhindriyassa adhimokkhaṭṭho abhiññeyyo; vīriyindriyassa paggahaṭṭho abhiññeyyo; satindriyassa upaṭṭhānaṭṭho abhiññeyyo; samādhindriyassa avikkhepaṭṭho abhiññeyyo; paññindriyassa dassanaṭṭho abhiññeyyo.

    সদ্ধাবলস্স অস্সদ্ধিযে অকম্পিযট্ঠো অভিঞ্ঞেয্যো; ৰীরিযবলস্স কোসজ্জে অকম্পিযট্ঠো অভিঞ্ঞেয্যো; সতিবলস্স পমাদে অকম্পিযট্ঠো অভিঞ্ঞেয্যো; সমাধিবলস্স উদ্ধচ্চে অকম্পিযট্ঠো অভিঞ্ঞেয্যো; পঞ্ঞাবলস্স অৰিজ্জায অকম্পিযট্ঠো অভিঞ্ঞেয্যো।

    Saddhābalassa assaddhiye akampiyaṭṭho abhiññeyyo; vīriyabalassa kosajje akampiyaṭṭho abhiññeyyo; satibalassa pamāde akampiyaṭṭho abhiññeyyo; samādhibalassa uddhacce akampiyaṭṭho abhiññeyyo; paññābalassa avijjāya akampiyaṭṭho abhiññeyyo.

    সতিসম্বোজ্ঝঙ্গস্স উপট্ঠানট্ঠো অভিঞ্ঞেয্যো; ধম্মৰিচযসম্বোজ্ঝঙ্গস্স পৰিচযট্ঠো অভিঞ্ঞেয্যো; ৰীরিযসম্বোজ্ঝঙ্গস্স পগ্গহট্ঠো অভিঞ্ঞেয্যো; পীতিসম্বোজ্ঝঙ্গস্স ফরণট্ঠো অভিঞ্ঞেয্যো; পস্সদ্ধিসম্বোজ্ঝঙ্গস্স উপসমট্ঠো অভিঞ্ঞেয্যো; সমাধিসম্বোজ্ঝঙ্গস্স অৰিক্খেপট্ঠো অভিঞ্ঞেয্যো; উপেক্খাসম্বোজ্ঝঙ্গস্স পটিসঙ্খানট্ঠো অভিঞ্ঞেয্যো।

    Satisambojjhaṅgassa upaṭṭhānaṭṭho abhiññeyyo; dhammavicayasambojjhaṅgassa pavicayaṭṭho abhiññeyyo; vīriyasambojjhaṅgassa paggahaṭṭho abhiññeyyo; pītisambojjhaṅgassa pharaṇaṭṭho abhiññeyyo; passaddhisambojjhaṅgassa upasamaṭṭho abhiññeyyo; samādhisambojjhaṅgassa avikkhepaṭṭho abhiññeyyo; upekkhāsambojjhaṅgassa paṭisaṅkhānaṭṭho abhiññeyyo.

    সম্মাদিট্ঠিযা দস্সনট্ঠো অভিঞ্ঞেয্যো; সম্মাসঙ্কপ্পস্স অভিনিরোপনট্ঠো অভিঞ্ঞেয্যো; সম্মাৰাচায পরিগ্গহট্ঠো অভিঞ্ঞেয্যো; সম্মাকম্মন্তস্স সমুট্ঠানট্ঠো অভিঞ্ঞেয্যো; সম্মাআজীৰস্স ৰোদানট্ঠো অভিঞ্ঞেয্যো ; সম্মাৰাযামস্স পগ্গহট্ঠো অভিঞ্ঞেয্যো; সম্মাসতিযা উপট্ঠানট্ঠো অভিঞ্ঞেয্যো; সম্মাসমাধিস্স অৰিক্খেপট্ঠো অভিঞ্ঞেয্যো।

    Sammādiṭṭhiyā dassanaṭṭho abhiññeyyo; sammāsaṅkappassa abhiniropanaṭṭho abhiññeyyo; sammāvācāya pariggahaṭṭho abhiññeyyo; sammākammantassa samuṭṭhānaṭṭho abhiññeyyo; sammāājīvassa vodānaṭṭho abhiññeyyo ; sammāvāyāmassa paggahaṭṭho abhiññeyyo; sammāsatiyā upaṭṭhānaṭṭho abhiññeyyo; sammāsamādhissa avikkhepaṭṭho abhiññeyyo.

    ১৩. ইন্দ্রিযানং আধিপতেয্যট্ঠো অভিঞ্ঞেয্যো; বলানং অকম্পিযট্ঠো অভিঞ্ঞেয্যো; বোজ্ঝঙ্গানং নিয্যানট্ঠো অভিঞ্ঞেয্যো; মগ্গস্স হেতুট্ঠো অভিঞ্ঞেয্যো; সতিপট্ঠানানং উপট্ঠানট্ঠো অভিঞ্ঞেয্যো; সম্মপ্পধানানং পদহনট্ঠো অভিঞ্ঞেয্যো; ইদ্ধিপাদানং ইজ্ঝনট্ঠো অভিঞ্ঞেয্যো; সচ্চানং তথট্ঠো অভিঞ্ঞেয্যো; পযোগানং 29 পটিপ্পস্সদ্ধট্ঠো অভিঞ্ঞেয্যো; ফলানং সচ্ছিকিরিযট্ঠো অভিঞ্ঞেয্যো।

    13. Indriyānaṃ ādhipateyyaṭṭho abhiññeyyo; balānaṃ akampiyaṭṭho abhiññeyyo; bojjhaṅgānaṃ niyyānaṭṭho abhiññeyyo; maggassa hetuṭṭho abhiññeyyo; satipaṭṭhānānaṃ upaṭṭhānaṭṭho abhiññeyyo; sammappadhānānaṃ padahanaṭṭho abhiññeyyo; iddhipādānaṃ ijjhanaṭṭho abhiññeyyo; saccānaṃ tathaṭṭho abhiññeyyo; payogānaṃ 30 paṭippassaddhaṭṭho abhiññeyyo; phalānaṃ sacchikiriyaṭṭho abhiññeyyo.

    ৰিতক্কস্স অভিনিরোপনট্ঠো অভিঞ্ঞেয্যো; ৰিচারস্স উপৰিচারট্ঠো অভিঞ্ঞেয্যো; পীতিযা ফরণট্ঠো অভিঞ্ঞেয্যো; সুখস্স অভিসন্দনট্ঠো অভিঞ্ঞেয্যো। চিত্তস্স একগ্গট্ঠো অভিঞ্ঞেয্যো। আৰজ্জনট্ঠো অভিঞ্ঞেয্যো; ৰিজাননট্ঠো অভিঞ্ঞেয্যো; পজাননট্ঠো অভিঞ্ঞেয্যো; সঞ্জাননট্ঠো অভিঞ্ঞেয্যো; একোদট্ঠো অভিঞ্ঞেয্যো । অভিঞ্ঞায ঞাতট্ঠো অভিঞ্ঞেয্যো; পরিঞ্ঞায তীরণট্ঠো অভিঞ্ঞেয্যো; পহানস্স পরিচ্চাগট্ঠো অভিঞ্ঞেয্যো; ভাৰনায একরসট্ঠো অভিঞ্ঞেয্যো; সচ্ছিকিরিযায ফস্সনট্ঠো অভিঞ্ঞেয্যো; খন্ধানং খন্ধট্ঠো অভিঞ্ঞেয্যো; ধাতূনং ধাতুট্ঠো 31 অভিঞ্ঞেয্যো; আযতনানং আযতনট্ঠো অভিঞ্ঞেয্যো; সঙ্খতানং সঙ্খতট্ঠো অভিঞ্ঞেয্যো; অসঙ্খতস্স অসঙ্খতট্ঠো অভিঞ্ঞেয্যো।

    Vitakkassa abhiniropanaṭṭho abhiññeyyo; vicārassa upavicāraṭṭho abhiññeyyo; pītiyā pharaṇaṭṭho abhiññeyyo; sukhassa abhisandanaṭṭho abhiññeyyo. Cittassa ekaggaṭṭho abhiññeyyo. Āvajjanaṭṭho abhiññeyyo; vijānanaṭṭho abhiññeyyo; pajānanaṭṭho abhiññeyyo; sañjānanaṭṭho abhiññeyyo; ekodaṭṭho abhiññeyyo . Abhiññāya ñātaṭṭho abhiññeyyo; pariññāya tīraṇaṭṭho abhiññeyyo; pahānassa pariccāgaṭṭho abhiññeyyo; bhāvanāya ekarasaṭṭho abhiññeyyo; sacchikiriyāya phassanaṭṭho abhiññeyyo; khandhānaṃ khandhaṭṭho abhiññeyyo; dhātūnaṃ dhātuṭṭho 32 abhiññeyyo; āyatanānaṃ āyatanaṭṭho abhiññeyyo; saṅkhatānaṃ saṅkhataṭṭho abhiññeyyo; asaṅkhatassa asaṅkhataṭṭho abhiññeyyo.

    ১৪. চিত্তট্ঠো অভিঞ্ঞেয্যো; চিত্তানন্তরিযট্ঠো অভিঞ্ঞেয্যো; চিত্তস্স ৰুট্ঠানট্ঠো অভিঞ্ঞেয্যো; চিত্তস্স ৰিৰট্টনট্ঠো অভিঞ্ঞেয্যো; চিত্তস্স হেতুট্ঠো অভিঞ্ঞেয্যো; চিত্তস্স পচ্চযট্ঠো অভিঞ্ঞেয্যো; চিত্তস্স ৰত্থুট্ঠো 33 অভিঞ্ঞেয্যো; চিত্তস্স ভূমট্ঠো 34 অভিঞ্ঞেয্যো; চিত্তস্স আরম্মণট্ঠো অভিঞ্ঞেয্যো; চিত্তস্স গোচরট্ঠো অভিঞ্ঞেয্যো; চিত্তস্স চরিযট্ঠো অভিঞ্ঞেয্যো; চিত্তস্স গতট্ঠো অভিঞ্ঞেয্যো; চিত্তস্স অভিনীহারট্ঠো অভিঞ্ঞেয্যো; চিত্তস্স নিয্যানট্ঠো অভিঞ্ঞেয্যো; চিত্তস্স নিস্সরণট্ঠো অভিঞ্ঞেয্যো।

    14. Cittaṭṭho abhiññeyyo; cittānantariyaṭṭho abhiññeyyo; cittassa vuṭṭhānaṭṭho abhiññeyyo; cittassa vivaṭṭanaṭṭho abhiññeyyo; cittassa hetuṭṭho abhiññeyyo; cittassa paccayaṭṭho abhiññeyyo; cittassa vatthuṭṭho 35 abhiññeyyo; cittassa bhūmaṭṭho 36 abhiññeyyo; cittassa ārammaṇaṭṭho abhiññeyyo; cittassa gocaraṭṭho abhiññeyyo; cittassa cariyaṭṭho abhiññeyyo; cittassa gataṭṭho abhiññeyyo; cittassa abhinīhāraṭṭho abhiññeyyo; cittassa niyyānaṭṭho abhiññeyyo; cittassa nissaraṇaṭṭho abhiññeyyo.

    ১৫. একত্তে আৰজ্জনট্ঠো অভিঞ্ঞেয্যো; একত্তে ৰিজাননট্ঠো অভিঞ্ঞেয্যো ; একত্তে পজাননট্ঠো অভিঞ্ঞেয্যো; একত্তে সঞ্জাননট্ঠো অভিঞ্ঞেয্যো; একত্তে একদট্ঠো অভিঞ্ঞেয্যো; একত্তে উপনিবন্ধট্ঠো অভিঞ্ঞেয্যো; একত্তে পক্খন্দনট্ঠো অভিঞ্ঞেয্যো; একত্তে পসীদনট্ঠো অভিঞ্ঞেয্যো ; একত্তে সন্তিট্ঠনট্ঠো অভিঞ্ঞেয্যো; একত্তে ৰিমুচ্চনট্ঠো অভিঞ্ঞেয্যো; একত্তে ‘‘এতং সন্ত’’ন্তি পস্সনট্ঠো অভিঞ্ঞেয্যো; একত্তে যানীকতট্ঠো অভিঞ্ঞেয্যো; একত্তে ৰত্থুকতট্ঠো অভিঞ্ঞেয্যো; একত্তে অনুট্ঠিতট্ঠো অভিঞ্ঞেয্যো; একত্তে পরিচিতট্ঠো অভিঞ্ঞেয্যো; একত্তে সুসমারদ্ধট্ঠো অভিঞ্ঞেয্যো ; একত্তে পরিগ্গহট্ঠো অভিঞ্ঞেয্যো; একত্তে পরিৰারট্ঠো অভিঞ্ঞেয্যো; একত্তে পরিপূরট্ঠো অভিঞ্ঞেয্যো; একত্তে সমোধানট্ঠো অভিঞ্ঞেয্যো; একত্তে অধিট্ঠানট্ঠো অভিঞ্ঞেয্যো; একত্তে আসেৰনট্ঠো অভিঞ্ঞেয্যো; একত্তে ভাৰনট্ঠো অভিঞ্ঞেয্যো; একত্তে বহুলীকম্মট্ঠো অভিঞ্ঞেয্যো; একত্তে সুসমুগ্গতট্ঠো অভিঞ্ঞেয্যো; একত্তে সুৰিমুত্তট্ঠো অভিঞ্ঞেয্যো ; একত্তে বুজ্ঝনট্ঠো অভিঞ্ঞেয্যো; একত্তে অনুবুজ্ঝনট্ঠো অভিঞ্ঞেয্যো; একত্তে পটিবুজ্ঝনট্ঠো অভিঞ্ঞেয্যো; একত্তে সম্বুজ্ঝনট্ঠো অভিঞ্ঞেয্যো; একত্তে বোধনট্ঠো অভিঞ্ঞেয্যো; একত্তে অনুবোধনট্ঠো অভিঞ্ঞেয্যো; একত্তে পটিবোধনট্ঠো অভিঞ্ঞেয্যো; একত্তে সম্বোধনট্ঠো অভিঞ্ঞেয্যো; একত্তে বোধিপক্খিযট্ঠো অভিঞ্ঞেয্যো; একত্তে অনুবোধিপক্খিযট্ঠো অভিঞ্ঞেয্যো; একত্তে পটিবোধিপক্খিযট্ঠো অভিঞ্ঞেয্যো; একত্তে সম্বোধিপক্খিযট্ঠো অভিঞ্ঞেয্যো; একত্তে জোতনট্ঠো অভিঞ্ঞেয্যো; একত্তে উজ্জোতনট্ঠো অভিঞ্ঞেয্যো; একত্তে অনুজোতনট্ঠো অভিঞ্ঞেয্যো; একত্তে পটিজোতনট্ঠো অভিঞ্ঞেয্যো; একত্তে সঞ্জোতনট্ঠো অভিঞ্ঞেয্যো।

    15. Ekatte āvajjanaṭṭho abhiññeyyo; ekatte vijānanaṭṭho abhiññeyyo ; ekatte pajānanaṭṭho abhiññeyyo; ekatte sañjānanaṭṭho abhiññeyyo; ekatte ekadaṭṭho abhiññeyyo; ekatte upanibandhaṭṭho abhiññeyyo; ekatte pakkhandanaṭṭho abhiññeyyo; ekatte pasīdanaṭṭho abhiññeyyo ; ekatte santiṭṭhanaṭṭho abhiññeyyo; ekatte vimuccanaṭṭho abhiññeyyo; ekatte ‘‘etaṃ santa’’nti passanaṭṭho abhiññeyyo; ekatte yānīkataṭṭho abhiññeyyo; ekatte vatthukataṭṭho abhiññeyyo; ekatte anuṭṭhitaṭṭho abhiññeyyo; ekatte paricitaṭṭho abhiññeyyo; ekatte susamāraddhaṭṭho abhiññeyyo ; ekatte pariggahaṭṭho abhiññeyyo; ekatte parivāraṭṭho abhiññeyyo; ekatte paripūraṭṭho abhiññeyyo; ekatte samodhānaṭṭho abhiññeyyo; ekatte adhiṭṭhānaṭṭho abhiññeyyo; ekatte āsevanaṭṭho abhiññeyyo; ekatte bhāvanaṭṭho abhiññeyyo; ekatte bahulīkammaṭṭho abhiññeyyo; ekatte susamuggataṭṭho abhiññeyyo; ekatte suvimuttaṭṭho abhiññeyyo ; ekatte bujjhanaṭṭho abhiññeyyo; ekatte anubujjhanaṭṭho abhiññeyyo; ekatte paṭibujjhanaṭṭho abhiññeyyo; ekatte sambujjhanaṭṭho abhiññeyyo; ekatte bodhanaṭṭho abhiññeyyo; ekatte anubodhanaṭṭho abhiññeyyo; ekatte paṭibodhanaṭṭho abhiññeyyo; ekatte sambodhanaṭṭho abhiññeyyo; ekatte bodhipakkhiyaṭṭho abhiññeyyo; ekatte anubodhipakkhiyaṭṭho abhiññeyyo; ekatte paṭibodhipakkhiyaṭṭho abhiññeyyo; ekatte sambodhipakkhiyaṭṭho abhiññeyyo; ekatte jotanaṭṭho abhiññeyyo; ekatte ujjotanaṭṭho abhiññeyyo; ekatte anujotanaṭṭho abhiññeyyo; ekatte paṭijotanaṭṭho abhiññeyyo; ekatte sañjotanaṭṭho abhiññeyyo.

    ১৬. পতাপনট্ঠো 37 অভিঞ্ঞেয্যো; ৰিরোচনট্ঠো অভিঞ্ঞেয্যো; কিলেসানং সন্তাপনট্ঠো অভিঞ্ঞেয্যো; অমলট্ঠো অভিঞ্ঞেয্যো; ৰিমলট্ঠো অভিঞ্ঞেয্যো; নিম্মলট্ঠো অভিঞ্ঞেয্যো; সমট্ঠো অভিঞ্ঞেয্যো; সমযট্ঠো অভিঞ্ঞেয্যো; ৰিৰেকট্ঠো অভিঞ্ঞেয্যো; ৰিৰেকচরিযট্ঠো অভিঞ্ঞেয্যো; ৰিরাগট্ঠো অভিঞ্ঞেয্যো; ৰিরাগচরিযট্ঠো অভিঞ্ঞেয্যো; নিরোধট্ঠো অভিঞ্ঞেয্যো; নিরোধচরিযট্ঠো অভিঞ্ঞেয্যো; ৰোসগ্গট্ঠো 38 অভিঞ্ঞেয্যো; ৰোসগ্গচরিযট্ঠো অভিঞ্ঞেয্যো; ৰিমুত্তট্ঠো অভিঞ্ঞেয্যো; ৰিমুত্তিচরিযট্ঠো অভিঞ্ঞেয্যো।

    16. Patāpanaṭṭho 39 abhiññeyyo; virocanaṭṭho abhiññeyyo; kilesānaṃ santāpanaṭṭho abhiññeyyo; amalaṭṭho abhiññeyyo; vimalaṭṭho abhiññeyyo; nimmalaṭṭho abhiññeyyo; samaṭṭho abhiññeyyo; samayaṭṭho abhiññeyyo; vivekaṭṭho abhiññeyyo; vivekacariyaṭṭho abhiññeyyo; virāgaṭṭho abhiññeyyo; virāgacariyaṭṭho abhiññeyyo; nirodhaṭṭho abhiññeyyo; nirodhacariyaṭṭho abhiññeyyo; vosaggaṭṭho 40 abhiññeyyo; vosaggacariyaṭṭho abhiññeyyo; vimuttaṭṭho abhiññeyyo; vimutticariyaṭṭho abhiññeyyo.

    ছন্দট্ঠো অভিঞ্ঞেয্যো; ছন্দস্স মূলট্ঠো অভিঞ্ঞেয্যো; ছন্দস্স পাদট্ঠো অভিঞ্ঞেয্যো; ছন্দস্স পধানট্ঠো অভিঞ্ঞেয্যো; ছন্দস্স ইজ্ঝনট্ঠো অভিঞ্ঞেয্যো; ছন্দস্স অধিমোক্খট্ঠো অভিঞ্ঞেয্যো; ছন্দস্স পগ্গহট্ঠো অভিঞ্ঞেয্যো; ছন্দস্স উপট্ঠানট্ঠো অভিঞ্ঞেয্যো; ছন্দস্স অৰিক্খেপট্ঠো অভিঞ্ঞেয্যো; ছন্দস্স দস্সনট্ঠো অভিঞ্ঞেয্যো।

    Chandaṭṭho abhiññeyyo; chandassa mūlaṭṭho abhiññeyyo; chandassa pādaṭṭho abhiññeyyo; chandassa padhānaṭṭho abhiññeyyo; chandassa ijjhanaṭṭho abhiññeyyo; chandassa adhimokkhaṭṭho abhiññeyyo; chandassa paggahaṭṭho abhiññeyyo; chandassa upaṭṭhānaṭṭho abhiññeyyo; chandassa avikkhepaṭṭho abhiññeyyo; chandassa dassanaṭṭho abhiññeyyo.

    ৰীরিযট্ঠো অভিঞ্ঞেয্যো; ৰীরিযস্স মূলট্ঠো অভিঞ্ঞেয্যো; ৰীরিযস্স পাদট্ঠো অভিঞ্ঞেয্যো; ৰীরিযস্স পধানট্ঠো অভিঞ্ঞেয্যো; ৰীরিযস্স ইজ্ঝনট্ঠো অভিঞ্ঞেয্যো; ৰীরিযস্স অধিমোক্খট্ঠো অভিঞ্ঞেয্যো; ৰীরিযস্স পগ্গহট্ঠো অভিঞ্ঞেয্যো; ৰীরিযস্স উপট্ঠানট্ঠো অভিঞ্ঞেয্যো; ৰীরিযস্স অৰিক্খেপট্ঠো অভিঞ্ঞেয্যো; ৰীরিযস্স দস্সনট্ঠো অভিঞ্ঞেয্যো।

    Vīriyaṭṭho abhiññeyyo; vīriyassa mūlaṭṭho abhiññeyyo; vīriyassa pādaṭṭho abhiññeyyo; vīriyassa padhānaṭṭho abhiññeyyo; vīriyassa ijjhanaṭṭho abhiññeyyo; vīriyassa adhimokkhaṭṭho abhiññeyyo; vīriyassa paggahaṭṭho abhiññeyyo; vīriyassa upaṭṭhānaṭṭho abhiññeyyo; vīriyassa avikkhepaṭṭho abhiññeyyo; vīriyassa dassanaṭṭho abhiññeyyo.

    চিত্তট্ঠো অভিঞ্ঞেয্যো; চিত্তস্স মূলট্ঠো অভিঞ্ঞেয্যো; চিত্তস্স পাদট্ঠো অভিঞ্ঞেয্যো; চিত্তস্স পধানট্ঠো অভিঞ্ঞেয্যো; চিত্তস্স ইজ্ঝনট্ঠো অভিঞ্ঞেয্যো; চিত্তস্স অধিমোক্খট্ঠো অভিঞ্ঞেয্যো; চিত্তস্স পগ্গহট্ঠো অভিঞ্ঞেয্যো; চিত্তস্স উপট্ঠানট্ঠো অভিঞ্ঞেয্যো; চিত্তস্স অৰিক্খেপট্ঠো অভিঞ্ঞেয্যো; চিত্তস্স দস্সনট্ঠো অভিঞ্ঞেয্যো।

    Cittaṭṭho abhiññeyyo; cittassa mūlaṭṭho abhiññeyyo; cittassa pādaṭṭho abhiññeyyo; cittassa padhānaṭṭho abhiññeyyo; cittassa ijjhanaṭṭho abhiññeyyo; cittassa adhimokkhaṭṭho abhiññeyyo; cittassa paggahaṭṭho abhiññeyyo; cittassa upaṭṭhānaṭṭho abhiññeyyo; cittassa avikkhepaṭṭho abhiññeyyo; cittassa dassanaṭṭho abhiññeyyo.

    ৰীমংসট্ঠো অভিঞ্ঞেয্যো; ৰীমংসায মূলট্ঠো অভিঞ্ঞেয্যো; ৰীমংসায পাদট্ঠো অভিঞ্ঞেয্যো; ৰীমংসায পধানট্ঠো অভিঞ্ঞেয্যো; ৰীমংসায ইজ্ঝনট্ঠো অভিঞ্ঞেয্যো; ৰীমংসায অধিমোক্খট্ঠো অভিঞ্ঞেয্যো; ৰীমংসায পগ্গহট্ঠো অভিঞ্ঞেয্যো; ৰীমংসায উপট্ঠানট্ঠো অভিঞ্ঞেয্যো; ৰীমংসায অৰিক্খেপট্ঠো অভিঞ্ঞেয্যো; ৰীমংসায দস্সনট্ঠো অভিঞ্ঞেয্যো।

    Vīmaṃsaṭṭho abhiññeyyo; vīmaṃsāya mūlaṭṭho abhiññeyyo; vīmaṃsāya pādaṭṭho abhiññeyyo; vīmaṃsāya padhānaṭṭho abhiññeyyo; vīmaṃsāya ijjhanaṭṭho abhiññeyyo; vīmaṃsāya adhimokkhaṭṭho abhiññeyyo; vīmaṃsāya paggahaṭṭho abhiññeyyo; vīmaṃsāya upaṭṭhānaṭṭho abhiññeyyo; vīmaṃsāya avikkhepaṭṭho abhiññeyyo; vīmaṃsāya dassanaṭṭho abhiññeyyo.

    ১৭. দুক্খট্ঠো অভিঞ্ঞেয্যো; দুক্খস্স পীল়নট্ঠো অভিঞ্ঞেয্যো; দুক্খস্স সঙ্খতট্ঠো অভিঞ্ঞেয্যো; দুক্খস্স সন্তাপট্ঠো অভিঞ্ঞেয্যো; দুক্খস্স ৰিপরিণামট্ঠো অভিঞ্ঞেয্যো। সমুদযট্ঠো অভিঞ্ঞেয্যো; সমুদযস্স আযূহনট্ঠো 41 অভিঞ্ঞেয্যো; সমুদযস্স নিদানট্ঠো অভিঞ্ঞেয্যো; সমুদযস্স সঞ্ঞোগট্ঠো অভিঞ্ঞেয্যো; সমুদযস্স পলিবোধট্ঠো অভিঞ্ঞেয্যো; নিরোধট্ঠো অভিঞ্ঞেয্যো ; নিরোধস্স নিস্সরণট্ঠো অভিঞ্ঞেয্যো; নিরোধস্স ৰিৰেকট্ঠো অভিঞ্ঞেয্যো; নিরোধস্স অসঙ্খতট্ঠো অভিঞ্ঞেয্যো; নিরোধস্স অমতট্ঠো অভিঞ্ঞেয্যো। মগ্গট্ঠো অভিঞ্ঞেয্যো; মগ্গস্স নিয্যানট্ঠো অভিঞ্ঞেয্যো; মগ্গস্স হেতুট্ঠো অভিঞ্ঞেয্যো; মগ্গস্স দস্সনট্ঠো অভিঞ্ঞেয্যো; মগ্গস্স আধিপতেয্যট্ঠো অভিঞ্ঞেয্যো।

    17. Dukkhaṭṭho abhiññeyyo; dukkhassa pīḷanaṭṭho abhiññeyyo; dukkhassa saṅkhataṭṭho abhiññeyyo; dukkhassa santāpaṭṭho abhiññeyyo; dukkhassa vipariṇāmaṭṭho abhiññeyyo. Samudayaṭṭho abhiññeyyo; samudayassa āyūhanaṭṭho 42 abhiññeyyo; samudayassa nidānaṭṭho abhiññeyyo; samudayassa saññogaṭṭho abhiññeyyo; samudayassa palibodhaṭṭho abhiññeyyo; nirodhaṭṭho abhiññeyyo ; nirodhassa nissaraṇaṭṭho abhiññeyyo; nirodhassa vivekaṭṭho abhiññeyyo; nirodhassa asaṅkhataṭṭho abhiññeyyo; nirodhassa amataṭṭho abhiññeyyo. Maggaṭṭho abhiññeyyo; maggassa niyyānaṭṭho abhiññeyyo; maggassa hetuṭṭho abhiññeyyo; maggassa dassanaṭṭho abhiññeyyo; maggassa ādhipateyyaṭṭho abhiññeyyo.

    তথট্ঠো অভিঞ্ঞেয্যো; অনত্তট্ঠো অভিঞ্ঞেয্যো; সচ্চট্ঠো অভিঞ্ঞেয্যো; পটিৰেধট্ঠো অভিঞ্ঞেয্যো; অভিজাননট্ঠো অভিঞ্ঞেয্যো; পরিজাননট্ঠো অভিঞ্ঞেয্যো; ধম্মট্ঠো অভিঞ্ঞেয্যো; ধাতুট্ঠো অভিঞ্ঞেয্যো; ঞাতট্ঠো অভিঞ্ঞেয্যো; সচ্ছিকিরিযট্ঠো অভিঞ্ঞেয্যো; ফস্সনট্ঠো অভিঞ্ঞেয্যো; অভিসমযট্ঠো অভিঞ্ঞেয্যো।

    Tathaṭṭho abhiññeyyo; anattaṭṭho abhiññeyyo; saccaṭṭho abhiññeyyo; paṭivedhaṭṭho abhiññeyyo; abhijānanaṭṭho abhiññeyyo; parijānanaṭṭho abhiññeyyo; dhammaṭṭho abhiññeyyo; dhātuṭṭho abhiññeyyo; ñātaṭṭho abhiññeyyo; sacchikiriyaṭṭho abhiññeyyo; phassanaṭṭho abhiññeyyo; abhisamayaṭṭho abhiññeyyo.

    ১৮. নেক্খম্মং অভিঞ্ঞেয্যং; অব্যাপাদো অভিঞ্ঞেয্যো; আলোকসঞ্ঞা অভিঞ্ঞেয্যা; অৰিক্খেপো অভিঞ্ঞেয্যো; ধম্মৰৰত্থানং অভিঞ্ঞেয্যং; ঞাণং অভিঞ্ঞেয্যং; পামোজ্জং 43 অভিঞ্ঞেয্যং।

    18. Nekkhammaṃ abhiññeyyaṃ; abyāpādo abhiññeyyo; ālokasaññā abhiññeyyā; avikkhepo abhiññeyyo; dhammavavatthānaṃ abhiññeyyaṃ; ñāṇaṃ abhiññeyyaṃ; pāmojjaṃ 44 abhiññeyyaṃ.

    পঠমং ঝানং অভিঞ্ঞেয্যং; দুতিযং ঝানং অভিঞ্ঞেয্যং; ততিযং ঝানং অভিঞ্ঞেয্যং; চতুত্থং ঝানং অভিঞ্ঞেয্যং। আকাসানঞ্চাযতনসমাপত্তি অভিঞ্ঞেয্যা; ৰিঞ্ঞাণঞ্চাযতনসমাপত্তি অভিঞ্ঞেয্যা; আকিঞ্চঞ্ঞাযতনসমাপত্তি অভিঞ্ঞেয্যা; নেৰসঞ্ঞানাসঞ্ঞাযতনসমাপত্তি অভিঞ্ঞেয্যা।

    Paṭhamaṃ jhānaṃ abhiññeyyaṃ; dutiyaṃ jhānaṃ abhiññeyyaṃ; tatiyaṃ jhānaṃ abhiññeyyaṃ; catutthaṃ jhānaṃ abhiññeyyaṃ. Ākāsānañcāyatanasamāpatti abhiññeyyā; viññāṇañcāyatanasamāpatti abhiññeyyā; ākiñcaññāyatanasamāpatti abhiññeyyā; nevasaññānāsaññāyatanasamāpatti abhiññeyyā.

    অনিচ্চানুপস্সনা অভিঞ্ঞেয্যা; দুক্খানুপস্সনা অভিঞ্ঞেয্যা; অনত্তানুপস্সনা অভিঞ্ঞেয্যা; নিব্বিদানুপস্সনা অভিঞ্ঞেয্যা; ৰিরাগানুপস্সনা অভিঞ্ঞেয্যা; নিরোধানুপস্সনা অভিঞ্ঞেয্যা; পটিনিস্সগ্গানুপস্সনা অভিঞ্ঞেয্যা; খযানুপস্সনা অভিঞ্ঞেয্যা; ৰযানুপস্সনা অভিঞ্ঞেয্যা; ৰিপরিণামানুপস্সনা অভিঞ্ঞেয্যা; অনিমিত্তানুপস্সনা অভিঞ্ঞেয্যা; অপ্পণিহিতানুপস্সনা অভিঞ্ঞেয্যা; সুঞ্ঞতানুপস্সনা অভিঞ্ঞেয্যা; অধিপঞ্ঞাধম্মৰিপস্সনা অভিঞ্ঞেয্যা; যথাভূতঞাণদস্সনং অভিঞ্ঞেয্যং; আদীনৰানুপস্সনা অভিঞ্ঞেয্যা; পটিসঙ্খানুপস্সনা অভিঞ্ঞেয্যা; ৰিৰট্টনানুপস্সনা অভিঞ্ঞেয্যা।

    Aniccānupassanā abhiññeyyā; dukkhānupassanā abhiññeyyā; anattānupassanā abhiññeyyā; nibbidānupassanā abhiññeyyā; virāgānupassanā abhiññeyyā; nirodhānupassanā abhiññeyyā; paṭinissaggānupassanā abhiññeyyā; khayānupassanā abhiññeyyā; vayānupassanā abhiññeyyā; vipariṇāmānupassanā abhiññeyyā; animittānupassanā abhiññeyyā; appaṇihitānupassanā abhiññeyyā; suññatānupassanā abhiññeyyā; adhipaññādhammavipassanā abhiññeyyā; yathābhūtañāṇadassanaṃ abhiññeyyaṃ; ādīnavānupassanā abhiññeyyā; paṭisaṅkhānupassanā abhiññeyyā; vivaṭṭanānupassanā abhiññeyyā.

    ১৯. সোতাপত্তিমগ্গো অভিঞ্ঞেয্যো; সোতাপত্তিফলসমাপত্তি অভিঞ্ঞেয্যা; সকদাগামিমগ্গো অভিঞ্ঞেয্যো; সকদাগামিফলসমাপত্তি অভিঞ্ঞেয্যা; অনাগামিমগ্গো অভিঞ্ঞেয্যো ; অনাগামিফলসমাপত্তি অভিঞ্ঞেয্যা; অরহত্তমগ্গো অভিঞ্ঞেয্যো; অরহত্তফলসমাপত্তি অভিঞ্ঞেয্যা।

    19. Sotāpattimaggo abhiññeyyo; sotāpattiphalasamāpatti abhiññeyyā; sakadāgāmimaggo abhiññeyyo; sakadāgāmiphalasamāpatti abhiññeyyā; anāgāmimaggo abhiññeyyo ; anāgāmiphalasamāpatti abhiññeyyā; arahattamaggo abhiññeyyo; arahattaphalasamāpatti abhiññeyyā.

    অধিমোক্খট্ঠেন সদ্ধিন্দ্রিযং অভিঞ্ঞেয্যং; পগ্গহট্ঠেন ৰীরিযিন্দ্রিযং অভিঞ্ঞেয্যং; উপট্ঠানট্ঠেন সতিন্দ্রিযং অভিঞ্ঞেয্যং; অৰিক্খেপট্ঠেন সমাধিন্দ্রিযং অভিঞ্ঞেয্যং; দস্সনট্ঠেন পঞ্ঞিন্দ্রিযং অভিঞ্ঞেয্যং; অস্সদ্ধিযে অকম্পিযট্ঠেন সদ্ধাবলং অভিঞ্ঞেয্যং; কোসজ্জে অকম্পিযট্ঠেন ৰীরিযবলং অভিঞ্ঞেয্যং; পমাদে অকম্পিযট্ঠেন সতিবলং অভিঞ্ঞেয্যং; উদ্ধচ্চে অকম্পিযট্ঠেন সমাধিবলং অভিঞ্ঞেয্যং; অৰিজ্জায অকম্পিযট্ঠেন পঞ্ঞাবলং অভিঞ্ঞেয্যং; উপট্ঠানট্ঠেন সতিসম্বোজ্ঝঙ্গো অভিঞ্ঞেয্যো; পৰিচযট্ঠেন ধম্মৰিচযসম্বোজ্ঝঙ্গো অভিঞ্ঞেয্যো; পগ্গহট্ঠেন ৰীরিযসম্বোজ্ঝঙ্গো অভিঞ্ঞেয্যো; ফরণট্ঠেন পীতিসম্বোজ্ঝঙ্গো অভিঞ্ঞেয্যো ; উপসমট্ঠেন পস্সদ্ধিসম্বোজ্ঝঙ্গো অভিঞ্ঞেয্যো; অৰিক্খেপট্ঠেন সমাধিসম্বোজ্ঝঙ্গো অভিঞ্ঞেয্যো; পটিসঙ্খানট্ঠেন উপেক্খাসম্বোজ্ঝঙ্গো অভিঞ্ঞেয্যো।

    Adhimokkhaṭṭhena saddhindriyaṃ abhiññeyyaṃ; paggahaṭṭhena vīriyindriyaṃ abhiññeyyaṃ; upaṭṭhānaṭṭhena satindriyaṃ abhiññeyyaṃ; avikkhepaṭṭhena samādhindriyaṃ abhiññeyyaṃ; dassanaṭṭhena paññindriyaṃ abhiññeyyaṃ; assaddhiye akampiyaṭṭhena saddhābalaṃ abhiññeyyaṃ; kosajje akampiyaṭṭhena vīriyabalaṃ abhiññeyyaṃ; pamāde akampiyaṭṭhena satibalaṃ abhiññeyyaṃ; uddhacce akampiyaṭṭhena samādhibalaṃ abhiññeyyaṃ; avijjāya akampiyaṭṭhena paññābalaṃ abhiññeyyaṃ; upaṭṭhānaṭṭhena satisambojjhaṅgo abhiññeyyo; pavicayaṭṭhena dhammavicayasambojjhaṅgo abhiññeyyo; paggahaṭṭhena vīriyasambojjhaṅgo abhiññeyyo; pharaṇaṭṭhena pītisambojjhaṅgo abhiññeyyo ; upasamaṭṭhena passaddhisambojjhaṅgo abhiññeyyo; avikkhepaṭṭhena samādhisambojjhaṅgo abhiññeyyo; paṭisaṅkhānaṭṭhena upekkhāsambojjhaṅgo abhiññeyyo.

    দস্সনট্ঠেন সম্মাদিট্ঠি অভিঞ্ঞেয্যা; অভিনিরোপনট্ঠেন সম্মাসঙ্কপ্পো অভিঞ্ঞেয্যো; পরিগ্গহট্ঠেন সম্মাৰাচা অভিঞ্ঞেয্যা; সমুট্ঠানট্ঠেন সম্মাকম্মন্তো অভিঞ্ঞেয্যো; ৰোদানট্ঠেন সম্মাআজীৰো অভিঞ্ঞেয্যো; পগ্গহট্ঠেন সম্মাৰাযামো অভিঞ্ঞেয্যো; উপট্ঠানট্ঠেন সম্মাসতি অভিঞ্ঞেয্যা; অৰিক্খেপট্ঠেন সম্মাসমাধি অভিঞ্ঞেয্যো।

    Dassanaṭṭhena sammādiṭṭhi abhiññeyyā; abhiniropanaṭṭhena sammāsaṅkappo abhiññeyyo; pariggahaṭṭhena sammāvācā abhiññeyyā; samuṭṭhānaṭṭhena sammākammanto abhiññeyyo; vodānaṭṭhena sammāājīvo abhiññeyyo; paggahaṭṭhena sammāvāyāmo abhiññeyyo; upaṭṭhānaṭṭhena sammāsati abhiññeyyā; avikkhepaṭṭhena sammāsamādhi abhiññeyyo.

    আধিপতেয্যট্ঠেন ইন্দ্রিযা অভিঞ্ঞেয্যা; অকম্পিযট্ঠেন বলা অভিঞ্ঞেয্যা; নিয্যানট্ঠেন বোজ্ঝঙ্গা অভিঞ্ঞেয্যা; হেতুট্ঠেন মগ্গো অভিঞ্ঞেয্যো; উপট্ঠানট্ঠেন সতিপট্ঠানা অভিঞ্ঞেয্যা; পদহনট্ঠেন সম্মপ্পধানা অভিঞ্ঞেয্যা; ইজ্ঝনট্ঠেন ইদ্ধিপাদা অভিঞ্ঞেয্যা; তথট্ঠেন সচ্চা অভিঞ্ঞেয্যা; অৰিক্খেপট্ঠেন সমথো অভিঞ্ঞেয্যো; অনুপস্সনট্ঠেন ৰিপস্সনা অভিঞ্ঞেয্যা; একরসট্ঠেন সমথৰিপস্সনা অভিঞ্ঞেয্যা; অনতিৰত্তনট্ঠেন যুগনদ্ধং অভিঞ্ঞেয্যং।

    Ādhipateyyaṭṭhena indriyā abhiññeyyā; akampiyaṭṭhena balā abhiññeyyā; niyyānaṭṭhena bojjhaṅgā abhiññeyyā; hetuṭṭhena maggo abhiññeyyo; upaṭṭhānaṭṭhena satipaṭṭhānā abhiññeyyā; padahanaṭṭhena sammappadhānā abhiññeyyā; ijjhanaṭṭhena iddhipādā abhiññeyyā; tathaṭṭhena saccā abhiññeyyā; avikkhepaṭṭhena samatho abhiññeyyo; anupassanaṭṭhena vipassanā abhiññeyyā; ekarasaṭṭhena samathavipassanā abhiññeyyā; anativattanaṭṭhena yuganaddhaṃ abhiññeyyaṃ.

    সংৰরট্ঠেন সীলৰিসুদ্ধি অভিঞ্ঞেয্যা; অৰিক্খেপট্ঠেন চিত্তৰিসুদ্ধি অভিঞ্ঞেয্যা; দস্সনট্ঠেন দিট্ঠিৰিসুদ্ধি অভিঞ্ঞেয্যা; মুত্তট্ঠেন ৰিমোক্খো অভিঞ্ঞেয্যো; পটিৰেধট্ঠেন ৰিজ্জা অভিঞ্ঞেয্যা ; পরিচ্চাগট্ঠেন ৰিমুত্তি অভিঞ্ঞেয্যা; সমুচ্ছেদট্ঠেন খযে ঞাণং অভিঞ্ঞেয্যং; পটিপ্পস্সদ্ধট্ঠেন অনুপ্পাদে ঞাণং অভিঞ্ঞেয্যং।

    Saṃvaraṭṭhena sīlavisuddhi abhiññeyyā; avikkhepaṭṭhena cittavisuddhi abhiññeyyā; dassanaṭṭhena diṭṭhivisuddhi abhiññeyyā; muttaṭṭhena vimokkho abhiññeyyo; paṭivedhaṭṭhena vijjā abhiññeyyā ; pariccāgaṭṭhena vimutti abhiññeyyā; samucchedaṭṭhena khaye ñāṇaṃ abhiññeyyaṃ; paṭippassaddhaṭṭhena anuppāde ñāṇaṃ abhiññeyyaṃ.

    ২০. ছন্দো মূলট্ঠেন অভিঞ্ঞেয্যো; মনসিকারো সমুট্ঠানট্ঠেন অভিঞ্ঞেয্যো; ফস্সো সমোধানট্ঠেন অভিঞ্ঞেয্যো; ৰেদনা সমোসরণট্ঠেন অভিঞ্ঞেয্যা; সমাধি পমুখট্ঠেন অভিঞ্ঞেয্যো; সতি আধিপতেয্যট্ঠেন অভিঞ্ঞেয্যা; পঞ্ঞা ততুত্তরট্ঠেন অভিঞ্ঞেয্যা; ৰিমুত্তি সারট্ঠেন অভিঞ্ঞেয্যা; অমতোগধং নিব্বানং পরিযোসানট্ঠেন অভিঞ্ঞেয্যং।

    20. Chando mūlaṭṭhena abhiññeyyo; manasikāro samuṭṭhānaṭṭhena abhiññeyyo; phasso samodhānaṭṭhena abhiññeyyo; vedanā samosaraṇaṭṭhena abhiññeyyā; samādhi pamukhaṭṭhena abhiññeyyo; sati ādhipateyyaṭṭhena abhiññeyyā; paññā tatuttaraṭṭhena abhiññeyyā; vimutti sāraṭṭhena abhiññeyyā; amatogadhaṃ nibbānaṃ pariyosānaṭṭhena abhiññeyyaṃ.

    যে যে ধম্মা অভিঞ্ঞাতা হোন্তি তে তে ধম্মা ঞাতা হোন্তি। তং ঞাতট্ঠেন ঞাণং, পজাননট্ঠেন পঞ্ঞা। তেন ৰুচ্চতি – ‘‘ইমে ধম্মা অভিঞ্ঞেয্যাতি সোতাৰধানং, তংপজাননা পঞ্ঞা সুতমযে ঞাণ’’ন্তি।

    Ye ye dhammā abhiññātā honti te te dhammā ñātā honti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘ime dhammā abhiññeyyāti sotāvadhānaṃ, taṃpajānanā paññā sutamaye ñāṇa’’nti.

    দুতিযভাণৰারো।

    Dutiyabhāṇavāro.

    ২১. কথং ‘‘ইমে ধম্মা পরিঞ্ঞেয্যা’’তি সোতাৰধানং, তংপজাননা পঞ্ঞা সুতমযে ঞাণং?

    21. Kathaṃ ‘‘ime dhammā pariññeyyā’’ti sotāvadhānaṃ, taṃpajānanā paññā sutamaye ñāṇaṃ?

    একো ধম্মো পরিঞ্ঞেয্যো – ফস্সো সাসৰো উপাদানিযো। দ্ৰে ধম্মা পরিঞ্ঞেয্যা – নামঞ্চ রূপঞ্চ। তযো ধম্মা পরিঞ্ঞেয্যা – তিস্সো ৰেদনা। চত্তারো ধম্মা পরিঞ্ঞেয্যা – চত্তারো আহারা। পঞ্চ ধম্মা পরিঞ্ঞেয্যা – পঞ্চুপাদানক্খন্ধা। ছ ধম্মা পরিঞ্ঞেয্যা – ছ অজ্ঝত্তিকানি আযতনানি। সত্ত ধম্মা পরিঞ্ঞেয্যা – সত্ত ৰিঞ্ঞাণট্ঠিতিযো। অট্ঠ ধম্মা পরিঞ্ঞেয্যা – অট্ঠ লোকধম্মা। নৰ ধম্মা পরিঞ্ঞেয্যা – নৰ সত্তাৰাসা। দস ধম্মা পরিঞ্ঞেয্যা – দসাযতনানি।

    Eko dhammo pariññeyyo – phasso sāsavo upādāniyo. Dve dhammā pariññeyyā – nāmañca rūpañca. Tayo dhammā pariññeyyā – tisso vedanā. Cattāro dhammā pariññeyyā – cattāro āhārā. Pañca dhammā pariññeyyā – pañcupādānakkhandhā. Cha dhammā pariññeyyā – cha ajjhattikāni āyatanāni. Satta dhammā pariññeyyā – satta viññāṇaṭṭhitiyo. Aṭṭha dhammā pariññeyyā – aṭṭha lokadhammā. Nava dhammā pariññeyyā – nava sattāvāsā. Dasa dhammā pariññeyyā – dasāyatanāni.

    ‘‘সব্বং, ভিক্খৰে, পরিঞ্ঞেয্যং। কিঞ্চ, ভিক্খৰে, সব্বং পরিঞ্ঞেয্যং? চক্খু, ভিক্খৰে, পরিঞ্ঞেয্যং; রূপা পরিঞ্ঞেয্যা; চক্খুৰিঞ্ঞাণং পরিঞ্ঞেয্যং; চক্খুসম্ফস্সো পরিঞ্ঞেয্যো; যম্পিদং চক্খুসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা, তম্পি পরিঞ্ঞেয্যং। সোতং পরিঞ্ঞেয্যং; সদ্দা পরিঞ্ঞেয্যা…পে॰… ঘানং পরিঞ্ঞেয্যং, গন্ধা পরিঞ্ঞেয্যা… জিৰ্হা পরিঞ্ঞেয্যা; রসা পরিঞ্ঞেয্যা… কাযো পরিঞ্ঞেয্যো; ফোট্ঠব্বা পরিঞ্ঞেয্যা…পে॰… মনো পরিঞ্ঞেয্যো; ধম্মা পরিঞ্ঞেয্যা… মনোৰিঞ্ঞাণং পরিঞ্ঞেয্যং; মনোসম্ফস্সো পরিঞ্ঞেয্যো; যম্পিদং মনোসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা, তম্পি পরিঞ্ঞেয্যং।’’ রূপং পরিঞ্ঞেয্যং…পে॰… ৰেদনা পরিঞ্ঞেয্যা… সঞ্ঞা পরিঞ্ঞেয্যা… সঙ্খারা পরিঞ্ঞেয্যা… ৰিঞ্ঞাণং পরিঞ্ঞেয্যং… চক্খু পরিঞ্ঞেয্যং…পে॰… জরামরণং পরিঞ্ঞেয্যং… অমতোগধং নিব্বানং পরিযোসানট্ঠেন পরিঞ্ঞেয্যং। যেসং যেসং ধম্মানং পটিলাভত্থায ৰাযমন্তস্স তে তে ধম্মা পটিলদ্ধা হোন্তি, এৰং তে ধম্মা পরিঞ্ঞাতা চেৰ হোন্তি তীরিতা চ।

    ‘‘Sabbaṃ, bhikkhave, pariññeyyaṃ. Kiñca, bhikkhave, sabbaṃ pariññeyyaṃ? Cakkhu, bhikkhave, pariññeyyaṃ; rūpā pariññeyyā; cakkhuviññāṇaṃ pariññeyyaṃ; cakkhusamphasso pariññeyyo; yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi pariññeyyaṃ. Sotaṃ pariññeyyaṃ; saddā pariññeyyā…pe… ghānaṃ pariññeyyaṃ, gandhā pariññeyyā… jivhā pariññeyyā; rasā pariññeyyā… kāyo pariññeyyo; phoṭṭhabbā pariññeyyā…pe… mano pariññeyyo; dhammā pariññeyyā… manoviññāṇaṃ pariññeyyaṃ; manosamphasso pariññeyyo; yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi pariññeyyaṃ.’’ Rūpaṃ pariññeyyaṃ…pe… vedanā pariññeyyā… saññā pariññeyyā… saṅkhārā pariññeyyā… viññāṇaṃ pariññeyyaṃ… cakkhu pariññeyyaṃ…pe… jarāmaraṇaṃ pariññeyyaṃ… amatogadhaṃ nibbānaṃ pariyosānaṭṭhena pariññeyyaṃ. Yesaṃ yesaṃ dhammānaṃ paṭilābhatthāya vāyamantassa te te dhammā paṭiladdhā honti, evaṃ te dhammā pariññātā ceva honti tīritā ca.

    ২২. নেক্খম্মং পটিলাভত্থায ৰাযমন্তস্স নেক্খম্মং পটিলদ্ধং হোতি। এৰং সো ধম্মো পরিঞ্ঞাতো চেৰ হোতি তীরিতো চ। অব্যাপাদং পটিলাভত্থায ৰাযমন্তস্স অব্যাপাদো পটিলদ্ধো হোতি। এৰং সো ধম্মো পরিঞ্ঞাতো চেৰ হোতি তীরিতো চ। আলোকসঞ্ঞং পটিলাভত্থায ৰাযমন্তস্স আলোকসঞ্ঞা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। অৰিক্খেপং পটিলাভত্থায ৰাযমন্তস্স অৰিক্খেপো পটিলদ্ধো হোতি। এৰং সো ধম্মো পরিঞ্ঞাতো চেৰ হোতি তীরিতো চ। ধম্মৰৰত্থানং পটিলাভত্থায ৰাযমন্তস্স ধম্মৰৰত্থানং পটিলদ্ধং হোতি। এৰং সো ধম্মো পরিঞ্ঞাতো চেৰ হোতি তীরিতো চ। ঞাণং পটিলাভত্থায ৰাযমন্তস্স ঞাণং পটিলদ্ধং হোতি। এৰং সো ধম্মো পরিঞ্ঞাতো চেৰ হোতি তীরিতো চ। পামোজ্জং পটিলাভত্থায ৰাযমন্তস্স পামোজ্জং পটিলদ্ধং হোতি। এৰং সো ধম্মো পরিঞ্ঞাতো চেৰ হোতি তীরিতো চ।

    22. Nekkhammaṃ paṭilābhatthāya vāyamantassa nekkhammaṃ paṭiladdhaṃ hoti. Evaṃ so dhammo pariññāto ceva hoti tīrito ca. Abyāpādaṃ paṭilābhatthāya vāyamantassa abyāpādo paṭiladdho hoti. Evaṃ so dhammo pariññāto ceva hoti tīrito ca. Ālokasaññaṃ paṭilābhatthāya vāyamantassa ālokasaññā paṭiladdhā hoti. Evaṃ so dhammo pariññāto ceva hoti tīrito ca. Avikkhepaṃ paṭilābhatthāya vāyamantassa avikkhepo paṭiladdho hoti. Evaṃ so dhammo pariññāto ceva hoti tīrito ca. Dhammavavatthānaṃ paṭilābhatthāya vāyamantassa dhammavavatthānaṃ paṭiladdhaṃ hoti. Evaṃ so dhammo pariññāto ceva hoti tīrito ca. Ñāṇaṃ paṭilābhatthāya vāyamantassa ñāṇaṃ paṭiladdhaṃ hoti. Evaṃ so dhammo pariññāto ceva hoti tīrito ca. Pāmojjaṃ paṭilābhatthāya vāyamantassa pāmojjaṃ paṭiladdhaṃ hoti. Evaṃ so dhammo pariññāto ceva hoti tīrito ca.

    পঠমং ঝানং পটিলাভত্থায ৰাযমন্তস্স পঠমং ঝানং পটিলদ্ধং হোতি। এৰং সো ধম্মো পরিঞ্ঞাতো চেৰ হোতি তীরিতো চ। দুতিযং ঝানং…পে॰… ততিযং ঝানং… চতুত্থং ঝানং পটিলাভত্থায ৰাযমন্তস্স চতুত্থং ঝানং পটিলদ্ধং হোতি। এৰং সো ধম্মো পরিঞ্ঞাতো চেৰ হোতি তীরিতো চ। আকাসানঞ্চাযতনসমাপত্তিং পটিলাভত্থায ৰাযমন্তস্স আকাসানঞ্চাযতনসমাপত্তি পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। ৰিঞ্ঞাণঞ্চাযতনসমাপত্তিং পটিলাভত্থায ৰাযমন্তস্স ৰিঞ্ঞাণঞ্চাযতনসমাপত্তি পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। আকিঞ্চঞ্ঞাযতনসমাপত্তিং পটিলাভত্থায ৰাযমন্তস্স আকিঞ্চঞ্ঞাযতনসমাপত্তি পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। নেৰসঞ্ঞানাসঞ্ঞাযতনসমাপত্তিং পটিলাভত্থায ৰাযমন্তস্স নেৰসঞ্ঞানাসঞ্ঞাযতনসমাপত্তি পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ।

    Paṭhamaṃ jhānaṃ paṭilābhatthāya vāyamantassa paṭhamaṃ jhānaṃ paṭiladdhaṃ hoti. Evaṃ so dhammo pariññāto ceva hoti tīrito ca. Dutiyaṃ jhānaṃ…pe… tatiyaṃ jhānaṃ… catutthaṃ jhānaṃ paṭilābhatthāya vāyamantassa catutthaṃ jhānaṃ paṭiladdhaṃ hoti. Evaṃ so dhammo pariññāto ceva hoti tīrito ca. Ākāsānañcāyatanasamāpattiṃ paṭilābhatthāya vāyamantassa ākāsānañcāyatanasamāpatti paṭiladdhā hoti. Evaṃ so dhammo pariññāto ceva hoti tīrito ca. Viññāṇañcāyatanasamāpattiṃ paṭilābhatthāya vāyamantassa viññāṇañcāyatanasamāpatti paṭiladdhā hoti. Evaṃ so dhammo pariññāto ceva hoti tīrito ca. Ākiñcaññāyatanasamāpattiṃ paṭilābhatthāya vāyamantassa ākiñcaññāyatanasamāpatti paṭiladdhā hoti. Evaṃ so dhammo pariññāto ceva hoti tīrito ca. Nevasaññānāsaññāyatanasamāpattiṃ paṭilābhatthāya vāyamantassa nevasaññānāsaññāyatanasamāpatti paṭiladdhā hoti. Evaṃ so dhammo pariññāto ceva hoti tīrito ca.

    অনিচ্চানুপস্সনং পটিলাভত্থায ৰাযমন্তস্স অনিচ্চানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। দুক্খানুপস্সনং পটিলাভত্থায ৰাযমন্তস্স দুক্খানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। অনত্তানুপস্সনং পটিলাভত্থায ৰাযমন্তস্স অনত্তানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। নিব্বিদানুপস্সনং পটিলাভত্থায ৰাযমন্তস্স নিব্বিদানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। ৰিরাগানুপস্সনং পটিলাভত্থায ৰাযমন্তস্স ৰিরাগানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। নিরোধানুপস্সনং পটিলাভত্থায ৰাযমন্তস্স নিরোধানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। পটিনিস্সগ্গানুপস্সনং পটিলাভত্থায ৰাযমন্তস্স পটিনিস্সগ্গানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। খযানুপস্সনং পটিলাভত্থায ৰাযমন্তস্স খযানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। ৰযানুপস্সনং পটিলাভত্থায ৰাযমন্তস্স ৰযানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। ৰিপরিণামানুপস্সনং পটিলাভত্থায ৰাযমন্তস্স ৰিপরিণামানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। অনিমিত্তানুপস্সনং পটিলাভত্থায ৰাযমন্তস্স অনিমিত্তানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। অপ্পণিহিতানুপস্সনং পটিলাভত্থায ৰাযমন্তস্স অপ্পণিহিতানুপস্সনা পটিলদ্ধা হোতি । এৰং সো ধম্মো পরিঞ্ঞাতো চেৰ হোতি তীরিতো চ। সুঞ্ঞতানুপস্সনং পটিলাভত্থায ৰাযমন্তস্স সুঞ্ঞতানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ।

    Aniccānupassanaṃ paṭilābhatthāya vāyamantassa aniccānupassanā paṭiladdhā hoti. Evaṃ so dhammo pariññāto ceva hoti tīrito ca. Dukkhānupassanaṃ paṭilābhatthāya vāyamantassa dukkhānupassanā paṭiladdhā hoti. Evaṃ so dhammo pariññāto ceva hoti tīrito ca. Anattānupassanaṃ paṭilābhatthāya vāyamantassa anattānupassanā paṭiladdhā hoti. Evaṃ so dhammo pariññāto ceva hoti tīrito ca. Nibbidānupassanaṃ paṭilābhatthāya vāyamantassa nibbidānupassanā paṭiladdhā hoti. Evaṃ so dhammo pariññāto ceva hoti tīrito ca. Virāgānupassanaṃ paṭilābhatthāya vāyamantassa virāgānupassanā paṭiladdhā hoti. Evaṃ so dhammo pariññāto ceva hoti tīrito ca. Nirodhānupassanaṃ paṭilābhatthāya vāyamantassa nirodhānupassanā paṭiladdhā hoti. Evaṃ so dhammo pariññāto ceva hoti tīrito ca. Paṭinissaggānupassanaṃ paṭilābhatthāya vāyamantassa paṭinissaggānupassanā paṭiladdhā hoti. Evaṃ so dhammo pariññāto ceva hoti tīrito ca. Khayānupassanaṃ paṭilābhatthāya vāyamantassa khayānupassanā paṭiladdhā hoti. Evaṃ so dhammo pariññāto ceva hoti tīrito ca. Vayānupassanaṃ paṭilābhatthāya vāyamantassa vayānupassanā paṭiladdhā hoti. Evaṃ so dhammo pariññāto ceva hoti tīrito ca. Vipariṇāmānupassanaṃ paṭilābhatthāya vāyamantassa vipariṇāmānupassanā paṭiladdhā hoti. Evaṃ so dhammo pariññāto ceva hoti tīrito ca. Animittānupassanaṃ paṭilābhatthāya vāyamantassa animittānupassanā paṭiladdhā hoti. Evaṃ so dhammo pariññāto ceva hoti tīrito ca. Appaṇihitānupassanaṃ paṭilābhatthāya vāyamantassa appaṇihitānupassanā paṭiladdhā hoti . Evaṃ so dhammo pariññāto ceva hoti tīrito ca. Suññatānupassanaṃ paṭilābhatthāya vāyamantassa suññatānupassanā paṭiladdhā hoti. Evaṃ so dhammo pariññāto ceva hoti tīrito ca.

    অধিপঞ্ঞাধম্মৰিপস্সনং পটিলাভত্থায ৰাযমন্তস্স অধিপঞ্ঞাধম্মৰিপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। যথাভূতঞাণদস্সনং পটিলাভত্থায ৰাযমন্তস্স যথাভূতঞাণদস্সনং পটিলদ্ধং হোতি। এৰং সো ধম্মো পরিঞ্ঞাতো চেৰ হোতি তীরিতো চ। আদীনৰানুপস্সনং পটিলাভত্থায ৰাযমন্তস্স আদীনৰানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। পটিসঙ্খানুপস্সনং পটিলাভত্থায ৰাযমন্তস্স পটিসঙ্খানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ। ৰিৰট্টনানুপস্সনং পটিলাভত্থায ৰাযমন্তস্স ৰিৰট্টনানুপস্সনা পটিলদ্ধা হোতি। এৰং সো ধম্মো পরিঞ্ঞাতো চেৰ হোতি তীরিতো চ।

    Adhipaññādhammavipassanaṃ paṭilābhatthāya vāyamantassa adhipaññādhammavipassanā paṭiladdhā hoti. Evaṃ so dhammo pariññāto ceva hoti tīrito ca. Yathābhūtañāṇadassanaṃ paṭilābhatthāya vāyamantassa yathābhūtañāṇadassanaṃ paṭiladdhaṃ hoti. Evaṃ so dhammo pariññāto ceva hoti tīrito ca. Ādīnavānupassanaṃ paṭilābhatthāya vāyamantassa ādīnavānupassanā paṭiladdhā hoti. Evaṃ so dhammo pariññāto ceva hoti tīrito ca. Paṭisaṅkhānupassanaṃ paṭilābhatthāya vāyamantassa paṭisaṅkhānupassanā paṭiladdhā hoti. Evaṃ so dhammo pariññāto ceva hoti tīrito ca. Vivaṭṭanānupassanaṃ paṭilābhatthāya vāyamantassa vivaṭṭanānupassanā paṭiladdhā hoti. Evaṃ so dhammo pariññāto ceva hoti tīrito ca.

    সোতাপত্তিমগ্গং পটিলাভত্থায ৰাযমন্তস্স সোতাপত্তিমগ্গো পটিলদ্ধো হোতি। এৰং সো ধম্মো পরিঞ্ঞাতো চেৰ হোতি তীরিতো চ। সকদাগামিমগ্গং পটিলাভত্থায ৰাযমন্তস্স সকদাগামিমগ্গো পটিলদ্ধো হোতি। এৰং সো ধম্মো পরিঞ্ঞাতো চেৰ হোতি তীরিতো চ। অনাগামিমগ্গং পটিলাভত্থায ৰাযমন্তস্স অনাগামিমগ্গো পটিলদ্ধো হোতি। এৰং সো ধম্মো পরিঞ্ঞাতো চেৰ হোতি তীরিতো চ। অরহত্তমগ্গং পটিলাভত্থায ৰাযমন্তস্স অরহত্তমগ্গো পটিলদ্ধো হোতি। এৰং সো ধম্মো পরিঞ্ঞাতো চেৰ হোতি তীরিতো চ।

    Sotāpattimaggaṃ paṭilābhatthāya vāyamantassa sotāpattimaggo paṭiladdho hoti. Evaṃ so dhammo pariññāto ceva hoti tīrito ca. Sakadāgāmimaggaṃ paṭilābhatthāya vāyamantassa sakadāgāmimaggo paṭiladdho hoti. Evaṃ so dhammo pariññāto ceva hoti tīrito ca. Anāgāmimaggaṃ paṭilābhatthāya vāyamantassa anāgāmimaggo paṭiladdho hoti. Evaṃ so dhammo pariññāto ceva hoti tīrito ca. Arahattamaggaṃ paṭilābhatthāya vāyamantassa arahattamaggo paṭiladdho hoti. Evaṃ so dhammo pariññāto ceva hoti tīrito ca.

    যেসং যেসং ধম্মানং পটিলাভত্থায ৰাযমন্তস্স তে তে ধম্মা পটিলদ্ধা হোন্তি। এৰং তে ধম্মা পরিঞ্ঞাতা চেৰ হোন্তি তীরিতা চ। তং ঞাতট্ঠেন ঞাণং, পজাননট্ঠেন পঞ্ঞা। তেন ৰুচ্চতি – ‘‘ইমে ধম্মা পরিঞ্ঞেয্যাতি সোতাৰধানং, তংপজাননা পঞ্ঞা সুতমযে ঞাণ’’ন্তি।

    Yesaṃ yesaṃ dhammānaṃ paṭilābhatthāya vāyamantassa te te dhammā paṭiladdhā honti. Evaṃ te dhammā pariññātā ceva honti tīritā ca. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘ime dhammā pariññeyyāti sotāvadhānaṃ, taṃpajānanā paññā sutamaye ñāṇa’’nti.

    ২৩. কথং ‘‘ইমে ধম্মা পহাতব্বা’’তি সোতাৰধানং, তংপজাননা পঞ্ঞা সুতমযে ঞাণং?

    23. Kathaṃ ‘‘ime dhammā pahātabbā’’ti sotāvadhānaṃ, taṃpajānanā paññā sutamaye ñāṇaṃ?

    একো ধম্মো পহাতব্বো – অস্মিমানো। দ্ৰে ধম্মা পহাতব্বা – অৰিজ্জা চ ভৰতণ্হা চ। তযো ধম্মা পহাতব্বা – তিস্সো তণ্হা। চত্তারো ধম্মা পহাতব্বা – চত্তারো ওঘা। পঞ্চ ধম্মা পহাতব্বা – পঞ্চ নীৰরণানি। ছ ধম্মা পহাতব্বা – ছ তণ্হাকাযা। সত্ত ধম্মা পহাতব্বা – সত্তানুসযা। অট্ঠ ধম্মা পহাতব্বা – অট্ঠ মিচ্ছত্তা। নৰ ধম্মা পহাতব্বা – নৰ তণ্হামূলকা। দস ধম্মা পহাতব্বা – দস মিচ্ছত্তা।

    Eko dhammo pahātabbo – asmimāno. Dve dhammā pahātabbā – avijjā ca bhavataṇhā ca. Tayo dhammā pahātabbā – tisso taṇhā. Cattāro dhammā pahātabbā – cattāro oghā. Pañca dhammā pahātabbā – pañca nīvaraṇāni. Cha dhammā pahātabbā – cha taṇhākāyā. Satta dhammā pahātabbā – sattānusayā. Aṭṭha dhammā pahātabbā – aṭṭha micchattā. Nava dhammā pahātabbā – nava taṇhāmūlakā. Dasa dhammā pahātabbā – dasa micchattā.

    ২৪. দ্ৰে পহানানি – সমুচ্ছেদপ্পহানং, পটিপ্পস্সদ্ধিপ্পহানং। সমুচ্ছেদপ্পহানঞ্চ লোকুত্তরং খযগামিমগ্গং ভাৰযতো; পটিপ্পস্সদ্ধিপ্পহানঞ্চ ফলক্খণে। তীণি পহানানি – কামানমেতং নিস্সরণং যদিদং নেক্খম্মং; রূপানমেতং নিস্সরণং যদিদং আরুপ্পং; যং খো পন কিঞ্চি ভূতং সঙ্খতং পটিচ্চসমুপ্পন্নং, নিরোধো তস্স নিস্সরণং। নেক্খম্মং পটিলদ্ধস্স কামা পহীনা চেৰ হোন্তি পরিচ্চত্তা চ। আরুপ্পং পটিলদ্ধস্স রূপা পহীনা চেৰ হোন্তি পরিচ্চত্তা চ। নিরোধং পটিলদ্ধস্স সঙ্খারা পহীনা চেৰ হোন্তি পরিচ্চত্তা চ। চত্তারি পহানানি দুক্খসচ্চং পরিঞ্ঞাপটিৰেধং পটিৰিজ্ঝন্তো পজহতি; সমুদযসচ্চং পহানপটিৰেধং পটিৰিজ্ঝন্তো পজহতি; নিরোধসচ্চং সচ্ছিকিরিযাপটিৰেধং পটিৰিজ্ঝন্তো পজহতি; মগ্গসচ্চং ভাৰনাপটিৰেধং পটিৰিজ্ঝন্তো পজহতি। পঞ্চ পহানানি – ৰিক্খম্ভনপ্পহানং, তদঙ্গপ্পহানং, সমুচ্ছেদপ্পহানং, পটিপ্পস্সদ্ধিপ্পহানং, নিস্সরণপ্পহানং। ৰিক্খম্ভনপ্পহানঞ্চ নীৰরণানং পঠমং ঝানং ভাৰযতো; তদঙ্গপ্পহানঞ্চ দিট্ঠিগতানং নিব্বেধভাগিযং সমাধিং ভাৰযতো; সমুচ্ছেদপ্পহানঞ্চ লোকুত্তরং খযগামিমগ্গং ভাৰযতো; পটিপ্পস্সদ্ধিপ্পহানঞ্চ ফলক্খণে; নিস্সরণপ্পহানঞ্চ নিরোধো নিব্বানং।

    24. Dve pahānāni – samucchedappahānaṃ, paṭippassaddhippahānaṃ. Samucchedappahānañca lokuttaraṃ khayagāmimaggaṃ bhāvayato; paṭippassaddhippahānañca phalakkhaṇe. Tīṇi pahānāni – kāmānametaṃ nissaraṇaṃ yadidaṃ nekkhammaṃ; rūpānametaṃ nissaraṇaṃ yadidaṃ āruppaṃ; yaṃ kho pana kiñci bhūtaṃ saṅkhataṃ paṭiccasamuppannaṃ, nirodho tassa nissaraṇaṃ. Nekkhammaṃ paṭiladdhassa kāmā pahīnā ceva honti pariccattā ca. Āruppaṃ paṭiladdhassa rūpā pahīnā ceva honti pariccattā ca. Nirodhaṃ paṭiladdhassa saṅkhārā pahīnā ceva honti pariccattā ca. Cattāri pahānāni dukkhasaccaṃ pariññāpaṭivedhaṃ paṭivijjhanto pajahati; samudayasaccaṃ pahānapaṭivedhaṃ paṭivijjhanto pajahati; nirodhasaccaṃ sacchikiriyāpaṭivedhaṃ paṭivijjhanto pajahati; maggasaccaṃ bhāvanāpaṭivedhaṃ paṭivijjhanto pajahati. Pañca pahānāni – vikkhambhanappahānaṃ, tadaṅgappahānaṃ, samucchedappahānaṃ, paṭippassaddhippahānaṃ, nissaraṇappahānaṃ. Vikkhambhanappahānañca nīvaraṇānaṃ paṭhamaṃ jhānaṃ bhāvayato; tadaṅgappahānañca diṭṭhigatānaṃ nibbedhabhāgiyaṃ samādhiṃ bhāvayato; samucchedappahānañca lokuttaraṃ khayagāmimaggaṃ bhāvayato; paṭippassaddhippahānañca phalakkhaṇe; nissaraṇappahānañca nirodho nibbānaṃ.

    ‘‘সব্বং, ভিক্খৰে, পহাতব্বং। কিঞ্চ, ভিক্খৰে, সব্বং পহাতব্বং? চক্খু, ভিক্খৰে, পহাতব্বং; রূপা পহাতব্বা; চক্খুৰিঞ্ঞাণং পহাতব্বং; চক্খুসম্ফস্সো পহাতব্বো; যম্পিদং চক্খুসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা, তম্পি পহাতব্বং। সোতং পহাতব্বং; সদ্দা পহাতব্বা…পে॰… ঘানং পহাতব্বং; গন্ধা পহাতব্বা… জিৰ্হা পহাতব্বা; রসা পহাতব্বা… কাযো পহাতব্বো; ফোট্ঠব্বা পহাতব্বা… মনো পহাতব্বো; ধম্মা পহাতব্বা… মনোৰিঞ্ঞাণং পহাতব্বং;… মনোসম্ফস্সো পহাতব্বো; যম্পিদং মনোসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা, তম্পি পহাতব্বং।’’ রূপং পস্সন্তো পজহতি, ৰেদনং পস্সন্তো পজহতি, সঞ্ঞং পস্সন্তো পজহতি, সঙ্খারে পস্সন্তো পজহতি, ৰিঞ্ঞাণং পস্সন্তো পজহতি। চক্খুং…পে॰… জরামরণং…পে॰… অমতোগধং নিব্বানং পরিযোসানট্ঠেন পস্সন্তো পজহতি। যে যে ধম্মা পহীনা হোন্তি তে তে ধম্মা পরিচ্চত্তা হোন্তি। তং ঞাতট্ঠেন ঞাণং, পজাননট্ঠেন পঞ্ঞা। তেন ৰুচ্চতি – ‘‘ইমে ধম্মা পহাতব্বাতি সোতাৰধানং, তং পজাননা পঞ্ঞা সুতমযে ঞাণ’’ন্তি।

    ‘‘Sabbaṃ, bhikkhave, pahātabbaṃ. Kiñca, bhikkhave, sabbaṃ pahātabbaṃ? Cakkhu, bhikkhave, pahātabbaṃ; rūpā pahātabbā; cakkhuviññāṇaṃ pahātabbaṃ; cakkhusamphasso pahātabbo; yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi pahātabbaṃ. Sotaṃ pahātabbaṃ; saddā pahātabbā…pe… ghānaṃ pahātabbaṃ; gandhā pahātabbā… jivhā pahātabbā; rasā pahātabbā… kāyo pahātabbo; phoṭṭhabbā pahātabbā… mano pahātabbo; dhammā pahātabbā… manoviññāṇaṃ pahātabbaṃ;… manosamphasso pahātabbo; yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi pahātabbaṃ.’’ Rūpaṃ passanto pajahati, vedanaṃ passanto pajahati, saññaṃ passanto pajahati, saṅkhāre passanto pajahati, viññāṇaṃ passanto pajahati. Cakkhuṃ…pe… jarāmaraṇaṃ…pe… amatogadhaṃ nibbānaṃ pariyosānaṭṭhena passanto pajahati. Ye ye dhammā pahīnā honti te te dhammā pariccattā honti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘ime dhammā pahātabbāti sotāvadhānaṃ, taṃ pajānanā paññā sutamaye ñāṇa’’nti.

    ততিযভাণৰারো।

    Tatiyabhāṇavāro.

    ২৫. কথং ‘‘ইমে ধম্মা ভাৰেতব্বা’’তি সোতাৰধানং, তংপজাননা পঞ্ঞা সুতমযে ঞাণং?

    25. Kathaṃ ‘‘ime dhammā bhāvetabbā’’ti sotāvadhānaṃ, taṃpajānanā paññā sutamaye ñāṇaṃ?

    একো ধম্মো ভাৰেতব্বো – কাযগতাসতি সাতসহগতা। দ্ৰে ধম্মা ভাৰেতব্বা – সমথো চ ৰিপস্সনা চ। তযো ধম্মা ভাৰেতব্বা – তযো সমাধী। চত্তারো ধম্মা ভাৰেতব্বা – চত্তারো সতিপট্ঠানা। পঞ্চ ধম্মা ভাৰেতব্বা – পঞ্চঙ্গিকো সমাধি 45। ছ ধম্মা ভাৰেতব্বা – ছ অনুস্সতিট্ঠানানি। সত্ত ধম্মা ভাৰেতব্বা – সত্ত বোজ্ঝঙ্গা। অট্ঠ ধম্মা ভাৰেতব্বা – অরিযো অট্ঠঙ্গিকো মগ্গো। নৰ ধম্মা ভাৰেতব্বা – নৰ পারিসুদ্ধিপধানিযঙ্গানি। দস ধম্মা ভাৰেতব্বা – দস কসিণাযতনানি।

    Eko dhammo bhāvetabbo – kāyagatāsati sātasahagatā. Dve dhammā bhāvetabbā – samatho ca vipassanā ca. Tayo dhammā bhāvetabbā – tayo samādhī. Cattāro dhammā bhāvetabbā – cattāro satipaṭṭhānā. Pañca dhammā bhāvetabbā – pañcaṅgiko samādhi 46. Cha dhammā bhāvetabbā – cha anussatiṭṭhānāni. Satta dhammā bhāvetabbā – satta bojjhaṅgā. Aṭṭha dhammā bhāvetabbā – ariyo aṭṭhaṅgiko maggo. Nava dhammā bhāvetabbā – nava pārisuddhipadhāniyaṅgāni. Dasa dhammā bhāvetabbā – dasa kasiṇāyatanāni.

    ২৬. দ্ৰে ভাৰনা – লোকিযা চ ভাৰনা, লোকুত্তরা চ ভাৰনা। তিস্সো ভাৰনা – রূপাৰচরকুসলানং ধম্মানং ভাৰনা, অরূপাৰচরকুসলানং ধম্মানং ভাৰনা, অপরিযাপন্নকুসলানং ধম্মানং ভাৰনা। রূপাৰচরকুসলানং ধম্মানং ভাৰনা অত্থি হীনা, অত্থি মজ্ঝিমা, অত্থি পণীতা। অরূপাৰচরকুসলানং ধম্মানং ভাৰনা অত্থি হীনা , অত্থি মজ্ঝিমা, অত্থি পণীতা। অপরিযাপন্নকুসলানং ধম্মানং ভাৰনা পণীতা।

    26. Dve bhāvanā – lokiyā ca bhāvanā, lokuttarā ca bhāvanā. Tisso bhāvanā – rūpāvacarakusalānaṃ dhammānaṃ bhāvanā, arūpāvacarakusalānaṃ dhammānaṃ bhāvanā, apariyāpannakusalānaṃ dhammānaṃ bhāvanā. Rūpāvacarakusalānaṃ dhammānaṃ bhāvanā atthi hīnā, atthi majjhimā, atthi paṇītā. Arūpāvacarakusalānaṃ dhammānaṃ bhāvanā atthi hīnā , atthi majjhimā, atthi paṇītā. Apariyāpannakusalānaṃ dhammānaṃ bhāvanā paṇītā.

    ২৭. চতস্সো ভাৰনা – দুক্খসচ্চং পরিঞ্ঞাপটিৰেধং পটিৰিজ্ঝন্তো ভাৰেতি, সমুদযসচ্চং পহানপ্পটিৰেধং পটিৰিজ্ঝন্তো ভাৰেতি, নিরোধসচ্চং সচ্ছিকিরিযাপটিৰেধং পটিৰিজ্ঝন্তো ভাৰেতি, মগ্গসচ্চং ভাৰনাপটিৰেধং পটিৰিজ্ঝন্তো ভাৰেতি। ইমা চতস্সো ভাৰনা।

    27. Catasso bhāvanā – dukkhasaccaṃ pariññāpaṭivedhaṃ paṭivijjhanto bhāveti, samudayasaccaṃ pahānappaṭivedhaṃ paṭivijjhanto bhāveti, nirodhasaccaṃ sacchikiriyāpaṭivedhaṃ paṭivijjhanto bhāveti, maggasaccaṃ bhāvanāpaṭivedhaṃ paṭivijjhanto bhāveti. Imā catasso bhāvanā.

    অপরাপি চতস্সো ভাৰনা – এসনাভাৰনা, পটিলাভাভাৰনা, একরসাভাৰনা, আসেৰনাভাৰনা। কতমা এসনাভাৰনা? সব্বেসং সমাধিং সমাপজ্জন্তানং তত্থ জাতা ধম্মা একরসা হোন্তীতি – অযং এসনাভাৰনা। কতমা পটিলাভাভাৰনা? সব্বেসং সমাধিং সমাপন্নানং তত্থ জাতা ধম্মা অঞ্ঞমঞ্ঞং নাতিৰত্তন্তীতি – অযং পটিলাভাভাৰনা। কতমা একরসাভাৰনা? অধিমোক্খট্ঠেন সদ্ধিন্দ্রিযং ভাৰযতো সদ্ধিন্দ্রিযস্স ৰসেন চত্তারি ইন্দ্রিযানি একরসা হোন্তীতি – ইন্দ্রিযানং একরসট্ঠেন ভাৰনা। পগ্গহট্ঠেন ৰীরিযিন্দ্রিযং ভাৰযতো ৰীরিযিন্দ্রিযস্স ৰসেন চত্তারি ইন্দ্রিযানি একরসা হোন্তীতি – ইন্দ্রিযানং একরসট্ঠেন ভাৰনা । উপট্ঠানট্ঠেন সতিন্দ্রিযং ভাৰযতো সতিন্দ্রিযস্স ৰসেন চত্তারি ইন্দ্রিযানি একরসা হোন্তীতি – ইন্দ্রিযানং একরসট্ঠেন ভাৰনা। অৰিক্খেপট্ঠেন সমাধিন্দ্রিযং ভাৰযতো সমাধিন্দ্রিযস্স ৰসেন চত্তারি ইন্দ্রিযানি একরসা হোন্তীতি – ইন্দ্রিযানং একরসট্ঠেন ভাৰনা। দস্সনট্ঠেন পঞ্ঞিন্দ্রিযং ভাৰযতো পঞ্ঞিন্দ্রিযস্স ৰসেন চত্তারি ইন্দ্রিযানি একরসা হোন্তীতি – ইন্দ্রিযানং একরসট্ঠেন ভাৰনা।

    Aparāpi catasso bhāvanā – esanābhāvanā, paṭilābhābhāvanā, ekarasābhāvanā, āsevanābhāvanā. Katamā esanābhāvanā? Sabbesaṃ samādhiṃ samāpajjantānaṃ tattha jātā dhammā ekarasā hontīti – ayaṃ esanābhāvanā. Katamā paṭilābhābhāvanā? Sabbesaṃ samādhiṃ samāpannānaṃ tattha jātā dhammā aññamaññaṃ nātivattantīti – ayaṃ paṭilābhābhāvanā. Katamā ekarasābhāvanā? Adhimokkhaṭṭhena saddhindriyaṃ bhāvayato saddhindriyassa vasena cattāri indriyāni ekarasā hontīti – indriyānaṃ ekarasaṭṭhena bhāvanā. Paggahaṭṭhena vīriyindriyaṃ bhāvayato vīriyindriyassa vasena cattāri indriyāni ekarasā hontīti – indriyānaṃ ekarasaṭṭhena bhāvanā . Upaṭṭhānaṭṭhena satindriyaṃ bhāvayato satindriyassa vasena cattāri indriyāni ekarasā hontīti – indriyānaṃ ekarasaṭṭhena bhāvanā. Avikkhepaṭṭhena samādhindriyaṃ bhāvayato samādhindriyassa vasena cattāri indriyāni ekarasā hontīti – indriyānaṃ ekarasaṭṭhena bhāvanā. Dassanaṭṭhena paññindriyaṃ bhāvayato paññindriyassa vasena cattāri indriyāni ekarasā hontīti – indriyānaṃ ekarasaṭṭhena bhāvanā.

    অস্সদ্ধিযে অকম্পিযট্ঠেন সদ্ধাবলং ভাৰযতো সদ্ধাবলস্স ৰসেন চত্তারি বলানি একরসা হোন্তীতি – বলানং একরসট্ঠেন ভাৰনা। কোসজ্জে অকম্পিযট্ঠেন ৰীরিযবলং ভাৰযতো ৰীরিযবলস্স ৰসেন চত্তারি বলানি একরসা হোন্তীতি – বলানং একরসট্ঠেন ভাৰনা। পমাদে অকম্পিযট্ঠেন সতিবলং ভাৰযতো সতিবলস্স ৰসেন চত্তারি বলানি একরসা হোন্তীতি – বলানং একরসট্ঠেন ভাৰনা। উদ্ধচ্চে অকম্পিযট্ঠেন সমাধিবলং ভাৰযতো সমাধিবলস্স ৰসেন চত্তারি বলানি একরসা হোন্তীতি – বলানং একরসট্ঠেন ভাৰনা। অৰিজ্জায অকম্পিযট্ঠেন পঞ্ঞাবলং ভাৰযতো পঞ্ঞাবলস্স ৰসেন চত্তারি বলানি একরসা হোন্তীতি – বলানং একরসট্ঠেন ভাৰনা।

    Assaddhiye akampiyaṭṭhena saddhābalaṃ bhāvayato saddhābalassa vasena cattāri balāni ekarasā hontīti – balānaṃ ekarasaṭṭhena bhāvanā. Kosajje akampiyaṭṭhena vīriyabalaṃ bhāvayato vīriyabalassa vasena cattāri balāni ekarasā hontīti – balānaṃ ekarasaṭṭhena bhāvanā. Pamāde akampiyaṭṭhena satibalaṃ bhāvayato satibalassa vasena cattāri balāni ekarasā hontīti – balānaṃ ekarasaṭṭhena bhāvanā. Uddhacce akampiyaṭṭhena samādhibalaṃ bhāvayato samādhibalassa vasena cattāri balāni ekarasā hontīti – balānaṃ ekarasaṭṭhena bhāvanā. Avijjāya akampiyaṭṭhena paññābalaṃ bhāvayato paññābalassa vasena cattāri balāni ekarasā hontīti – balānaṃ ekarasaṭṭhena bhāvanā.

    উপট্ঠানট্ঠেন সতিসম্বোজ্ঝঙ্গং ভাৰযতো সতিসম্বোজ্ঝঙ্গস্স ৰসেন ছ বোজ্ঝঙ্গা একরসা হোন্তীতি – বোজ্ঝঙ্গানং একরসট্ঠেন ভাৰনা। পৰিচযট্ঠেন ধম্মৰিচযসম্বোজ্ঝঙ্গং ভাৰযতো ধম্মৰিচযসম্বোজ্ঝঙ্গস্স ৰসেন ছ বোজ্ঝঙ্গা একরসা হোন্তীতি – বোজ্ঝঙ্গানং একরসট্ঠেন ভাৰনা। পগ্গহট্ঠেন ৰীরিযসম্বোজ্ঝঙ্গং ভাৰযতো ৰীরিযসম্বোজ্ঝঙ্গস্স ৰসেন ছ বোজ্ঝঙ্গা একরসা হোন্তীতি – বোজ্ঝঙ্গানং একরসট্ঠেন ভাৰনা। ফরণট্ঠেন পীতিসম্বোজ্ঝঙ্গং ভাৰযতো পীতিসম্বোজ্ঝঙ্গস্স ৰসেন ছ বোজ্ঝঙ্গা একরসা হোন্তীতি – বোজ্ঝঙ্গানং একরসট্ঠেন ভাৰনা। উপসমট্ঠেন পস্সদ্ধিসম্বোজ্ঝঙ্গং ভাৰযতো পস্সদ্ধিসম্বোজ্ঝঙ্গস্স ৰসেন ছ বোজ্ঝঙ্গা একরসা হোন্তীতি – বোজ্ঝঙ্গানং একরসট্ঠেন ভাৰনা। অৰিক্খেপট্ঠেন সমাধিসম্বোজ্ঝঙ্গং ভাৰযতো সমাধিসম্বোজ্ঝঙ্গস্স ৰসেন ছ বোজ্ঝঙ্গা একরসা হোন্তীতি – বোজ্ঝঙ্গানং একরসট্ঠেন ভাৰনা। পটিসঙ্খানট্ঠেন উপেক্খাসম্বোজ্ঝঙ্গং ভাৰযতো উপেক্খাসম্বোজ্ঝঙ্গস্স ৰসেন ছ বোজ্ঝঙ্গা একরসা হোন্তীতি – বোজ্ঝঙ্গানং একরসট্ঠেন ভাৰনা।

    Upaṭṭhānaṭṭhena satisambojjhaṅgaṃ bhāvayato satisambojjhaṅgassa vasena cha bojjhaṅgā ekarasā hontīti – bojjhaṅgānaṃ ekarasaṭṭhena bhāvanā. Pavicayaṭṭhena dhammavicayasambojjhaṅgaṃ bhāvayato dhammavicayasambojjhaṅgassa vasena cha bojjhaṅgā ekarasā hontīti – bojjhaṅgānaṃ ekarasaṭṭhena bhāvanā. Paggahaṭṭhena vīriyasambojjhaṅgaṃ bhāvayato vīriyasambojjhaṅgassa vasena cha bojjhaṅgā ekarasā hontīti – bojjhaṅgānaṃ ekarasaṭṭhena bhāvanā. Pharaṇaṭṭhena pītisambojjhaṅgaṃ bhāvayato pītisambojjhaṅgassa vasena cha bojjhaṅgā ekarasā hontīti – bojjhaṅgānaṃ ekarasaṭṭhena bhāvanā. Upasamaṭṭhena passaddhisambojjhaṅgaṃ bhāvayato passaddhisambojjhaṅgassa vasena cha bojjhaṅgā ekarasā hontīti – bojjhaṅgānaṃ ekarasaṭṭhena bhāvanā. Avikkhepaṭṭhena samādhisambojjhaṅgaṃ bhāvayato samādhisambojjhaṅgassa vasena cha bojjhaṅgā ekarasā hontīti – bojjhaṅgānaṃ ekarasaṭṭhena bhāvanā. Paṭisaṅkhānaṭṭhena upekkhāsambojjhaṅgaṃ bhāvayato upekkhāsambojjhaṅgassa vasena cha bojjhaṅgā ekarasā hontīti – bojjhaṅgānaṃ ekarasaṭṭhena bhāvanā.

    দস্সনট্ঠেন সম্মাদিট্ঠিং ভাৰযতো সম্মাদিট্ঠিযা ৰসেন সত্ত মগ্গঙ্গা একরসা হোন্তীতি – মগ্গঙ্গানং একরসট্ঠেন ভাৰনা। অভিনিরোপনট্ঠেন সম্মাসঙ্কপ্পং ভাৰযতো সম্মাসঙ্কপ্পস্স ৰসেন সত্ত মগ্গঙ্গা একরসা হোন্তীতি – মগ্গঙ্গানং একরসট্ঠেন ভাৰনা। পরিগ্গহট্ঠেন সম্মাৰাচং ভাৰযতো সম্মাৰাচায ৰসেন সত্ত মগ্গঙ্গা একরসা হোন্তীতি – মগ্গঙ্গানং একরসট্ঠেন ভাৰনা। সমুট্ঠানট্ঠেন সম্মাকম্মন্তং ভাৰযতো সম্মাকম্মন্তস্স ৰসেন সত্ত মগ্গঙ্গা একরসা হোন্তীতি – মগ্গঙ্গানং একরসট্ঠেন ভাৰনা। ৰোদানট্ঠেন সম্মাআজীৰং ভাৰযতো সম্মাআজীৰস্স ৰসেন সত্ত মগ্গঙ্গা একরসা হোন্তীতি – মগ্গঙ্গানং একরসট্ঠেন ভাৰনা । পগ্গহট্ঠেন সম্মাৰাযামং ভাৰযতো সম্মাৰাযামস্স ৰসেন সত্ত মগ্গঙ্গা একরসা হোন্তীতি – মগ্গঙ্গানং একরসট্ঠেন ভাৰনা। উপট্ঠানট্ঠেন সম্মাসতিং ভাৰযতো সম্মাসতিযা ৰসেন সত্ত মগ্গঙ্গা একরসা হোন্তীতি – মগ্গঙ্গানং একরসট্ঠেন ভাৰনা। অৰিক্খেপট্ঠেন সম্মাসমাধিং ভাৰযতো সম্মাসমাধিস্স ৰসেন সত্ত মগ্গঙ্গা একরসা হোন্তীতি – মগ্গঙ্গানং একরসট্ঠেন ভাৰনা। অযং একরসাভাৰনা।

    Dassanaṭṭhena sammādiṭṭhiṃ bhāvayato sammādiṭṭhiyā vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā. Abhiniropanaṭṭhena sammāsaṅkappaṃ bhāvayato sammāsaṅkappassa vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā. Pariggahaṭṭhena sammāvācaṃ bhāvayato sammāvācāya vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā. Samuṭṭhānaṭṭhena sammākammantaṃ bhāvayato sammākammantassa vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā. Vodānaṭṭhena sammāājīvaṃ bhāvayato sammāājīvassa vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā . Paggahaṭṭhena sammāvāyāmaṃ bhāvayato sammāvāyāmassa vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā. Upaṭṭhānaṭṭhena sammāsatiṃ bhāvayato sammāsatiyā vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā. Avikkhepaṭṭhena sammāsamādhiṃ bhāvayato sammāsamādhissa vasena satta maggaṅgā ekarasā hontīti – maggaṅgānaṃ ekarasaṭṭhena bhāvanā. Ayaṃ ekarasābhāvanā.

    কতমা আসেৰনাভাৰনা? ইধ ভিক্খু পুব্বণ্হসমযং আসেৰতি, মজ্ঝন্হিকসমযম্পি 47 আসেৰতি, সাযন্হসমযম্পি আসেৰতি, পুরেভত্তম্পি আসেৰতি, পচ্ছাভত্তম্পি আসেৰতি, পুরিমেপি যামে আসেৰতি, মজ্ঝিমেপি যামে আসেৰতি, পচ্ছিমেপি যামে আসেৰতি, রত্তিম্পি আসেৰতি, দিৰাপি আসেৰতি, রত্তিন্দিৰাপি 48 আসেৰতি, কাল়েপি আসেৰতি, জুণ্হেপি আসেৰতি, ৰস্সেপি আসেৰতি, হেমন্তেপি আসেৰতি, গিম্হেপি আসেৰতি, পুরিমেপি ৰযোখন্ধে আসেৰতি, মজ্ঝিমেপি ৰযোখন্ধে আসেৰতি, পচ্ছিমেপি ৰযোখন্ধে আসেৰতি – অযং আসেৰনাভাৰনা। ইমা চতস্সো ভাৰনা।

    Katamā āsevanābhāvanā? Idha bhikkhu pubbaṇhasamayaṃ āsevati, majjhanhikasamayampi 49 āsevati, sāyanhasamayampi āsevati, purebhattampi āsevati, pacchābhattampi āsevati, purimepi yāme āsevati, majjhimepi yāme āsevati, pacchimepi yāme āsevati, rattimpi āsevati, divāpi āsevati, rattindivāpi 50 āsevati, kāḷepi āsevati, juṇhepi āsevati, vassepi āsevati, hemantepi āsevati, gimhepi āsevati, purimepi vayokhandhe āsevati, majjhimepi vayokhandhe āsevati, pacchimepi vayokhandhe āsevati – ayaṃ āsevanābhāvanā. Imā catasso bhāvanā.

    ২৮. অপরাপি চতস্সো ভাৰনা – তত্থ জাতানং ধম্মানং অনতিৰত্তনট্ঠেন ভাৰনা, ইন্দ্রিযানং একরসট্ঠেন ভাৰনা, তদুপগৰীরিযৰাহনট্ঠেন ভাৰনা, আসেৰনট্ঠেন ভাৰনা। কথং তত্থ জাতানং ধম্মানং অনতিৰত্তনট্ঠেন ভাৰনা? কামচ্ছন্দং পজহতো নেক্খম্মৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। ব্যাপাদং পজহতো অব্যাপাদৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। থিনমিদ্ধং 51 পজহতো আলোকসঞ্ঞাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। উদ্ধচ্চং পজহতো অৰিক্খেপৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। ৰিচিকিচ্ছং পজহতো ধম্মৰৰত্থানৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। অৰিজ্জং পজহতো ঞাণৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা । অরতিং পজহতো পামোজ্জৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। নীৰরণে পজহতো পঠমজ্ঝানৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। ৰিতক্কৰিচারে পজহতো দুতিযজ্ঝানৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। পীতিং পজহতো ততিযজ্ঝানৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। সুখদুক্খে পজহতো চতুত্থজ্ঝানৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা।

    28. Aparāpi catasso bhāvanā – tattha jātānaṃ dhammānaṃ anativattanaṭṭhena bhāvanā, indriyānaṃ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā. Kathaṃ tattha jātānaṃ dhammānaṃ anativattanaṭṭhena bhāvanā? Kāmacchandaṃ pajahato nekkhammavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Byāpādaṃ pajahato abyāpādavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Thinamiddhaṃ 52 pajahato ālokasaññāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Uddhaccaṃ pajahato avikkhepavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Vicikicchaṃ pajahato dhammavavatthānavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Avijjaṃ pajahato ñāṇavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā . Aratiṃ pajahato pāmojjavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Nīvaraṇe pajahato paṭhamajjhānavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Vitakkavicāre pajahato dutiyajjhānavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Pītiṃ pajahato tatiyajjhānavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Sukhadukkhe pajahato catutthajjhānavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā.

    রূপসঞ্ঞং পটিঘসঞ্ঞং নানত্তসঞ্ঞং পজহতো আকাসানঞ্চাযতনসমাপত্তিৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা । আকাসানঞ্চাযতনসঞ্ঞং পজহতো ৰিঞ্ঞাণঞ্চাযতনসমাপত্তিৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। ৰিঞ্ঞাণঞ্চাযতনসঞ্ঞং পজহতো আকিঞ্চঞ্ঞাযতনসমাপত্তিৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। আকিঞ্চঞ্ঞাযতনসঞ্ঞং পজহতো নেৰসঞ্ঞানাসঞ্ঞাযতনসমাপত্তিৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা।

    Rūpasaññaṃ paṭighasaññaṃ nānattasaññaṃ pajahato ākāsānañcāyatanasamāpattivasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā . Ākāsānañcāyatanasaññaṃ pajahato viññāṇañcāyatanasamāpattivasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Viññāṇañcāyatanasaññaṃ pajahato ākiñcaññāyatanasamāpattivasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Ākiñcaññāyatanasaññaṃ pajahato nevasaññānāsaññāyatanasamāpattivasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā.

    নিচ্চসঞ্ঞং পজহতো অনিচ্চানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। সুখসঞ্ঞং পজহতো দুক্খানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। অত্তসঞ্ঞং পজহতো অনত্তানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। নন্দিং পজহতো নিব্বিদানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। রাগং পজহতো ৰিরাগানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। সমুদযং পজহতো নিরোধানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা । আদানং পজহতো পটিনিস্সগ্গানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। ঘনসঞ্ঞং পজহতো খযানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। আযূহনং পজহতো ৰযানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। ধুৰসঞ্ঞং পজহতো ৰিপরিণামানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। নিমিত্তং পজহতো অনিমিত্তানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। পণিধিং পজহতো অপ্পণিহিতানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। অভিনিৰেসং পজহতো সুঞ্ঞতানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। সারাদানাভিনিৰেসং পজহতো অধিপঞ্ঞা ধম্মৰিপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। সম্মোহাভিনিৰেসং পজহতো যথাভূতঞাণদস্সনৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। আলযাভিনিৰেসং পজহতো আদীনৰানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। অপ্পটিসঙ্খং পজহতো পটিসঙ্খানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। সঞ্ঞোগাভিনিৰেসং পজহতো ৰিৰট্টনানুপস্সনাৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা।

    Niccasaññaṃ pajahato aniccānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Sukhasaññaṃ pajahato dukkhānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Attasaññaṃ pajahato anattānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Nandiṃ pajahato nibbidānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Rāgaṃ pajahato virāgānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Samudayaṃ pajahato nirodhānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā . Ādānaṃ pajahato paṭinissaggānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Ghanasaññaṃ pajahato khayānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Āyūhanaṃ pajahato vayānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Dhuvasaññaṃ pajahato vipariṇāmānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Nimittaṃ pajahato animittānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Paṇidhiṃ pajahato appaṇihitānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Abhinivesaṃ pajahato suññatānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Sārādānābhinivesaṃ pajahato adhipaññā dhammavipassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Sammohābhinivesaṃ pajahato yathābhūtañāṇadassanavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Ālayābhinivesaṃ pajahato ādīnavānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Appaṭisaṅkhaṃ pajahato paṭisaṅkhānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Saññogābhinivesaṃ pajahato vivaṭṭanānupassanāvasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā.

    দিট্ঠেকট্ঠে কিলেসে পজহতো সোতাপত্তিমগ্গৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। ওল়ারিকে কিলেসে পজহতো সকদাগামিমগ্গৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। অনুসহগতে কিলেসে পজহতো অনাগামিমগ্গৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। সব্বকিলেসে পজহতো অরহত্তমগ্গৰসেন জাতা ধম্মা অঞ্ঞমঞ্ঞং নাতিৰত্তন্তীতি – তত্থ জাতানং ধম্মানং অনতিৰত্তনট্ঠেন ভাৰনা। এৰং তত্থ জাতানং ধম্মানং অনতিৰত্তনট্ঠেন ভাৰনা।

    Diṭṭhekaṭṭhe kilese pajahato sotāpattimaggavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Oḷārike kilese pajahato sakadāgāmimaggavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Anusahagate kilese pajahato anāgāmimaggavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Sabbakilese pajahato arahattamaggavasena jātā dhammā aññamaññaṃ nātivattantīti – tattha jātānaṃ dhammānaṃ anativattanaṭṭhena bhāvanā. Evaṃ tattha jātānaṃ dhammānaṃ anativattanaṭṭhena bhāvanā.

    কথং ইন্দ্রিযানং একরসট্ঠেন ভাৰনা? কামচ্ছন্দং পজহতো নেক্খম্মৰসেন পঞ্চিন্দ্রিযানি একরসা হোন্তীতি – ইন্দ্রিযানং একরসট্ঠেন ভাৰনা। ব্যাপাদং পজহতো অব্যাপাদৰসেন পঞ্চিন্দ্রিযানি একরসা হোন্তীতি – ইন্দ্রিযানং একরসট্ঠেন ভাৰনা…পে॰… সব্বকিলেসে পজহতো অরহত্তমগ্গৰসেন পঞ্চিন্দ্রিযানি একরসা হোন্তীতি – ইন্দ্রিযানং একরসট্ঠেন ভাৰনা। এৰং ইন্দ্রিযানং একরসট্ঠেন ভাৰনা।

    Kathaṃ indriyānaṃ ekarasaṭṭhena bhāvanā? Kāmacchandaṃ pajahato nekkhammavasena pañcindriyāni ekarasā hontīti – indriyānaṃ ekarasaṭṭhena bhāvanā. Byāpādaṃ pajahato abyāpādavasena pañcindriyāni ekarasā hontīti – indriyānaṃ ekarasaṭṭhena bhāvanā…pe… sabbakilese pajahato arahattamaggavasena pañcindriyāni ekarasā hontīti – indriyānaṃ ekarasaṭṭhena bhāvanā. Evaṃ indriyānaṃ ekarasaṭṭhena bhāvanā.

    কথং তদুপগৰীরিযৰাহনট্ঠেন ভাৰনা? কামচ্ছন্দং পজহতো নেক্খম্মৰসেন ৰীরিযং ৰাহেতীতি – তদুপগৰীরিযৰাহনট্ঠেন ভাৰনা। ব্যাপাদং পজহতো অব্যাপাদৰসেন ৰীরিযং ৰাহেতীতি – তদুপগৰীরিযৰাহনট্ঠেন ভাৰনা…পে॰… সব্বকিলেসে পজহতো অরহত্তমগ্গৰসেন ৰীরিযং ৰাহেতীতি – তদুপগৰীরিযৰাহনট্ঠেন ভাৰনা। এৰং তদুপগৰীরিযৰাহনট্ঠেন ভাৰনা।

    Kathaṃ tadupagavīriyavāhanaṭṭhena bhāvanā? Kāmacchandaṃ pajahato nekkhammavasena vīriyaṃ vāhetīti – tadupagavīriyavāhanaṭṭhena bhāvanā. Byāpādaṃ pajahato abyāpādavasena vīriyaṃ vāhetīti – tadupagavīriyavāhanaṭṭhena bhāvanā…pe… sabbakilese pajahato arahattamaggavasena vīriyaṃ vāhetīti – tadupagavīriyavāhanaṭṭhena bhāvanā. Evaṃ tadupagavīriyavāhanaṭṭhena bhāvanā.

    কথং আসেৰনট্ঠেন ভাৰনা? কামচ্ছন্দং পজহন্তো নেক্খম্মং আসেৰতীতি – আসেৰনট্ঠেন ভাৰনা। ব্যাপাদং পজহন্তো অব্যাপাদং আসেৰতীতি – আসেৰনট্ঠেন ভাৰনা…পে॰… সব্বকিলেসে পজহন্তো অরহত্তমগ্গং আসেৰতীতি – আসেৰনট্ঠেন ভাৰনা। এৰং আসেৰনট্ঠেন ভাৰনা।

    Kathaṃ āsevanaṭṭhena bhāvanā? Kāmacchandaṃ pajahanto nekkhammaṃ āsevatīti – āsevanaṭṭhena bhāvanā. Byāpādaṃ pajahanto abyāpādaṃ āsevatīti – āsevanaṭṭhena bhāvanā…pe… sabbakilese pajahanto arahattamaggaṃ āsevatīti – āsevanaṭṭhena bhāvanā. Evaṃ āsevanaṭṭhena bhāvanā.

    ইমা চতস্সো ভাৰনা রূপং পস্সন্তো ভাৰেতি, ৰেদনং পস্সন্তো ভাৰেতি, সঞ্ঞং পস্সন্তো ভাৰেতি, সঙ্খারে পস্সন্তো ভাৰেতি, ৰিঞ্ঞাণং পস্সন্তো ভাৰেতি, চক্খুং…পে॰… জরামরণং…পে॰… অমতোগধং নিব্বানং পরিযোসানট্ঠেন পস্সন্তো ভাৰেতি। যে যে ধম্মা ভাৰিতা হোন্তি তে তে ধম্মা একরসা হোন্তি। তং ঞাতট্ঠেন ঞাণং, পজাননট্ঠেন পঞ্ঞা। তেন ৰুচ্চতি – ‘‘ইমে ধম্মা ভাৰেতব্বাতি সোতাৰধানং, তংপজাননা পঞ্ঞা সুতমযে ঞাণ’’ন্তি।

    Imā catasso bhāvanā rūpaṃ passanto bhāveti, vedanaṃ passanto bhāveti, saññaṃ passanto bhāveti, saṅkhāre passanto bhāveti, viññāṇaṃ passanto bhāveti, cakkhuṃ…pe… jarāmaraṇaṃ…pe… amatogadhaṃ nibbānaṃ pariyosānaṭṭhena passanto bhāveti. Ye ye dhammā bhāvitā honti te te dhammā ekarasā honti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘ime dhammā bhāvetabbāti sotāvadhānaṃ, taṃpajānanā paññā sutamaye ñāṇa’’nti.

    চতুত্থভাণৰারো।

    Catutthabhāṇavāro.

    ২৯. কথং ‘‘ইমে ধম্মা সচ্ছিকাতব্বা’’তি সোতাৰধানং, তংপজাননা পঞ্ঞা সুতমযে ঞাণং?

    29. Kathaṃ ‘‘ime dhammā sacchikātabbā’’ti sotāvadhānaṃ, taṃpajānanā paññā sutamaye ñāṇaṃ?

    একো ধম্মো সচ্ছিকাতব্বো – অকুপ্পা চেতোৰিমুত্তি। দ্ৰে ধম্মা সচ্ছিকাতব্বা – ৰিজ্জা চ ৰিমুত্তি চ। তযো ধম্মা সচ্ছিকাতব্বা – তিস্সো ৰিজ্জা। চত্তারো ধম্মা সচ্ছিকাতব্বা – চত্তারি সামঞ্ঞফলানি। পঞ্চ ধম্মা সচ্ছিকাতব্বা – পঞ্চ ধম্মক্খন্ধা। ছ ধম্মা সচ্ছিকাতব্বা – ছ অভিঞ্ঞা। সত্ত ধম্মা সচ্ছিকাতব্বা – সত্ত খীণাসৰবলানি। অট্ঠ ধম্মা সচ্ছিকাতব্বা – অট্ঠ ৰিমোক্খা। নৰ ধম্মা সচ্ছিকাতব্বা – নৰ অনুপুব্বনিরোধা। দস ধম্মা সচ্ছিকাতব্বা – দস অসেক্খা ধম্মা।

    Eko dhammo sacchikātabbo – akuppā cetovimutti. Dve dhammā sacchikātabbā – vijjā ca vimutti ca. Tayo dhammā sacchikātabbā – tisso vijjā. Cattāro dhammā sacchikātabbā – cattāri sāmaññaphalāni. Pañca dhammā sacchikātabbā – pañca dhammakkhandhā. Cha dhammā sacchikātabbā – cha abhiññā. Satta dhammā sacchikātabbā – satta khīṇāsavabalāni. Aṭṭha dhammā sacchikātabbā – aṭṭha vimokkhā. Nava dhammā sacchikātabbā – nava anupubbanirodhā. Dasa dhammā sacchikātabbā – dasa asekkhā dhammā.

    ‘‘সব্বং, ভিক্খৰে, সচ্ছিকাতব্বং। কিঞ্চ, ভিক্খৰে, সব্বং সচ্ছিকাতব্বং? চক্খু, ভিক্খৰে, সচ্ছিকাতব্বং; রূপা সচ্ছিকাতব্বা; চক্খুৰিঞ্ঞাণং সচ্ছিকাতব্বং; চক্খুসম্ফস্সো সচ্ছিকাতব্বো ; যম্পিদং চক্খুসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা, তম্পি সচ্ছিকাতব্বং। সোতং সচ্ছিকাতব্বং; সদ্দা সচ্ছিকাতব্বা…পে॰… ঘানং সচ্ছিকাতব্বং; গন্ধা সচ্ছিকাতব্বা… জিৰ্হা সচ্ছিকাতব্বা; রসা সচ্ছিকাতব্বা… কাযো সচ্ছিকাতব্বো; ফোট্ঠব্বা সচ্ছিকাতব্বা… মনো সচ্ছিকাতব্বো; ধম্মা সচ্ছিকাতব্বা; মনোৰিঞ্ঞাণং সচ্ছিকাতব্বং; মনোসম্ফস্সো সচ্ছিকাতব্বো ; যম্পিদং মনোসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা, তম্পি সচ্ছিকাতব্বং’’। রূপং পস্সন্তো সচ্ছিকরোতি, ৰেদনং পস্সন্তো সচ্ছিকরোতি, সঞ্ঞং পস্সন্তো সচ্ছিকরোতি, সঙ্খারে পস্সন্তো সচ্ছিকরোতি, ৰিঞ্ঞাণং পস্সন্তো সচ্ছিকরোতি। চক্খুং…পে॰… জরামরণং…পে॰… অমতোগধং নিব্বানং পরিযোসানট্ঠেন পস্সন্তো সচ্ছিকরোতি। যে যে ধম্মা সচ্ছিকতা হোন্তি তে তে ধম্মা ফস্সিতা 53 হোন্তি। তং ঞাতট্ঠেন ঞাণং, পজাননট্ঠেন পঞ্ঞা। তেন ৰুচ্চতি – ‘‘ইমে ধম্মা সচ্ছিকাতব্বাতি সোতাৰধানং, তংপজাননা পঞ্ঞা সুতমযে ঞাণ’’ন্তি।

    ‘‘Sabbaṃ, bhikkhave, sacchikātabbaṃ. Kiñca, bhikkhave, sabbaṃ sacchikātabbaṃ? Cakkhu, bhikkhave, sacchikātabbaṃ; rūpā sacchikātabbā; cakkhuviññāṇaṃ sacchikātabbaṃ; cakkhusamphasso sacchikātabbo ; yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi sacchikātabbaṃ. Sotaṃ sacchikātabbaṃ; saddā sacchikātabbā…pe… ghānaṃ sacchikātabbaṃ; gandhā sacchikātabbā… jivhā sacchikātabbā; rasā sacchikātabbā… kāyo sacchikātabbo; phoṭṭhabbā sacchikātabbā… mano sacchikātabbo; dhammā sacchikātabbā; manoviññāṇaṃ sacchikātabbaṃ; manosamphasso sacchikātabbo ; yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi sacchikātabbaṃ’’. Rūpaṃ passanto sacchikaroti, vedanaṃ passanto sacchikaroti, saññaṃ passanto sacchikaroti, saṅkhāre passanto sacchikaroti, viññāṇaṃ passanto sacchikaroti. Cakkhuṃ…pe… jarāmaraṇaṃ…pe… amatogadhaṃ nibbānaṃ pariyosānaṭṭhena passanto sacchikaroti. Ye ye dhammā sacchikatā honti te te dhammā phassitā 54 honti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘ime dhammā sacchikātabbāti sotāvadhānaṃ, taṃpajānanā paññā sutamaye ñāṇa’’nti.

    ৩০. কথং ‘‘ইমে ধম্মা হানভাগিযা, ইমে ধম্মা ঠিতিভাগিযা, ইমে ধম্মা ৰিসেসভাগিযা, ইমে ধম্মা নিব্বেধভাগিযা’’তি সোতাৰধানং, তংপজাননা পঞ্ঞা সুতমযে ঞাণং?

    30. Kathaṃ ‘‘ime dhammā hānabhāgiyā, ime dhammā ṭhitibhāgiyā, ime dhammā visesabhāgiyā, ime dhammā nibbedhabhāgiyā’’ti sotāvadhānaṃ, taṃpajānanā paññā sutamaye ñāṇaṃ?

    পঠমস্স ঝানস্স লাভিং কামসহগতা সঞ্ঞামনসিকারা সমুদাচরন্তি – হানভাগিযো ধম্মো। তদনুধম্মতা সতি সন্তিট্ঠতি – ঠিতিভাগিযো ধম্মো। অৰিতক্কসহগতা সঞ্ঞামনসিকারা সমুদাচরন্তি – ৰিসেসভাগিযো ধম্মো। নিব্বিদাসহগতা সঞ্ঞামনসিকারা সমুদাচরন্তি ৰিরাগূপসংহিতা – নিব্বেধভাগিযো ধম্মো।

    Paṭhamassa jhānassa lābhiṃ kāmasahagatā saññāmanasikārā samudācaranti – hānabhāgiyo dhammo. Tadanudhammatā sati santiṭṭhati – ṭhitibhāgiyo dhammo. Avitakkasahagatā saññāmanasikārā samudācaranti – visesabhāgiyo dhammo. Nibbidāsahagatā saññāmanasikārā samudācaranti virāgūpasaṃhitā – nibbedhabhāgiyo dhammo.

    দুতিযস্স ঝানস্স লাভিং ৰিতক্কসহগতা সঞ্ঞামনসিকারা সমুদাচরন্তি – হানভাগিযো ধম্মো। তদনুধম্মতা সতি সন্তিট্ঠতি – ঠিতিভাগিযো ধম্মো। উপেক্খাসুখসহগতা সঞ্ঞামনসিকারা সমুদাচরন্তি – ৰিসেসভাগিযো ধম্মো। নিব্বিদাসহগতা সঞ্ঞামনসিকারা সমুদাচরন্তি ৰিরাগূপসংহিতা – নিব্বেধভাগিযো ধম্মো।

    Dutiyassa jhānassa lābhiṃ vitakkasahagatā saññāmanasikārā samudācaranti – hānabhāgiyo dhammo. Tadanudhammatā sati santiṭṭhati – ṭhitibhāgiyo dhammo. Upekkhāsukhasahagatā saññāmanasikārā samudācaranti – visesabhāgiyo dhammo. Nibbidāsahagatā saññāmanasikārā samudācaranti virāgūpasaṃhitā – nibbedhabhāgiyo dhammo.

    ততিযস্স ঝানস্স লাভিং পীতিসুখসহগতা সঞ্ঞামনসিকারা সমুদাচরন্তি – হানভাগিযো ধম্মো। তদনুধম্মতা সতি সন্তিট্ঠতি – ঠিতিভাগিযো ধম্মো। অদুক্খমসুখসহগতা সঞ্ঞামনসিকারা সমুদাচরন্তি – ৰিসেসভাগিযো ধম্মো। নিব্বিদাসহগতা সঞ্ঞামনসিকারা সমুদাচরন্তি ৰিরাগূপসংহিতা – নিব্বেধভাগিযো ধম্মো।

    Tatiyassa jhānassa lābhiṃ pītisukhasahagatā saññāmanasikārā samudācaranti – hānabhāgiyo dhammo. Tadanudhammatā sati santiṭṭhati – ṭhitibhāgiyo dhammo. Adukkhamasukhasahagatā saññāmanasikārā samudācaranti – visesabhāgiyo dhammo. Nibbidāsahagatā saññāmanasikārā samudācaranti virāgūpasaṃhitā – nibbedhabhāgiyo dhammo.

    চতুত্থস্স ঝানস্স লাভিং উপেক্খাসহগতা সঞ্ঞামনসিকারা সমুদাচরন্তি – হানভাগিযো ধম্মো। তদনুধম্মতা সতি সন্তিট্ঠতি – ঠিতিভাগিযো ধম্মো। আকাসানঞ্চাযতনসহগতা সঞ্ঞামনসিকারা সমুদাচরন্তি – ৰিসেসভাগিযো ধম্মো। নিব্বিদাসহগতা সঞ্ঞামনসিকারা সমুদাচরন্তি ৰিরাগূপসংহিতা – নিব্বেধভাগিযো ধম্মো।

    Catutthassa jhānassa lābhiṃ upekkhāsahagatā saññāmanasikārā samudācaranti – hānabhāgiyo dhammo. Tadanudhammatā sati santiṭṭhati – ṭhitibhāgiyo dhammo. Ākāsānañcāyatanasahagatā saññāmanasikārā samudācaranti – visesabhāgiyo dhammo. Nibbidāsahagatā saññāmanasikārā samudācaranti virāgūpasaṃhitā – nibbedhabhāgiyo dhammo.

    আকাসানঞ্চাযতনস্স লাভিং রূপসহগতা সঞ্ঞামনসিকারা সমুদাচরন্তি – হানভাগিযো ধম্মো। তদনুধম্মতা সতি সন্তিট্ঠতি – ঠিতিভাগিযো ধম্মো। ৰিঞ্ঞাণঞ্চাযতনসহগতা সঞ্ঞামনসিকারা সমুদাচরন্তি – ৰিসেসভাগিযো ধম্মো। নিব্বিদাসহগতা সঞ্ঞামনসিকারা সমুদাচরন্তি ৰিরাগূপসংহিতা – নিব্বেধভাগিযো ধম্মো।

    Ākāsānañcāyatanassa lābhiṃ rūpasahagatā saññāmanasikārā samudācaranti – hānabhāgiyo dhammo. Tadanudhammatā sati santiṭṭhati – ṭhitibhāgiyo dhammo. Viññāṇañcāyatanasahagatā saññāmanasikārā samudācaranti – visesabhāgiyo dhammo. Nibbidāsahagatā saññāmanasikārā samudācaranti virāgūpasaṃhitā – nibbedhabhāgiyo dhammo.

    ৰিঞ্ঞাণঞ্চাযতনস্স লাভিং আকাসানঞ্চাযতনসহগতা সঞ্ঞামনসিকারা সমুদাচরন্তি – হানভাগিযো ধম্মো। তদনুধম্মতা সতি সন্তিট্ঠতি – ঠিতিভাগিযো ধম্মো। আকিঞ্চঞ্ঞাযতনসহগতা সঞ্ঞামনসিকারা সমুদাচরন্তি – ৰিসেসভাগিযো ধম্মো। নিব্বিদাসহগতা সঞ্ঞামনসিকারা সমুদাচরন্তি ৰিরাগূপসংহিতা – নিব্বেধভাগিযো ধম্মো।

    Viññāṇañcāyatanassa lābhiṃ ākāsānañcāyatanasahagatā saññāmanasikārā samudācaranti – hānabhāgiyo dhammo. Tadanudhammatā sati santiṭṭhati – ṭhitibhāgiyo dhammo. Ākiñcaññāyatanasahagatā saññāmanasikārā samudācaranti – visesabhāgiyo dhammo. Nibbidāsahagatā saññāmanasikārā samudācaranti virāgūpasaṃhitā – nibbedhabhāgiyo dhammo.

    আকিঞ্চঞ্ঞাযতনস্স লাভিং ৰিঞ্ঞাণঞ্চাযতনসহগতা সঞ্ঞামনসিকারা সমুদাচরন্তি – হানভাগিযো ধম্মো। তদনুধম্মতা সতি সন্তিট্ঠতি – ঠিতিভাগিযো ধম্মো। নেৰসঞ্ঞানাসঞ্ঞাযতনসহগতা সঞ্ঞামনসিকারা সমুদাচরন্তি – ৰিসেসভাগিযো ধম্মো। নিব্বিদাসহগতা সঞ্ঞামনসিকারা সমুদাচরন্তি ৰিরাগূপসংহিতা – নিব্বেধভাগিযো ধম্মো। তং ঞাতট্ঠেন ঞাণং, পজাননট্ঠেন পঞ্ঞা। তেন ৰুচ্চতি – ‘‘ইমে ধম্মা হানভাগিযা, ইমে ধম্মা ঠিতিভাগিযা, ইমে ধম্মা ৰিসেসভাগিযা, ইমে ধম্মা নিব্বেধভাগিযাতি সোতাৰধানং, তংপজাননা পঞ্ঞা সুতমযে ঞাণং’’।

    Ākiñcaññāyatanassa lābhiṃ viññāṇañcāyatanasahagatā saññāmanasikārā samudācaranti – hānabhāgiyo dhammo. Tadanudhammatā sati santiṭṭhati – ṭhitibhāgiyo dhammo. Nevasaññānāsaññāyatanasahagatā saññāmanasikārā samudācaranti – visesabhāgiyo dhammo. Nibbidāsahagatā saññāmanasikārā samudācaranti virāgūpasaṃhitā – nibbedhabhāgiyo dhammo. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘ime dhammā hānabhāgiyā, ime dhammā ṭhitibhāgiyā, ime dhammā visesabhāgiyā, ime dhammā nibbedhabhāgiyāti sotāvadhānaṃ, taṃpajānanā paññā sutamaye ñāṇaṃ’’.

    ৩১. কথং ‘‘সব্বে সঙ্খারা অনিচ্চা, সব্বে সঙ্খারা দুক্খা, সব্বে ধম্মা অনত্তা’’তি সোতাৰধানং, তংপজাননা পঞ্ঞা সুতমযে ঞাণং? ‘‘রূপং অনিচ্চং খযট্ঠেন, দুক্খং ভযট্ঠেন, অনত্তা অসারকট্ঠেনা’’তি সোতাৰধানং, তংপজাননা পঞ্ঞা সুতমযে ঞাণং। ‘‘ৰেদনা…পে॰… সঞ্ঞা… সঙ্খারা… ৰিঞ্ঞাণং… চক্খু…পে॰… জরামরণং অনিচ্চং খযট্ঠেন, দুক্খং ভযট্ঠেন, অনত্তা অসারকট্ঠেনা’’তি সোতাৰধানং, তংপজাননা পঞ্ঞা সুতমযে ঞাণং। তং ঞাতট্ঠেন ঞাণং, পজাননট্ঠেন পঞ্ঞা। তেন ৰুচ্চতি – ‘‘সব্বে সঙ্খারা অনিচ্চা, সব্বে সঙ্খারা দুক্খা, সব্বে ধম্মা অনত্তা’’তি সোতাৰধানং, তংপজাননা পঞ্ঞা সুতমযে ঞাণং।

    31. Kathaṃ ‘‘sabbe saṅkhārā aniccā, sabbe saṅkhārā dukkhā, sabbe dhammā anattā’’ti sotāvadhānaṃ, taṃpajānanā paññā sutamaye ñāṇaṃ? ‘‘Rūpaṃ aniccaṃ khayaṭṭhena, dukkhaṃ bhayaṭṭhena, anattā asārakaṭṭhenā’’ti sotāvadhānaṃ, taṃpajānanā paññā sutamaye ñāṇaṃ. ‘‘Vedanā…pe… saññā… saṅkhārā… viññāṇaṃ… cakkhu…pe… jarāmaraṇaṃ aniccaṃ khayaṭṭhena, dukkhaṃ bhayaṭṭhena, anattā asārakaṭṭhenā’’ti sotāvadhānaṃ, taṃpajānanā paññā sutamaye ñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘sabbe saṅkhārā aniccā, sabbe saṅkhārā dukkhā, sabbe dhammā anattā’’ti sotāvadhānaṃ, taṃpajānanā paññā sutamaye ñāṇaṃ.

    ৩২. কথং ‘‘ইদং দুক্খং অরিযসচ্চং, ইদং দুক্খসমুদযং অরিযসচ্চং, ইদং দুক্খনিরোধং অরিযসচ্চং, ইদং দুক্খনিরোধগামিনী পটিপদা অরিযসচ্চ’’ন্তি সোতাৰধানং, তংপজাননা পঞ্ঞা সুতমযে ঞাণং?

    32. Kathaṃ ‘‘idaṃ dukkhaṃ ariyasaccaṃ, idaṃ dukkhasamudayaṃ ariyasaccaṃ, idaṃ dukkhanirodhaṃ ariyasaccaṃ, idaṃ dukkhanirodhagāminī paṭipadā ariyasacca’’nti sotāvadhānaṃ, taṃpajānanā paññā sutamaye ñāṇaṃ?

    ৩৩. তত্থ কতমং দুক্খং অরিযসচ্চং? জাতিপি দুক্খা, জরাপি দুক্খা, মরণম্পি দুক্খং, সোকপরিদেৰদুক্খদোমনস্সুপাযাসাপি দুক্খা, অপ্পিযেহি সম্পযোগো দুক্খো, পিযেহি ৰিপ্পযোগো দুক্খো, যম্পিচ্ছং ন লভতি তম্পি দুক্খং; সঙ্খিত্তেন পঞ্চুপাদানক্খন্ধা 55 দুক্খা।

    33. Tattha katamaṃ dukkhaṃ ariyasaccaṃ? Jātipi dukkhā, jarāpi dukkhā, maraṇampi dukkhaṃ, sokaparidevadukkhadomanassupāyāsāpi dukkhā, appiyehi sampayogo dukkho, piyehi vippayogo dukkho, yampicchaṃ na labhati tampi dukkhaṃ; saṅkhittena pañcupādānakkhandhā 56 dukkhā.

    তত্থ কতমা জাতি? যা তেসং তেসং সত্তানং তম্হি তম্হি সত্তনিকাযে জাতি সঞ্জাতি ওক্কন্তি অভিনিব্বত্তি খন্ধানং পাতুভাৰো আযতনানং পটিলাভো – অযং ৰুচ্চতি জাতি।

    Tattha katamā jāti? Yā tesaṃ tesaṃ sattānaṃ tamhi tamhi sattanikāye jāti sañjāti okkanti abhinibbatti khandhānaṃ pātubhāvo āyatanānaṃ paṭilābho – ayaṃ vuccati jāti.

    তত্থ কতমা জরা যা তেসং তেসং সত্তানং তম্হি তম্হি সত্তনিকাযে জরা জীরণতা খণ্ডিচ্চং পালিচ্চং ৰলিত্তচতা আযুনো সংহানি ইন্দ্রিযানং পরিপাকো – অযং ৰুচ্চতি জরা।

    Tattha katamā jarā yā tesaṃ tesaṃ sattānaṃ tamhi tamhi sattanikāye jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – ayaṃ vuccati jarā.

    তত্থ কতমং মরণং? যা তেসং তেসং সত্তানং তম্হা তম্হা সত্তনিকাযা চুতি চৰনতা ভেদো অন্তরধানং মচ্চু মরণং কালকিরিযা 57 খন্ধানং ভেদো কল়েৰরস্স নিক্খেপো জীৰিতিন্দ্রিযস্সুপচ্ছেদো – ইদং ৰুচ্চতি মরণং।

    Tattha katamaṃ maraṇaṃ? Yā tesaṃ tesaṃ sattānaṃ tamhā tamhā sattanikāyā cuti cavanatā bhedo antaradhānaṃ maccu maraṇaṃ kālakiriyā 58 khandhānaṃ bhedo kaḷevarassa nikkhepo jīvitindriyassupacchedo – idaṃ vuccati maraṇaṃ.

    তত্থ কতমো সোকো? ঞাতিব্যসনেন 59 ৰা ফুট্ঠস্স, ভোগব্যসনেন ৰা ফুট্ঠস্স, রোগব্যসনেন ৰা ফুট্ঠস্স, সীলব্যসনেন ৰা ফুট্ঠস্স, দিট্ঠিব্যসনেন ৰা ফুট্ঠস্স, অঞ্ঞতরঞ্ঞতরেন ব্যসনেন সমন্নাগতস্স, অঞ্ঞতরঞ্ঞতরেন দুক্খধম্মেন ফুট্ঠস্স সোকো সোচনা সোচিতত্তং অন্তোসোকো অন্তোপরিসোকো চেতসো পরিজ্ঝাযনা দোমনস্সং সোকসল্লং – অযং ৰুচ্চতি সোকো।

    Tattha katamo soko? Ñātibyasanena 60 vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa soko socanā socitattaṃ antosoko antoparisoko cetaso parijjhāyanā domanassaṃ sokasallaṃ – ayaṃ vuccati soko.

    তত্থ কতমো পরিদেৰো? ঞাতিব্যসনেন ৰা ফুট্ঠস্স, ভোগব্যসনেন ৰা ফুট্ঠস্স, রোগব্যসনেন ৰা ফুট্ঠস্স, সীলব্যসনেন ৰা ফুট্ঠস্স, দিট্ঠিব্যসনেন ৰা ফুট্ঠস্স, অঞ্ঞতরঞ্ঞতরেন ব্যসনেন সমন্নাগতস্স, অঞ্ঞতরঞ্ঞতরেন দুক্খধম্মেন ফুট্ঠস্স আদেৰো পরিদেৰো আদেৰনা, পরিদেৰনা আদেৰিতত্তং পরিদেৰিতত্তং ৰাচা পলাপো ৰিপ্পলাপো লালপ্পো লালপ্পনা লালপ্পিতত্তং – অযং ৰুচ্চতি পরিদেৰো।

    Tattha katamo paridevo? Ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa ādevo paridevo ādevanā, paridevanā ādevitattaṃ paridevitattaṃ vācā palāpo vippalāpo lālappo lālappanā lālappitattaṃ – ayaṃ vuccati paridevo.

    তত্থ কতমং দুক্খং? যং কাযিকং অসাতং কাযিকং দুক্খং কাযসম্ফস্সজং অসাতং দুক্খং ৰেদযিতং, কাযসম্ফস্সজা অসাতা দুক্খা ৰেদনা – ইদং ৰুচ্চতি দুক্খং।

    Tattha katamaṃ dukkhaṃ? Yaṃ kāyikaṃ asātaṃ kāyikaṃ dukkhaṃ kāyasamphassajaṃ asātaṃ dukkhaṃ vedayitaṃ, kāyasamphassajā asātā dukkhā vedanā – idaṃ vuccati dukkhaṃ.

    তত্থ কতমং দোমনস্সং? যং চেতসিকং অসাতং চেতসিকং দুক্খং, চেতোসম্ফস্সজং অসাতং ৰেদযিতং, চেতোসম্ফস্সজা অসাতা দুক্খা ৰেদনা – ইদং ৰুচ্চতি দোমনস্সং।

    Tattha katamaṃ domanassaṃ? Yaṃ cetasikaṃ asātaṃ cetasikaṃ dukkhaṃ, cetosamphassajaṃ asātaṃ vedayitaṃ, cetosamphassajā asātā dukkhā vedanā – idaṃ vuccati domanassaṃ.

    তত্থ কতমো উপাযাসো? ঞাতিব্যসনেন ৰা ফুট্ঠস্স, ভোগব্যসনেন ৰা ফুট্ঠস্স, রোগব্যসনেন ৰা ফুট্ঠস্স, সীলব্যসনেন ৰা ফুট্ঠস্স, দিট্ঠিব্যসনেন ৰা ফুট্ঠস্স, অঞ্ঞতরঞ্ঞতরেন ব্যসনেন সমন্নাগতস্স, অঞ্ঞতরঞ্ঞতরেন দুক্খধম্মেন ফুট্ঠস্স আযাসো উপাযাসো আযাসনা উপাযাসনা আযাসিতত্তং উপাযাসিতত্তং – অযং ৰুচ্চতি উপাযাসো।

    Tattha katamo upāyāso? Ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa āyāso upāyāso āyāsanā upāyāsanā āyāsitattaṃ upāyāsitattaṃ – ayaṃ vuccati upāyāso.

    তত্থ কতমো অপ্পিযেহি সম্পযোগো দুক্খো? ইধ যস্স তে হোন্তি অনিট্ঠা অকন্তা অমনাপা রূপা সদ্দা গন্ধা রসা ফোট্ঠব্বা, যে ৰা পনস্স তে হোন্তি অনত্থকামা অহিতকামা অফাসুকামা অযোগক্খেমকামা, যা তেহি সদ্ধিং সঙ্গতি সমাগমো সমোধানং মিস্সীভাৰো – অযং ৰুচ্চতি অপ্পিযেহি সম্পযোগো দুক্খো।

    Tattha katamo appiyehi sampayogo dukkho? Idha yassa te honti aniṭṭhā akantā amanāpā rūpā saddā gandhā rasā phoṭṭhabbā, ye vā panassa te honti anatthakāmā ahitakāmā aphāsukāmā ayogakkhemakāmā, yā tehi saddhiṃ saṅgati samāgamo samodhānaṃ missībhāvo – ayaṃ vuccati appiyehi sampayogo dukkho.

    তত্থ কতমো পিযেহি ৰিপ্পযোগো দুক্খো? ইধ যস্স তে হোন্তি ইট্ঠা কন্তা মনাপা রূপা সদ্দা গন্ধা রসা ফোট্ঠব্বা, যে ৰা পনস্স তে হোন্তি অত্থকামা হিতকামা ফাসুকামা যোগক্খেমকামা মাতা ৰা পিতা ৰা ভাতা ৰা ভগিনী ৰা মিত্তা ৰা অমচ্চা ৰা ঞাতী ৰা সালোহিতা ৰা, যা তেহি সদ্ধিং অসঙ্গতি অসমাগমো অসমোধানং অমিস্সীভাৰো – অযং ৰুচ্চতি পিযেহি ৰিপ্পযোগো দুক্খো।

    Tattha katamo piyehi vippayogo dukkho? Idha yassa te honti iṭṭhā kantā manāpā rūpā saddā gandhā rasā phoṭṭhabbā, ye vā panassa te honti atthakāmā hitakāmā phāsukāmā yogakkhemakāmā mātā vā pitā vā bhātā vā bhaginī vā mittā vā amaccā vā ñātī vā sālohitā vā, yā tehi saddhiṃ asaṅgati asamāgamo asamodhānaṃ amissībhāvo – ayaṃ vuccati piyehi vippayogo dukkho.

    তত্থ কতমং যম্পিচ্ছং ন লভতি তম্পি দুক্খং? জাতিধম্মানং সত্তানং এৰং ইচ্ছা উপ্পজ্জতি – ‘‘অহো ৰত মযং ন জাতিধম্মা অস্সাম, ন চ ৰত নো জাতি আগচ্ছেয্যা’’তি। ন খো পনেতং ইচ্ছায পত্তব্বং – ইদম্পি যম্পিচ্ছং ন লভতি তম্পি দুক্খং। জরাধম্মানং সত্তানং…পে॰… ব্যাধিধম্মানং সত্তানং… মরণধম্মানং সত্তানং… সোকপরিদেৰদুক্খদোমনস্সুপাযাসধম্মানং সত্তানং এৰং ইচ্ছা উপ্পজ্জতি – ‘‘অহো ৰত মযং ন সোকপরিদেৰদুক্খদোমনস্সুপাযাসধম্মা অস্সাম, ন চ ৰত নো সোকপরিদেৰদুক্খদোমনস্সুপাযাসা আগচ্ছেয্যু’’ন্তি। ন খো পনেতং ইচ্ছায পত্তব্বং – ইদম্পি যম্পিচ্ছং ন লভতি তম্পি দুক্খং।

    Tattha katamaṃ yampicchaṃ na labhati tampi dukkhaṃ? Jātidhammānaṃ sattānaṃ evaṃ icchā uppajjati – ‘‘aho vata mayaṃ na jātidhammā assāma, na ca vata no jāti āgaccheyyā’’ti. Na kho panetaṃ icchāya pattabbaṃ – idampi yampicchaṃ na labhati tampi dukkhaṃ. Jarādhammānaṃ sattānaṃ…pe… byādhidhammānaṃ sattānaṃ… maraṇadhammānaṃ sattānaṃ… sokaparidevadukkhadomanassupāyāsadhammānaṃ sattānaṃ evaṃ icchā uppajjati – ‘‘aho vata mayaṃ na sokaparidevadukkhadomanassupāyāsadhammā assāma, na ca vata no sokaparidevadukkhadomanassupāyāsā āgaccheyyu’’nti. Na kho panetaṃ icchāya pattabbaṃ – idampi yampicchaṃ na labhati tampi dukkhaṃ.

    তত্থ কতমে সঙ্খিত্তেন পঞ্চুপাদানক্খন্ধা দুক্খা? সেয্যথিদং 61 – রূপুপাদানক্খন্ধো, 62, ৰেদনুপাদানক্খন্ধো সঞ্ঞুপাদানক্খন্ধো, সঙ্খারুপাদানক্খন্ধো, ৰিঞ্ঞাণুপাদানক্খন্ধো – ইমে ৰুচ্চন্তি সঙ্খিত্তেন পঞ্চুপাদানক্খন্ধা দুক্খা। ইদং ৰুচ্চতি দুক্খং অরিযসচ্চং।

    Tattha katame saṅkhittena pañcupādānakkhandhā dukkhā? Seyyathidaṃ 63 – rūpupādānakkhandho, 64, vedanupādānakkhandho saññupādānakkhandho, saṅkhārupādānakkhandho, viññāṇupādānakkhandho – ime vuccanti saṅkhittena pañcupādānakkhandhā dukkhā. Idaṃ vuccati dukkhaṃ ariyasaccaṃ.

    ৩৪. তত্থ কতমং দুক্খসমুদযং অরিযসচ্চং? যাযং তণ্হা পোনোভৰিকা 65 নন্দিরাগসহগতা তত্রতত্রাভিনন্দিনী, সেয্যথিদং – কামতণ্হা ভৰতণ্হা ৰিভৰতণ্হা , সা খো পনেসা তণ্হা কত্থ উপ্পজ্জমানা উপ্পজ্জতি, কত্থ নিৰিসমানা নিৰিসতি? যং লোকে পিযরূপং সাতরূপং, এত্থেসা তণ্হা উপ্পজ্জমানা উপ্পজ্জতি, এত্থ নিৰিসমানা নিৰিসতি। কিঞ্চ লোকে পিযরূপং সাতরূপং? চক্খু লোকে পিযরূপং সাতরূপং, এত্থেসা তণ্হা উপ্পজ্জমানা উপ্পজ্জতি, এত্থ নিৰিসমানা নিৰিসতি। সোতং লোকে…পে॰… ঘানং লোকে… জিৰ্হা লোকে… কাযো লোকে… মনো লোকে পিযরূপং সাতরূপং, এত্থেসা তণ্হা উপ্পজ্জমানা উপ্পজ্জতি, এত্থ নিৰিসমানা নিৰিসতি। রূপা লোকে পিযরূপং সাতরূপং, এত্থেসা তণ্হা উপ্পজ্জমানা উপ্পজ্জতি, এত্থ নিৰিসমানা নিৰিসতি। সদ্দা লোকে পিযরূপং সাতরূপং…পে॰… ধম্মা লোকে… চক্খুৰিঞ্ঞাণং লোকে…পে॰… মনোৰিঞ্ঞাণং লোকে… চক্খুসম্ফস্সো লোকে…পে॰… মনোসম্ফস্সো লোকে… চক্খুসম্ফস্সজা ৰেদনা লোকে…পে॰… মনোসম্ফস্সজা ৰেদনা লোকে… রূপসঞ্ঞা লোকে…পে॰… ধম্মসঞ্ঞা লোকে… রূপসঞ্চেতনা লোকে…পে॰… ধম্মসঞ্চেতনা লোকে… রূপতণ্হা লোকে…পে॰… ধম্মতণ্হা লোকে… রূপৰিতক্কো লোকে…পে॰… ধম্মৰিতক্কো লোকে… রূপৰিচারো লোকে…পে॰… ধম্মৰিচারো লোকে পিযরূপং সাতরূপং, এত্থেসা তণ্হা উপ্পজ্জমানা উপ্পজ্জতি, এত্থ নিৰিসমানা নিৰিসতি। ইদং ৰুচ্চতি দুক্খসমুদযং অরিযসচ্চং।

    34. Tattha katamaṃ dukkhasamudayaṃ ariyasaccaṃ? Yāyaṃ taṇhā ponobhavikā 66 nandirāgasahagatā tatratatrābhinandinī, seyyathidaṃ – kāmataṇhā bhavataṇhā vibhavataṇhā , sā kho panesā taṇhā kattha uppajjamānā uppajjati, kattha nivisamānā nivisati? Yaṃ loke piyarūpaṃ sātarūpaṃ, etthesā taṇhā uppajjamānā uppajjati, ettha nivisamānā nivisati. Kiñca loke piyarūpaṃ sātarūpaṃ? Cakkhu loke piyarūpaṃ sātarūpaṃ, etthesā taṇhā uppajjamānā uppajjati, ettha nivisamānā nivisati. Sotaṃ loke…pe… ghānaṃ loke… jivhā loke… kāyo loke… mano loke piyarūpaṃ sātarūpaṃ, etthesā taṇhā uppajjamānā uppajjati, ettha nivisamānā nivisati. Rūpā loke piyarūpaṃ sātarūpaṃ, etthesā taṇhā uppajjamānā uppajjati, ettha nivisamānā nivisati. Saddā loke piyarūpaṃ sātarūpaṃ…pe… dhammā loke… cakkhuviññāṇaṃ loke…pe… manoviññāṇaṃ loke… cakkhusamphasso loke…pe… manosamphasso loke… cakkhusamphassajā vedanā loke…pe… manosamphassajā vedanā loke… rūpasaññā loke…pe… dhammasaññā loke… rūpasañcetanā loke…pe… dhammasañcetanā loke… rūpataṇhā loke…pe… dhammataṇhā loke… rūpavitakko loke…pe… dhammavitakko loke… rūpavicāro loke…pe… dhammavicāro loke piyarūpaṃ sātarūpaṃ, etthesā taṇhā uppajjamānā uppajjati, ettha nivisamānā nivisati. Idaṃ vuccati dukkhasamudayaṃ ariyasaccaṃ.

    ৩৫. তত্থ কতমং দুক্খনিরোধং অরিযসচ্চং? যো তস্সাযেৰ তণ্হায অসেসৰিরাগনিরোধো চাগো পটিনিস্সগ্গো মুত্তি অনালযো, সা খো পনেসা তণ্হা কত্থ পহীযমানা পহীযতি, কত্থ নিরুজ্ঝমানা নিরুজ্ঝতি? যং লোকে পিযরূপং সাতরূপং, এত্থেসা তণ্হা পহীযমানা পহীযতি, এত্থ নিরুজ্ঝমানা নিরুজ্ঝতি। কিঞ্চ লোকে পিযরূপং সাতরূপং? চক্খুলোকে পিযরূপং সাতরূপং, এত্থেসা তণ্হা পহীযমানা পহীযতি, এত্থ নিরুজ্ঝমানা নিরুজ্ঝতি…পে॰… ধম্মৰিচারো লোকে পিযরূপং সাতরূপং, এত্থেসা তণ্হা পহীযমানা পহীযতি, এত্থ নিরুজ্ঝমানা নিরুজ্ঝতি। ইদং ৰুচ্চতি দুক্খনিরোধং অরিযসচ্চং।

    35. Tattha katamaṃ dukkhanirodhaṃ ariyasaccaṃ? Yo tassāyeva taṇhāya asesavirāganirodho cāgo paṭinissaggo mutti anālayo, sā kho panesā taṇhā kattha pahīyamānā pahīyati, kattha nirujjhamānā nirujjhati? Yaṃ loke piyarūpaṃ sātarūpaṃ, etthesā taṇhā pahīyamānā pahīyati, ettha nirujjhamānā nirujjhati. Kiñca loke piyarūpaṃ sātarūpaṃ? Cakkhuloke piyarūpaṃ sātarūpaṃ, etthesā taṇhā pahīyamānā pahīyati, ettha nirujjhamānā nirujjhati…pe… dhammavicāro loke piyarūpaṃ sātarūpaṃ, etthesā taṇhā pahīyamānā pahīyati, ettha nirujjhamānā nirujjhati. Idaṃ vuccati dukkhanirodhaṃ ariyasaccaṃ.

    ৩৬. তত্থ কতমং দুক্খনিরোধগামিনী পটিপদা অরিযসচ্চং? অযমেৰ অরিযো অট্ঠঙ্গিকো মগ্গো, সেয্যথিদং – সম্মাদিট্ঠি সম্মাসঙ্কপ্পো সম্মাৰাচা সম্মাকম্মন্তো সম্মাআজীৰো সম্মাৰাযামো সম্মাসতি সম্মাসমাধি। তত্থ কতমা সম্মাদিট্ঠি? দুক্খে ঞাণং, দুক্খসমুদযে ঞাণং, দুক্খনিরোধে ঞাণং, দুক্খনিরোধগামিনিযা পটিপদায ঞাণং – অযং ৰুচ্চতি সম্মাদিট্ঠি।

    36. Tattha katamaṃ dukkhanirodhagāminī paṭipadā ariyasaccaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Tattha katamā sammādiṭṭhi? Dukkhe ñāṇaṃ, dukkhasamudaye ñāṇaṃ, dukkhanirodhe ñāṇaṃ, dukkhanirodhagāminiyā paṭipadāya ñāṇaṃ – ayaṃ vuccati sammādiṭṭhi.

    তত্থ কতমো সম্মাসঙ্কপ্পো? নেক্খম্মসঙ্কপ্পো, অব্যাপাদসঙ্কপ্পো, অৰিহিংসাসঙ্কপ্পো – অযং ৰুচ্চতি সম্মাসঙ্কপ্পো।

    Tattha katamo sammāsaṅkappo? Nekkhammasaṅkappo, abyāpādasaṅkappo, avihiṃsāsaṅkappo – ayaṃ vuccati sammāsaṅkappo.

    তত্থ কতমা সম্মাৰাচা? মুসাৰাদা ৰেরমণী 67, পিসুণায ৰাচায ৰেরমণী, ফরুসায ৰাচায ৰেরমণী, সম্ফপ্পলাপা ৰেরমণী – অযং ৰুচ্চতি সম্মাৰাচা।

    Tattha katamā sammāvācā? Musāvādā veramaṇī 68, pisuṇāya vācāya veramaṇī, pharusāya vācāya veramaṇī, samphappalāpā veramaṇī – ayaṃ vuccati sammāvācā.

    তত্থ কতমো সম্মাকম্মন্তো? পাণাতিপাতা ৰেরমণী, অদিন্নাদানা ৰেরমণী, কামেসুমিচ্ছাচারা ৰেরমণী – অযং ৰুচ্চতি সম্মাকম্মন্তো।

    Tattha katamo sammākammanto? Pāṇātipātā veramaṇī, adinnādānā veramaṇī, kāmesumicchācārā veramaṇī – ayaṃ vuccati sammākammanto.

    তত্থ কতমো সম্মাআজীৰো? ইধ অরিযসাৰকো মিচ্ছাআজীৰং পহায সম্মাআজীৰেন জীৰিকং 69 কপ্পেতি – অযং ৰুচ্চতি সম্মাআজীৰো।

    Tattha katamo sammāājīvo? Idha ariyasāvako micchāājīvaṃ pahāya sammāājīvena jīvikaṃ 70 kappeti – ayaṃ vuccati sammāājīvo.

    তত্থ কতমো সম্মাৰাযামো? ইধ ভিক্খু অনুপ্পন্নানং পাপকানং অকুসলানং ধম্মানং অনুপ্পাদায ছন্দং জনেতি ৰাযমতি ৰীরিযং আরভতি চিত্তং পগ্গণ্হাতি পদহতি, উপ্পন্নানং পাপকানং অকুসলানং ধম্মানং পহানায…পে॰… অনুপ্পন্নানং কুসলানং ধম্মানং উপ্পাদায …পে॰… উপ্পন্নানং কুসলানং ধম্মানং ঠিতিযা অসম্মোসায ভিয্যোভাৰায ৰেপুল্লায ভাৰনায পারিপূরিযা ছন্দং জনেতি ৰাযমতি ৰীরিযং আরভতি চিত্তং পগ্গণ্হাতি পদহতি – অযং ৰুচ্চতি সম্মাৰাযামো।

    Tattha katamo sammāvāyāmo? Idha bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati, uppannānaṃ pāpakānaṃ akusalānaṃ dhammānaṃ pahānāya…pe… anuppannānaṃ kusalānaṃ dhammānaṃ uppādāya …pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati – ayaṃ vuccati sammāvāyāmo.

    তত্থ কতমা সম্মাসতি? ইধ ভিক্খু কাযে কাযানুপস্সী ৰিহরতি আতাপী সম্পজানো সতিমা ৰিনেয্য লোকে অভিজ্ঝাদোমনস্সং। ৰেদনাসু…পে॰… চিত্তে…পে॰… ধম্মেসু ধম্মানুপস্সী ৰিহরতি আতাপী সম্পজানো সতিমা ৰিনেয্য লোকে অভিজ্ঝাদোমনস্সং – অযং ৰুচ্চতি সম্মাসতি।

    Tattha katamā sammāsati? Idha bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ. Vedanāsu…pe… citte…pe… dhammesu dhammānupassī viharati ātāpī sampajāno satimā vineyya loke abhijjhādomanassaṃ – ayaṃ vuccati sammāsati.

    তত্থ কতমো সম্মাসমাধি? ইধ ভিক্খু ৰিৰিচ্চেৰ কামেহি ৰিৰিচ্চ অকুসলেহি ধম্মেহি সৰিতক্কং সৰিচারং ৰিৰেকজং পীতিসুখং পঠমং ঝানং উপসম্পজ্জ ৰিহরতি। ৰিতক্কৰিচারানং ৰূপসমা অজ্ঝত্তং সম্পসাদনং চেতসো একোদিভাৰং অৰিতক্কং অৰিচারং সমাধিজং পীতিসুখং দুতিযং ঝানং উপসম্পজ্জ ৰিহরতি। পীতিযা চ ৰিরাগা উপেক্খকো চ ৰিহরতি সতো চ সম্পজানো সুখঞ্চ কাযেন পটিসংৰেদেতি, যং তং অরিযা আচিক্খন্তি – ‘‘উপেক্খকো সতিমা সুখৰিহারী’’তি ততিযং ঝানং উপসম্পজ্জ ৰিহরতি। সুখস্স চ পহানা দুক্খস্স চ পহানা পুব্বেৰ সোমনস্সদোমনস্সানং অত্থঙ্গমা অদুক্খমসুখং উপেক্খাসতিপারিসুদ্ধিং চতুত্থং ঝানং উপসম্পজ্জ ৰিহরতি। অযং ৰুচ্চতি সম্মাসমাধি। ইদং ৰুচ্চতি দুক্খনিরোধগামিনী পটিপদা অরিযসচ্চং। তং ঞাতট্ঠেন ঞাণং, পজাননট্ঠেন পঞ্ঞা। তেন ৰুচ্চতি – ‘‘ইদং দুক্খং অরিযসচ্চং, ইদং দুক্খসমুদযং অরিযসচ্চং, ইদং দুক্খনিরোধং অরিযসচ্চং, ইদং দুক্খনিরোধগামিনী পটিপদা অরিযসচ্চ’’ন্তি সোতাৰধানং, তংপজাননা পঞ্ঞা সুতমযে ঞাণং। এৰং সোতাৰধানে পঞ্ঞা সুতমযে ঞাণং।

    Tattha katamo sammāsamādhi? Idha bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Pītiyā ca virāgā upekkhako ca viharati sato ca sampajāno sukhañca kāyena paṭisaṃvedeti, yaṃ taṃ ariyā ācikkhanti – ‘‘upekkhako satimā sukhavihārī’’ti tatiyaṃ jhānaṃ upasampajja viharati. Sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Ayaṃ vuccati sammāsamādhi. Idaṃ vuccati dukkhanirodhagāminī paṭipadā ariyasaccaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘idaṃ dukkhaṃ ariyasaccaṃ, idaṃ dukkhasamudayaṃ ariyasaccaṃ, idaṃ dukkhanirodhaṃ ariyasaccaṃ, idaṃ dukkhanirodhagāminī paṭipadā ariyasacca’’nti sotāvadhānaṃ, taṃpajānanā paññā sutamaye ñāṇaṃ. Evaṃ sotāvadhāne paññā sutamaye ñāṇaṃ.

    সুতমযঞাণনিদ্দেসো পঠমো।

    Sutamayañāṇaniddeso paṭhamo.







    Footnotes:
    1. দুক্খসমুদযো (স্যা॰)
    2. dukkhasamudayo (syā.)
    3. দুক্খনিরোধো (স্যা॰) অট্ঠকথা ওলোকেতব্বা
    4. dukkhanirodho (syā.) aṭṭhakathā oloketabbā
    5. চক্খুং (স্যা॰ ক॰)
    6. যমিদং (ক॰) সং॰ নি॰ ৪.৫২ পস্সিতব্বো
    7. cakkhuṃ (syā. ka.)
    8. yamidaṃ (ka.) saṃ. ni. 4.52 passitabbo
    9. নহারূ (স্যা॰)
    10. অট্ঠিমঞ্জং অভিঞ্ঞেয্যং (স্যা॰ ক॰)
    11. nahārū (syā.)
    12. aṭṭhimañjaṃ abhiññeyyaṃ (syā. ka.)
    13. ৰিরিযিন্দ্রিযং (স্যা॰)
    14. viriyindriyaṃ (syā.)
    15. পঠমজ্ঝানং (স্যা॰) এৰমীদিসেসু ঠানেসু
    16. paṭhamajjhānaṃ (syā.) evamīdisesu ṭhānesu
    17. আযুহনা (স্যা॰) এৰমুপরিপি
    18. āyuhanā (syā.) evamuparipi
    19. অনাযুহনা (স্যা॰) এৰমুপরিপি
    20. anāyuhanā (syā.) evamuparipi
    21. পরিপূরণট্ঠো (ক॰), পরিপূরিট্ঠো (সী॰ অট্ঠ॰)
    22. নিৰত্তনট্ঠো (ক॰)
    23. যুগনন্ধনট্ঠো (ক॰)
    24. হেতট্ঠো (স্যা॰)
    25. paripūraṇaṭṭho (ka.), paripūriṭṭho (sī. aṭṭha.)
    26. nivattanaṭṭho (ka.)
    27. yuganandhanaṭṭho (ka.)
    28. hetaṭṭho (syā.)
    29. মগ্গানং (সব্বত্থ) অট্ঠকথা পস্সিতব্বা
    30. maggānaṃ (sabbattha) aṭṭhakathā passitabbā
    31. ধাতট্ঠো (স্যা॰)
    32. dhātaṭṭho (syā.)
    33. ৰত্থট্ঠো (স্যা॰)
    34. ভুম্মট্ঠো (স্যা॰ সী॰ অট্ঠ॰) (একত্তে উপনিবন্ধনট্ঠো অভিঞ্ঞেয্যো) (ক॰) অট্ঠকথা পস্সিতব্বা
    35. vatthaṭṭho (syā.)
    36. bhummaṭṭho (syā. sī. aṭṭha.) (ekatte upanibandhanaṭṭho abhiññeyyo) (ka.) aṭṭhakathā passitabbā
    37. পকাসনট্ঠো (ক॰)
    38. ৰোস্সগ্গট্ঠো (স্যা॰ ক॰)
    39. pakāsanaṭṭho (ka.)
    40. vossaggaṭṭho (syā. ka.)
    41. আযুহনট্ঠো (স্যা॰)
    42. āyuhanaṭṭho (syā.)
    43. পামুজ্জং (স্যা॰)
    44. pāmujjaṃ (syā.)
    45. সম্মাসমাধী (স্যা॰)
    46. sammāsamādhī (syā.)
    47. মজ্ঝন্তিকসমযম্পি (স্যা॰ ক॰)
    48. রত্তিদিৰাপি (ক॰)
    49. majjhantikasamayampi (syā. ka.)
    50. rattidivāpi (ka.)
    51. থীনমিদ্ধং (স্যা॰ সী॰ অট্ঠ॰)
    52. thīnamiddhaṃ (syā. sī. aṭṭha.)
    53. ফুসিতা (স্যা॰)
    54. phusitā (syā.)
    55. পঞ্চুপাদানক্খন্ধাপি (ক॰) সতিপট্ঠানসুত্তে সচ্চৰিভঙ্গে চ পস্সিতব্বং
    56. pañcupādānakkhandhāpi (ka.) satipaṭṭhānasutte saccavibhaṅge ca passitabbaṃ
    57. কালংকিরিযা (ক॰)
    58. kālaṃkiriyā (ka.)
    59. যো ঞাতিব্যসনেন (স্যা॰) পস্স সচ্চৰিভঙ্গে
    60. yo ñātibyasanena (syā.) passa saccavibhaṅge
    61. সেয্যথীদং (স্যা॰ সী॰ অট্ঠ॰)
    62. রূপূপাদানক্খন্ধো (স্যা॰) এৰমুপরিপি
    63. seyyathīdaṃ (syā. sī. aṭṭha.)
    64. rūpūpādānakkhandho (syā.) evamuparipi
    65. পোনোব্ভৰিকা (স্যা॰)
    66. ponobbhavikā (syā.)
    67. ৰেরমণি (ক॰)
    68. veramaṇi (ka.)
    69. জীৰিতং (ক॰)
    70. jīvitaṃ (ka.)



    Related texts:



    অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā
    ৰিস্সজ্জনুদ্দেসৰণ্ণনা • Vissajjanuddesavaṇṇanā
    অভিঞ্ঞেয্যনিদ্দেসৰণ্ণনা • Abhiññeyyaniddesavaṇṇanā
    পরিঞ্ঞেয্যনিদ্দেসৰণ্ণনা • Pariññeyyaniddesavaṇṇanā
    পহাতব্বনিদ্দেসৰণ্ণনা • Pahātabbaniddesavaṇṇanā
    ভাৰেতব্বনিদ্দেসৰণ্ণনা • Bhāvetabbaniddesavaṇṇanā
    সচ্ছিকাতব্বনিদ্দেসৰণ্ণনা • Sacchikātabbaniddesavaṇṇanā
    হানভাগিযচতুক্কনিদ্দেসৰণ্ণনা • Hānabhāgiyacatukkaniddesavaṇṇanā
    লক্খণত্তিকনিদ্দেসৰণ্ণনা • Lakkhaṇattikaniddesavaṇṇanā
    দুক্খসচ্চনিদ্দেসৰণ্ণনা • Dukkhasaccaniddesavaṇṇanā
    সমুদযসচ্চনিদ্দেসৰণ্ণনা • Samudayasaccaniddesavaṇṇanā
    নিরোধসচ্চনিদ্দেসৰণ্ণনা • Nirodhasaccaniddesavaṇṇanā
    মগ্গসচ্চনিদ্দেসৰণ্ণনা • Maggasaccaniddesavaṇṇanā
    সচ্চপকিণ্ণকৰণ্ণনা • Saccapakiṇṇakavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact