| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
398. සුතනුජාතකං (7-1-3)
398. Sutanujātakaṃ (7-1-3)
15.
15.
රාජා තෙ භත්‌තං පාහෙසි, සුචිං මංසූපසෙචනං;
Rājā te bhattaṃ pāhesi, suciṃ maṃsūpasecanaṃ;
මඝදෙවස්‌මිං 1 අධිවත්‌ථෙ, එහි නික්‌ඛම්‌ම භුඤ්‌ජස්‌සු.
Maghadevasmiṃ 2 adhivatthe, ehi nikkhamma bhuñjassu.
16.
16.
එහි මාණව ඔරෙන, භික්‌ඛමාදාය සූපිතං;
Ehi māṇava orena, bhikkhamādāya sūpitaṃ;
ත්‌වඤ්‌ච මාණව භික්‌ඛා ච 3, උභො භක්‌ඛා භවිස්‌සථ.
Tvañca māṇava bhikkhā ca 4, ubho bhakkhā bhavissatha.
17.
17.
අප්‌පකෙන තුවං යක්‌ඛ, ථුල්‌ලමත්‌ථං ජහිස්‌සසි;
Appakena tuvaṃ yakkha, thullamatthaṃ jahissasi;
භික්‌ඛං තෙ නාහරිස්‌සන්‌ති, ජනා මරණසඤ්‌ඤිනො.
Bhikkhaṃ te nāharissanti, janā maraṇasaññino.
18.
18.
ලද්‌ධාය යක්‌ඛා 5 තව නිච්‌චභික්‌ඛං, සුචිං පණීතං රසසා උපෙතං;
Laddhāya yakkhā 6 tava niccabhikkhaṃ, suciṃ paṇītaṃ rasasā upetaṃ;
භික්‌ඛඤ්‌ච තෙ ආහරියො නරො ඉධ, සුදුල්‌ලභො හෙහිති භක්‌ඛිතෙ 7 මයි.
Bhikkhañca te āhariyo naro idha, sudullabho hehiti bhakkhite 8 mayi.
19.
19.
මයා ත්‌වං සමනුඤ්‌ඤාතො, සොත්‌ථිං පස්‌සාහි මාතරං.
Mayā tvaṃ samanuññāto, sotthiṃ passāhi mātaraṃ.
20.
20.
සොත්‌ථිං පස්‌සතු තෙ මාතා, ත්‌වඤ්‌ච පස්‌සාහි මාතරං.
Sotthiṃ passatu te mātā, tvañca passāhi mātaraṃ.
21.
21.
එවං යක්‌ඛ සුඛී හොහි, සහ සබ්‌බෙහි ඤාතිභි;
Evaṃ yakkha sukhī hohi, saha sabbehi ñātibhi;
ධනඤ්‌ච මෙ අධිගතං, රඤ්‌ඤො ච වචනං කතන්‌ති.
Dhanañca me adhigataṃ, rañño ca vacanaṃ katanti.
සුතනුජාතකං තතියං.
Sutanujātakaṃ tatiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ජාතක-අට්‌ඨකථා • Jātaka-aṭṭhakathā / [398] 3. සුතනුජාතකවණ්‌ණනා • [398] 3. Sutanujātakavaṇṇanā
