| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. суд̇анусуд̇д̇ам̣
3. Sutanusuttaṃ
901. згам̣ самаяам̣ ааяасмаа ануруд̣̇д̇хо саавад̇т̇ияам̣ вихарад̇и суд̇ануд̇ийрз. ат̇а ко самб̣ахулаа бхигкуу язнааяасмаа ануруд̣̇д̇хо д̇знубасан̇гамим̣су; убасан̇гамид̇ваа ааяасмад̇аа ануруд̣̇д̇хзна сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу ааяасманд̇ам̣ ануруд̣̇д̇хам̣ зд̇ад̣̇авожум̣ – ‘‘гад̇амзсам̣ ааяасмаа ануруд̣̇д̇хо д̇хаммаанам̣ бхаавид̇ад̇д̇аа б̣ахулийгад̇ад̇д̇аа махаабхин̃н̃ад̇ам̣ бад̇д̇о’’д̇и?
901. Ekaṃ samayaṃ āyasmā anuruddho sāvatthiyaṃ viharati sutanutīre. Atha kho sambahulā bhikkhū yenāyasmā anuruddho tenupasaṅkamiṃsu; upasaṅkamitvā āyasmatā anuruddhena saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinnā kho te bhikkhū āyasmantaṃ anuruddhaṃ etadavocuṃ – ‘‘katamesaṃ āyasmā anuruddho dhammānaṃ bhāvitattā bahulīkatattā mahābhiññataṃ patto’’ti?
‘‘жад̇уннам̣ кваахам̣, аавусо, сад̇ибадтаанаанам̣ бхаавид̇ад̇д̇аа б̣ахулийгад̇ад̇д̇аа махаабхин̃н̃ад̇ам̣ бад̇д̇о. гад̇амзсам̣ жад̇уннам̣? ид̇хаахам̣, аавусо, гааяз гааяаанубассий вихараами аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… д̇хаммзсу д̇хаммаанубассий вихараами аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣ – имзсам̣ кваахам̣, аавусо, жад̇уннам̣ сад̇ибадтаанаанам̣ бхаавид̇ад̇д̇аа б̣ахулийгад̇ад̇д̇аа махаабхин̃н̃ад̇ам̣ бад̇д̇о. имзсан̃жа банаахам̣, аавусо, жад̇уннам̣ сад̇ибадтаанаанам̣ бхаавид̇ад̇д̇аа б̣ахулийгад̇ад̇д̇аа хийнам̣ д̇хаммам̣ хийнад̇о аб̣бхан̃н̃аасим̣, маж̇жхимам̣ д̇хаммам̣ маж̇жхимад̇о аб̣бхан̃н̃аасим̣, бан̣ийд̇ам̣ д̇хаммам̣ бан̣ийд̇ад̇о аб̣бхан̃н̃ааси’’нд̇и. д̇ад̇ияам̣.
‘‘Catunnaṃ khvāhaṃ, āvuso, satipaṭṭhānānaṃ bhāvitattā bahulīkatattā mahābhiññataṃ patto. Katamesaṃ catunnaṃ? Idhāhaṃ, āvuso, kāye kāyānupassī viharāmi ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharāmi ātāpī sampajāno satimā, vineyya loke abhijjhādomanassaṃ – imesaṃ khvāhaṃ, āvuso, catunnaṃ satipaṭṭhānānaṃ bhāvitattā bahulīkatattā mahābhiññataṃ patto. Imesañca panāhaṃ, āvuso, catunnaṃ satipaṭṭhānānaṃ bhāvitattā bahulīkatattā hīnaṃ dhammaṃ hīnato abbhaññāsiṃ, majjhimaṃ dhammaṃ majjhimato abbhaññāsiṃ, paṇītaṃ dhammaṃ paṇītato abbhaññāsi’’nti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. суд̇анусуд̇д̇аван̣н̣анаа • 3. Sutanusuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. суд̇анусуд̇д̇аван̣н̣анаа • 3. Sutanusuttavaṇṇanā
