| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੩. ਸੁਤਸੁਤ੍ਤਂ
3. Sutasuttaṃ
੧੮੩. ਏਕਂ ਸਮਯਂ ਭਗવਾ ਰਾਜਗਹੇ વਿਹਰਤਿ વੇਲ਼ੁવਨੇ ਕਲਨ੍ਦਕਨਿવਾਪੇ। ਅਥ ਖੋ વਸ੍ਸਕਾਰੋ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਤਾ ਸਦ੍ਧਿਂ ਸਮ੍ਮੋਦਿ। ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ વਸ੍ਸਕਾਰੋ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋ ਭਗવਨ੍ਤਂ ਏਤਦવੋਚ –
183. Ekaṃ samayaṃ bhagavā rājagahe viharati veḷuvane kalandakanivāpe. Atha kho vassakāro brāhmaṇo magadhamahāmatto yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho vassakāro brāhmaṇo magadhamahāmatto bhagavantaṃ etadavoca –
‘‘ਅਹਞ੍ਹਿ, ਭੋ ਗੋਤਮ, ਏવਂવਾਦੀ ਏવਂਦਿਟ੍ਠਿ 1 – ‘ਯੋ ਕੋਚਿ ਦਿਟ੍ਠਂ ਭਾਸਤਿ – ਏવਂ ਮੇ ਦਿਟ੍ਠਨ੍ਤਿ, ਨਤ੍ਥਿ ਤਤੋ ਦੋਸੋ; ਯੋ ਕੋਚਿ ਸੁਤਂ ਭਾਸਤਿ – ਏવਂ ਮੇ ਸੁਤਨ੍ਤਿ, ਨਤ੍ਥਿ ਤਤੋ ਦੋਸੋ; ਯੋ ਕੋਚਿ ਮੁਤਂ ਭਾਸਤਿ – ਏવਂ ਮੇ ਮੁਤਨ੍ਤਿ, ਨਤ੍ਥਿ ਤਤੋ ਦੋਸੋ; ਯੋ ਕੋਚਿ વਿਞ੍ਞਾਤਂ ਭਾਸਤਿ – ਏવਂ ਮੇ વਿਞ੍ਞਾਤਨ੍ਤਿ, ਨਤ੍ਥਿ ਤਤੋ ਦੋਸੋ’’’ਤਿ।
‘‘Ahañhi, bho gotama, evaṃvādī evaṃdiṭṭhi 2 – ‘yo koci diṭṭhaṃ bhāsati – evaṃ me diṭṭhanti, natthi tato doso; yo koci sutaṃ bhāsati – evaṃ me sutanti, natthi tato doso; yo koci mutaṃ bhāsati – evaṃ me mutanti, natthi tato doso; yo koci viññātaṃ bhāsati – evaṃ me viññātanti, natthi tato doso’’’ti.
‘‘ਨਾਹਂ, ਬ੍ਰਾਹ੍ਮਣ, ਸਬ੍ਬਂ ਦਿਟ੍ਠਂ ਭਾਸਿਤਬ੍ਬਨ੍ਤਿ વਦਾਮਿ; ਨ ਪਨਾਹਂ, ਬ੍ਰਾਹ੍ਮਣ, ਸਬ੍ਬਂ ਦਿਟ੍ਠਂ ਨ ਭਾਸਿਤਬ੍ਬਨ੍ਤਿ વਦਾਮਿ; ਨਾਹਂ, ਬ੍ਰਾਹ੍ਮਣ, ਸਬ੍ਬਂ ਸੁਤਂ ਭਾਸਿਤਬ੍ਬਨ੍ਤਿ વਦਾਮਿ; ਨ ਪਨਾਹਂ, ਬ੍ਰਾਹ੍ਮਣ, ਸਬ੍ਬਂ ਸੁਤਂ ਨ ਭਾਸਿਤਬ੍ਬਨ੍ਤਿ વਦਾਮਿ; ਨਾਹਂ, ਬ੍ਰਾਹ੍ਮਣ, ਸਬ੍ਬਂ ਮੁਤਂ ਭਾਸਿਤਬ੍ਬਨ੍ਤਿ વਦਾਮਿ; ਨ ਪਨਾਹਂ, ਬ੍ਰਾਹ੍ਮਣ, ਸਬ੍ਬਂ ਮੁਤਂ ਨ ਭਾਸਿਤਬ੍ਬਨ੍ਤਿ વਦਾਮਿ; ਨਾਹਂ, ਬ੍ਰਾਹ੍ਮਣ, ਸਬ੍ਬਂ વਿਞ੍ਞਾਤਂ ਭਾਸਿਤਬ੍ਬਨ੍ਤਿ વਦਾਮਿ; ਨ ਪਨਾਹਂ, ਬ੍ਰਾਹ੍ਮਣ, ਸਬ੍ਬਂ વਿਞ੍ਞਾਤਂ ਨ ਭਾਸਿਤਬ੍ਬਨ੍ਤਿ વਦਾਮਿ।
‘‘Nāhaṃ, brāhmaṇa, sabbaṃ diṭṭhaṃ bhāsitabbanti vadāmi; na panāhaṃ, brāhmaṇa, sabbaṃ diṭṭhaṃ na bhāsitabbanti vadāmi; nāhaṃ, brāhmaṇa, sabbaṃ sutaṃ bhāsitabbanti vadāmi; na panāhaṃ, brāhmaṇa, sabbaṃ sutaṃ na bhāsitabbanti vadāmi; nāhaṃ, brāhmaṇa, sabbaṃ mutaṃ bhāsitabbanti vadāmi; na panāhaṃ, brāhmaṇa, sabbaṃ mutaṃ na bhāsitabbanti vadāmi; nāhaṃ, brāhmaṇa, sabbaṃ viññātaṃ bhāsitabbanti vadāmi; na panāhaṃ, brāhmaṇa, sabbaṃ viññātaṃ na bhāsitabbanti vadāmi.
‘‘ਯਞ੍ਹਿ, ਬ੍ਰਾਹ੍ਮਣ, ਦਿਟ੍ਠਂ ਭਾਸਤੋ ਅਕੁਸਲਾ ਧਮ੍ਮਾ ਅਭਿવਡ੍ਢਨ੍ਤਿ, ਕੁਸਲਾ ਧਮ੍ਮਾ ਪਰਿਹਾਯਨ੍ਤਿ, ਏવਰੂਪਂ ਦਿਟ੍ਠਂ ਨ ਭਾਸਿਤਬ੍ਬਨ੍ਤਿ વਦਾਮਿ। ਯਞ੍ਚ ਖ੍વਸ੍ਸ, ਬ੍ਰਾਹ੍ਮਣ, ਦਿਟ੍ਠਂ ਅਭਾਸਤੋ ਕੁਸਲਾ ਧਮ੍ਮਾ ਪਰਿਹਾਯਨ੍ਤਿ, ਅਕੁਸਲਾ ਧਮ੍ਮਾ ਅਭਿવਡ੍ਢਨ੍ਤਿ, ਏવਰੂਪਂ ਦਿਟ੍ਠਂ ਭਾਸਿਤਬ੍ਬਨ੍ਤਿ વਦਾਮਿ।
‘‘Yañhi, brāhmaṇa, diṭṭhaṃ bhāsato akusalā dhammā abhivaḍḍhanti, kusalā dhammā parihāyanti, evarūpaṃ diṭṭhaṃ na bhāsitabbanti vadāmi. Yañca khvassa, brāhmaṇa, diṭṭhaṃ abhāsato kusalā dhammā parihāyanti, akusalā dhammā abhivaḍḍhanti, evarūpaṃ diṭṭhaṃ bhāsitabbanti vadāmi.
‘‘ਯਞ੍ਹਿ, ਬ੍ਰਾਹ੍ਮਣ, ਸੁਤਂ ਭਾਸਤੋ ਅਕੁਸਲਾ ਧਮ੍ਮਾ ਅਭਿવਡ੍ਢਨ੍ਤਿ, ਕੁਸਲਾ ਧਮ੍ਮਾ ਪਰਿਹਾਯਨ੍ਤਿ , ਏવਰੂਪਂ ਸੁਤਂ ਨ ਭਾਸਿਤਬ੍ਬਨ੍ਤਿ વਦਾਮਿ। ਯਞ੍ਚ ਖ੍વਸ੍ਸ, ਬ੍ਰਾਹ੍ਮਣ, ਸੁਤਂ ਅਭਾਸਤੋ ਕੁਸਲਾ ਧਮ੍ਮਾ ਪਰਿਹਾਯਨ੍ਤਿ, ਅਕੁਸਲਾ ਧਮ੍ਮਾ ਅਭਿવਡ੍ਢਨ੍ਤਿ, ਏવਰੂਪਂ ਸੁਤਂ ਭਾਸਿਤਬ੍ਬਨ੍ਤਿ વਦਾਮਿ।
‘‘Yañhi, brāhmaṇa, sutaṃ bhāsato akusalā dhammā abhivaḍḍhanti, kusalā dhammā parihāyanti , evarūpaṃ sutaṃ na bhāsitabbanti vadāmi. Yañca khvassa, brāhmaṇa, sutaṃ abhāsato kusalā dhammā parihāyanti, akusalā dhammā abhivaḍḍhanti, evarūpaṃ sutaṃ bhāsitabbanti vadāmi.
‘‘ਯਞ੍ਹਿ, ਬ੍ਰਾਹ੍ਮਣ, ਮੁਤਂ ਭਾਸਤੋ ਅਕੁਸਲਾ ਧਮ੍ਮਾ ਅਭਿવਡ੍ਢਨ੍ਤਿ, ਕੁਸਲਾ ਧਮ੍ਮਾ ਪਰਿਹਾਯਨ੍ਤਿ, ਏવਰੂਪਂ ਮੁਤਂ ਨ ਭਾਸਿਤਬ੍ਬਨ੍ਤਿ વਦਾਮਿ। ਯਞ੍ਚ ਖ੍વਸ੍ਸ, ਬ੍ਰਾਹ੍ਮਣ, ਮੁਤਂ ਅਭਾਸਤੋ ਕੁਸਲਾ ਧਮ੍ਮਾ ਪਰਿਹਾਯਨ੍ਤਿ, ਅਕੁਸਲਾ ਧਮ੍ਮਾ ਅਭਿવਡ੍ਢਨ੍ਤਿ, ਏવਰੂਪਂ ਮੁਤਂ ਭਾਸਿਤਬ੍ਬਨ੍ਤਿ વਦਾਮਿ ।
‘‘Yañhi, brāhmaṇa, mutaṃ bhāsato akusalā dhammā abhivaḍḍhanti, kusalā dhammā parihāyanti, evarūpaṃ mutaṃ na bhāsitabbanti vadāmi. Yañca khvassa, brāhmaṇa, mutaṃ abhāsato kusalā dhammā parihāyanti, akusalā dhammā abhivaḍḍhanti, evarūpaṃ mutaṃ bhāsitabbanti vadāmi .
‘‘ਯਞ੍ਹਿ , ਬ੍ਰਾਹ੍ਮਣ, વਿਞ੍ਞਾਤਂ ਭਾਸਤੋ ਅਕੁਸਲਾ ਧਮ੍ਮਾ ਅਭਿવਡ੍ਢਨ੍ਤਿ, ਕੁਸਲਾ ਧਮ੍ਮਾ ਪਰਿਹਾਯਨ੍ਤਿ, ਏવਰੂਪਂ વਿਞ੍ਞਾਤਂ ਨ ਭਾਸਿਤਬ੍ਬਨ੍ਤਿ વਦਾਮਿ। ਯਞ੍ਚ ਖ੍વਸ੍ਸ, ਬ੍ਰਾਹ੍ਮਣ, વਿਞ੍ਞਾਤਂ ਅਭਾਸਤੋ ਕੁਸਲਾ ਧਮ੍ਮਾ ਪਰਿਹਾਯਨ੍ਤਿ, ਅਕੁਸਲਾ ਧਮ੍ਮਾ ਅਭਿવਡ੍ਢਨ੍ਤਿ, ਏવਰੂਪਂ વਿਞ੍ਞਾਤਂ ਭਾਸਿਤਬ੍ਬਨ੍ਤਿ વਦਾਮੀ’’ਤਿ।
‘‘Yañhi , brāhmaṇa, viññātaṃ bhāsato akusalā dhammā abhivaḍḍhanti, kusalā dhammā parihāyanti, evarūpaṃ viññātaṃ na bhāsitabbanti vadāmi. Yañca khvassa, brāhmaṇa, viññātaṃ abhāsato kusalā dhammā parihāyanti, akusalā dhammā abhivaḍḍhanti, evarūpaṃ viññātaṃ bhāsitabbanti vadāmī’’ti.
ਅਥ ਖੋ વਸ੍ਸਕਾਰੋ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋ ਭਗવਤੋ ਭਾਸਿਤਂ ਅਭਿਨਨ੍ਦਿਤ੍વਾ ਅਨੁਮੋਦਿਤ੍વਾ ਉਟ੍ਠਾਯਾਸਨਾ ਪਕ੍ਕਾਮੀਤਿ। ਤਤਿਯਂ।
Atha kho vassakāro brāhmaṇo magadhamahāmatto bhagavato bhāsitaṃ abhinanditvā anumoditvā uṭṭhāyāsanā pakkāmīti. Tatiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੩. ਸੁਤਸੁਤ੍ਤવਣ੍ਣਨਾ • 3. Sutasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੩. ਯੋਧਾਜੀવਸੁਤ੍ਤਾਦਿવਣ੍ਣਨਾ • 1-3. Yodhājīvasuttādivaṇṇanā
