| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
11. суд̇аванд̇асуд̇д̇ам̣
11. Sutavantasuttaṃ
123. згам̣ самаяам̣ ааяасмаа жа саарибуд̇д̇о ааяасмаа жа махаагодтиго б̣аараан̣асияам̣ вихаранд̇и исибад̇анз миг̇ад̣̇ааяз. ат̇а ко ааяасмаа махаагодтиго сааяанхасамаяам̣ бадисаллаанаа вудтид̇о язнааяасмаа саарибуд̇д̇о д̇знубасан̇гами; убасан̇гамид̇ваа…бз… зд̇ад̣̇авожа –
123. Ekaṃ samayaṃ āyasmā ca sāriputto āyasmā ca mahākoṭṭhiko bārāṇasiyaṃ viharanti isipatane migadāye. Atha kho āyasmā mahākoṭṭhiko sāyanhasamayaṃ paṭisallānā vuṭṭhito yenāyasmā sāriputto tenupasaṅkami; upasaṅkamitvā…pe… etadavoca –
‘‘суд̇авад̇аавусо саарибуд̇д̇а, бхигкунаа гад̇амз д̇хаммаа яонисо манаси гаад̇аб̣б̣аа’’д̇и? ‘‘суд̇авад̇аавусо годтига, бхигкунаа бан̃жубаад̣̇аанагканд̇хаа анижжад̇о…бз… анад̇д̇ад̇о яонисо манаси гаад̇аб̣б̣аа. гад̇амз бан̃жа? сзяяат̇ид̣̇ам̣ – руубубаад̣̇аанагканд̇хо…бз… вин̃н̃аан̣убаад̣̇аанагканд̇хо. суд̇авад̇аавусо годтига, бхигкунаа имз бан̃жубаад̣̇аанагканд̇хаа анижжад̇о…бз… анад̇д̇ад̇о яонисо манаси гаад̇аб̣б̣аа. таанам̣ ко банзд̇ам̣, аавусо, виж̇ж̇ад̇и – яам̣ суд̇аваа бхигку имз бан̃жубаад̣̇аанагканд̇хз анижжад̇о…бз… анад̇д̇ад̇о яонисо манаси гаронд̇о сод̇аабад̇д̇ипалам̣ сажчигарзяяаа’’д̇и.
‘‘Sutavatāvuso sāriputta, bhikkhunā katame dhammā yoniso manasi kātabbā’’ti? ‘‘Sutavatāvuso koṭṭhika, bhikkhunā pañcupādānakkhandhā aniccato…pe… anattato yoniso manasi kātabbā. Katame pañca? Seyyathidaṃ – rūpupādānakkhandho…pe… viññāṇupādānakkhandho. Sutavatāvuso koṭṭhika, bhikkhunā ime pañcupādānakkhandhā aniccato…pe… anattato yoniso manasi kātabbā. Ṭhānaṃ kho panetaṃ, āvuso, vijjati – yaṃ sutavā bhikkhu ime pañcupādānakkhandhe aniccato…pe… anattato yoniso manasi karonto sotāpattiphalaṃ sacchikareyyā’’ti.
‘‘сод̇аабаннзна банаавусо саарибуд̇д̇а, бхигкунаа гад̇амз д̇хаммаа яонисо манаси гаад̇аб̣б̣аа’’д̇и? ‘‘сод̇аабаннзнаби ко аавусо годтига , бхигкунаа имз бан̃жубаад̣̇аанагканд̇хаа анижжад̇о…бз… анад̇д̇ад̇о яонисо манаси гаад̇аб̣б̣аа. таанам̣ ко банзд̇ам̣, аавусо, виж̇ж̇ад̇и – яам̣ сод̇аабанно бхигку имз бан̃жубаад̣̇аанагканд̇хз анижжад̇о…бз… анад̇д̇ад̇о яонисо манаси гаронд̇о сагад̣̇ааг̇аамипалам̣…бз… анааг̇аамипалам̣…бз… арахад̇д̇апалам̣ сажчигарзяяаа’’д̇и.
‘‘Sotāpannena panāvuso sāriputta, bhikkhunā katame dhammā yoniso manasi kātabbā’’ti? ‘‘Sotāpannenapi kho āvuso koṭṭhika , bhikkhunā ime pañcupādānakkhandhā aniccato…pe… anattato yoniso manasi kātabbā. Ṭhānaṃ kho panetaṃ, āvuso, vijjati – yaṃ sotāpanno bhikkhu ime pañcupādānakkhandhe aniccato…pe… anattato yoniso manasi karonto sakadāgāmiphalaṃ…pe… anāgāmiphalaṃ…pe… arahattaphalaṃ sacchikareyyā’’ti.
‘‘арахад̇аа банаавусо саарибуд̇д̇а, гад̇амз д̇хаммаа яонисо манаси гаад̇аб̣б̣аа’’д̇и? ‘‘арахад̇ааби кваавусо, годтига, имз бан̃жубаад̣̇аанагканд̇хаа анижжад̇о д̣̇угкад̇о рог̇ад̇о г̇ан̣д̣ад̇о саллад̇о агхад̇о ааб̣аад̇хад̇о барад̇о балогад̇о сун̃н̃ад̇о анад̇д̇ад̇о яонисо манаси гаад̇аб̣б̣аа. над̇т̇и, кваавусо, арахад̇о уд̇д̇ари гаран̣ийяам̣, гад̇асса ваа бад̇ижаяо; аби жа ко имз д̇хаммаа бхаавид̇аа б̣ахулийгад̇аа д̣̇идтад̇хаммасукавихаарааяа жзва сам̣вад̇д̇анд̇и сад̇исамбаж̇ан̃н̃аа жаа’’д̇и. згаад̣̇асамам̣.
‘‘Arahatā panāvuso sāriputta, katame dhammā yoniso manasi kātabbā’’ti? ‘‘Arahatāpi khvāvuso, koṭṭhika, ime pañcupādānakkhandhā aniccato dukkhato rogato gaṇḍato sallato aghato ābādhato parato palokato suññato anattato yoniso manasi kātabbā. Natthi, khvāvuso, arahato uttari karaṇīyaṃ, katassa vā paticayo; api ca kho ime dhammā bhāvitā bahulīkatā diṭṭhadhammasukhavihārāya ceva saṃvattanti satisampajaññā cā’’ti. Ekādasamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 11. суд̇аванд̇асуд̇д̇аван̣н̣анаа • 11. Sutavantasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 11. суд̇аванд̇асуд̇д̇аван̣н̣анаа • 11. Sutavantasuttavaṇṇanā
