| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7-10. суд̇аваасуд̇д̇аад̣̇иван̣н̣анаа
7-10. Sutavāsuttādivaṇṇanā
7-10. сад̇д̇амз абхаб̣б̣о кийн̣аасаво бхигку сан̃жижжа баан̣анд̇иаад̣̇и д̣̇зсанаасийсамзва, сод̇аабаннаад̣̇аяоби бана абхаб̣б̣аава, бут̇уж̇ж̇анакийн̣аасаваанам̣ нинд̣̇аабасам̣сад̇т̇амби звам̣ вуд̇д̇ам̣. бут̇уж̇ж̇ано наама г̇аараяхо маад̇угхаад̇аад̣̇ийни гарод̇и, кийн̣аасаво бана баасам̣со гунт̇агибиллигагхаад̇аад̣̇ийниби на гарод̇ийд̇и. саннид̇хигаарагам̣ гаамз барибхун̃ж̇ид̇унд̇и яат̇аа г̇ихибхууд̇о саннид̇хим̣ гад̇ваа вад̇т̇угаамз барибхун̃ж̇ад̇и, звам̣ д̇илад̇ан̣д̣уласаббинаванийд̇аад̣̇ийни саннид̇хим̣ гад̇ваа ид̣̇аани барибхун̃ж̇ид̇ум̣ абхаб̣б̣од̇и ад̇т̇о. вад̇т̇угаамз бана нид̣̇ахид̇ваа барибхун̃ж̇анд̇аа д̇анниссид̇ам̣ гилзсагаамамби нид̣̇ахид̇ваа барибхун̃ж̇анд̇и наамаад̇и ааха ‘‘вад̇т̇угаамагилзсагаамз’’д̇и. нану жа кийн̣аасавассзва васанадтаанз д̇илад̇ан̣д̣улаад̣̇аяо бан̃н̃ааяанд̇ийд̇и? на бана д̇з ад̇д̇ано ад̇т̇ааяа нид̇хзнд̇и, апаасугабаб̣б̣аж̇ид̇аад̣̇ийнам̣ ад̇т̇ааяа нид̇хзнд̇и. анааг̇аамисса гат̇анд̇и? д̇ассаби бан̃жа гаамаг̇ун̣аа саб̣б̣асова бахийнаа, д̇хаммзна бана лад̣̇д̇хам̣ вижаарзд̇ваа барибхун̃ж̇ад̇и. агаббияагаамаг̇ун̣з санд̇хааязд̇ам̣ вуд̇д̇ам̣, на ман̃жабийтаад̇т̇аран̣абаавуран̣аад̣̇исанниссид̇ам̣. сзяяаат̇ааби буб̣б̣з аг̇аарияабхууд̇од̇и яат̇аа буб̣б̣з г̇ихибхууд̇о барибхун̃ж̇ад̇и, звам̣ барибхун̃ж̇ид̇ум̣ абхаб̣б̣о. аг̇аарамаж̇жхз васанд̇аа хи сод̇аабаннаад̣̇аяо яааваж̇ийвам̣ г̇ихиб̣яан̃ж̇анзна д̇идтанд̇и. кийн̣аасаво бана арахад̇д̇ам̣ бад̇ваава мануссабхууд̇о бариниб̣б̣аад̇и ваа баб̣б̣аж̇ад̇и ваа. жаад̇умахаарааж̇игаад̣̇ийсу гаамааважарад̣̇звзсу мухуд̇д̇амби на д̇идтад̇и. гасмаа? вивзгадтаанасса абхааваа. бхуммад̣̇звад̇д̇абхаавз бана тид̇о арахад̇д̇ам̣ бад̇вааби д̇идтад̇и вивзгадтаанасамбхаваа. адтамаад̣̇ийни уд̇д̇аанад̇т̇аанзва.
7-10. Sattame abhabbo khīṇāsavo bhikkhu sañcicca pāṇantiādi desanāsīsameva, sotāpannādayopi pana abhabbāva, puthujjanakhīṇāsavānaṃ nindāpasaṃsatthampi evaṃ vuttaṃ. Puthujjano nāma gārayho mātughātādīni karoti, khīṇāsavo pana pāsaṃso kunthakipillikaghātādīnipi na karotīti. Sannidhikārakaṃ kāme paribhuñjitunti yathā gihibhūto sannidhiṃ katvā vatthukāme paribhuñjati, evaṃ tilataṇḍulasappinavanītādīni sannidhiṃ katvā idāni paribhuñjituṃ abhabboti attho. Vatthukāme pana nidahitvā paribhuñjantā tannissitaṃ kilesakāmampi nidahitvā paribhuñjanti nāmāti āha ‘‘vatthukāmakilesakāme’’ti. Nanu ca khīṇāsavasseva vasanaṭṭhāne tilataṇḍulādayo paññāyantīti? Na pana te attano atthāya nidhenti, aphāsukapabbajitādīnaṃ atthāya nidhenti. Anāgāmissa kathanti? Tassapi pañca kāmaguṇā sabbasova pahīnā, dhammena pana laddhaṃ vicāretvā paribhuñjati. Akappiyakāmaguṇe sandhāyetaṃ vuttaṃ, na mañcapīṭhaattharaṇapāvuraṇādisannissitaṃ. Seyyāthāpi pubbe agāriyabhūtoti yathā pubbe gihibhūto paribhuñjati, evaṃ paribhuñjituṃ abhabbo. Agāramajjhe vasantā hi sotāpannādayo yāvajīvaṃ gihibyañjanena tiṭṭhanti. Khīṇāsavo pana arahattaṃ patvāva manussabhūto parinibbāti vā pabbajati vā. Cātumahārājikādīsu kāmāvacaradevesu muhuttampi na tiṭṭhati. Kasmā? Vivekaṭṭhānassa abhāvā. Bhummadevattabhāve pana ṭhito arahattaṃ patvāpi tiṭṭhati vivekaṭṭhānasambhavā. Aṭṭhamādīni uttānatthāneva.
суд̇аваасуд̇д̇аад̣̇иван̣н̣анаа нидтид̇аа.
Sutavāsuttādivaṇṇanā niṭṭhitā.
самб̣од̇хиваг̇г̇аван̣н̣анаа нидтид̇аа.
Sambodhivaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
7. суд̇аваасуд̇д̇ам̣ • 7. Sutavāsuttaṃ
8. саж̇жхасуд̇д̇ам̣ • 8. Sajjhasuttaṃ
9. буг̇г̇аласуд̇д̇ам̣ • 9. Puggalasuttaṃ
10. аахунзяяасуд̇д̇ам̣ • 10. Āhuneyyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
7. суд̇аваасуд̇д̇аван̣н̣анаа • 7. Sutavāsuttavaṇṇanā
8-10. саж̇жхасуд̇д̇аад̣̇иван̣н̣анаа • 8-10. Sajjhasuttādivaṇṇanā
