| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7. ஸுதவாஸுத்தவண்ணனா
7. Sutavāsuttavaṇṇanā
7. ஸத்தமே பஞ்ச டா²னானி அஜ்ஜா²சரிதுந்தி பஞ்ச காரணானி அதிக்கமிதுங். பாணந்தி அந்தமஸோ குந்த²கிபில்லிகங். அதி³ன்னந்தி அந்தமஸோ திணஸலாகம்பி பரஸந்தகங். தெ²ய்யஸங்கா²தந்தி தெ²ய்யசித்தேன. ஸன்னிதி⁴காரகங் காமே பரிபு⁴ஞ்ஜிதுந்தி ஸன்னிதி⁴ங் கத்வா ட²பெத்வா வத்து²காமகிலேஸகாமே பரிபு⁴ஞ்ஜிதுங் அப⁴ப்³போ³. அகப்பியங் காமகு³ணங் ஸந்தா⁴யேதங் வுத்தங். பு³த்³த⁴ங் பச்சக்கா²துந்தி ‘‘ந பு³த்³தோ⁴ அய’’ந்தி ஏவங் படிக்கி²பிதுங். த⁴ம்மாதீ³ஸுபி ஏஸேவ நயோ. ஏவங் தாவ அட்ட²கதா²ய ஆக³தங். பாளியங் பன இமஸ்மிங் ஸுத்தே அக³திக³மனானி கதி²தானி.
7. Sattame pañca ṭhānāni ajjhācaritunti pañca kāraṇāni atikkamituṃ. Pāṇanti antamaso kunthakipillikaṃ. Adinnanti antamaso tiṇasalākampi parasantakaṃ. Theyyasaṅkhātanti theyyacittena. Sannidhikārakaṃ kāme paribhuñjitunti sannidhiṃ katvā ṭhapetvā vatthukāmakilesakāme paribhuñjituṃ abhabbo. Akappiyaṃ kāmaguṇaṃ sandhāyetaṃ vuttaṃ. Buddhaṃ paccakkhātunti ‘‘na buddho aya’’nti evaṃ paṭikkhipituṃ. Dhammādīsupi eseva nayo. Evaṃ tāva aṭṭhakathāya āgataṃ. Pāḷiyaṃ pana imasmiṃ sutte agatigamanāni kathitāni.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. ஸுதவாஸுத்தங் • 7. Sutavāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7-10. ஸுதவாஸுத்தாதி³வண்ணனா • 7-10. Sutavāsuttādivaṇṇanā
