| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๗. สุตวาสุตฺตวณฺณนา
7. Sutavāsuttavaṇṇanā
๗. สตฺตเม ปญฺจ ฐานานิ อชฺฌาจริตุนฺติ ปญฺจ การณานิ อติกฺกมิตุํฯ ปาณนฺติ อนฺตมโส กุนฺถกิปิลฺลิกํฯ อทินฺนนฺติ อนฺตมโส ติณสลากมฺปิ ปรสนฺตกํฯ เถยฺยสงฺขาตนฺติ เถยฺยจิเตฺตนฯ สนฺนิธิการกํ กาเม ปริภุญฺชิตุนฺติ สนฺนิธิํ กตฺวา ฐเปตฺวา วตฺถุกามกิเลสกาเม ปริภุญฺชิตุํ อภโพฺพฯ อกปฺปิยํ กามคุณํ สนฺธาเยตํ วุตฺตํฯ พุทฺธํ ปจฺจกฺขาตุนฺติ ‘‘น พุโทฺธ อย’’นฺติ เอวํ ปฎิกฺขิปิตุํฯ ธมฺมาทีสุปิ เอเสว นโยฯ เอวํ ตาว อฎฺฐกถาย อาคตํฯ ปาฬิยํ ปน อิมสฺมิํ สุเตฺต อคติคมนานิ กถิตานิฯ
7. Sattame pañca ṭhānāni ajjhācaritunti pañca kāraṇāni atikkamituṃ. Pāṇanti antamaso kunthakipillikaṃ. Adinnanti antamaso tiṇasalākampi parasantakaṃ. Theyyasaṅkhātanti theyyacittena. Sannidhikārakaṃ kāme paribhuñjitunti sannidhiṃ katvā ṭhapetvā vatthukāmakilesakāme paribhuñjituṃ abhabbo. Akappiyaṃ kāmaguṇaṃ sandhāyetaṃ vuttaṃ. Buddhaṃ paccakkhātunti ‘‘na buddho aya’’nti evaṃ paṭikkhipituṃ. Dhammādīsupi eseva nayo. Evaṃ tāva aṭṭhakathāya āgataṃ. Pāḷiyaṃ pana imasmiṃ sutte agatigamanāni kathitāni.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๗. สุตวาสุตฺตํ • 7. Sutavāsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๗-๑๐. สุตวาสุตฺตาทิวณฺณนา • 7-10. Sutavāsuttādivaṇṇanā
