| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၇. သုတဝာသုတ္တဝဏ္ဏနာ
7. Sutavāsuttavaṇṇanā
၇. သတ္တမေ ပဉ္စ ဌာနာနိ အဇ္ဈာစရိတုန္တိ ပဉ္စ ကာရဏာနိ အတိက္ကမိတုံ။ ပာဏန္တိ အန္တမသော ကုန္ထကိပိလ္လိကံ။ အဒိန္နန္တိ အန္တမသော တိဏသလာကမ္ပိ ပရသန္တကံ။ ထေယ္ယသင္ခာတန္တိ ထေယ္ယစိတ္တေန။ သန္နိဓိကာရကံ ကာမေ ပရိဘုဉ္ဇိတုန္တိ သန္နိဓိံ ကတ္ဝာ ဌပေတ္ဝာ ဝတ္ထုကာမကိလေသကာမေ ပရိဘုဉ္ဇိတုံ အဘဗ္ဗော။ အကပ္ပိယံ ကာမဂုဏံ သန္ဓာယေတံ ဝုတ္တံ။ ဗုဒ္ဓံ ပစ္စက္ခာတုန္တိ ‘‘န ဗုဒ္ဓော အယ’’န္တိ ဧဝံ ပဋိက္ခိပိတုံ။ ဓမ္မာဒီသုပိ ဧသေဝ နယော။ ဧဝံ တာဝ အဋ္ဌကထာယ အာဂတံ။ ပာဠိယံ ပန ဣမသ္မိံ သုတ္တေ အဂတိဂမနာနိ ကထိတာနိ။
7. Sattame pañca ṭhānāni ajjhācaritunti pañca kāraṇāni atikkamituṃ. Pāṇanti antamaso kunthakipillikaṃ. Adinnanti antamaso tiṇasalākampi parasantakaṃ. Theyyasaṅkhātanti theyyacittena. Sannidhikārakaṃ kāme paribhuñjitunti sannidhiṃ katvā ṭhapetvā vatthukāmakilesakāme paribhuñjituṃ abhabbo. Akappiyaṃ kāmaguṇaṃ sandhāyetaṃ vuttaṃ. Buddhaṃ paccakkhātunti ‘‘na buddho aya’’nti evaṃ paṭikkhipituṃ. Dhammādīsupi eseva nayo. Evaṃ tāva aṭṭhakathāya āgataṃ. Pāḷiyaṃ pana imasmiṃ sutte agatigamanāni kathitāni.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၇. သုတဝာသုတ္တံ • 7. Sutavāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၇-၁၀. သုတဝာသုတ္တာဒိဝဏ္ဏနာ • 7-10. Sutavāsuttādivaṇṇanā
