| Library / Tipiṭaka / д̇ибидага • Tipiṭaka / бздагобад̣̇зсабаал̣и • Peṭakopadesapāḷi |
3. суд̇д̇аад̇хидтаанад̇ад̇ияабхууми
3. Suttādhiṭṭhānatatiyabhūmi
32. д̇ад̇т̇а гад̇амам̣ суд̇д̇аад̇хидтаанам̣?
32. Tattha katamaṃ suttādhiṭṭhānaṃ?
лобхаад̇хидтаанам̣ д̣̇осаад̇хидтаанам̣ мохаад̇хидтаанам̣ алобхаад̇хидтаанам̣ ад̣̇осаад̇хидтаанам̣ амохаад̇хидтаанам̣ гааяагаммаад̇хидтаанам̣ ваажаагаммаад̇хидтаанам̣ маногаммаад̇хидтаанам̣ сад̣̇д̇хинд̣̇рияаад̇хидтаанам̣ вийрияинд̣̇рияаад̇хидтаанам̣ сад̇инд̣̇рияаад̇хидтаанам̣ самаад̇хинд̣̇рияаад̇хидтаанам̣ бан̃н̃инд̣̇рияаад̇хидтаанам̣.
Lobhādhiṭṭhānaṃ dosādhiṭṭhānaṃ mohādhiṭṭhānaṃ alobhādhiṭṭhānaṃ adosādhiṭṭhānaṃ amohādhiṭṭhānaṃ kāyakammādhiṭṭhānaṃ vācākammādhiṭṭhānaṃ manokammādhiṭṭhānaṃ saddhindriyādhiṭṭhānaṃ vīriyindriyādhiṭṭhānaṃ satindriyādhiṭṭhānaṃ samādhindriyādhiṭṭhānaṃ paññindriyādhiṭṭhānaṃ.
д̇ад̇т̇а гад̇амам̣ лобхаад̇хидтаанам̣?
Tattha katamaṃ lobhādhiṭṭhānaṃ?
вид̇аггамат̇ид̇асса 1 ж̇анд̇уно, д̇иб̣б̣арааг̇асса субхаанубассино;
Vitakkamathitassa 2 jantuno, tibbarāgassa subhānupassino;
бхияяо д̇ан̣хаа бавад̣дхад̇и, зса ко г̇аал̣хам̣ гарод̇и б̣анд̇ханам̣.
Bhiyyo taṇhā pavaḍḍhati, esa kho gāḷhaṃ karoti bandhanaṃ.
вид̇аггамат̇ид̇ассаад̇и гаамарааг̇о. субхаанубассинод̇и гаамарааг̇авад̇т̇у. бхияяо д̇ан̣хаа бавад̣дхад̇ийд̇и гаамад̇ан̣хаа. зса г̇аал̣хам̣ гарод̇и б̣анд̇хананд̇и рааг̇ам̣, ид̇и яо яо д̇хаммо мууланигкид̇д̇о, со язвзд̇т̇а д̇хаммо уг̇г̇аавахид̇аб̣б̣о 3. на бхаг̇аваа згам̣ д̇хаммам̣ аараб̣бха ан̃н̃ам̣ д̇хаммам̣ д̣̇зсзд̇и. яасса вид̇аггзд̇и гаамавид̇агго д̇амзва вид̇аггам̣ гаамавид̇аггзна нид̣̇д̣̇исийяад̇и. д̇иб̣б̣арааг̇ассаад̇и д̇ассзва вид̇аггасса вад̇т̇ум̣ нид̣̇д̣̇исад̇и. субхаанубассино бхияяо д̇ан̣хаа бавад̣дхад̇ийд̇и д̇амзва рааг̇ам̣ гаамад̇ан̣хаад̇и нид̣̇д̣̇исад̇и. зса г̇аал̣хам̣ гарод̇и б̣анд̇хананд̇и д̇амзва д̇ан̣хаасам̣яож̇анам̣ нид̣̇д̣̇исад̇и. звам̣ г̇аат̇аасу ануминид̇аб̣б̣ам̣. звам̣ савзяяаагаран̣зсу.
Vitakkamathitassāti kāmarāgo. Subhānupassinoti kāmarāgavatthu. Bhiyyo taṇhā pavaḍḍhatīti kāmataṇhā. Esa gāḷhaṃ karoti bandhananti rāgaṃ, iti yo yo dhammo mūlanikkhitto, so yevettha dhammo uggāvahitabbo 4. Na bhagavā ekaṃ dhammaṃ ārabbha aññaṃ dhammaṃ deseti. Yassa vitakketi kāmavitakko tameva vitakkaṃ kāmavitakkena niddisīyati. Tibbarāgassāti tasseva vitakkassa vatthuṃ niddisati. Subhānupassino bhiyyo taṇhā pavaḍḍhatīti tameva rāgaṃ kāmataṇhāti niddisati. Esa gāḷhaṃ karoti bandhananti tameva taṇhāsaṃyojanaṃ niddisati. Evaṃ gāthāsu anuminitabbaṃ. Evaṃ saveyyākaraṇesu.
д̇ад̇т̇а бхаг̇аваа згам̣ д̇хаммам̣ д̇ивид̇хам̣ нид̣̇д̣̇исад̇и, ниссанд̣̇ад̇о хзд̇уд̇о палад̇о.
Tattha bhagavā ekaṃ dhammaṃ tividhaṃ niddisati, nissandato hetuto phalato.
д̣̇ад̣̇ам̣ бияо 5 ход̇и бхаж̇анд̇и нам̣ б̣ахуу, гид̇д̇ин̃жа баббод̇и яасо жа вад̣дхад̇и;
Dadaṃ piyo 6 hoti bhajanti naṃ bahū, kittiñca pappoti yaso ca vaḍḍhati;
аман̇губхууд̇о барисам̣ виг̇аахад̇и, висаарад̣̇о ход̇и наро амажчарий.
Amaṅkubhūto parisaṃ vigāhati, visārado hoti naro amaccharī.
д̣̇ад̣̇анд̇и яам̣ яам̣ д̣̇аанам̣, ид̣̇ам̣ д̣̇аанамаяигам̣ бун̃н̃агрияам̣. д̇ад̇т̇а хзд̇у. яам̣ жзд̇ам̣. бхаж̇анд̇и нам̣ б̣ахуу, гид̇д̇инд̇и яо жа галяаан̣о гид̇д̇исад̣̇д̣̇о логз аб̣бхуг̇г̇ажчад̇и, яам̣ б̣ахугасса ж̇анасса бияо бхавад̇и манаабо жа. яан̃жа авиббадисаарий гаалан̇гарод̇и аяам̣ ниссанд̣̇о. яам̣ гааяасса бхзд̣̇аа д̣̇звзсу убабаж̇ж̇ад̇ийд̇и ид̣̇ам̣ палам̣. ид̣̇ам̣ лобхаад̇хидтаанам̣.
Dadanti yaṃ yaṃ dānaṃ, idaṃ dānamayikaṃ puññakriyaṃ. Tattha hetu. Yaṃ cetaṃ. Bhajanti naṃ bahū, kittinti yo ca kalyāṇo kittisaddo loke abbhuggacchati, yaṃ bahukassa janassa piyo bhavati manāpo ca. Yañca avippaṭisārī kālaṅkaroti ayaṃ nissando. Yaṃ kāyassa bhedā devesu upapajjatīti idaṃ phalaṃ. Idaṃ lobhādhiṭṭhānaṃ.
33. д̇ад̇т̇а гад̇амам̣ д̣̇осаад̇хидтаанам̣?
33. Tattha katamaṃ dosādhiṭṭhānaṃ?
яо баан̣амад̇ибаад̇зд̇и, мусааваад̣̇ан̃жа бхаасад̇и;
Yo pāṇamatipāteti, musāvādañca bhāsati;
логз ад̣̇иннам̣ аад̣̇ияад̇и, барад̣̇ааран̃жа г̇ажчад̇и;
Loke adinnaṃ ādiyati, paradārañca gacchati;
аббахааяа бан̃жа взраани, д̣̇уссийло ид̇и вужжад̇и;
Appahāya pañca verāni, dussīlo iti vuccati;
гааяасса бхзд̣̇аа д̣̇уббан̃н̃о, нираяам̣ собабаж̇ж̇ад̇и.
Kāyassa bhedā duppañño, nirayaṃ sopapajjati.
яо баан̣амад̇ибаад̇зд̇ийд̇и д̣̇удто баан̣амад̇ибаад̇зд̇и. мусааваад̣̇ан̃жа бхаасад̇ийд̇и д̣̇особагхаад̇ааяа мусааваад̣̇ан̃жа бхаасад̇и. сураамзраяабаанан̃жа, яо наро ануяун̃ж̇ад̇ийд̇и д̣̇осо нид̣̇аанам̣. яо жа сураамзраяабаанам̣ ануяун̃ж̇ад̇и яат̇аабарад̣̇ааравихаарий 9 амид̇д̇аа ж̇анаяанд̇и.
Yo pāṇamatipātetīti duṭṭho pāṇamatipāteti. Musāvādañca bhāsatīti dosopaghātāya musāvādañca bhāsati. Surāmerayapānañca, yo naro anuyuñjatīti doso nidānaṃ. Yo ca surāmerayapānaṃ anuyuñjati yathāparadāravihārī 10 amittā janayanti.
бан̃жа взраани аббахааяаад̇и бан̃жаннам̣ бхигкаабад̣̇аанам̣ самад̇иггаманам̣ саб̣б̣зсам̣ д̣̇осаж̇аанам̣ саа бан̣н̣ад̇д̇и, д̇знзва д̣̇осаж̇анид̇зна гаммзна д̣̇уссийло ид̇и вужжад̇и соби д̇хаммо хзд̇унаа нид̣̇д̣̇исид̇аб̣б̣о, ниссанд̣̇зна палзна жа.
Pañca verāni appahāyāti pañcannaṃ bhikkhāpadānaṃ samatikkamanaṃ sabbesaṃ dosajānaṃ sā paṇṇatti, teneva dosajanitena kammena dussīlo iti vuccati sopi dhammo hetunā niddisitabbo, nissandena phalena ca.
д̇ийн̣и б̣ааласса б̣аалалагкан̣аани – д̣̇уб̣бхаасид̇абхаасий 11 жа ход̇и, д̣̇ужжинд̇ид̇ажинд̇ий жа д̣̇уггадагаммагаарий жа. д̇ад̇т̇а яам̣ гааязна жа ваажааяа жа бараггамад̇и, ид̣̇амасса д̣̇уггадагаммагаарий. д̇ааяам̣ яат̇аа жа мусааваад̣̇ам̣ бхаасад̇и яат̇аа буб̣б̣анид̣̇д̣̇идтам̣ , ид̣̇амасса д̣̇уб̣бхаасид̇аа. яан̃жа сан̇габбзд̇и манод̣̇ужжарид̇ам̣ б̣яаабаад̣̇ам̣, ид̣̇амасса д̣̇ужжинд̇ид̇ажинд̇ид̇аа. яам̣ со имзхи д̇ийхи б̣аалалагкан̣зхи саманнааг̇ад̇о д̇ийн̣и д̇аж̇ж̇аани д̣̇угкаани д̣̇оманассаани анубхавад̇и, со жа ход̇и сабхаг̇г̇ад̇о ваа барисаг̇г̇ад̇о ваа д̇аж̇ж̇ам̣ гат̇ам̣ гат̇анд̇и. яад̣̇аа бхавад̇и со жа баан̣аад̇ибаад̇аад̣̇ид̣̇асаагусалагаммабат̇аа, со д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇зд̇ийд̇и. буна жабарам̣ яад̣̇аа бассад̇и жорам̣ рааж̇аабараад̇хигам̣ ран̃н̃аа г̇ахид̇ам̣ ж̇ийвид̇аа воробзд̇ам̣, д̇ассзвам̣ бхавад̇и сажз мамамби рааж̇аа ж̇аанзяяа мамамби рааж̇аа г̇аахаабзд̇ваа ж̇ийвид̇аа воробзяяаад̇и, со д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇зд̇и. буна жабарам̣ б̣аало яад̣̇аа бхавад̇и аасанаа самааруул̣хо яаава яаа мз г̇ад̇и бхависсад̇и ид̇о бзжжа барам̣ маран̣аад̇и со д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇зд̇и ид̇и б̣аалалагкан̣ам̣ хзд̇у. д̇ийн̣и д̇аж̇ж̇аани д̣̇угкаани ниссанд̣̇о. гааяасса бхзд̣̇аа нираязсу убабаж̇ж̇ад̇и, ид̣̇ам̣ палам̣. ид̣̇ам̣ д̣̇осаад̇хидтаанам̣.
Tīṇi bālassa bālalakkhaṇāni – dubbhāsitabhāsī 12 ca hoti, duccintitacintī ca dukkaṭakammakārī ca. Tattha yaṃ kāyena ca vācāya ca parakkamati, idamassa dukkaṭakammakārī. Tāyaṃ yathā ca musāvādaṃ bhāsati yathā pubbaniddiṭṭhaṃ , idamassa dubbhāsitā. Yañca saṅkappeti manoduccaritaṃ byāpādaṃ, idamassa duccintitacintitā. Yaṃ so imehi tīhi bālalakkhaṇehi samannāgato tīṇi tajjāni dukkhāni domanassāni anubhavati, so ca hoti sabhaggato vā parisaggato vā tajjaṃ kathaṃ kathanti. Yadā bhavati so ca pāṇātipātādidasaakusalakammapathā, so tatonidānaṃ dukkhaṃ domanassaṃ paṭisaṃvedetīti. Puna caparaṃ yadā passati coraṃ rājāparādhikaṃ raññā gahitaṃ jīvitā voropetaṃ, tassevaṃ bhavati sace mamampi rājā jāneyya mamampi rājā gāhāpetvā jīvitā voropeyyāti, so tatonidānaṃ dukkhaṃ domanassaṃ paṭisaṃvedeti. Puna caparaṃ bālo yadā bhavati āsanā samārūḷho yāva yā me gati bhavissati ito pecca paraṃ maraṇāti so tatonidānaṃ dukkhaṃ domanassaṃ paṭisaṃvedeti iti bālalakkhaṇaṃ hetu. Tīṇi tajjāni dukkhāni nissando. Kāyassa bhedā nirayesu upapajjati, idaṃ phalaṃ. Idaṃ dosādhiṭṭhānaṃ.
34. д̇ад̇т̇а гад̇амам̣ мохаад̇хидтаанам̣?
34. Tattha katamaṃ mohādhiṭṭhānaṃ?
сад̇ан̃жзва сахассаанам̣, габбаанам̣ сам̣сариссад̇и;
Satañceva sahassānaṃ, kappānaṃ saṃsarissati;
ат̇аваа би д̇ад̇о бхияяо, г̇аб̣бхаа г̇аб̣бхам̣ г̇амиссат̇а.
Athavā pi tato bhiyyo, gabbhā gabbhaṃ gamissatha.
анубаад̣̇ааяа б̣уд̣̇д̇хаважанам̣, сан̇каарз ад̇д̇ад̇о убаад̣̇ааяа;
Anupādāya buddhavacanaṃ, saṅkhāre attato upādāya;
д̣̇угкассанд̇ам̣ гариссанд̇и, таанамзд̇ам̣ на виж̇ж̇ад̇и.
Dukkhassantaṃ karissanti, ṭhānametaṃ na vijjati.
яо яам̣ анамад̇аг̇г̇асам̣саарам̣ самаабанно ж̇ааяад̇з жа мийяад̇з жа, аяам̣ авиж̇ж̇аахзд̇угаа. яааниби жа сан̇каараанам̣ баяож̇анаани, д̇ааниби авиж̇ж̇аабажжаяаани, яам̣ ад̣̇ассанам̣ б̣уд̣̇д̇хаважанасса, аяам̣ авиж̇ж̇аасуд̇д̇зязва нид̣̇д̣̇идтам̣. яо жа сан̇каарз ад̇д̇ад̇о харад̇и бан̃жагканд̇хз бан̃жа д̣̇идтияо убаг̇ажчад̇и. ‘‘зд̇ам̣ мама, зсохамасми, зсо мз ад̇д̇аа’’д̇и ид̣̇ам̣ суд̇д̇ам̣ авиж̇ж̇ааяа нигкид̇д̇ам̣, авиж̇ж̇ааяа нигкибид̇ам̣. звам̣ сад̇т̇аа суд̇д̇з наязна 13 д̇хаммзна нид̣̇д̣̇исад̇и. асаад̇хааран̣зна д̇ам̣язва д̇ад̇т̇а нид̣̇д̣̇исид̇аб̣б̣ам̣. на ан̃н̃ам̣.
Yo yaṃ anamataggasaṃsāraṃ samāpanno jāyate ca mīyate ca, ayaṃ avijjāhetukā. Yānipi ca saṅkhārānaṃ payojanāni, tānipi avijjāpaccayāni, yaṃ adassanaṃ buddhavacanassa, ayaṃ avijjāsutteyeva niddiṭṭhaṃ. Yo ca saṅkhāre attato harati pañcakkhandhe pañca diṭṭhiyo upagacchati. ‘‘Etaṃ mama, esohamasmi, eso me attā’’ti idaṃ suttaṃ avijjāya nikkhittaṃ, avijjāya nikkhipitaṃ. Evaṃ satthā sutte nayena 14 dhammena niddisati. Asādhāraṇena taṃyeva tattha niddisitabbaṃ. Na aññaṃ.
яз хи гзжи, бхигкавз, саман̣аа ваа б̣раахман̣аа ваа ‘‘ид̣̇ам̣ д̣̇угка’’нд̇и наббаж̇аананд̇и жад̇д̇аари сажжаани вид̇т̇аарзна, яам̣ д̇ад̇т̇а аббаж̇аананаа, ид̣̇ам̣ д̣̇угкам̣, аяам̣ хзд̇у. аббаж̇аананд̇о вивид̇хз сан̇каарз абхисан̇карод̇и, аяам̣ ниссанд̣̇о. яан̃жа д̣̇идтиг̇ад̇аани бараамасад̇и ‘‘ид̣̇амзва сажжам̣ могхаман̃н̃а’’нд̇и аяам̣ ниссанд̣̇о. яам̣ бунаб̣бхавам̣ ниб̣б̣ад̇д̇зд̇и, ид̣̇ам̣ палам̣. аяамби д̇хаммо санид̣̇д̣̇идто хзд̇уд̇о жа палад̇о жа ниссанд̣̇ад̇о жа.
Ye hi keci, bhikkhave, samaṇā vā brāhmaṇā vā ‘‘idaṃ dukkha’’nti nappajānanti cattāri saccāni vitthārena, yaṃ tattha appajānanā, idaṃ dukkhaṃ, ayaṃ hetu. Appajānanto vividhe saṅkhāre abhisaṅkharoti, ayaṃ nissando. Yañca diṭṭhigatāni parāmasati ‘‘idameva saccaṃ moghamañña’’nti ayaṃ nissando. Yaṃ punabbhavaṃ nibbatteti, idaṃ phalaṃ. Ayampi dhammo saniddiṭṭho hetuto ca phalato ca nissandato ca.
зд̇т̇а бана гзжи д̇хаммаа саад̇хааран̣аа бхаванд̇и. хзд̇у калу аад̣̇ид̇оязва суд̇д̇з нигкибиссанд̇и. яат̇аа гим̣ бхавз жад̇д̇ааримаани, бхигкавз, аг̇ад̇иг̇аманаани. д̇ад̇т̇а яан̃жа чанд̣̇ааг̇ад̇им̣ г̇ажчад̇и яан̃жа бхаяааг̇ад̇им̣ г̇ажчад̇и, аяам̣ лобхо агусаламуулам̣. яам̣ д̣̇осаа, аяам̣ д̣̇осоязва . яам̣ мохаа, аяам̣ мохоязва. звам̣ имаани д̇ийн̣и агусаламуулаани аад̣̇ид̇оязва убабаригкид̇аб̣б̣аани. яад̇т̇а згам̣ нид̣̇д̣̇исид̇аб̣б̣ам̣, д̇ад̇т̇а згам̣ нид̣̇д̣̇исийяад̇и. д̇ат̇аа д̣̇вз яат̇аа д̇ийн̣и, на хи аад̣̇ийхи анигкид̇д̇з хзд̇у ваа ниссанд̣̇о ваа палам̣ ваа нид̣̇д̣̇исид̇аб̣б̣ам̣.
Ettha pana keci dhammā sādhāraṇā bhavanti. Hetu khalu āditoyeva sutte nikkhipissanti. Yathā kiṃ bhave cattārimāni, bhikkhave, agatigamanāni. Tattha yañca chandāgatiṃ gacchati yañca bhayāgatiṃ gacchati, ayaṃ lobho akusalamūlaṃ. Yaṃ dosā, ayaṃ dosoyeva . Yaṃ mohā, ayaṃ mohoyeva. Evaṃ imāni tīṇi akusalamūlāni āditoyeva upaparikkhitabbāni. Yattha ekaṃ niddisitabbaṃ, tattha ekaṃ niddisīyati. Tathā dve yathā tīṇi, na hi ādīhi anikkhitte hetu vā nissando vā phalaṃ vā niddisitabbaṃ.
аяан̃жзд̇т̇а г̇аат̇аа –
Ayañcettha gāthā –
чанд̣̇аа д̣̇осаа бхаяаа мохаа, яо д̇хаммам̣ ад̇ивад̇д̇ад̇и;
Chandā dosā bhayā mohā, yo dhammaṃ ativattati;
гад̇т̇а чанд̣̇аа жа аяам̣ лобхо яат̇аа нид̣̇д̣̇идтам̣ буб̣б̣з. ид̣̇ам̣ мохаад̇хидтаанам̣.
Kattha chandā ca ayaṃ lobho yathā niddiṭṭhaṃ pubbe. Idaṃ mohādhiṭṭhānaṃ.
35. д̇ад̇т̇а гад̇амам̣ алобхаад̇хидтаанам̣?
35. Tattha katamaṃ alobhādhiṭṭhānaṃ?
‘‘асубхаанубассим̣ 17 вихаранд̇ам̣, инд̣̇риязсу сусам̣вуд̇ам̣;
‘‘Asubhānupassiṃ 18 viharantaṃ, indriyesu susaṃvutaṃ;
бхож̇анамхи жа мад̇д̇ан̃н̃ум̣, сад̣̇д̇хам̣ аарад̣̇д̇хавийрияам̣;
Bhojanamhi ca mattaññuṃ, saddhaṃ āraddhavīriyaṃ;
д̇ам̣ вз наббасахад̇и мааро, ваад̇о сзлам̣ва баб̣б̣ад̇а’’нд̇и.
Taṃ ve nappasahati māro, vāto selaṃva pabbata’’nti.
д̇ад̇т̇а яаа асубхааяа убабаригкаа, аяам̣ гаамзсу аад̣̇ийнавад̣̇ассанзна барижжааг̇о. инд̣̇риязсу сусам̣вуд̇о д̇ассзва алобхасса баарибуурияам̣ мама ааяад̇анасожид̇ам̣ анубаад̣̇ааяа. бхож̇анамхи жа мад̇д̇ан̃н̃унд̇и расад̇ан̣хаабахаанам̣. ид̇и аяам̣ алобхо асубхаанубассид̇ааяа вад̇т̇уд̇о д̇хаараяад̇и, со алобхо хзд̇у. инд̣̇риязсу г̇уд̇д̇ад̣̇ваарад̇ааяа г̇ожарад̇о д̇хаараяад̇и, бхож̇анзмад̇д̇ан̃н̃уд̇ааяа барад̇о д̇хаараяад̇и, аяам̣ ниссанд̣̇о. д̇ам̣ вз наббасахад̇и мааро, ваад̇о сзлам̣ ва баб̣б̣ад̇анд̇и, ид̣̇ам̣ палам̣. ид̇и яоязва д̇хаммо аад̣̇имхи нигкид̇д̇о, соязва маж̇жхз жзва авасаанз жа.
Tattha yā asubhāya upaparikkhā, ayaṃ kāmesu ādīnavadassanena pariccāgo. Indriyesu susaṃvuto tasseva alobhassa pāripūriyaṃ mama āyatanasocitaṃ anupādāya. Bhojanamhi ca mattaññunti rasataṇhāpahānaṃ. Iti ayaṃ alobho asubhānupassitāya vatthuto dhārayati, so alobho hetu. Indriyesu guttadvāratāya gocarato dhārayati, bhojanemattaññutāya parato dhārayati, ayaṃ nissando. Taṃ ve nappasahati māro, vāto selaṃ va pabbatanti, idaṃ phalaṃ. Iti yoyeva dhammo ādimhi nikkhitto, soyeva majjhe ceva avasāne ca.
наахам̣, бхигкавз, ан̃н̃ам̣ згад̇хаммамби саманубассаами асамуббаннасса гаамажчанд̣̇асса ануббаад̣̇ааяа уббаннасса ваа бахаанааяа, яат̇аяид̣̇ам̣ 19 асубханимид̇д̇ам̣. д̇ад̇т̇а асубханимид̇д̇ам̣ манасигаронд̇асса ануббанно жзва гаамажчанд̣̇о на уббаж̇ж̇ад̇и, уббанно жа гаамажчанд̣̇о бахийяад̇и. ид̣̇ам̣ алобхасса вад̇т̇у. яам̣ буна ануббанно гаамарааг̇о барияаад̣̇ияад̇и руубарааг̇ам̣ аруубарааг̇ам̣, ид̇и палам̣. ид̇и аяамби жа д̇хаммо нид̣̇д̣̇идто хзд̇уд̇о жа ниссанд̣̇ад̇о жа палад̇о жа. ид̣̇ам̣ алобхаад̇хидтаанам̣.
Nāhaṃ, bhikkhave, aññaṃ ekadhammampi samanupassāmi asamuppannassa kāmacchandassa anuppādāya uppannassa vā pahānāya, yathayidaṃ 20 asubhanimittaṃ. Tattha asubhanimittaṃ manasikarontassa anuppanno ceva kāmacchando na uppajjati, uppanno ca kāmacchando pahīyati. Idaṃ alobhassa vatthu. Yaṃ puna anuppanno kāmarāgo pariyādiyati rūparāgaṃ arūparāgaṃ, iti phalaṃ. Iti ayampi ca dhammo niddiṭṭho hetuto ca nissandato ca phalato ca. Idaṃ alobhādhiṭṭhānaṃ.
д̇ад̇т̇а гад̇амам̣ ад̣̇осаад̇хидтаанам̣?
Tattha katamaṃ adosādhiṭṭhānaṃ?
згамби жз баан̣амад̣̇удтажид̇д̇о, мзд̇д̇ааяад̇и гусало 21 д̇зна ход̇и;
Ekampi ce pāṇamaduṭṭhacitto, mettāyati kusalo 22 tena hoti;
саб̣б̣з жа баан̣з манасаанугамбам̣ 23, бахууд̇амарияо багарод̇и бун̃н̃ам̣.
Sabbe ca pāṇe manasānukampaṃ 24, pahūtamariyo pakaroti puññaṃ.
згамби жз баан̣амад̣̇удтажид̇д̇о мзд̇д̇ааяад̇ийд̇и аяам̣ ад̣̇осо. ниг̇гхаад̇зна ассаад̣̇о, гусало д̇зна ход̇ийд̇и д̇зна гусалзна д̇хаммзна сам̣яуд̇д̇о д̇хаммабан̃н̃ад̇д̇им̣ г̇ажчад̇и. гусалод̇и яат̇аа бан̃н̃ааяа бан̃н̃о бан̣д̣ижжзна бан̣д̣ид̇о. бахууд̇амарияо багарод̇и бун̃н̃анд̇и д̇ассааязва вибааго аяам̣ логияасса, на хи логуд̇д̇арасса. д̇ад̇т̇а яаа мзд̇д̇ааяанаа, аяам̣ хзд̇у. яам̣ гусало бхавад̇и аяам̣ ниссанд̣̇о. яаава аб̣яаабаж̇ж̇о бхуумияам̣ б̣ахубун̃н̃ам̣ басавад̇и, ид̣̇ам̣ палам̣. ид̇и ад̣̇осо нид̣̇д̣̇идто хзд̇уд̇о жа ниссанд̣̇ад̇о жа палад̇о жа.
Ekampi ce pāṇamaduṭṭhacitto mettāyatīti ayaṃ adoso. Nigghātena assādo, kusalo tena hotīti tena kusalena dhammena saṃyutto dhammapaññattiṃ gacchati. Kusaloti yathā paññāya pañño paṇḍiccena paṇḍito. Pahūtamariyo pakaroti puññanti tassāyeva vipāko ayaṃ lokiyassa, na hi lokuttarassa. Tattha yā mettāyanā, ayaṃ hetu. Yaṃ kusalo bhavati ayaṃ nissando. Yāva abyāpajjo bhūmiyaṃ bahupuññaṃ pasavati, idaṃ phalaṃ. Iti adoso niddiṭṭho hetuto ca nissandato ca phalato ca.
згаад̣̇асаанисам̣саа мзд̇д̇ааяа жзд̇овимуд̇д̇ияаа. д̇ад̇т̇а яаа мзд̇д̇аажзд̇овимуд̇д̇и, аяам̣ арияад̇хаммзсу рааг̇авирааг̇аа жзд̇овимуд̇д̇и, логигааяа бхуумигаа хзд̇у, яам̣ сукам̣ ааяад̇им̣ манаабо ход̇и мануссаанам̣, имз згаад̣̇аса д̇хаммаа ниссанд̣̇о. яан̃жа агад̇аавий б̣рахмагааяз убабаж̇ж̇ад̇и. ид̣̇ам̣ палам̣. ид̣̇ам̣ ад̣̇осаад̇хидтаанам̣.
Ekādasānisaṃsā mettāya cetovimuttiyā. Tattha yā mettācetovimutti, ayaṃ ariyadhammesu rāgavirāgā cetovimutti, lokikāya bhūmikā hetu, yaṃ sukhaṃ āyatiṃ manāpo hoti manussānaṃ, ime ekādasa dhammā nissando. Yañca akatāvī brahmakāye upapajjati. Idaṃ phalaṃ. Idaṃ adosādhiṭṭhānaṃ.
36. д̇ад̇т̇а гад̇амам̣ амохаад̇хидтаанам̣?
36. Tattha katamaṃ amohādhiṭṭhānaṃ?
бан̃н̃аа хи сздтаа логасмим̣, яааяам̣ ниб̣б̣зд̇хаг̇ааминий 25;
Paññā hi seṭṭhā lokasmiṃ, yāyaṃ nibbedhagāminī 26;
яааяа саммаа баж̇аанаад̇и, ж̇аад̇имаран̣асан̇каяам̣.
Yāya sammā pajānāti, jātimaraṇasaṅkhayaṃ.
бан̃н̃аа хи сздтаад̇и вад̇т̇ум̣. ниб̣б̣зд̇хаг̇ааминийд̇и ниб̣б̣аанаг̇ааминияам̣ яат̇аабхууд̇ам̣ бадивиж̇жхад̇и. саммаа баж̇аанаад̇и, ж̇аад̇имаран̣асан̇каяанд̇и амохо. бан̃н̃аад̇и хзд̇у. яам̣ баж̇аанаад̇и аяам̣ ниссанд̣̇о. яо ж̇аад̇имаран̣асан̇каяо, ид̣̇ам̣ палам̣. ид̇и амохо нид̣̇д̣̇идто хзд̇унаа жа ниссанд̣̇зна жа палзна жа.
Paññā hi seṭṭhāti vatthuṃ. Nibbedhagāminīti nibbānagāminiyaṃ yathābhūtaṃ paṭivijjhati. Sammā pajānāti, jātimaraṇasaṅkhayanti amoho. Paññāti hetu. Yaṃ pajānāti ayaṃ nissando. Yo jātimaraṇasaṅkhayo, idaṃ phalaṃ. Iti amoho niddiṭṭho hetunā ca nissandena ca phalena ca.
д̇ийн̣имаани, бхигкавз 27, инд̣̇рияаани анан̃н̃аад̇ан̃н̃ассаамийд̇инд̣̇рияам̣ ан̃н̃инд̣̇рияам̣ ан̃н̃аад̇аавинд̣̇рияам̣. д̇ад̇т̇а гад̇амам̣ анан̃н̃аад̇ан̃н̃ассаамийд̇инд̣̇рияам̣? ид̇ха, бхигкавз, бхигку анабхисамзд̇асса д̣̇угкасса арияасажжасса абхисамаяааяа чанд̣̇ам̣ ж̇анзд̇и вааяамад̇и, вийрияам̣ аарабхад̇и , жид̇д̇ам̣ баг̇г̇ан̣хаад̇и бад̣̇ахад̇и. звам̣ жад̇уннам̣ арияасажжаанам̣ гаад̇аб̣б̣ам̣. д̇ад̇т̇а гад̇амам̣ ан̃н̃инд̣̇рияам̣? ид̇ха , бхигкавз, бхигку ‘‘ид̣̇ам̣ д̣̇угкам̣ арияасажжа’’нд̇и яат̇аабхууд̇ам̣ баж̇аанаад̇и, яаа жа маг̇г̇о, ид̣̇ам̣ ан̃н̃инд̣̇рияам̣. аасавагкаяаа анаасаво ход̇и, ид̣̇ам̣ вужжад̇и ан̃н̃аад̇аавинд̣̇рияам̣. д̇ат̇ааяам̣ бан̃н̃аа, аяам̣ хзд̇у. яам̣ чанд̣̇ам̣ ж̇анзд̇и вааяамад̇и, яаа баж̇аанаад̇и, аяам̣ ниссанд̣̇о. язна саб̣б̣асо аасаваанам̣ каяаа хзд̇у, яам̣ каяз н̃аан̣амуббаж̇ж̇ад̇и, ануббаад̣̇з н̃аан̣ан̃жа, аяам̣ ниссанд̣̇о. яам̣ арахад̇д̇ам̣, ид̣̇ам̣ палам̣. д̇ад̇т̇а кийн̣аа мз ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяанд̇и, ид̣̇ам̣ каяз н̃аан̣ам̣. наабарам̣ ид̇т̇ад̇д̇ааяаад̇и баж̇аанаамийд̇и ид̣̇ам̣ ануббаад̣̇з н̃аан̣ам̣. ид̇и имаани инд̣̇рияаани амохо нид̣̇д̣̇идто хзд̇унаа жа ниссанд̣̇зна жа палзна жа. имаани асаад̇хааран̣аани нид̣̇д̣̇идтаани.
Tīṇimāni, bhikkhave 28, indriyāni anaññātaññassāmītindriyaṃ aññindriyaṃ aññātāvindriyaṃ. Tattha katamaṃ anaññātaññassāmītindriyaṃ? Idha, bhikkhave, bhikkhu anabhisametassa dukkhassa ariyasaccassa abhisamayāya chandaṃ janeti vāyamati, vīriyaṃ ārabhati , cittaṃ paggaṇhāti padahati. Evaṃ catunnaṃ ariyasaccānaṃ kātabbaṃ. Tattha katamaṃ aññindriyaṃ? Idha , bhikkhave, bhikkhu ‘‘idaṃ dukkhaṃ ariyasacca’’nti yathābhūtaṃ pajānāti, yā ca maggo, idaṃ aññindriyaṃ. Āsavakkhayā anāsavo hoti, idaṃ vuccati aññātāvindriyaṃ. Tathāyaṃ paññā, ayaṃ hetu. Yaṃ chandaṃ janeti vāyamati, yā pajānāti, ayaṃ nissando. Yena sabbaso āsavānaṃ khayā hetu, yaṃ khaye ñāṇamuppajjati, anuppāde ñāṇañca, ayaṃ nissando. Yaṃ arahattaṃ, idaṃ phalaṃ. Tattha khīṇā me jāti, vusitaṃ brahmacariyaṃ, kataṃ karaṇīyanti, idaṃ khaye ñāṇaṃ. Nāparaṃ itthattāyāti pajānāmīti idaṃ anuppāde ñāṇaṃ. Iti imāni indriyāni amoho niddiṭṭho hetunā ca nissandena ca phalena ca. Imāni asādhāraṇāni niddiṭṭhāni.
д̇ад̇т̇а гад̇амаани гусаламуулаани саад̇хааран̣аани? гусалан̃жа во, бхигкавз, д̣̇зсзссаами гусаламуулан̃жзва. д̇ад̇т̇а гад̇амам̣ гусаламуулам̣? алобхо ад̣̇осо амохо. д̇ад̇т̇а гад̇амам̣ гусалам̣? адта саммад̇д̇аани саммаад̣̇идти яаава саммаасамаад̇хи. д̇ад̇т̇а яаани гусаламуулаани, аяам̣ хзд̇у. яан̃жа алобхо д̇ийн̣и гаммаани самудтаабзд̇и сан̇габбам̣ вааяаамам̣ самаад̇хин̃жа, аяам̣ алобхасса ниссанд̣̇о. д̇ад̇т̇а яо ад̣̇осо, аяам̣ хзд̇у. яам̣ д̇аяо д̇хаммз бадтабзд̇и саммааваажам̣ саммаагамманд̇ам̣ саммааааж̇ийван̃жа, аяам̣ ниссанд̣̇о. д̇ад̇т̇а яо амохо хзд̇у, яам̣ д̣̇вз д̇хаммз убадтабзд̇и авибарийд̇ад̣̇ассанамби жа анабхилаабанам̣, аяам̣ ниссанд̣̇о. имасса б̣рахмажарияасса яам̣ палам̣, д̇аа д̣̇вз вимуд̇д̇ияо рааг̇авирааг̇аа жзд̇овимуд̇д̇и авиж̇ж̇аа вирааг̇аа жа бан̃н̃аавимуд̇д̇и, ид̣̇ам̣ палам̣. ид̇и имаани д̇ийн̣и гусаламуулаани нид̣̇д̣̇идтаани хзд̇уд̇о жа ниссанд̣̇ад̇о жа палад̇о жа. звам̣ саад̇хааран̣аани гусалаани бадивиж̇жхид̇аб̣б̣аани.
Tattha katamāni kusalamūlāni sādhāraṇāni? Kusalañca vo, bhikkhave, desessāmi kusalamūlañceva. Tattha katamaṃ kusalamūlaṃ? Alobho adoso amoho. Tattha katamaṃ kusalaṃ? Aṭṭha sammattāni sammādiṭṭhi yāva sammāsamādhi. Tattha yāni kusalamūlāni, ayaṃ hetu. Yañca alobho tīṇi kammāni samuṭṭhāpeti saṅkappaṃ vāyāmaṃ samādhiñca, ayaṃ alobhassa nissando. Tattha yo adoso, ayaṃ hetu. Yaṃ tayo dhamme paṭṭhapeti sammāvācaṃ sammākammantaṃ sammāājīvañca, ayaṃ nissando. Tattha yo amoho hetu, yaṃ dve dhamme upaṭṭhapeti aviparītadassanampi ca anabhilāpanaṃ, ayaṃ nissando. Imassa brahmacariyassa yaṃ phalaṃ, tā dve vimuttiyo rāgavirāgā cetovimutti avijjā virāgā ca paññāvimutti, idaṃ phalaṃ. Iti imāni tīṇi kusalamūlāni niddiṭṭhāni hetuto ca nissandato ca phalato ca. Evaṃ sādhāraṇāni kusalāni paṭivijjhitabbāni.
яад̇т̇а д̣̇увз яад̇т̇а д̇ийн̣и. аяан̃жзд̇т̇а г̇аат̇аа.
Yattha duve yattha tīṇi. Ayañcettha gāthā.
‘‘д̇уламад̇улан̃жа самбхавам̣, бхавасан̇каарамавассаж̇и муни;
‘‘Tulamatulañca sambhavaṃ, bhavasaṅkhāramavassaji muni;
аж̇жхад̇д̇арад̇о самаахид̇о, абхинд̣̇и гаважамивад̇д̇асамбхава’’нд̇и.
Ajjhattarato samāhito, abhindi kavacamivattasambhava’’nti.
д̇уламад̇улан̃жа самбхаванд̇и д̇уласан̇кад̇ам̣ ад̇уласан̇кад̇ам̣. д̇ад̇т̇а яз сан̇кад̇аа д̇улам̣, д̇з д̣̇вз д̇хаммаа ассаад̣̇о жа аад̣̇ийнаво жа д̇улид̇аа бхаванд̇и. зд̇д̇аго гаамзсу ассаад̣̇о. зд̇д̇аго аад̣̇ийнаво имасса, ид̣̇ам̣ ниссаран̣анд̇и ид̇и ниб̣б̣аанам̣ баж̇аанаад̇и. д̣̇вийхи гааран̣зхи ад̇улам̣ на жа саггаа д̇улаяид̇ум̣. зд̇д̇агам̣ зд̇ам̣ нзд̇ам̣ барамад̇т̇ийд̇и д̇зна ад̇улам̣. ат̇а баабун̣аа рад̇анам̣ гарид̇ваа ажчарияабхаавзна ад̇улам̣. д̇ад̇т̇а гусаласса жа абхисамбхаваа ж̇аананаа бассанаа, аяам̣ амохо. яам̣ д̇ад̇т̇а н̃аад̇аа осиран̣аа бхавасан̇каараанам̣, аяам̣ алобхо. яам̣ аж̇жхад̇д̇арад̇о самаахид̇од̇и вигкзбабадисам̣харан̣аа, аяам̣ ад̣̇осо. ид̇и имаани д̇ийн̣и гусаламуулаани. д̇уламад̇уласамбхаванд̇и аяам̣ амохо. яо бхавасан̇каараанам̣ самосаран̣ам̣ лобхо саммаасамаад̇хийнам̣ ассаад̣̇о, аяам̣ хзд̇у. яам̣ аж̇жхад̇д̇арад̇о авиж̇ж̇ан̣д̣агосам̣ самбхзд̣̇о, аяам̣ ниссанд̣̇о. саа бавад̇д̇и имаани д̇ийн̣и нид̣̇д̣̇идтаани гусаламуулаани хзд̇уд̇о жа ниссанд̣̇ад̇о жа палад̇о жа.
Tulamatulañca sambhavanti tulasaṅkhataṃ atulasaṅkhataṃ. Tattha ye saṅkhatā tulaṃ, te dve dhammā assādo ca ādīnavo ca tulitā bhavanti. Ettako kāmesu assādo. Ettako ādīnavo imassa, idaṃ nissaraṇanti iti nibbānaṃ pajānāti. Dvīhi kāraṇehi atulaṃ na ca sakkā tulayituṃ. Ettakaṃ etaṃ netaṃ paramatthīti tena atulaṃ. Atha pāpuṇā ratanaṃ karitvā acchariyabhāvena atulaṃ. Tattha kusalassa ca abhisambhavā jānanā passanā, ayaṃ amoho. Yaṃ tattha ñātā osiraṇā bhavasaṅkhārānaṃ, ayaṃ alobho. Yaṃ ajjhattarato samāhitoti vikkhepapaṭisaṃharaṇā, ayaṃ adoso. Iti imāni tīṇi kusalamūlāni. Tulamatulasambhavanti ayaṃ amoho. Yo bhavasaṅkhārānaṃ samosaraṇaṃ lobho sammāsamādhīnaṃ assādo, ayaṃ hetu. Yaṃ ajjhattarato avijjaṇḍakosaṃ sambhedo, ayaṃ nissando. Sā pavatti imāni tīṇi niddiṭṭhāni kusalamūlāni hetuto ca nissandato ca phalato ca.
зд̇д̇аавад̇аа зсаа бавад̇д̇и жа нивад̇д̇и жа агусаламуулзхи бавад̇д̇ад̇и, гусаламуулзхи нивад̇д̇ад̇ийд̇и имзхи жа д̇ийхи саб̣б̣ам̣ агусаламуулам̣ самосаран̣ам̣ г̇ажчад̇и. со д̇хаммз ваа важанад̇о нид̣̇д̣̇идто д̇ан̣хаад̇и ваа год̇ход̇и ваа асамбаж̇ан̃н̃анд̇и ваа анусаяод̇и ваа магкод̇и ваа бал̣аасод̇и ваа ассад̇ийд̇и ваа иссаад̇и ваа мажчарияанд̇и ваа ан̃н̃аан̣анд̇и ваа, д̇зхи яз жа вад̇т̇уухи нид̣̇д̣̇исид̇аб̣б̣ам̣. яассимаани д̣̇вз важанаани д̇хаммабад̣̇аани нид̣̇д̣̇идтаани на со ад̇т̇и гилзсаа, яо имзсу навасу бад̣̇зсу самод̇хаанам̣ самосаран̣ам̣ г̇ажчад̇и. аяам̣ гилзсо, на жа лобхо, на жа д̣̇осо, на жа мохо.
Ettāvatā esā pavatti ca nivatti ca akusalamūlehi pavattati, kusalamūlehi nivattatīti imehi ca tīhi sabbaṃ akusalamūlaṃ samosaraṇaṃ gacchati. So dhamme vā vacanato niddiṭṭho taṇhāti vā kodhoti vā asampajaññanti vā anusayoti vā makkhoti vā paḷāsoti vā assatīti vā issāti vā macchariyanti vā aññāṇanti vā, tehi ye ca vatthūhi niddisitabbaṃ. Yassimāni dve vacanāni dhammapadāni niddiṭṭhāni na so atthi kilesā, yo imesu navasu padesu samodhānaṃ samosaraṇaṃ gacchati. Ayaṃ kileso, na ca lobho, na ca doso, na ca moho.
яат̇аа агусаламуулаани, звам̣ гусалаани бадигкзбзна нид̣̇д̣̇исид̇аб̣б̣аани.
Yathā akusalamūlāni, evaṃ kusalāni paṭikkhepena niddisitabbāni.
ид̣̇ам̣ амохаад̇хидтаанам̣.
Idaṃ amohādhiṭṭhānaṃ.
37. д̇ад̇т̇а гад̇амам̣ гааяагаммаад̇хидтаанам̣?
37. Tattha katamaṃ kāyakammādhiṭṭhānaṃ?
гааязна гусалам̣ гарз, асса гааязна сам̣вуд̇о;
Kāyena kusalaṃ kare, assa kāyena saṃvuto;
гааяад̣̇ужжарид̇ам̣ хид̇ваа, гааязна сужарид̇ам̣ жарз.
Kāyaduccaritaṃ hitvā, kāyena sucaritaṃ care.
д̇ийн̣имаани, бхигкавз, сужарид̇аани 29. баан̣аад̇ибаад̇аа взраман̣ий, ад̣̇иннаад̣̇аанаа взраман̣ий, гаамзсумижчаажаараа взраман̣ий, ид̣̇ам̣ гааяагаммаад̇хидтаанам̣.
Tīṇimāni, bhikkhave, sucaritāni 30. Pāṇātipātā veramaṇī, adinnādānā veramaṇī, kāmesumicchācārā veramaṇī, idaṃ kāyakammādhiṭṭhānaṃ.
д̇ад̇т̇а гад̇амам̣ ваажаагаммаад̇хидтаанам̣?
Tattha katamaṃ vācākammādhiṭṭhānaṃ?
субхаасид̇ам̣ 31 уд̇д̇амамааху санд̇о, д̇хаммам̣ бхан̣з наад̇хаммам̣ д̇ам̣ д̣̇уд̇ияам̣;
Subhāsitaṃ 32 uttamamāhu santo, dhammaṃ bhaṇe nādhammaṃ taṃ dutiyaṃ;
бияам̣ бхан̣з нааббияам̣ д̇ам̣ д̇ад̇ияам̣, сажжам̣ бхан̣з наалигам̣ д̇ам̣ жад̇уд̇т̇ам̣.
Piyaṃ bhaṇe nāppiyaṃ taṃ tatiyaṃ, saccaṃ bhaṇe nālikaṃ taṃ catutthaṃ.
жад̇д̇ааримаани жа важийсужарид̇аани ид̣̇ам̣ ваажаагаммаад̇хидтаанам̣.
Cattārimāni ca vacīsucaritāni idaṃ vācākammādhiṭṭhānaṃ.
д̇ад̇т̇а гад̇амам̣ маногаммаад̇хидтаанам̣?
Tattha katamaṃ manokammādhiṭṭhānaṃ?
манзна гусалам̣ гаммам̣, манасаа сам̣вуд̇о бхавз;
Manena kusalaṃ kammaṃ, manasā saṃvuto bhave;
манод̣̇ужжарид̇ам̣ хид̇ваа, манасаа сужарид̇ам̣ жарз.
Manoduccaritaṃ hitvā, manasā sucaritaṃ care.
д̇ийн̣имаани маносужарид̇аани, анабхиж̇жхаа, аб̣яаабаад̣̇о, саммаад̣̇идти, ид̣̇ам̣ маногаммаад̇хидтаанам̣. имаани асаад̇хааран̣аани суд̇д̇аани.
Tīṇimāni manosucaritāni, anabhijjhā, abyāpādo, sammādiṭṭhi, idaṃ manokammādhiṭṭhānaṃ. Imāni asādhāraṇāni suttāni.
д̇ад̇т̇а гад̇амаани саад̇хааран̣аани суд̇д̇аани?
Tattha katamāni sādhāraṇāni suttāni?
ваажаанурагкий манасаа сусам̣вуд̇о, гааязна жа наагусалам̣ гаяираа 33;
Vācānurakkhī manasā susaṃvuto, kāyena ca nākusalaṃ kayirā 34;
зд̇з д̇аяо гаммабат̇з висод̇хаяз, аараад̇хаяз маг̇г̇амисиббавзд̣̇ид̇ам̣.
Ete tayo kammapathe visodhaye, ārādhaye maggamisippaveditaṃ.
д̇иссо имаа, бхигкавз, баарисуд̣̇д̇хияо – гааяагаммабаарисуд̣̇д̇хи, ваажаагаммабаарисуд̣̇д̇хи, маногаммабаарисуд̣̇д̇хи.
Tisso imā, bhikkhave, pārisuddhiyo – kāyakammapārisuddhi, vācākammapārisuddhi, manokammapārisuddhi.
д̇ад̇т̇а гад̇амаа гааяагаммабаарисуд̣̇д̇хи? баан̣аад̇ибаад̇аа взраман̣ий, ад̣̇иннаад̣̇аанаа взраман̣ий, гаамзсумижчаажаараа взраман̣ий. д̇ад̇т̇а гад̇амаа важийгаммабаарисуд̣̇д̇хи? мусааваад̣̇аа взраман̣ий…бз… сампаббалаабаа взраман̣ий. д̇ад̇т̇а гад̇амаа маногаммабаарисуд̣̇д̇хи? анабхиж̇жхаа аб̣яаабаад̣̇о саммаад̣̇идти. ид̣̇ам̣ саад̇хааран̣асуд̇д̇ам̣.
Tattha katamā kāyakammapārisuddhi? Pāṇātipātā veramaṇī, adinnādānā veramaṇī, kāmesumicchācārā veramaṇī. Tattha katamā vacīkammapārisuddhi? Musāvādā veramaṇī…pe… samphappalāpā veramaṇī. Tattha katamā manokammapārisuddhi? Anabhijjhā abyāpādo sammādiṭṭhi. Idaṃ sādhāraṇasuttaṃ.
ид̇и саад̇хааран̣аани жа суд̇д̇аани асаад̇хааран̣аани жа суд̇д̇аани бадивиж̇жхид̇аб̣б̣аани. бадивиж̇жхид̇ваа ваажааяа гааязна жа суд̇д̇асса ад̇т̇о нид̣̇д̣̇исид̇аб̣б̣о.
Iti sādhāraṇāni ca suttāni asādhāraṇāni ca suttāni paṭivijjhitabbāni. Paṭivijjhitvā vācāya kāyena ca suttassa attho niddisitabbo.
38. д̇ад̇т̇а гад̇амам̣ сад̣̇д̇хинд̣̇рияаад̇хидтаанам̣?
38. Tattha katamaṃ saddhindriyādhiṭṭhānaṃ?
яасса сад̣̇д̇хаа 35 д̇ат̇ааг̇ад̇з, ажалаа суббад̇идтид̇аа;
Yassa saddhā 36 tathāgate, acalā suppatiṭṭhitā;
сийлан̃жа яасса галяаан̣ам̣, арияаганд̇ам̣ басам̣сид̇ам̣.
Sīlañca yassa kalyāṇaṃ, ariyakantaṃ pasaṃsitaṃ.
сан̇гхз басаад̣̇о яассад̇т̇и, уж̇убхууд̇ан̃жа д̣̇ассанам̣;
Saṅghe pasādo yassatthi, ujubhūtañca dassanaṃ;
ад̣̇алид̣̇д̣̇од̇и д̇ам̣ ааху, амогхам̣ д̇асса ж̇ийвид̇ам̣.
Adaliddoti taṃ āhu, amoghaṃ tassa jīvitaṃ.
сад̣̇д̇хаа вз нанд̣̇игаа аараад̇хиго, но д̇асса сад̣̇д̇ход̇и;
Saddhā ve nandikā ārādhiko, no tassa saddhoti;
саб̣б̣ам̣ сияаад̇и бхаг̇аванд̇ам̣, д̇ат̇ааруубо д̇хаммасамбасаад̣̇о.
Sabbaṃ siyāti bhagavantaṃ, tathārūpo dhammasampasādo.
ид̣̇ам̣ сад̣̇д̇хинд̣̇рияаад̇хидтаанам̣.
Idaṃ saddhindriyādhiṭṭhānaṃ.
д̇ад̇т̇а гад̇амам̣ вийрияаад̇хидтаанам̣?
Tattha katamaṃ vīriyādhiṭṭhānaṃ?
аарамбхат̇а 37 ниггамат̇а, яун̃ж̇ат̇а б̣уд̣̇д̇хасаасанз;
Ārambhatha 38 nikkamatha, yuñjatha buddhasāsane;
д̇хунаат̇а мажжуно сзнам̣, нал̣ааг̇аарам̣ва гун̃ж̇аро.
Dhunātha maccuno senaṃ, naḷāgāraṃva kuñjaro.
жад̇д̇ааромз, бхигкавз, саммаббад̇хаанаа, ид̣̇ам̣ вийрияаад̇хидтаанам̣.
Cattārome, bhikkhave, sammappadhānā, idaṃ vīriyādhiṭṭhānaṃ.
д̇ад̇т̇а гад̇амам̣ сад̇инд̣̇рияаад̇хидтаанам̣?
Tattha katamaṃ satindriyādhiṭṭhānaṃ?
сад̇иймад̇о сад̣̇аа бхад̣̇д̣̇ам̣, бхад̣̇д̣̇амад̇т̇у сад̇иймад̇о;
Satīmato sadā bhaddaṃ, bhaddamatthu satīmato;
жад̇д̇ааро сад̇ибадтаанаа вид̇т̇аарзна гаад̇аб̣б̣аа, ид̣̇ам̣ сад̇инд̣̇рияаад̇хидтаанам̣.
Cattāro satipaṭṭhānā vitthārena kātabbā, idaṃ satindriyādhiṭṭhānaṃ.
д̇ад̇т̇а гад̇амам̣ самаад̇хинд̣̇рияаад̇хидтаанам̣?
Tattha katamaṃ samādhindriyādhiṭṭhānaṃ?
ааган̇кад̇о д̇з нарад̣̇аммасаарат̇и, д̣̇зваа мануссаа манасаа вижинд̇ид̇ам̣;
Ākaṅkhato te naradammasārathi, devā manussā manasā vicintitaṃ;
саб̣б̣зна ж̇ан̃н̃аа гасин̣ааби баан̣ино, санд̇ам̣ самаад̇хим̣ аран̣ам̣ нисзвад̇о.
Sabbena jaññā kasiṇāpi pāṇino, santaṃ samādhiṃ araṇaṃ nisevato.
д̇аяомз , бхигкавз, самаад̇хий – савид̇агго савижааро, авид̇агго вижаарамад̇д̇о, авид̇агго авижааро. ид̣̇ам̣ самаад̇хинд̣̇рияаад̇хидтаанам̣.
Tayome , bhikkhave, samādhī – savitakko savicāro, avitakko vicāramatto, avitakko avicāro. Idaṃ samādhindriyādhiṭṭhānaṃ.
д̇ад̇т̇а гад̇амам̣ бан̃н̃инд̣̇рияаад̇хидтаанам̣?
Tattha katamaṃ paññindriyādhiṭṭhānaṃ?
бан̃н̃аа хи сздтаа логасминд̇и вид̇т̇аарзна.
Paññā hi seṭṭhā lokasminti vitthārena.
д̇иссо имаа, бхигкавз, бан̃н̃аа – суд̇амаяий, жинд̇аамаяий, бхааванаамаяий, ид̣̇ам̣ бан̃н̃инд̣̇рияаад̇хидтаанам̣ суд̇д̇ам̣, имаани инд̣̇рияаад̇хидтаанаани асаад̇хааран̣аани суд̇д̇аани.
Tisso imā, bhikkhave, paññā – sutamayī, cintāmayī, bhāvanāmayī, idaṃ paññindriyādhiṭṭhānaṃ suttaṃ, imāni indriyādhiṭṭhānāni asādhāraṇāni suttāni.
39. д̇ад̇т̇а гад̇амаани саад̇хааран̣аани инд̣̇рияаад̇хидтаанаани суд̇д̇аани?
39. Tattha katamāni sādhāraṇāni indriyādhiṭṭhānāni suttāni?
авийд̇арааг̇о 41 гаамзсу, яасса бан̃жинд̣̇рияаа муд̣̇уу;
Avītarāgo 42 kāmesu, yassa pañcindriyā mudū;
сад̣̇д̇хаа сад̇и жа вийрияам̣, самат̇о жа вибассанаа;
Saddhā sati ca vīriyaṃ, samatho ca vipassanā;
д̇аад̣̇исам̣ бхигкумаасаж̇ж̇а, буб̣б̣зва убахан̃н̃ад̇и.
Tādisaṃ bhikkhumāsajja, pubbeva upahaññati.
бан̃жимаани инд̣̇рияаани. сад̣̇д̇хинд̣̇рияаад̣̇иинд̣̇рияам̣ д̣̇адтаб̣б̣ам̣. д̇ийсу авзжжаббасаад̣̇з вид̇т̇аарзна суд̇д̇ам̣ гаад̇аб̣б̣ам̣. имаани саад̇хааран̣аани инд̣̇рияаад̇хидтаанаани суд̇д̇аани. яам̣ яасса самб̣анд̇хам̣ гусаласса ваа агусаласса ваа д̇зна д̇зна ад̇хидтаанзна д̇ам̣ суд̇д̇ам̣ нид̣̇д̣̇исид̇аб̣б̣ам̣, над̇т̇ан̃н̃о д̇хаммо нид̣̇д̣̇исид̇аб̣б̣о. д̇ад̇т̇а саад̇хааран̣ам̣ гусалам̣ нааби гусалам̣ агусалам̣ яат̇аа саад̇хааран̣аани жа гусаламуулаани саад̇хааран̣аани жа агусаламуулаани уббаннам̣ гаамавид̇аггам̣ баж̇ахад̇и…бз… жад̇д̇ааро саммаббад̇хаанаа гусалам̣ агусалан̃жа.
Pañcimāni indriyāni. Saddhindriyādiindriyaṃ daṭṭhabbaṃ. Tīsu aveccappasāde vitthārena suttaṃ kātabbaṃ. Imāni sādhāraṇāni indriyādhiṭṭhānāni suttāni. Yaṃ yassa sambandhaṃ kusalassa vā akusalassa vā tena tena adhiṭṭhānena taṃ suttaṃ niddisitabbaṃ, natthañño dhammo niddisitabbo. Tattha sādhāraṇaṃ kusalaṃ nāpi kusalaṃ akusalaṃ yathā sādhāraṇāni ca kusalamūlāni sādhāraṇāni ca akusalamūlāni uppannaṃ kāmavitakkaṃ pajahati…pe… cattāro sammappadhānā kusalaṃ akusalañca.
д̇ад̇т̇имаа уд̣̇д̣̇аанаг̇аат̇аа
Tatthimā uddānagāthā
вид̇агго хи мамад̇т̇иго 43, д̣̇ад̣̇ам̣ бияо наро ид̇и;
Vitakko hi mamatthiko 44, dadaṃ piyo naro iti;
яо баан̣амад̇ибаад̇зд̇и, д̇ийн̣и д̇асса б̣аалалагкан̣ам̣.
Yo pāṇamatipāteti, tīṇi tassa bālalakkhaṇaṃ.
сад̇ан̃жзва сахассаанам̣, яз жа саман̣аб̣раахман̣аа;
Satañceva sahassānaṃ, ye ca samaṇabrāhmaṇā;
чанд̣̇аа д̣̇осаа бхаяаа мохаа, жад̇уухи аг̇ад̇ийхи жа.
Chandā dosā bhayā mohā, catūhi agatīhi ca.
асубхаанубассим̣ вихаранд̇ам̣, нимид̇д̇зсу асубхаа жа;
Asubhānupassiṃ viharantaṃ, nimittesu asubhā ca;
згамби жз бияам̣ баан̣ам̣, мид̇д̇аа сажз субхаасид̇аа.
Ekampi ce piyaṃ pāṇaṃ, mittā sace subhāsitā.
бан̃н̃аа хи сздтаа логасмим̣, анун̃н̃аа д̇ийн̣и инд̣̇рияаани;
Paññā hi seṭṭhā lokasmiṃ, anuññā tīṇi indriyāni;
гусалаагусаламуулаани жа, д̇уламад̇улан̃жа самбхавам̣.
Kusalākusalamūlāni ca, tulamatulañca sambhavaṃ.
гааязна гусалам̣ гарз, д̇ийн̣и сужарид̇аани жа;
Kāyena kusalaṃ kare, tīṇi sucaritāni ca;
субхаасид̇ам̣ уд̇д̇амамааху, санд̇о важийсужарид̇аани жа.
Subhāsitaṃ uttamamāhu, santo vacīsucaritāni ca.
гааязна жа гусалам̣ гаяираа, манод̣̇ужжарид̇аани жа;
Kāyena ca kusalaṃ kayirā, manoduccaritāni ca;
гааяаанурагкий жа сад̣̇аа, д̇иссо жа баарисуд̣̇д̇хияо.
Kāyānurakkhī ca sadā, tisso ca pārisuddhiyo.
яасса сад̣̇д̇хаа д̇ат̇ааг̇ад̇з, самуббаад̣̇з жа д̣̇зсид̇о;
Yassa saddhā tathāgate, samuppāde ca desito;
аарамбхат̇а ниггамат̇а, яаа жа саммаббад̇хаанад̇аа.
Ārambhatha nikkamatha, yā ca sammappadhānatā.
сад̇иймад̇о сад̣̇аа бхад̣̇д̣̇ам̣, сад̇ибадтаанабхааванаа;
Satīmato sadā bhaddaṃ, satipaṭṭhānabhāvanā;
ааган̇кад̇о жа анан̃н̃аан̣ам̣, яз жа д̇ийн̣и самаад̇хаяо.
Ākaṅkhato ca anaññāṇaṃ, ye ca tīṇi samādhayo.
бан̃н̃аа хи сздтаа логасмим̣, д̇иссо бан̃н̃аа багаасид̇аа;
Paññā hi seṭṭhā lokasmiṃ, tisso paññā pakāsitā;
авийд̇арааг̇о гаамзсу, д̇ат̇зва бан̃жинд̣̇рияаа.
Avītarāgo kāmesu, tatheva pañcindriyā.
ид̇и т̇зрасса махаагажжааяанасса
Iti therassa mahākaccāyanassa
ж̇амб̣уванаваасино бздагобад̣̇зсз
Jambuvanavāsino peṭakopadese
д̇ад̇ияабхууми суд̇д̇аад̇хидтаанам̣ наама.
Tatiyabhūmi suttādhiṭṭhānaṃ nāma.
Footnotes:
