15. бадисамбхид̣̇аавибхан̇г̇о

1. суд̇д̇анд̇абхааж̇анийяам̣

1. сан̇г̇ахаваараван̣н̣анаа

718. ид̣̇аани д̇ад̣̇ананд̇арз бадисамбхид̣̇аавибхан̇г̇з жад̇ассод̇и г̇ан̣анабарижчзд̣̇о. бадисамбхид̣̇аад̇и бабхзд̣̇аа. яасмаа бана барад̇о ад̇т̇з н̃аан̣ам̣ ад̇т̇абадисамбхид̣̇аад̇иаад̣̇имааха, д̇асмаа на ан̃н̃асса гассажи бабхзд̣̇аа, н̃аан̣ассзва бабхзд̣̇аад̇и взд̣̇ид̇аб̣б̣аа. ид̇и ‘‘жад̇ассо бадисамбхид̣̇аа’’д̇и бад̣̇зна жад̇д̇ааро н̃аан̣аббабхзд̣̇аад̇и аяамад̇т̇о сан̇г̇ахид̇о. ад̇т̇абадисамбхид̣̇аад̇и ад̇т̇з бадисамбхид̣̇аа; ад̇т̇аббабхзд̣̇асса саллагкан̣авибхааванаававад̇т̇аанагаран̣асамад̇т̇ам̣ ад̇т̇з бабхзд̣̇аг̇ад̇ам̣ н̃аан̣анд̇и ад̇т̇о. сзсабад̣̇зсуби зсзва наяо. д̇хаммаббабхзд̣̇асса хи саллагкан̣авибхааванаававад̇т̇аанагаран̣асамад̇т̇ам̣ д̇хаммз бабхзд̣̇аг̇ад̇ам̣ н̃аан̣ам̣ д̇хаммабадисамбхид̣̇аа наама. нируд̇д̇иббабхзд̣̇асса саллагкан̣авибхааванаававад̇т̇аанагаран̣асамад̇т̇ам̣ нируд̇д̇аабхилаабз бабхзд̣̇аг̇ад̇ам̣ н̃аан̣ам̣ нируд̇д̇ибадисамбхид̣̇аа наама. бадибхаанаббабхзд̣̇асса саллагкан̣авибхааванаававад̇т̇аанагаран̣асамад̇т̇ам̣ бадибхаанз бабхзд̣̇аг̇ад̇ам̣ н̃аан̣ам̣ бадибхаанабадисамбхид̣̇аа наама.

ид̣̇аани яат̇аанигкид̇д̇аа бадисамбхид̣̇аа бхааж̇зд̇ваа д̣̇ассзнд̇о ад̇т̇з н̃аан̣ам̣ ад̇т̇абадисамбхид̣̇аад̇иаад̣̇имааха. д̇ад̇т̇а ад̇т̇од̇и сан̇кзбад̇о хзд̇упалам̣. д̇ан̃хи хзд̇увасзна аран̣ийяам̣ г̇анд̇аб̣б̣ам̣ бад̇д̇аб̣б̣ам̣, д̇асмаа ад̇т̇од̇и вужжад̇и. бабхзд̣̇ад̇о бана яам̣гин̃жи бажжаяасамуббаннам̣, ниб̣б̣аанам̣, бхаасид̇ад̇т̇о, вибааго, гирияаад̇и имз бан̃жа д̇хаммаа ад̇т̇од̇и взд̣̇ид̇аб̣б̣аа. д̇ам̣ ад̇т̇ам̣ бажжавзгканд̇асса д̇асмим̣ ад̇т̇з бабхзд̣̇аг̇ад̇ам̣ н̃аан̣ам̣ ад̇т̇абадисамбхид̣̇аа.

д̇хаммод̇и сан̇кзбад̇о бажжаяо. со хи яасмаа д̇ам̣ д̇ам̣ вид̣̇ахад̇и бавад̇д̇зд̇и жзва баабзд̇и жа, д̇асмаа д̇хаммод̇и вужжад̇и. бабхзд̣̇ад̇о бана яо гожи паланиб̣б̣ад̇д̇аго хзд̇у, арияамаг̇г̇о, бхаасид̇ам̣ , гусалам̣, агусаланд̇и имз бан̃жа д̇хаммаа д̇хаммод̇и взд̣̇ид̇аб̣б̣аа. д̇ам̣ д̇хаммам̣ бажжавзгканд̇асса д̇асмим̣ д̇хаммз бабхзд̣̇аг̇ад̇ам̣ н̃аан̣ам̣ д̇хаммабадисамбхид̣̇аа.

д̇ад̇ра д̇хамманируд̇д̇аабхилаабз н̃аан̣анд̇и д̇асмим̣ ад̇т̇з жа д̇хаммз жа яаа сабхааванируд̇д̇и, д̇ассаа абхилаабз д̇ам̣ сабхааванируд̇д̇им̣ сад̣̇д̣̇ам̣ аарамман̣ам̣ гад̇ваа бажжавзгканд̇асса д̇асмим̣ сабхааванируд̇д̇аабхилаабз бабхзд̣̇аг̇ад̇ам̣ н̃аан̣ам̣ нируд̇д̇ибадисамбхид̣̇аа. звамаяам̣ нируд̇д̇ибадисамбхид̣̇аа сад̣̇д̣̇аарамман̣аа наама ж̇аад̇аа, на бан̃н̃ад̇д̇иаарамман̣аа. гасмаа? яасмаа сад̣̇д̣̇ам̣ суд̇ваа ‘‘аяам̣ сабхааванируд̇д̇и, аяам̣ на сабхааванируд̇д̇ий’’д̇и ж̇аананд̇и. бадисамбхид̣̇ааббад̇д̇о хи ‘‘пассо’’д̇и вуд̇д̇з ‘‘аяам̣ сабхааванируд̇д̇ий’’д̇и ж̇аанаад̇и, ‘‘пассаа’’д̇и ваа ‘‘пасса’’нд̇и ваа вуд̇д̇з бана ‘‘аяам̣ на сабхааванируд̇д̇ий’’д̇и ж̇аанаад̇и. взд̣̇анаад̣̇ийсуби зсзва наяо. ан̃н̃ам̣ банзса наамааакяаад̇аубасаг̇г̇аб̣яан̃ж̇анасад̣̇д̣̇ам̣ ж̇аанаад̇и на ж̇аанаад̇ийд̇и? яад̣̇аг̇г̇зна сад̣̇д̣̇ам̣ суд̇ваа ‘‘аяам̣ сабхааванируд̇д̇и, аяам̣ на сабхааванируд̇д̇ий’’д̇и ж̇аанаад̇и, д̇ад̣̇аг̇г̇зна д̇амби ж̇ааниссад̇ийд̇и. д̇ам̣ бана наяид̣̇ам̣ бадисамбхид̣̇аагижжанд̇и бадигкибид̇ваа ид̣̇ам̣ вад̇т̇у гат̇ид̇ам̣ –

д̇иссад̣̇ад̇д̇ад̇т̇зро гира б̣од̇химан̣д̣з суван̣н̣асалаагам̣ г̇ахзд̇ваа адтаарасасу бхаасаасу ‘гад̇арабхаасааяа гат̇змий’д̇и баваарзси. д̇ам̣ бана д̇зна ад̇д̇ано уг̇г̇ахз тад̇ваа баваарид̇ам̣, на бадисамбхид̣̇ааяа тид̇зна. со хи махаабан̃н̃ад̇ааяа д̇ам̣ д̇ам̣ бхаасам̣ гат̇аабзд̇ваа гат̇аабзд̇ваа уг̇г̇ан̣хи; д̇ад̇о уг̇г̇ахз тад̇ваа звам̣ баваарзси.

бхаасам̣ наама сад̇д̇аа уг̇г̇ан̣ханд̇ийд̇и вад̇ваа жа банзд̇т̇а ид̣̇ам̣ гат̇ид̇ам̣. маад̇аабид̇аро хи д̣̇ахарагаалз гумаарагз ман̃жз ваа бийтз ваа нибаж̇ж̇аабзд̇ваа д̇ам̣ д̇ам̣ гат̇аяамаанаа д̇аани д̇аани гижжаани гаронд̇и. д̣̇аарагаа д̇зсам̣ д̇ам̣ д̇ам̣ бхаасам̣ вавад̇т̇аабзнд̇и – иминаа ид̣̇ам̣ вуд̇д̇ам̣, иминаа ид̣̇ам̣ вуд̇д̇анд̇и. г̇ажчанд̇з г̇ажчанд̇з гаалз саб̣б̣амби бхаасам̣ ж̇аананд̇и. маад̇аа д̣̇амил̣ий, бид̇аа анд̇хаго. д̇зсам̣ ж̇аад̇о д̣̇аараго сажз маад̇угат̇ам̣ батамам̣ сун̣аад̇и, д̣̇амил̣абхаасам̣ бхаасиссад̇и; сажз бид̇угат̇ам̣ батамам̣ сун̣аад̇и, анд̇хагабхаасам̣ бхаасиссад̇и. убхиннамби бана гат̇ам̣ ассун̣анд̇о мааг̇ад̇хабхаасам̣ бхаасиссад̇и.

яоби аг̇аамагз махааран̃н̃з ниб̣б̣ад̇д̇о, д̇ад̇т̇а ан̃н̃о гат̇знд̇о наама над̇т̇и, соби ад̇д̇ано д̇хаммад̇ааяа важанам̣ самудтаабзнд̇о мааг̇ад̇хабхаасамзва бхаасиссад̇и. нираяз, д̇иражчаанаяонияам̣, бзд̇д̇ивисаяз, мануссалогз, д̣̇звалогзд̇и саб̣б̣ад̇т̇а мааг̇ад̇хабхаасаава уссаннаа. д̇ад̇т̇а сзсаа оддагираад̇аанд̇хагаяонагад̣̇амил̣абхаасаад̣̇игаа адтаараса бхаасаа баривад̇д̇анд̇и . аяамзвзгаа яат̇аабхужжаб̣рахмавохаараарияавохаарасан̇каад̇аа мааг̇ад̇хабхаасаа на баривад̇д̇ад̇и. саммаасаб̣уд̣̇д̇хоби д̇збидагам̣ б̣уд̣̇д̇хаважанам̣ д̇анд̇им̣ ааробзнд̇о мааг̇ад̇хабхаасааяа зва ааробзси. гасмаа? зван̃хи ад̇т̇ам̣ аахарид̇ум̣ сукам̣ ход̇и. мааг̇ад̇хабхаасааяа хи д̇анд̇им̣ аарул̣хасса б̣уд̣̇д̇хаважанасса бадисамбхид̣̇ааббад̇д̇аанам̣ сод̇абат̇ааг̇аманамзва бабан̃жо; сод̇з бана сан̇гхаддид̇амад̇д̇зязва наяасад̇зна наяасахассзна ад̇т̇о убадтаад̇и. ан̃н̃ааяа бана бхаасааяа д̇анд̇им̣ аарул̣хам̣ бот̇зд̇ваа бот̇зд̇ваа уг̇г̇ахзд̇аб̣б̣ам̣ ход̇и. б̣ахумби уг̇г̇ахзд̇ваа бана бут̇уж̇ж̇анасса бадисамбхид̣̇ааббад̇д̇и наама над̇т̇и. арияасааваго но бадисамбхид̣̇ааббад̇о наама над̇т̇и.

н̃аан̣зсу н̃аан̣анд̇и саб̣б̣ад̇т̇аган̃аан̣ам̣ аарамман̣ам̣ гад̇ваа н̃аан̣ам̣ бажжавзгканд̇асса бабхзд̣̇аг̇ад̇ам̣ н̃аан̣ам̣ бадибхаанабадисамбхид̣̇аад̇и. имаа бана жад̇ассоби бадисамбхид̣̇аа д̣̇вийсу таанзсу бабхзд̣̇ам̣ г̇ажчанд̇и, бан̃жахи гааран̣зхи висад̣̇аа хонд̇ийд̇и взд̣̇ид̇аб̣б̣аа. гад̇амзсу д̣̇вийсу? сзгкабхуумияан̃жа асзгкабхуумияан̃жа. д̇ад̇т̇а саарибуд̇д̇ад̇т̇зрасса махаамог̇г̇аллаанад̇т̇зрасса махаагассабад̇т̇зрасса махаагажжааяанад̇т̇зрасса махаагодтид̇ад̇т̇зрассаад̇и асийд̇ияааби махаат̇зраанам̣ бадисамбхид̣̇аа асзгкабхуумияам̣ бабхзд̣̇ам̣ г̇ад̇аа. аананд̣̇ад̇т̇зрасса жид̇д̇асса г̇ахабад̇ино д̇хаммигасса убаасагасса убаалисса г̇ахабад̇ино куж̇ж̇уд̇д̇арааяа убаасигааяаад̇и звамаад̣̇ийнам̣ бадисамбхид̣̇аа сзгкабхуумияам̣ бабхзд̣̇ам̣ г̇ад̇аад̇и имаасу д̣̇вийсу бхуумийсу бабхзд̣̇ам̣ г̇ажчанд̇и.

гад̇амзхи бан̃жахи гааран̣зхи бадисамбхид̣̇аа висад̣̇аа хонд̇ийд̇и? ад̇хиг̇амзна, барияад̇д̇ияаа, саванзна, барибужчааяа, буб̣б̣аяог̇знаад̇и. д̇ад̇т̇а ‘ад̇хиг̇амо’ наама арахад̇д̇ам̣. д̇ан̃хи бад̇д̇асса бадисамбхид̣̇аа висад̣̇аа хонд̇и. ‘барияад̇д̇и’ наама б̣уд̣̇д̇хаважанам̣. д̇ан̃хи уг̇г̇ан̣ханд̇асса бадисамбхид̣̇аа висад̣̇аа хонд̇и. ‘саванам̣’ наама д̇хаммассаванам̣. саггажжан̃хи д̇хаммам̣ сун̣анд̇асса бадисамбхид̣̇аа висад̣̇аа хонд̇и. ‘барибужчаа’ наама адтагат̇аа. уг̇г̇ахид̇абаал̣ияаа ад̇т̇ам̣ гат̇знд̇асса хи бадисамбхид̣̇аа висад̣̇аа хонд̇и. ‘буб̣б̣аяог̇о’ наама буб̣б̣аяог̇ааважарад̇аа, ад̇ийд̇абхавз харан̣абажжаахаран̣анаязна бариг̇г̇ахид̇агаммадтаанад̇аа; буб̣б̣аяог̇ааважарасса хи бадисамбхид̣̇аа висад̣̇аа хонд̇и . д̇ад̇т̇а арахад̇д̇аббад̇д̇ияаа бунаб̣б̣асугудумб̣игабуд̇д̇асса д̇иссад̇т̇зрасса бадисамбхид̣̇аа висад̣̇аа ахзсум̣. со гира д̇амб̣абан̣н̣ид̣̇ийбз б̣уд̣̇д̇хаважанам̣ уг̇г̇ан̣хид̇ваа барад̇ийрам̣ г̇анд̇ваа яонагад̇хаммарагкид̇ад̇т̇зрасса санд̇игз б̣уд̣̇д̇хаважанам̣ уг̇г̇ан̣хид̇ваа ааг̇ажчанд̇о наавам̣ абхируханад̇ид̇т̇з згасмим̣ бад̣̇з уббаннаган̇ко яож̇анасад̇амаг̇г̇ам̣ нивад̇д̇ид̇ваа аажарияасса санд̇игам̣ г̇ажчанд̇о анд̇араамаг̇г̇з згасса гудумб̣игасса бан̃хам̣ гат̇зси. со басийд̣̇ид̇ваа сад̇асахассаг̇гханигам̣ гамб̣алам̣ ад̣̇ааси. соби д̇ам̣ аахарид̇ваа аажарияасса ад̣̇ааси. т̇зро ваасияаа годдзд̇ваа нисийд̣̇анадтаанз барибхан̣д̣ам̣ гаарзси. гимад̇т̇ааяаад̇и? бажчимааяа ж̇анад̇ааяа ануг̇г̇ахад̇т̇ааяаад̇и. звам̣ гирасса ахоси – ‘‘амхаагам̣ г̇ад̇амаг̇г̇ам̣ ааваж̇ж̇зд̇ваа анааг̇ад̇з саб̣рахмажаарино бадибад̇д̇им̣ буурзд̇аб̣б̣ам̣ ман̃н̃иссанд̇ий’’д̇и. д̇иссад̇т̇зроби аажарияасса санд̇игз ган̇кам̣ чинд̣̇ид̇ваа ж̇амб̣уголабадданз оруяха жзд̇ияан̇г̇ан̣ам̣ саммаж̇ж̇анавзлааяа ваалигавихаарам̣ бад̇ваа саммаж̇ж̇и. д̇асса саммаж̇ж̇ид̇адтаанам̣ д̣̇исваа ‘ид̣̇ам̣ вийд̇арааг̇асса бхигкуно саммадтадтаана’нд̇и т̇зрасса виймам̣санад̇т̇ааяа бан̃хам̣ бужчим̣су. т̇зро бадисамбхид̣̇ааббад̇д̇ад̇ааяа бужчид̇абужчид̇з бан̃хз гат̇зсийд̇и.

барияад̇д̇ияаа бана д̇иссад̣̇ад̇д̇ад̇т̇зрасса жзва нааг̇асзнад̇т̇зрасса жа бадисамбхид̣̇аа висад̣̇аа ахзсум̣. саггажжад̇хаммасаванзна суд̇хаммасааман̣зрасса бадисамбхид̣̇аа висад̣̇аа ахзсум̣. со гира д̇алан̇г̇араваасий д̇хаммад̣̇иннад̇т̇зрасса бхааг̇инзяяо кураг̇г̇зязва арахад̇д̇ам̣ бад̇д̇о маад̇улад̇т̇зрасса д̇хаммавинижчаяадтаанз нисийд̣̇ид̇ваа сун̣анд̇оязва д̇ийн̣и бидагаани баг̇ун̣аани агааси. уг̇г̇ахид̇абаал̣ияаа ад̇т̇ам̣ гат̇знд̇асса бана д̇иссад̣̇ад̇д̇ад̇т̇зрасса зва бадисамбхид̣̇аа висад̣̇аа ахзсум̣. г̇ад̇абажжааг̇ад̇авад̇д̇ам̣ бана буурзд̇ваа яаава ануломам̣ гаммадтаанам̣ уссуггаабзд̇ваа ааг̇ад̇аанам̣ висад̣̇абхааваббад̇д̇абадисамбхид̣̇аанам̣ буб̣б̣аяог̇ааважараанам̣ анд̇о над̇т̇и.

зд̇зсу бана гааран̣зсу барияад̇д̇и, саванам̣, барибужчаад̇и имаани д̇ийн̣и бабхзд̣̇ассзва б̣алавагааран̣аани. буб̣б̣аяог̇о ад̇хиг̇амасса б̣алавабажжаяо, бабхзд̣̇асса ход̇и на ход̇ийд̇и? ход̇и, на бана д̇ат̇аа. барияад̇д̇исаванабарибужчаа хи буб̣б̣з хонд̇у ваа маа ваа, буб̣б̣аяог̇зна буб̣б̣з жзва зд̇арахи жа сан̇каарасаммасанам̣ винаа бадисамбхид̣̇аа наама над̇т̇и. имз бана д̣̇взби згад̇о худ̇ваа бадисамбхид̣̇аа убад̇т̇амбхзд̇ваа висад̣̇аа гаронд̇ийд̇и.

сан̇г̇ахаваараван̣н̣анаа.

2. сажжаваараад̣̇иван̣н̣анаа

719. ид̣̇аани яз сан̇г̇ахаваарз бан̃жа ад̇т̇аа жа д̇хаммаа жа сан̇г̇ахид̇аа, д̇зсам̣ бабхзд̣̇ад̣̇ассананаязна бадисамбхид̣̇аа вибхаж̇ид̇ум̣ буна жад̇ассод̇иаад̣̇инаа наязна бабхзд̣̇авааро аарад̣̇д̇хо. со сажжаваарахзд̇уваарад̇хаммаваарабажжаяаагаараваарабарияад̇д̇ивааравасзна бан̃жавид̇хо. д̇ад̇т̇а бажжаяасамуббаннасса д̣̇угкасажжасса бажжаязна бад̇д̇аб̣б̣асса ниб̣б̣аанасса жа ад̇т̇абхаавам̣, паланиб̣б̣ад̇д̇агасса самуд̣̇аяасса ниб̣б̣аанасамбаабагасса арияамаг̇г̇асса жа д̇хаммабхааван̃жа д̣̇ассзд̇ум̣ ‘сажжавааро’ вуд̇д̇о. яасса гассажи бана хзд̇упаланиб̣б̣ад̇д̇агасса хзд̇уно д̇хаммабхаавам̣, хзд̇упаласса жа ад̇т̇абхаавам̣ д̣̇ассзд̇ум̣ ‘хзд̇увааро’ вуд̇д̇о. д̇ад̇т̇а жа хзд̇упалаггамавасзна уббадибаадияаа батамам̣ д̇хаммабадисамбхид̣̇аа нид̣̇д̣̇идтаа. яз бана д̇хаммаа д̇амхаа д̇амхаа руубааруубаббабхзд̣̇аа хзд̇уд̇о ж̇аад̇аа, д̇зсам̣ ад̇т̇абхаавам̣, д̇асса д̇асса жа руубааруубад̇хаммаббабхзд̣̇асса хзд̇уно д̇хаммабхаавам̣ д̣̇ассзд̇ум̣ ‘д̇хаммавааро’ вуд̇д̇о. ж̇араамаран̣аад̣̇ийнам̣ бана ад̇т̇абхаавам̣, ж̇араамаран̣аад̣̇исамуд̣̇аяасан̇каад̇аанам̣ ж̇аад̇иаад̣̇ийнан̃жа д̇хаммабхаавам̣ д̣̇ассзд̇ум̣ ‘бажжаяаагааравааро’ вуд̇д̇о. д̇ад̇о барияад̇д̇исан̇каад̇асса д̇асса д̇асса бхаасид̇асса д̇хаммабхаавам̣, бхаасид̇асан̇каад̇зна бажжаязна бад̇д̇аб̣б̣асса бхаасид̇ад̇т̇асса жа ад̇т̇абхаавам̣ д̣̇ассзд̇ум̣ ‘барияад̇д̇ивааро’ вуд̇д̇о.

д̇ад̇т̇а жа яасмаа бхаасид̇ам̣ н̃ад̇ваа д̇ассад̇т̇о н̃ааяад̇и, д̇асмаа бхаасид̇абхаасид̇ад̇т̇аггамзна уббадибаадияаа батамам̣ д̇хаммабадисамбхид̣̇аа нид̣̇д̣̇идтаа. барияад̇д̇ид̇хаммасса жа бабхзд̣̇ад̣̇ассанад̇т̇ам̣ ‘‘д̇ад̇т̇а гад̇амаа д̇хаммабадисамбхид̣̇аа’’д̇и бужчаабуб̣б̣ан̇г̇амо бадинид̣̇д̣̇зсавааро вуд̇д̇о. д̇ад̇т̇а суд̇д̇анд̇иаад̣̇ийхи навахи ан̇г̇зхи ниббад̣̇зсад̇о д̇анд̇и г̇ахид̇аа. аяам̣ имасса бхаасид̇асса ад̇т̇о, аяам̣ имасса бхаасид̇асса ад̇т̇од̇и имасмимби таанз бхаасид̇авасзна ниббад̣̇зсад̇о д̇анд̇и зва г̇ахид̇аад̇и.

суд̇д̇анд̇абхааж̇анийяаван̣н̣анаа.