Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā

    намо д̇асса бхаг̇авад̇о арахад̇о саммаасамб̣уд̣̇д̇хасса

    Namo tassa bhagavato arahato sammāsambuddhassa

    абхид̇хаммабидагз

    Abhidhammapiṭake

    саммохавинод̣̇аний наама

    Sammohavinodanī nāma

    вибхан̇г̇а-адтагат̇аа

    Vibhaṅga-aṭṭhakathā

    1. канд̇хавибхан̇г̇о

    1. Khandhavibhaṅgo

    1. суд̇д̇анд̇абхааж̇анийяаван̣н̣анаа

    1. Suttantabhājanīyavaṇṇanā

    жад̇усажжад̣̇асо наат̇о, жад̇уд̇хаа д̇хаммасан̇г̇ан̣им̣;

    Catusaccadaso nātho, catudhā dhammasaṅgaṇiṃ;

    багаасаяид̇ваа самб̣уд̣̇д̇хо, д̇ассзва самананд̇арам̣.

    Pakāsayitvā sambuddho, tasseva samanantaraṃ.

    убзд̇о б̣уд̣̇д̇хад̇хаммзхи, адтаарасахи нааяаго;

    Upeto buddhadhammehi, aṭṭhārasahi nāyako;

    адтаарасаннам̣ канд̇хаад̣̇и-вибхан̇г̇аанам̣ васзна яам̣.

    Aṭṭhārasannaṃ khandhādi-vibhaṅgānaṃ vasena yaṃ.

    вибхан̇г̇ам̣ д̣̇зсаяий сад̇т̇аа, д̇асса сам̣ван̣н̣анааггамо;

    Vibhaṅgaṃ desayī satthā, tassa saṃvaṇṇanākkamo;

    ид̣̇аани яасмаа самбад̇д̇о, д̇асмаа д̇ассад̇т̇аван̣н̣анам̣.

    Idāni yasmā sampatto, tasmā tassatthavaṇṇanaṃ.

    гариссаами виг̇аахзд̇ваа, бораан̣адтагат̇аанаяам̣;

    Karissāmi vigāhetvā, porāṇaṭṭhakathānayaṃ;

    сад̣̇д̇хаммз г̇ааравам̣ гад̇ваа, д̇ам̣ сун̣аат̇а самаахид̇аад̇и.

    Saddhamme gāravaṃ katvā, taṃ suṇātha samāhitāti.

    1. бан̃жагканд̇хаа – руубагканд̇хо…бз… вин̃н̃аан̣агканд̇ход̇и ид̣̇ам̣ вибхан̇г̇аббагаран̣асса аад̣̇ибхууд̇з канд̇хавибхан̇г̇з суд̇д̇анд̇абхааж̇анийяам̣ наама. д̇ад̇т̇а бан̃жаад̇и г̇ан̣анабарижчзд̣̇о. д̇зна на д̇ад̇о хздтаа на уд̣̇д̇ханд̇и д̣̇ассзд̇и. канд̇хаад̇и барижчиннад̇хамманид̣̇ассанам̣. д̇ад̇рааяам̣ канд̇ха-сад̣̇д̣̇о самб̣ахулзсу таанзсу д̣̇иссад̇и – раасимхи, г̇ун̣з, бан̣н̣ад̇д̇ияам̣, рул̣хияанд̇и. ‘‘сзяяат̇ааби, бхигкавз, махаасамуд̣̇д̣̇з на сугарам̣ уд̣̇агасса бамаан̣ам̣ г̇ахзд̇ум̣ – зд̇д̇агаани уд̣̇агаал̣хагаанийд̇и ваа зд̇д̇агаани уд̣̇агаал̣хагасад̇аанийд̇и ваа зд̇д̇агаани уд̣̇агаал̣хагасахассаанийд̇и ваа зд̇д̇агаани уд̣̇агаал̣хагасад̇асахассаанийд̇и ваа, ат̇а ко асан̇кязяяо аббамзяяо махаауд̣̇агагканд̇ход̇взва сан̇кяам̣ г̇ажчад̇ий’’д̇иаад̣̇ийсу (а. ни. 4.51; 6.37) хи раасид̇о канд̇хо наама. нахи барид̇д̇агам̣ уд̣̇агам̣ уд̣̇агагканд̇ход̇и вужжад̇и, б̣ахугамзва вужжад̇и. д̇ат̇аа на барид̇д̇аго раж̇о раж̇агканд̇хо, на аббамад̇д̇агаа г̇ааво г̇авагканд̇хо, на аббамад̇д̇агам̣ б̣алам̣ б̣алагканд̇хо, на аббамад̇д̇агам̣ бун̃н̃ам̣ бун̃н̃агканд̇ход̇и вужжад̇и. б̣ахугамзва хи раж̇о раж̇агканд̇хо, б̣ахугаава г̇аваад̣̇аяо г̇авагканд̇хо, б̣алагканд̇хо, бун̃н̃агканд̇ход̇и вужжанд̇и. ‘‘сийлагканд̇хо самаад̇хигканд̇хо’’д̇иаад̣̇ийсу (д̣̇ий. ни. 3.355) бана г̇ун̣ад̇о канд̇хо наама. ‘‘ад̣̇д̣̇асаа ко бхаг̇аваа маханд̇ам̣ д̣̇ааругканд̇хам̣ г̇ан̇г̇ааяа над̣̇ияаа сод̇зна вуяхамаана’’нд̇и (сам̣. ни. 4.241). зд̇т̇а бан̣н̣ад̇д̇ид̇о канд̇хо наама. ‘‘яам̣ жид̇д̇ам̣ мано маанасам̣…бз… вин̃н̃аан̣ам̣ вин̃н̃аан̣агканд̇хо’’д̇иаад̣̇ийсу (д̇ха. са. 63, 65) рул̣хид̇о канд̇хо наама. свааяамид̇ха раасид̇о ад̇хиббзд̇о. аяан̃хи канд̇хадто наама бин̣д̣адто бууг̇адто гхададто раасадто. д̇асмаа ‘раасилагкан̣аа канд̇хаа’д̇и взд̣̇ид̇аб̣б̣аа. годтаасадтод̇иби вад̇д̇ум̣ ваддад̇и; логасмин̃хи ин̣ам̣ г̇ахзд̇ваа жод̣̇ияамаанаа ‘д̣̇вийхи канд̇хзхи д̣̇ассаама, д̇ийхи канд̇хзхи д̣̇ассаамаа’д̇и вад̣̇анд̇и. ид̇и ‘годтаасалагкан̣аа канд̇хаа’д̇иби вад̇д̇ум̣ ваддад̇и. звамзд̇т̇а руубагканд̇ход̇и руубарааси руубагодтаасо, взд̣̇анаагканд̇ход̇и взд̣̇анаарааси взд̣̇анаагодтаасод̇и иминаа наязна сан̃н̃аагканд̇хаад̣̇ийнам̣ ад̇т̇о взд̣̇ид̇аб̣б̣о.

    1. Pañcakkhandhā – rūpakkhandho…pe… viññāṇakkhandhoti idaṃ vibhaṅgappakaraṇassa ādibhūte khandhavibhaṅge suttantabhājanīyaṃ nāma. Tattha pañcāti gaṇanaparicchedo. Tena na tato heṭṭhā na uddhanti dasseti. Khandhāti paricchinnadhammanidassanaṃ. Tatrāyaṃ khandha-saddo sambahulesu ṭhānesu dissati – rāsimhi, guṇe, paṇṇattiyaṃ, ruḷhiyanti. ‘‘Seyyathāpi, bhikkhave, mahāsamudde na sukaraṃ udakassa pamāṇaṃ gahetuṃ – ettakāni udakāḷhakānīti vā ettakāni udakāḷhakasatānīti vā ettakāni udakāḷhakasahassānīti vā ettakāni udakāḷhakasatasahassānīti vā, atha kho asaṅkhyeyyo appameyyo mahāudakakkhandhotveva saṅkhyaṃ gacchatī’’tiādīsu (a. ni. 4.51; 6.37) hi rāsito khandho nāma. Nahi parittakaṃ udakaṃ udakakkhandhoti vuccati, bahukameva vuccati. Tathā na parittako rajo rajakkhandho, na appamattakā gāvo gavakkhandho, na appamattakaṃ balaṃ balakkhandho, na appamattakaṃ puññaṃ puññakkhandhoti vuccati. Bahukameva hi rajo rajakkhandho, bahukāva gavādayo gavakkhandho, balakkhandho, puññakkhandhoti vuccanti. ‘‘Sīlakkhandho samādhikkhandho’’tiādīsu (dī. ni. 3.355) pana guṇato khandho nāma. ‘‘Addasā kho bhagavā mahantaṃ dārukkhandhaṃ gaṅgāya nadiyā sotena vuyhamāna’’nti (saṃ. ni. 4.241). Ettha paṇṇattito khandho nāma. ‘‘Yaṃ cittaṃ mano mānasaṃ…pe… viññāṇaṃ viññāṇakkhandho’’tiādīsu (dha. sa. 63, 65) ruḷhito khandho nāma. Svāyamidha rāsito adhippeto. Ayañhi khandhaṭṭho nāma piṇḍaṭṭho pūgaṭṭho ghaṭaṭṭho rāsaṭṭho. Tasmā ‘rāsilakkhaṇā khandhā’ti veditabbā. Koṭṭhāsaṭṭhotipi vattuṃ vaṭṭati; lokasmiñhi iṇaṃ gahetvā codiyamānā ‘dvīhi khandhehi dassāma, tīhi khandhehi dassāmā’ti vadanti. Iti ‘koṭṭhāsalakkhaṇā khandhā’tipi vattuṃ vaṭṭati. Evamettha rūpakkhandhoti rūparāsi rūpakoṭṭhāso, vedanākkhandhoti vedanārāsi vedanākoṭṭhāsoti iminā nayena saññākkhandhādīnaṃ attho veditabbo.

    зд̇д̇аавад̇аа саммаасамб̣уд̣̇д̇хо явааяам̣ ‘‘жад̇д̇ааро жа махаабхууд̇аа жад̇уннан̃жа махаабхууд̇аанам̣ убаад̣̇ааяарууба’’нд̇и ад̇ийд̇аанааг̇ад̇абажжуббаннаад̣̇ийсу згаад̣̇асасу огаасзсу вибхад̇д̇о ‘бан̃жавийсад̇и руубагодтаасаа’д̇и жа ‘чаннавуд̇и руубагодтаасаа’д̇и жа звам̣бабхзд̣̇о руубарааси, д̇ам̣ саб̣б̣ам̣ барибин̣д̣зд̇ваа руубагканд̇хо наамаад̇и д̣̇ассзси. яо банааяам̣ ‘‘сукаа взд̣̇анаа, д̣̇угкаа взд̣̇анаа, ад̣̇угкамасукаа взд̣̇анаа’’д̇и д̇зсуязва згаад̣̇асасу огаасзсу вибхад̇д̇о жад̇убхуумигавзд̣̇анаарааси, д̇ам̣ саб̣б̣ам̣ барибин̣д̣зд̇ваа взд̣̇анаагканд̇хо наамаад̇и д̣̇ассзси. яо банааяам̣ ‘‘жагкусампассаж̇аа сан̃н̃аа…бз… маносампассаж̇аа сан̃н̃аа’’д̇и д̇зсуязва згаад̣̇асасу огаасзсу вибхад̇д̇о жад̇убхуумигасан̃н̃аарааси , д̇ам̣ саб̣б̣ам̣ барибин̣д̣зд̇ваа сан̃н̃аагканд̇хо наамаад̇и д̣̇ассзси. яо банааяам̣ ‘‘жагкусампассаж̇аа жзд̇анаа…бз… маносампассаж̇аа жзд̇анаа’’д̇и д̇зсуязва згаад̣̇асасу огаасзсу вибхад̇д̇о жад̇убхуумигажзд̇анаарааси, д̇ам̣ саб̣б̣ам̣ барибин̣д̣зд̇ваа сан̇каарагканд̇хо наамаад̇и д̣̇ассзси. яо банааяам̣ ‘‘жагкувин̃н̃аан̣ам̣, сод̇агхаанаж̇ивхаагааяавин̃н̃аан̣ам̣, манод̇хаад̇у, мановин̃н̃аан̣ад̇хаад̇уу’’д̇и д̇зсуязва згаад̣̇асасу огаасзсу вибхад̇д̇о жад̇убхуумигажид̇д̇арааси, д̇ам̣ саб̣б̣ам̣ барибин̣д̣зд̇ваа вин̃н̃аан̣агканд̇хо наамаад̇и д̣̇ассзси.

    Ettāvatā sammāsambuddho yvāyaṃ ‘‘cattāro ca mahābhūtā catunnañca mahābhūtānaṃ upādāyarūpa’’nti atītānāgatapaccuppannādīsu ekādasasu okāsesu vibhatto ‘pañcavīsati rūpakoṭṭhāsā’ti ca ‘channavuti rūpakoṭṭhāsā’ti ca evaṃpabhedo rūparāsi, taṃ sabbaṃ paripiṇḍetvā rūpakkhandho nāmāti dassesi. Yo panāyaṃ ‘‘sukhā vedanā, dukkhā vedanā, adukkhamasukhā vedanā’’ti tesuyeva ekādasasu okāsesu vibhatto catubhūmikavedanārāsi, taṃ sabbaṃ paripiṇḍetvā vedanākkhandho nāmāti dassesi. Yo panāyaṃ ‘‘cakkhusamphassajā saññā…pe… manosamphassajā saññā’’ti tesuyeva ekādasasu okāsesu vibhatto catubhūmikasaññārāsi , taṃ sabbaṃ paripiṇḍetvā saññākkhandho nāmāti dassesi. Yo panāyaṃ ‘‘cakkhusamphassajā cetanā…pe… manosamphassajā cetanā’’ti tesuyeva ekādasasu okāsesu vibhatto catubhūmikacetanārāsi, taṃ sabbaṃ paripiṇḍetvā saṅkhārakkhandho nāmāti dassesi. Yo panāyaṃ ‘‘cakkhuviññāṇaṃ, sotaghānajivhākāyaviññāṇaṃ, manodhātu, manoviññāṇadhātū’’ti tesuyeva ekādasasu okāsesu vibhatto catubhūmikacittarāsi, taṃ sabbaṃ paripiṇḍetvā viññāṇakkhandho nāmāti dassesi.

    абижзд̇т̇а саб̣б̣амби жад̇усамудтаанигам̣ руубам̣ руубагканд̇хо, гаамааважараадтагусалажид̇д̇аад̣̇ийхи згуунанавуд̇ижид̇д̇зхи сахаж̇аад̇аа взд̣̇анаа взд̣̇анаагканд̇хо, сан̃н̃аа сан̃н̃аагканд̇хо, пассаад̣̇аяо д̇хаммаа сан̇каарагканд̇хо, згуунанавуд̇и жид̇д̇аани вин̃н̃аан̣агканд̇ход̇и. звамби бан̃жасу канд̇хзсу д̇хаммабарижчзд̣̇о взд̣̇ид̇аб̣б̣о.

    Apicettha sabbampi catusamuṭṭhānikaṃ rūpaṃ rūpakkhandho, kāmāvacaraaṭṭhakusalacittādīhi ekūnanavuticittehi sahajātā vedanā vedanākkhandho, saññā saññākkhandho, phassādayo dhammā saṅkhārakkhandho, ekūnanavuti cittāni viññāṇakkhandhoti. Evampi pañcasu khandhesu dhammaparicchedo veditabbo.

    1. руубагканд̇ханид̣̇д̣̇зсо

    1. Rūpakkhandhaniddeso

    2. ид̣̇аани д̇з руубагканд̇хаад̣̇аяо вибхаж̇ид̇ваа д̣̇ассзд̇ум̣ д̇ад̇т̇а гад̇амо руубагканд̇ход̇иаад̣̇имааха. д̇ад̇т̇а д̇ад̇т̇аад̇и д̇зсу бан̃жасу канд̇хзсу. гад̇амод̇и гат̇зд̇угамяад̇аабужчаа. руубагканд̇ход̇и бужчид̇ад̇хамманид̣̇ассанам̣. ид̣̇аани д̇ам̣ вибхаж̇анд̇о яам̣ гин̃жи руубанд̇иаад̣̇имааха. д̇ад̇т̇а яам̣ гин̃жийд̇и анавасзсабарияаад̣̇аанам̣. руубанд̇и ад̇иббасан̇г̇анияаманам̣. звам̣ бад̣̇ад̣̇ваязнааби руубасса анавасзсабариг̇г̇ахо гад̇о ход̇и.

    2. Idāni te rūpakkhandhādayo vibhajitvā dassetuṃ tattha katamo rūpakkhandhotiādimāha. Tattha tatthāti tesu pañcasu khandhesu. Katamoti kathetukamyatāpucchā. Rūpakkhandhoti pucchitadhammanidassanaṃ. Idāni taṃ vibhajanto yaṃ kiñci rūpantiādimāha. Tattha yaṃ kiñcīti anavasesapariyādānaṃ. Rūpanti atippasaṅganiyamanaṃ. Evaṃ padadvayenāpi rūpassa anavasesapariggaho kato hoti.

    д̇ад̇т̇а гзнадтзна руубанд̇и? руббанадтзна руубам̣. вуд̇д̇ан̃хзд̇ам̣ бхаг̇авад̇аа –

    Tattha kenaṭṭhena rūpanti? Ruppanaṭṭhena rūpaṃ. Vuttañhetaṃ bhagavatā –

    ‘‘гин̃жа , бхигкавз, руубам̣ вад̣̇зт̇а? руббад̇ийд̇и ко, бхигкавз, д̇асмаа руубанд̇и вужжад̇и. гзна руббад̇и? сийд̇знаби руббад̇и, ун̣хзнаби руббад̇и, ж̇игхажчааяаби руббад̇и, бибаасааяаби руббад̇и, д̣ам̣самагасаваад̇аад̇абасарисабасампассзнаби руббад̇и. руббад̇ийд̇и ко, бхигкавз, д̇асмаа руубанд̇и вужжад̇ий’’д̇и (сам̣. ни. 3.79).

    ‘‘Kiñca , bhikkhave, rūpaṃ vadetha? Ruppatīti kho, bhikkhave, tasmā rūpanti vuccati. Kena ruppati? Sītenapi ruppati, uṇhenapi ruppati, jighacchāyapi ruppati, pipāsāyapi ruppati, ḍaṃsamakasavātātapasarisapasamphassenapi ruppati. Ruppatīti kho, bhikkhave, tasmā rūpanti vuccatī’’ti (saṃ. ni. 3.79).

    д̇ад̇т̇а гинд̇и гааран̣абужчаа; гзна гааран̣зна руубам̣ вад̣̇зт̇а, гзна гааран̣зна д̇ам̣ руубам̣ наамаад̇и ад̇т̇о. руббад̇ийд̇и зд̇т̇а ид̇ийд̇и гааран̣уд̣̇д̣̇зсо. яасмаа руббад̇и д̇асмаа руубанд̇и вужжад̇ийд̇и ад̇т̇о. руббад̇ийд̇и губбад̇и гхаддийяад̇и бийл̣ияад̇и бхиж̇ж̇ад̇ийд̇и ад̇т̇о. звам̣ иминаа зд̇д̇агзна таанзна руббанадтзна руубам̣ вуд̇д̇ам̣. руббаналагкан̣зна руубанд̇иби вад̇д̇ум̣ ваддад̇и. руббаналагкан̣ан̃хзд̇ам̣.

    Tattha kinti kāraṇapucchā; kena kāraṇena rūpaṃ vadetha, kena kāraṇena taṃ rūpaṃ nāmāti attho. Ruppatīti ettha itīti kāraṇuddeso. Yasmā ruppati tasmā rūpanti vuccatīti attho. Ruppatīti kuppati ghaṭṭīyati pīḷiyati bhijjatīti attho. Evaṃ iminā ettakena ṭhānena ruppanaṭṭhena rūpaṃ vuttaṃ. Ruppanalakkhaṇena rūpantipi vattuṃ vaṭṭati. Ruppanalakkhaṇañhetaṃ.

    сийд̇знаби руббад̇ийд̇иаад̣̇ийсу бана сийд̇зна д̇аава руббанам̣ логанд̇ариганираяз баагадам̣. д̇ин̣н̣ам̣ д̇ин̣н̣ан̃хи жаггаваал̣аанам̣ анд̇арз згзго логанд̇ариганираяо наама ход̇и адтаяож̇анасахассаббамаан̣о, яасса нзва хздтаа бат̇авий ад̇т̇и, на убари жанд̣̇имасуурияад̣̇ийбаман̣иаалого, нижжанд̇хагааро. д̇ад̇т̇а ниб̣б̣ад̇д̇асад̇д̇аанам̣ д̇иг̇аавуд̇о ад̇д̇абхааво ход̇и. д̇з ваг̇г̇улияо вияа баб̣б̣ад̇абаад̣̇з д̣̇ийгхабут̇улзхи накзхи лаг̇г̇ид̇ваа авам̣сираа оламб̣анд̇и. яад̣̇аа сам̣саббанд̇аа ан̃н̃аман̃н̃асса хад̇т̇абаасаг̇ад̇аа хонд̇и ат̇а ‘бхагко но лад̣̇д̇хо’д̇и ман̃н̃амаанаа д̇ад̇т̇а б̣яаавадаа вибаривад̇д̇ид̇ваа логасанд̇хаарагз уд̣̇агз бад̇анд̇и, сийд̇аваад̇з бахаранд̇зби баггамад̇хугапалаани вияа чиж̇ж̇ид̇ваа уд̣̇агз бад̇анд̇и. бад̇ид̇амад̇д̇аава ажжанд̇акаарзна сийд̇од̣̇агзна чиннажамманхаарумам̣саадтийхи бхиж̇ж̇амаанзхи д̇ад̇д̇ад̇злз бад̇ид̇абидтабин̣д̣и вияа бадабадааяамаанаа вилийяанд̇и. звам̣ сийд̇зна руббанам̣ логанд̇ариганираяз баагадам̣. махим̣сагарадтаад̣̇ийсуби химабаад̇асийд̇алзсу бад̣̇зсзсу зд̇ам̣ баагадамзва. д̇ад̇т̇а хи сад̇д̇аа сийд̇зна бхиннажчиннасарийраа ж̇ийвид̇агкаяамби баабун̣анд̇и.

    Sītenapiruppatītiādīsu pana sītena tāva ruppanaṃ lokantarikaniraye pākaṭaṃ. Tiṇṇaṃ tiṇṇañhi cakkavāḷānaṃ antare ekeko lokantarikanirayo nāma hoti aṭṭhayojanasahassappamāṇo, yassa neva heṭṭhā pathavī atthi, na upari candimasūriyadīpamaṇiāloko, niccandhakāro. Tattha nibbattasattānaṃ tigāvuto attabhāvo hoti. Te vagguliyo viya pabbatapāde dīghaputhulehi nakhehi laggitvā avaṃsirā olambanti. Yadā saṃsappantā aññamaññassa hatthapāsagatā honti atha ‘bhakkho no laddho’ti maññamānā tattha byāvaṭā viparivattitvā lokasandhārake udake patanti, sītavāte paharantepi pakkamadhukaphalāni viya chijjitvā udake patanti. Patitamattāva accantakhārena sītodakena chinnacammanhārumaṃsaaṭṭhīhi bhijjamānehi tattatele patitapiṭṭhapiṇḍi viya paṭapaṭāyamānā vilīyanti. Evaṃ sītena ruppanaṃ lokantarikaniraye pākaṭaṃ. Mahiṃsakaraṭṭhādīsupi himapātasītalesu padesesu etaṃ pākaṭameva. Tattha hi sattā sītena bhinnacchinnasarīrā jīvitakkhayampi pāpuṇanti.

    ун̣хзна руббанам̣ авийжимахаанираяз баагадам̣. д̇ад̇т̇а хи д̇ад̇д̇ааяа лохабат̇авияаа нибаж̇ж̇аабзд̇ваа бан̃жавид̇хаб̣анд̇ханаад̣̇игаран̣агаалз сад̇д̇аа махаад̣̇угкам̣ анубхаванд̇и.

    Uṇhena ruppanaṃ avīcimahāniraye pākaṭaṃ. Tattha hi tattāya lohapathaviyā nipajjāpetvā pañcavidhabandhanādikaraṇakāle sattā mahādukkhaṃ anubhavanti.

    ж̇игхажчааяа руббанам̣ бзд̇д̇ивисаяз жзва д̣̇уб̣бхигкагаалз жа баагадам̣. бзд̇д̇ивисаяасмин̃хи сад̇д̇аа д̣̇вз д̇ийн̣и б̣уд̣̇д̇ханд̇араани гин̃жид̣̇зва аамисам̣ хад̇т̇зна г̇ахзд̇ваа мукз багкибанд̇аа наама на хонд̇и . анд̇оуд̣̇арам̣ аад̣̇ид̇д̇асусираругко вияа ход̇и. д̣̇уб̣бхигкз ган̃ж̇игамад̇д̇амби алабхид̇ваа маран̣аббад̇д̇аанам̣ бамаан̣ам̣ наама над̇т̇и.

    Jighacchāya ruppanaṃ pettivisaye ceva dubbhikkhakāle ca pākaṭaṃ. Pettivisayasmiñhi sattā dve tīṇi buddhantarāni kiñcideva āmisaṃ hatthena gahetvā mukhe pakkhipantā nāma na honti . Antoudaraṃ ādittasusirarukkho viya hoti. Dubbhikkhe kañjikamattampi alabhitvā maraṇappattānaṃ pamāṇaṃ nāma natthi.

    бибаасааяа руббанам̣ гаалаган̃ж̇игаад̣̇ийсу баагадам̣. д̇ад̇т̇а хи сад̇д̇аа д̣̇вз д̇ийн̣и б̣уд̣̇д̇ханд̇араани хад̣̇аяад̇зманамад̇д̇ам̣ ваа ж̇ивхаад̇зманамад̇д̇ам̣ ваа уд̣̇агаб̣инд̣̇ум̣ лад̣̇д̇хум̣ на саггонд̇и. ‘баанийяам̣ бивиссаамаа’д̇и над̣̇им̣ г̇ад̇аанамби над̣̇ий ваалигаад̇алам̣ самбаж̇ж̇ад̇и. махаасамуд̣̇д̣̇ам̣ багканд̇аанамби махаасамуд̣̇д̣̇о бидтибаасаан̣о ход̇и. д̇з суссанд̇аа б̣алавад̣̇угкабийл̣ид̇аа вижаранд̇и.

    Pipāsāya ruppanaṃ kālakañjikādīsu pākaṭaṃ. Tattha hi sattā dve tīṇi buddhantarāni hadayatemanamattaṃ vā jivhātemanamattaṃ vā udakabinduṃ laddhuṃ na sakkonti. ‘Pānīyaṃ pivissāmā’ti nadiṃ gatānampi nadī vālikātalaṃ sampajjati. Mahāsamuddaṃ pakkhantānampi mahāsamuddo piṭṭhipāsāṇo hoti. Te sussantā balavadukkhapīḷitā vicaranti.

    зго гира гаалаган̃ж̇игаасуро бибаасам̣ ад̇хиваасзд̇ум̣ асаггонд̇о яож̇анаг̇амбхийравид̇т̇аарам̣ махааг̇ан̇г̇ам̣ од̇ари. д̇асса г̇ад̇аг̇ад̇адтаанз уд̣̇агам̣ чиж̇ж̇ад̇и, д̇хуумо уг̇г̇ажчад̇и, д̇ад̇д̇з бидтибаасаан̣з жан̇гаманагаало вияа ход̇и. д̇асса уд̣̇агасад̣̇д̣̇ам̣ суд̇ваа ид̇о жид̇о жа вижаранд̇ассзва рад̇д̇и вибхааяи. ат̇а нам̣ баад̇ова бхигкаажаарам̣ г̇ажчанд̇аа д̇им̣самад̇д̇аа бин̣д̣ажааригабхигкуу д̣̇исваа – ‘‘го наама д̇вам̣, саббурисаа’’д̇и бужчим̣су. ‘‘бзд̇охамасми, бханд̇з’’д̇и. ‘‘гим̣ бариязсасий’’д̇и? ‘‘баанийяам̣, бханд̇з’’д̇и. ‘‘аяам̣ г̇ан̇г̇аа барибун̣н̣аа, гим̣ д̇вам̣ на бассасий’’д̇и? ‘‘на убагаббад̇и, бханд̇з’’д̇и. ‘‘д̇зна хи г̇ан̇г̇аабидтз нибаж̇ж̇а, мукз д̇з баанийяам̣ аасин̃жиссаамаа’’д̇и. со ваалигаабул̣инз уд̇д̇аано нибаж̇ж̇и. бхигкуу д̇им̣самад̇д̇з бад̇д̇з нийхарид̇ваа уд̣̇агам̣ аахарид̇ваа аахарид̇ваа д̇асса мукз аасин̃жим̣су. д̇зсам̣ д̇ат̇аа гаронд̇аанам̣язва взлаа убагадтаа ж̇аад̇аа. д̇ад̇о ‘‘бхигкаажаарагаало амхаагам̣, саббуриса; гажжи д̇з ассаад̣̇амад̇д̇аа лад̣̇д̇хаа’’д̇и аахам̣су. бзд̇о ‘‘сажз мз, бханд̇з, д̇им̣самад̇д̇аанам̣ аяяаанам̣ д̇им̣самад̇д̇зхи бад̇д̇зхи аасид̇д̇ауд̣̇агад̇о ад̣дхабасад̇амад̇д̇амби бараг̇алаг̇ад̇ам̣, бзд̇ад̇д̇абхаавад̇о могко маа ход̇уу’’д̇и ааха. звам̣ бибаасааяа руббанам̣ бзд̇д̇ивисаяз баагадам̣.

    Eko kira kālakañjikaasuro pipāsaṃ adhivāsetuṃ asakkonto yojanagambhīravitthāraṃ mahāgaṅgaṃ otari. Tassa gatagataṭṭhāne udakaṃ chijjati, dhūmo uggacchati, tatte piṭṭhipāsāṇe caṅkamanakālo viya hoti. Tassa udakasaddaṃ sutvā ito cito ca vicarantasseva ratti vibhāyi. Atha naṃ pātova bhikkhācāraṃ gacchantā tiṃsamattā piṇḍacārikabhikkhū disvā – ‘‘ko nāma tvaṃ, sappurisā’’ti pucchiṃsu. ‘‘Petohamasmi, bhante’’ti. ‘‘Kiṃ pariyesasī’’ti? ‘‘Pānīyaṃ, bhante’’ti. ‘‘Ayaṃ gaṅgā paripuṇṇā, kiṃ tvaṃ na passasī’’ti? ‘‘Na upakappati, bhante’’ti. ‘‘Tena hi gaṅgāpiṭṭhe nipajja, mukhe te pānīyaṃ āsiñcissāmā’’ti. So vālikāpuḷine uttāno nipajji. Bhikkhū tiṃsamatte patte nīharitvā udakaṃ āharitvā āharitvā tassa mukhe āsiñciṃsu. Tesaṃ tathā karontānaṃyeva velā upakaṭṭhā jātā. Tato ‘‘bhikkhācārakālo amhākaṃ, sappurisa; kacci te assādamattā laddhā’’ti āhaṃsu. Peto ‘‘sace me, bhante, tiṃsamattānaṃ ayyānaṃ tiṃsamattehi pattehi āsittaudakato aḍḍhapasatamattampi paragalagataṃ, petattabhāvato mokkho mā hotū’’ti āha. Evaṃ pipāsāya ruppanaṃ pettivisaye pākaṭaṃ.

    д̣ам̣саад̣̇ийхи руббанам̣ д̣ам̣самагкигаад̣̇исамб̣аб̣ахулзсу бад̣̇зсзсу баагадам̣. зд̇т̇а жа д̣ам̣саад̇и бин̇г̇аламагкигаа, магасаад̇и магасаава ваад̇аад̇и гужчиваад̇абидтиваад̇аад̣̇ивасзна взд̣̇ид̇аб̣б̣аа. сарийрасмин̃хи ваад̇арог̇о уббаж̇ж̇ид̇ваа хад̇т̇абаад̣̇абидтиаад̣̇ийни бхинд̣̇ад̇и, гаан̣ам̣ гарод̇и, куж̇ж̇ам̣ гарод̇и, бийтасаббим̣ гарод̇и. аад̇абод̇и суурияаад̇або. д̇зна руббанам̣ маруганд̇аараад̣̇ийсу баагадам̣. згаа гира ид̇т̇ий маруганд̇аарз рад̇д̇им̣ сад̇т̇ад̇о охийнаа д̣̇иваа суурияз уг̇г̇ажчанд̇з ваалигааяа д̇аббамаанааяа баад̣̇з табзд̇ум̣ асаггонд̇ий сийсад̇о бажчим̣ од̇аарзд̇ваа аггами. гамзна бажчияаа ун̣хаабхид̇ад̇д̇ааяа таад̇ум̣ асаггонд̇ий д̇ассаа убари саадагам̣ табзд̇ваа аггами. д̇асмимби санд̇ад̇д̇з ан̇гзна г̇ахид̇ам̣ буд̇д̇агам̣ ад̇хомукам̣ нибаж̇ж̇аабзд̇ваа ганд̣̇анд̇ам̣ ганд̣̇анд̇ам̣ аггамид̇ваа сад̣̇д̇хим̣ д̇зна д̇асмим̣язва таанз ун̣хаабхид̇ад̇д̇аа гааламагааси.

    Ḍaṃsādīhi ruppanaṃ ḍaṃsamakkhikādisambabahulesu padesesu pākaṭaṃ. Ettha ca ḍaṃsāti piṅgalamakkhikā, makasāti makasāva vātāti kucchivātapiṭṭhivātādivasena veditabbā. Sarīrasmiñhi vātarogo uppajjitvā hatthapādapiṭṭhiādīni bhindati, kāṇaṃ karoti, khujjaṃ karoti, pīṭhasappiṃ karoti. Ātapoti sūriyātapo. Tena ruppanaṃ marukantārādīsu pākaṭaṃ. Ekā kira itthī marukantāre rattiṃ satthato ohīnā divā sūriye uggacchante vālikāya tappamānāya pāde ṭhapetuṃ asakkontī sīsato pacchiṃ otāretvā akkami. Kamena pacchiyā uṇhābhitattāya ṭhātuṃ asakkontī tassā upari sāṭakaṃ ṭhapetvā akkami. Tasmimpi santatte aṅkena gahitaṃ puttakaṃ adhomukhaṃ nipajjāpetvā kandantaṃ kandantaṃ akkamitvā saddhiṃ tena tasmiṃyeva ṭhāne uṇhābhitattā kālamakāsi.

    сарийсабаад̇и яз гзжи д̣̇ийгхаж̇аад̇игаа саранд̇аа г̇ажчанд̇и. д̇зсам̣ сампассзна руббанам̣ аасийвисад̣̇адтаад̣̇ийнам̣ васзна взд̣̇ид̇аб̣б̣ам̣.

    Sarīsapāti ye keci dīghajātikā sarantā gacchanti. Tesaṃ samphassena ruppanaṃ āsīvisadaṭṭhādīnaṃ vasena veditabbaṃ.

    ид̣̇аани ‘яам̣ гин̃жи рууба’нд̇и бад̣̇зна сам̣г̇ахид̇ам̣ бан̃жавийсад̇игодтаасачаннавуд̇игодтаасаббабхзд̣̇ам̣ саб̣б̣амби руубам̣ ад̇ийд̇аад̣̇игодтаасзсу багкибид̇ваа д̣̇ассзд̇ум̣ ад̇ийд̇аанааг̇ад̇абажжуббаннанд̇и ааха. д̇ад̇о барам̣ д̇ад̣̇зва аж̇жхад̇д̇ад̣̇угаад̣̇ийсу жад̇уусу д̣̇угзсу багкибид̇ваа д̣̇ассзд̇ум̣ аж̇жхад̇д̇ам̣ ваа б̣ахид̣̇д̇хаа ваад̇иаад̣̇и вуд̇д̇ам̣. д̇ад̇о барам̣ саб̣б̣амбзд̇ам̣ згаад̣̇асасу бад̣̇зсзсу барияаад̣̇ияид̇ваа д̣̇ассид̇ам̣ руубам̣ згад̇о бин̣д̣ам̣ гад̇ваа д̣̇ассзд̇ум̣ д̇ад̣̇згаж̇жханд̇иаад̣̇и вуд̇д̇ам̣.

    Idāni ‘yaṃ kiñci rūpa’nti padena saṃgahitaṃ pañcavīsatikoṭṭhāsachannavutikoṭṭhāsappabhedaṃ sabbampi rūpaṃ atītādikoṭṭhāsesu pakkhipitvā dassetuṃ atītānāgatapaccuppannanti āha. Tato paraṃ tadeva ajjhattadukādīsu catūsu dukesu pakkhipitvā dassetuṃ ajjhattaṃ vā bahiddhā vātiādi vuttaṃ. Tato paraṃ sabbampetaṃ ekādasasu padesesu pariyādiyitvā dassitaṃ rūpaṃ ekato piṇḍaṃ katvā dassetuṃ tadekajjhantiādi vuttaṃ.

    д̇ад̇т̇а д̇ад̣̇згаж̇жханд̇и д̇ам̣ згаж̇жхам̣; абхисан̃н̃уухид̇ваад̇и абхисам̣харид̇ваа; абхисан̇кибид̇ваад̇и сан̇кзбам̣ гад̇ваа; ид̣̇ам̣ вуд̇д̇ам̣ ход̇и – саб̣б̣амбзд̇ам̣ вуд̇д̇аббагаарам̣ руубам̣ руббаналагкан̣асан̇каад̇з згавид̇хабхаавз бан̃н̃ааяа раасим̣ гад̇ваа руубагканд̇хо наамаад̇и вужжад̇ийд̇и. зд̇зна саб̣б̣амби руубам̣ руббаналагкан̣з раасибхаавуубаг̇аманзна руубагканд̇ход̇и д̣̇ассид̇ам̣ ход̇и. на хи руубад̇о ан̃н̃о руубагканд̇хо наама ад̇т̇и. яат̇аа жа руубам̣, звам̣ взд̣̇анаад̣̇аяоби взд̣̇аяид̇алагкан̣аад̣̇ийсу раасибхаавуубаг̇аманзна. на хи взд̣̇анаад̣̇ийхи ан̃н̃з взд̣̇анаагканд̇хаад̣̇аяо наама ад̇т̇и.

    Tattha tadekajjhanti taṃ ekajjhaṃ; abhisaññūhitvāti abhisaṃharitvā; abhisaṅkhipitvāti saṅkhepaṃ katvā; idaṃ vuttaṃ hoti – sabbampetaṃ vuttappakāraṃ rūpaṃ ruppanalakkhaṇasaṅkhāte ekavidhabhāve paññāya rāsiṃ katvā rūpakkhandho nāmāti vuccatīti. Etena sabbampi rūpaṃ ruppanalakkhaṇe rāsibhāvūpagamanena rūpakkhandhoti dassitaṃ hoti. Na hi rūpato añño rūpakkhandho nāma atthi. Yathā ca rūpaṃ, evaṃ vedanādayopi vedayitalakkhaṇādīsu rāsibhāvūpagamanena. Na hi vedanādīhi aññe vedanākkhandhādayo nāma atthi.

    3. ид̣̇аани згзгасмим̣ огаасз багкид̇д̇ам̣ руубам̣ висум̣ висум̣ бхааж̇зд̇ваа д̣̇ассзнд̇о д̇ад̇т̇а гад̇амам̣ руубам̣ ад̇ийд̇анд̇иаад̣̇имааха. д̇ад̇т̇а д̇ад̇т̇аад̇и згаад̣̇асасу огаасзсу багкибид̇ваа табид̇амаад̇игааяа бхуммам̣. ид̣̇ам̣ вуд̇д̇ам̣ ход̇и – ад̇ийд̇аанааг̇ад̇абажжуббаннанд̇иаад̣̇инаа наязна табид̇ааяа маад̇игааяа яам̣ ад̇ийд̇ам̣ руубанд̇и вуд̇д̇ам̣, д̇ам̣ гад̇аманд̇и? иминаа убааязна саб̣б̣абужчаасу ад̇т̇о взд̣̇ид̇аб̣б̣о. ад̇ийд̇ам̣ нируд̣̇д̇ханд̇иаад̣̇ийни бад̣̇аани нигкзбаган̣д̣асса ад̇ийд̇ад̇д̇игабхааж̇анийяаван̣н̣анааяам̣ (д̇ха. са. адта. 1044) вуд̇д̇аанзва. жад̇д̇ааро жа махаабхууд̇аад̇и ид̣̇ам̣ ад̇ийд̇анд̇и вуд̇д̇аруубасса сабхаавад̣̇ассанам̣. яат̇аа жзд̇т̇а звам̣ саб̣б̣ад̇т̇а ад̇т̇о взд̣̇ид̇аб̣б̣о. иминаа ид̣̇ам̣ д̣̇ассзд̇и – ад̇ийд̇аруубамби бхууд̇аани жзва бхууд̇аани убаад̣̇ааяа ниб̣б̣ад̇д̇аруубан̃жа, анааг̇ад̇амби…бз… д̣̇уурасанд̇игамби . на хи бхууд̇зхи жзва бхууд̇аани убаад̣̇ааяа бавад̇д̇аруубад̇о жа ан̃н̃ам̣ руубам̣ наама ад̇т̇ийд̇и.

    3. Idāni ekekasmiṃ okāse pakkhittaṃ rūpaṃ visuṃ visuṃ bhājetvā dassento tattha katamaṃ rūpaṃ atītantiādimāha. Tattha tatthāti ekādasasu okāsesu pakkhipitvā ṭhapitamātikāya bhummaṃ. Idaṃ vuttaṃ hoti – atītānāgatapaccuppannantiādinā nayena ṭhapitāya mātikāya yaṃ atītaṃ rūpanti vuttaṃ, taṃ katamanti? Iminā upāyena sabbapucchāsu attho veditabbo. Atītaṃ niruddhantiādīni padāni nikkhepakaṇḍassa atītattikabhājanīyavaṇṇanāyaṃ (dha. sa. aṭṭha. 1044) vuttāneva. Cattāro ca mahābhūtāti idaṃ atītanti vuttarūpassa sabhāvadassanaṃ. Yathā cettha evaṃ sabbattha attho veditabbo. Iminā idaṃ dasseti – atītarūpampi bhūtāni ceva bhūtāni upādāya nibbattarūpañca, anāgatampi…pe… dūrasantikampi . Na hi bhūtehi ceva bhūtāni upādāya pavattarūpato ca aññaṃ rūpaṃ nāma atthīti.

    абаро наяо – ад̇ийд̇ам̣сзна сан̇г̇ахид̇анд̇и ад̇ийд̇агодтаасзнзва сан̇г̇ахид̇ам̣, зд̇т̇зва г̇ан̣анам̣ г̇ад̇ам̣. гинд̇и? жад̇д̇ааро жа махаабхууд̇аа жад̇уннан̃жа махаабхууд̇аанам̣ убаад̣̇ааяаруубанд̇и. звам̣ саб̣б̣ад̇т̇а ад̇т̇о взд̣̇ид̇аб̣б̣о. анааг̇ад̇абажжуббаннанид̣̇д̣̇зсабад̣̇ааниби хздтаа вуд̇д̇ад̇т̇аанзва.

    Aparo nayo – atītaṃsena saṅgahitanti atītakoṭṭhāseneva saṅgahitaṃ, ettheva gaṇanaṃ gataṃ. Kinti? Cattāro ca mahābhūtā catunnañca mahābhūtānaṃ upādāyarūpanti. Evaṃ sabbattha attho veditabbo. Anāgatapaccuppannaniddesapadānipi heṭṭhā vuttatthāneva.

    ид̣̇ам̣ бана ад̇ийд̇аанааг̇ад̇абажжуббаннам̣ наама суд̇д̇анд̇абарияааяад̇о абхид̇хамманид̣̇д̣̇зсад̇од̇и д̣̇увид̇хам̣. д̇ам̣ суд̇д̇анд̇абарияааяз бхавзна барижчиннам̣. бадисанд̇хид̇о хи бадтааяа ад̇ийд̇абхавзсу ниб̣б̣ад̇д̇ам̣ руубам̣, ананд̇арабхавз ваа ниб̣б̣ад̇д̇ам̣ ход̇у габбагодисад̇асахассамад̇т̇агз ваа, саб̣б̣ам̣ ад̇ийд̇амзва наама. жуд̇ид̇о бадтааяа анааг̇ад̇абхавзсу ниб̣б̣ад̇д̇анагаруубам̣, ананд̇арабхавз ваа ниб̣б̣ад̇д̇ам̣ ход̇у габбагодисад̇асахассамад̇т̇агз ваа, саб̣б̣ам̣ анааг̇ад̇амзва наама. жуд̇ибадисанд̇хиананд̇арз бавад̇д̇аруубам̣ бажжуббаннам̣ наама. абхид̇хамманид̣̇д̣̇зсз бана кан̣зна барижчиннам̣. д̇аяо хи руубасса кан̣аа – уббаад̣̇о, тид̇и, бхан̇г̇од̇и. имз д̇аяо кан̣з бад̇ваа нируд̣̇д̇хам̣ руубам̣, самананд̇аранируд̣̇д̇хам̣ ваа ход̇у ад̇ийд̇з габбагодисад̇асахассамад̇т̇агз ваа, саб̣б̣ам̣ ад̇ийд̇амзва наама. д̇аяо кан̣з асамбад̇д̇ам̣ руубам̣, згажид̇д̇агкан̣амад̇д̇зна ваа асамбад̇д̇ам̣ ход̇у анааг̇ад̇з габбагодисад̇асахассамад̇т̇агз ваа, саб̣б̣ам̣ анааг̇ад̇амзва наама. имз д̇аяо кан̣з самбад̇д̇ам̣ руубам̣ бана бажжуббаннам̣ наама. д̇ад̇т̇а гин̃жааби ид̣̇ам̣ суд̇д̇анд̇абхааж̇анийяам̣, звам̣ санд̇зби абхид̇хамманид̣̇д̣̇зсзнзва ад̇ийд̇аанааг̇ад̇абажжуббаннаруубам̣ нид̣̇д̣̇идтанд̇и взд̣̇ид̇аб̣б̣ам̣.

    Idaṃ pana atītānāgatapaccuppannaṃ nāma suttantapariyāyato abhidhammaniddesatoti duvidhaṃ. Taṃ suttantapariyāye bhavena paricchinnaṃ. Paṭisandhito hi paṭṭhāya atītabhavesu nibbattaṃ rūpaṃ, anantarabhave vā nibbattaṃ hotu kappakoṭisatasahassamatthake vā, sabbaṃ atītameva nāma. Cutito paṭṭhāya anāgatabhavesu nibbattanakarūpaṃ, anantarabhave vā nibbattaṃ hotu kappakoṭisatasahassamatthake vā, sabbaṃ anāgatameva nāma. Cutipaṭisandhianantare pavattarūpaṃ paccuppannaṃ nāma. Abhidhammaniddese pana khaṇena paricchinnaṃ. Tayo hi rūpassa khaṇā – uppādo, ṭhiti, bhaṅgoti. Ime tayo khaṇe patvā niruddhaṃ rūpaṃ, samanantaraniruddhaṃ vā hotu atīte kappakoṭisatasahassamatthake vā, sabbaṃ atītameva nāma. Tayo khaṇe asampattaṃ rūpaṃ, ekacittakkhaṇamattena vā asampattaṃ hotu anāgate kappakoṭisatasahassamatthake vā, sabbaṃ anāgatameva nāma. Ime tayo khaṇe sampattaṃ rūpaṃ pana paccuppannaṃ nāma. Tattha kiñcāpi idaṃ suttantabhājanīyaṃ, evaṃ santepi abhidhammaniddeseneva atītānāgatapaccuppannarūpaṃ niddiṭṭhanti veditabbaṃ.

    абаро наяо – ид̣̇ан̃хи руубам̣ ад̣̇д̇хаасанд̇ад̇исамаяакан̣авасзна жад̇уд̇хаа ад̇ийд̇ам̣ наама ход̇и. д̇ат̇аа анааг̇ад̇абажжуббаннам̣. ад̣̇д̇хаавасзна д̇аава згасса згасмим̣ бхавз бадисанд̇хид̇о буб̣б̣з ад̇ийд̇ам̣, жуд̇ид̇о уд̣̇д̇хам̣ анааг̇ад̇ам̣, убхиннаманд̇арз бажжуббаннам̣. санд̇ад̇ивасзна сабхааг̇азгауд̇усамудтаанам̣ згаахаарасамудтаанан̃жа буб̣б̣аабарияавасзна бавад̇д̇амаанамби бажжуббаннам̣. д̇ад̇о буб̣б̣з висабхааг̇ауд̇уаахаарасамудтаанам̣ ад̇ийд̇ам̣, бажчаа анааг̇ад̇ам̣. жид̇д̇аж̇ам̣ згавийт̇изгаж̇аваназгасамаабад̇д̇исамудтаанам̣ бажжуббаннам̣. д̇ад̇о буб̣б̣з ад̇ийд̇ам̣, бажчаа анааг̇ад̇ам̣. гаммасамудтаанасса баадиязггам̣ санд̇ад̇ивасзна ад̇ийд̇аад̣̇ибхзд̣̇о над̇т̇и. д̇зсан̃н̃зва бана уд̇уаахааражид̇д̇асамудтаанаанам̣ убад̇т̇амбхагавасзна д̇асса ад̇ийд̇аад̣̇ибхзд̣̇о взд̣̇ид̇аб̣б̣о. самаяавасзна згамухуд̇д̇абуб̣б̣ан̣хасааяанхарад̇д̇ид̣̇иваад̣̇ийсу самаязсу санд̇аанавасзна бавад̇д̇амаанам̣ д̇ам̣ д̇ам̣ самаяам̣ бажжуббаннам̣ наама. д̇ад̇о буб̣б̣з ад̇ийд̇ам̣, бажчаа анааг̇ад̇ам̣. кан̣авасзна уббаад̣̇аад̣̇игкан̣ад̇д̇аяабарияаабаннам̣ бажжуббаннам̣ наама. д̇ад̇о буб̣б̣з ад̇ийд̇ам̣, бажчаа анааг̇ад̇ам̣.

    Aparo nayo – idañhi rūpaṃ addhāsantatisamayakhaṇavasena catudhā atītaṃ nāma hoti. Tathā anāgatapaccuppannaṃ. Addhāvasena tāva ekassa ekasmiṃ bhave paṭisandhito pubbe atītaṃ, cutito uddhaṃ anāgataṃ, ubhinnamantare paccuppannaṃ. Santativasena sabhāgaekautusamuṭṭhānaṃ ekāhārasamuṭṭhānañca pubbāpariyavasena pavattamānampi paccuppannaṃ. Tato pubbe visabhāgautuāhārasamuṭṭhānaṃ atītaṃ, pacchā anāgataṃ. Cittajaṃ ekavīthiekajavanaekasamāpattisamuṭṭhānaṃ paccuppannaṃ. Tato pubbe atītaṃ, pacchā anāgataṃ. Kammasamuṭṭhānassa pāṭiyekkaṃ santativasena atītādibhedo natthi. Tesaññeva pana utuāhāracittasamuṭṭhānānaṃ upatthambhakavasena tassa atītādibhedo veditabbo. Samayavasena ekamuhuttapubbaṇhasāyanharattidivādīsu samayesu santānavasena pavattamānaṃ taṃ taṃ samayaṃ paccuppannaṃ nāma. Tato pubbe atītaṃ, pacchā anāgataṃ. Khaṇavasena uppādādikkhaṇattayapariyāpannaṃ paccuppannaṃ nāma. Tato pubbe atītaṃ, pacchā anāgataṃ.

    абижа ад̇иггахзд̇убажжаяагижжам̣ ад̇ийд̇ам̣. нидтид̇ахзд̇угижжам̣ анидтид̇абажжаяагижжам̣ бажжуббаннам̣. убхаяагижжамасамбад̇д̇ам̣ анааг̇ад̇ам̣. сагижжагкан̣з ваа бажжуббаннам̣. д̇ад̇о буб̣б̣з ад̇ийд̇ам̣, бажчаа анааг̇ад̇ам̣. зд̇т̇а жа кан̣аад̣̇игат̇аава ниббарияааяаа, сзсаа сабарияааяаа. д̇аасу ниббарияааяагат̇аа ид̇ха ад̇хиббзд̇аа. аж̇жхад̇д̇ад̣̇угассааби нид̣̇д̣̇зсабад̣̇аани хздтаа аж̇жхад̇д̇ад̇д̇иганид̣̇д̣̇зсз (д̇ха. са. адта. 1050) вуд̇д̇ад̇т̇аанзва. ол̣ааригаад̣̇ийни руубаган̣д̣аван̣н̣анааяам̣ (д̇ха. са. адта. 674) вуд̇д̇ад̇т̇аанзва.

    Apica atikkahetupaccayakiccaṃ atītaṃ. Niṭṭhitahetukiccaṃ aniṭṭhitapaccayakiccaṃ paccuppannaṃ. Ubhayakiccamasampattaṃ anāgataṃ. Sakiccakkhaṇe vā paccuppannaṃ. Tato pubbe atītaṃ, pacchā anāgataṃ. Ettha ca khaṇādikathāva nippariyāyā, sesā sapariyāyā. Tāsu nippariyāyakathā idha adhippetā. Ajjhattadukassāpi niddesapadāni heṭṭhā ajjhattattikaniddese (dha. sa. aṭṭha. 1050) vuttatthāneva. Oḷārikādīni rūpakaṇḍavaṇṇanāyaṃ (dha. sa. aṭṭha. 674) vuttatthāneva.

    6. хийнад̣̇уганид̣̇д̣̇зсз д̇зсам̣ д̇зсам̣ сад̇д̇аананд̇и б̣ахуусу сад̇д̇зсу саамиважанам̣. абарассааби абарассаабийд̇и хи вужжамаанз д̣̇ивасамби габбасад̇асахассамби вад̣̇анд̇о зд̇д̇агамзва вад̣̇зяяа. ид̇и сад̇т̇аа д̣̇вийхзва бад̣̇зхи анавасзсз сад̇д̇з барияаад̣̇ияанд̇о ‘д̇зсам̣ д̇зсам̣ сад̇д̇аана’нд̇и ааха. зд̇д̇агзна хи саб̣б̣амби абарад̣̇ийбанам̣ сид̣̇д̇хам̣ ход̇и. ун̃н̃аад̇анд̇и авамад̇ам̣. аван̃н̃аад̇анд̇и вамбхзд̇ваа н̃аад̇ам̣. руубанд̇иби на вид̣̇ид̇ам̣. хийл̣ид̇анд̇и аг̇ахзд̇аб̣б̣адтзна кид̇д̇ам̣ чад̣д̣ид̇ам̣, ж̇иг̇ужчид̇анд̇иби вад̣̇анд̇и. барибхууд̇анд̇и гимзд̇знаад̇и ваажааяа барибхавид̇ам̣. ажид̇д̇ийгад̇анд̇и на г̇аругад̇ам̣. хийнанд̇и лаамагам̣. хийнамад̇анд̇и хийнанд̇и мад̇ам̣, лаамагам̣ гад̇ваа н̃аад̇ам̣. хийнасаммад̇анд̇и хийнанд̇и логз саммад̇ам̣, хийнзхи ваа саммад̇ам̣, г̇уут̇абхагкзхи г̇уут̇о вияа. анидтанд̇и аббияам̣, бадилаабхад̇т̇ааяа ваа абариязсид̇ам̣. сажзби нам̣ гожи бариязсзяяа, бариязсад̇у. зд̇асса бана аарамман̣асса зд̇ад̣̇зва наамам̣. аганд̇анд̇и агаамид̇ам̣, ниссиригам̣ ваа. аманаабанд̇и манасмим̣ на аббид̇ам̣. д̇аад̣̇исан̃хи аарамман̣ам̣ манасмим̣ на аббийяад̇и. ат̇а ваа манам̣ аббааяад̇и вад̣дхзд̇ийд̇и манаабам̣, на манаабам̣ аманаабам̣.

    6. Hīnadukaniddese tesaṃ tesaṃ sattānanti bahūsu sattesu sāmivacanaṃ. Aparassāpi aparassāpīti hi vuccamāne divasampi kappasatasahassampi vadanto ettakameva vadeyya. Iti satthā dvīheva padehi anavasese satte pariyādiyanto ‘tesaṃ tesaṃ sattāna’nti āha. Ettakena hi sabbampi aparadīpanaṃ siddhaṃ hoti. Uññātanti avamataṃ. Avaññātanti vambhetvā ñātaṃ. Rūpantipi na viditaṃ. Hīḷitanti agahetabbaṭṭhena khittaṃ chaḍḍitaṃ, jigucchitantipi vadanti. Paribhūtanti kimetenāti vācāya paribhavitaṃ. Acittīkatanti na garukataṃ. Hīnanti lāmakaṃ. Hīnamatanti hīnanti mataṃ, lāmakaṃ katvā ñātaṃ. Hīnasammatanti hīnanti loke sammataṃ, hīnehi vā sammataṃ, gūthabhakkhehi gūtho viya. Aniṭṭhanti appiyaṃ, paṭilābhatthāya vā apariyesitaṃ. Sacepi naṃ koci pariyeseyya, pariyesatu. Etassa pana ārammaṇassa etadeva nāmaṃ. Akantanti akāmitaṃ, nissirikaṃ vā. Amanāpanti manasmiṃ na appitaṃ. Tādisañhi ārammaṇaṃ manasmiṃ na appīyati. Atha vā manaṃ appāyati vaḍḍhetīti manāpaṃ, na manāpaṃ amanāpaṃ.

    абаро наяо – анидтам̣ самбад̇д̇ивирахад̇о. д̇ам̣ зганд̇зна гаммасамудтаанзсу агусалагаммасамудтаанам̣. аганд̇ам̣ сукасса ахзд̇убхаавад̇о. аманаабам̣ д̣̇угкасса хзд̇убхаавад̇о. руубаа сад̣̇д̣̇аад̇и ид̣̇амасса сабхаавад̣̇ийбанам̣. имасмин̃хи бад̣̇з агусалагаммаж̇авасзна анидтаа бан̃жа гаамаг̇ун̣аа вибхад̇д̇аа. гусалагаммаж̇ам̣ бана анидтам̣ наама над̇т̇и, саб̣б̣ам̣ идтамзва.

    Aparo nayo – aniṭṭhaṃ sampattivirahato. Taṃ ekantena kammasamuṭṭhānesu akusalakammasamuṭṭhānaṃ. Akantaṃ sukhassa ahetubhāvato. Amanāpaṃ dukkhassa hetubhāvato. Rūpā saddāti idamassa sabhāvadīpanaṃ. Imasmiñhi pade akusalakammajavasena aniṭṭhā pañca kāmaguṇā vibhattā. Kusalakammajaṃ pana aniṭṭhaṃ nāma natthi, sabbaṃ iṭṭhameva.

    бан̣ийд̇абад̣̇анид̣̇д̣̇зсо вуд̇д̇абадибагканаязна взд̣̇ид̇аб̣б̣о. имасмим̣ бана бад̣̇з гусалагаммаж̇авасзна идтаа бан̃жа гаамаг̇ун̣аа вибхад̇д̇аа. гусалагаммаж̇ан̃хи анидтам̣ наама над̇т̇и, саб̣б̣ам̣ идтамзва. яат̇аа жа гаммаж̇зсу звам̣ уд̇усамудтаанаад̣̇ийсуби идтаанидтад̇аа ад̇т̇и зваад̇и имасмим̣ д̣̇угз идтаанидтаарамман̣ам̣ бадивибхад̇д̇анд̇и взд̣̇ид̇аб̣б̣ам̣. аяам̣ д̇аава аажарияаанам̣ самаанад̇т̇агат̇аа. вид̇ан̣д̣аваад̣̇ий банааха – идтаанидтам̣ наама баадиязггам̣ бадивибхад̇д̇ам̣ над̇т̇и, д̇зсам̣ д̇зсам̣ руживасзна гат̇ид̇ам̣.

    Paṇītapadaniddeso vuttapaṭipakkhanayena veditabbo. Imasmiṃ pana pade kusalakammajavasena iṭṭhā pañca kāmaguṇā vibhattā. Kusalakammajañhi aniṭṭhaṃ nāma natthi, sabbaṃ iṭṭhameva. Yathā ca kammajesu evaṃ utusamuṭṭhānādīsupi iṭṭhāniṭṭhatā atthi evāti imasmiṃ duke iṭṭhāniṭṭhārammaṇaṃ paṭivibhattanti veditabbaṃ. Ayaṃ tāva ācariyānaṃ samānatthakathā. Vitaṇḍavādī panāha – iṭṭhāniṭṭhaṃ nāma pāṭiyekkaṃ paṭivibhattaṃ natthi, tesaṃ tesaṃ rucivasena kathitaṃ.

    яат̇ааха –

    Yathāha –

    ‘‘манаабабарияанд̇ам̣ кваахам̣, махаарааж̇а, бан̃жасу гаамаг̇ун̣зсу аг̇г̇анд̇и вад̣̇аами. д̇зва, махаарааж̇а, руубаа згажжасса манаабаа хонд̇и, згажжасса аманаабаа хонд̇и. д̇зва, махаарааж̇а, сад̣̇д̣̇аа, г̇анд̇хаа, расаа, подтаб̣б̣аа згажжасса манаабаа хонд̇и, згажжасса аманаабаа хонд̇ий’’д̇и (сам̣. ни. 1.123).

    ‘‘Manāpapariyantaṃ khvāhaṃ, mahārāja, pañcasu kāmaguṇesu agganti vadāmi. Teva, mahārāja, rūpā ekaccassa manāpā honti, ekaccassa amanāpā honti. Teva, mahārāja, saddā, gandhā, rasā, phoṭṭhabbā ekaccassa manāpā honti, ekaccassa amanāpā hontī’’ti (saṃ. ni. 1.123).

    звам̣ яасмаа д̇зязва руубаад̣̇аяо зго ассаад̣̇зд̇и абхинанд̣̇ад̇и, д̇ад̇т̇а лобхам̣ уббаад̣̇зд̇и. зго гуж̇жхад̇и бадихан̃н̃ад̇и, д̇ад̇т̇а д̣̇осам̣ уббаад̣̇зд̇и. згасса идтаа хонд̇и ганд̇аа манаабаа, згасса анидтаа аганд̇аа аманаабаа. зго жзд̇з ‘идтаа ганд̇аа манаабаа’д̇и д̣̇агкин̣ад̇о г̇ан̣хаад̇и, зго ‘анидтаа аганд̇аа аманаабаа’д̇и ваамад̇о. д̇асмаа идтаанидтам̣ наама баадиязггам̣ бадивибхад̇д̇ам̣ наама над̇т̇и. бажжанд̇аваасийнан̃хи г̇ан̣д̣уббаад̣̇ааби идтаа хонд̇и ганд̇аа манаабаа, маж̇жхимад̣̇зсаваасийнам̣ ад̇иж̇зг̇ужчаа. д̇зсан̃жа морамам̣саад̣̇ийни идтаани хонд̇и, ид̇арзсам̣ д̇аани ад̇иж̇зг̇ужчаанийд̇и.

    Evaṃ yasmā teyeva rūpādayo eko assādeti abhinandati, tattha lobhaṃ uppādeti. Eko kujjhati paṭihaññati, tattha dosaṃ uppādeti. Ekassa iṭṭhā honti kantā manāpā, ekassa aniṭṭhā akantā amanāpā. Eko cete ‘iṭṭhā kantā manāpā’ti dakkhiṇato gaṇhāti, eko ‘aniṭṭhā akantā amanāpā’ti vāmato. Tasmā iṭṭhāniṭṭhaṃ nāma pāṭiyekkaṃ paṭivibhattaṃ nāma natthi. Paccantavāsīnañhi gaṇḍuppādāpi iṭṭhā honti kantā manāpā, majjhimadesavāsīnaṃ atijegucchā. Tesañca moramaṃsādīni iṭṭhāni honti, itaresaṃ tāni atijegucchānīti.

    со вад̇д̇аб̣б̣о – ‘‘гим̣ бана д̇вам̣ идтаанидтаарамман̣ам̣ баадиязггам̣ бадивибхад̇д̇ам̣ наама над̇т̇ийд̇и вад̣̇зсий’’д̇и? ‘‘аама над̇т̇ий’’д̇и вад̣̇аами. буна д̇ат̇зва яаавад̇ад̇ияам̣ бад̇идтаабзд̇ваа бан̃хо бужчид̇аб̣б̣о – ‘‘ниб̣б̣аанам̣ наама идтам̣ уд̣̇ааху анидта’’нд̇и? ж̇аанамаано ‘‘идта’’нд̇и вагкад̇и. сажзби на вад̣̇зяяа, маа вад̣̇ад̇у. ниб̣б̣аанам̣ бана зганд̇аидтамзва. ‘‘нану зго ниб̣б̣аанасса ван̣н̣з гат̇ияамаанз гуж̇жхид̇ваа – ‘д̇вам̣ ниб̣б̣аанасса ван̣н̣ам̣ гат̇зси, гим̣ д̇ад̇т̇а аннабаанамаалааг̇анд̇хавилзбанасаяанажчаад̣̇анасамид̣̇д̇хаа бан̃жа гаамаг̇ун̣аа ад̇т̇ий’д̇и вад̇ваа ‘над̇т̇ий’д̇и вуд̇д̇з ‘алам̣ д̇ава ниб̣б̣аанзнаа’д̇и ниб̣б̣аанасса ван̣н̣з гат̇ияамаанз гуж̇жхид̇ваа убхо ган̣н̣з т̇агзд̇ийд̇и идтзд̇ам̣. зд̇асса бана васзна д̇ава ваад̣̇з ниб̣б̣аанам̣ анидтам̣ наама ход̇и . на банзд̇ам̣ звам̣ г̇ахзд̇аб̣б̣ам̣. зсо хи вибарийд̇асан̃н̃ааяа гат̇зд̇и. сан̃н̃аавибаллаасзна жа д̇ад̣̇зва аарамман̣ам̣ згасса идтам̣ ход̇и, згасса анидтам̣’’.

    So vattabbo – ‘‘kiṃ pana tvaṃ iṭṭhāniṭṭhārammaṇaṃ pāṭiyekkaṃ paṭivibhattaṃ nāma natthīti vadesī’’ti? ‘‘Āma natthī’’ti vadāmi. Puna tatheva yāvatatiyaṃ patiṭṭhāpetvā pañho pucchitabbo – ‘‘nibbānaṃ nāma iṭṭhaṃ udāhu aniṭṭha’’nti? Jānamāno ‘‘iṭṭha’’nti vakkhati. Sacepi na vadeyya, mā vadatu. Nibbānaṃ pana ekantaiṭṭhameva. ‘‘Nanu eko nibbānassa vaṇṇe kathiyamāne kujjhitvā – ‘tvaṃ nibbānassa vaṇṇaṃ kathesi, kiṃ tattha annapānamālāgandhavilepanasayanacchādanasamiddhā pañca kāmaguṇā atthī’ti vatvā ‘natthī’ti vutte ‘alaṃ tava nibbānenā’ti nibbānassa vaṇṇe kathiyamāne kujjhitvā ubho kaṇṇe thaketīti iṭṭhetaṃ. Etassa pana vasena tava vāde nibbānaṃ aniṭṭhaṃ nāma hoti . Na panetaṃ evaṃ gahetabbaṃ. Eso hi viparītasaññāya katheti. Saññāvipallāsena ca tadeva ārammaṇaṃ ekassa iṭṭhaṃ hoti, ekassa aniṭṭhaṃ’’.

    идтаанидтаарамман̣ам̣ бана баадиязггам̣ вибхад̇д̇ам̣ ад̇т̇ийд̇и. гасса васзна вибхад̇д̇анд̇и? маж̇жхимагасад̇д̇асса. ид̣̇ан̃хи на ад̇ииссараанам̣ махаасаммад̇амахаасуд̣̇ассанад̇хаммаасогаад̣̇ийнам̣ васзна вибхад̇д̇ам̣. д̇зсан̃хи д̣̇иб̣б̣агаббамби аарамман̣ам̣ аманаабам̣ убадтаад̇и. на ад̇ид̣̇уг̇г̇ад̇аанам̣ д̣̇уллабханнабаанаанам̣ васзна вибхад̇д̇ам̣. д̇зсан̃хи ган̣ааж̇агабхад̇д̇асид̇т̇ааниби бууд̇имам̣сарасоби ад̇имад̇хуро амад̇асад̣̇исо жа ход̇и. маж̇жхимагаанам̣ бана г̇ан̣агамахаамад̇д̇асздтигудумб̣игаваан̣иж̇аад̣̇ийнам̣ гаалзна идтам̣ гаалзна анидтам̣ лабхамаанаанам̣ васзна вибхад̇д̇ам̣. зваруубаа хи идтаанидтам̣ барижчинд̣̇ид̇ум̣ саггонд̇ийд̇и.

    Iṭṭhāniṭṭhārammaṇaṃ pana pāṭiyekkaṃ vibhattaṃ atthīti. Kassa vasena vibhattanti? Majjhimakasattassa. Idañhi na atiissarānaṃ mahāsammatamahāsudassanadhammāsokādīnaṃ vasena vibhattaṃ. Tesañhi dibbakappampi ārammaṇaṃ amanāpaṃ upaṭṭhāti. Na atiduggatānaṃ dullabhannapānānaṃ vasena vibhattaṃ. Tesañhi kaṇājakabhattasitthānipi pūtimaṃsarasopi atimadhuro amatasadiso ca hoti. Majjhimakānaṃ pana gaṇakamahāmattaseṭṭhikuṭumbikavāṇijādīnaṃ kālena iṭṭhaṃ kālena aniṭṭhaṃ labhamānānaṃ vasena vibhattaṃ. Evarūpā hi iṭṭhāniṭṭhaṃ paricchindituṃ sakkontīti.

    д̇ибидагажуул̣анааг̇ад̇т̇зро банааха – ‘‘идтаанидтам̣ наама вибаагавасзнзва барижчиннам̣, на ж̇аванавасзна. ж̇аванам̣ бана сан̃н̃аавибаллаасавасзна идтасмим̣язва раж̇ж̇ад̇и, идтасмим̣язва д̣̇уссад̇и; анидтасмим̣язва раж̇ж̇ад̇и, анидтасмим̣язва д̣̇уссад̇ий’’д̇и. вибаагавасзнзва банзд̇ам̣ зганд̇ад̇о барижчиж̇ж̇ад̇и. на хи саггаа вибаагажид̇д̇ам̣ ван̃жзд̇ум̣. сажз аарамман̣ам̣ идтам̣ ход̇и, гусалавибаагам̣ уббаж̇ж̇ад̇и. сажз анидтам̣, агусалавибаагам̣ уббаж̇ж̇ад̇и. гин̃жааби хи мижчаад̣̇идтигаа б̣уд̣̇д̇хам̣ ваа сан̇гхам̣ ваа махаажзд̇ияаад̣̇ийни ваа ул̣аараани аарамман̣аани д̣̇исваа агкийни бид̣̇аханд̇и, д̣̇оманассам̣ аабаж̇ж̇анд̇и, д̇хаммасад̣̇д̣̇ам̣ суд̇ваа ган̣н̣з т̇агзнд̇и, жагкувин̃н̃аан̣асод̇авин̃н̃аан̣аани бана нзсам̣ гусалавибаагаанзва хонд̇и.

    Tipiṭakacūḷanāgatthero panāha – ‘‘iṭṭhāniṭṭhaṃ nāma vipākavaseneva paricchinnaṃ, na javanavasena. Javanaṃ pana saññāvipallāsavasena iṭṭhasmiṃyeva rajjati, iṭṭhasmiṃyeva dussati; aniṭṭhasmiṃyeva rajjati, aniṭṭhasmiṃyeva dussatī’’ti. Vipākavaseneva panetaṃ ekantato paricchijjati. Na hi sakkā vipākacittaṃ vañcetuṃ. Sace ārammaṇaṃ iṭṭhaṃ hoti, kusalavipākaṃ uppajjati. Sace aniṭṭhaṃ, akusalavipākaṃ uppajjati. Kiñcāpi hi micchādiṭṭhikā buddhaṃ vā saṅghaṃ vā mahācetiyādīni vā uḷārāni ārammaṇāni disvā akkhīni pidahanti, domanassaṃ āpajjanti, dhammasaddaṃ sutvā kaṇṇe thakenti, cakkhuviññāṇasotaviññāṇāni pana nesaṃ kusalavipākāneva honti.

    гин̃жааби г̇уут̇асуугараад̣̇аяо г̇уут̇аг̇анд̇хам̣ гхааяид̇ваа ‘каад̣̇ид̇ум̣ лабхиссаамаа’д̇и соманассаж̇аад̇аа хонд̇и, г̇уут̇ад̣̇ассанз бана д̇зсам̣ жагкувин̃н̃аан̣ам̣, д̇асса г̇анд̇хагхааяанз гхаанавин̃н̃аан̣ам̣, расасааяанз ж̇ивхаавин̃н̃аан̣ан̃жа агусалавибаагамзва ход̇и. б̣анд̇хид̇ваа варасаяанз саяаабид̇асуугаро жа гин̃жааби виравад̇и, сан̃н̃аавибаллаасзна банасса ж̇аванасмим̣язва д̣̇оманассам̣ уббаж̇ж̇ад̇и, гааяавин̃н̃аан̣ам̣ гусалавибаагамзва. гасмаа? аарамман̣асса идтад̇ааяа.

    Kiñcāpi gūthasūkarādayo gūthagandhaṃ ghāyitvā ‘khādituṃ labhissāmā’ti somanassajātā honti, gūthadassane pana tesaṃ cakkhuviññāṇaṃ, tassa gandhaghāyane ghānaviññāṇaṃ, rasasāyane jivhāviññāṇañca akusalavipākameva hoti. Bandhitvā varasayane sayāpitasūkaro ca kiñcāpi viravati, saññāvipallāsena panassa javanasmiṃyeva domanassaṃ uppajjati, kāyaviññāṇaṃ kusalavipākameva. Kasmā? Ārammaṇassa iṭṭhatāya.

    абижа д̣̇вааравасзнааби идтаанидтад̇аа взд̣̇ид̇аб̣б̣аа. сукасампассан̃хи г̇уут̇агалалам̣ жагкуд̣̇ваарагхаанад̣̇ваарзсу анидтам̣, гааяад̣̇ваарз идтам̣ ход̇и. жаггавад̇д̇ино ман̣ирад̇анзна бот̇ияамаанасса, суван̣н̣асуулз уд̇д̇аасид̇асса жа ман̣ирад̇анасуван̣н̣асуулаани жагкуд̣̇ваарз идтаани хонд̇и, гааяад̣̇ваарз анидтаани. гасмаа? махаад̣̇угкасса уббаад̣̇анад̇о. звам̣ идтаанидтам̣ зганд̇ад̇о вибаагзнзва барижчиж̇ж̇ад̇ийд̇и взд̣̇ид̇аб̣б̣ам̣.

    Apica dvāravasenāpi iṭṭhāniṭṭhatā veditabbā. Sukhasamphassañhi gūthakalalaṃ cakkhudvāraghānadvāresu aniṭṭhaṃ, kāyadvāre iṭṭhaṃ hoti. Cakkavattino maṇiratanena pothiyamānassa, suvaṇṇasūle uttāsitassa ca maṇiratanasuvaṇṇasūlāni cakkhudvāre iṭṭhāni honti, kāyadvāre aniṭṭhāni. Kasmā? Mahādukkhassa uppādanato. Evaṃ iṭṭhāniṭṭhaṃ ekantato vipākeneva paricchijjatīti veditabbaṃ.

    д̇ам̣ д̇ам̣ ваа банаад̇и зд̇т̇а на хздтиманаяо ологзд̇аб̣б̣о. на хи бхаг̇аваа саммуд̇иманаабам̣ бхинд̣̇ад̇и, буг̇г̇аламанаабам̣ бана бхинд̣̇ад̇и. д̇асмаа д̇ам̣д̇ам̣ваабанавасзнзва убаад̣̇ааяубаад̣̇ааяа хийнаббан̣ийд̇ад̇аа взд̣̇ид̇аб̣б̣аа. нзраяигаанан̃хи руубам̣ годиббад̇д̇ам̣ хийнам̣ наама; д̇ам̣ убаад̣̇ааяа д̇иражчаанзсу нааг̇асубан̣н̣аанам̣ руубам̣ бан̣ийд̇ам̣ наама. д̇зсам̣ руубам̣ хийнам̣; д̇ам̣ убаад̣̇ааяа бзд̇аанам̣ руубам̣ бан̣ийд̇ам̣ наама. д̇зсамби хийнам̣; д̇ам̣ убаад̣̇ааяа ж̇аанабад̣̇аанам̣ руубам̣ бан̣ийд̇ам̣ наама. д̇зсамби хийнам̣; д̇ам̣ убаад̣̇ааяа г̇аамабхож̇агаанам̣ руубам̣ бан̣ийд̇ам̣ наама. д̇зсамби хийнам̣; д̇ам̣ убаад̣̇ааяа ж̇анабад̣̇асаамигаанам̣ руубам̣ бан̣ийд̇ам̣ наама. д̇зсамби хийнам̣; д̇ам̣ убаад̣̇ааяа бад̣̇зсарааж̇уунам̣ руубам̣ бан̣ийд̇ам̣ наама. д̇зсамби хийнам̣; д̇ам̣ убаад̣̇ааяа жаггавад̇д̇иран̃н̃о руубам̣ бан̣ийд̇ам̣ наама. д̇ассааби хийнам̣; д̇ам̣ убаад̣̇ааяа бхуммад̣̇зваанам̣ руубам̣ бан̣ийд̇ам̣ наама. д̇зсамби хийнам̣; д̇ам̣ убаад̣̇ааяа жаад̇умахаарааж̇игаанам̣ д̣̇зваанам̣ руубам̣ бан̣ийд̇ам̣ наама. д̇зсамби хийнам̣; д̇ам̣ убаад̣̇ааяа д̇аавад̇им̣саанам̣ д̣̇зваанам̣ руубам̣ бан̣ийд̇ам̣ наама…бз… аганидтад̣̇зваанам̣ бана руубам̣ мад̇т̇агаббад̇д̇ам̣ бан̣ийд̇ам̣ наама.

    Taṃ taṃ vā panāti ettha na heṭṭhimanayo oloketabbo. Na hi bhagavā sammutimanāpaṃ bhindati, puggalamanāpaṃ pana bhindati. Tasmā taṃtaṃvāpanavaseneva upādāyupādāya hīnappaṇītatā veditabbā. Nerayikānañhi rūpaṃ koṭippattaṃ hīnaṃ nāma; taṃ upādāya tiracchānesu nāgasupaṇṇānaṃ rūpaṃ paṇītaṃ nāma. Tesaṃ rūpaṃ hīnaṃ; taṃ upādāya petānaṃ rūpaṃ paṇītaṃ nāma. Tesampi hīnaṃ; taṃ upādāya jānapadānaṃ rūpaṃ paṇītaṃ nāma. Tesampi hīnaṃ; taṃ upādāya gāmabhojakānaṃ rūpaṃ paṇītaṃ nāma. Tesampi hīnaṃ; taṃ upādāya janapadasāmikānaṃ rūpaṃ paṇītaṃ nāma. Tesampi hīnaṃ; taṃ upādāya padesarājūnaṃ rūpaṃ paṇītaṃ nāma. Tesampi hīnaṃ; taṃ upādāya cakkavattirañño rūpaṃ paṇītaṃ nāma. Tassāpi hīnaṃ; taṃ upādāya bhummadevānaṃ rūpaṃ paṇītaṃ nāma. Tesampi hīnaṃ; taṃ upādāya cātumahārājikānaṃ devānaṃ rūpaṃ paṇītaṃ nāma. Tesampi hīnaṃ; taṃ upādāya tāvatiṃsānaṃ devānaṃ rūpaṃ paṇītaṃ nāma…pe… akaniṭṭhadevānaṃ pana rūpaṃ matthakappattaṃ paṇītaṃ nāma.

    7. д̣̇уурад̣̇уганид̣̇д̣̇зсз ид̇т̇инд̣̇рияаад̣̇ийни хздтаа вибхад̇д̇аанзва. имасмим̣ бана д̣̇угз д̣̇уббариг̇г̇ахадтзна лагкан̣ад̣̇уббадивиж̇жхад̇ааяа сукумаруубам̣ д̣̇уурзд̇и гат̇ид̇ам̣. сукабариг̇г̇ахадтзна лагкан̣асуббадивиж̇жхад̇ааяа ол̣ааригаруубам̣ санд̇игзд̇и. габ̣ал̣ийгаараахаарабарияосаанз жа нияяаад̇анадтаанзби ‘ид̣̇ам̣ вужжад̇и руубам̣ д̣̇уурз’д̇и на нийяяаад̇ид̇ам̣. гасмаа? д̣̇увид̇хан̃хи д̣̇уурз наама – лагкан̣ад̇о жа огаасад̇о жаад̇и. д̇ад̇т̇а лагкан̣ад̇о д̣̇уурзд̇и на гат̇ид̇ам̣, д̇ам̣ огаасад̇о гат̇зд̇аб̣б̣ам̣. д̇асмаа д̣̇уурзд̇и агат̇ид̇ам̣. ол̣ааригаруубам̣ огаасад̇о д̣̇уурзд̇и д̣̇ассзд̇ум̣ анияяаад̇зд̇ваава яам̣ ваа банан̃н̃амбийд̇иаад̣̇имааха. санд̇игабад̣̇анид̣̇д̣̇зсзби зсзва наяо. д̇ад̇т̇а анаасаннзд̇и на аасаннз, анубагадтзд̇и ниссадз, д̣̇уурзд̇и д̣̇уурамхи, асанд̇игзд̇и на санд̇игз. ид̣̇ам̣ вужжад̇и руубам̣ д̣̇уурзд̇и ид̣̇ам̣ бан̣н̣арасавид̇хам̣ сукумаруубам̣ лагкан̣ад̇о д̣̇уурз, д̣̇асавид̇хам̣ бана ол̣ааригаруубам̣ язваабанагавасзна огаасад̇о д̣̇уурзд̇и вужжад̇и. санд̇игабад̣̇анид̣̇д̣̇зсо уд̇д̇аанад̇т̇оязва.

    7. Dūradukaniddese itthindriyādīni heṭṭhā vibhattāneva. Imasmiṃ pana duke duppariggahaṭṭhena lakkhaṇaduppaṭivijjhatāya sukhumarūpaṃ dūreti kathitaṃ. Sukhapariggahaṭṭhena lakkhaṇasuppaṭivijjhatāya oḷārikarūpaṃ santiketi. Kabaḷīkārāhārapariyosāne ca niyyātanaṭṭhānepi ‘idaṃ vuccati rūpaṃ dūre’ti na nīyyātitaṃ. Kasmā? Duvidhañhi dūre nāma – lakkhaṇato ca okāsato cāti. Tattha lakkhaṇato dūreti na kathitaṃ, taṃ okāsato kathetabbaṃ. Tasmā dūreti akathitaṃ. Oḷārikarūpaṃ okāsato dūreti dassetuṃ aniyyātetvāva yaṃ vā panaññampītiādimāha. Santikapadaniddesepi eseva nayo. Tattha anāsanneti na āsanne, anupakaṭṭheti nissaṭe, dūreti dūramhi, asantiketi na santike. Idaṃ vuccati rūpaṃ dūreti idaṃ paṇṇarasavidhaṃ sukhumarūpaṃ lakkhaṇato dūre, dasavidhaṃ pana oḷārikarūpaṃ yevāpanakavasena okāsato dūreti vuccati. Santikapadaniddeso uttānatthoyeva.

    ид̣̇ам̣ вужжад̇и руубам̣ санд̇игзд̇и ид̣̇ам̣ д̣̇асавид̇хам̣ ол̣ааригаруубам̣ лагкан̣ад̇о санд̇игз, бан̃жад̣̇асавид̇хам̣ бана сукумаруубам̣ язваабанагавасзна огаасад̇о санд̇игзд̇и вужжад̇и. гид̇д̇агад̇о бадтааяа бана руубам̣ огаасавасзна санд̇игз наама? гид̇д̇агад̇о бадтааяа д̣̇уурз наамаад̇и? багад̇игат̇ааяа гат̇знд̇аанам̣ д̣̇ваад̣̇асахад̇т̇о савануубажааро наама ход̇и. д̇асса орад̇о руубам̣ санд̇игз, барад̇о д̣̇уурз. д̇ад̇т̇а сукумаруубам̣ д̣̇уурз хонд̇ам̣ лагкан̣ад̇оби огаасад̇оби д̣̇уурз ход̇и; санд̇игз хонд̇ам̣ бана огаасад̇ова санд̇игз ход̇и, на лагкан̣ад̇о. ол̣ааригаруубам̣ санд̇игз хонд̇ам̣ лагкан̣ад̇оби огаасад̇оби санд̇игз ход̇и; д̣̇уурз хонд̇ам̣ огаасад̇ова д̣̇уурз ход̇и, на лагкан̣ад̇о.

    Idaṃvuccati rūpaṃ santiketi idaṃ dasavidhaṃ oḷārikarūpaṃ lakkhaṇato santike, pañcadasavidhaṃ pana sukhumarūpaṃ yevāpanakavasena okāsato santiketi vuccati. Kittakato paṭṭhāya pana rūpaṃ okāsavasena santike nāma? Kittakato paṭṭhāya dūre nāmāti? Pakatikathāya kathentānaṃ dvādasahattho savanūpacāro nāma hoti. Tassa orato rūpaṃ santike, parato dūre. Tattha sukhumarūpaṃ dūre hontaṃ lakkhaṇatopi okāsatopi dūre hoti; santike hontaṃ pana okāsatova santike hoti, na lakkhaṇato. Oḷārikarūpaṃ santike hontaṃ lakkhaṇatopi okāsatopi santike hoti; dūre hontaṃ okāsatova dūre hoti, na lakkhaṇato.

    д̇ам̣ д̇ам̣ ваа банаад̇и зд̇т̇а на хздтиманаяо ологзд̇аб̣б̣о. хздтаа хи бхинд̣̇амаано г̇ад̇о. ид̇ха бана на лагкан̣ад̇о д̣̇уурам̣ бхинд̣̇ад̇и, огаасад̇о д̣̇уурамзва бхинд̣̇ад̇и. убаад̣̇ааяубаад̣̇ааяа д̣̇уурасанд̇иган̃хи зд̇т̇а д̣̇ассид̇ам̣. ад̇д̇ано хи руубам̣ санд̇игз наама; анд̇огужчиг̇ад̇ассааби барасса д̣̇уурз. анд̇огужчиг̇ад̇асса санд̇игз; б̣ахитид̇асса д̣̇уурз. згаман̃жз саяид̇асса санд̇игз; б̣ахибамукз тид̇асса д̣̇уурз. анд̇обаривзн̣з руубам̣ санд̇игз; б̣ахибаривзн̣з д̣̇уурз. анд̇осан̇гхаараамз руубам̣ санд̇игз; б̣ахисан̇гхаараамз д̣̇уурз. анд̇осиймааяа руубам̣ санд̇игз; б̣ахисиймааяа д̣̇уурз. анд̇ог̇аамакзд̇д̇з руубам̣ санд̇игз; б̣ахиг̇аамагкзд̇д̇з д̣̇уурз. анд̇ож̇анабад̣̇з руубам̣ санд̇игз; б̣ахиж̇анабад̣̇з д̣̇уурз. анд̇ораж̇ж̇асиймааяа руубам̣ санд̇игз; б̣ахираж̇ж̇асиймааяа д̣̇уурз. анд̇осамуд̣̇д̣̇з руубам̣ санд̇игз; б̣ахисамуд̣̇д̣̇зруубам̣ д̣̇уурз. анд̇ожаггаваал̣з руубам̣ санд̇игз; б̣ахижаггаваал̣з д̣̇уурзд̇и.

    Taṃ taṃ vā panāti ettha na heṭṭhimanayo oloketabbo. Heṭṭhā hi bhindamāno gato. Idha pana na lakkhaṇato dūraṃ bhindati, okāsato dūrameva bhindati. Upādāyupādāya dūrasantikañhi ettha dassitaṃ. Attano hi rūpaṃ santike nāma; antokucchigatassāpi parassa dūre. Antokucchigatassa santike; bahiṭhitassa dūre. Ekamañce sayitassa santike; bahipamukhe ṭhitassa dūre. Antopariveṇe rūpaṃ santike; bahipariveṇe dūre. Antosaṅghārāme rūpaṃ santike; bahisaṅghārāme dūre. Antosīmāya rūpaṃ santike; bahisīmāya dūre. Antogāmakhette rūpaṃ santike; bahigāmakkhette dūre. Antojanapade rūpaṃ santike; bahijanapade dūre. Antorajjasīmāya rūpaṃ santike; bahirajjasīmāya dūre. Antosamudde rūpaṃ santike; bahisamudderūpaṃ dūre. Antocakkavāḷe rūpaṃ santike; bahicakkavāḷe dūreti.

    аяам̣ руубагканд̇ханид̣̇д̣̇зсо.

    Ayaṃ rūpakkhandhaniddeso.

    2. взд̣̇анаагканд̇ханид̣̇д̣̇зсо

    2. Vedanākkhandhaniddeso

    8. взд̣̇анаагканд̇ханид̣̇д̣̇зсаад̣̇ийсу хздтаа вуд̇д̇асад̣̇исам̣ бахааяа абуб̣б̣амзва ван̣н̣аяиссаама. яаа гаажи взд̣̇анаад̇и жад̇убхуумигавзд̣̇анам̣ барияаад̣̇ияад̇и. сукаа взд̣̇анаад̇иаад̣̇ийни ад̇ийд̇аад̣̇ивасзна нид̣̇д̣̇идтавзд̣̇анам̣ сабхаавад̇о д̣̇ассзд̇ум̣ вуд̇д̇аани. д̇ад̇т̇а сукаа взд̣̇анаа ад̇т̇и гааяигаа, ад̇т̇и жзд̇асигаа . д̇ат̇аа д̣̇угкаа взд̣̇анаа. ад̣̇угкамасукаа бана жагкаад̣̇аяо басаад̣̇агааяз санд̇хааяа барияааязна ‘ад̇т̇и гааяигаа, ад̇т̇и жзд̇асигаа’. д̇ад̇т̇а саб̣б̣ааби гааяигаа гаамааважараа. д̇ат̇аа жзд̇асигаа д̣̇угкаа взд̣̇анаа . жзд̇асигаа сукаа бана д̇збхуумигаа. ад̣̇угкамасукаа жад̇убхуумигаа. д̇ассаа саб̣б̣аббагаарааяаби санд̇ад̇ивасзна, кан̣аад̣̇ивасзна жа ад̇ийд̇аад̣̇ибхааво взд̣̇ид̇аб̣б̣о.

    8. Vedanākkhandhaniddesādīsu heṭṭhā vuttasadisaṃ pahāya apubbameva vaṇṇayissāma. Yā kāci vedanāti catubhūmikavedanaṃ pariyādiyati. Sukhā vedanātiādīni atītādivasena niddiṭṭhavedanaṃ sabhāvato dassetuṃ vuttāni. Tattha sukhā vedanā atthi kāyikā, atthi cetasikā . Tathā dukkhā vedanā. Adukkhamasukhā pana cakkhādayo pasādakāye sandhāya pariyāyena ‘atthi kāyikā, atthi cetasikā’. Tattha sabbāpi kāyikā kāmāvacarā. Tathā cetasikā dukkhā vedanā . Cetasikā sukhā pana tebhūmikā. Adukkhamasukhā catubhūmikā. Tassā sabbappakārāyapi santativasena, khaṇādivasena ca atītādibhāvo veditabbo.

    д̇ад̇т̇а санд̇ад̇ивасзна згавийт̇изгаж̇аваназгасамаабад̇д̇ибарияаабаннаа, згавид̇хависаяасамааяог̇аббавад̇д̇аа жа бажжуббаннаа. д̇ад̇о буб̣б̣з ад̇ийд̇аа, бажчаа анааг̇ад̇аа. кан̣аад̣̇ивасзна кан̣ад̇д̇аяабарияаабаннаа буб̣б̣анд̇аабаранд̇амаж̇жхаг̇ад̇аа сагижжан̃жа гурумаанаа взд̣̇анаа бажжуббаннаа. д̇ад̇о буб̣б̣з ад̇ийд̇аа, бажчаа анааг̇ад̇аа. д̇ад̇т̇а кан̣аад̣̇ивасзна ад̇ийд̇аад̣̇ибхаавам̣ санд̇хааяа аяам̣ нид̣̇д̣̇зсо гад̇од̇и взд̣̇ид̇аб̣б̣о.

    Tattha santativasena ekavīthiekajavanaekasamāpattipariyāpannā, ekavidhavisayasamāyogappavattā ca paccuppannā. Tato pubbe atītā, pacchā anāgatā. Khaṇādivasena khaṇattayapariyāpannā pubbantāparantamajjhagatā sakiccañca kurumānā vedanā paccuppannā. Tato pubbe atītā, pacchā anāgatā. Tattha khaṇādivasena atītādibhāvaṃ sandhāya ayaṃ niddeso katoti veditabbo.

    11. ол̣ааригасукуманид̣̇д̣̇зсз агусалаа взд̣̇анаад̇иаад̣̇ийни ж̇аад̇ид̇о ол̣ааригасукумабхаавам̣ д̣̇ассзд̇ум̣ вуд̇д̇аани. д̣̇угкаа взд̣̇анаа ол̣ааригаад̇иаад̣̇ийни сабхаавад̇о. асамаабаннасса взд̣̇анаад̇иаад̣̇ийни буг̇г̇алад̇о. саасаваад̇иаад̣̇ийни логияалогуд̇д̇арад̇о ол̣ааригасукумабхаавам̣ д̣̇ассзд̇ум̣ вуд̇д̇аани. д̇ад̇т̇а агусалаа д̇аава сад̣̇арат̇адтзна д̣̇угкавибаагадтзна жа ол̣ааригаа. гусалаа нид̣̇д̣̇арат̇адтзна сукавибаагадтзна жа сукумаа. аб̣яаагад̇аа нируссаахадтзна авибаагадтзна жа сукумаа. гусалаагусалаа сауссаахадтзна савибаагадтзна жа ол̣ааригаа. аб̣яаагад̇аа вуд̇д̇анаязнзва сукумаа.

    11. Oḷārikasukhumaniddese akusalā vedanātiādīni jātito oḷārikasukhumabhāvaṃ dassetuṃ vuttāni. Dukkhā vedanā oḷārikātiādīni sabhāvato. Asamāpannassa vedanātiādīni puggalato. Sāsavātiādīni lokiyalokuttarato oḷārikasukhumabhāvaṃ dassetuṃ vuttāni. Tattha akusalā tāva sadarathaṭṭhena dukkhavipākaṭṭhena ca oḷārikā. Kusalā niddarathaṭṭhena sukhavipākaṭṭhena ca sukhumā. Abyākatā nirussāhaṭṭhena avipākaṭṭhena ca sukhumā. Kusalākusalā saussāhaṭṭhena savipākaṭṭhena ca oḷārikā. Abyākatā vuttanayeneva sukhumā.

    д̣̇угкаа асаад̇адтзна д̣̇угкадтзна жа ол̣ааригаа. сукаа саад̇адтзна сукадтзна жа сукумаа. ад̣̇угкамасукаа санд̇адтзна бан̣ийд̇адтзна жа сукумаа. сукад̣̇угкаа кобханадтзна паран̣адтзна жа ол̣ааригаа. сукавзд̣̇анааби хи кобхзд̇и парад̇и. д̇ат̇аа д̣̇угкавзд̣̇анааби. сукан̃хи уббаж̇ж̇амаанам̣ сагаласарийрам̣ кобхзнд̇ам̣ аалул̣знд̇ам̣ абхисанд̣̇аяамаанам̣ мад̣̇д̣̇аяамаанам̣ чаад̣̇аяамаанам̣ сийд̇од̣̇агагхадзна аасин̃жаяамаанам̣ вияа уббаж̇ж̇ад̇и. д̣̇угкам̣ уббаж̇ж̇амаанам̣ д̇ад̇д̇апаалам̣ анд̇о бавзсанд̇ам̣ вияа д̇ин̣уггааяа б̣ахи жхаабаяамаанам̣ вияа уббаж̇ж̇ад̇и. ад̣̇угкамасукаа бана вуд̇д̇анаязнзва сукумаа. асамаабаннасса взд̣̇анаа наанаарамман̣з вигкид̇д̇абхаавад̇о ол̣ааригаа . самаабаннасса взд̣̇анаа згад̇д̇анимид̇д̇зязва жарад̇ийд̇и сукумаа. саасаваа аасавуббад̇д̇ихзд̇уд̇о ол̣ааригаа. аасаважааро наама зганд̇аол̣аариго. анаасаваа вуд̇д̇авибарияааязна сукумаа.

    Dukkhā asātaṭṭhena dukkhaṭṭhena ca oḷārikā. Sukhā sātaṭṭhena sukhaṭṭhena ca sukhumā. Adukkhamasukhā santaṭṭhena paṇītaṭṭhena ca sukhumā. Sukhadukkhā khobhanaṭṭhena pharaṇaṭṭhena ca oḷārikā. Sukhavedanāpi hi khobheti pharati. Tathā dukkhavedanāpi. Sukhañhi uppajjamānaṃ sakalasarīraṃ khobhentaṃ āluḷentaṃ abhisandayamānaṃ maddayamānaṃ chādayamānaṃ sītodakaghaṭena āsiñcayamānaṃ viya uppajjati. Dukkhaṃ uppajjamānaṃ tattaphālaṃ anto pavesantaṃ viya tiṇukkāya bahi jhāpayamānaṃ viya uppajjati. Adukkhamasukhā pana vuttanayeneva sukhumā. Asamāpannassa vedanā nānārammaṇe vikkhittabhāvato oḷārikā . Samāpannassa vedanā ekattanimitteyeva caratīti sukhumā. Sāsavā āsavuppattihetuto oḷārikā. Āsavacāro nāma ekantaoḷāriko. Anāsavā vuttavipariyāyena sukhumā.

    д̇ад̇т̇а зго нзва гусалад̇д̇игз говид̣̇о ход̇и, на взд̣̇анаад̇д̇игз. со ‘гусалад̇д̇игам̣ рагкаамий’д̇и взд̣̇анаад̇д̇игам̣ бхинд̣̇ад̇и; ‘взд̣̇анаад̇д̇игам̣ рагкаамий’д̇и гусалад̇д̇игам̣ бхинд̣̇ад̇и. зго ‘д̇игам̣ рагкаамий’д̇и бхууманд̇арам̣ бхинд̣̇ад̇и. зго на бхинд̣̇ад̇и. гат̇ам̣? ‘‘сукад̣̇угкаа взд̣̇анаа ол̣ааригаа, ад̣̇угкамасукаа взд̣̇анаа сукумаа’’д̇и хи взд̣̇анаад̇д̇игз вуд̇д̇ам̣. д̇ам̣ зго бадигкибад̇и – на саб̣б̣аа ад̣̇угкамасукаа сукумаа. саа хи гусалааби ад̇т̇и агусалааби аб̣яаагад̇ааби. д̇ад̇т̇а гусалаагусалаа ол̣ааригаа, аб̣яаагад̇аа сукумаа. гасмаа? гусалад̇д̇игз баал̣ияам̣ ааг̇ад̇ад̇д̇аад̇и. звам̣ гусалад̇д̇иго рагкид̇о ход̇и, взд̣̇анаад̇д̇иго бана бхинно.

    Tattha eko neva kusalattike kovido hoti, na vedanāttike. So ‘kusalattikaṃ rakkhāmī’ti vedanāttikaṃ bhindati; ‘vedanāttikaṃ rakkhāmī’ti kusalattikaṃ bhindati. Eko ‘tikaṃ rakkhāmī’ti bhūmantaraṃ bhindati. Eko na bhindati. Kathaṃ? ‘‘Sukhadukkhā vedanā oḷārikā, adukkhamasukhā vedanā sukhumā’’ti hi vedanāttike vuttaṃ. Taṃ eko paṭikkhipati – na sabbā adukkhamasukhā sukhumā. Sā hi kusalāpi atthi akusalāpi abyākatāpi. Tattha kusalākusalā oḷārikā, abyākatā sukhumā. Kasmā? Kusalattike pāḷiyaṃ āgatattāti. Evaṃ kusalattiko rakkhito hoti, vedanāttiko pana bhinno.

    гусалаагусалаа взд̣̇анаа ол̣ааригаа, аб̣яаагад̇аа взд̣̇анаа сукумаа’’д̇и яам̣ бана гусалад̇д̇игз вуд̇д̇ам̣, д̇ам̣ зго бадигкибад̇и – на саб̣б̣аа аб̣яаагад̇аа сукумаа. саа хи сукааби ад̇т̇и д̣̇угкааби ад̣̇угкамасукааби. д̇ад̇т̇а сукад̣̇угкаа ол̣ааригаа, ад̣̇угкамасукаа сукумаа. гасмаа? взд̣̇анаад̇д̇игз баал̣ияам̣ ааг̇ад̇ад̇д̇аад̇и. звам̣ взд̣̇анаад̇д̇иго рагкид̇о ход̇и, гусалад̇д̇иго бана бхинно. гусалад̇д̇игасса бана ааг̇ад̇адтаанз взд̣̇анаад̇д̇игам̣ анологзд̇ваа взд̣̇анаад̇д̇игасса ааг̇ад̇адтаанз гусалад̇д̇игам̣ анологзд̇ваа гусалаад̣̇ийнам̣ гусалад̇д̇игалагкан̣зна, сукаад̣̇ийнам̣ взд̣̇анаад̇д̇игалагкан̣зна ол̣ааригасукумад̇ам̣ гат̇знд̇о на бхинд̣̇ад̇и наама.

    Kusalākusalā vedanā oḷārikā, abyākatā vedanā sukhumā’’ti yaṃ pana kusalattike vuttaṃ, taṃ eko paṭikkhipati – na sabbā abyākatā sukhumā. Sā hi sukhāpi atthi dukkhāpi adukkhamasukhāpi. Tattha sukhadukkhā oḷārikā, adukkhamasukhā sukhumā. Kasmā? Vedanāttike pāḷiyaṃ āgatattāti. Evaṃ vedanāttiko rakkhito hoti, kusalattiko pana bhinno. Kusalattikassa pana āgataṭṭhāne vedanāttikaṃ anoloketvā vedanāttikassa āgataṭṭhāne kusalattikaṃ anoloketvā kusalādīnaṃ kusalattikalakkhaṇena, sukhādīnaṃ vedanāttikalakkhaṇena oḷārikasukhumataṃ kathento na bhindati nāma.

    яамби ‘‘гусалаагусалаа взд̣̇анаа ол̣ааригаа, аб̣яаагад̇аа взд̣̇анаа сукумаа’’д̇и гусалад̇д̇игз вуд̇д̇ам̣, д̇ад̇т̇зго ‘гусалаа логуд̇д̇аравзд̣̇анааби самаанаа ол̣ааригаа наама, вибаагаа анд̇амасо д̣̇вибан̃жавин̃н̃аан̣асахаж̇аад̇ааби самаанаа сукумаа наама ход̇ий’д̇и вад̣̇ад̇и. со зваруубам̣ санд̇ам̣ бан̣ийд̇ам̣ логуд̇д̇аравзд̣̇анам̣ ол̣ааригам̣ наама гаронд̇о, д̣̇вибан̃жавин̃н̃аан̣асамбаяуд̇д̇ам̣ ахзд̇угам̣ хийнам̣ ж̇ал̣ам̣ взд̣̇анам̣ сукумам̣ наама гаронд̇о ‘д̇игам̣ рагкиссаамий’д̇и бхууманд̇арам̣ бхинд̣̇ад̇и наама. д̇ад̇т̇а д̇ад̇т̇а бхуумияам̣ гусалам̣ бана д̇ам̣д̇ам̣бхуумивибаагзнзва сад̣̇д̇хим̣ яож̇зд̇ваа гат̇знд̇о на бхинд̣̇ад̇и наама. д̇ад̇рааяам̣ наяо – гаамааважарагусалаа хи ол̣ааригаа; гаамааважаравибаагаа сукумаа . руубааважарааруубааважаралогуд̇д̇арагусалаа ол̣ааригаа; руубааважарааруубааважаралогуд̇д̇аравибаагаа сукумаад̇и. иминаа нийхаарзна гат̇знд̇о на бхинд̣̇ад̇и наама.

    Yampi ‘‘kusalākusalā vedanā oḷārikā, abyākatā vedanā sukhumā’’ti kusalattike vuttaṃ, tattheko ‘kusalā lokuttaravedanāpi samānā oḷārikā nāma, vipākā antamaso dvipañcaviññāṇasahajātāpi samānā sukhumā nāma hotī’ti vadati. So evarūpaṃ santaṃ paṇītaṃ lokuttaravedanaṃ oḷārikaṃ nāma karonto, dvipañcaviññāṇasampayuttaṃ ahetukaṃ hīnaṃ jaḷaṃ vedanaṃ sukhumaṃ nāma karonto ‘tikaṃ rakkhissāmī’ti bhūmantaraṃ bhindati nāma. Tattha tattha bhūmiyaṃ kusalaṃ pana taṃtaṃbhūmivipākeneva saddhiṃ yojetvā kathento na bhindati nāma. Tatrāyaṃ nayo – kāmāvacarakusalā hi oḷārikā; kāmāvacaravipākā sukhumā . Rūpāvacarārūpāvacaralokuttarakusalā oḷārikā; rūpāvacarārūpāvacaralokuttaravipākā sukhumāti. Iminā nīhārena kathento na bhindati nāma.

    д̇ибидагажуул̣анааг̇ад̇т̇зро банааха – ‘‘агусалз ол̣ааригасукумад̇аа наама на уд̣̇д̇харид̇аб̣б̣аа. д̇ан̃хи зганд̇аол̣ааригамзва. логуд̇д̇арзби ол̣ааригасукумад̇аа на уд̣̇д̇харид̇аб̣б̣аа. д̇ан̃хи зганд̇асукума’’нд̇и . имам̣ гат̇ам̣ аахарид̇ваа д̇ибидагажуул̣аабхаяад̇т̇зрасса гат̇аяим̣су – звам̣ т̇зрзна гат̇ид̇анд̇и. д̇ибидагажуул̣аабхаяад̇т̇зро ааха – ‘‘саммаасамб̣уд̣̇д̇хзна абхид̇хаммам̣ бад̇ваа згабад̣̇ассааби д̣̇виннамби бад̣̇аанам̣ ааг̇ад̇адтаанз наяам̣ д̣̇аад̇ум̣ яуд̇д̇адтаанз наяо ад̣̇инно наама над̇т̇и, наяам̣ гаад̇ум̣ яуд̇д̇адтаанз наяо агад̇о наама над̇т̇и. ид̇ха банзгажжо ‘аажарияо асмий’д̇и вижаранд̇о агусалз ол̣ааригасукумад̇ам̣ уд̣̇д̇харамаано гуггужжааяад̇и. саммаасамб̣уд̣̇д̇хзна бана логуд̇д̇арзби ол̣ааригасукумад̇аа уд̣̇д̇харид̇аа’’д̇и. зван̃жа бана вад̇ваа ид̣̇ам̣ суд̇д̇ам̣ аахари – ‘‘д̇ад̇ра, бханд̇з, яааяам̣ бадибад̣̇аа д̣̇угкаа д̣̇анд̇хаабхин̃н̃аа, аяам̣, бханд̇з, бадибад̣̇аа убхаязнзва хийнаа агкааяад̇и – д̣̇угкад̇д̇аа д̣̇анд̇хад̇д̇аа жаа’’д̇и (д̣̇ий. ни. 3.152). зд̇т̇а хи жад̇ассо бадибад̣̇аа логияалогуд̇д̇арамиссагаа гат̇ид̇аа.

    Tipiṭakacūḷanāgatthero panāha – ‘‘akusale oḷārikasukhumatā nāma na uddharitabbā. Tañhi ekantaoḷārikameva. Lokuttarepi oḷārikasukhumatā na uddharitabbā. Tañhi ekantasukhuma’’nti . Imaṃ kathaṃ āharitvā tipiṭakacūḷābhayattherassa kathayiṃsu – evaṃ therena kathitanti. Tipiṭakacūḷābhayatthero āha – ‘‘sammāsambuddhena abhidhammaṃ patvā ekapadassāpi dvinnampi padānaṃ āgataṭṭhāne nayaṃ dātuṃ yuttaṭṭhāne nayo adinno nāma natthi, nayaṃ kātuṃ yuttaṭṭhāne nayo akato nāma natthi. Idha panekacco ‘ācariyo asmī’ti vicaranto akusale oḷārikasukhumataṃ uddharamāno kukkuccāyati. Sammāsambuddhena pana lokuttarepi oḷārikasukhumatā uddharitā’’ti. Evañca pana vatvā idaṃ suttaṃ āhari – ‘‘tatra, bhante, yāyaṃ paṭipadā dukkhā dandhābhiññā, ayaṃ, bhante, paṭipadā ubhayeneva hīnā akkhāyati – dukkhattā dandhattā cā’’ti (dī. ni. 3.152). Ettha hi catasso paṭipadā lokiyalokuttaramissakā kathitā.

    д̇ам̣ д̇ам̣ ваа банаад̇и зд̇т̇а на хздтиманаяо ологзд̇аб̣б̣о. д̇ам̣д̇ам̣ваабанавасзнзва гат̇зд̇аб̣б̣ам̣. д̣̇увид̇хаа хи агусалаа – лобхасахаг̇ад̇аа д̣̇осасахаг̇ад̇аа жа. д̇ад̇т̇а д̣̇осасахаг̇ад̇аа ол̣ааригаа, лобхасахаг̇ад̇аа сукумаа. д̣̇осасахаг̇ад̇ааби д̣̇увид̇хаа – нияад̇аа анияад̇аа жа. д̇ад̇т̇а нияад̇аа ол̣ааригаа, анияад̇аа сукумаа. нияад̇ааби габбадтид̇игаа ол̣ааригаа, ногаббадтид̇игаа сукумаа. габбадтид̇игааби асан̇кааригаа ол̣ааригаа, сасан̇кааригаа сукумаа. лобхасахаг̇ад̇ааби д̣̇вид̇хаа – д̣̇идтисамбаяуд̇д̇аа д̣̇идтивиббаяуд̇д̇аа жа. д̇ад̇т̇а д̣̇идтисамбаяуд̇д̇аа ол̣ааригаа, д̣̇идтивиббаяуд̇д̇аа сукумаа. д̣̇идтисамбаяуд̇д̇ааби нияад̇аа ол̣ааригаа, анияад̇аа сукумаа. сааби асан̇кааригаа ол̣ааригаа, сасан̇кааригаа сукумаа.

    Taṃ taṃ vā panāti ettha na heṭṭhimanayo oloketabbo. Taṃtaṃvāpanavaseneva kathetabbaṃ. Duvidhā hi akusalā – lobhasahagatā dosasahagatā ca. Tattha dosasahagatā oḷārikā, lobhasahagatā sukhumā. Dosasahagatāpi duvidhā – niyatā aniyatā ca. Tattha niyatā oḷārikā, aniyatā sukhumā. Niyatāpi kappaṭṭhitikā oḷārikā, nokappaṭṭhitikā sukhumā. Kappaṭṭhitikāpi asaṅkhārikā oḷārikā, sasaṅkhārikā sukhumā. Lobhasahagatāpi dvidhā – diṭṭhisampayuttā diṭṭhivippayuttā ca. Tattha diṭṭhisampayuttā oḷārikā, diṭṭhivippayuttā sukhumā. Diṭṭhisampayuttāpi niyatā oḷārikā, aniyatā sukhumā. Sāpi asaṅkhārikā oḷārikā, sasaṅkhārikā sukhumā.

    сан̇кзбад̇о агусалам̣ бад̇ваа яаа вибаагам̣ б̣ахум̣ д̣̇зд̇и саа ол̣ааригаа, яаа аббам̣ саа сукумаа. гусалам̣ бад̇ваа бана аббавибаагаа ол̣ааригаа, б̣ахувибаагаа сукумаа. жад̇уб̣б̣ид̇хз гусалз гаамааважарагусалаа ол̣ааригаа, руубааважарагусалаа сукумаа. сааби ол̣ааригаа, аруубааважарагусалаа сукумаа . сааби ол̣ааригаа, логуд̇д̇арагусалаа сукумаа. аяам̣ д̇аава бхуумийсу абхзд̣̇ад̇о наяо.

    Saṅkhepato akusalaṃ patvā yā vipākaṃ bahuṃ deti sā oḷārikā, yā appaṃ sā sukhumā. Kusalaṃ patvā pana appavipākā oḷārikā, bahuvipākā sukhumā. Catubbidhe kusale kāmāvacarakusalā oḷārikā, rūpāvacarakusalā sukhumā. Sāpi oḷārikā, arūpāvacarakusalā sukhumā . Sāpi oḷārikā, lokuttarakusalā sukhumā. Ayaṃ tāva bhūmīsu abhedato nayo.

    бхзд̣̇ад̇о бана гаамааважараа д̣̇аанасийлабхааванаамаяавасзна д̇ивид̇хаа. д̇ад̇т̇а д̣̇аанамаяаа ол̣ааригаа, сийламаяаа сукумаа. сааби ол̣ааригаа, бхааванаамаяаа сукумаа. сааби д̣̇ухзд̇угаа д̇ихзд̇угаад̇и д̣̇увид̇хаа. д̇ад̇т̇а д̣̇ухзд̇угаа ол̣ааригаа, д̇ихзд̇угаа сукумаа. д̇ихзд̇угааби сасан̇кааригаасан̇кааригабхзд̣̇ад̇о д̣̇увид̇хаа. д̇ад̇т̇а сасан̇кааригаа ол̣ааригаа, асан̇кааригаа сукумаа. руубааважарз батамаж̇жхаанагусалавзд̣̇анаа ол̣ааригаа, д̣̇уд̇ияаж̇жхаанагусалавзд̣̇анаа сукумаа…бз… жад̇уд̇т̇аж̇жхаанагусалавзд̣̇анаа сукумаа. сааби ол̣ааригаа, аагаасаанан̃жааяад̇анагусалавзд̣̇анаа сукумаа аагаасаанан̃жааяад̇анагусалавзд̣̇анаа ол̣ааригаа…бз…. нзвасан̃н̃аанаасан̃н̃ааяад̇анагусалавзд̣̇анаа сукумаа. сааби ол̣ааригаа, вибассанаасахаж̇аад̇аа сукумаа. сааби ол̣ааригаа, сод̇аабад̇д̇имаг̇г̇асахаж̇аад̇аа сукумаа. сааби ол̣ааригаа…бз… арахад̇д̇амаг̇г̇асахаж̇аад̇аа сукумаа.

    Bhedato pana kāmāvacarā dānasīlabhāvanāmayavasena tividhā. Tattha dānamayā oḷārikā, sīlamayā sukhumā. Sāpi oḷārikā, bhāvanāmayā sukhumā. Sāpi duhetukā tihetukāti duvidhā. Tattha duhetukā oḷārikā, tihetukā sukhumā. Tihetukāpi sasaṅkhārikaasaṅkhārikabhedato duvidhā. Tattha sasaṅkhārikā oḷārikā, asaṅkhārikā sukhumā. Rūpāvacare paṭhamajjhānakusalavedanā oḷārikā, dutiyajjhānakusalavedanā sukhumā…pe… catutthajjhānakusalavedanā sukhumā. Sāpi oḷārikā, ākāsānañcāyatanakusalavedanā sukhumā ākāsānañcāyatanakusalavedanā oḷārikā…pe…. Nevasaññānāsaññāyatanakusalavedanā sukhumā. Sāpi oḷārikā, vipassanāsahajātā sukhumā. Sāpi oḷārikā, sotāpattimaggasahajātā sukhumā. Sāpi oḷārikā…pe… arahattamaggasahajātā sukhumā.

    жад̇уб̣б̣ид̇хз вибаагз гаамааважаравибаагавзд̣̇анаа ол̣ааригаа, руубааважаравибаагавзд̣̇анаа сукумаа. сааби ол̣ааригаа…бз… логуд̇д̇аравибаагавзд̣̇анаа сукумаа. звам̣ д̇аава абхзд̣̇ад̇о.

    Catubbidhe vipāke kāmāvacaravipākavedanā oḷārikā, rūpāvacaravipākavedanā sukhumā. Sāpi oḷārikā…pe… lokuttaravipākavedanā sukhumā. Evaṃ tāva abhedato.

    бхзд̣̇ад̇о бана гаамааважаравибаагаа ад̇т̇и ахзд̇угаа, ад̇т̇и сахзд̇угаа. сахзд̇угааби ад̇т̇и д̣̇ухзд̇угаа, ад̇т̇и д̇ихзд̇угаа. д̇ад̇т̇а ахзд̇угаа ол̣ааригаа, сахзд̇угаа сукумаа. сааби д̣̇ухзд̇угаа ол̣ааригаа, д̇ихзд̇угаа сукумаа. д̇ад̇т̇ааби сасан̇кааригаа ол̣ааригаа, асан̇кааригаа сукумаа. батамаж̇жхаанавибаагаа ол̣ааригаа, д̣̇уд̇ияаж̇жхаанавибаагаа сукумаа…бз… жад̇уд̇т̇аж̇жхаанавибаагаа сукумаа. сааби ол̣ааригаа, аагаасаанан̃жааяад̇анавибаагаа сукумаа. сааби ол̣ааригаа…бз… нзвасан̃н̃аанаасан̃н̃ааяад̇анавибаагаа сукумаа. сааби ол̣ааригаа, сод̇аабад̇д̇ипалавзд̣̇анаа сукумаа. сааби ол̣ааригаа, сагад̣̇ааг̇аами…бз… арахад̇д̇апалавзд̣̇анаа сукумаа.

    Bhedato pana kāmāvacaravipākā atthi ahetukā, atthi sahetukā. Sahetukāpi atthi duhetukā, atthi tihetukā. Tattha ahetukā oḷārikā, sahetukā sukhumā. Sāpi duhetukā oḷārikā, tihetukā sukhumā. Tatthāpi sasaṅkhārikā oḷārikā, asaṅkhārikā sukhumā. Paṭhamajjhānavipākā oḷārikā, dutiyajjhānavipākā sukhumā…pe… catutthajjhānavipākā sukhumā. Sāpi oḷārikā, ākāsānañcāyatanavipākā sukhumā. Sāpi oḷārikā…pe… nevasaññānāsaññāyatanavipākā sukhumā. Sāpi oḷārikā, sotāpattiphalavedanā sukhumā. Sāpi oḷārikā, sakadāgāmi…pe… arahattaphalavedanā sukhumā.

    д̇ийсу гирияаасу гаамааважарагирияавзд̣̇анаа ол̣ааригаа, руубааважарагирияавзд̣̇анаа сукумаа. сааби ол̣ааригаа, аруубааважарагирияавзд̣̇анаа сукумаа. звам̣ д̇аава абхзд̣̇ад̇о. бхзд̣̇ад̇о бана ахзд̇угаад̣̇ивасзна бхиннааяа гаамааважарагирияааяа ахзд̇угагирияавзд̣̇анаа ол̣ааригаа, сахзд̇угаа сукумаа. сааби д̣̇ухзд̇угаа ол̣ааригаа, д̇ихзд̇угаа сукумаа. д̇ад̇т̇ааби сасан̇кааригаа ол̣ааригаа, асан̇кааригаа сукумаа. батамаж̇жхаанз гирияавзд̣̇анаа ол̣ааригаа, д̣̇уд̇ияаж̇жхаанз сукумаа. сааби ол̣ааригаа, д̇ад̇ияз…бз… жад̇уд̇т̇з сукумаа. сааби ол̣ааригаа, аагаасаанан̃жааяад̇анагирияавзд̣̇анаа сукумаа. сааби ол̣ааригаа, вин̃н̃аан̣ан̃жаа…бз… нзвасан̃н̃аанаасан̃н̃ааяад̇анагирияавзд̣̇анаа сукумаа. яаа ол̣ааригаа саа хийнаа. яаа сукумаа саа бан̣ийд̇аа.

    Tīsu kiriyāsu kāmāvacarakiriyavedanā oḷārikā, rūpāvacarakiriyavedanā sukhumā. Sāpi oḷārikā, arūpāvacarakiriyavedanā sukhumā. Evaṃ tāva abhedato. Bhedato pana ahetukādivasena bhinnāya kāmāvacarakiriyāya ahetukakiriyavedanā oḷārikā, sahetukā sukhumā. Sāpi duhetukā oḷārikā, tihetukā sukhumā. Tatthāpi sasaṅkhārikā oḷārikā, asaṅkhārikā sukhumā. Paṭhamajjhāne kiriyavedanā oḷārikā, dutiyajjhāne sukhumā. Sāpi oḷārikā, tatiye…pe… catutthe sukhumā. Sāpi oḷārikā, ākāsānañcāyatanakiriyavedanā sukhumā. Sāpi oḷārikā, viññāṇañcā…pe… nevasaññānāsaññāyatanakiriyavedanā sukhumā. Yā oḷārikā sā hīnā. Yā sukhumā sā paṇītā.

    13. д̣̇уурад̣̇уганид̣̇д̣̇зсз агусалавзд̣̇анаа висабхааг̇адтзна висам̣садтзна жа гусалааб̣яаагад̇аахи д̣̇уурз. иминаа наязна саб̣б̣абад̣̇зсу д̣̇уурад̇аа взд̣̇ид̇аб̣б̣аа. сажзби хи агусалаад̣̇ивзд̣̇анаасаман̇г̇ино д̣̇угкаад̣̇ивзд̣̇анаасаман̇г̇ино жа д̇аяо д̇аяо ж̇анаа згаман̃жз нисиннаа хонд̇и, д̇зсамби д̇аа взд̣̇анаа висабхааг̇адтзна висам̣садтзна жа д̣̇уурзязва наама. самаабаннавзд̣̇анаад̣̇исаман̇г̇ийсуби зсзва наяо. агусалаа бана агусалааяа сабхааг̇адтзна саригкадтзна жа санд̇игз наама. иминаа наязна саб̣б̣абад̣̇зсу санд̇игад̇аа взд̣̇ид̇аб̣б̣аа. сажзби хи агусалаад̣̇ивзд̣̇анаасаман̇г̇ийсу д̇ийсу ж̇анзсу зго гаамабхавз, зго руубабхавз, зго аруубабхавз, д̇зсамби д̇аа взд̣̇анаа сабхааг̇адтзна саригкадтзна жа санд̇игзязва наама. гусалаад̣̇ивзд̣̇анаасаман̇г̇ийсуби зсзва наяо.

    13. Dūradukaniddese akusalavedanā visabhāgaṭṭhena visaṃsaṭṭhena ca kusalābyākatāhi dūre. Iminā nayena sabbapadesu dūratā veditabbā. Sacepi hi akusalādivedanāsamaṅgino dukkhādivedanāsamaṅgino ca tayo tayo janā ekamañce nisinnā honti, tesampi tā vedanā visabhāgaṭṭhena visaṃsaṭṭhena ca dūreyeva nāma. Samāpannavedanādisamaṅgīsupi eseva nayo. Akusalā pana akusalāya sabhāgaṭṭhena sarikkhaṭṭhena ca santike nāma. Iminā nayena sabbapadesu santikatā veditabbā. Sacepi hi akusalādivedanāsamaṅgīsu tīsu janesu eko kāmabhave, eko rūpabhave, eko arūpabhave, tesampi tā vedanā sabhāgaṭṭhena sarikkhaṭṭhena ca santikeyeva nāma. Kusalādivedanāsamaṅgīsupi eseva nayo.

    д̇ам̣ д̇ам̣ ваа банаад̇и зд̇т̇а хздтиманаяам̣ анологзд̇ваа д̇ам̣ д̇ам̣ ваабанавасзнзва гат̇зд̇аб̣б̣ам̣. гат̇знд̇зна жа на д̣̇уурад̇о санд̇игам̣ уд̣̇д̇харид̇аб̣б̣ам̣, санд̇игад̇о бана д̣̇уурам̣ уд̣̇д̇харид̇аб̣б̣ам̣. д̣̇увид̇хаа хи агусалаа – лобхасахаг̇ад̇аа д̣̇осасахаг̇ад̇аа жа. д̇ад̇т̇а лобхасахаг̇ад̇аа лобхасахаг̇ад̇ааяа санд̇игз наама, д̣̇осасахаг̇ад̇ааяа д̣̇уурз наама. д̣̇осасахаг̇ад̇аа д̣̇осасахаг̇ад̇ааяа санд̇игз наама, лобхасахаг̇ад̇ааяа д̣̇уурз наама. д̣̇осасахаг̇ад̇ааби нияад̇аа нияад̇ааяа санд̇игз наамаад̇и. звам̣ анияад̇аа. габбадтид̇игаасан̇кааригасасан̇кааригабхзд̣̇ам̣ лобхасахаг̇ад̇аад̣̇ийсу жа д̣̇идтисамбаяуд̇д̇аад̣̇ибхзд̣̇ам̣ саб̣б̣ам̣ ол̣ааригад̣̇уганид̣̇д̣̇зсз вид̇т̇аарид̇авасзна ануг̇анд̇ваа згзгагодтаасавзд̣̇анаа д̇ам̣д̇ам̣годтаасавзд̣̇анааяа зва санд̇игз, ид̇араа ид̇арааяа д̣̇уурзд̇и взд̣̇ид̇аб̣б̣аад̇и.

    Taṃ taṃ vā panāti ettha heṭṭhimanayaṃ anoloketvā taṃ taṃ vāpanavaseneva kathetabbaṃ. Kathentena ca na dūrato santikaṃ uddharitabbaṃ, santikato pana dūraṃ uddharitabbaṃ. Duvidhā hi akusalā – lobhasahagatā dosasahagatā ca. Tattha lobhasahagatā lobhasahagatāya santike nāma, dosasahagatāya dūre nāma. Dosasahagatā dosasahagatāya santike nāma, lobhasahagatāya dūre nāma. Dosasahagatāpi niyatā niyatāya santike nāmāti. Evaṃ aniyatā. Kappaṭṭhitikaasaṅkhārikasasaṅkhārikabhedaṃ lobhasahagatādīsu ca diṭṭhisampayuttādibhedaṃ sabbaṃ oḷārikadukaniddese vitthāritavasena anugantvā ekekakoṭṭhāsavedanā taṃtaṃkoṭṭhāsavedanāya eva santike, itarā itarāya dūreti veditabbāti.

    аяам̣ взд̣̇анаагканд̇ханид̣̇д̣̇зсо.

    Ayaṃ vedanākkhandhaniddeso.

    3. сан̃н̃аагканд̇ханид̣̇д̣̇зсо

    3. Saññākkhandhaniddeso

    14. сан̃н̃аагканд̇ханид̣̇д̣̇зсз яаа гаажи сан̃н̃аад̇и жад̇убхуумигасан̃н̃ам̣ барияаад̣̇ияад̇и. жагкусампассаж̇аа сан̃н̃аад̇иаад̣̇ийни ад̇ийд̇аад̣̇ивасзна нид̣̇д̣̇идтасан̃н̃ам̣ сабхаавад̇о д̣̇ассзд̇ум̣ вуд̇д̇аани. д̇ад̇т̇а жагкусампассад̇о жагкусампассасмим̣ ваа ж̇аад̇аа жагкусампассаж̇аа наама. сзсаасуби зсзва наяо . зд̇т̇а жа буримаа бан̃жа жагкубасаад̣̇аад̣̇ивад̇т̇угаава. маносампассаж̇аа хад̣̇аяавад̇т̇угааби авад̇т̇угааби. саб̣б̣аа жад̇убхуумигасан̃н̃аа.

    14. Saññākkhandhaniddese yā kāci saññāti catubhūmikasaññaṃ pariyādiyati. Cakkhusamphassajā saññātiādīni atītādivasena niddiṭṭhasaññaṃ sabhāvato dassetuṃ vuttāni. Tattha cakkhusamphassato cakkhusamphassasmiṃ vā jātā cakkhusamphassajā nāma. Sesāsupi eseva nayo . Ettha ca purimā pañca cakkhupasādādivatthukāva. Manosamphassajā hadayavatthukāpi avatthukāpi. Sabbā catubhūmikasaññā.

    17. ол̣ааригад̣̇уганид̣̇д̣̇зсз бадигхасампассаж̇аад̇и саббадигхз жагкубасаад̣̇аад̣̇аяо вад̇т̇ум̣ гад̇ваа саббадигхз руубаад̣̇аяо аараб̣бха уббанно пассо бадигхасампассо наама. д̇ад̇о д̇асмим̣ ваа ж̇аад̇аа бадигхасампассаж̇аа наама. жагкусампассаж̇аа сан̃н̃аа…бз… гааяасампассаж̇аа сан̃н̃аад̇иби д̇ассааязва вад̇т̇уд̇о наамам̣. руубасан̃н̃аа…бз… подтаб̣б̣асан̃н̃аад̇иби д̇ассааязва аарамман̣ад̇о наамам̣. ид̣̇ам̣ бана вад̇т̇аарамман̣ад̇о наамам̣. саббадигхаани хи вад̇т̇ууни ниссааяа, саббадигхаани жа аарамман̣аани аараб̣бха уббад̇д̇ид̇о зсаа бадигхасампассаж̇аа сан̃н̃аад̇и вуд̇д̇аа. маносампассаж̇аад̇иби барияааязна зд̇иссаа наамам̣ ход̇иязва. жагкувин̃н̃аан̣ан̃хи мано наама. д̇зна сахаж̇аад̇о пассо маносампассо наама. д̇асмим̣ маносампассз, д̇асмаа ваа маносампассаа ж̇аад̇аад̇и маносампассаж̇аа. д̇ат̇аа сод̇агхаанаж̇ивхаагааяавин̃н̃аан̣ам̣ мано наама. д̇зна сахаж̇аад̇о пассо маносампассо наама. д̇асмим̣ маносампассз, д̇асмаа ваа маносампассаа ж̇аад̇аад̇и маносампассаж̇аа.

    17. Oḷārikadukaniddese paṭighasamphassajāti sappaṭighe cakkhupasādādayo vatthuṃ katvā sappaṭighe rūpādayo ārabbha uppanno phasso paṭighasamphasso nāma. Tato tasmiṃ vā jātā paṭighasamphassajā nāma. Cakkhusamphassajā saññā…pe… kāyasamphassajā saññātipi tassāyeva vatthuto nāmaṃ. Rūpasaññā…pe… phoṭṭhabbasaññātipi tassāyeva ārammaṇato nāmaṃ. Idaṃ pana vatthārammaṇato nāmaṃ. Sappaṭighāni hi vatthūni nissāya, sappaṭighāni ca ārammaṇāni ārabbha uppattito esā paṭighasamphassajā saññāti vuttā. Manosamphassajātipi pariyāyena etissā nāmaṃ hotiyeva. Cakkhuviññāṇañhi mano nāma. Tena sahajāto phasso manosamphasso nāma. Tasmiṃ manosamphasse, tasmā vā manosamphassā jātāti manosamphassajā. Tathā sotaghānajivhākāyaviññāṇaṃ mano nāma. Tena sahajāto phasso manosamphasso nāma. Tasmiṃ manosamphasse, tasmā vā manosamphassā jātāti manosamphassajā.

    ад̇хиважанасампассаж̇аа сан̃н̃аад̇иби барияааязна зд̇иссаа наамам̣ ход̇иязва. д̇аяо хи аруубино канд̇хаа саяам̣ бидтиваддагаа худ̇ваа ад̇д̇анаа сахаж̇аад̇ааяа сан̃н̃ааяа ад̇хиважанасампассаж̇аа сан̃н̃аад̇иби наамам̣ гаронд̇и. ниббарияааязна бана бадигхасампассаж̇аа сан̃н̃аа наама бан̃жад̣̇вааригасан̃н̃аа , ад̇хиважанасампассаж̇аа сан̃н̃аа наама манод̣̇вааригасан̃н̃аа. д̇ад̇т̇а бан̃жад̣̇вааригасан̃н̃аа ологзд̇вааби ж̇аанид̇ум̣ саггаад̇и ол̣ааригаа. раж̇ж̇ид̇ваа убаниж̇жхааяанд̇ан̃хи ‘раж̇ж̇ид̇ваа убаниж̇жхааяад̇ий’д̇и, гуж̇жхид̇ваа убаниж̇жхааяанд̇ам̣ ‘гуж̇жхид̇ваа убаниж̇жхааяад̇ий’д̇и ологзд̇ваава ж̇аананд̇и.

    Adhivacanasamphassajā saññātipi pariyāyena etissā nāmaṃ hotiyeva. Tayo hi arūpino khandhā sayaṃ piṭṭhivaṭṭakā hutvā attanā sahajātāya saññāya adhivacanasamphassajā saññātipi nāmaṃ karonti. Nippariyāyena pana paṭighasamphassajā saññā nāma pañcadvārikasaññā , adhivacanasamphassajā saññā nāma manodvārikasaññā. Tattha pañcadvārikasaññā oloketvāpi jānituṃ sakkāti oḷārikā. Rajjitvā upanijjhāyantañhi ‘rajjitvā upanijjhāyatī’ti, kujjhitvā upanijjhāyantaṃ ‘kujjhitvā upanijjhāyatī’ti oloketvāva jānanti.

    д̇ад̇рид̣̇ам̣ вад̇т̇у – д̣̇вз гира ид̇т̇ияо нисийд̣̇ид̇ваа суд̇д̇ам̣ ганд̇анд̇и. д̣̇вийсу д̣̇ахарзсу г̇аамз жаранд̇зсу зго бурад̇о г̇ажчанд̇о згам̣ ид̇т̇им̣ ологзси. ид̇араа д̇ам̣ бужчи ‘гасмаа ну ко д̇ам̣ зсо ологзсий’д̇и? ‘на зсо бхигку мам̣ висабхааг̇ажид̇д̇зна ологзси, ганидтабхаг̇инийсан̃н̃ааяа бана ологзсий’д̇и. д̇зсуби г̇аамз жарид̇ваа аасанасаалааяа нисиннзсу ид̇аро бхигку д̇ам̣ бхигкум̣ бужчи – ‘д̇аяаа саа ид̇т̇ий ологид̇аа’д̇и? ‘аама ологид̇аа’. ‘гимад̇т̇ааяаа’д̇и? ‘маяхам̣ бхаг̇инийсаригкад̇д̇аа д̇ам̣ ологзси’нд̇и ааха. звам̣ бан̃жад̣̇вааригасан̃н̃аа ологзд̇вааби ж̇аанид̇ум̣ саггаад̇и взд̣̇ид̇аб̣б̣аа. саа банзсаа басаад̣̇авад̇т̇угаа зва. гзжи бана ж̇аванаббавад̇д̇аад̇и д̣̇ийбзнд̇и. манод̣̇вааригасан̃н̃аа бана згаман̃жз ваа згабийтз ваа нисийд̣̇ид̇вааби ан̃н̃ам̣ жинд̇знд̇ам̣ вид̇аггзнд̇ан̃жа ‘гим̣ жинд̇зси, гим̣ вид̇аггзсий’д̇и бужчид̇ваа д̇асса важанавасзнзва ж̇аанид̇аб̣б̣ад̇о сукумаа. сзсам̣ взд̣̇анаагканд̇хасад̣̇исамзваад̇и.

    Tatridaṃ vatthu – dve kira itthiyo nisīditvā suttaṃ kantanti. Dvīsu daharesu gāme carantesu eko purato gacchanto ekaṃ itthiṃ olokesi. Itarā taṃ pucchi ‘kasmā nu kho taṃ eso olokesī’ti? ‘Na eso bhikkhu maṃ visabhāgacittena olokesi, kaniṭṭhabhaginīsaññāya pana olokesī’ti. Tesupi gāme caritvā āsanasālāya nisinnesu itaro bhikkhu taṃ bhikkhuṃ pucchi – ‘tayā sā itthī olokitā’ti? ‘Āma olokitā’. ‘Kimatthāyā’ti? ‘Mayhaṃ bhaginīsarikkhattā taṃ olokesi’nti āha. Evaṃ pañcadvārikasaññā oloketvāpi jānituṃ sakkāti veditabbā. Sā panesā pasādavatthukā eva. Keci pana javanappavattāti dīpenti. Manodvārikasaññā pana ekamañce vā ekapīṭhe vā nisīditvāpi aññaṃ cintentaṃ vitakkentañca ‘kiṃ cintesi, kiṃ vitakkesī’ti pucchitvā tassa vacanavaseneva jānitabbato sukhumā. Sesaṃ vedanākkhandhasadisamevāti.

    аяам̣ сан̃н̃аагканд̇ханид̣̇д̣̇зсо.

    Ayaṃ saññākkhandhaniddeso.

    4. сан̇каарагканд̇ханид̣̇д̣̇зсо

    4. Saṅkhārakkhandhaniddeso

    20. сан̇каарагканд̇ханид̣̇д̣̇зсз яз гзжи сан̇каараад̇и жад̇убхуумигасан̇каарз барияаад̣̇ияад̇и. жагкусампассаж̇аа жзд̇анаад̇иаад̣̇ийни ад̇ийд̇аад̣̇ивасзна нид̣̇д̣̇идтасан̇каарз сабхаавад̇о д̣̇ассзд̇ум̣ вуд̇д̇аани. жагкусампассаж̇аад̇иаад̣̇ийни вуд̇д̇ад̇т̇аанзва. жзд̇анаад̇и хздтимагодияаа бад̇хаанасан̇кааравасзна вуд̇д̇ам̣. хздтимагодияаа хи анд̇амасо жагкувин̃н̃аан̣зна сад̣̇д̇хим̣ баал̣ияам̣ ааг̇ад̇аа жад̇д̇ааро сан̇каараа уббаж̇ж̇анд̇и. д̇зсу жзд̇анаа бад̇хаанаа ааяууханадтзна баагадад̇д̇аа. д̇асмаа аяамзва г̇ахид̇аа. д̇ам̣самбаяуд̇д̇асан̇каараа бана д̇ааяа г̇ахид̇ааяа г̇ахид̇аава хонд̇и. ид̇хааби буримаа бан̃жа жагкубасаад̣̇аад̣̇ивад̇т̇угаава. маносампассаж̇аа хад̣̇аяавад̇т̇угааби авад̇т̇угааби. саб̣б̣аа жад̇убхуумигажзд̇анаа. сзсам̣ взд̣̇анаагканд̇хасад̣̇исамзваад̇и.

    20. Saṅkhārakkhandhaniddese ye keci saṅkhārāti catubhūmikasaṅkhāre pariyādiyati. Cakkhusamphassajā cetanātiādīni atītādivasena niddiṭṭhasaṅkhāre sabhāvato dassetuṃ vuttāni. Cakkhusamphassajātiādīni vuttatthāneva. Cetanāti heṭṭhimakoṭiyā padhānasaṅkhāravasena vuttaṃ. Heṭṭhimakoṭiyā hi antamaso cakkhuviññāṇena saddhiṃ pāḷiyaṃ āgatā cattāro saṅkhārā uppajjanti. Tesu cetanā padhānā āyūhanaṭṭhena pākaṭattā. Tasmā ayameva gahitā. Taṃsampayuttasaṅkhārā pana tāya gahitāya gahitāva honti. Idhāpi purimā pañca cakkhupasādādivatthukāva. Manosamphassajā hadayavatthukāpi avatthukāpi. Sabbā catubhūmikacetanā. Sesaṃ vedanākkhandhasadisamevāti.

    аяам̣ сан̇каарагканд̇ханид̣̇д̣̇зсо.

    Ayaṃ saṅkhārakkhandhaniddeso.

    5. вин̃н̃аан̣агканд̇ханид̣̇д̣̇зсо

    5. Viññāṇakkhandhaniddeso

    26. вин̃н̃аан̣агканд̇ханид̣̇д̣̇зсз яам̣ гин̃жи вин̃н̃аан̣анд̇и жад̇убхуумагавин̃н̃аан̣ам̣ барияаад̣̇ияад̇и. жагкувин̃н̃аан̣анд̇иаад̣̇ийни ад̇ийд̇аад̣̇ивасзна нид̣̇д̣̇идтавин̃н̃аан̣ам̣ сабхаавад̇о д̣̇ассзд̇ум̣ вуд̇д̇аани. д̇ад̇т̇а жагкувин̃н̃аан̣аад̣̇ийни бан̃жа жагкубасаад̣̇аад̣̇ивад̇т̇угаанзва, мановин̃н̃аан̣ам̣ хад̣̇аяавад̇т̇угамби авад̇т̇угамби. саб̣б̣ам̣ жад̇убхуумагавин̃н̃аан̣ам̣. сзсам̣ взд̣̇анаагканд̇хасад̣̇исамзваад̇и.

    26. Viññāṇakkhandhaniddese yaṃ kiñci viññāṇanti catubhūmakaviññāṇaṃ pariyādiyati. Cakkhuviññāṇantiādīni atītādivasena niddiṭṭhaviññāṇaṃ sabhāvato dassetuṃ vuttāni. Tattha cakkhuviññāṇādīni pañca cakkhupasādādivatthukāneva, manoviññāṇaṃ hadayavatthukampi avatthukampi. Sabbaṃ catubhūmakaviññāṇaṃ. Sesaṃ vedanākkhandhasadisamevāti.

    аяам̣ вин̃н̃аан̣агканд̇ханид̣̇д̣̇зсо.

    Ayaṃ viññāṇakkhandhaniddeso.

    багин̣н̣агагат̇аа

    Pakiṇṇakakathā

    ид̣̇аани бан̃жасуби канд̇хзсу самуг̇г̇амад̇о, буб̣б̣аабарад̇о, ад̣̇д̇хаанабарижчзд̣̇ад̇о, згуббаад̣̇анаанаанирод̇хад̇о, наануббаад̣̇азганирод̇хад̇о, згуббаад̣̇азганирод̇хад̇о, наануббаад̣̇анаанаанирод̇хад̇о, ад̇ийд̇аанааг̇ад̇абажжуббаннад̇о, аж̇жхад̇д̇игаб̣аахирад̇о, ол̣ааригасукумад̇о, хийнабан̣ийд̇ад̇о, д̣̇уурасанд̇игад̇о, бажжаяад̇о, самудтаанад̇о, баринибпаннад̇о, сан̇кад̇ад̇од̇и сол̣асахаагаарзхи багин̣н̣агам̣ взд̣̇ид̇аб̣б̣ам̣.

    Idāni pañcasupi khandhesu samuggamato, pubbāparato, addhānaparicchedato, ekuppādanānānirodhato, nānuppādaekanirodhato, ekuppādaekanirodhato, nānuppādanānānirodhato, atītānāgatapaccuppannato, ajjhattikabāhirato, oḷārikasukhumato, hīnapaṇītato, dūrasantikato, paccayato, samuṭṭhānato, parinipphannato, saṅkhatatoti soḷasahākārehi pakiṇṇakaṃ veditabbaṃ.

    д̇ад̇т̇а д̣̇увид̇хо самуг̇г̇амо – г̇аб̣бхасзяяагасамуг̇г̇амо, обабаад̇игасамуг̇г̇амод̇и. д̇ад̇т̇а г̇аб̣бхасзяяагасамуг̇г̇амо звам̣ взд̣̇ид̇аб̣б̣о – г̇аб̣бхасзяяагасад̇д̇аанан̃хи бадисанд̇хигкан̣з бан̃жагканд̇хаа абажчааабурз згад̇о баад̇убхаванд̇и. д̇асмим̣ кан̣з баад̇убхууд̇аа галаласан̇каад̇аа руубасанд̇ад̇и барид̇д̇аа ход̇и. куд̣̇д̣̇агамагкигааяа згавааяаамзна баад̇аб̣б̣амад̇д̇аад̇и вад̇ваа буна ‘ад̇иб̣ахум̣ зд̇ам̣, сан̣хасуужияаа д̇злз багкибид̇ваа угкид̇д̇ааяа баг̇гхарид̇ваа аг̇г̇з тид̇аб̣инд̣̇умад̇д̇а’нд̇и вуд̇д̇ам̣. д̇амби бадигкибид̇ваа ‘згагзсз д̇злад̇о уд̣̇д̇харид̇ваа г̇ахид̇з д̇асса баг̇гхарид̇ваа аг̇г̇з тид̇аб̣инд̣̇умад̇д̇а’нд̇и вуд̇д̇ам̣. д̇амби бадигкибид̇ваа ‘имасмим̣ ж̇анабад̣̇з мануссаанам̣ гзсз адтад̇хаа паалид̇з д̇ад̇о згагодтаасаббамаан̣о уд̇д̇арагуругаанам̣ гзсо; д̇асса басаннад̇илад̇злад̇о уд̣̇д̇хадасса аг̇г̇з тид̇аб̣инд̣̇умад̇д̇а’нд̇и вуд̇д̇ам̣. д̇амби бадигкибид̇ваа ‘зд̇ам̣ б̣аху, ж̇аад̇иун̣н̣аа наама сукумаа; д̇ассаа згаам̣суно басаннад̇илад̇злз багкибид̇ваа уд̣̇д̇хадасса баг̇гхарид̇ваа аг̇г̇з тид̇аб̣инд̣̇умад̇д̇а’нд̇и вуд̇д̇ам̣. д̇ам̣ банзд̇ам̣ ажчам̣ ход̇и виббасаннам̣ анаавилам̣ барисуд̣̇д̇хам̣ басаннад̇илад̇злаб̣инд̣̇усамаанаван̣н̣ам̣ . вуд̇д̇амби жзд̇ам̣ –

    Tattha duvidho samuggamo – gabbhaseyyakasamuggamo, opapātikasamuggamoti. Tattha gabbhaseyyakasamuggamo evaṃ veditabbo – gabbhaseyyakasattānañhi paṭisandhikkhaṇe pañcakkhandhā apacchāapure ekato pātubhavanti. Tasmiṃ khaṇe pātubhūtā kalalasaṅkhātā rūpasantati parittā hoti. Khuddakamakkhikāya ekavāyāmena pātabbamattāti vatvā puna ‘atibahuṃ etaṃ, saṇhasūciyā tele pakkhipitvā ukkhittāya paggharitvā agge ṭhitabindumatta’nti vuttaṃ. Tampi paṭikkhipitvā ‘ekakese telato uddharitvā gahite tassa paggharitvā agge ṭhitabindumatta’nti vuttaṃ. Tampi paṭikkhipitvā ‘imasmiṃ janapade manussānaṃ kese aṭṭhadhā phālite tato ekakoṭṭhāsappamāṇo uttarakurukānaṃ keso; tassa pasannatilatelato uddhaṭassa agge ṭhitabindumatta’nti vuttaṃ. Tampi paṭikkhipitvā ‘etaṃ bahu, jātiuṇṇā nāma sukhumā; tassā ekaaṃsuno pasannatilatele pakkhipitvā uddhaṭassa paggharitvā agge ṭhitabindumatta’nti vuttaṃ. Taṃ panetaṃ acchaṃ hoti vippasannaṃ anāvilaṃ parisuddhaṃ pasannatilatelabindusamānavaṇṇaṃ . Vuttampi cetaṃ –

    д̇илад̇зласса яат̇аа б̣инд̣̇у, саббиман̣д̣о анаавило;

    Tilatelassa yathā bindu, sappimaṇḍo anāvilo;

    звам̣ ван̣н̣абадибхааг̇ам̣, галаланд̇и бавужжад̇ийд̇и.

    Evaṃ vaṇṇapaṭibhāgaṃ, kalalanti pavuccatīti.

    звам̣ барид̇д̇ааяа руубасанд̇ад̇ияаа д̇ийн̣и санд̇ад̇исийсаани хонд̇и – вад̇т̇уд̣̇асагам̣, гааяад̣̇асагам̣, ид̇т̇ияаа ид̇т̇инд̣̇рияавасзна бурисасса бурисинд̣̇рияавасзна бхаавад̣̇асаганд̇и. д̇ад̇т̇а вад̇т̇уруубам̣, д̇асса ниссаяаани жад̇д̇аари махаабхууд̇аани, д̇ам̣ниссид̇аа ван̣н̣аг̇анд̇харасож̇аа, ж̇ийвид̇анд̇и – ид̣̇ам̣ вад̇т̇уд̣̇асагам̣ наама. гааяабасаад̣̇о, д̇асса ниссаяаани жад̇д̇аари махаабхууд̇аани, д̇анниссид̇аа ван̣н̣аг̇анд̇харасож̇аа, ж̇ийвид̇анд̇и – ид̣̇ам̣ гааяад̣̇асагам̣ наама. ид̇т̇ияаа ид̇т̇ибхааво, бурисасса бурисабхааво, д̇асса ниссаяаани жад̇д̇аари махаабхууд̇аани, д̇анниссид̇аа ван̣н̣аг̇анд̇харасож̇аа, ж̇ийвид̇анд̇и – ид̣̇ам̣ бхаавад̣̇асагам̣ наама.

    Evaṃ parittāya rūpasantatiyā tīṇi santatisīsāni honti – vatthudasakaṃ, kāyadasakaṃ, itthiyā itthindriyavasena purisassa purisindriyavasena bhāvadasakanti. Tattha vatthurūpaṃ, tassa nissayāni cattāri mahābhūtāni, taṃnissitā vaṇṇagandharasojā, jīvitanti – idaṃ vatthudasakaṃ nāma. Kāyapasādo, tassa nissayāni cattāri mahābhūtāni, tannissitā vaṇṇagandharasojā, jīvitanti – idaṃ kāyadasakaṃ nāma. Itthiyā itthibhāvo, purisassa purisabhāvo, tassa nissayāni cattāri mahābhūtāni, tannissitā vaṇṇagandharasojā, jīvitanti – idaṃ bhāvadasakaṃ nāma.

    звам̣ г̇аб̣бхасзяяагаанам̣ бадисанд̇хияам̣ уггадтабарижчзд̣̇зна самад̇им̣са гаммаж̇аруубаани руубагканд̇хо наама ход̇и. бадисанд̇хижид̇д̇зна бана сахаж̇аад̇аа взд̣̇анаа взд̣̇анаагканд̇хо, сан̃н̃аа сан̃н̃аагканд̇хо, сан̇каараа сан̇каарагканд̇хо, бадисанд̇хижид̇д̇ам̣ вин̃н̃аан̣агканд̇ход̇и. звам̣ г̇аб̣бхасзяяагаанам̣ бадисанд̇хигкан̣з бан̃жагканд̇хаа барибун̣н̣аа хонд̇и. сажз бана набум̣сагабадисанд̇хи ход̇и, бхаавад̣̇асагам̣ хааяад̇и. д̣̇виннам̣ д̣̇асагаанам̣ васзна самавийсад̇и гаммаж̇аруубаани руубагканд̇хо наама ход̇и. взд̣̇анаагканд̇хаад̣̇аяо вуд̇д̇аббагаараа зваад̇и. звамби г̇аб̣бхасзяяагаанам̣ бадисанд̇хигкан̣з бан̃жагканд̇хаа барибун̣н̣аа хонд̇и.

    Evaṃ gabbhaseyyakānaṃ paṭisandhiyaṃ ukkaṭṭhaparicchedena samatiṃsa kammajarūpāni rūpakkhandho nāma hoti. Paṭisandhicittena pana sahajātā vedanā vedanākkhandho, saññā saññākkhandho, saṅkhārā saṅkhārakkhandho, paṭisandhicittaṃ viññāṇakkhandhoti. Evaṃ gabbhaseyyakānaṃ paṭisandhikkhaṇe pañcakkhandhā paripuṇṇā honti. Sace pana napuṃsakapaṭisandhi hoti, bhāvadasakaṃ hāyati. Dvinnaṃ dasakānaṃ vasena samavīsati kammajarūpāni rūpakkhandho nāma hoti. Vedanākkhandhādayo vuttappakārā evāti. Evampi gabbhaseyyakānaṃ paṭisandhikkhaṇe pañcakkhandhā paripuṇṇā honti.

    имасмим̣ таанз д̇исамудтаанигаббавзн̣ий гат̇зд̇аб̣б̣аа бхавзяяа. д̇ам̣ бана агат̇зд̇ваа ‘обабаад̇игасамуг̇г̇амо’ наама д̣̇ассид̇о. обабаад̇игаанан̃хи барибун̣н̣ааяад̇анаанам̣ бадисанд̇хигкан̣з хздтаа вуд̇д̇аани д̇ийн̣и, жагкусод̇агхаанаж̇ивхаад̣̇асагаани жаад̇и сад̇д̇а руубасанд̇ад̇исийсаани баад̇убхаванд̇и. д̇ад̇т̇а жагкуд̣̇асагаад̣̇ийни гааяад̣̇асагасад̣̇исаанзва. набум̣сагасса бана бхаавад̣̇асагам̣ над̇т̇и. звам̣ барибун̣н̣ааяад̇анаанам̣ обабаад̇игаанам̣ самасад̇д̇ад̇и жзва самасадти жа гаммаж̇аруубаани руубагканд̇хо наама. взд̣̇анаагканд̇хаад̣̇аяо вуд̇д̇аббагаараа зваад̇и. звам̣ обабаад̇игаанам̣ бадисанд̇хигкан̣з бан̃жагканд̇хаа барибун̣н̣аа хонд̇и. аяам̣ ‘обабаад̇игасамуг̇г̇амо’ наама. звам̣ д̇аава бан̃жагканд̇хаа ‘самуг̇г̇амад̇о’ взд̣̇ид̇аб̣б̣аа.

    Imasmiṃ ṭhāne tisamuṭṭhānikappaveṇī kathetabbā bhaveyya. Taṃ pana akathetvā ‘opapātikasamuggamo’ nāma dassito. Opapātikānañhi paripuṇṇāyatanānaṃ paṭisandhikkhaṇe heṭṭhā vuttāni tīṇi, cakkhusotaghānajivhādasakāni cāti satta rūpasantatisīsāni pātubhavanti. Tattha cakkhudasakādīni kāyadasakasadisāneva. Napuṃsakassa pana bhāvadasakaṃ natthi. Evaṃ paripuṇṇāyatanānaṃ opapātikānaṃ samasattati ceva samasaṭṭhi ca kammajarūpāni rūpakkhandho nāma. Vedanākkhandhādayo vuttappakārā evāti. Evaṃ opapātikānaṃ paṭisandhikkhaṇe pañcakkhandhā paripuṇṇā honti. Ayaṃ ‘opapātikasamuggamo’ nāma. Evaṃ tāva pañcakkhandhā ‘samuggamato’ veditabbā.

    ‘буб̣б̣аабарад̇о’д̇и звам̣ бана г̇аб̣бхасзяяагаанам̣ абажчааабурз уббаннзсу бан̃жасу канд̇хзсу гим̣ руубам̣ батамам̣ руубам̣ самудтаабзд̇и уд̣̇ааху аруубанд̇и? руубам̣ руубамзва самудтаабзд̇и, на аруубам̣. гасмаа? бадисанд̇хижид̇д̇асса на руубаж̇анагад̇д̇аа. саб̣б̣асад̇д̇аанан̃хи бадисанд̇хижид̇д̇ам̣, кийн̣аасавасса жуд̇ижид̇д̇ам̣, д̣̇вибан̃жавин̃н̃аан̣аани, жад̇д̇аари арууббавибаагаанийд̇и сол̣аса жид̇д̇аани руубам̣ на самудтаабзнд̇и. д̇ад̇т̇а бадисанд̇хижид̇д̇ам̣ д̇аава вад̇т̇уно д̣̇уб̣б̣алад̇ааяа аббад̇идтид̇ад̇ааяа бажжаяавзгаллад̇ааяа ааг̇анд̇угад̇ааяа жа руубам̣ на самудтаабзд̇и. д̇ад̇т̇а хи сахаж̇аад̇ам̣ вад̇т̇у уббаад̣̇агкан̣з д̣̇уб̣б̣алам̣ ход̇ийд̇и вад̇т̇уно д̣̇уб̣б̣алад̇ааяа руубам̣ на самудтаабзд̇и. яат̇аа жа бабаад̇з бад̇анд̇о бурисо ан̃н̃асса ниссаяо бхавид̇ум̣ на саггод̇и, звам̣ зд̇амби гаммавзг̇агкид̇д̇ад̇д̇аа бабаад̇з бад̇амаанам̣ вияа аббад̇идтид̇ам̣. ид̇и гаммавзг̇агкид̇д̇ад̇д̇аа, аббад̇идтид̇ад̇ааяаби руубам̣ на самудтаабзд̇и.

    ‘Pubbāparato’ti evaṃ pana gabbhaseyyakānaṃ apacchāapure uppannesu pañcasu khandhesu kiṃ rūpaṃ paṭhamaṃ rūpaṃ samuṭṭhāpeti udāhu arūpanti? Rūpaṃ rūpameva samuṭṭhāpeti, na arūpaṃ. Kasmā? Paṭisandhicittassa na rūpajanakattā. Sabbasattānañhi paṭisandhicittaṃ, khīṇāsavassa cuticittaṃ, dvipañcaviññāṇāni, cattāri arūppavipākānīti soḷasa cittāni rūpaṃ na samuṭṭhāpenti. Tattha paṭisandhicittaṃ tāva vatthuno dubbalatāya appatiṭṭhitatāya paccayavekallatāya āgantukatāya ca rūpaṃ na samuṭṭhāpeti. Tattha hi sahajātaṃ vatthu uppādakkhaṇe dubbalaṃ hotīti vatthuno dubbalatāya rūpaṃ na samuṭṭhāpeti. Yathā ca papāte patanto puriso aññassa nissayo bhavituṃ na sakkoti, evaṃ etampi kammavegakkhittattā papāte patamānaṃ viya appatiṭṭhitaṃ. Iti kammavegakkhittattā, appatiṭṭhitatāyapi rūpaṃ na samuṭṭhāpeti.

    бадисанд̇хижид̇д̇ан̃жа вад̇т̇унаа сад̣̇д̇хим̣ абажчааабурз уббаннам̣. д̇асса вад̇т̇у бурзж̇аад̇ам̣ худ̇ваа бажжаяо бхавид̇ум̣ на саггод̇и. сажз саггун̣зяяа, руубам̣ самудтаабзяяа. яад̇рааби вад̇т̇у бурзж̇аад̇ам̣ худ̇ваа бажжаяо бхавид̇ум̣ саггод̇и, бавзн̣ий гхадияад̇и, д̇ад̇рааби жид̇д̇ам̣ ан̇г̇ад̇о абарихийнам̣язва руубам̣ самудтаабзд̇и. яад̣̇и хи жид̇д̇ам̣ таанагкан̣з ваа бхан̇г̇агкан̣з ваа руубам̣ самудтаабзяяа, бадисанд̇хижид̇д̇амби руубам̣ самудтаабзяяа. на бана жид̇д̇ам̣ д̇асмим̣ кан̣ад̣̇ваяз руубам̣ самудтаабзд̇и. яат̇аа бана ахижчад̇д̇агамагулам̣ бат̇авид̇о удтаханд̇ам̣ бам̣сужун̣н̣ам̣ г̇ахзд̇ваава удтахад̇и, звам̣ жид̇д̇ам̣ бурзж̇аад̇ам̣ вад̇т̇ум̣ ниссааяа уббаад̣̇агкан̣з адта руубаани г̇ахзд̇ваава удтахад̇и. бадисанд̇хигкан̣з жа вад̇т̇у бурзж̇аад̇ам̣ худ̇ваа бажжаяо бхавид̇ум̣ на саггод̇ийд̇и бажжаяавзгаллад̇ааяаби бадисанд̇хижид̇д̇ам̣ руубам̣ на самудтаабзд̇и.

    Paṭisandhicittañca vatthunā saddhiṃ apacchāapure uppannaṃ. Tassa vatthu purejātaṃ hutvā paccayo bhavituṃ na sakkoti. Sace sakkuṇeyya, rūpaṃ samuṭṭhāpeyya. Yatrāpi vatthu purejātaṃ hutvā paccayo bhavituṃ sakkoti, paveṇī ghaṭiyati, tatrāpi cittaṃ aṅgato aparihīnaṃyeva rūpaṃ samuṭṭhāpeti. Yadi hi cittaṃ ṭhānakkhaṇe vā bhaṅgakkhaṇe vā rūpaṃ samuṭṭhāpeyya, paṭisandhicittampi rūpaṃ samuṭṭhāpeyya. Na pana cittaṃ tasmiṃ khaṇadvaye rūpaṃ samuṭṭhāpeti. Yathā pana ahicchattakamakulaṃ pathavito uṭṭhahantaṃ paṃsucuṇṇaṃ gahetvāva uṭṭhahati, evaṃ cittaṃ purejātaṃ vatthuṃ nissāya uppādakkhaṇe aṭṭha rūpāni gahetvāva uṭṭhahati. Paṭisandhikkhaṇe ca vatthu purejātaṃ hutvā paccayo bhavituṃ na sakkotīti paccayavekallatāyapi paṭisandhicittaṃ rūpaṃ na samuṭṭhāpeti.

    яат̇аа жа ааг̇анд̇угабурисо аг̇ад̇абуб̣б̣ам̣ бад̣̇зсам̣ г̇ад̇о ан̃н̃зсам̣ – ‘зт̇а бхо, анд̇ог̇аамз во аннабаанаг̇анд̇хамаалаад̣̇ийни д̣̇ассаамий’д̇и вад̇д̇ум̣ на саггод̇и, ад̇д̇ано ависаяад̇ааяа аббахуд̇ад̇ааяа, звамзва бадисанд̇хижид̇д̇ам̣ ааг̇анд̇уганд̇и ад̇д̇ано ааг̇анд̇угад̇ааяаби руубам̣ на самудтаабзд̇и. абижа самад̇им̣са гаммаж̇аруубаани жид̇д̇асамудтаанаруубаанам̣ таанам̣ г̇ахзд̇ваа тид̇аанийд̇иби бадисанд̇хижид̇д̇ам̣ руубам̣ на самудтаабзд̇и.

    Yathā ca āgantukapuriso agatapubbaṃ padesaṃ gato aññesaṃ – ‘etha bho, antogāme vo annapānagandhamālādīni dassāmī’ti vattuṃ na sakkoti, attano avisayatāya appahutatāya, evameva paṭisandhicittaṃ āgantukanti attano āgantukatāyapi rūpaṃ na samuṭṭhāpeti. Apica samatiṃsa kammajarūpāni cittasamuṭṭhānarūpānaṃ ṭhānaṃ gahetvā ṭhitānītipi paṭisandhicittaṃ rūpaṃ na samuṭṭhāpeti.

    кийн̣аасавасса бана жуд̇ижид̇д̇ам̣ ваддамууласса вуубасанд̇ад̇д̇аа на самудтаабзд̇и. д̇асса хи саб̣б̣абхавзсу ваддамуулам̣ вуубасанд̇ам̣ абхаб̣б̣уббад̇д̇игам̣ бунаб̣бхавз бавзн̣ий наама над̇т̇и. сод̇аабаннасса бана сад̇д̇а бхавз табзд̇ваа адтамзва ваддамуулам̣ вуубасанд̇ам̣. д̇асмаа д̇асса жуд̇ижид̇д̇ам̣ сад̇д̇асу бхавзсу руубам̣ самудтаабзд̇и , сагад̣̇ааг̇аамино д̣̇вийсу, анааг̇аамино згасмим̣. кийн̣аасавасса саб̣б̣абхавзсу ваддамууласса вуубасанд̇ад̇д̇аа нзва самудтаабзд̇и.

    Khīṇāsavassa pana cuticittaṃ vaṭṭamūlassa vūpasantattā na samuṭṭhāpeti. Tassa hi sabbabhavesu vaṭṭamūlaṃ vūpasantaṃ abhabbuppattikaṃ punabbhave paveṇī nāma natthi. Sotāpannassa pana satta bhave ṭhapetvā aṭṭhameva vaṭṭamūlaṃ vūpasantaṃ. Tasmā tassa cuticittaṃ sattasu bhavesu rūpaṃ samuṭṭhāpeti , sakadāgāmino dvīsu, anāgāmino ekasmiṃ. Khīṇāsavassa sabbabhavesu vaṭṭamūlassa vūpasantattā neva samuṭṭhāpeti.

    д̣̇вибан̃жавин̃н̃аан̣зсу бана жхаанан̇г̇ам̣ над̇т̇и, маг̇г̇ан̇г̇ам̣ над̇т̇и, хзд̇у над̇т̇ийд̇и жид̇д̇ан̇г̇ам̣ д̣̇уб̣б̣алам̣ ход̇ийд̇и жид̇д̇ан̇г̇ад̣̇уб̣б̣алад̇ааяа д̇аани руубам̣ на самудтаабзнд̇и. жад̇д̇аари аруубавибаагаани д̇асмим̣ бхавз руубасса над̇т̇ид̇ааяа руубам̣ на самудтаабзнд̇и. на гзвалан̃жа д̇аанзва, яаани ан̃н̃ааниби д̇асмим̣ бхавз адта гаамааважарагусалаани, д̣̇аса агусалаани, нава гирияажид̇д̇аани, жад̇д̇аари ааруббагусалаани, жад̇ассо ааруббагирияаа, д̇ийн̣и маг̇г̇ажид̇д̇аани, жад̇д̇аари палажид̇д̇аанийд̇и д̣̇взжад̇д̇аалийса жид̇д̇аани уббаж̇ж̇анд̇и, д̇ааниби д̇ад̇т̇а руубасса над̇т̇ид̇ааяа зва руубам̣ на самудтаабзнд̇и. звам̣ бадисанд̇хижид̇д̇ам̣ руубам̣ на самудтаабзд̇и.

    Dvipañcaviññāṇesu pana jhānaṅgaṃ natthi, maggaṅgaṃ natthi, hetu natthīti cittaṅgaṃ dubbalaṃ hotīti cittaṅgadubbalatāya tāni rūpaṃ na samuṭṭhāpenti. Cattāri arūpavipākāni tasmiṃ bhave rūpassa natthitāya rūpaṃ na samuṭṭhāpenti. Na kevalañca tāneva, yāni aññānipi tasmiṃ bhave aṭṭha kāmāvacarakusalāni, dasa akusalāni, nava kiriyacittāni, cattāri āruppakusalāni, catasso āruppakiriyā, tīṇi maggacittāni, cattāri phalacittānīti dvecattālīsa cittāni uppajjanti, tānipi tattha rūpassa natthitāya eva rūpaṃ na samuṭṭhāpenti. Evaṃ paṭisandhicittaṃ rūpaṃ na samuṭṭhāpeti.

    уд̇у бана батамам̣ руубам̣ самудтаабзд̇и. го зса уд̇у наамаад̇и? бадисанд̇хигкан̣з уббаннаанам̣ самад̇им̣сагаммаж̇аруубаанам̣ аб̣бханд̇араа д̇зж̇од̇хаад̇у. саа таанам̣ бад̇ваа адта руубаани самудтаабзд̇и. уд̇у наама жзса д̣̇анд̇ханирод̇хо; жид̇д̇ам̣ киббанирод̇хам̣. д̇асмим̣ д̇харанд̇зязва сол̣аса жид̇д̇аани уббаж̇ж̇ид̇ваа нируж̇жханд̇и. д̇зсу бадисанд̇хиананд̇арам̣ батамабхаван̇г̇ажид̇д̇ам̣ уббаад̣̇агкан̣зязва адта руубаани самудтаабзд̇и. яад̣̇аа бана сад̣̇д̣̇асса уббад̇д̇игаало бхависсад̇и, д̇ад̣̇аа уд̇ужид̇д̇аани сад̣̇д̣̇анавагам̣ наама самудтаабзссанд̇и. габ̣ал̣ийгаараахаароби таанам̣ бад̇ваа адта руубаани самудтаабзд̇и. гуд̇о банасса габ̣ал̣ийгаараахаарод̇и? маад̇ид̇о. вуд̇д̇амби жзд̇ам̣ –

    Utu pana paṭhamaṃ rūpaṃ samuṭṭhāpeti. Ko esa utu nāmāti? Paṭisandhikkhaṇe uppannānaṃ samatiṃsakammajarūpānaṃ abbhantarā tejodhātu. Sā ṭhānaṃ patvā aṭṭha rūpāni samuṭṭhāpeti. Utu nāma cesa dandhanirodho; cittaṃ khippanirodhaṃ. Tasmiṃ dharanteyeva soḷasa cittāni uppajjitvā nirujjhanti. Tesu paṭisandhianantaraṃ paṭhamabhavaṅgacittaṃ uppādakkhaṇeyeva aṭṭha rūpāni samuṭṭhāpeti. Yadā pana saddassa uppattikālo bhavissati, tadā utucittāni saddanavakaṃ nāma samuṭṭhāpessanti. Kabaḷīkārāhāropi ṭhānaṃ patvā aṭṭha rūpāni samuṭṭhāpeti. Kuto panassa kabaḷīkārāhāroti? Mātito. Vuttampi cetaṃ –

    ‘‘яан̃жасса бхун̃ж̇ад̇ий маад̇аа, аннам̣ баанан̃жа бхож̇анам̣;

    ‘‘Yañcassa bhuñjatī mātā, annaṃ pānañca bhojanaṃ;

    д̇зна со д̇ад̇т̇а яаабзд̇и, маад̇угужчиг̇ад̇о наро’’д̇и. (сам̣. ни. 1.235);

    Tena so tattha yāpeti, mātukucchigato naro’’ti. (saṃ. ni. 1.235);

    звам̣ гужчиг̇ад̇о д̣̇аараго маад̇араа аж̇жхохадааннабаанаож̇ааяа яаабзд̇и. саава таанаббад̇д̇аа адта руубаани самудтаабзд̇и. нану жа саа ож̇аа караа? вад̇т̇у сукумам̣? гат̇ам̣ д̇ад̇т̇а бад̇идтаад̇ийд̇и? батамам̣ д̇аава на бад̇идтаад̇и; згасса ваа д̣̇виннам̣ ваа сад̇д̇аахаанам̣ г̇ад̇агаалз бад̇идтаад̇и. д̇ад̇о бана бурз ваа бад̇идтаад̇у бажчаа ваа; яад̣̇аа маад̇араа аж̇жхохадааннабаанаож̇аа д̣̇аарагасса сарийрз бад̇идтаад̇и, д̇ад̣̇аа адта руубаани самудтаабзд̇и.

    Evaṃ kucchigato dārako mātarā ajjhohaṭaannapānaojāya yāpeti. Sāva ṭhānappattā aṭṭha rūpāni samuṭṭhāpeti. Nanu ca sā ojā kharā? Vatthu sukhumaṃ? Kathaṃ tattha patiṭṭhātīti? Paṭhamaṃ tāva na patiṭṭhāti; ekassa vā dvinnaṃ vā sattāhānaṃ gatakāle patiṭṭhāti. Tato pana pure vā patiṭṭhātu pacchā vā; yadā mātarā ajjhohaṭaannapānaojā dārakassa sarīre patiṭṭhāti, tadā aṭṭha rūpāni samuṭṭhāpeti.

    обабаад̇игассааби багад̇ибадияад̇д̇аанам̣ каад̣̇анийяабхож̇анийяаанам̣ ад̇т̇идтаанз ниб̣б̣ад̇д̇асса д̇аани г̇ахзд̇ваа аж̇жхохарад̇о таанаббад̇д̇аа ож̇аа руубам̣ самудтаабзд̇и. зго аннабаанарахид̇з аран̃н̃з ниб̣б̣ад̇д̇ад̇и, махаачаад̇аго ход̇и, ад̇д̇анова ж̇ивхааяа кзл̣ам̣ баривад̇д̇зд̇ваа г̇илад̇и. д̇ад̇раабисса таанаббад̇д̇аа ож̇аа руубам̣ самудтаабзд̇и.

    Opapātikassāpi pakatipaṭiyattānaṃ khādanīyabhojanīyānaṃ atthiṭṭhāne nibbattassa tāni gahetvā ajjhoharato ṭhānappattā ojā rūpaṃ samuṭṭhāpeti. Eko annapānarahite araññe nibbattati, mahāchātako hoti, attanova jivhāya kheḷaṃ parivattetvā gilati. Tatrāpissa ṭhānappattā ojā rūpaṃ samuṭṭhāpeti.

    звам̣ бан̃жавийсад̇ияаа годтаасзсу д̣̇взва руубаани руубам̣ самудтаабзнд̇и – д̇зж̇од̇хаад̇у жа габ̣ал̣ийгаараахааро жа. аруубзби д̣̇взязва д̇хаммаа руубам̣ самудтаабзнд̇и – жид̇д̇ан̃жзва гаммажзд̇анаа жа. д̇ад̇т̇а руубам̣ уббаад̣̇агкан̣з жа бхан̇г̇агкан̣з жа д̣̇уб̣б̣алам̣, таанагкан̣з б̣алаванд̇и таанагкан̣з руубам̣ самудтаабзд̇и. жид̇д̇ам̣ таанагкан̣з жа бхан̇г̇агкан̣з жа д̣̇уб̣б̣алам̣, уббаад̣̇агкан̣зязва б̣алаванд̇и уббаад̣̇агкан̣зязва руубам̣ самудтаабзд̇и. гаммажзд̇анаа нируд̣̇д̇хаава бажжаяо ход̇и. ад̇ийд̇з габбагодисад̇асахассамад̇т̇агзби хи ааяуухид̇ам̣ гаммам̣ зд̇арахи бажжаяо ход̇и. зд̇арахи ааяуухид̇ам̣ анааг̇ад̇з габбагодисад̇асахассабарияосаанзби бажжаяо ход̇ийд̇и. звам̣ ‘буб̣б̣аабарад̇о’ взд̣̇ид̇аб̣б̣аа.

    Evaṃ pañcavīsatiyā koṭṭhāsesu dveva rūpāni rūpaṃ samuṭṭhāpenti – tejodhātu ca kabaḷīkārāhāro ca. Arūpepi dveyeva dhammā rūpaṃ samuṭṭhāpenti – cittañceva kammacetanā ca. Tattha rūpaṃ uppādakkhaṇe ca bhaṅgakkhaṇe ca dubbalaṃ, ṭhānakkhaṇe balavanti ṭhānakkhaṇe rūpaṃ samuṭṭhāpeti. Cittaṃ ṭhānakkhaṇe ca bhaṅgakkhaṇe ca dubbalaṃ, uppādakkhaṇeyeva balavanti uppādakkhaṇeyeva rūpaṃ samuṭṭhāpeti. Kammacetanā niruddhāva paccayo hoti. Atīte kappakoṭisatasahassamatthakepi hi āyūhitaṃ kammaṃ etarahi paccayo hoti. Etarahi āyūhitaṃ anāgate kappakoṭisatasahassapariyosānepi paccayo hotīti. Evaṃ ‘pubbāparato’ veditabbā.

    ‘ад̣̇д̇хаанабарижчзд̣̇ад̇о’д̇и руубам̣ гид̇д̇агам̣ ад̣̇д̇хаанам̣ д̇идтад̇и? аруубам̣ гид̇д̇аганд̇и? руубам̣ г̇арубарин̣аамам̣ д̣̇анд̇ханирод̇хам̣. аруубам̣ лахубарин̣аамам̣ киббанирод̇хам̣. руубз д̇харанд̇зязва сол̣аса жид̇д̇аани уббаж̇ж̇ид̇ваа нируж̇жханд̇и. д̇ам̣ бана сад̇д̇арасамзна жид̇д̇зна сад̣̇д̇хим̣ нируж̇жхад̇и. яат̇аа хи бурисо ‘палам̣ баад̇зссаамий’д̇и муг̇г̇арзна ругкасаакам̣ бахарзяяа, палаани жа бад̇д̇аани жа згагкан̣зязва ван̣дад̇о мужжзяяум̣. д̇ад̇т̇а палаани ад̇д̇ано бхааригад̇ааяа батамад̇арам̣ бат̇авияам̣ бад̇анд̇и, бад̇д̇аани лахугад̇ааяа бажчаа. звамзва муг̇г̇араббахаарзна бад̇д̇аанан̃жа палаанан̃жа згагкан̣з ван̣дад̇о муд̇д̇агаало вияа бадисанд̇хигкан̣з руубааруубад̇хаммаанам̣ згагкан̣з баад̇убхааво; палаанам̣ бхааригад̇ааяа батамад̇арам̣ бат̇авияам̣ бад̇анам̣ вияа руубз д̇харанд̇зязва сол̣асаннам̣ жид̇д̇аанам̣ уббаж̇ж̇ид̇ваа нируж̇жханам̣; бад̇д̇аанам̣ лахугад̇ааяа бажчаа бат̇авияам̣ бад̇анам̣ вияа руубасса сад̇д̇арасамзна жид̇д̇зна саха нируж̇жханам̣.

    ‘Addhānaparicchedato’ti rūpaṃ kittakaṃ addhānaṃ tiṭṭhati? Arūpaṃ kittakanti? Rūpaṃ garupariṇāmaṃ dandhanirodhaṃ. Arūpaṃ lahupariṇāmaṃ khippanirodhaṃ. Rūpe dharanteyeva soḷasa cittāni uppajjitvā nirujjhanti. Taṃ pana sattarasamena cittena saddhiṃ nirujjhati. Yathā hi puriso ‘phalaṃ pātessāmī’ti muggarena rukkhasākhaṃ pahareyya, phalāni ca pattāni ca ekakkhaṇeyeva vaṇṭato mucceyyuṃ. Tattha phalāni attano bhārikatāya paṭhamataraṃ pathaviyaṃ patanti, pattāni lahukatāya pacchā. Evameva muggarappahārena pattānañca phalānañca ekakkhaṇe vaṇṭato muttakālo viya paṭisandhikkhaṇe rūpārūpadhammānaṃ ekakkhaṇe pātubhāvo; phalānaṃ bhārikatāya paṭhamataraṃ pathaviyaṃ patanaṃ viya rūpe dharanteyeva soḷasannaṃ cittānaṃ uppajjitvā nirujjhanaṃ; pattānaṃ lahukatāya pacchā pathaviyaṃ patanaṃ viya rūpassa sattarasamena cittena saha nirujjhanaṃ.

    д̇ад̇т̇а гин̃жааби руубам̣ д̣̇анд̇ханирод̇хам̣ г̇арубарин̣аамам̣, жид̇д̇ам̣ киббанирод̇хам̣ лахубарин̣аамам̣, руубам̣ бана аруубам̣ аруубам̣ ваа руубам̣ охааяа бавад̇д̇ид̇ум̣ на саггонд̇и. д̣̇виннамби згаббамаан̣аава бавад̇д̇и. д̇ад̇рааяам̣ убамаа – зго бурисо лагун̣дагабаад̣̇о, зго д̣̇ийгхабаад̣̇о. д̇зсу згад̇о маг̇г̇ам̣ г̇ажчанд̇зсу яаава д̣̇ийгхабаад̣̇о згабад̣̇аваарам̣ аггамад̇и, д̇аава ид̇аро бад̣̇з бад̣̇ам̣ аггамид̇ваа сол̣асабад̣̇аваарзна г̇ажчад̇и. д̣̇ийгхабаад̣̇о лагун̣дагабаад̣̇асса сол̣аса бад̣̇аваарз ад̇д̇ано баад̣̇ам̣ ан̃чид̇ваа аагад̣дхид̇ваа згамзва бад̣̇аваарам̣ гарод̇и. ид̇и згоби згам̣ ад̇иггамид̇ум̣ на саггод̇и. д̣̇виннамби г̇аманам̣ згаббамаан̣амзва ход̇и. звам̣самбад̣̇амид̣̇ам̣ д̣̇адтаб̣б̣ам̣. лагун̣дагабаад̣̇абурисо вияа аруубам̣; д̣̇ийгхабаад̣̇абурисо вияа руубам̣; д̣̇ийгхабаад̣̇асса згам̣ бад̣̇аваарам̣ аггаман̣агаалз ид̇арасса сол̣асабад̣̇аваарааггаманам̣ вияа руубз д̇харанд̇зязва аруубад̇хаммзсу сол̣асаннам̣ жид̇д̇аанам̣ уббаж̇ж̇ид̇ваа нируж̇жханам̣; д̣̇виннам̣ бурисаанам̣ лагун̣дагабаад̣̇абурисасса сол̣аса бад̣̇аваарз ид̇арасса ад̇д̇ано баад̣̇ам̣ ан̃чид̇ваа аагад̣дхид̇ваа згабад̣̇аваарагаран̣ам̣ вияа руубасса сад̇д̇арасамзна жид̇д̇зна сад̣̇д̇хим̣ нируж̇жханам̣; д̣̇виннам̣ бурисаанам̣ ан̃н̃аман̃н̃ам̣ анохааяа згаббамаан̣знзва г̇аманам̣ вияа аруубасса руубам̣ руубасса аруубам̣ анохааяа згаббамаан̣знзва бавад̇д̇ананд̇и. звам̣ ‘ад̣̇д̇хаанабарижчзд̣̇ад̇о’ взд̣̇ид̇аб̣б̣аа.

    Tattha kiñcāpi rūpaṃ dandhanirodhaṃ garupariṇāmaṃ, cittaṃ khippanirodhaṃ lahupariṇāmaṃ, rūpaṃ pana arūpaṃ arūpaṃ vā rūpaṃ ohāya pavattituṃ na sakkonti. Dvinnampi ekappamāṇāva pavatti. Tatrāyaṃ upamā – eko puriso lakuṇṭakapādo, eko dīghapādo. Tesu ekato maggaṃ gacchantesu yāva dīghapādo ekapadavāraṃ akkamati, tāva itaro pade padaṃ akkamitvā soḷasapadavārena gacchati. Dīghapādo lakuṇṭakapādassa soḷasa padavāre attano pādaṃ añchitvā ākaḍḍhitvā ekameva padavāraṃ karoti. Iti ekopi ekaṃ atikkamituṃ na sakkoti. Dvinnampi gamanaṃ ekappamāṇameva hoti. Evaṃsampadamidaṃ daṭṭhabbaṃ. Lakuṇṭakapādapuriso viya arūpaṃ; dīghapādapuriso viya rūpaṃ; dīghapādassa ekaṃ padavāraṃ akkamaṇakāle itarassa soḷasapadavāraakkamanaṃ viya rūpe dharanteyeva arūpadhammesu soḷasannaṃ cittānaṃ uppajjitvā nirujjhanaṃ; dvinnaṃ purisānaṃ lakuṇṭakapādapurisassa soḷasa padavāre itarassa attano pādaṃ añchitvā ākaḍḍhitvā ekapadavārakaraṇaṃ viya rūpassa sattarasamena cittena saddhiṃ nirujjhanaṃ; dvinnaṃ purisānaṃ aññamaññaṃ anohāya ekappamāṇeneva gamanaṃ viya arūpassa rūpaṃ rūpassa arūpaṃ anohāya ekappamāṇeneva pavattananti. Evaṃ ‘addhānaparicchedato’ veditabbā.

    ‘згуббаад̣̇анаанаанирод̇хад̇о’д̇и ид̣̇ам̣ бажчимагаммаж̇ам̣ табзд̇ваа д̣̇ийбзд̇аб̣б̣ам̣. батаман̃хи бадисанд̇хижид̇д̇ам̣, д̣̇уд̇ияам̣ бхаван̇г̇ам̣, д̇ад̇ияам̣ бхаван̇г̇ам̣…бз… сол̣асамам̣ бхаван̇г̇ам̣. д̇зсу згзгасса уббаад̣̇адтид̇ибхан̇г̇авасзна д̇аяо д̇аяо кан̣аа. д̇ад̇т̇а згзгасса жид̇д̇асса д̇ийсу д̇ийсу кан̣зсу самад̇им̣са самад̇им̣са гаммаж̇аруубаани уббаж̇ж̇анд̇и. д̇зсу бадисанд̇хижид̇д̇асса уббаад̣̇агкан̣з самудтид̇ам̣ гаммаж̇аруубам̣ сад̇д̇арасамасса бхаван̇г̇ажид̇д̇асса уббаад̣̇агкан̣зязва нируж̇жхад̇и; тид̇игкан̣з самудтид̇ам̣ тид̇игкан̣зязва; бхан̇г̇агкан̣з самудтид̇ам̣ бхан̇г̇агкан̣зязва нируж̇жхад̇и. звам̣ д̣̇уд̇ияабхаван̇г̇ажид̇д̇ам̣ аад̣̇им̣ гад̇ваа ад̇д̇ано ад̇д̇ано сад̇д̇арасамзна жид̇д̇зна сад̣̇д̇хим̣ яож̇зд̇ваа наяо нзд̇аб̣б̣о. ид̇и сол̣аса д̇игаа адтажад̇д̇аалийса хонд̇и. аяам̣ адтажад̇д̇аалийсагаммаж̇аруубабавзн̣ий наама. саа банзсаа рад̇д̇ин̃жа д̣̇иваа жа каад̣̇анд̇аанамби бхун̃ж̇анд̇аанамби суд̇д̇аанамби бамад̇д̇аанамби над̣̇ийсод̇о вияа зганд̇ам̣ бавад̇д̇ад̇и язваад̇и. звам̣ ‘згуббаад̣̇анаанаанирод̇хад̇о’ взд̣̇ид̇аб̣б̣аа.

    ‘Ekuppādanānānirodhato’ti idaṃ pacchimakammajaṃ ṭhapetvā dīpetabbaṃ. Paṭhamañhi paṭisandhicittaṃ, dutiyaṃ bhavaṅgaṃ, tatiyaṃ bhavaṅgaṃ…pe… soḷasamaṃ bhavaṅgaṃ. Tesu ekekassa uppādaṭṭhitibhaṅgavasena tayo tayo khaṇā. Tattha ekekassa cittassa tīsu tīsu khaṇesu samatiṃsa samatiṃsa kammajarūpāni uppajjanti. Tesu paṭisandhicittassa uppādakkhaṇe samuṭṭhitaṃ kammajarūpaṃ sattarasamassa bhavaṅgacittassa uppādakkhaṇeyeva nirujjhati; ṭhitikkhaṇe samuṭṭhitaṃ ṭhitikkhaṇeyeva; bhaṅgakkhaṇe samuṭṭhitaṃ bhaṅgakkhaṇeyeva nirujjhati. Evaṃ dutiyabhavaṅgacittaṃ ādiṃ katvā attano attano sattarasamena cittena saddhiṃ yojetvā nayo netabbo. Iti soḷasa tikā aṭṭhacattālīsa honti. Ayaṃ aṭṭhacattālīsakammajarūpapaveṇī nāma. Sā panesā rattiñca divā ca khādantānampi bhuñjantānampi suttānampi pamattānampi nadīsoto viya ekantaṃ pavattati yevāti. Evaṃ ‘ekuppādanānānirodhato’ veditabbā.

    ‘наануббаад̣̇азганирод̇хад̇аа’ бажчимагаммаж̇зна д̣̇ийбзд̇аб̣б̣аа. д̇ад̇т̇а ааяусам̣каарабарияосаанз сол̣асаннам̣ жид̇д̇аанам̣ ваарз сад̇и хздтаасол̣асагам̣ убарисол̣асаганд̇и д̣̇вз згад̇о яож̇зд̇аб̣б̣аани. хздтаасол̣асагасмин̃хи батамажид̇д̇асса уббаад̣̇агкан̣з самудтид̇ам̣ самад̇им̣сагаммаж̇аруубам̣ убарисол̣асагасмим̣ батамажид̇д̇асса уббаад̣̇агкан̣зязва нируж̇жхад̇и; тид̇игкан̣з самудтид̇ам̣ д̇асса тид̇игкан̣зязва бхан̇г̇агкан̣з самудтид̇ам̣ д̇асса бхан̇г̇агкан̣зязва нируж̇жхад̇и. хздтимасол̣асагасмим̣ бана д̣̇уд̇ияажид̇д̇асса…бз… сол̣асамажид̇д̇асса уббаад̣̇агкан̣з самудтид̇ам̣ самад̇им̣сагаммаж̇аруубам̣ жуд̇ижид̇д̇асса уббаад̣̇агкан̣зязва нируж̇жхад̇и; д̇асса тид̇игкан̣з самудтид̇ам̣ жуд̇ижид̇д̇асса тид̇игкан̣зязва; бхан̇г̇агкан̣з самудтид̇ам̣ жуд̇ижид̇д̇асса бхан̇г̇агкан̣зязва нируж̇жхад̇и. д̇ад̇о бадтааяа гаммаж̇аруубабавзн̣ий на бавад̇д̇ад̇и. яад̣̇и бавад̇д̇зяяа, сад̇д̇аа агкаяаа аваяаа аж̇араа амараа наама бхавзяяум̣.

    ‘Nānuppādaekanirodhatā’ pacchimakammajena dīpetabbā. Tattha āyusaṃkhārapariyosāne soḷasannaṃ cittānaṃ vāre sati heṭṭhāsoḷasakaṃ uparisoḷasakanti dve ekato yojetabbāni. Heṭṭhāsoḷasakasmiñhi paṭhamacittassa uppādakkhaṇe samuṭṭhitaṃ samatiṃsakammajarūpaṃ uparisoḷasakasmiṃ paṭhamacittassa uppādakkhaṇeyeva nirujjhati; ṭhitikkhaṇe samuṭṭhitaṃ tassa ṭhitikkhaṇeyeva bhaṅgakkhaṇe samuṭṭhitaṃ tassa bhaṅgakkhaṇeyeva nirujjhati. Heṭṭhimasoḷasakasmiṃ pana dutiyacittassa…pe… soḷasamacittassa uppādakkhaṇe samuṭṭhitaṃ samatiṃsakammajarūpaṃ cuticittassa uppādakkhaṇeyeva nirujjhati; tassa ṭhitikkhaṇe samuṭṭhitaṃ cuticittassa ṭhitikkhaṇeyeva; bhaṅgakkhaṇe samuṭṭhitaṃ cuticittassa bhaṅgakkhaṇeyeva nirujjhati. Tato paṭṭhāya kammajarūpapaveṇī na pavattati. Yadi pavatteyya, sattā akkhayā avayā ajarā amarā nāma bhaveyyuṃ.

    зд̇т̇а бана яад̣̇зд̇ам̣ ‘сад̇д̇арасамасса бхаван̇г̇ажид̇д̇асса уббаад̣̇агкан̣зязва нируж̇жхад̇ий’д̇иаад̣̇инаа наязна ‘згасса жид̇д̇асса уббаад̣̇агкан̣з уббаннам̣ руубам̣ ан̃н̃асса уббаад̣̇агкан̣з нируж̇жхад̇ий’д̇и адтагат̇ааяам̣ ааг̇ад̇ад̇д̇аа вуд̇д̇ам̣, д̇ам̣ ‘‘яасса гааяасан̇кааро нируж̇жхад̇и, д̇асса жид̇д̇асан̇кааро нируж̇жхад̇ий’’д̇и? ‘‘ааманд̇аа’’д̇и (яама. 2.сан̇каараяамага.79) имааяа баал̣ияаа вируж̇жхад̇и. гат̇ам̣? гааяасан̇кааро хи жид̇д̇асамудтаано ассаасабассаасаваад̇о. жид̇д̇асамудтаанаруубан̃жа жид̇д̇асса уббаад̣̇агкан̣з уббаж̇ж̇ид̇ваа яаава ан̃н̃аани сол̣аса жид̇д̇аани уббаж̇ж̇анд̇и д̇аава д̇идтад̇и. д̇зсам̣ сол̣асаннам̣ саб̣б̣абажчимзна сад̣̇д̇хим̣ нируж̇жхад̇и. ид̇и язна жид̇д̇зна сад̣̇д̇хим̣ уббаж̇ж̇ад̇и, д̇ад̇о бадтааяа сад̇д̇арасамзна сад̣̇д̇хим̣ нируж̇жхад̇и; на гассажи жид̇д̇асса уббаад̣̇агкан̣з ваа тид̇игкан̣з ваа нируж̇жхад̇и, нааби тид̇игкан̣з ваа бхан̇г̇агкан̣з ваа уббаж̇ж̇ад̇и. зсаа жид̇д̇асамудтаанаруубасса д̇хаммад̇аад̇и нияамад̇о жид̇д̇асан̇каарзна сад̣̇д̇хим̣ згагкан̣з нируж̇жханад̇о ‘‘ааманд̇аа’’д̇и вуд̇д̇ам̣.

    Ettha pana yadetaṃ ‘sattarasamassa bhavaṅgacittassa uppādakkhaṇeyeva nirujjhatī’tiādinā nayena ‘ekassa cittassa uppādakkhaṇe uppannaṃ rūpaṃ aññassa uppādakkhaṇe nirujjhatī’ti aṭṭhakathāyaṃ āgatattā vuttaṃ, taṃ ‘‘yassa kāyasaṅkhāro nirujjhati, tassa cittasaṅkhāro nirujjhatī’’ti? ‘‘Āmantā’’ti (yama. 2.saṅkhārayamaka.79) imāya pāḷiyā virujjhati. Kathaṃ? Kāyasaṅkhāro hi cittasamuṭṭhāno assāsapassāsavāto. Cittasamuṭṭhānarūpañca cittassa uppādakkhaṇe uppajjitvā yāva aññāni soḷasa cittāni uppajjanti tāva tiṭṭhati. Tesaṃ soḷasannaṃ sabbapacchimena saddhiṃ nirujjhati. Iti yena cittena saddhiṃ uppajjati, tato paṭṭhāya sattarasamena saddhiṃ nirujjhati; na kassaci cittassa uppādakkhaṇe vā ṭhitikkhaṇe vā nirujjhati, nāpi ṭhitikkhaṇe vā bhaṅgakkhaṇe vā uppajjati. Esā cittasamuṭṭhānarūpassa dhammatāti niyamato cittasaṅkhārena saddhiṃ ekakkhaṇe nirujjhanato ‘‘āmantā’’ti vuttaṃ.

    яо жааяам̣ жид̇д̇асамудтаанасса кан̣анияамо вуд̇д̇о гаммаад̣̇исамудтаанассааби аяамзва кан̣анияамо. д̇асмаа бадисанд̇хижид̇д̇зна сахуббаннам̣ гаммаж̇аруубам̣ д̇ад̇о бадтааяа сад̇д̇арасамзна сад̣̇д̇хим̣ нируж̇жхад̇и. бадисанд̇хижид̇д̇асса тид̇игкан̣з уббаннам̣ адтаарасамасса уббаад̣̇агкан̣з нируж̇жхад̇и. бадисанд̇хижид̇д̇асса бхан̇г̇агкан̣з уббаннам̣ адтаарасамасса таанагкан̣з нируж̇жхад̇ийд̇и иминаа наязнзд̇т̇а яож̇анаа гаад̇аб̣б̣аа. д̇ад̇о барам̣ бана уд̇усамудтаанигабавзн̣ийязва д̇идтад̇и. ‘нийхарид̇ваа жхаабзт̇аа’д̇и вад̇д̇аб̣б̣ам̣ ход̇и. звам̣ ‘наануббаад̣̇азганирод̇хад̇о’ взд̣̇ид̇аб̣б̣аа.

    Yo cāyaṃ cittasamuṭṭhānassa khaṇaniyamo vutto kammādisamuṭṭhānassāpi ayameva khaṇaniyamo. Tasmā paṭisandhicittena sahuppannaṃ kammajarūpaṃ tato paṭṭhāya sattarasamena saddhiṃ nirujjhati. Paṭisandhicittassa ṭhitikkhaṇe uppannaṃ aṭṭhārasamassa uppādakkhaṇe nirujjhati. Paṭisandhicittassa bhaṅgakkhaṇe uppannaṃ aṭṭhārasamassa ṭhānakkhaṇe nirujjhatīti iminā nayenettha yojanā kātabbā. Tato paraṃ pana utusamuṭṭhānikapaveṇīyeva tiṭṭhati. ‘Nīharitvā jhāpethā’ti vattabbaṃ hoti. Evaṃ ‘nānuppādaekanirodhato’ veditabbā.

    ‘згуббаад̣̇азганирод̇хад̇о’д̇и руубам̣ бана руубзна саха згуббаад̣̇ам̣ зганирод̇хам̣. аруубам̣ аруубзна саха згуббаад̣̇ам̣ зганирод̇хам̣. звам̣ ‘згуббаад̣̇азганирод̇хад̇о’ взд̣̇ид̇аб̣б̣аа.

    ‘Ekuppādaekanirodhato’ti rūpaṃ pana rūpena saha ekuppādaṃ ekanirodhaṃ. Arūpaṃ arūpena saha ekuppādaṃ ekanirodhaṃ. Evaṃ ‘ekuppādaekanirodhato’ veditabbā.

    ‘наануббаад̣̇анаанаанирод̇хад̇аа’ бана жад̇усанд̇ад̇ируубзна д̣̇ийбзд̇аб̣б̣аа. имасса хи уд̣̇д̇хам̣ баад̣̇ад̇алаа ад̇хо гзсамад̇т̇агаа д̇ажабарияанд̇асса сарийрасса д̇ад̇т̇а д̇ад̇т̇а жад̇усанд̇ад̇ируубам̣ гханабун̃ж̇абхаавзна вад̇д̇ад̇и. звам̣ вад̇д̇амаанассаабисса на згуббаад̣̇аад̣̇ид̇аа саллагкзд̇аб̣б̣аа. яат̇аа бана убажигарааж̇и ваа гибиллигарааж̇и ваа ологияамаанаа згааб̣ад̣̇д̇хаа вияа ход̇и, на бана згааб̣ад̣̇д̇хаа. ан̃н̃иссаа хи сийсасанд̇игз ан̃н̃иссаа сийсамби уд̣̇арамби баад̣̇ааби, ан̃н̃иссаа уд̣̇арасанд̇игз ан̃н̃иссаа сийсамби уд̣̇арамби баад̣̇ааби, ан̃н̃иссаа баад̣̇асанд̇игз ан̃н̃иссаа сийсамби уд̣̇арамби баад̣̇ааби хонд̇и. звамзва жад̇усанд̇ад̇ируубаанамби ан̃н̃асса уббаад̣̇агкан̣з ан̃н̃асса уббаад̣̇оби ход̇и тид̇иби бхан̇г̇оби, ан̃н̃асса тид̇игкан̣з ан̃н̃асса уббаад̣̇оби ход̇и тид̇иби бхан̇г̇оби, ан̃н̃асса бхан̇г̇агкан̣з ан̃н̃асса уббаад̣̇оби ход̇и тид̇иби бхан̇г̇оби. звамзд̇т̇а ‘наануббаад̣̇анаанаанирод̇хад̇аа’ взд̣̇ид̇аб̣б̣аа.

    ‘Nānuppādanānānirodhatā’ pana catusantatirūpena dīpetabbā. Imassa hi uddhaṃ pādatalā adho kesamatthakā tacapariyantassa sarīrassa tattha tattha catusantatirūpaṃ ghanapuñjabhāvena vattati. Evaṃ vattamānassāpissa na ekuppādāditā sallakkhetabbā. Yathā pana upacikarāji vā kipillikarāji vā olokiyamānā ekābaddhā viya hoti, na pana ekābaddhā. Aññissā hi sīsasantike aññissā sīsampi udarampi pādāpi, aññissā udarasantike aññissā sīsampi udarampi pādāpi, aññissā pādasantike aññissā sīsampi udarampi pādāpi honti. Evameva catusantatirūpānampi aññassa uppādakkhaṇe aññassa uppādopi hoti ṭhitipi bhaṅgopi, aññassa ṭhitikkhaṇe aññassa uppādopi hoti ṭhitipi bhaṅgopi, aññassa bhaṅgakkhaṇe aññassa uppādopi hoti ṭhitipi bhaṅgopi. Evamettha ‘nānuppādanānānirodhatā’ veditabbā.

    ‘ад̇ийд̇аад̣̇ийни’ бана д̣̇уурад̣̇угабарияосаанаани баал̣ияам̣ ааг̇ад̇аанзва. ‘бажжаяасамудтаанаани’би ‘‘гаммаж̇ам̣, гаммабажжаяам̣, гаммабажжаяауд̇усамудтаана’’нд̇иаад̣̇инаа (д̇ха. са. адта. 975) наязна хздтаа гат̇ид̇ааниязва. бан̃жаби бана канд̇хаа баринибпаннаава хонд̇и, но абаринибпаннаа; сан̇кад̇аава но асан̇кад̇аа; абижа нибпаннааби хонд̇иязва. сабхаавад̇хаммзсу хи ниб̣б̣аанамзвзгам̣ абаринибпаннам̣ анибпаннан̃жа. нирод̇хасамаабад̇д̇и бана наамабан̃н̃ад̇д̇и жа гат̇анд̇и? нирод̇хасамаабад̇д̇и логияалогуд̇д̇араад̇и ваа сан̇кад̇аасан̇кад̇аад̇и ваа баринибпаннаабаринибпаннаад̇и ваа на вад̇д̇аб̣б̣аа. нибпаннаа бана ход̇и самаабаж̇ж̇анд̇зна самаабаж̇ж̇ид̇аб̣б̣ад̇о. д̇ат̇аа наамабан̃н̃ад̇д̇и. сааби хи логияаад̣̇ибхзд̣̇ам̣ на лабхад̇и; нибпаннаа бана ход̇и но анибпаннаа; наамаг̇г̇ахан̣ан̃хи г̇ан̣ханд̇ова г̇ан̣хаад̇ийд̇и.

    ‘Atītādīni’ pana dūradukapariyosānāni pāḷiyaṃ āgatāneva. ‘Paccayasamuṭṭhānāni’pi ‘‘kammajaṃ, kammapaccayaṃ, kammapaccayautusamuṭṭhāna’’ntiādinā (dha. sa. aṭṭha. 975) nayena heṭṭhā kathitāniyeva. Pañcapi pana khandhā parinipphannāva honti, no aparinipphannā; saṅkhatāva no asaṅkhatā; apica nipphannāpi hontiyeva. Sabhāvadhammesu hi nibbānamevekaṃ aparinipphannaṃ anipphannañca. Nirodhasamāpatti pana nāmapaññatti ca kathanti? Nirodhasamāpatti lokiyalokuttarāti vā saṅkhatāsaṅkhatāti vā parinipphannāparinipphannāti vā na vattabbā. Nipphannā pana hoti samāpajjantena samāpajjitabbato. Tathā nāmapaññatti. Sāpi hi lokiyādibhedaṃ na labhati; nipphannā pana hoti no anipphannā; nāmaggahaṇañhi gaṇhantova gaṇhātīti.

    гамаад̣̇ивинижчаяагат̇аа

    Kamādivinicchayakathā

    звам̣ багин̣н̣агад̇о канд̇хз вид̣̇ид̇ваа буна зд̇зсуязва –

    Evaṃ pakiṇṇakato khandhe viditvā puna etesuyeva –

    канд̇хзсу н̃аан̣абхзд̣̇ад̇т̇ам̣, гамад̇от̇а висзсад̇о;

    Khandhesu ñāṇabhedatthaṃ, kamatotha visesato;

    ануунаад̇хигад̇о жзва, убамаад̇о д̇ат̇зва жа.

    Anūnādhikato ceva, upamāto tatheva ca.

    д̣̇адтаб̣б̣ад̇о д̣̇вид̇хаа звам̣, бассанд̇ассад̇т̇асид̣̇д̇хид̇о;

    Daṭṭhabbato dvidhā evaṃ, passantassatthasiddhito;

    винижчаяанаяо саммаа, вин̃н̃аад̇аб̣б̣о вибхаавинаа.

    Vinicchayanayo sammā, viññātabbo vibhāvinā.

    д̇ад̇т̇а ‘гамад̇о’д̇и ид̇ха уббад̇д̇иггамо, бахаанаггамо, бадибад̇д̇иггамо, бхуумиггамо, д̣̇зсанааггамод̇и б̣ахувид̇хо гамо.

    Tattha ‘kamato’ti idha uppattikkamo, pahānakkamo, paṭipattikkamo, bhūmikkamo, desanākkamoti bahuvidho kamo.

    д̇ад̇т̇а ‘‘батамам̣ галалам̣ ход̇и, галалаа ход̇и аб̣б̣уд̣̇а’’нд̇и (сам̣. ни. 1.235) звамаад̣̇и уббад̇д̇иггамо. ‘‘д̣̇ассанзна бахаад̇аб̣б̣аа д̇хаммаа, бхааванааяа бахаад̇аб̣б̣аа д̇хаммаа’’д̇и (д̇ха. са. д̇игамаад̇игаа 8) звамаад̣̇и бахаанаггамо. ‘‘сийлависуд̣̇д̇хи, жид̇д̇ависуд̣̇д̇хий’’д̇и (ма. ни. 1.259; бади. ма. 3.41) звамаад̣̇и бадибад̇д̇иггамо. ‘‘гаамааважараа , руубааважараа’’д̇и звамаад̣̇и бхуумиггамо. ‘‘жад̇д̇ааро сад̇ибадтаанаа, жад̇д̇ааро саммаббад̇хаанаа’’д̇и (д̣̇ий. ни. 3.145) ваа ‘‘д̣̇аанагат̇ам̣ сийлагат̇а’’нд̇и (ма. ни. 2.69; д̣̇ий. ни. 1.298) ваа звамаад̣̇и д̣̇зсанааггамо. д̇зсу ид̇ха уббад̇д̇иггамо д̇аава на яуж̇ж̇ад̇и, галалаад̣̇ийнам̣ вияа канд̇хаанам̣ буб̣б̣аабарияававад̇т̇аанзна ануббад̇д̇ид̇о; на бахаанаггамо гусалааб̣яаагад̇аанам̣ аббахаад̇аб̣б̣ад̇о; на бадибад̇д̇иггамо агусалаанам̣ аббадибаж̇ж̇анийяад̇о; на бхуумиггамо взд̣̇анаад̣̇ийнам̣ жад̇убхуумагабарияаабаннад̇д̇аа.

    Tattha ‘‘paṭhamaṃ kalalaṃ hoti, kalalā hoti abbuda’’nti (saṃ. ni. 1.235) evamādi uppattikkamo. ‘‘Dassanena pahātabbā dhammā, bhāvanāya pahātabbā dhammā’’ti (dha. sa. tikamātikā 8) evamādi pahānakkamo. ‘‘Sīlavisuddhi, cittavisuddhī’’ti (ma. ni. 1.259; paṭi. ma. 3.41) evamādi paṭipattikkamo. ‘‘Kāmāvacarā , rūpāvacarā’’ti evamādi bhūmikkamo. ‘‘Cattāro satipaṭṭhānā, cattāro sammappadhānā’’ti (dī. ni. 3.145) vā ‘‘dānakathaṃ sīlakatha’’nti (ma. ni. 2.69; dī. ni. 1.298) vā evamādi desanākkamo. Tesu idha uppattikkamo tāva na yujjati, kalalādīnaṃ viya khandhānaṃ pubbāpariyavavatthānena anuppattito; na pahānakkamo kusalābyākatānaṃ appahātabbato; na paṭipattikkamo akusalānaṃ appaṭipajjanīyato; na bhūmikkamo vedanādīnaṃ catubhūmakapariyāpannattā.

    д̣̇зсанааггамо бана яуж̇ж̇ад̇и. абхзд̣̇зна хи яам̣ бан̃жасу канд̇хзсу ад̇д̇аг̇г̇аахабад̇ид̇ам̣ взнзяяаж̇анам̣ самуухагханавиниб̣бхог̇ад̣̇ассанзна ад̇д̇аг̇г̇аахад̇о можзд̇угаамо бхаг̇аваа хид̇агаамо д̇асса ж̇анасса сукаг̇г̇ахан̣ад̇т̇ам̣ жагкуаад̣̇ийнамби висаяабхууд̇ам̣ ол̣ааригам̣ батамам̣ руубагканд̇хам̣ д̣̇зсзси. д̇ад̇о идтаанидтаруубасам̣взд̣̇ид̇ам̣ взд̣̇анам̣, яам̣ взд̣̇аяад̇и д̇ам̣ сан̃ж̇аанаад̇ийд̇и звам̣ взд̣̇анаависаяасса аагаараг̇г̇аахигам̣ сан̃н̃ам̣, сан̃н̃аавасзна абхисан̇каарагз сан̇каарз, д̇зсам̣ взд̣̇анаад̣̇ийнам̣ ниссаяам̣ ад̇хибад̇ибхууд̇ан̃жа вин̃н̃аан̣анд̇и звам̣ д̇аава ‘гамад̇о’ винижчаяанаяо вин̃н̃аад̇аб̣б̣о.

    Desanākkamo pana yujjati. Abhedena hi yaṃ pañcasu khandhesu attaggāhapatitaṃ veneyyajanaṃ samūhaghanavinibbhogadassanena attaggāhato mocetukāmo bhagavā hitakāmo tassa janassa sukhaggahaṇatthaṃ cakkhuādīnampi visayabhūtaṃ oḷārikaṃ paṭhamaṃ rūpakkhandhaṃ desesi. Tato iṭṭhāniṭṭharūpasaṃveditaṃ vedanaṃ, yaṃ vedayati taṃ sañjānātīti evaṃ vedanāvisayassa ākāraggāhikaṃ saññaṃ, saññāvasena abhisaṅkhārake saṅkhāre, tesaṃ vedanādīnaṃ nissayaṃ adhipatibhūtañca viññāṇanti evaṃ tāva ‘kamato’ vinicchayanayo viññātabbo.

    ‘висзсад̇о’д̇и канд̇хаанан̃жа убаад̣̇аанагканд̇хаанан̃жа висзсад̇о. го бана д̇зсам̣ висзсо? канд̇хаа д̇аава ависзсад̇о вуд̇д̇аа, убаад̣̇аанагканд̇хаа саасаваубаад̣̇аанийяабхаавзна висзсзд̇ваа. яат̇ааха –

    ‘Visesato’ti khandhānañca upādānakkhandhānañca visesato. Ko pana tesaṃ viseso? Khandhā tāva avisesato vuttā, upādānakkhandhā sāsavaupādānīyabhāvena visesetvā. Yathāha –

    ‘‘бан̃жа, бхигкавз, канд̇хз д̣̇зсзссаами бан̃жубаад̣̇аанагканд̇хз жа, д̇ам̣ сун̣аат̇а. гад̇амз жа, бхигкавз, бан̃жагканд̇хаа? яам̣ гин̃жи, бхигкавз, руубам̣ ад̇ийд̇аанааг̇ад̇абажжуббаннам̣…бз… санд̇игз ваа – аяам̣ вужжад̇и, руубагканд̇хо. яаа гаажи взд̣̇анаа…бз… яаа гаажи сан̃н̃аа…бз… яз гзжи сан̇каараа…бз… яам̣ гин̃жи вин̃н̃аан̣ам̣ …бз… санд̇игз ваа – аяам̣ вужжад̇и, вин̃н̃аан̣агканд̇хо. имз вужжанд̇и, бхигкавз, бан̃жагканд̇хаа. гад̇амз жа, бхигкавз, бан̃жубаад̣̇аанагканд̇хаа? яам̣ гин̃жи, бхигкавз, руубам̣…бз… санд̇игз ваа саасавам̣ убаад̣̇аанияам̣ – аяам̣ вужжад̇и, руубуубаад̣̇аанагканд̇хо. яаа гаажи взд̣̇анаа…бз… яам̣ гин̃жи вин̃н̃аан̣ам̣…бз… санд̇игз ваа саасавам̣ убаад̣̇аанияам̣ – аяам̣ вужжад̇и, бхигкавз, вин̃н̃аан̣убаад̣̇аанагканд̇хо. имз вужжанд̇и, бхигкавз, бан̃жубаад̣̇аанагканд̇хаа’’д̇и (сам̣. ни. 3.48).

    ‘‘Pañca, bhikkhave, khandhe desessāmi pañcupādānakkhandhe ca, taṃ suṇātha. Katame ca, bhikkhave, pañcakkhandhā? Yaṃ kiñci, bhikkhave, rūpaṃ atītānāgatapaccuppannaṃ…pe… santike vā – ayaṃ vuccati, rūpakkhandho. Yā kāci vedanā…pe… yā kāci saññā…pe… ye keci saṅkhārā…pe… yaṃ kiñci viññāṇaṃ …pe… santike vā – ayaṃ vuccati, viññāṇakkhandho. Ime vuccanti, bhikkhave, pañcakkhandhā. Katame ca, bhikkhave, pañcupādānakkhandhā? Yaṃ kiñci, bhikkhave, rūpaṃ…pe… santike vā sāsavaṃ upādāniyaṃ – ayaṃ vuccati, rūpūpādānakkhandho. Yā kāci vedanā…pe… yaṃ kiñci viññāṇaṃ…pe… santike vā sāsavaṃ upādāniyaṃ – ayaṃ vuccati, bhikkhave, viññāṇupādānakkhandho. Ime vuccanti, bhikkhave, pañcupādānakkhandhā’’ti (saṃ. ni. 3.48).

    зд̇т̇а жа яат̇аа взд̣̇анаад̣̇аяо анаасавааби саасавааби ад̇т̇и, на звам̣ руубам̣. яасмаа банасса раасадтзна канд̇хабхааво яуж̇ж̇ад̇и д̇асмаа канд̇хзсу вуд̇д̇ам̣. яасмаа раасадтзна жа саасавадтзна жа убаад̣̇аанагканд̇хабхааво яуж̇ж̇ад̇и д̇асмаа убаад̣̇аанагканд̇хзсу вуд̇д̇ам̣. взд̣̇анаад̣̇аяо бана анаасаваава канд̇хзсу вуд̇д̇аа, саасаваа убаад̣̇аанагканд̇хзсу. ‘убаад̣̇аанагканд̇хаа’д̇и зд̇т̇а жа убаад̣̇аанаг̇ожараа канд̇хаа убаад̣̇аанагканд̇хаад̇и звамад̇т̇о д̣̇адтаб̣б̣о. ид̇ха бана саб̣б̣збзд̇з згаж̇жхам̣ гад̇ваа канд̇хаад̇и ад̇хиббзд̇аа.

    Ettha ca yathā vedanādayo anāsavāpi sāsavāpi atthi, na evaṃ rūpaṃ. Yasmā panassa rāsaṭṭhena khandhabhāvo yujjati tasmā khandhesu vuttaṃ. Yasmā rāsaṭṭhena ca sāsavaṭṭhena ca upādānakkhandhabhāvo yujjati tasmā upādānakkhandhesu vuttaṃ. Vedanādayo pana anāsavāva khandhesu vuttā, sāsavā upādānakkhandhesu. ‘Upādānakkhandhā’ti ettha ca upādānagocarā khandhā upādānakkhandhāti evamattho daṭṭhabbo. Idha pana sabbepete ekajjhaṃ katvā khandhāti adhippetā.

    ‘ануунаад̇хигад̇о’д̇и гасмаа бана бхаг̇авад̇аа бан̃жзва канд̇хаа вуд̇д̇аа ануунаа анад̇хигаад̇и? саб̣б̣асан̇кад̇асабхааг̇згасан̇г̇ахад̇о, ад̇д̇ад̇д̇анияаг̇г̇аахавад̇т̇усса зд̇аббарамад̇о, ан̃н̃зсан̃жа д̇ад̣̇аварод̇хад̇о. анзгаббабхзд̣̇зсу хи сан̇кад̇ад̇хаммзсу сабхааг̇авасзна сан̇г̇аяхамаанзсу руубам̣ руубасабхааг̇асан̇г̇ахавасзна зго канд̇хо ход̇и, взд̣̇анаа взд̣̇анаасабхааг̇асан̇г̇ахавасзна зго канд̇хо ход̇и. зса наяо сан̃н̃аад̣̇ийсуби. д̇асмаа саб̣б̣асан̇кад̇асабхааг̇асан̇г̇ахад̇о бан̃жзва вуд̇д̇аа. зд̇абараман̃жзд̇ам̣ ад̇д̇ад̇д̇анияаг̇г̇аахавад̇т̇у яад̣̇ид̣̇ам̣ руубаад̣̇аяо бан̃жа. вуд̇д̇ан̃хзд̇ам̣ – ‘‘руубз ко, бхигкавз, сад̇и руубам̣ убаад̣̇ааяа руубам̣ абхинивисса звам̣ д̣̇идти уббаж̇ж̇ад̇и – ‘зд̇ам̣ мама, зсохамасми, зсо мз ад̇д̇аа’д̇и (сам̣. ни. 3.207). взд̣̇анааяа… сан̃н̃ааяа… сан̇каарзсу…. вин̃н̃аан̣з сад̇и вин̃н̃аан̣ам̣ убаад̣̇ааяа вин̃н̃аан̣ам̣ абхинивисса звам̣ д̣̇идти уббаж̇ж̇ад̇и – ‘зд̇ам̣ мама, зсохамасми, зсо мз ад̇д̇аа’’’д̇и. д̇асмаа ад̇д̇ад̇д̇анияаг̇г̇аахавад̇т̇усса зд̇абарамад̇оби бан̃жзва вуд̇д̇аа. язби жан̃н̃з сийлаад̣̇аяо бан̃жа д̇хаммагканд̇хаа вуд̇д̇аа, д̇зби сан̇каарагканд̇хабарияаабаннад̇д̇аа зд̇т̇зва аварод̇хам̣ г̇ажчанд̇и. д̇асмаа ан̃н̃зсам̣ д̇ад̣̇аварод̇хад̇оби бан̃жзва вуд̇д̇аад̇и. звам̣ ‘ануунаад̇хигад̇о’ винижчаяанаяо вин̃н̃аад̇аб̣б̣о.

    ‘Anūnādhikato’ti kasmā pana bhagavatā pañceva khandhā vuttā anūnā anadhikāti? Sabbasaṅkhatasabhāgekasaṅgahato, attattaniyaggāhavatthussa etapparamato, aññesañca tadavarodhato. Anekappabhedesu hi saṅkhatadhammesu sabhāgavasena saṅgayhamānesu rūpaṃ rūpasabhāgasaṅgahavasena eko khandho hoti, vedanā vedanāsabhāgasaṅgahavasena eko khandho hoti. Esa nayo saññādīsupi. Tasmā sabbasaṅkhatasabhāgasaṅgahato pañceva vuttā. Etaparamañcetaṃ attattaniyaggāhavatthu yadidaṃ rūpādayo pañca. Vuttañhetaṃ – ‘‘rūpe kho, bhikkhave, sati rūpaṃ upādāya rūpaṃ abhinivissa evaṃ diṭṭhi uppajjati – ‘etaṃ mama, esohamasmi, eso me attā’ti (saṃ. ni. 3.207). Vedanāya… saññāya… saṅkhāresu…. Viññāṇe sati viññāṇaṃ upādāya viññāṇaṃ abhinivissa evaṃ diṭṭhi uppajjati – ‘etaṃ mama, esohamasmi, eso me attā’’’ti. Tasmā attattaniyaggāhavatthussa etaparamatopi pañceva vuttā. Yepi caññe sīlādayo pañca dhammakkhandhā vuttā, tepi saṅkhārakkhandhapariyāpannattā ettheva avarodhaṃ gacchanti. Tasmā aññesaṃ tadavarodhatopi pañceva vuttāti. Evaṃ ‘anūnādhikato’ vinicchayanayo viññātabbo.

    ‘убамаад̇о’д̇и зд̇т̇а хи г̇илаанасаалуубамо руубубаад̣̇аанагканд̇хо г̇илаануубамасса вин̃н̃аан̣убаад̣̇аанагканд̇хасса вад̇т̇уд̣̇ваараарамман̣авасзна ниваасанадтаанад̇о, г̇злан̃н̃уубамо взд̣̇анубаад̣̇аанагканд̇хо ааб̣аад̇хагад̇д̇аа, г̇злан̃н̃асамудтаануубамо сан̃н̃убаад̣̇аанагканд̇хо гаамасан̃н̃аад̣̇ивасзна рааг̇аад̣̇исамбаяуд̇д̇авзд̣̇анаасамбхаваа, асаббааяасзвануубамо сан̇каарубаад̣̇аанагканд̇хо взд̣̇анааг̇злан̃н̃асса нид̣̇аанад̇д̇аа. ‘‘взд̣̇анам̣ взд̣̇анад̇д̇ааяа сан̇кад̇амабхисан̇каронд̇ий’’д̇и (сам̣. ни. 3.79) хи вуд̇д̇ам̣. д̇ат̇аа ‘‘агусаласса гаммасса гад̇ад̇д̇аа убажид̇ад̇д̇аа вибаагам̣ гааяавин̃н̃аан̣ам̣ уббаннам̣ ход̇и д̣̇угкасахаг̇ад̇а’’нд̇и (д̇ха. са. 556). г̇илаануубамо вин̃н̃аан̣убаад̣̇аанагканд̇хо взд̣̇анааг̇злан̃н̃зна абаримуд̇д̇ад̇д̇аа. абижа жаарагагааран̣аабараад̇хагааран̣агаарагаабараад̇хигуубамаа зд̇з бхааж̇анабхож̇анаб̣яан̃ж̇анабаривзсагабхун̃ж̇агуубамаа жаад̇и, звам̣ ‘убамаад̇о’ винижчаяанаяо вин̃н̃аад̇аб̣б̣о.

    ‘Upamāto’ti ettha hi gilānasālūpamo rūpupādānakkhandho gilānūpamassa viññāṇupādānakkhandhassa vatthudvārārammaṇavasena nivāsanaṭṭhānato, gelaññūpamo vedanupādānakkhandho ābādhakattā, gelaññasamuṭṭhānūpamo saññupādānakkhandho kāmasaññādivasena rāgādisampayuttavedanāsambhavā, asappāyasevanūpamo saṅkhārupādānakkhandho vedanāgelaññassa nidānattā. ‘‘Vedanaṃ vedanattāya saṅkhatamabhisaṅkharontī’’ti (saṃ. ni. 3.79) hi vuttaṃ. Tathā ‘‘akusalassa kammassa katattā upacitattā vipākaṃ kāyaviññāṇaṃ uppannaṃ hoti dukkhasahagata’’nti (dha. sa. 556). Gilānūpamo viññāṇupādānakkhandho vedanāgelaññena aparimuttattā. Apica cārakakāraṇaaparādhakāraṇakārakaaparādhikūpamā ete bhājanabhojanabyañjanaparivesakabhuñjakūpamā cāti, evaṃ ‘upamāto’ vinicchayanayo viññātabbo.

    ‘д̣̇адтаб̣б̣ад̇о д̣̇вид̇хаа’д̇и сан̇кзбад̇о вид̇т̇аарад̇о жаад̇и звам̣ д̣̇вид̇хаа д̣̇адтаб̣б̣ад̇о бзд̇т̇а винижчаяанаяо вин̃н̃аад̇аб̣б̣о. сан̇кзбад̇о хи бан̃жубаад̣̇аанагканд̇хаа аасивисуубамз (сам̣. ни. 4.238) вуд̇д̇анаязна угкид̇д̇аасигабажжад̇т̇игад̇о, бхаарасуд̇д̇авасзна (сам̣. ни. 3.22) бхаарад̇о, каж̇ж̇анийяабарияааяавасзна (сам̣. ни. 3.79) каад̣̇агад̇о, яамагасуд̇д̇авасзна (сам̣. ни. 3.85) анижжад̣̇угкаанад̇д̇асан̇кад̇авад̇хагад̇о д̣̇адтаб̣б̣аа.

    ‘Daṭṭhabbato dvidhā’ti saṅkhepato vitthārato cāti evaṃ dvidhā daṭṭhabbato pettha vinicchayanayo viññātabbo. Saṅkhepato hi pañcupādānakkhandhā āsivisūpame (saṃ. ni. 4.238) vuttanayena ukkhittāsikapaccatthikato, bhārasuttavasena (saṃ. ni. 3.22) bhārato, khajjanīyapariyāyavasena (saṃ. ni. 3.79) khādakato, yamakasuttavasena (saṃ. ni. 3.85) aniccadukkhānattasaṅkhatavadhakato daṭṭhabbā.

    вид̇т̇аарад̇о банзд̇т̇а пзн̣абин̣д̣о вияа руубам̣ д̣̇адтаб̣б̣ам̣, уд̣̇агабуб̣б̣ул̣о вияа взд̣̇анаа, марийжигаа вияа сан̃н̃аа, гад̣̇алигканд̇хо вияа сан̇каараа, мааяаа вияа вин̃н̃аан̣ам̣. вуд̇д̇ан̃хзд̇ам̣ –

    Vitthārato panettha pheṇapiṇḍo viya rūpaṃ daṭṭhabbaṃ, udakapubbuḷo viya vedanā, marīcikā viya saññā, kadalikkhandho viya saṅkhārā, māyā viya viññāṇaṃ. Vuttañhetaṃ –

    ‘‘пзн̣абин̣д̣уубамам̣ руубам̣, взд̣̇анаа буб̣б̣ул̣уубамаа;

    ‘‘Pheṇapiṇḍūpamaṃ rūpaṃ, vedanā pubbuḷūpamā;

    марийжигуубамаа сан̃н̃аа, сан̇каараа гад̣̇алуубамаа;

    Marīcikūpamā saññā, saṅkhārā kadalūpamā;

    мааяуубаман̃жа вин̃н̃аан̣ам̣, д̣̇зсид̇аад̣̇ижжаб̣анд̇хунаа’’д̇и. (сам̣. ни. 3.95);

    Māyūpamañca viññāṇaṃ, desitādiccabandhunā’’ti. (saṃ. ni. 3.95);

    д̇ад̇т̇а руубаад̣̇ийнам̣ пзн̣абин̣д̣аад̣̇ийхи звам̣ сад̣̇исад̇аа взд̣̇ид̇аб̣б̣аа – яат̇аа хи пзн̣абин̣д̣о ниссаарова звам̣ руубамби нижжасаарад̇хувасаараад̇д̇асааравирахзна ниссаарамзва. яат̇аа жа со ‘иминаа бад̇д̇ам̣ ваа т̇аалагам̣ ваа гариссаамий’д̇и г̇ахзд̇ум̣ на саггаа, г̇ахид̇оби д̇амад̇т̇ам̣ на саад̇хзд̇и бхиж̇ж̇ад̇зва; звам̣ руубамби ‘нижжа’нд̇и ваа ‘д̇хува’нд̇и ваа ‘аха’нд̇и ваа ‘мама’нд̇и ваа г̇ахзд̇ум̣ на саггаа, г̇ахид̇амби на д̇ат̇аа д̇идтад̇и, анижжам̣ д̣̇угкам̣ анад̇д̇аа асубхан̃н̃зва ход̇ийд̇и. звам̣ ‘пзн̣абин̣д̣асад̣̇исамзва’ ход̇и.

    Tattha rūpādīnaṃ pheṇapiṇḍādīhi evaṃ sadisatā veditabbā – yathā hi pheṇapiṇḍo nissārova evaṃ rūpampi niccasāradhuvasāraattasāravirahena nissārameva. Yathā ca so ‘iminā pattaṃ vā thālakaṃ vā karissāmī’ti gahetuṃ na sakkā, gahitopi tamatthaṃ na sādheti bhijjateva; evaṃ rūpampi ‘nicca’nti vā ‘dhuva’nti vā ‘aha’nti vā ‘mama’nti vā gahetuṃ na sakkā, gahitampi na tathā tiṭṭhati, aniccaṃ dukkhaṃ anattā asubhaññeva hotīti. Evaṃ ‘pheṇapiṇḍasadisameva’ hoti.

    яат̇аа ваа бана пзн̣абин̣д̣о чид̣̇д̣̇аавачид̣̇д̣̇о анзгасанд̇хигхадид̇о б̣ахууннам̣ уд̣̇агасаббаад̣̇ийнам̣ баан̣аанам̣ ааваасо, звам̣ руубамби чид̣̇д̣̇аавачид̣̇д̣̇ам̣ анзгасанд̇хигхадид̇ам̣. гулавасзна жзд̇т̇а асийд̇и гимигулаани васанд̇и. д̇ад̣̇зва д̇зсам̣ сууд̇игхарамби важжагудиби г̇илаанасаалааби сусаанамби. на д̇з ан̃н̃ад̇т̇а г̇анд̇ваа г̇аб̣бхавудтаанаад̣̇ийни гаронд̇и. звамби пзн̣абин̣д̣асад̣̇исам̣. яат̇аа жа пзн̣абин̣д̣о аад̣̇ид̇ова б̣ад̣̇арабаггамад̇д̇о худ̇ваа анубуб̣б̣зна баб̣б̣ад̇агуудамад̇д̇оби ход̇и, звам̣ руубамби аад̣̇ид̇о галаламад̇д̇ам̣ худ̇ваа анубуб̣б̣зна б̣яаамамад̇д̇амби г̇омахим̣сахад̇т̇иаад̣̇ийнам̣ васзна баб̣б̣ад̇агуудамад̇д̇амби ход̇и, мажчагажчабаад̣̇ийнам̣ васзна анзгаяож̇анасад̇аббамаан̣амби. звамби пзн̣абин̣д̣асад̣̇исам̣. яат̇аа жа пзн̣абин̣д̣о удтид̇амад̇д̇оби бхиж̇ж̇ад̇и, т̇огам̣ г̇анд̇вааби, самуд̣̇д̣̇ам̣ бад̇ваа бана авассамзва бхиж̇ж̇ад̇и; звамзва руубамби галалабхаавзби бхиж̇ж̇ад̇и, аб̣б̣уд̣̇аад̣̇ибхаавз, анд̇араа бана абхзж̇ж̇амаанамби вассасад̇ааяугаанам̣ вассасад̇ам̣ бад̇ваа авассамзва бхиж̇ж̇ад̇и, маран̣амукз жун̣н̣авижун̣н̣ам̣ ход̇и. звамби пзн̣абин̣д̣асад̣̇исам̣.

    Yathā vā pana pheṇapiṇḍo chiddāvachiddo anekasandhighaṭito bahūnnaṃ udakasappādīnaṃ pāṇānaṃ āvāso, evaṃ rūpampi chiddāvachiddaṃ anekasandhighaṭitaṃ. Kulavasena cettha asīti kimikulāni vasanti. Tadeva tesaṃ sūtigharampi vaccakuṭipi gilānasālāpi susānampi. Na te aññattha gantvā gabbhavuṭṭhānādīni karonti. Evampi pheṇapiṇḍasadisaṃ. Yathā ca pheṇapiṇḍo āditova badarapakkamatto hutvā anupubbena pabbatakūṭamattopi hoti, evaṃ rūpampi ādito kalalamattaṃ hutvā anupubbena byāmamattampi gomahiṃsahatthiādīnaṃ vasena pabbatakūṭamattampi hoti, macchakacchapādīnaṃ vasena anekayojanasatappamāṇampi. Evampi pheṇapiṇḍasadisaṃ. Yathā ca pheṇapiṇḍo uṭṭhitamattopi bhijjati, thokaṃ gantvāpi, samuddaṃ patvā pana avassameva bhijjati; evameva rūpampi kalalabhāvepi bhijjati, abbudādibhāve, antarā pana abhejjamānampi vassasatāyukānaṃ vassasataṃ patvā avassameva bhijjati, maraṇamukhe cuṇṇavicuṇṇaṃ hoti. Evampi pheṇapiṇḍasadisaṃ.

    яат̇аа бана буб̣б̣ул̣о асааро, звам̣ взд̣̇анааби. яат̇аа жа со аб̣ало, аг̇аяхубаг̇о, на саггаа д̇ам̣ г̇ахзд̇ваа палагам̣ ваа аасанам̣ ваа гаад̇ум̣, г̇ахид̇аг̇г̇ахид̇оби бхиж̇ж̇ад̇зва; звам̣ взд̣̇анааби аб̣алаа, аг̇аяхубаг̇аа, на саггаа ‘нижжаа’д̇и ваа ‘д̇хуваа’д̇и ваа г̇ахзд̇ум̣, г̇ахид̇ааби на д̇ат̇аа д̇идтад̇и. звам̣ аг̇аяхубаг̇ад̇ааяаби взд̣̇анаа ‘буб̣б̣ул̣асад̣̇исаа’. яат̇аа бана д̇асмим̣ д̇асмим̣ уд̣̇агаб̣инд̣̇умхи буб̣б̣ул̣о уббаж̇ж̇ад̇и жзва нируж̇жхад̇и жа, на жирадтид̇иго ход̇и; звам̣ взд̣̇анааби уббаж̇ж̇ад̇и жзва нируж̇жхад̇и жа, на жирадтид̇игаа ход̇и, згажчарагкан̣з годисад̇асахассасан̇кяаа уббаж̇ж̇ид̇ваа нируж̇жхад̇и. яат̇аа жа буб̣б̣ул̣о уд̣̇агад̇алам̣, уд̣̇агаб̣инд̣̇ум̣ , уд̣̇агаж̇аллагам̣ сан̇гад̣дхид̇ваа будам̣ гад̇ваа г̇ахан̣аваад̇ан̃жаад̇и жад̇д̇аари гааран̣аани бадижжа уббаж̇ж̇ад̇и; звам̣ взд̣̇анааби вад̇т̇ум̣, аарамман̣ам̣, гилзсаж̇аалам̣, пассасан̇гхадданан̃жаад̇и жад̇д̇аари гааран̣аани бадижжа уббаж̇ж̇ад̇и. звамби взд̣̇анаа буб̣б̣ул̣асад̣̇исаа.

    Yathā pana pubbuḷo asāro, evaṃ vedanāpi. Yathā ca so abalo, agayhupago, na sakkā taṃ gahetvā phalakaṃ vā āsanaṃ vā kātuṃ, gahitaggahitopi bhijjateva; evaṃ vedanāpi abalā, agayhupagā, na sakkā ‘niccā’ti vā ‘dhuvā’ti vā gahetuṃ, gahitāpi na tathā tiṭṭhati. Evaṃ agayhupagatāyapi vedanā ‘pubbuḷasadisā’. Yathā pana tasmiṃ tasmiṃ udakabindumhi pubbuḷo uppajjati ceva nirujjhati ca, na ciraṭṭhitiko hoti; evaṃ vedanāpi uppajjati ceva nirujjhati ca, na ciraṭṭhitikā hoti, ekaccharakkhaṇe koṭisatasahassasaṅkhyā uppajjitvā nirujjhati. Yathā ca pubbuḷo udakatalaṃ, udakabinduṃ , udakajallakaṃ saṅkaḍḍhitvā puṭaṃ katvā gahaṇavātañcāti cattāri kāraṇāni paṭicca uppajjati; evaṃ vedanāpi vatthuṃ, ārammaṇaṃ, kilesajālaṃ, phassasaṅghaṭṭanañcāti cattāri kāraṇāni paṭicca uppajjati. Evampi vedanā pubbuḷasadisā.

    сан̃н̃ааби асаарагадтзна ‘марийжисад̣̇исаа’. д̇ат̇аа аг̇аяхубаг̇адтзна; на хи саггаа д̇ам̣ г̇ахзд̇ваа бивид̇ум̣ ваа нхааяид̇ум̣ ваа бхааж̇анам̣ ваа буурзд̇ум̣. абижа яат̇аа марийжи вибпанд̣̇ад̇и, сан̃ж̇аад̇уумивзг̇о вияа кааяад̇и; звам̣ нийласан̃н̃аад̣̇ибхзд̣̇аа сан̃н̃ааби нийлаад̣̇ианубхаванад̇т̇ааяа панд̣̇ад̇и вибпанд̣̇ад̇и. яат̇аа жа марийжи махааж̇анам̣ виббаламбхзд̇и , ‘барибун̣н̣аваабий вияа барибун̣н̣анад̣̇ий вияа д̣̇иссад̇ий’д̇и вад̣̇аабзд̇и; звам̣ сан̃н̃ааби виббаламбхзд̇и, ‘ид̣̇ам̣ нийлагам̣ субхам̣ сукам̣ нижжа’нд̇и вад̣̇аабзд̇и. бийд̇агаад̣̇ийсуби зсзва наяо. звам̣ виббаламбханзнааби марийжисад̣̇исаа.

    Saññāpi asārakaṭṭhena ‘marīcisadisā’. Tathā agayhupagaṭṭhena; na hi sakkā taṃ gahetvā pivituṃ vā nhāyituṃ vā bhājanaṃ vā pūretuṃ. Apica yathā marīci vipphandati, sañjātūmivego viya khāyati; evaṃ nīlasaññādibhedā saññāpi nīlādianubhavanatthāya phandati vipphandati. Yathā ca marīci mahājanaṃ vippalambheti , ‘paripuṇṇavāpī viya paripuṇṇanadī viya dissatī’ti vadāpeti; evaṃ saññāpi vippalambheti, ‘idaṃ nīlakaṃ subhaṃ sukhaṃ nicca’nti vadāpeti. Pītakādīsupi eseva nayo. Evaṃ vippalambhanenāpi marīcisadisā.

    сан̇каарааби асаарагадтзна ‘гад̣̇алигканд̇хасад̣̇исаа’. д̇ат̇аа аг̇аяхубаг̇адтзна. яат̇зва хи гад̣̇алигканд̇хад̇о гин̃жи г̇ахзд̇ваа на саггаа г̇обаанасийаад̣̇ийнамад̇т̇ааяа убанзд̇ум̣, убанийд̇амби на д̇ат̇аа ход̇и; звам̣ сан̇каарааби на саггаа нижжаад̣̇ивасзна г̇ахзд̇ум̣, г̇ахид̇ааби на д̇ат̇аа хонд̇и. яат̇аа жа гад̣̇алигканд̇хо б̣ахуваддисамод̇хаано ход̇и, звам̣ сан̇каарагканд̇хоби б̣ахуд̇хаммасамод̇хаано. яат̇аа жа гад̣̇алигканд̇хо наанаалагкан̣о, ан̃н̃оязва хи б̣аахирааяа бад̇д̇аваддияаа ван̣н̣о, ан̃н̃о д̇ад̇о аб̣бханд̇араб̣бханд̇араанам̣; звамзва сан̇каарагканд̇хоби ан̃н̃ад̣̇зва пассасса лагкан̣ам̣, ан̃н̃ам̣ жзд̇анаад̣̇ийнам̣. самод̇хаанзд̇ваа бана сан̇каарагканд̇ход̇взва вужжад̇ийд̇и. звамби сан̇каарагканд̇хо гад̣̇алигканд̇хасад̣̇исо.

    Saṅkhārāpi asārakaṭṭhena ‘kadalikkhandhasadisā’. Tathā agayhupagaṭṭhena. Yatheva hi kadalikkhandhato kiñci gahetvā na sakkā gopānasīādīnamatthāya upanetuṃ, upanītampi na tathā hoti; evaṃ saṅkhārāpi na sakkā niccādivasena gahetuṃ, gahitāpi na tathā honti. Yathā ca kadalikkhandho bahuvaṭṭisamodhāno hoti, evaṃ saṅkhārakkhandhopi bahudhammasamodhāno. Yathā ca kadalikkhandho nānālakkhaṇo, aññoyeva hi bāhirāya pattavaṭṭiyā vaṇṇo, añño tato abbhantarabbhantarānaṃ; evameva saṅkhārakkhandhopi aññadeva phassassa lakkhaṇaṃ, aññaṃ cetanādīnaṃ. Samodhānetvā pana saṅkhārakkhandhotveva vuccatīti. Evampi saṅkhārakkhandho kadalikkhandhasadiso.

    вин̃н̃аан̣амби асаарагадтзна ‘мааяаасад̣̇исам̣’. д̇ат̇аа аг̇аяхубаг̇адтзна. яат̇аа жа мааяаа ид̇д̇араа лахубажжубадтаанаа, звам̣ вин̃н̃аан̣ам̣. д̇ан̃хи д̇ад̇оби ид̇д̇арад̇аран̃жзва лахубажжубадтаанад̇аран̃жа. д̇знзва хи жид̇д̇зна бурисо ааг̇ад̇о вияа, г̇ад̇о вияа, тид̇о вияа, нисинно вияа ход̇и. ан̃н̃ад̣̇зва жааг̇аманагаалз жид̇д̇ам̣, ан̃н̃ам̣ г̇аманагаалаад̣̇ийсу. звамби вин̃н̃аан̣ам̣ мааяаасад̣̇исам̣. мааяаа жа махааж̇анам̣ ван̃жзд̇и, яам̣ гин̃жид̣̇зва ‘ид̣̇ам̣ суван̣н̣ам̣ раж̇ад̇ам̣ муд̇д̇аа’д̇иби г̇ахаабзд̇и. вин̃н̃аан̣амби махааж̇анам̣ ван̃жзд̇и, д̇знзва жид̇д̇зна ааг̇ажчанд̇ам̣ вияа, г̇ажчанд̇ам̣ вияа, тид̇ам̣ вияа, нисиннам̣ вияа гад̇ваа г̇аахаабзд̇и. ан̃н̃ад̣̇зва жа ааг̇аманз жид̇д̇ам̣, ан̃н̃ам̣ г̇аманаад̣̇ийсу. звамби вин̃н̃аан̣ам̣ мааяаасад̣̇исам̣. висзсад̇о жа субхаарамман̣амби ол̣ааригамби аж̇жхад̇д̇игаруубам̣ асубханд̇и д̣̇адтаб̣б̣ам̣. взд̣̇анаа д̇ийхи д̣̇угкад̇аахи авинимуд̇д̇ад̇о д̣̇угкаад̇и сан̃н̃аасан̇каараа авид̇хзяяад̇о анад̇д̇аад̇и вин̃н̃аан̣ам̣ уд̣̇аяаб̣б̣аяад̇хаммад̇о анижжанд̇и д̣̇адтаб̣б̣ам̣.

    Viññāṇampi asārakaṭṭhena ‘māyāsadisaṃ’. Tathā agayhupagaṭṭhena. Yathā ca māyā ittarā lahupaccupaṭṭhānā, evaṃ viññāṇaṃ. Tañhi tatopi ittaratarañceva lahupaccupaṭṭhānatarañca. Teneva hi cittena puriso āgato viya, gato viya, ṭhito viya, nisinno viya hoti. Aññadeva cāgamanakāle cittaṃ, aññaṃ gamanakālādīsu. Evampi viññāṇaṃ māyāsadisaṃ. Māyā ca mahājanaṃ vañceti, yaṃ kiñcideva ‘idaṃ suvaṇṇaṃ rajataṃ muttā’tipi gahāpeti. Viññāṇampi mahājanaṃ vañceti, teneva cittena āgacchantaṃ viya, gacchantaṃ viya, ṭhitaṃ viya, nisinnaṃ viya katvā gāhāpeti. Aññadeva ca āgamane cittaṃ, aññaṃ gamanādīsu. Evampi viññāṇaṃ māyāsadisaṃ. Visesato ca subhārammaṇampi oḷārikampi ajjhattikarūpaṃ asubhanti daṭṭhabbaṃ. Vedanā tīhi dukkhatāhi avinimuttato dukkhāti saññāsaṅkhārā avidheyyato anattāti viññāṇaṃ udayabbayadhammato aniccanti daṭṭhabbaṃ.

    ‘звам̣ бассанд̇ассад̇т̇асид̣̇д̇хид̇о’д̇и зван̃жа сан̇кзбавид̇т̇ааравасзна д̣̇вид̇хаа бассад̇о яаа ад̇т̇асид̣̇д̇хи ход̇и, д̇ад̇оби винижчаяанаяо вин̃н̃аад̇аб̣б̣о, сзяяат̇ид̣̇ам̣ – сан̇кзбад̇о д̇аава бан̃жубаад̣̇аанагканд̇хзсу угкид̇д̇аасигабажжад̇т̇игаад̣̇ибхаавзна бассанд̇о канд̇хзхи на вихан̃н̃ад̇и. вид̇т̇аарад̇о бана руубаад̣̇ийни пзн̣абин̣д̣аад̣̇исад̣̇исабхаавзна бассанд̇о на асаарзсу саарад̣̇ассий ход̇и. висзсад̇о жа аж̇жхад̇д̇игаруубам̣ асубхад̇о бассанд̇о габ̣ал̣ийгаараахаарам̣ бариж̇аанаад̇и , асубхз субханд̇и вибаллаасам̣ баж̇ахад̇и, гаамогхам̣ уд̇д̇арад̇и, гаамаяог̇зна висам̣яуж̇ж̇ад̇и, гаамаасавзна анаасаво ход̇и, абхиж̇жхаагааяаг̇ант̇ам̣ бхинд̣̇ад̇и, гаамубаад̣̇аанам̣ на убаад̣̇ияад̇и. взд̣̇анам̣ д̣̇угкад̇о бассанд̇о пассаахаарам̣ бариж̇аанаад̇и, д̣̇угкз суканд̇и вибаллаасам̣ баж̇ахад̇и, бхавогхам̣ уд̇д̇арад̇и, бхаваяог̇зна висам̣яуж̇ж̇ад̇и, бхаваасавзна анаасаво ход̇и, б̣яаабаад̣̇агааяаг̇ант̇ам̣ бхинд̣̇ад̇и, сийлаб̣б̣ад̇убаад̣̇аанам̣ на убаад̣̇ияад̇и. сан̃н̃ам̣ сан̇каарз жа анад̇д̇ад̇о бассанд̇о маносан̃жзд̇анаахаарам̣ бариж̇аанаад̇и, анад̇д̇ани ад̇д̇аад̇и вибаллаасам̣ баж̇ахад̇и, д̣̇идтогхам̣ уд̇д̇арад̇и, д̣̇идтияог̇зна висам̣яуж̇ж̇ад̇и, д̣̇идтаасавзна анаасаво ход̇и, ид̣̇ам̣ сажжаабхинивзсагааяаг̇ант̇ам̣ бхинд̣̇ад̇и, ад̇д̇аваад̣̇убаад̣̇аанам̣ на убаад̣̇ияад̇и. вин̃н̃аан̣ам̣ анижжад̇о бассанд̇о вин̃н̃аан̣аахаарам̣ бариж̇аанаад̇и, анижжз нижжанд̇и вибаллаасам̣ баж̇ахад̇и, авиж̇ж̇огхам̣ уд̇д̇арад̇и, авиж̇ж̇ааяог̇зна висам̣яуж̇ж̇ад̇и, авиж̇ж̇аасавзна анаасаво ход̇и, сийлаб̣б̣ад̇абараамаасагааяаг̇ант̇ам̣ бхинд̣̇ад̇и, д̣̇идтубаад̣̇аанам̣ на убаад̣̇ияад̇и.

    ‘Evaṃ passantassatthasiddhito’ti evañca saṅkhepavitthāravasena dvidhā passato yā atthasiddhi hoti, tatopi vinicchayanayo viññātabbo, seyyathidaṃ – saṅkhepato tāva pañcupādānakkhandhesu ukkhittāsikapaccatthikādibhāvena passanto khandhehi na vihaññati. Vitthārato pana rūpādīni pheṇapiṇḍādisadisabhāvena passanto na asāresu sāradassī hoti. Visesato ca ajjhattikarūpaṃ asubhato passanto kabaḷīkārāhāraṃ parijānāti , asubhe subhanti vipallāsaṃ pajahati, kāmoghaṃ uttarati, kāmayogena visaṃyujjati, kāmāsavena anāsavo hoti, abhijjhākāyaganthaṃ bhindati, kāmupādānaṃ na upādiyati. Vedanaṃ dukkhato passanto phassāhāraṃ parijānāti, dukkhe sukhanti vipallāsaṃ pajahati, bhavoghaṃ uttarati, bhavayogena visaṃyujjati, bhavāsavena anāsavo hoti, byāpādakāyaganthaṃ bhindati, sīlabbatupādānaṃ na upādiyati. Saññaṃ saṅkhāre ca anattato passanto manosañcetanāhāraṃ parijānāti, anattani attāti vipallāsaṃ pajahati, diṭṭhoghaṃ uttarati, diṭṭhiyogena visaṃyujjati, diṭṭhāsavena anāsavo hoti, idaṃ saccābhinivesakāyaganthaṃ bhindati, attavādupādānaṃ na upādiyati. Viññāṇaṃ aniccato passanto viññāṇāhāraṃ parijānāti, anicce niccanti vipallāsaṃ pajahati, avijjoghaṃ uttarati, avijjāyogena visaṃyujjati, avijjāsavena anāsavo hoti, sīlabbataparāmāsakāyaganthaṃ bhindati, diṭṭhupādānaṃ na upādiyati.

    звам̣ махаанисам̣сам̣, вад̇хагаад̣̇ивасзна д̣̇ассанам̣ яасмаа;

    Evaṃ mahānisaṃsaṃ, vadhakādivasena dassanaṃ yasmā;

    д̇асмаа канд̇хз д̇хийро, вад̇хагаад̣̇ивасзна бассзяяаад̇и.

    Tasmā khandhe dhīro, vadhakādivasena passeyyāti.

    суд̇д̇анд̇абхааж̇анийяаван̣н̣анаа.

    Suttantabhājanīyavaṇṇanā.




    Next: 2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā




    Related texts:



    д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 1. канд̇хавибхан̇г̇о • 1. Khandhavibhaṅgo

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 1. канд̇хавибхан̇г̇о • 1. Khandhavibhaṅgo

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 1. канд̇хавибхан̇г̇о • 1. Khandhavibhaṅgo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact