| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
9. ид̣̇д̇хибаад̣̇авибхан̇г̇о
9. Iddhipādavibhaṅgo
1. суд̇д̇анд̇абхааж̇анийяаван̣н̣анаа
1. Suttantabhājanīyavaṇṇanā
431. ид̣̇аани д̇ад̣̇ананд̇арз ид̣̇д̇хибаад̣̇авибхан̇г̇з жад̇д̇аарод̇и г̇ан̣анабарижчзд̣̇о. ид̣̇д̇хибаад̣̇аад̇и зд̇т̇а иж̇жхад̇ийд̇и ид̣̇д̇хи, самиж̇жхад̇и нибпаж̇ж̇ад̇ийд̇и ад̇т̇о. иж̇жханд̇и ваа зд̇ааяа сад̇д̇аа ид̣̇д̇хаа вуд̣̇д̇хаа уггам̣саг̇ад̇аа хонд̇ийд̇иби ид̣̇д̇хи. батамзнад̇т̇зна ид̣̇д̇хи зва баад̣̇о ид̣̇д̇хибаад̣̇о, ид̣̇д̇хигодтаасод̇и ад̇т̇о. д̣̇уд̇иязнад̇т̇зна ид̣̇д̇хияаа баад̣̇од̇и ид̣̇д̇хибаад̣̇о; баад̣̇од̇и бад̇идтаа, ад̇хиг̇амубааяод̇и ад̇т̇о. д̇зна хи яасмаа убаруубаривисзсасан̇каад̇ам̣ ид̣̇д̇хим̣ баж̇ж̇анд̇и баабун̣анд̇и, д̇асмаа баад̣̇од̇и вужжад̇и. звам̣ д̇аава ‘‘жад̇д̇ааро ид̣̇д̇хибаад̣̇аа’’д̇и зд̇т̇а ад̇т̇о взд̣̇ид̇аб̣б̣о.
431. Idāni tadanantare iddhipādavibhaṅge cattāroti gaṇanaparicchedo. Iddhipādāti ettha ijjhatīti iddhi, samijjhati nipphajjatīti attho. Ijjhanti vā etāya sattā iddhā vuddhā ukkaṃsagatā hontītipi iddhi. Paṭhamenatthena iddhi eva pādo iddhipādo, iddhikoṭṭhāsoti attho. Dutiyenatthena iddhiyā pādoti iddhipādo; pādoti patiṭṭhā, adhigamupāyoti attho. Tena hi yasmā uparūparivisesasaṅkhātaṃ iddhiṃ pajjanti pāpuṇanti, tasmā pādoti vuccati. Evaṃ tāva ‘‘cattāro iddhipādā’’ti ettha attho veditabbo.
ид̣̇аани д̇з бхааж̇зд̇ваа д̣̇ассзд̇ум̣ ид̇ха бхигкууд̇иаад̣̇и аарад̣̇д̇хам̣. д̇ад̇т̇а ид̇ха бхигкууд̇и имасмим̣ саасанз бхигку. чанд̣̇асамаад̇хибад̇хаанасан̇каарасаманнааг̇ад̇анд̇и зд̇т̇а чанд̣̇ахзд̇уго чанд̣̇аад̇хиго ваа самаад̇хи чанд̣̇асамаад̇хи. гад̇д̇угамяад̇аачанд̣̇ам̣ ад̇хибад̇им̣ гарид̇ваа бадилад̣̇д̇хасамаад̇хиссзд̇ам̣ ад̇хиважанам̣. бад̇хаанабхууд̇аа сан̇каараа бад̇хаанасан̇каараа. жад̇угижжасаад̇хагасса саммаббад̇хаанавийрияассзд̇ам̣ ад̇хиважанам̣. саманнааг̇ад̇анд̇и чанд̣̇асамаад̇хинаа жа бад̇хаанасан̇каарзхи жа убзд̇ам̣. ид̣̇д̇хибаад̣̇анд̇и нибпад̇д̇ибарияааязна ваа иж̇жханагадтзна иж̇жханд̇и зд̇ааяа сад̇д̇аа ид̣̇д̇хаа вуд̣̇д̇хаа уггам̣саг̇ад̇аа хонд̇ийд̇и иминаа ваа барияааязна ид̣̇д̇хийд̇и сан̇кам̣ г̇ад̇аанам̣ убажаараж̇жхаанаад̣̇игусалажид̇д̇асамбаяуд̇д̇аанам̣ чанд̣̇асамаад̇хибад̇хаанасан̇каараанам̣ ад̇хидтаанадтзна баад̣̇абхууд̇ам̣ сзсажид̇д̇ажзд̇асигараасинд̇и ад̇т̇о. яан̃хи барад̇о ‘‘ид̣̇д̇хибаад̣̇од̇и д̇ат̇аабхууд̇асса взд̣̇анаагканд̇хо…бз… вин̃н̃аан̣агканд̇хо’’д̇и вуд̇д̇ам̣, д̇ам̣ иминаа ад̇т̇зна яуж̇ж̇ад̇и. иминаа наязна сзсзсуби ад̇т̇о взд̣̇ид̇аб̣б̣о. яат̇зва хи чанд̣̇ам̣ ад̇хибад̇им̣ гарид̇ваа бадилад̣̇д̇хасамаад̇хи чанд̣̇асамаад̇хийд̇и вуд̇д̇о, звам̣ вийрияам̣…бз… жид̇д̇ам̣. виймам̣сам̣ ад̇хибад̇им̣ гарид̇ваа бадилад̣̇д̇хасамаад̇хи виймам̣сасамаад̇хийд̇и вужжад̇и.
Idāni te bhājetvā dassetuṃ idha bhikkhūtiādi āraddhaṃ. Tattha idha bhikkhūti imasmiṃ sāsane bhikkhu. Chandasamādhipadhānasaṅkhārasamannāgatanti ettha chandahetuko chandādhiko vā samādhi chandasamādhi. Kattukamyatāchandaṃ adhipatiṃ karitvā paṭiladdhasamādhissetaṃ adhivacanaṃ. Padhānabhūtā saṅkhārā padhānasaṅkhārā. Catukiccasādhakassa sammappadhānavīriyassetaṃ adhivacanaṃ. Samannāgatanti chandasamādhinā ca padhānasaṅkhārehi ca upetaṃ. Iddhipādanti nipphattipariyāyena vā ijjhanakaṭṭhena ijjhanti etāya sattā iddhā vuddhā ukkaṃsagatā hontīti iminā vā pariyāyena iddhīti saṅkhaṃ gatānaṃ upacārajjhānādikusalacittasampayuttānaṃ chandasamādhipadhānasaṅkhārānaṃ adhiṭṭhānaṭṭhena pādabhūtaṃ sesacittacetasikarāsinti attho. Yañhi parato ‘‘iddhipādoti tathābhūtassa vedanākkhandho…pe… viññāṇakkhandho’’ti vuttaṃ, taṃ iminā atthena yujjati. Iminā nayena sesesupi attho veditabbo. Yatheva hi chandaṃ adhipatiṃ karitvā paṭiladdhasamādhi chandasamādhīti vutto, evaṃ vīriyaṃ…pe… cittaṃ. Vīmaṃsaṃ adhipatiṃ karitvā paṭiladdhasamādhi vīmaṃsasamādhīti vuccati.
ид̣̇аани чанд̣̇асамаад̇хиаад̣̇ийни бад̣̇аани бхааж̇зд̇ваа д̣̇ассзд̇ум̣ гат̇ан̃жа бхигкууд̇иаад̣̇и аарад̣̇д̇хам̣. д̇ад̇т̇а чанд̣̇ан̃жз бхигку ад̇хибад̇им̣ гарид̇ваад̇и яад̣̇и бхигку чанд̣̇ам̣ ад̇хибад̇им̣ чанд̣̇ам̣ ж̇здтагам̣ чанд̣̇ам̣ д̇хурам̣ чанд̣̇ам̣ буб̣б̣ан̇г̇амам̣ гад̇ваа самаад̇хим̣ бадилабхад̇и ниб̣б̣ад̇д̇зд̇и, звам̣ ниб̣б̣ад̇д̇ид̇о аяам̣ самаад̇хи чанд̣̇асамаад̇хи наама вужжад̇ийд̇и ад̇т̇о. вийрияан̃жзд̇иаад̣̇ийсуби зсзва наяо. имз вужжанд̇и бад̇хаанасан̇каараад̇и зд̇д̇аавад̇аа чанд̣̇ид̣̇д̇хибаад̣̇ам̣ бхааваяамаанасса бхигкуно бад̇хаанаабхисан̇каарасан̇каад̇ажад̇угижжасаад̇хагам̣ вийрияам̣ гат̇ид̇ам̣. д̇ад̣̇згаж̇жхам̣ абхисан̃н̃уухид̇ваад̇и д̇ам̣ саб̣б̣ам̣ згад̇о раасим̣ гад̇ваад̇и ад̇т̇о. сан̇кяам̣ г̇ажчад̇ийд̇и зд̇ам̣ вохаарам̣ г̇ажчад̇ийд̇и взд̣̇ид̇аб̣б̣анд̇и ад̇т̇о.
Idāni chandasamādhiādīni padāni bhājetvā dassetuṃ kathañca bhikkhūtiādi āraddhaṃ. Tattha chandañce bhikkhu adhipatiṃ karitvāti yadi bhikkhu chandaṃ adhipatiṃ chandaṃ jeṭṭhakaṃ chandaṃ dhuraṃ chandaṃ pubbaṅgamaṃ katvā samādhiṃ paṭilabhati nibbatteti, evaṃ nibbattito ayaṃ samādhi chandasamādhi nāma vuccatīti attho. Vīriyañcetiādīsupi eseva nayo. Ime vuccanti padhānasaṅkhārāti ettāvatā chandiddhipādaṃ bhāvayamānassa bhikkhuno padhānābhisaṅkhārasaṅkhātacatukiccasādhakaṃ vīriyaṃ kathitaṃ. Tadekajjhaṃ abhisaññūhitvāti taṃ sabbaṃ ekato rāsiṃ katvāti attho. Saṅkhyaṃ gacchatīti etaṃ vohāraṃ gacchatīti veditabbanti attho.
433. ид̣̇аани ‘‘чанд̣̇асамаад̇хибад̇хаанасан̇кааро’’д̇и зд̇асмим̣ бад̣̇асамуухз чанд̣̇аад̣̇ид̇хаммз бхааж̇зд̇ваа д̣̇ассзд̇ум̣ д̇ад̇т̇а гад̇амо чанд̣̇од̇иаад̣̇и аарад̣̇д̇хам̣. д̇ам̣ уд̇д̇аанад̇т̇амзва.
433. Idāni ‘‘chandasamādhipadhānasaṅkhāro’’ti etasmiṃ padasamūhe chandādidhamme bhājetvā dassetuṃ tattha katamo chandotiādi āraddhaṃ. Taṃ uttānatthameva.
убзд̇о ход̇ийд̇и ид̣̇д̇хибаад̣̇асан̇каад̇о д̇хаммарааси убзд̇о ход̇и. д̇зсам̣ д̇хаммаананд̇и д̇зсам̣ самбаяуд̇д̇аанам̣ чанд̣̇аад̣̇ид̇хаммаанам̣. ид̣̇д̇хи самид̣̇д̇хийд̇иаад̣̇ийни саб̣б̣аани нибпад̇д̇ивзважанаанзва. звам̣ санд̇зби иж̇жханагадтзна ид̣̇д̇хи. самбун̣н̣аа ид̣̇д̇хи самид̣̇д̇хи; убасаг̇г̇зна ваа бад̣̇ам̣ вад̣дхид̇ам̣. иж̇жханаагааро иж̇жханаа. самиж̇жханаад̇и убасаг̇г̇зна бад̣̇ам̣ вад̣дхид̇ам̣. ад̇д̇ано санд̇аанз баад̇убхаававасзна лабханам̣ лаабхо. барихийнаанамби вийрияаарамбхавасзна буна лаабхо бадилаабхо; убасаг̇г̇зна ваа бад̣̇ам̣ вад̣дхид̇ам̣. бад̇д̇ийд̇и ад̇хиг̇амо. абарихаанавасзна саммаа бад̇д̇ийд̇и самбад̇д̇и. пусанаад̇и бадилаабхапусанаа. сажчигирияаад̇и бадилаабхасажчигирияаава. убасамбад̣̇аад̇и бадилаабхаубасамбад̣̇аа зваад̇и взд̣̇ид̇аб̣б̣аа.
Upeto hotīti iddhipādasaṅkhāto dhammarāsi upeto hoti. Tesaṃ dhammānanti tesaṃ sampayuttānaṃ chandādidhammānaṃ. Iddhi samiddhītiādīni sabbāni nipphattivevacanāneva. Evaṃ santepi ijjhanakaṭṭhena iddhi. Sampuṇṇā iddhi samiddhi; upasaggena vā padaṃ vaḍḍhitaṃ. Ijjhanākāro ijjhanā. Samijjhanāti upasaggena padaṃ vaḍḍhitaṃ. Attano santāne pātubhāvavasena labhanaṃ lābho. Parihīnānampi vīriyārambhavasena puna lābho paṭilābho; upasaggena vā padaṃ vaḍḍhitaṃ. Pattīti adhigamo. Aparihānavasena sammā pattīti sampatti. Phusanāti paṭilābhaphusanā. Sacchikiriyāti paṭilābhasacchikiriyāva. Upasampadāti paṭilābhaupasampadā evāti veditabbā.
д̇аяаабхууд̇ассаад̇и д̇зна аагаарзна бхууд̇асса; д̇з чанд̣̇аад̣̇ид̇хаммз бадилабхид̇ваа тид̇ассаад̇и ад̇т̇о. взд̣̇анаагканд̇ход̇иаад̣̇ийхи чанд̣̇аад̣̇аяо анд̇о гад̇ваа жад̇д̇аароби канд̇хаа гат̇ид̇аа. д̇з д̇хаммзд̇и д̇з жад̇д̇ааро аруубагканд̇хз; чанд̣̇аад̣̇аяо ваа д̇аяо д̇хаммзд̇иби вуд̇д̇ам̣. аасзвад̇ийд̇иаад̣̇ийни вуд̇д̇ад̇т̇аанзва. сзсаид̣̇д̇хибаад̣̇анид̣̇д̣̇зсзсуби иминаава наязна ад̇т̇о взд̣̇ид̇аб̣б̣о.
Tayābhūtassāti tena ākārena bhūtassa; te chandādidhamme paṭilabhitvā ṭhitassāti attho. Vedanākkhandhotiādīhi chandādayo anto katvā cattāropi khandhā kathitā. Te dhammeti te cattāro arūpakkhandhe; chandādayo vā tayo dhammetipi vuttaṃ. Āsevatītiādīni vuttatthāneva. Sesaiddhipādaniddesesupi imināva nayena attho veditabbo.
зд̇д̇аавад̇аа гим̣ гат̇ид̇анд̇и? жад̇уннам̣ бхигкуунам̣ мад̇т̇агаббад̇д̇ам̣ гаммадтаанам̣ гат̇ид̇ам̣. зго хи бхигку чанд̣̇ам̣ авассаяад̇и; гад̇д̇угамяад̇аагусалад̇хаммажчанд̣̇зна ад̇т̇анибпад̇д̇ияам̣ сад̇и ‘ахам̣ логуд̇д̇арад̇хаммам̣ ниб̣б̣ад̇д̇зссаами, над̇т̇и маяхам̣ зд̇асса ниб̣б̣ад̇д̇анз бхааро’д̇и чанд̣̇ам̣ ж̇здтагам̣ чанд̣̇ам̣ д̇хурам̣ чанд̣̇ам̣ буб̣б̣ан̇г̇амам̣ гад̇ваа логуд̇д̇арад̇хаммам̣ ниб̣б̣ад̇д̇зд̇и. зго вийрияам̣ авассаяад̇и. зго жид̇д̇ам̣, зго бан̃н̃ам̣ авассаяад̇и. бан̃н̃ааяа ад̇т̇анибпад̇д̇ияам̣ сад̇и ‘ахам̣ логуд̇д̇арад̇хаммам̣ ниб̣б̣ад̇д̇зссаами , над̇т̇и маяхам̣ зд̇асса ниб̣б̣ад̇д̇анз бхааро’д̇и бан̃н̃ам̣ ж̇здтагам̣ бан̃н̃ам̣ д̇хурам̣ бан̃н̃ам̣ буб̣б̣ан̇г̇амам̣ гад̇ваа логуд̇д̇арад̇хаммам̣ ниб̣б̣ад̇д̇зд̇и.
Ettāvatā kiṃ kathitanti? Catunnaṃ bhikkhūnaṃ matthakappattaṃ kammaṭṭhānaṃ kathitaṃ. Eko hi bhikkhu chandaṃ avassayati; kattukamyatākusaladhammacchandena atthanipphattiyaṃ sati ‘ahaṃ lokuttaradhammaṃ nibbattessāmi, natthi mayhaṃ etassa nibbattane bhāro’ti chandaṃ jeṭṭhakaṃ chandaṃ dhuraṃ chandaṃ pubbaṅgamaṃ katvā lokuttaradhammaṃ nibbatteti. Eko vīriyaṃ avassayati. Eko cittaṃ, eko paññaṃ avassayati. Paññāya atthanipphattiyaṃ sati ‘ahaṃ lokuttaradhammaṃ nibbattessāmi , natthi mayhaṃ etassa nibbattane bhāro’ti paññaṃ jeṭṭhakaṃ paññaṃ dhuraṃ paññaṃ pubbaṅgamaṃ katvā lokuttaradhammaṃ nibbatteti.
гат̇ам̣? яат̇аа хи жад̇уусу амажжабуд̇д̇зсу таананд̇арам̣ бад̇т̇зд̇ваа вижаранд̇зсу зго убадтаанам̣ авассаяи, зго суурабхаавам̣, зго ж̇аад̇им̣, зго манд̇ам̣. гат̇ам̣? д̇зсу хи батамо ‘убадтаанз аббамаад̣̇агаарид̇ааяа ад̇т̇анибпад̇д̇ияаа сад̇и лаб̣бхамаанам̣ лажчаамзд̇ам̣ таананд̇ара’нд̇и убадтаанам̣ авассаяи. д̣̇уд̇ияо ‘убадтаанз аббамад̇д̇оби згажжо сан̇г̇аамз бажжубадтид̇з сан̣таад̇ум̣ на саггод̇и; авассам̣ ко бана ран̃н̃о бажжанд̇о губбиссад̇и; д̇асмим̣ губбид̇з рат̇ад̇хурз гаммам̣ гад̇ваа рааж̇аанам̣ аараад̇хзд̇ваа аахараабзссаамзд̇ам̣ таананд̇ара’нд̇и суурабхаавам̣ авассаяи. д̇ад̇ияо ‘суурабхаавзби сад̇и згажжо хийнаж̇аад̇иго ход̇и; ж̇аад̇им̣ сод̇хзд̇ваа таананд̇арам̣ д̣̇ад̣̇анд̇аа маяхам̣ д̣̇ассанд̇ий’д̇и ж̇аад̇им̣ авассаяи. жад̇уд̇т̇о ‘ж̇аад̇имааби зго аманд̇анийяо ход̇и; манд̇зна гад̇д̇аб̣б̣агижжз уббаннз аахараабзссаамзд̇ам̣ таананд̇ара’нд̇и манд̇ам̣ авассаяи. д̇з саб̣б̣зби ад̇д̇ано ад̇д̇ано авассаяаб̣алзна таананд̇араани баабун̣им̣су.
Kathaṃ? Yathā hi catūsu amaccaputtesu ṭhānantaraṃ patthetvā vicarantesu eko upaṭṭhānaṃ avassayi, eko sūrabhāvaṃ, eko jātiṃ, eko mantaṃ. Kathaṃ? Tesu hi paṭhamo ‘upaṭṭhāne appamādakāritāya atthanipphattiyā sati labbhamānaṃ lacchāmetaṃ ṭhānantara’nti upaṭṭhānaṃ avassayi. Dutiyo ‘upaṭṭhāne appamattopi ekacco saṅgāme paccupaṭṭhite saṇṭhātuṃ na sakkoti; avassaṃ kho pana rañño paccanto kuppissati; tasmiṃ kuppite rathadhure kammaṃ katvā rājānaṃ ārādhetvā āharāpessāmetaṃ ṭhānantara’nti sūrabhāvaṃ avassayi. Tatiyo ‘sūrabhāvepi sati ekacco hīnajātiko hoti; jātiṃ sodhetvā ṭhānantaraṃ dadantā mayhaṃ dassantī’ti jātiṃ avassayi. Catuttho ‘jātimāpi eko amantanīyo hoti; mantena kattabbakicce uppanne āharāpessāmetaṃ ṭhānantara’nti mantaṃ avassayi. Te sabbepi attano attano avassayabalena ṭhānantarāni pāpuṇiṃsu.
д̇ад̇т̇а убадтаанз аббамад̇д̇о худ̇ваа таананд̇арам̣ бад̇д̇о вияа чанд̣̇ам̣ авассааяа гад̇д̇угамяад̇аагусалад̇хаммажчанд̣̇зна ад̇т̇аниб̣б̣ад̇д̇ияам̣ сад̇и ‘ахам̣ логуд̇д̇арад̇хаммам̣ ниб̣б̣ад̇д̇зссаами, над̇т̇и маяхам̣ зд̇асса ниб̣б̣ад̇д̇анз бхааро’д̇и чанд̣̇ам̣ ж̇здтагам̣ чанд̣̇ам̣ д̇хурам̣ чанд̣̇ам̣ буб̣б̣ан̇г̇амам̣ гад̇ваа логуд̇д̇арад̇хамманиб̣б̣ад̇д̇аго д̣̇адтаб̣б̣о, радтабаалад̇т̇зро (ма. ни. 2.293 аад̣̇аяо) вияа. со хи ааяасмаа чанд̣̇ам̣ д̇хурам̣ гад̇ваа логуд̇д̇арад̇хаммам̣ ниб̣б̣ад̇д̇зси. суурабхаавзна рааж̇аанам̣ аараад̇хзд̇ваа таананд̇арам̣ бад̇д̇о вияа вийрияам̣ ж̇здтагам̣ вийрияам̣ д̇хурам̣ вийрияам̣ буб̣б̣ан̇г̇амам̣ гад̇ваа логуд̇д̇арад̇хамманиб̣б̣ад̇д̇аго д̣̇адтаб̣б̣о, сон̣ад̇т̇зро (махаава. 243) вияа. со хи ааяасмаа вийрияам̣ д̇хурам̣ гад̇ваа логуд̇д̇арад̇хаммам̣ ниб̣б̣ад̇д̇зси.
Tattha upaṭṭhāne appamatto hutvā ṭhānantaraṃ patto viya chandaṃ avassāya kattukamyatākusaladhammacchandena atthanibbattiyaṃ sati ‘ahaṃ lokuttaradhammaṃ nibbattessāmi, natthi mayhaṃ etassa nibbattane bhāro’ti chandaṃ jeṭṭhakaṃ chandaṃ dhuraṃ chandaṃ pubbaṅgamaṃ katvā lokuttaradhammanibbattako daṭṭhabbo, raṭṭhapālatthero (ma. ni. 2.293 ādayo) viya. So hi āyasmā chandaṃ dhuraṃ katvā lokuttaradhammaṃ nibbattesi. Sūrabhāvena rājānaṃ ārādhetvā ṭhānantaraṃ patto viya vīriyaṃ jeṭṭhakaṃ vīriyaṃ dhuraṃ vīriyaṃ pubbaṅgamaṃ katvā lokuttaradhammanibbattako daṭṭhabbo, soṇatthero (mahāva. 243) viya. So hi āyasmā vīriyaṃ dhuraṃ katvā lokuttaradhammaṃ nibbattesi.
ж̇аад̇исамбад̇д̇ияаа таананд̇арам̣ бад̇д̇о вияа жид̇д̇ам̣ ж̇здтагам̣ жид̇д̇ам̣ д̇хурам̣ жид̇д̇ам̣ буб̣б̣ан̇г̇амам̣ гад̇ваа логуд̇д̇арад̇хамманиб̣б̣ад̇д̇аго д̣̇адтаб̣б̣о, самбхууд̇ад̇т̇зро вияа. со хи ааяасмаа жид̇д̇ам̣ д̇хурам̣ гад̇ваа логуд̇д̇арад̇хаммам̣ ниб̣б̣ад̇д̇зси. манд̇ам̣ авассааяа таананд̇араббад̇д̇о вияа виймам̣сам̣ ж̇здтагам̣ виймам̣сам̣ д̇хурам̣ виймам̣сам̣ буб̣б̣ан̇г̇амам̣ гад̇ваа логуд̇д̇арад̇хамманиб̣б̣ад̇д̇аго д̣̇адтаб̣б̣о, т̇зро могхарааж̇аа вияа. со хи ааяасмаа виймам̣сам̣ д̇хурам̣ гад̇ваа логуд̇д̇арад̇хаммам̣ ниб̣б̣ад̇д̇зси.
Jātisampattiyā ṭhānantaraṃ patto viya cittaṃ jeṭṭhakaṃ cittaṃ dhuraṃ cittaṃ pubbaṅgamaṃ katvā lokuttaradhammanibbattako daṭṭhabbo, sambhūtatthero viya. So hi āyasmā cittaṃ dhuraṃ katvā lokuttaradhammaṃ nibbattesi. Mantaṃ avassāya ṭhānantarappatto viya vīmaṃsaṃ jeṭṭhakaṃ vīmaṃsaṃ dhuraṃ vīmaṃsaṃ pubbaṅgamaṃ katvā lokuttaradhammanibbattako daṭṭhabbo, thero mogharājā viya. So hi āyasmā vīmaṃsaṃ dhuraṃ katvā lokuttaradhammaṃ nibbattesi.
зд̇т̇а жа д̇аяо чанд̣̇асамаад̇хибад̇хаанасан̇каарасан̇каад̇аа д̇хаммаа ид̣̇д̇хийби хонд̇и ид̣̇д̇хибаад̣̇ааби. сзсаа бана самбаяуд̇д̇агаа жад̇д̇ааро канд̇хаа ид̣̇д̇хибаад̣̇ааязва. вийрияажид̇д̇авиймам̣сасамаад̇хибад̇хаанасан̇каарасан̇каад̇ааби д̇аяо д̇хаммаа ид̣̇д̇хийби хонд̇и ид̣̇д̇хибаад̣̇ааби. сзсаа бана самбаяуд̇д̇агаа жад̇д̇ааро канд̇хаа ид̣̇д̇хибаад̣̇ааязва. аяам̣ д̇аава абхзд̣̇ад̇о гат̇аа.
Ettha ca tayo chandasamādhipadhānasaṅkhārasaṅkhātā dhammā iddhīpi honti iddhipādāpi. Sesā pana sampayuttakā cattāro khandhā iddhipādāyeva. Vīriyacittavīmaṃsasamādhipadhānasaṅkhārasaṅkhātāpi tayo dhammā iddhīpi honti iddhipādāpi. Sesā pana sampayuttakā cattāro khandhā iddhipādāyeva. Ayaṃ tāva abhedato kathā.
бхзд̣̇ад̇о бана ‘чанд̣̇о’ ид̣̇д̇хи наама. чанд̣̇ад̇хурзна бхаавид̇аа жад̇д̇ааро канд̇хаа чанд̣̇ид̣̇д̇хибаад̣̇о наама. самаад̇хи бад̇хаанасан̇каарод̇и д̣̇вз д̇хаммаа сан̇каарагканд̇хавасзна чанд̣̇ид̣̇д̇хибаад̣̇з бависанд̇и; баад̣̇з бавидтаад̇иби вад̇д̇ум̣ ваддад̇иязва. д̇ад̇т̇зва ‘самаад̇хи’ ид̣̇д̇хи наама. самаад̇хид̇хурзна бхаавид̇аа жад̇д̇ааро канд̇хаа самаад̇хид̣̇д̇хибаад̣̇о наама. чанд̣̇о бад̇хаанасан̇каарод̇и д̣̇вз д̇хаммаа сан̇каарагканд̇хавасзна самаад̇хид̣̇д̇хибаад̣̇з бависанд̇и; баад̣̇з бавидтаад̇иби вад̇д̇ум̣ ваддад̇и зва. д̇ад̇т̇зва ‘бад̇хаанасан̇кааро’ ид̣̇д̇хи наама. бад̇хаанасан̇каарабхаавид̇аа жад̇д̇ааро канд̇хаа бад̇хаанасан̇каарид̣̇д̇хибаад̣̇о наама. чанд̣̇о самаад̇хийд̇и д̣̇вз д̇хаммаа сан̇каарагканд̇хавасзна бад̇хаанасан̇каарид̣̇д̇хибаад̣̇з бависанд̇и; баад̣̇з бавидтаад̇иби вад̇д̇ум̣ ваддад̇и зва. д̇ад̇т̇зва ‘вийрияам̣’ ид̣̇д̇хи наама, ‘жид̇д̇ам̣’ ид̣̇д̇хи наама, ‘виймам̣саа’ ид̣̇д̇хи наама…бз… баад̣̇з бавидтаад̇иби вад̇д̇ум̣ ваддад̇и зва. аяам̣ бхзд̣̇ад̇о гат̇аа наама.
Bhedato pana ‘chando’ iddhi nāma. Chandadhurena bhāvitā cattāro khandhā chandiddhipādo nāma. Samādhi padhānasaṅkhāroti dve dhammā saṅkhārakkhandhavasena chandiddhipāde pavisanti; pāde paviṭṭhātipi vattuṃ vaṭṭatiyeva. Tattheva ‘samādhi’ iddhi nāma. Samādhidhurena bhāvitā cattāro khandhā samādhiddhipādo nāma. Chando padhānasaṅkhāroti dve dhammā saṅkhārakkhandhavasena samādhiddhipāde pavisanti; pāde paviṭṭhātipi vattuṃ vaṭṭati eva. Tattheva ‘padhānasaṅkhāro’ iddhi nāma. Padhānasaṅkhārabhāvitā cattāro khandhā padhānasaṅkhāriddhipādo nāma. Chando samādhīti dve dhammā saṅkhārakkhandhavasena padhānasaṅkhāriddhipāde pavisanti; pāde paviṭṭhātipi vattuṃ vaṭṭati eva. Tattheva ‘vīriyaṃ’ iddhi nāma, ‘cittaṃ’ iddhi nāma, ‘vīmaṃsā’ iddhi nāma…pe… pāde paviṭṭhātipi vattuṃ vaṭṭati eva. Ayaṃ bhedato kathā nāma.
зд̇т̇а бана абхинавам̣ над̇т̇и; г̇ахид̇амзва вибхууд̇ад̇хаад̇угам̣ гад̇ам̣. гат̇ам̣? чанд̣̇о, самаад̇хи, бад̇хаанасан̇каарод̇и имз д̇аяо д̇хаммаа ид̣̇д̇хийби хонд̇и ид̣̇д̇хибаад̣̇ааби. сзсаа самбаяуд̇д̇агаа жад̇д̇ааро канд̇хаа ид̣̇д̇хибаад̣̇ааязва. имз хи д̇аяо д̇хаммаа иж̇жхамаанаа самбаяуд̇д̇агзхи жад̇уухи канд̇хзхи сад̣̇д̇хим̣язва иж̇жханд̇и, на винаа. самбаяуд̇д̇агаа бана жад̇д̇ааро канд̇хаа иж̇жханагадтзна ид̣̇д̇хи наама хонд̇и, бад̇идтаанадтзна баад̣̇о наама. ‘ид̣̇д̇хий’д̇и ваа ‘ид̣̇д̇хибаад̣̇о’д̇и ваа на ан̃н̃асса гассажи ад̇хиважанам̣, самбаяуд̇д̇агаанам̣ жад̇уннам̣ канд̇хаанам̣язва ад̇хиважанам̣. вийрияам̣, жид̇д̇ам̣, виймам̣саасамаад̇хибад̇хаанасан̇каарод̇и д̇аяо д̇хаммаа…бз… жад̇уннам̣ канд̇хаанам̣язва ад̇хиважанам̣.
Ettha pana abhinavaṃ natthi; gahitameva vibhūtadhātukaṃ kataṃ. Kathaṃ? Chando, samādhi, padhānasaṅkhāroti ime tayo dhammā iddhīpi honti iddhipādāpi. Sesā sampayuttakā cattāro khandhā iddhipādāyeva. Ime hi tayo dhammā ijjhamānā sampayuttakehi catūhi khandhehi saddhiṃyeva ijjhanti, na vinā. Sampayuttakā pana cattāro khandhā ijjhanakaṭṭhena iddhi nāma honti, patiṭṭhānaṭṭhena pādo nāma. ‘Iddhī’ti vā ‘iddhipādo’ti vā na aññassa kassaci adhivacanaṃ, sampayuttakānaṃ catunnaṃ khandhānaṃyeva adhivacanaṃ. Vīriyaṃ, cittaṃ, vīmaṃsāsamādhipadhānasaṅkhāroti tayo dhammā…pe… catunnaṃ khandhānaṃyeva adhivacanaṃ.
абижа буб̣б̣абхааг̇о буб̣б̣абхааг̇о ид̣̇д̇хибаад̣̇о наама; бадилаабхо бадилаабхо ид̣̇д̇хи наамаад̇и взд̣̇ид̇аб̣б̣о. аяамад̇т̇о убажаарзна ваа вибассанааяа ваа д̣̇ийбзд̇аб̣б̣о. батамаж̇жхаанабаригамман̃хи ид̣̇д̇хибаад̣̇о наама, батамаж̇жхаанам̣ ид̣̇д̇хи наама. д̣̇уд̇ияад̇ад̇ияажад̇уд̇т̇ааагаасаанан̃жааяад̇ана, вин̃н̃аан̣ан̃жааяад̇анааагин̃жан̃н̃ааяад̇ананзвасан̃н̃аанаасан̃н̃ааяад̇анабаригаммам̣ ид̣̇д̇хибаад̣̇о наама, нзвасан̃н̃аанаасан̃н̃ааяад̇анам̣ ид̣̇д̇хи наама. сод̇аабад̇д̇имаг̇г̇асса вибассанаа ид̣̇д̇хибаад̣̇о наама, сод̇аабад̇д̇имаг̇г̇о ид̣̇д̇хи наама. сагад̣̇ааг̇аами, анааг̇аами, арахад̇д̇амаг̇г̇асса вибассанаа ид̣̇д̇хибаад̣̇о наама, арахад̇д̇амаг̇г̇о ид̣̇д̇хи наама. бадилаабхзнааби д̣̇ийбзд̇ум̣ ваддад̇иязва. батамаж̇жхаанан̃хи ид̣̇д̇хибаад̣̇о наама, д̣̇уд̇ияаж̇жхаанам̣ ид̣̇д̇хи наама; д̣̇уд̇ияаж̇жхаанам̣ ид̣̇д̇хибаад̣̇о наама, д̇ад̇ияаж̇жхаанам̣ ид̣̇д̇хи наама…бз… анааг̇аамимаг̇г̇о ид̣̇д̇хибаад̣̇о наама, арахад̇д̇амаг̇г̇о ид̣̇д̇хи наама.
Apica pubbabhāgo pubbabhāgo iddhipādo nāma; paṭilābho paṭilābho iddhi nāmāti veditabbo. Ayamattho upacārena vā vipassanāya vā dīpetabbo. Paṭhamajjhānaparikammañhi iddhipādo nāma, paṭhamajjhānaṃ iddhi nāma. Dutiyatatiyacatutthaākāsānañcāyatana, viññāṇañcāyatanaākiñcaññāyatananevasaññānāsaññāyatanaparikammaṃ iddhipādo nāma, nevasaññānāsaññāyatanaṃ iddhi nāma. Sotāpattimaggassa vipassanā iddhipādo nāma, sotāpattimaggo iddhi nāma. Sakadāgāmi, anāgāmi, arahattamaggassa vipassanā iddhipādo nāma, arahattamaggo iddhi nāma. Paṭilābhenāpi dīpetuṃ vaṭṭatiyeva. Paṭhamajjhānañhi iddhipādo nāma, dutiyajjhānaṃ iddhi nāma; dutiyajjhānaṃ iddhipādo nāma, tatiyajjhānaṃ iddhi nāma…pe… anāgāmimaggo iddhipādo nāma, arahattamaggo iddhi nāma.
гзнадтзна ид̣̇д̇хи? гзнадтзна баад̣̇од̇и? иж̇жханагадтзнзва ид̣̇д̇хи. бад̇идтаанадтзнзва баад̣̇о. звамид̇хааби ид̣̇д̇хийд̇и ваа баад̣̇од̇и ваа на ан̃н̃асса гассажи ад̇хиважанам̣, самбаяуд̇д̇агаанам̣ жад̇уннам̣ канд̇хаанам̣язва ад̇хиважананд̇и. звам̣ вуд̇д̇з бана ид̣̇амаахам̣су – жад̇уннам̣ канд̇хаанамзва ад̇хиважанам̣ бхавзяяа, яад̣̇и сад̇т̇аа барад̇о уд̇д̇аражуул̣абхааж̇анийяам̣ наама на аахарзяяа. уд̇д̇аражуул̣абхааж̇анийяз бана ‘‘чанд̣̇оязва чанд̣̇ид̣̇д̇хибаад̣̇о, вийрияамзва, жид̇д̇амзва, виймам̣саава виймам̣сид̣̇д̇хибаад̣̇о’’д̇и гат̇ид̇ам̣. гзжи бана ‘‘ид̣̇д̇хи наама анибпаннаа, ид̣̇д̇хибаад̣̇о нибпанно’’д̇и вад̣̇им̣су. д̇зсам̣ важанам̣ бадигкибид̇ваа ид̣̇д̇хийби ид̣̇д̇хибаад̣̇оби ‘нибпанно д̇илагкан̣аб̣бхаахад̇о’д̇и саннидтаанам̣ гад̇ам̣. ид̇и имасмим̣ суд̇д̇анд̇абхааж̇анийяз логияалогуд̇д̇арамиссагаа ид̣̇д̇хибаад̣̇аа гат̇ид̇аад̇и.
Kenaṭṭhena iddhi? Kenaṭṭhena pādoti? Ijjhanakaṭṭheneva iddhi. Patiṭṭhānaṭṭheneva pādo. Evamidhāpi iddhīti vā pādoti vā na aññassa kassaci adhivacanaṃ, sampayuttakānaṃ catunnaṃ khandhānaṃyeva adhivacananti. Evaṃ vutte pana idamāhaṃsu – catunnaṃ khandhānameva adhivacanaṃ bhaveyya, yadi satthā parato uttaracūḷabhājanīyaṃ nāma na āhareyya. Uttaracūḷabhājanīye pana ‘‘chandoyeva chandiddhipādo, vīriyameva, cittameva, vīmaṃsāva vīmaṃsiddhipādo’’ti kathitaṃ. Keci pana ‘‘iddhi nāma anipphannā, iddhipādo nipphanno’’ti vadiṃsu. Tesaṃ vacanaṃ paṭikkhipitvā iddhīpi iddhipādopi ‘nipphanno tilakkhaṇabbhāhato’ti sanniṭṭhānaṃ kataṃ. Iti imasmiṃ suttantabhājanīye lokiyalokuttaramissakā iddhipādā kathitāti.
суд̇д̇анд̇абхааж̇анийяаван̣н̣анаа.
Suttantabhājanīyavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 9. ид̣̇д̇хибаад̣̇авибхан̇г̇о • 9. Iddhipādavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 9. ид̣̇д̇хибаад̣̇авибхан̇г̇о • 9. Iddhipādavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 9. ид̣̇д̇хибаад̣̇авибхан̇г̇о • 9. Iddhipādavibhaṅgo
